ఎయిర్‌ ఇండియా బంపర్‌ ఆఫర్‌

ఎయిర్‌ ఇండియా బంపర్‌ ఆఫర్‌

న్యూఢిల్లీ: విమానయాన సంస్థ ఎయిర్‌ఇండియా బంపర్‌ ఆఫర్‌ ప్రకటించింది. ముఖ్యంగా దేశీయ విమానాల్లో విద్యార్థులకు   డిస్కౌంట్ల రేట్లలో విమాన టికెట్లను ఆఫర్‌ చేస్తోంది.  ఎకనామీ తరగతి టికెట్లపై 50శాతం డిస్కౌంట్‌ ఇస్తున్నట్లు వెల్లడించింది. 12నుంచి 26 సం.రాల వయస్సున్న విద్యార్థులు ఈ ఆఫర్‌ను వినియోగించుకోవచ్చు. ఈ ఆఫర్‌  విద్యార్థులతోపాటు సైనికులు, సీనియర్‌ సిటిజన్స్‌కు వర్తించనున్నట్లు తెలిపింది. ట్విట్టర్‌ ద్వారా  ఈ డిస్కౌంట్‌ ఆఫర్‌ను ఎయిర్‌ఇండియా  వెల్లడించింది.


సెప్టెంబర్‌ 1 నుంచి ఆ ఆఫర్‌ వర్తిస్తుందనీ,  ప్రయాణానికి వారం రోజుల ముందు టికెట్లను బుక్‌  చేసుకోవాల్సి ఉంటుందని తెలిపింది. అయితే ఈ ఆఫర్‌ద్వారా టికెట్‌  బుకింగ్‌  ముగింపు తేదీని మాత్రం స్పష్టం చేయలేదు. అలాగే ఈ ఆఫర్‌ లో 25కేజీల చెక్‌ ఇన్‌బ్యాగేజీ కూడా ఉచితమని తెలిపింది. ఎయిర్‌ ఇండియా అధికార వెబ్‌సైట్‌, కార్యాలయాల్లో టికెట్లను  బుక్‌  చేసుకోవచ్చు.  మరిన్ని వివరాలకు ఎయిర్‌ ఇండియా అధికారిక వెబ్‌సైట్‌ను పరిశీలించవచ్చు.
 

#AIUpdate: Effective #today avail 50% #discount on #Students along with #ArmedForces #SeniorCitizens Pl visit https://t.co/T1SVjRluZv #FlyAI pic.twitter.com/n29xNWsyB5

— Air India (@airindiain) September 1, 2017