హెచ్‌యూఎల్‌ లాభం 1,038 కోట్లు | HUL Q3 net rises 7% to Rs 1038 cr on exceptional income | Sakshi
Sakshi News home page

హెచ్‌యూఎల్‌ లాభం 1,038 కోట్లు

Jan 24 2017 12:47 AM | Updated on Sep 5 2017 1:55 AM

హెచ్‌యూఎల్‌ లాభం 1,038 కోట్లు

హెచ్‌యూఎల్‌ లాభం 1,038 కోట్లు

ఎఫ్‌ఎంసీజీ దిగ్గజం హిందుస్తాన్‌ యునిలివర్‌(హెచ్‌యూఎల్‌) ప్రస్తుత ఆర్థిక సంవత్సరం మూడో త్రైమాసిక కాలంలో రూ.1,038 కోట్ల నికర లాభం(స్టాండోలోన్‌) ఆర్జించింది.

క్యూ3లో 7 శాతం వృద్ధి
న్యూఢిల్లీ: ఎఫ్‌ఎంసీజీ దిగ్గజం హిందుస్తాన్‌ యునిలివర్‌(హెచ్‌యూఎల్‌) ప్రస్తుత ఆర్థిక సంవత్సరం మూడో త్రైమాసిక కాలంలో రూ.1,038 కోట్ల నికర లాభం(స్టాండోలోన్‌) ఆర్జించింది. గత ఆర్థిక సంవత్సరం ఇదే క్వార్టర్‌లో సాధించిన నికర లాభం(రూ.972 కోట్లు)తో పోల్చితే 7% వృద్ధి సాధించామని హెచ్‌యూఎల్‌  తెలిపింది. అసాధారణ ఆదాయం అధికంగా ఉండటంతో  ఈ స్థాయి నికర లాభం వచ్చిందని హెచ్‌యూఎల్‌ చైర్మన్‌  హరీశ్‌ మన్వాని చెప్పారు. గత క్యూ3లో రూ.80 కోట్ల అసాధారణ వ్యయాలు ఉండగా, ఈ క్యూ3లో రూ.153 కోట్ల అసాధారణ ఆదాయం వచ్చిందన్నారు. మొత్తం ఆదాయం రూ.8,385 కోట్ల నుంచి 0.8% క్షీణించి రూ.8,318 కోట్లకు పడిపోయిందని పేర్కొన్నారు.

హోమ్‌ సెగ్మెంట్‌ రాబడులు 1 శాతం వృద్ధితో రూ.2,689 కోట్లకు,  రిఫ్రెష్‌మెంట్‌ సెగ్మెంట్‌ రాబడి స్వల్పంగా పెరిగి రూ.279 కోట్లకు, ఆహార పదార్థాల విభాగం రాబడి 8 శాతం వృద్ధితో రూ.1,164 కోట్లకు పెరిగాయని హరీశ్‌ చెప్పారు.  వ్యక్తిగత ఉత్పత్తుల ఆదాయం 3 శాతం తగ్గి రూ.3,980 కోట్లకు, ఎగుమతులు, నీరు. ఇన్‌ఫాంట్‌ కేర్‌ వ్యాపారాల రాబడులు 27% తగ్గి రూ.195 కోట్లకు తగ్గాయని వివరించారు.

మార్జిన్ల మెరుగుదలపై దృష్టి..
మార్కెట్‌ పుంజుకుంటున్న సమయంలో పెద్ద కరెన్సీ నోట్ల రద్దు దెబ్బతీసిందని  హరీశ్‌ మన్వాని పేర్కొన్నారు. అయితే తాము ఈ ప్రభావాన్ని తట్టుకోగలిగామని వివరించారు. పరిస్థితులు సాధారణ స్థాయికి వస్తున్నాయని, మార్జిన్ల మెరుగుదలపై దృష్టిని కొనసాగిస్తున్నామని చెప్పారు. బీఎస్‌ఈలో హెచ్‌యూఎల్‌ షేర్‌ స్వల్పంగా తగ్గి రూ.863 వద్ద స్థిరపడింది.  మార్కెట్‌ ముగిశాక ఆర్థిక ఫలితాలు వెలువడ్డాయి.

Advertisement

Related News By Category

Related News By Tags

Advertisement
 
Advertisement

పోల్

Advertisement