మరో అధికారిపై సస్పెన్షన్ వేటు

విజయవాడ: బెజవాడ కల్తీ మద్యం కేసులో మరో అధికారిపై సస్పెన్షన్ వేటు పడింది. జిల్లా ప్రొహిబిషన్ అండ్ ఎక్సైజ్ సూపరింటెండెంట్ రమణను సస్పెండ్ చేస్తున్నట్లు అధికారులు ప్రకటించారు. ఇప్పటికే ఈ కేసులో తూర్పు ఎక్సైజ్ సీఐను సస్పెండ్ చేయగా.. తాజాగా మరో అధికారి వేటుతో అధికారులలో టెన్షన్ మొదలైంది.  ఏ క్షణాన ఏ అధికారి సస్పెండ్ అవుతారోనన్న ఆందోళనలో జిల్లా ఎక్సైజ్ అధికారులు ఉన్నారు. సస్పెండైన రమణ బుధవారం నుంచి సెలవులోకి వెళ్లారు.

ఈ ఘటనపై ఎక్సైజ్ కమిషనర్ మీనా ప్రభుత్వానికి ప్రాథమిక నివేదిక సమర్పించారు. ఈ నివేదికలో అధికారులు అక్రమాలను అరికట్టడంలో విఫలమయ్యారని పేర్కొనట్లు తెలుస్తుంది. దీంతో మరికొందరి అధికారులపై చర్యలు తీసుకుంటారని ప్రచారం జరుగుతుంది. దీంతో  కొందరు అధికారులు సెలవులో వెళ్లేందుకు సిద్ధమవుతున్నారని సమాచారం