తెలుగు ప్రేక్షకులకు ‘తొలిప్రేమ’ అంటే పవన్‌కల్యాణ్ చిత్రం గుర్తొస్తుంది. ఇప్పుడు ‘తొలిప్రేమలో’ అంటూ మరో చిత్రం వస్తోంది. ప్రభు సాల్మన్ దర్శకత్వం వహించిన తమిళ చిత్రం ‘కయల్’. చంద్రన్, ఆనందిని జంటగా నటించిన ఈ చిత్రాన్ని యాదాద్రి ఎంటర్‌టైన్‌మెంట్స్ పతాకంపై ‘తొలిప్రేమలో’ పేరుతో తెలుగులోకి అనువదించారు. తమటం శ్రీనివాసగౌడ్, జయారపు రామకృష్ణ, గౌలిఖార్ శ్రీనివాస్ నిర్మాతలు. డి.ఇమాన్ స్వరపరిచిన ఈ చిత్రం ఆడియో ఆవిష్కరణ హైదరాబాద్‌లో జరిగింది. ముఖ్య అతిథి దర్శకుడు ఎన్.శంకర్ మాట్లాడుతూ - ‘‘ప్రేమకథలో ఉండాల్సిన అన్ని భావోద్వేగాలు ఈ చిత్రంలో ఉన్నాయి.
 
 తమిళంలో ప్రభు సాల్మన్ తనకంటూ ఓ మార్క్ సృష్టించుకున్నాడు. సినిమాలో మంచి కంటెంట్ ఉంటే తెలుగు ప్రేక్షకులు ఆదరిస్తారని పలు చిత్రాలు నిరూపించాయి. ఈ చిత్రం మంచి విజయం సాధిస్తుందని ఆశిస్తున్నాను’’ అన్నారు.