దురుద్దేశంతోనే ప్రభుత్వ పెద్దల దుష్ప్రచారం

TDP Negative Campaign On Election Commission Officers - Sakshi

రాష్ట్ర ఎన్నికల సంఘాన్ని అప్రతిష్ట పాలు చేసే పన్నాగం

ఎన్నికల నిర్వహణలో విఫలమయ్యారంటూ ఆరోపణలు

కేవలం 0.03 శాతం ఈవీఎంల మొరాయింపుపై రాద్ధాంతం

సాక్షి, అమరావతి: ఎన్నికల్లో ప్రజల తీర్పును అపహాస్యం చేసేలా ప్రభుత్వ పెద్దలు చేస్తున్న దుష్ప్రచారంపై రాష్ట్ర ఎన్నికల సంఘం దృష్టి సారించింది. 2014 ఎన్నికల కంటే పకడ్బందీగా, మెరుగ్గా ఎన్నికలు నిర్వహించినప్పటికీ.. దురుద్దేశపూరితంగా, ఎన్నికల సంఘాన్ని అప్రతిష్ట పాలుచేసేలా పన్నాగం పన్నుతున్నారని నిర్ధారణకు వచ్చింది. ఎన్నికల ఫలితాలను అంచనా వేస్తూనే.. ముందుగా బురదజల్లేందుకు కుయుక్తులకు పాల్పడుతున్నారని భావిస్తోంది. ప్రభుత్వ పెద్దల వైఖరిని తీవ్రంగా పరిగణిస్తూ.. ఈ మేరకు పూర్తి నివేదికను కేంద్ర ఎన్నికల సంఘానికి పంపాలని నిర్ణయించినట్లు సమాచారం. వాస్తవానికి రాష్ట్రంలో ఎన్నికలు ప్రశాంతంగా ముగిశాయి. రికార్డు స్థాయిలో దాదాపు 80 శాతం పోలింగ్‌ నమోదైంది. 2014లో 78.41 శాతం ఓట్లు పోలవగా ఈసారి ఎన్నికల్లో 79.64 శాతం ఓట్లు పోలవడం ప్రాధాన్యం సంతరించుకుంది.

పోలింగ్‌ సందర్భంగా హింసాత్మక సంఘటనలు కూడా చాలావరకు తగ్గాయి. గత ఎన్నికల్లో రాష్ట్రంలో 284 హింసాత్మక సంఘటనలు నమోదు కాగా.. ఈ ఎన్నికల్లో కేవలం 25 హింసాత్మక ఘటనలే జరగడం గమనార్హం. గత ఎన్నికల సందర్భంగా జరిగిన ఘర్షణల్లో ఆరుగురు మరణిస్తే.. ఈసారి ఇద్దరు మృతి చెందారు. ఇలా ఏ విధంగా చూసినా 2014 ఎన్నికల కంటే ఈ సారి ఎన్నికలు ప్రశాంతంగా జరిగాయనే చెప్పాలి. అయినప్పటికీ రాష్ట్ర ప్రభుత్వ పెద్దలు ఉద్దేశపూర్వకంగా తమపై ఆరోపణలు చేస్తున్నారని, ఈవీఎంల మొరాయింపు అంశంపై కూడా అర్థరహితంగా నానా యాగీ చేస్తున్నారని రాష్ట్ర ఎన్నికల సంఘం భావిస్తోంది. 2014 ఎన్నికల్లో 3 శాతం ఈవీఎంలు మొరాయించగా ఈసారి మాత్రం కేవలం 0.03 శాతం ఈవీఎంలే మొరాయించాయి. అయినా పోలింగ్‌ రోజు సాయంత్రం 6 గంటలకు క్యూలైన్లో నిలుచున్న వారందరికీ ఎంత రాత్రి అయినా ఓటింగ్‌ వేసే అవకాశం కల్పించారు. దివ్యాంగుల కోసం తొలిసారిగా ఈ ఎన్నికల్లో వీల్‌ చెయిర్లు ఏర్పాటు చేశారు. ఎన్నికల సంఘం పకడ్బందీగా ఎన్నికలు నిర్వహించిందనడానికి ఈ అంశాలే నిదర్శనం. 

అయినా ఎందుకింత రాద్ధాంతం..
ప్రభుత్వ పెద్దల ఆరోపణల నేపథ్యంలో ఎన్నికల సంఘం అసలు విషయం కూపీ లాగింది. అందులో విస్మయకర వాస్తవాలు వెలుగుచూశాయి. టీడీపీకీ అనుకూలురైన అతి కొద్దిమంది అధికారులు.. ప్రభుత్వ పెద్దల ఆదేశాలతో ఎన్నికల సంఘానికి చెడ్డపేరు తెచ్చేందుకు ఉద్దేశపూర్వకంగానే సరిగా ఏర్పాట్లు చేయలేదు. ఎన్నికల నిర్వహణపై జిల్లా కలెక్టర్లకు ఎన్నికల సంఘం పూర్తి స్వేచ్ఛను, అధికారాలను ఇచ్చింది. వారు అడిగినన్ని నిధులు కూడా విడుదల చేసింది. ఎండ వేడిని దృష్టిలో పెట్టుకొని తాగునీరు, నీడనిచ్చే విధంగా టెంట్లు ఏర్పాటు చేయాల్సిందిగా పలుమార్లు సూచించింది. కానీ కొన్ని పోలింగ్‌ కేంద్రాల వద్ద  అధికారులు కావాలనే ఈ మేరకు ఏర్పాట్లు చేయలేదన్న విషయం తెలియవచ్చింది. అంతేకాదు ఆ పోలింగ్‌ కేంద్రాల వద్ద టీడీపీ అనుకూల ఎల్లో మీడియా ముందస్తుగానే సన్నద్ధమై.. ఎన్నికల ఏర్పాట్లలో లోపాలను ఎత్తిచూపిస్తూ దుష్ప్రచారం చేసినట్లు తేలింది. రాష్ట్ర ఎన్నికల ప్రధాన అధికారి గోపాలకృష్ణ ద్వివేది విఫలమైనట్లు కథనాలు వండివార్చింది.

వాస్తవానికి పోలింగ్‌ తేదీకి ముందు టీడీపీకి అనుకూలంగా, ప్రభుత్వ పెద్దల ఒత్తిళ్లకు లొంగి వ్యవహరిస్తున్న సీఎస్‌ సహా పలువురు అధికారులను ఆ బాధ్యతల నుంచి కేంద్ర ఎన్నికల సంఘం తప్పించింది. రాష్ట్ర ఎన్నికల సంఘం నుంచి నివేదికలు తెప్పించుకున్న సీఈసీ ఈ చర్యలు చేపట్టింది. ఈ నేపథ్యంలో రాష్ట్ర ఎన్నికల సంఘంపై తొలినుంచీ ఆగ్రహంతో ఉన్న ప్రభుత్వ పెద్దలు.. ఎన్నికల నిర్వహణలో రాష్ట్ర ఎన్నికల సంఘం విఫలమైందని ప్రచారం చేసేందుకు తమ అనుకూల అధికారులను పావులుగా వాడుకున్నట్టుగా ఎన్నికల సంఘం విచారణలో తేలింది. ఎన్నికల విధుల్లో పాల్గొన్న 3.5 లక్షల మంది ఉద్యోగులు, అధికారులందరూ ఎన్నికల సంఘం కిందకే వస్తారు. కానీ ముఖ్యమంత్రి చంద్రబాబు.. వీరినందరినీ వదిలేసి కేవలం ఎన్నికల సంఘంలోని ఒకరిద్దరు ఉన్నతాధికారులనే లక్ష్యంగా చేసుకొని ఆరోపణలు చేయడం గమనార్హం. 11వ తేదీ ఎన్నికలు ప్రారభమైన వెంటనే 30 శాతం ఓటింగ్‌ యంత్రాలు పనిచేయడం లేదంటూ ముఖ్యమంత్రి ప్రచారం చేశారని, వాటి వివరాలు ఇవ్వాలని ఎన్నికల సంఘం బహిరంగంగా సవాల్‌ విసిరితే స్పందించ లేదని ఈసీ అధికారులు చెబుతున్నారు. 

నిబంధనలు పాటిస్తే ఒకరికి కొమ్ము కాయడమా?
నిబద్ధతతో వ్యవహరించిన రాష్ట్ర ఎన్నికల ప్రధానాధికారి ద్వివేదితోపాటు ఎన్నికల సంఘం అధికారులపై చంద్రబాబు, టీడీపీ అసత్య ఆరోపణలు చేయడంపై దేశవ్యాప్తంగా వ్యతిరేకత వ్యక్తమవుతోంది. ఏ పార్టీకి కొమ్ము కాయకుండా స్వతంత్రంగా వ్యవహరించిన అధికారులకు రాజకీయ దురుద్దేశాలు ఆపాదించడాన్ని నిపుణులు, రిటైర్డ్‌ ఉన్నతాధికారులు తప్పుబడుతున్నారు. ఎన్నికల సంఘంపై అధికార టీడీపీ చేస్తున్న దుష్ప్రచారం ప్రభావం.. మలిదశ ఎన్నికలపై పడుతుందని ఆందోళన వ్యక్తంచేస్తున్నారు. ఈ నేపథ్యంలోనే రాష్ట్రంలో ఎన్నికలు ఎంత సజావుగా నిర్వహించిందీ, అలాగే అధికార టీడీపీ ఏ విధంగా దుష్ప్రచారం చేస్తోందీ వివరిస్తూ పూర్తి నివేదికను రాష్ట్ర ఎన్నికల సంఘం తయారు చేస్తున్నట్లు సమాచారం. 

పోలింగ్‌ సరళిపైనా అవాస్తవాల ప్రచారం 
ఎన్నికల సంఘాన్ని అప్రతిష్టపాలు చేసే కుట్రతో టీడీపీ విడుదల చేసిన పోలింగ్‌ సరళి వివరాలు పూర్తిగా అవాస్తమన్నది బట్టబయలైంది. 11వ తేదీ అర్ధరాత్రి దాటిన తర్వాత కూడా.. తెల్లవారుజాము వరకు పోలింగ్‌ నిర్వహించడం ఎన్నికల సంఘం వైఫల్యంగా సీఎం చంద్రబాబుతో పాటు ఎల్లో మీడియా ప్రధానంగా చెబుతోంది. ఈ మేరకు గురువారం రాత్రి 9 గంటల తర్వాత కూడా పోలింగ్‌ నిర్వహించిన కేంద్రాలు ఇవీ అంటూ టీడీపీ ఓ జాబితాను సోమవారం విడుదల చేసింది. కానీ అందులోని వివరాలన్నీ అవాస్తవమని తేలింది. రాష్ట్రంలో పోలింగ్‌ సరళికి సంబంధించిన వాస్తవాలు ఈ విషయాన్ని వెల్లడిస్తున్నాయి. గురువారం రాత్రి 9 గంటల తరువాత సాగిన పోలింగ్‌కు సంబంధించి టీడీపీ ఆరోపణలు, అసలు వాస్తవాలు ఇలా ఉన్నాయి...
- గురువారం రాత్రి 9 గంటల తరువాత  ఏకంగా 724 కేంద్రాల్లో పోలింగ్‌ కొనసాగించారని టీడీపీ ఆరోపించింది. అనంతపురం జిల్లాలో అత్యధికంగా 120 కేంద్రాల్లో పోలింగ్‌ కొనసాగించారని పేర్కొంది. కానీ అసలు వాస్తవం ఏమిటంటే... రాత్రి 9 గంటల తర్వాత కేవలం 119 కేంద్రాల్లోనే పోలింగ్‌ కొనసాగింది. ఇక అనంతపురం జిల్లాలో అయితే కేవలం 7 కేంద్రాల్లోనే పోలింగ్‌ కొనసాగింది.
గురువారం అర్ధరాత్రి 12 గంటల నుంచి తెల్లవారుజాము 3 గంటల మధ్య 75 కేంద్రాల్లో పోలింగ్‌ నిర్వహించారని టీడీపీ ఆరోపించింది. కానీ వాస్తవం ఏమిటంటే ఆ సమయంలో కేవలం 9 కేంద్రాల్లోనే  పోలింగ్‌ కొనసాగించింది. అది కూడా ఒక్క కృష్ణా జిల్లాలోని 9 కేంద్రాల్లోనే పోలింగ్‌ నిర్వహించారు. అది కూడా గన్నవరం నియోజకవర్గంలో టీడీపీ ఎమ్మెల్యే వల్లభనేని వంశీ తన అనుచరులతో దౌర్జన్యానికి పాల్పడి చాలాసేపు గందరగోళం సృష్టించారు. అందుకే పోలింగ్‌ ఆలస్యమైంది. 
శుక్రవారం తెల్లవారు జామున 3 గంటల నుంచి 4 గంటల మధ్య 8 కేంద్రాల్లో పోలింగ్‌ నిర్వహించారని టీడీపీ ఆరోపించింది. కానీ ఆ సమయంలో కేవలం 3 పోలింగ్‌ కేంద్రాల్లోనే ఓటింగ్‌ నిర్వహించారన్నది అసలు వాస్తవం.  

మరిన్ని వార్తలు

19-04-2019
Apr 19, 2019, 04:34 IST
భోపాల్‌: మధ్యప్రదేశ్‌ రాజధాని భోపాల్‌ లోక్‌సభ స్థానానికి పోటీ చేస్తున్న, మాలెగావ్‌ బాంబు పేలుళ్ల కేసులో నిందితురాలిగా ఉన్న ప్రజ్ఞా...
19-04-2019
Apr 19, 2019, 04:28 IST
బదౌన్‌/వంత్లి: తాము అధికారంలోకి వస్తే రుణం తిరిగి చెల్లించలేని రైతులను జైళ్లకు పంపబోమని కాంగ్రెస్‌ అధ్యక్షుడు రాహుల్‌ గాంధీ ప్రకటించారు....
19-04-2019
Apr 19, 2019, 04:22 IST
సాక్షి, బళ్లారి/అమ్రేలీ/బాగల్‌కోట: భారత తొలిప్రధాని జవహర్‌లాల్‌ నెహ్రూ ప్రాధాన్యతను తగ్గించేందుకు సర్దార్‌ వల్లభ్‌భాయ్‌ పటేల్‌ విగ్రహాన్ని నిర్మించలేదని ప్రధాని మోదీ...
19-04-2019
Apr 19, 2019, 04:11 IST
రాంపూర్‌: సమాజ్‌వాదీ పార్టీ ముఖ్య నేత ఆజంఖాన్‌ ఇటీవల తనపై చేసిన అసభ్యకర ‘ఖాకీ నిక్కర్‌’ వ్యాఖ్యలపై సమాజ్‌వాదీ పార్టీ...
19-04-2019
Apr 19, 2019, 03:47 IST
న్యూఢిల్లీ: దేశవ్యాప్తంగా 11 రాష్ట్రాల్లో ఉన్న 95 లోక్‌సభ నియోజకవర్గాలకు గురువారం జరిగిన రెండో దశ పోలింగ్‌లో 67.84% ఓటింగ్‌...
19-04-2019
Apr 19, 2019, 03:06 IST
చెన్నై నుంచి తిరుపతి వైపు తరలిస్తున్న 1,381 కేజీల బంగారాన్ని తిరువళ్లూరు పుదుసత్రం వద్ద తమిళనాడు అధికారులు బుధవారం రాత్రి...
19-04-2019
Apr 19, 2019, 00:54 IST
సాక్షి, అమరావతి: ఎన్నికల షెడ్యూల్‌ ప్రకటించినప్పటి నుంచి యథేచ్ఛగా ప్రవర్తనా నియమావళిని ఉల్లంఘిస్తూ ఓట్లు కొనుగోలు పథకాలకు రాష్ట్ర ఖజానా...
19-04-2019
Apr 19, 2019, 00:44 IST
సాక్షి, అమరావతి: ఎన్నికల వేళ భారీ కుట్రలో భాగంగానే రాష్ట్రంలో 30 శాతం ఈవీఎంలు పనిచేయలేదంటూ సీఎం చంద్రబాబు దుష్ప్రచారానికి...
19-04-2019
Apr 19, 2019, 00:26 IST
లోక్‌సభ ఎన్నికలంటే అందరికీ గుర్తొచ్చే రాష్ట్రం ఉత్తరప్రదేశ్‌. ఢిల్లీ పీఠానికి దగ్గరి దారిగా దీనికి పేరుంది. ఎప్పుడు ఎన్నికలొచ్చినా 80...
18-04-2019
Apr 18, 2019, 20:56 IST
సాక్షి, న్యూఢిల్లీ : కేంద్ర ఎన్నికల సంఘం పార్టీలకు అతీతంగా పని చేస్తుందని బీజేపీ ఎంపీ, ఆ పార్టీ అధికార...
18-04-2019
Apr 18, 2019, 20:52 IST
సాక్షి, హైదరాబాద్‌: తమిళనాడు పోలీసులు బుధవారం సీజ్‌ చేసిన బంగారం వ్యవహారంపై సమగ్ర విచారణ జరిపించి, వాస్తవాలను ప్రజల ముంగిట...
18-04-2019
Apr 18, 2019, 19:17 IST
రాష్ట్రంలో ఎన్నికల నిర్వహణ కోసం దాదాపు 600 కోట్ల రూపాయలు ఖర్చయ్యాయని..
18-04-2019
Apr 18, 2019, 18:59 IST
న్యూఢిల్లీ : బీజేపీ నాయకుడు జీవీఎల్‌ నరసింహారావు ఈరోజు (గురువారం) మీడియాతో మాట్లాడుతుండగా.. ఆయనపై శక్తి భార్గవ అనే వ్యక్తి...
18-04-2019
Apr 18, 2019, 18:54 IST
అమరావతి: ఆంధ్రప్రదేశ్‌ ఎన్నికల ప్రధానాధికారి గోపాల కృష్ణ ద్వివేదిని ఏపీ డిప్యూటీ కలెక్టర్‌ అసోసియేషన్‌ సభ్యులు గురువారం కలిశారు. ఎన్నికల...
18-04-2019
Apr 18, 2019, 18:32 IST
ముఖ్యమంత్రి చంద్రబాబు నాయుడు సమీక్షలకు రాష్ట్ర ప్రభుత్వ ప్రధాన కార్యదర్శి ఎల్వీ సుబ్రహ్మణ్యం దూరంగా ఉన్నారు.
18-04-2019
Apr 18, 2019, 18:07 IST
కేంద్ర మంత్రి నక్వీకి ఈసీ వార్నింగ్‌
18-04-2019
Apr 18, 2019, 18:04 IST
సాక్షి, న్యూఢిల్లీ : దేశవ్యాప్తంగా రెండోదశ పోలింగ్‌ ముగిసింది. చెదురు మదురు సంఘటన తప్ప పోలింగ్‌ ప్రశాంతంగా జరిగింది. రెండోవిడత...
18-04-2019
Apr 18, 2019, 17:44 IST
పూనం నామినేషన్‌ కార్యక్రమానికి శత్రుఘ్న సిన్హా హాజరు
18-04-2019
Apr 18, 2019, 16:38 IST
కాంగ్రెస్‌ అభ్యర్థికి మద్దతు ప్రకటించిన ముఖేష్‌ అంబానీ
18-04-2019
Apr 18, 2019, 16:07 IST
పట్నా : దొంగలందరి పేర్లలో మోదీ పేరు ఎందుకుందని కాంగ్రెస్‌ చీఫ్‌ రాహుల్‌ గాంధీ చేసిన వ్యాఖ్యలపై బీజేపీ తీవ్రంగా...
Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top