అన్నాడీఎంకే నమూనా చెక్కులు

సేలం: ఆత్తూరు సమీపంలో అన్నాడీఎంకే సభ్యులు పంపిణీ చేసిన మోడల్‌ చెక్‌ బుక్‌ను ఫ్లయింగ్‌ స్క్వాడ్‌ స్వాధీనం చేసుకున్నారు. సేలం జిల్లాలోని ఆత్తూరు నియోజకవర్గం పరిధిలోని కీరిపట్టిలో ఏఐఏడీఎంకే కార్యనిర్వాహకులు ఎన్నికల మేనిఫెస్టోలో పేర్కొన్న ప్రదేశాలకు సంబంధించిన మోడల్‌ చెక్కులను ముద్రించి ఇంటింటికీ పంపిణీ చేశారు. ఈ ఘటనకు సంబంధించిన చిత్రాలు సోషల్‌ మీడియాలో ప్రచురితమయ్యాయి. దీని అనంతరం కలెక్టర్‌, జిల్లా ఎన్నికల అధికారి అరుణ్‌ తంబూరాజ్‌ ఆదేశాల మేరకు, ఎన్ని కల ఫ్లయింగ్‌ స్క్వాడ్‌లు కీరిపట్టి ప్రాంతంలో దాడులు నిర్వహించాయి. కీరిపట్టిలో రూ.10,000, రూ.2,000 విలువైన శాంపిల్‌ చెక్కులను పంపిణీ చేస్తున్న ఇద్దరు మహిళలను ఫ్లయింగ్‌ స్క్వాడ్‌ పట్టుకుంది. వారి నుంచి 100 శాంపిల్‌ చెక్కులను స్వాధీనం చేసుకున్నారు. ఫ్లయింగ్‌ స్క్వాడ్‌ అధికారి కలవతి మల్లియకరై పోలీస్‌ స్టేషన్‌లో ఫిర్యాదు చేశారు.