చిరుత సంచారంతో రైతుల్లో అలజడి

ములకలచెరువు(చిత్తూరు జిల్లా) :
చిత్తూరు జిల్లా ములకలచెరువు మండలం బురకాయలకోట పంచాయతీ తుమ‍్మలవారిపల్లి వద‍్ద శనివారం వేకువజామున చిరుతపులి కనిపించడంతో రైతులు భయంతో పలుగులుతీశారు. తుమ‍్మలవారిపల‍్లెకు చెందిన మస్తాన్‌వలీ, వెంకటేష్‌ అనే రైతులు తమ పోలాలకు నీళ‍్లు పెట‍్టేందుకు శనివారం ఉదయం 4 గంటలకు పొలాల వద‍్దకు వెళ్లారు. మోటారు ఆన్‌ చేసి నీటి పారుదలను గమనిస్తుండగా జింకలను తరుముకుంటూ చిరుతపులి రావడాన్ని గమనించి భయంతో అక్కడి నుంచి పరుగులు తీశారు.

ఈ ప్రాంతంలో జింకలు ఎక్కువగా ఉండడంతో వాటిని వేటాడేందుకు చిరుత పులులు తరుచుగా వస్తుంటాయని ఈప్రాంత రైతులు చెబుతున్నారు. హార్సిలీ హిల్స్‌ సమీపంలో ఉండడంతో చిరుతలు వస్తుంటాయని అంటున్నారు. సమాచారం అందుకున‍్న అటవీ శాఖ అధికారులు తుమ‍్మలవారిపల‍్లెకు వెళుతున్నారు.