సాక్షి, చైన్నె : రాష్ట్రంలోని వివిధ జిల్లాల్లో పనిచేస్తున్న 104 మంది సివిల్‌ కోర్టు జడ్జిలను బదిలీ చేశారు. ఈ మేరకు హైకోర్టు రిజిస్ట్రార్‌ సోమవారం ఉత్తర్వులు జారీ చేశారు. 30 మందికి సమన్లు సాక్షి, చైన్నె : తిరునల్వేలి కాంగ్రెస్‌ నేత జయకుమార్‌ మృతి కేసు పోలీసులకు సవాలుగా మారింది. తమకు లభించిన సమాచారం ఆధారంగా 30 మందిని ప్రశ్నించేందుకు ఖాకీలు సిద్ధమయ్యారు. వీరందరికీ సమన్లు జారీ చేశారు. జయకుమార్‌ ఉపయోగించిన సెల్‌ ఫోన్లు సైతం మాయమై ఉండడం పలు అనుమానాలకు దారి తీస్తోంది. అలాగే తోటలో కాలిన స్థితిలో పడి ఉన్న మృతదేహం జయకుమార్‌దేనా? అనే అనుమానాలు సైతం మొదలయ్యాయి. దీంతో ఆయన తనయుడి డీఎన్‌ఏను సేకరించి మృతదేహాన్ని నిర్ధారించేందుకు పోలీసులు సిద్ధమయ్యారు. అలాగే నలుగురు కాంగ్రెస్‌ నేతల వద్ద రహస్య ప్రదేశంలో విచారణ జరుగుతున్నట్లు తెలిసింది.

● ఆన్‌లైన్‌ ద్వారా శ్రీకారం చుట్టిన అన్నావర్సిటీ సాక్షి, చైన్నె: ప్లస్‌–2 ఫలితాలు విడుదల కావడంతో.. ఉన్నత విద్య కోసం విద్యార్థుల నుంచి దరఖాస్తుల స్వీకరణకు అన్నావర్సిటీ శ్రీకారం చుట్టింది. ఆన్‌లైన్‌ ద్వారా బీఈ, బీటెక్‌ కోర్సులకు దరఖాస్తు చేసుకోవచ్చని విద్యార్థులకు నిర్వాహకులు సూచించారు. వివరాలు.. రాష్ట్రంలో అన్నా వర్సిటీ పరిఽధిలో 500 ఇంజినీరింగ్‌ కళాశాలలు ఉన్న విషయం తెలిసిందే. ఇందులోని సుమారు లక్షా 75 వేల ప్రభుత్వ కోటా సీట్లను సాంకేతిక విద్యా డైరెక్టరేట్‌ ద్వారా భర్తీ చేయడం జరుగుతోంది. ప్లస్‌–2 ఫలితాలు విడుదల కావడంతో బీఈ, బీటెక్‌ కోర్సులకు దరఖాస్తులు చేసుకోవచ్చు అని విద్యార్థులకు అన్నావర్సిటీ సూచించింది. సోమవారం నుంచే ఈ ప్రక్రియను ఆన్‌లైన్‌ద్వారా ప్రారంభించారు. జూన్‌ 6వ తేదీ వరకు దరఖాస్తులను స్వీకరించనున్నారు. జూన్‌ 12లోపు సర్టిఫికెట్లను ఆన్‌లైన్‌లో పొందు పరిచేందుకు అవకాశం కల్పించారు. జూన్‌ 12 నుంచి దరఖాస్తుల పరిశీలన ప్రక్రియ, జూన్‌ 21న ర్యాండం నెంబర్లను కేటాయించనున్నారు. జూలై 10వ తేదీన ర్యాంకుల జాబితాను ప్రకటిస్తారు. ఆ తదుపరి కౌన్సెలింగ్‌పై దృష్టి పెట్టనున్నారు. అన్నావర్సిటీ, సాంకేతిక విద్యాడైరెక్టరేట్‌ వెబ్‌ సైట్లను వివరాల కోసం విద్యార్థులు సంప్రదించవచ్చని సూచించారు. ఆర్ట్స్‌ అండ్‌ సైన్స్‌ కోర్సులకు.. రాష్ట్ర ప్రభుత్వ నేతృత్వంలో 166 ఆర్ట్స్‌ అండ్‌ సైన్స్‌కళాశాలలు ఉన్నాయి. ఇందులో లక్షా 7 వేల ఆర్ట్స్‌ అండ్‌ సైన్స్‌ కోర్సులకు సంబంధించిన సీట్లు ఉన్నాయి. వీటిని భర్తీ చేయడానికి ఆన్‌లైన్‌ ద్వారా దరఖాస్తుల స్వీకరణకు శ్రీకారం చుట్టారు. డబ్ల్యూ.డబ్ల్యూ.డబ్ల్యూ. టీఎన్‌జీఎఎస్‌ఏ.ఐఎన్‌ వెబ్‌సైట్‌ ద్వారా ఆర్ట్స్‌ అండ్‌ సైన్స్‌ కోర్సులకు దరఖాస్తు చేసుకునే అవకాశం కల్పించారు. ఆన్‌లైన్‌ ద్వారా దరఖాస్తు చేసుకోలేని వారు ఆయా కళాశాలలోని అడ్మిషన్‌ విభాగాన్ని సంప్రదించి దరఖాస్తు ఫారాలు సమర్పించవచ్చని సూచించారు. కొడిమున బీచ్‌లో ఇద్దరి మృతి ● నలుగురు సురక్షితం అన్నానగర్‌: కన్యాకుమారికి ఆధ్యాత్మిక యాత్రకు వెళ్లిన చైన్నెకి చెందిన ఇద్దరు ఆదివారం సముద్రంలో మునిగి మృతి చెందారు. మరో నలుగురు సురక్షితంగా బయటపడ్డారు. వివరాలు.. ఈనెల 4, 5 తేదీలలో కన్యకుమారి జిల్లాలో పెనుగాలులు వీచే అవకాశం ఉందని నేషనల్‌ ఓషనోగ్రాఫిక్‌ రీసెర్చ్‌ సెంటర్‌ హెచ్చరిక జారీ చేసింది. దీంతో కన్యాకుమారిలో సముద్ర స్నానాలపై అధికారులు నిషేధించారు. అయితే చైన్నెలోని చూలైమేడు, విల్లివాక్కం ప్రాంతాలకు చెందిన 20 మంది వ్యాన్‌లో ఆధ్యాత్మిక యాత్ర కోసం శనివారం రాత్రి కన్యాకుమారికి చేరుకున్నారు. రాత్రి అక్కడే ఉన్న వారు ఆదివారం ఉదయం కుళచల్‌ సమీపంలోని కొడిమున బీచ్‌ ప్రాంతానికి వెళ్లారు. వీరిలో ఆరుగురు మాత్రం అక్కడ ఉన్న పెద్ద బండరాళ్లపైకి ఎక్కి సముద్రపు అలలను ఆస్వాదించారు. ఆ సమయంలో అకస్మాత్తుగా సముద్రంలో పెద్ద కెరటం ఎగసిపడడంతో కాలు జారి ఆరుగురు సముద్రంలో పడిపోయారు. వారి అరుపులు విని సమీపంలో ఉన్న జాలర్లు నలుగురిని రక్షించారు. అయితే వెజిస్‌ (54), మనోజ్‌ కుమార్‌ (25) సముద్రంలో గల్లంతయ్యారు. కొంత సేపు జాలర్లు వెతికి ఇద్దరి మృతదేహాలను వెలుపలికి తీశారు. వీరిలో మనోజ్‌ కుమార్‌ పాఠశాల విద్యాశాఖలో పనిచేస్తున్నాడు. అతనికి ఇంకా పెళ్లి కాలేదు. వెజిస్‌కు వివాహమై భార్య సోనియా ఉంది. ఆమె చూలైమేడు ప్రభుత్వ హయ్యర్‌ సెకండరీ పాఠశాలలో ప్రధాన ఉపాధ్యాయురాలిగా పనిచేస్తున్నారు. ఈ ఘటన ఆ ప్రాంతంలో తీవ్ర విషాదాన్ని నింపింది. సిమెంటు తిని వృద్ధుడి ఆత్మహత్య తిరువొత్తియూరు: ఈరోడ్‌ పరిధిలోని విళ్లరసంపట్టి ఎస్‌ఎస్‌బీ నగర్‌కు చెందిన సుబ్రమణి (69). ఇతను మద్యానికి బానిసైనట్లు తెలుస్తోంది. మద్యం తాగే అలవాటును వదిలిపెట్టమని భార్య కళావతి పలుమార్లు చెప్పినప్పటికీ అతను ఆమె మాట వినలేదు. దీంతో దంపతుల మధ్య తరచూ గొడవలు జరుగుతున్నాయి. దీంతో సుబ్రమణి మనోవేదనతో ఉన్నట్లు తెలిసింది. ఇదిలా ఉండగా ఇటీవల వీరి కొత్త ఇంటి నిర్మాణ పనులు జరుగుతూ ఉన్నాయి. అక్కడికి వెళ్లిన సుబ్రమణి కట్టడం పనుల కోసం ఉంచిన సిమెంటు తిని ఆత్మహత్యకు యత్నించాడు. స్థానికులు అతడిని ఈరోడ్డు ప్రభుత్వ ఆసుపత్రికి తరలించారు. పరిశీలించిన డాక్టర్లు మార్గంమధ్యలోనే సుబ్రమణి మృతి చెందినట్లు ప్రకటించారు.

సాక్షి, చైన్నె: రాష్ట్రంలో ప్రకృతి రమణీయతలో రారాజుగా, యువరాణిగా పేరుగడించి ఊటీ, కొడైకెనాల్‌ను సందర్శించే పర్యాటకులకు ఈపాస్‌ తప్పని సరి చేశారు. ఇందుకోసం ప్రత్యేక వెబ్‌సైట్‌ను ఏర్పాటు చేశారు. సోమవారం నుంచి ఈ పాస్‌లను జారీ చేస్తున్నారు. మంగళవారం నుంచి ఈ పాస్‌ ఉంటే తప్పా అనుమతించబోమని అధికారులు ప్రకటించారు. వివరాలు.. నీలగిరి జిల్లాలో పర్యాటకంగా ప్రసిద్ధి చెందిన ఊటీలో ఎల్లప్పుడూ ఆహ్లాదకర వాతావరణం ఉంటుంది. అలాగే దిండుగల్‌ జిల్లాలోని కొడైకెనాల్‌ ప్రకృతి సీమలో యువరాణిగా పేరుగడించింది. ఇక్కడకు కూడా దేశ విదేశాల నుంచి పర్యటకుల తాకిడి ఎక్కువగానే ఉంటోంది. ప్రస్తుతం వేసవిలో భానుడి తాపం నుంచి ఉపశమనం పొందేందుకు రాష్ట్రం నుంచే కాదు, పొరుగు రాష్ట్రాల నుంచి పర్యాటకులు ఈ ప్రాంతాలకు పోటెత్తుతున్నారు. లక్షలాదిగా జనం తరలి రావడంతో హోటళ్లు, రిసార్ట్‌లు, లాడ్జీలన్నీ హౌస్‌ఫుల్‌ అయ్యాయి. అదే సమయంలో వాహన కాలుష్యం పెరిగింది. పర్యావరణానికి ఆటంకం కలిగే పరిస్థితులు, వన్య ప్రాణులకు ముప్పు, పర్యావరణ కాలుష్యం తదితర అంశాలను పరిగణించిన రద్దీని కట్టడి చేయడానికి ఈ పాస్‌ విధానం అమలుకు గత వారం హైకోర్టు ఆదేశించింది. నేటి నుంచి అమల్లోకి.. కరోనా కాలంలో ఏ విధంగా ఈ– పాస్‌ జారీ చేశారో అదే తరహాలో ఊటీ, కొడైకెనాల్‌ పర్యటనకు ప్రస్తుతం ఈ – పాస్‌ తప్పనిసరి చేశారు. ఈ పాస్‌ పొందడంతోపాటు ఇందుకు సంబంధించిన మార్గదర్శకాలను సోమవారం ప్రజా సంబంధాల విభాగం ప్రకటించింది. శ్రీఈపాస్‌.టీఎన్‌ఈజీఏ.ఓఆర్‌జీ అనే వెబ్‌సైట్‌ ద్వారా ఉదయం 6 గంటల నుంచి ఈ పాస్‌ పొందేందుకు అవకాశం కల్పించారు. మంగళవారం నుంచి ఈ పాస్‌ కలిగిన వారిని మాత్రమే ఊటీ, కొడైకెనాల్‌లోకి అనుమతిస్తారు. ఇందుకోసం ఆ పర్యాటక ప్రాంతాలకు వెళ్లే మార్గాలలో ప్రత్యేక చెక్‌ పోస్టులు ఏర్పాటు అయ్యాయి. ఈపాస్‌ లేని వారిని వెనక్కి పంపిచనున్నారు. ఈ పాస్‌ విధానం జూన్‌ 30వ తేదీ వరకు అమల్లో ఉంటుందని అధికారులు ప్రకటించారు. విదేశీయులు వారి ఈ మెయిల్స్‌, చిరునామాల ఆధారంగా, స్వదేశీ పర్యటకలు వారి ఫోన్‌ నెంబర్ల ఆధారంగా ఈ పాస్‌ కోసం దరఖాస్తు చేసుకోవాల్సి ఉంటుంది. అన్ని రకాల నిబంధనలు, ఆంక్షలకు అనుగుణంగా ఈ దరఖాస్తును పూర్తి చేయాల్సి ఉంటుంది. సందర్శకులకు ఎలాంటి పరిమితి విధించక పోయినా, వాహన వివరాలు తప్పని సరిచేశారు. ఆటోమెటిక్‌గా ఈ పాస్‌ జనరేట్‌ అయ్యే విధంగా ఏర్పాట్లు చేశారు. అలాగే, ఊటీ, కొడైకెనాల్‌ పరిసర ప్రాంత వాసులకు ఈ– పాస్‌ నుంచి మినహాయింపు ఇచ్చారు. కొడైకెనాల్‌ ఊటీ, కొడైకెనాల్‌లో నేటి నుంచి అమలు జూన్‌ 30 వరకు వర్తింపు

రాష్ట్రంలో ఫ్లస్‌–2 ఫలితాలు సోమవారం విడుదలయ్యాయి. మొత్తం 94.56 శాతం మంది విద్యార్ధులు ఉత్తీర్ణులయ్యారు. ఎప్పటిలాగే ఈ ఏడాది కూడా బాలికలు సత్తా చాటారు. పలు కీలక సబ్జెక్టులలో పెద్ద సంఖ్యలో విద్యార్థులు వందకు వంద మార్కులు సాధించారు. ఇక జైలు జీవితం అనుభవిస్తున్న 115 మంది ఖైదీలు ప్లస్‌–2 పాస్‌ అయ్యారు. రాష్ట్రంలోనే అధిక శాతం ఉత్తీర్ణతతో తిరుప్పూర్‌ జిల్లా మొదటిస్థానంలో నిలిచింది. ● ఫలితాల్లో మరోసారి పైచేయి ● మొత్తం ఉత్తీర్ణత 94.56 శాతం ● బాలికలు 96.44, బాలురు 92.37 శాతం పాస్‌ ● తొలి స్థానంలో తిరుప్పూర్‌ జిల్లా సాక్షి, చైన్నె : తమిళనాట ప్లస్‌–2 పరీక్షలను ఈ ఏడాది 7,60,606 మంది విద్యార్థులు రాశారు. ఇందులో బాలికలు 4,08,440, బాలురు 3,52,165, ఇతరులు ఒకరు ఉన్నారు. పరీక్షల అనంతరం ఎన్నికల ప్రక్రియ ఓ వైపు జరిగితే మరోవైపు వాల్యుయేషన్‌ మీద విద్యాశాఖ ప్రత్యేక దృష్టి పెట్టింది. సకాలంలో వాల్యుయేషన్‌ ముగించి డమ్మీ మార్కుల జాబితాను సిద్ధం చేసింది. ముందుగా నిర్ణయించిన మేరకు సోమవారం పరీక్ష ఫలితాలను విడుదల చేశారు. సాధరణంగా విద్యా మంత్రి ఫలితాలను విడుదల చేయడం జరిగేది. ఈ సారి ఎన్నికల కోడ్‌ అమలులో ఉండటంతో పరీక్షల విభాగం డైరెక్టర్‌ సేతు రామవర్మ ఉదయం డీపీఐ ఆవరణలో ఫలితాలను విడుదల చేశారు. రిజిస్టడ్‌ మొబైల్‌ నంబర్లకు ఎస్‌ఎంఎస్‌ ద్వారా తక్షణం విద్యార్థులకు ఫలితాల సమాచారాన్ని అందించారు. అలాగే రాష్ట్ర ప్రభుత్వం ప్రత్యేకంగా ప్రకటించిన వెబ్‌సైట్ల ద్వారా మార్కుల వివరాలతో డమ్మీ జాబితాను పొందేందుకు అవకాశం కల్పించారు. ఆయా పాఠశాలలోని నోటీసు బోర్డులలోనూ ఫలితాలను ప్రకటించారు. తమ ఫలితాలను చూసుకుని విద్యార్థులు ఆనంద తాండవం చేశారు. పరస్పరం శుభాకాంక్షలు తెలుపుకున్నారు. ఉత్తీర్ణతతో పాటు మంచి మార్కులు సాధించిన విద్యార్థులను ఉపాధ్యాయులు అభినందించారు. శుభాకాంక్షలు తెలియజేశారు. 94.56 శాతం ఉత్తీర్ణత మొత్తం 7,60,606 మంది పరీక్ష రాయగా 7,19,196 మంది ఉత్తీర్ణులయ్యారు. ఇందులో బాలురు 3,25,030, బాలికలు 3,93,890, ఇతరులు ఒకరు ఉన్నారు. జైలు ఖైదీలు 125 మంది పరీక్ష రాయగా 115 మంది ఉత్తీర్ణులయ్యారు. ప్రతి ఏడాది లాగే ఈసారి కూడా బాలికలే ఉత్తీర్ణత శాతంలో పై చేయి సాధించారు. బాలికల ఉత్తీర్ణత శాతం 96.44 శాతం, బాలుర ఉత్తీర్ణత శాతం 92.37గా నమోదైంది. గత ఏడాది ప్లస్‌–2లో 94.03 శాతం మంది ఉత్తీర్ణులు కాగా, ఈ ఏడాది 0.53 శాతం మంది అదనంగా పాస్‌ అయ్యారు. ప్రభుత్వ పాఠశాలలకు చెందిన విద్యార్థులు 91.02 శాతం, ప్రభుత్వ సహకారంతో నడిచే పాఠశాలల విద్యార్థులు 95.49 శాతం, ప్రైవేటు పాఠశాలల విద్యార్థులు 96.7 శాతం మంది ఉత్తీర్ణత సాధించారు. వందకు వంద మార్కులతో.. ఈ ఏడాది కీలక సబ్జెక్టులలో పెద్ద సంఖ్యలో విద్యార్థులు వందకు వంద మార్కులు సాధించారు. సైన్స్‌ గ్రూప్‌ విద్యార్థులు 96.35 శాతం మంది, కామర్స్‌ గ్రూప్‌ విద్యార్థులు 92.46 శాతం మంది, ఆర్ట్స్‌ గ్రూప్‌ విద్యార్థులు 85.67 శాతం మంది, ఒకేషనల్‌ కోర్సు విద్యార్థులు 85.85 శాతం మంది ఉత్తీర్ణత సాఽధించిన వారిలో ఉన్నారు. తమిళ సబ్జెక్టులో 35 మంది, ఆంగ్లంలో ఏడుగురు, ఫిజిక్స్‌లో 633, కెమిస్ట్రీలో 471, బయాలజీలో 652, గణితంలో 2,587, బోటనిలో 90, జువాలజీ 382, కంప్యూటర్‌ సైన్స్‌లో 6,996, కామర్స్‌ 6,142, అకౌంటింగ్‌ రికార్డ్స్‌లో 1,647, ఎకనామిక్స్‌లో 3,299, కంప్యూటర్‌ అప్లిపకేషన్స్‌ 2251, బిజినెస్‌ మ్యాథమెటిక్స్‌ అండ్‌ స్టాటస్టిక్స్‌లో 210 మంది విద్యార్థులకు వందకు వంద మార్కులు సాధించి రికార్డు సృష్టించారు. మొత్తం ఫలితాలలో తిరుప్పూర్‌ జిల్లా 97.45 శాతంతో తొలి స్థానాన్ని, శివగంగై, ఈరోడ్‌ జిల్లాలు 97.42 శాతంతో రెండో స్థానాన్ని దక్కించుకున్నాయి. 97.25 శాతంతో అరియలూరు మూడో స్థానాన్ని, 96.97 శాతంతో కోయంబత్తూరు నాలుగో స్థానం కై వసం చేసుకోగా, 90.47 శాతం ఉత్తీర్ణతో తిరువణ్ణామలై జిల్లా చివరి స్థానంలో నిలిచింది. విద్యార్థులకు ఒరిజినల్‌ మార్కుల జాబితా జారీకి మరింత సమయం పట్టనున్న దృష్ట్యా, ఆన్‌లైన్‌లోని ప్రొవిజనల్‌(డమ్మీ) మార్కుల జాబితా ఆధారంగా ఉన్నత చదువులకు దరఖాస్తు చేసుకోవచ్చని సేతురామ వర్మ తెలిపారు. వారం రోజులలో తాత్కాలిక మార్కుల జాబితాను విద్యార్థులకు అందజేస్తామన్నారు. రీ వాల్యుయేషన్‌కు మంగళవారం నుంచి దరఖాస్తు చేసుకోవచ్చు అని వివరించారు. డాక్టర్‌ కావడమే లక్ష్యమన్న నివేదా.. ఈ పరీక్షలలో ఉత్తీర్ణులైన వారిలో ఒక హిజ్రా కూడా ఉన్నారు. చైన్నె ట్రిప్లికేన్‌కు చెందిన నివేదా మంచి మార్కులతో ఉత్తీర్ణత సాధించారు. ఆదివారం జరిగిన నీట్‌ పరీక్షకు హాజరయ్యారు. డాక్టరు కావాలనే ఆశతో తాను ఉన్నట్టు నివేదా పేర్కొన్నారు. అలాగే, చైన్నె కార్పొరేషన్‌ పరిధిలోని పాఠశాలలోనే కొడుంగయూరుకు చెందిన ఆటో డ్రైవర్‌ పార్తీబన్‌ కుమార్తె పూంగోదై 578 మార్కు లతో ముందు వరసలో నిలిచారు. తిరునల్వేలి జిల్లా నాంగునేరిలో పరీక్ష సమయంలో కులవివక్ష కారణంగా తీవ్ర కత్తి పోట్లకు గురైన చిన్నదురై 469 మార్కులు సాధించాడు. నీలగిరి జిల్లా కూడలూరులో తండ్రి మరణించిన వేదనతో పరీక్ష రాసిన తరుణ్‌ 358 మార్కులతో ఉత్తీర్ణత సాఽధించాడు. న్యూస్‌రీల్‌సీఎం శుభాకాంక్షలు.. పరీక్షలలో ఉత్తీర్ణత సాధించిన విద్యార్థులకు సీఎం స్టాలిన్‌ శుభాకాంక్షలు తెలియజేశారు. ఫలితాల అనంతరం సీఎం స్టాలిన్‌ను విద్యాశాఖ మంత్రి అన్బిల్‌మహేశ్‌ కలిసి ఫలితాలకు సంబంధించిన సమగ్ర వివరాల నివేదికను అందజేశారు. ఈసందర్భంగా విద్యార్థులను ఉద్దేశించి సీఎం పేర్కొంటూ పాఠశాల విద్యను ముగించి కళాశాల జీవితంలోకి అడుగు పెట్టబోతున్న ప్రతి విద్యార్థికి తన అభినందనలు అని పేర్కొన్నారు. ఉన్నత విద్యలో మరింత రాణించాలని, నైపుణ్యాలను అంది పుచ్చుకోవాలని, బాధ్యతతో ముందుకు వెళ్లాలని సూచించారు. తక్కువ మార్కులు సాధించిన విద్యార్థులు నిరుత్సాహ పడాల్సిన అవసరం లేదని, తదుపరి అవకాశాలు ఎదురు చూస్తుంటాయని, ఇందులో రాణించేందుకు సిద్ధంగా ఉండాలని ఆకాంక్షించారు. అలాగే, అన్నాడీఎంకే ప్రధాన కార్యదర్శి పళణి స్వామి సైతం శుభాకాంక్షలు తెలియజేశారు. కాగా, పరీక్షలలో ఫెయిల్‌ అయిన విద్యార్థులు మానసికంగా కుంగిపోకుండా ముందుజాగ్రత్తలపై ఆరోగ్యశాఖ దృష్టిపెట్టింది. విద్యార్థులకు కౌన్సెలింగ్‌ ఇచ్చే విధంగా చైన్నెలో ప్రత్యేక కేంద్రాన్ని ఏర్పాటు చేశారు. 14416, 104 నంబర్ల ద్వారా విద్యార్థులు సంప్రదించి కౌన్సెలింగ్‌ పొందవచ్చని ఆరోగ్య శాఖ ప్రధాన కార్యదర్శి గగన్‌దీప్‌ సింగ్‌ బేడీ తెలిపారు.

సాక్షి, చైన్నె: సముద్ర తీరంలో కెరటాలు ఉవ్వెత్తున ఎగసి పడుతాయని వాతావరణ కేంద్రం హెచ్చరించినా, నిర్లక్ష్యంగా సముద్ర స్నానానికి వెళ్లిన జూనియర్‌ డాక్టర్లలో ఐదుగురు విగత జీవులయ్యారు. మరో ఐదుగురిని స్థానికులు రక్షించారు. వివరాలు.. చైన్నె– కడలూరు– తూత్తుకుడి– కన్యాకుమారి వరకు సముద్రంలో అలల తాకిడి మూడు లేదా నాలుగు రోజుల అధికంగా ఉంటాయని వాతావరణ కేంద్రం ప్రకటించిన విషయం తెలిసిందే. ఈ మేరకు అలల గత రెండు రోజులుగా భారీస్థాయిలో ఎగసి పడుతూ వస్తున్నాయి. మంగళవారం కూడా కెరటాల జడి అధికంగా ఉంటుందని ప్రకటించారు. ఈ పరిస్థితులలో వివాహ వేడుకకు వచ్చిన జూనియర్‌ డాక్టర్లు పలువురు ఈ హెచ్చరికను విస్మరించి జన సంచారం తక్కువగా ఉండే బీచ్‌లో స్నానానికి వెళ్లి విగత జీవులయ్యారు. కన్యాకుమారి జిల్లా నాగర్‌ కోయిల్‌ సమీపంలోని గణపతి పురానికి చెందిన ముత్తుకుమార్‌ తిరుచ్చిలోని ఎస్‌ఆర్‌ఎం వైద్య కళాశాల, ఆస్పత్రిలో జూనియర్‌ డాక్టర్‌గా ఉన్నారు. నాగర్‌ కోయిల్‌ సమీపంలోని శెట్టికులంలోని మిత్రుడి ఇంటి శుభ కార్యానికి వచ్చాడు. తనతో పాటు చదువుకుంటూ శిక్షణలో ఉన్న మిత్రులైన జూనియర్‌ డాక్టర్లు మరో 11 మందిని వెంట బెట్టుకొచ్చాడు. ఈ వేడుకను ముగించుకున్న మిత్రులు కన్యాకుమారి అందాలను ఆదివారం నుంచి తిలకిస్తూ వచ్చారు. అన్ని చోట్లా చక్కర్లు కొట్టినానంతరం నాగర్‌ కోయిల్‌ సమీపంలో పెద్దగా జన సంచారం లేకుండా ఉండే లీమోర్‌ బీచ్‌కు వెళ్లారు. అలల్లో చిక్కుకుని.. సోమవారం ఉదయాన్నే పది మంది మిత్రులు స్నానానికి వెళ్లారు. ఇందులో ఐదుగురు మహిళా డాక్టర్లు ఉన్నారు. అప్పటికే అలలు తీవ్రస్థాయిలో ఎగసి పడుతున్నా, లెక్క చేయకుండా సముద్రంలోకి వెళ్లారు. దీంతో ఒక్కసారిగా రాక్షస అల వీరిని చుట్టుముట్టింది. దీనిని గుర్తించిన సమీపంలోని జాలర్లు ఐదుగురిని రక్షించారు. మిగిలిన వారిని కాపాడ లేక పోయారు. ఈ ఘటనలో జూనియర్‌ డాక్టర్లు ప్రవీణ్‌ (23), గాయత్రి (25), చారు కవి (23), దర్శిత్‌ (23), వెంకటేశ్‌ (24)మరణించారు. చారుకవి(తంజావూరు), గాయత్రి (నైవేలి), దర్శిత్‌ (కన్యాకుమారి), ప్రవీణ్‌ (దిండుగల్‌), వెంకటేశ్‌ (ఆంధ్రప్రదేశ్‌)కు చెందిన వారి గా గుర్తించారు. వీరంతా ఒకే కళాశాలలో చదువుకుంటున్న మిత్రులు. వీరి మరణ సమాచారంతో ఆ కుటుంబాలు తల్లడిల్లిపోయాయి. వీరి మృతదేహాల ను పోస్టుమార్టం నిమిత్తం ఆచారి పల్లం ఆస్పత్రి మా ర్చిరికి తరలించారు. ఆస్పత్రిలో చికిత్స పొందుతున్న వారిలో కరూర్‌కు చెందిన నేషి, తేనికి చెందిన ప్రీతి ప్రియాంక, మదురైకు చెందిన శరణ్య ఉన్నారు. కేసు నమోదు చేసిన పోలీసులు దర్యాప్తు చేస్తున్నారు. సముద్ర తీరంలో కెరటాలు ఎగసి పడుతాయన్న హె చ్చరికల నేపథ్యంలో ఈ బీచ్‌లోకి వీరిని అనుమతించడం చర్చకు దారి తీసింది. బీచ్‌లో సరైన భద్రతా చర్యలు చేపట్టకపోవడం వల్లే జూనియర్‌ డాక్టర్లు సముద్రలోకి వెళ్లి ప్రాణాల మీదకు తెచ్చుకున్నట్టు జాలర్లు పేర్కొన్నారు. ఇక ఈ ఘటనపై సీఎ స్టాలిన్‌ ఓ ప్రకటనలో తీవ్ర సంతాపం వ్యక్తం చేశారు. మృతి చెందిన జూనియర్‌ డాక్టర్లు (ఫైల్‌) ఐదుగురు వైద్య విద్యార్థుల దుర్మరణం మరో ఐదుగురి రక్షింపు లీమోర్‌ బీచ్‌లో ఘటన