జూద క్రాంతులు!

బరుల వద్దే బార్లు.. ● సంక్రాంతి సంబరాల పేరుతో విచ్చలవిడి ● ఓపెన్‌గానే కేసినో వంటి జూద క్రీడల నిర్వహణ ● ఏరులై పారిన మద్యం ● హైటెక్‌ హంగులతో బరుల్లో భారీ దోపిడీ ● కన్నెత్తి చూడని అధికార యంత్రాంగం ● నందిగామ నియోజకవర్గంలోని కంచికచర్ల మండలంలో కీసర, గండేపల్లి, వీరులపాడు మండలంలో దాసవరం, నందిగామ మండలంలో రాఘవపురం గట్టు వద్ద, ఐతవరం మామిడి తోటలో, చందర్లపాడు మండలంలోని చందర్లపాడు గ్రామంలో అధికార పార్టీ నాయకులు భారీఎత్తున కోడిపందేలు, కేసినోలు నిర్వహించారు. ముఖ్యంగా గండేపల్లి మామిడితోట సమీపంలో గొట్టుముక్కల గ్రామానికి చెందిన టీడీపీ సీనియర్‌ నాయకుడు చాగంటి సీతారామయ్య మూడు రోజుల పాటు గోవా తరహాలో కేసినో నిర్వహించారు. పేకాట రాయుళ్లకు ప్రతి అరగంటకు అల్పాహారం ఏర్పాటు చేయటంతో పాటు మాంసాహార భోజనాన్ని అందించారు. తెలంగాణ, మహారాష్ట్ర, తమిళనాడు. కర్ణాటక రాష్ట్రాల నుంచి పెద్ద ఎత్తున జూదగాళ్లు వచ్చినట్లు తెలుస్తోంది. మద్యం విచ్చలవిడిగా అమ్మకాలు జరిపారు. ఒక్కొక్క బాటిల్‌పై అదనంగా రూ.100లకు విక్రయించారు. ● గన్నవరం నియోజకవర్గంలోని కేసరపల్లి, రామవరప్పాడు వద్ద టీడీపీ నేతలు ఏర్పాటు చేసిన శిబిరాల్లో పందేలు రూపంలో కోట్ల రూపాయలు చేతులు మారాయి. ప్రత్యేకంగా ఏర్పాటు చేసిన టెంట్‌లో పేకాట, కేసినో నిర్వహించారు. రూ. 10 వేలు కట్టి ఎంట్రీ ఫీజు కట్టిన వారిని మాత్రమే ఎంట్రీ బ్యాండ్‌ ఇచ్చి లోపలికి అనుమతించారు. వీరికి అన్‌ లిమిటెడ్‌ మందు, ఆహారం సరఫరా చేశారు. కేవలం కోడి పందేల కోసం మరో మూడు చిన్న బరులు ఏర్పాటు చేశారు. ఇంకా లోపల బయట, గుండాట వంటి శిబిరాలు పదుల సంఖ్యలో ఏర్పాటు చేశారు. పాయకాపురం సమీపంలోనూ కేసినో శిబిరం నిర్వహించారు. ● పెనమలూరు నియోజకవర్గంలోని యనమలకుదురు, పెద్దపులిపాక, కంకిపాడు మండలం ఈడుపుగల్లు, ఉప్పలూరు, కంకిపాడు, గొడవర్రు, ఉయ్యూరు మండలంలోని కాటూరు ఆకునూరు గ్రామాల్లో మొత్తం తొమ్మిది బరులు నిర్వహించారు. ఆకునూరు, ఉప్పులూరు గ్రామాల్లో కేసినో తరహా జూద క్రీడలు జరిపించారు. ఎంట్రీ టికెట్‌ లక్ష రూపాయల చొప్పున బరుల నిర్వాహకులు వసూలు చేశారు. మూడు రోజులు పాటు నియోజకవర్గ వ్యాప్తంగా రూ. 200 కోట్ల పైగా వ్యాపారం సాగినట్టు సమాచారం. ● తిరువూరు నియోజకవర్గంలో జాతీయ రహదారికి ఇరువైపులా వాహనాలు నిలిపివేయడంతో భారీవాహనాల రాకపోకలకు తీవ్ర అంతరాయం ఏర్పడింది. అందరూ కుమ్మకై ్క..