IPL 2024 Virat Kohli Return? ఆర్సీబీకి బిగ్‌ షాక్‌.. 'కోహ్లి ఐపీఎల్‌లో ఆడటం డౌటే'

 Sunil Gavaskar unsure of Kohlis participation in IPL 2024 - Sakshi

టీమిండియా స్టార్‌ ఆటగాడు, ఆర్సీబీ మాజీ కెప్టెన్‌ విరాట్‌ కోహ్లి ఐపీఎల్‌-2024లో ఆడుతాడా? ప్రస్తుతం అందరి మెదడలను తొలుస్తున్న ప్రశ్న. వ్యక్తిగత కారణాలతో గత కొంతకాలంగా జట్టుకు దూరంగా ఉంటున్న విరాట్‌ రీ ఎంట్రీపై అనిశ్చితి నెలకొంది. కోహ్లి ప్రస్తుతం లండన్‌లో ఉన్నాడు. తన భార్య అనుష్క శర్మ రెండోసారి బిడ్డకు జన్మనివ్వడంతో విరాట్‌ సైతం అక్కడే ఉన్నాడు.

అయితే కోహ్లి ఎప్పుడు తిరిగి భారత్‌కు వస్తాడో, ఐపీఎల్‌లో ఆడుతాడా లేదన్న విషయంపై ఎటువంటి సమాచారం లేదు. ఇప్పటికే ఐపీఎల్‌ షెడ్యూల్‌ కూడా వచ్చేసింది. ఆర్సీబీ మార్చి 22న తమ తొలి మ్యాచ్‌లో చెన్నైసూపర్‌ కింగ్స్‌తో తలపడనుంది. ఈ నేపథ్యంలో కోహ్లి ఐపీఎల్‌-2024లో పాల్గోనడంపై భారత మాజీ కెప్టెన్‌ సునీల్ గవాస్కర్ ఆసక్తికర వ్యాఖ్యలు చేశాడు.

"వ్యక్తిగత కారణాల వల్ల కోహ్లి ప్రస్తుతం జాతీయ జట్టుకు దూరంగా ఉన్నాడు. అటువంటిది ఐపీఎల్‌లో ఆడుతాడా? నాకు తెలిసినంతవరకు  విరాట్‌ ఐపీఎల్‌లో కూడా ఆడకపోవచ్చు" అని ఓ ఇంటర్వ్యూలో సన్నీ చెప్పుకొచ్చాడు. కాగా ఇంగ్లండ్‌తో టెస్టు సిరీస్‌ విజయం అనంతరం భారత జట్టును కోహ్లి అభినందించాడు. యువ భారత జట్టు అద్బుతమైన విజయం సాధించింది. పట్టుదల, అంకిత భావం.. సవాళ్లను ధీటుగా ఎదుర్కొనే తత్వమే ఈ విజయానికి కారణం’’ ఎక్స్‌లో పేర్కొన్నాడు.
చదవండి: Neil Wagner Retirement: రిటైర్మెంట్‌ ప్రకటించిన స్టార్‌ క్రికెటర్‌..12 ఏళ్ల కెరీర్‌కు గుడ్‌ బై!

whatsapp channel

Read latest Sports News and Telugu News | Follow us on FaceBook, Twitter, Telegram


 

Read also in:
Back to Top