TV
మేం గురిపెడితే..
కరీంనగర్‌క్రైం: కరీంనగర్‌ కమిషనరేట్‌ పరిధిలోని ఎలగందల్‌ ఫైరింగ్‌ రేంజ్‌లో బుధవారం పోలీసులు వార్షిక ఫైరింగ్‌ ప్రాక్టీసు నిర్వహించారు. సీపీ గౌస్‌ఆలం ఫైరింగ్‌ ప్రాక్టీస్‌ను ప్రారంభించారు. అనంతరం మాట్లాడుతూ.. ప్రతి సంవత్సరం శిక్షణలో భాగంగా అధికారులందరికీ ఫైరింగ్‌ ప్రాక్టీసు నిర్వహిస్తామని తెలిపారు. రెండు రోజుల పాటు ప్రాక్టీసు కొనసాగుతుందని అన్నారు. 0.9 ఎంఎం పిస్టల్‌, ఏకే–47 రైఫిల్‌, ఇతర ఫైర్‌ ఆర్‌మ్స్‌తో ప్రాక్టీస్‌ చేశారని వెల్లడించారు. కమిషనరేట్‌ పరిధిలోని అధికారులందరూ ఈ శిక్షణలో పాల్గొని ఫైరింగ్‌ ప్రాక్టీసు చేయాలని సూచించారు.
