కొత్త రైతులకు అవకాశం

కొత్త రైతులకు అవకాశం

వివరాలు 8లో u

నారాయణపేట: రైతులకు ఆర్థిక భద్రత కల్పించే లక్ష్యంతో అమలు చేస్తున్న రైతు భరోసా పథకం కొత్తగా పాసు పుస్తకాలు పొందిన రైతులు సైతం పొందేందుకు ప్రభుత్వం అవకాశం కల్పించింది. జూన్‌ 5 వరకు పట్టా పాసుపుస్తకాలు పొందిన రైతుల నుంచి ఈ నెల 20 వరకు దరఖాస్తులు స్వీకరించనుంది. కొత్త పట్టా పాసుపుస్తకం , బ్యాంక్‌ ఖాతా, ఆధార్‌ జిరాక్స్‌ లతో సంబంధిత ఏఈఓల వద్ద రైతులు దరఖాస్తు చేసుకోవాలని జిల్లా వ్యవసాయ అధికారి జాన్‌సుధాకర్‌ సూచించారు.

12వేల మంది కొత్త రైతులు

గతేడాది జూన్‌ నుంచి ఈ ఏడాది జూన్‌ 5 వరకు 13 మండలాల్లోని 253 రెవెన్యూ గ్రామాల్లో 12,950 కొత్త పట్టా పాసుపుస్తకాలు ఉన్నట్లు అధికారుల లెక్కల ద్వారా తెలుస్తోంది. కాగా గతేడాదికి సంబంధించి 8 వేల మంది పట్టా పాసు పుస్తకాలు పొందిన రైతులు ఉండగా.. ఈ ఏడాది జనవరి నుంచి జూన్‌ వరకు మరో 4,950 మంది పొందారు. గతేడాదిలో ఒక సారి మాత్రమే పెట్టుబడి సాయం అందడంతో కొత్త పట్టా పాసు పుస్తకం పొందిన వారికి రైతు భరోసా దక్కలేదని రైతులు వాపోయారు. ఈ ఏడాది వానాకాలంలో రైతు భరోసాను ఎకరాలతో సంబంధం లేకుండా అందరికీ వేస్తామని ప్రభుత్వం ప్రకటించడంతో రైతులు ఆనందం వ్యక్తం చేశారు. కాగా కొత్త పట్టా పాసు పుస్తకాలు పొందిన రైతులు సైతం దరఖాస్తు చేసుకోవాలని ఆదేశాలు రావడం.. ఈ నెల 20 వరకు గడువు విధించడంతో రైతులు దరఖాస్తు చేసుకునేందుకు కార్యాలయాల వద్దకు పరుగులు పెడుతున్నారు.

‘రైతు భరోసా’కు రేపటితోముగియనున్న దరఖాస్తు గడువు

జిల్లాలో 12,950 మందికి కొత్త పాసుపుస్తకాలు

ఇప్పటికే 25,929 మంది రైతుల ఖాతాల్లో రూ.38.90 కోట్లు జమ

1/1

కొత్త రైతులకు అవకాశం