రేపు సప్తధామంలో గురుపౌర్ణమి వేడుకలు

పోచమ్మమైదాన్‌ : వరంగల్‌ ములుగురోడ్డులోని సప్తధామంలో మంగళవారం గురుపౌర్ణమి వేడుకలను ఘనంగా నిర్వహించేందుకు ఏర్పాట్లు చేశామని ట్రస్ట్‌ బోర్డు సభ్యుడు త్రిపురనేని గోపీచంద్‌ తెలిపారు. వరంగల్‌ బ్యాంకు కాలనీలో ఆదివారం ఏర్పాటుచేసిన విలేకరుల స మావేశంలో ఆయన మాట్లాడారు. గురుపౌర్ణమిని పురస్కరించుకుని సప్తధామంలోని ఆలయంలో అభిషేకం, అర్చన, హారతితో పాటు సామూహిక భజన, పూజ, గురుపూజ ఉంటాయని తెలిపారు. ఆ తర్వాత శ్రీసద్గురు శివానందమూర్తి గురువు సందేశం వినిపిస్తామని పేర్కొన్నారు. అలాగే, రాష్ట్రప్రభు త్వం చేపడుతున్న హరితహారంలో భా గంగా సప్తధామంలో మెుక్కలు నాటనున్నామని గోపీచంద్‌ వివరించారు. ఈ మేరకు భక్తులు పెద్దసంఖ్యలో హాజరుకావాలని ఆయన కోరారు. విలేకరుల సమావేశంలో సోమ రామయ్య, ఉమాశంకర్‌ తదితరులు పాల్గొన్నారు.