రాష్ట్రంలో రెడ్‌బుక్‌ రాజ్యాంగం

రాష్ట్రంలో రెడ్‌బుక్‌ రాజ్యాంగం బాపట్ల టౌన్‌: రాష్ట్రంలో రెడ్‌బుక్‌ రాజ్యాంగం అమలవుతోందని, పేదల బతుకులకు రక్షణ లేకుండా పోతోందని వైఎస్సార్‌ కాంగ్రెస్‌ పార్టీ జిల్లా ఎస్సీ సెల్‌ అధ్యక్షుడు వాసుమళ్ళ వాసు తెలిపారు. దళిత కార్యకర్త మందా సాల్మన్‌ హత్యకు నిరసనగా వైఎస్సార్‌ కాంగ్రెస్‌ పార్టీ అధ్యక్షుడు వైఎస్‌ జగన్‌మోహన్‌ రెడ్డి ఆదేశాల మేరకు శనివారం జిల్లాలోని ఎస్సీ సెల్‌, మైనార్టీ, యువజన విభాగం ఆధ్వర్యంలో పట్టణంలో నిరసన ర్యాలీ నిర్వహించారు. పార్టీ కార్యాలయం నుంచి ప్రారంభమైన ర్యాలీ రథంబజార్‌, గడియారస్తంభం సెంటర్‌, జీబీసీ రోడ్డు గుండా అంబేడ్కర్‌ సర్కిల్‌ వరకు సాగింది. అంబేడ్కర్‌ సర్కిల్‌లో పార్టీ నాయకులు రోడ్డుపై బైఠాయించి నిరసన తెలియజేశారు.

న్యూస్‌రీల్‌