ప్రభుత్వ ఆస్పత్రి గాడిన పడేనా..?

● ఆస్పత్రిలో శానిటేషన్‌ అంతంత మాత్రంగానే ఉంది. ● వాష్‌రూమ్స్‌ సక్రమంగా లేవు. పురాతన భవనం కావడంతో పెచ్చులూడి పడుతున్నాయి. ● ఈ వర్షకాలంలో సమస్య మరింత జఠిలం అయ్యే అవకాశం కనిపిస్తోంది. ● ఎక్స్‌రేకు సంబంధించిన ఫిల్మ్‌ల కొరత ఉండడంతో రోగులకు మొబైల్‌ ఫోన్లకు వాట్సాప్‌ ద్వారా పంపుతున్నారు. ● ఫోన్లు లేని వారికి ఆస్పత్రికి సంబంధించిన వాట్సప్‌ గ్రూపులో వేస్తున్నారు. ● వాటిని చూసే డాక్టర్లు చికిత్స అందిస్తుండడం గమనార్హం. ● ఈసీజీ తీశాక ప్రింట్‌ ఇవ్వడం లేదు. ఫోన్లకే సమాచారం అందిస్తున్నారు. ● ఇటీవల ఓ వ్యక్తి ప్రమాదం జరిగి ఆస్పత్రికి వస్తే ప్రైవేటు ఆస్పత్రికి వెళ్లాలని సూచించారు. ● దీంతో సదరు బాధితుడిని ప్రైవేటుకు తీసుకెళ్తే బిల్లు తడిచి మోపైడెంది. ● కొద్ది రోజుల క్రితం తీవ్రంగా గాయపడి ఆస్పత్రికి వచ్చిన ఓ బాధితుడికి ఆక్సిజన్‌ సిలిండర్‌ లేకపోవడంతో వేరే రోగి సిలిండర్‌ తీసి చికిత్స అందించారు. ఇలా ప్రభుత్వ ఆస్పత్రిలో నిత్యం ఏదో ఒక సంఘటన చోటుచేసుకుంటుంది. ● ఇటీవల కలెక్టరేట్‌లో కలెక్టర్‌ సత్యప్రసాద్‌ అధ్యక్షతన ఆస్పత్రి డెవలప్‌మెంట్‌ సొసైటీ సమావేశం నిర్వహించారు. ● ఇన్‌పేషెంట్‌ సేవలు, శస్త్ర చికిత్సల పనితీరుపై చర్చించారు. ● ఆరోగ్యశ్రీకి సంబంధించిన రివాల్వింగ్‌ ఫండ్‌ ద్వారా వైద్య పరికరాలు కొనుగోలు చేయాలని నిర్ణయించారు. ● క్లినికల్‌ సేవలను మెరుగుపర్చాలని నిర్ణయించినప్పటికీ ఇప్పటివరకై తే ఏమీ అమలులోకి రానట్లు తెలిసింది. ● రోగులతో సిబ్బంది కమ్యూనికేషన్‌ పెంచేలా నిర్ణయించినప్పటికీ ఆ దిశగా అందడం లేదనే ఆరోపణలు వస్తున్నాయి. ● నూతనంగా వైద్య పరికరాలు కొనుగోలు చేయాలని నిర్ణయించినప్పటికీ రోగుల సమస్యలు పరిష్కరించాలని జిల్లా ప్రజలు కోరుతున్నారు.

కనిపించని వైద్య పరికరాలు ఎక్స్‌రే విభాగంలో ఫిల్మ్‌ కొరత తాగునీటికీ ఇబ్బంది పడుతున్న రోగులు ఇంటి నుంచే తెచ్చుకుంటున్న బంధువులు ఇటీవల ఆస్పత్రి అభివృద్ధి కమిటీ సమావేశం