లండన్‌: ఎక్కువ స్థాయిలో ఆల్కహాల్‌ తీసుకోవడం వల్ల ఆడవాళ్లకంటే త్వరగా మగవాళ్లకే ఎక్కువ హాని కలుగుతోందని శాస్త్రవేత్తల తాజా సర్వేలో వెల్లడైంది. యూరోపియన్‌ కాలేజ్‌ నిర్వహించిన న్యూరోసైకోఫార్మకాలజీ వార్షిక సదస్సులో ఫిన్‌లాండ్‌ శాస్త్రవేత్తలు ఈ విషయాన్ని ‍ప్రస్తావించారు.
  
 ఎక్కువ స్థాయిలో అల్కాహాలిక్‌ సేవించే ఆడ, మగవాళ్ల మెదడు పనితీరులో చాల మార్పులు గమనించామని తూర్పు ఫిన్లాండ్ యూనివర్సిటీ శాస్త్రవేత్త అవుటి క్యారే తెలిపారు. దీర్ఘకాలికంగా మద్యం సేవించడం యువత ఆరోగ్యానికి హానికరమని, ఆడవాళ్ల మెదడు పనితీరులో కంటే మగవారి మెదడు పనితీరులో సమూల మార్పులు చోటుచేసుకోవడం గుర్తించామని ఆయన పేర్కొన్నారు.
  
 మద్యం ఎక్కువగా సేవించే ఒకే వయస్సు గ్రూప్‌కు చెందని కొంతమంది యువతులను, యువకులను ఒక గ్రూప్‌గా, తక్కువగా ఆల్కహాల్‌ తీసుకునే మరి కొంతమంది రెండో గ్రూప్‌గా విభజించి వారి మెదళ్లు పనితీరును పరిశీలించమన్నారు. ఆల్కహాల్‌ తీసుకునే గ్రూప్‌ కంటే తీసుకునే వారి మెదడు పనితీరులో చాల మార్పులు సంభవించాయని క్యారే తెలిపారు. ఇక ఆల్కహాల్‌ తీసుకునే గ్రూప్‌లో ఆడవారి కంటే మగవారి మెదడు స్పదించే తీరులో ఎక్కువ వ్యత్యాసం కనపడిందని పేర్కొన్నారు. 


 లండన్: మద్యం ఎందుకు సేవిస్తారు..? ఇదేం ప్రశ్న అనుకుంటున్నారా..? ఇదే ప్రశ్న యూనివర్సిటీ ఆఫ్ ఈస్ట్రన్ ఫిన్లాండ్ శాస్త్రవేత్తలకు తలెత్తింది. దీనిపై పరిశోధన చేసిన శాస్త్రవేత్తలు.. మెదడులో కలిగే మార్పుల వల్ల జనాలు అతిగా మద్యం సేవిస్తారని గుర్తించారు. తాగుడు అలవాటు లేని వారితో పోల్చితే మద్యం సేవించే వ్యక్తుల మెదడు కణజాలంలో కొన్ని ప్రత్యేక మార్పులు చోటుచేసుకుంటాయని కనుగొన్నారు. ‘మద్యం సేవించే వారందరిలో కొన్ని ఉమ్మడి లక్షణాలుంటాయి.
 
 తాగే వారిని టైప్-1, టైప్-2 అనే రెండు గ్రూపులుగా విభజించవచ్చు. టైప్-1 మనుషులు లేటు వయసులో, తమకున్న ఆందోళన వల్ల తాగుడు ఆరంభిస్తారు. ఇక టైప్-2 మనుషులు యుక్త వయసులో.. సంఘ వ్యతిరేక లక్షణాలు లేదా మద్యానికి ఆకర్షితులవడం వల్ల మొదలుపెడతారు. అయితే మద్యం సేవించే వారంతా ఈ రెండు గ్రూపుల కిందికే వస్తారని కచ్చితంగా చెప్పలేం. మరిన్ని గ్రూపులు కూడా ఉండొచ్చు’ అని యూనివర్సిటీ ఆఫ్ ఈస్ట్రన్ ఫిన్లాండ్‌కు చెందిన ఒల్లీ కర్కైనెన్ తెలిపారు.