Tesla roadster car

టెస్లా ఇటీవల తన సరికొత్త రోడ్‌స్టర్‌ ఈవీను ప్రదర్శించింది. గాలిలో ఎగరగల ఎలక్ట్రిక్ కారును ప్రదర్శించినప్పటికీ, దీని ఉత్పత్తి 2028లో ప్రారంభం కానుంది. అయితే కంపెనీ దీనికోసం బుకింగ్స్ స్వీకరించడం స్టార్ట్ చేసింది.టెస్లా లాంచ్ చేయనున్న ఎగిరే రోడ్‌స్టర్‌ కోసం రూ. 50.06 లక్షల టోకెన్ మొత్తంతో బుకింగ్‌లు స్వీకరిస్తోంది. ఈ మొత్తాన్ని రెండు వాయిదాలలో చెల్లించుకునే అవకాశం ఉంది. మొదటి చెల్లింపు రూ. 5.01 లక్షలు కాగా, రెండవ చెల్లింపును 10 రోజులలోపు చేయాలి, దీని మొత్తం రూ. 45.05 లక్షలు. అయితే డెలివరీలు ఎప్పుడనే విషయాన్ని సంస్థ అధికారికంగా వెల్లడించలేదు.టెస్లా రోడ్‌స్టర్ భారతదేశంలో థ్రస్ట్, రాకెట్ అనే రెండు వేరియంట్లలో లభిస్తుంది. థ్రస్ట్ రెండు-సీట్ల కాన్ఫిగరేషన్‌లో అందుబాటులో ఉంటుంది. ఇది గాలిలో ఎగరదు. అయితే ఈ ఈవీ ఒక సెకనులోపు 0-100 కిలోమీటర్ల వేగాన్ని అందుకోగలదని టెస్లా పేర్కొంది. ఇదే నిజమైతే అత్యంత వేగవంతమైన కారు ఇదే అవుతుందని చెప్పడంలో ఎలాంటి సందేహం లేదు. రాకెట్ వేరియంట్ అనేది సింగిల్-సీటర్. ఇది గాలిలోకి ఎగరగల సామర్థ్యాన్ని కలిగి ఉంటుంది. కాగా రాబోయే టెస్లా రోడ్‌స్టర్‌కు సంబంధించిన యాంత్రిక వివరాలు ప్రస్తుతానికి వెల్లడికాలేదు.ఇదీ చదవండి: శాంసంగ్‌ కొత్త స్మార్ట్‌ఫోన్‌ లాంచ్: ధర ఎంతంటే?

కార్లు రోడ్ల తిరగడమే కాదు.. భవిష్యత్తులో గాల్లో కూడా ప్రయాణిస్తాయనే ఆలోచన చాలాకాలంగా ఉంది. ఇప్పుడు ఈ ఆలోచనను నిజం చేసే దిశగా టెస్లా మరో అడుగు ముందుకేసింది. ఎలాన్ మస్క్‌కు చెందిన టెస్లా సంస్థ కొత్త రోడ్‌స్టర్ కారుతో చేసిన విన్యాసాలు అందరి దృష్టిని ఆకర్షించాయి. ఈ కారు ప్రత్యేకంగా ఏర్పాటు చేసిన ర్యాంప్‌పై తలకిందులుగా ప్రయాణించడంతో పాటు, కొద్దిసేపు గాల్లోకి ఎగిరి సురక్షితంగా ల్యాండ్ అయింది. దీనికి సంబంధించిన వీడియోలు సోషల్ మీడియాలో వైరల్ అవుతున్నాయి.అమెరికాలోని మెక్‌గ్రెగర్‌లో ఉన్న స్పేస్‌ఎక్స్ కేంద్రంలో అక్టోబర్ 15న ఈ ప్రదర్శన జరిగింది. ఇందులో భాగంగా టెస్లా రోడ్‌స్టర్ భారీ వంపుతో ఉన్న ర్యాంప్‌పైకి వెళ్లి, దానిపై తలకిందులుగా ప్రయాణించింది. ఆ తర్వాత గాల్లోకి ఎగిరి తిరిగి సురక్షితంగా భూమి మీదకు దిగింది.ఈ ప్రదర్శనకు సంబంధించిన వీడియోను ఎలాన్ మస్క్ తన సోషల్ మీడియా ప్లాట్‌ఫామ్ ఎక్స్‌లో షేర్ చేస్తూ.. ష్యత్తులో నిజంగానే ఎగిరే కార్లు ఉంటాయని తేలింది'' అని అన్నారు. టెస్లా అధికారిక ఖాతా కూడా ఈ వీడియోను పంచుకుంది.Turns out the future does have flying cars https://t.co/6fexPp6SXI— Elon Musk (@elonmusk) October 16, 2026కారులో రాకెట్ టెక్నాలజీ!ఈ కొత్త రోడ్‌స్టర్‌లో స్పేస్‌ఎక్స్ అభివృద్ధి చేసిన కోల్డ్ గ్యాస్ థ్రస్టర్లను ఉపయోగించినట్లు తెలుస్తోంది. ఒత్తిడితో నిల్వ చేసిన వాయువును విడుదల చేయడం ద్వారా శక్తి ఉత్పత్తి అవుతుంది. ఈ సాంకేతికతకు రాకెట్లలో ఉపయోగించే థ్రస్ట్ సూత్రంతో సంబంధం ఉంది. ఇతర ప్రత్యేక వ్యవస్థలతో కలిపి దీన్ని ఉపయోగించడం వల్ల కారు అసాధారణ విన్యాసాలు చేయగలిగింది.అయితే.. ఇక్కడ గమనించాల్సిన విషయం ఏమిటంటే.. కారు గాల్లోకి ఎగిరిందని చెప్పి అది విమానంలా ఎక్కడికైనా ప్రయాణించగలదని భావించకూడదు. ఈ ప్రదర్శన ప్రత్యేకంగా ఏర్పాటు చేసిన పరిస్థితుల్లో జరిగింది. సాధారణ రోడ్లపై ఇలాంటి కార్లను నడపడానికి అవసరమైన భద్రతా ప్రమాణాలు, ప్రభుత్వ అనుమతులు, సాంకేతిక పరీక్షలు ఇంకా కీలకమైన అంశాలుగా ఉన్నాయి.ఇదీ చదవండి: అమెరికా గ్రీన్ కార్డుల వివాదం.. బ్రాడ్ స్మిత్ హెచ్చరిక!

గ్లోబల్ మార్కెట్లో టెస్లా కార్లకు మంచి డిమాండ్ ఉంది. సెలబ్రిటీలు, పారిశ్రామిక వేత్తలు ఈ కార్లను ఇష్టపడి కొనుగోలు చేస్తున్నారు. ఈ నేపథ్యంలో.. ఓపెన్ఏఐ సీఈఓ శామ్ ఆల్ట్‌మాన్ (Sam Altman) 2018 జూలైలో 50000 డాలర్లతో టెస్లా రోడ్‌స్టర్‌ బుక్ చేసుకున్నారు. బుక్ చేసుకుని ఇన్నాళ్లయినా.. ఇప్పటికీ కారు డెలివరీ జరగలేదు, డబ్బు కూడా రీఫండ్ కాలేదు. ఈ విషయాన్ని ఆల్ట్‌మాన్ తన ఎక్స్ ఖాతాలో పేర్కొన్నారు. దీనికి సంబంధించిన ఫోటోలను కూడా షేర్ చేసారు.శామ్ ఆల్ట్‌మాన్.. టెస్లా రోడ్‌స్టర్‌ బుకింగ్స్, రీఫండ్ కోసం అభ్యర్థించిన మెయిల్ స్క్రీన్‌షాట్‌లను కూడా తన ఎక్స్ ఖాతాలో షేర్ చేశారు. ఇందులో 2018 జులై 11న కారును బుక్ చేసినట్లు తెలుస్తోంది. అయితే తాను చెల్లించిన డబ్బును రీఫండ్ చేయమని కూడా మెయిల్ చేశారు. కానీ అతనికి అడ్రస్ నాట్ ఫౌండ్ అనే రిప్లై వచ్చింది.''టెస్లా రోడ్‌స్టర్‌ కారును కొనుగోలు చేయడానికి.. నేను ఉత్సాహంగా ఉన్నాను. కంపెనీ కారును డెలివరీ చేయడంలో జరిగిన ఆలస్యాన్ని కూడా నేను అర్థం చేసుకున్నాను. కానీ 7.5 సంవత్సరాలు వేచి ఉండటం చాలా కాలంగా అనిపించింది'' అని కూడా శామ్ ఆల్ట్‌మాన్ మరో ట్వీట్ ద్వారా వెల్లడించారు.రద్దు చేసుకోవడం కష్టంటెస్లా రోడ్‌స్టర్‌ కారును బుక్ చేసుకున్న తరువాత.. బుకింగ్ క్యాన్సిల్ చేసుకున్న వారిలో ఓపెన్ఏఐ సీఈఓ శామ్ ఆల్ట్‌మాన్ మాత్రమే కాకుండా, ప్రముఖ యూట్యూబర్ మార్క్వెస్ బ్రౌన్లీ కూడా ఉన్నారు. ఈయన 2017లో రెండు టెస్లా రోడ్‌స్టర్‌లను రిజర్వ్ చేసుకున్నట్లు వెల్లడించారు. బుకింగ్ ప్రక్రియ సులభంగా జారిపోయింది. కానీ రిజర్వేషన్‌ను రద్దు చేసుకోవడం ఊహించిన దానికంటే చాలా కష్టమని బ్రౌన్లీ అన్నారు.టెస్లా రోడ్‌స్టర్‌టెస్లా సీఈఓ ఎలాన్ మస్క్.. 2017లో రోడ్‌స్టర్‌ను పర్ఫామెన్స్ బేస్డ్ ఈవీగా ఆవిష్కరించారు. ఇది 1.9 సెకన్లలో 0 నుంచి 96 కి.మీ వేగాన్ని అందుకోగలదని.. గంటలు 402 కి.మీ గరిష్ట వేగంతో 997 కి.మీ రేంజ్ అందిస్తుందని కంపెనీ పేర్కొంది. అయితే ఈ స్పోర్ట్స్ కారు ఉత్పత్తిలోకి రాలేదు. 2024లో కూడా రోడ్‌స్టర్ బయటకు రాలేదని మస్క్ పేర్కొన్నారు. కాగా దీనిని ఎప్పుడు అధికారికంగా లాంచ్ చేస్తారనే విషయాన్ని వెల్లడించలేదు.A tale in three acts: pic.twitter.com/ClRZBgT24g— Sam Altman (@sama) October 30, 2025

ఫ్లారిడా, అమెరికా : ప్రపంచంలోని అత్యంత శక్తిమంతమైన రాకెట్‌ ప్రయోగం ద్వారా అంతరిక్షంలో ప్రవేశపెట్టిన కారు భూమి ఢీ కొడుతుందని శాస్త్రవేత్తలు ప్రకటించారు. స్పేస్‌ ఎక్స్‌ కంపెనీ గత వారం టెస్లాకు చెందిన రోడ్‌స్టర్‌ కారును గత వారం అంతరిక్షంలోకి ప్రవేశపెట్టిన విషయం తెలిసిందే. అంగారక కక్ష్యలోకి కారును ప్రయోగించగా.. అది కక్ష్యను దాటి ప్రయాణిస్తోంది. కక్ష్యను వదలి ప్రయాణిస్తున్న కారు 10 లక్షల ఏళ్ల తర్వాత భూమి లేదా శుక్ర గ్రహాన్ని ఢీ కొడుతుందని ముగ్గురు శాస్త్రవేత్తలు పేర్కొన్నారు.ఆ సమయానికి భూమిపై జీవరాశి ఉండకపోవచ్చునని కూడా అభిప్రాయపడ్డారు. కారు భూమి వైపు దూసుకొచ్చే సమయంలోగా మహా ప్రళయాలు సంభవించి మానవాళి అంతరించే అవకాశం ఉన్నట్లు చెప్పారు. అంతరిక్షం నుంచి భూమి వైపు ప్రయాణించే సమయంలో వేగానికి కారు మండిపోయి అగ్నిగోళంగా మారి ఢీ కొడుతుందని వివరించారు. ఇందుకు సంబంధించిన వివరాలు రాయల్‌ ఆస్ట్రనామికల్‌ సోసైటీ మేగజిన్‌లో ప్రచురితమయ్యాయి. ప్రస్తుతం అంగారకుడి కక్ష్యలో తిరుగుతున్న టెస్లా కారు 2091లో భూమికి చేరువగా వస్తుందని పరిశోధకులు వివరించారు. ఫాల్కన్‌ హెవీ.. ఓ చరిత్ర స్పేస్‌ ఎక్స్‌ కంపెనీ తయారు చేసిన ఫాల్కన్‌ హెవీని మూడు ఫాల్కన్‌-9 రాకెట్లను కలిపి రూపొందించారు. ఫాల్కన్‌ హెవీని పునర్వినియోగించుకోవచ్చు. ప్రయోగ అనంతరం ముందుగా నిర్దేశించిన ప్రదేశానికి రాకెట్లు తిరిగి చేరుతాయి. దీని ఎత్తు 23 అంతస్తులు ఉంటుంది. ఫాల్కన్‌ హెవీ అత్యధికంగా లక్షా నలభై ఒక్క వేల పౌండ్ల పేలోడ్‌ను అంతరిక్షంలోకి మోసుకుని వెళ్లగలదు.

కెన్నడీ స్పేస్‌ సెంటర్‌, ఫ్లారిడా ‌: ప్రపంచంలోనే అత్యంత శక్తివంతమైన రాకెట్‌ ప్రయోగం మంగళవారం విజయవంతమైంది. 18, 747 జెట్‌ లైనర్ల వేగంతో ఫాల్కన్‌ హెవీ రాకెట్‌ అంతరిక్షంలోకి దూసుకెళ్లిన రాకెట్‌.. కారును అంతరిక్షంలోకి మోసుకెళ్లింది. అంగారకుడి కక్ష్యలోకి టెస్లా రోడ్‌స్టర్‌ కారు చేరనుంది. ఈ ప్రయోగం విజయవంతం కావడంతో అంతరిక్ష రంగంలో స్పేస్‌ ఎక్స్‌ కొత్త చరిత్ర సృష్టించింది. ఫాల్కన్‌ హెవీ రాకెట్‌కు అమర్చిన 27 ఇంజిన్లను క్రమపద్దతిలో మండించిన శాస్త్రజ్ఞులు ప్రయోగాన్ని విజయవంతం చేశారు. ఈ క్రమంలో ఇంజిన్ల నుంచి వెలువడి పొగ పెద్ద పర్వతంలా కనిపించింది. ఫాల్కన్‌ రాకెట్‌ చేసిన శబ్దానికి ఫ్లారిడా స్పేస్‌ కోస్ట్‌ కంపించిపోయింది. మొత్తం ఆరు గంటల పాటు కొనసాగిన ప్రయోగాన్ని శాస్త్రజ్ఞులు లైవ్‌లో తిలకించారు. చంద్రుడిపైకి అపోలో 11 అంతరిక్ష వ్యోమ నౌకను ప్రయోగించిన లాంచ్‌పాడ్‌ నుంచి ఈ ప్రయోగం చేయడం గమనార్హం. ప్రయోగ సమయంలో పెద్ద ఎత్తున పొగలు ఎగిసిపడ్డాయి. ఫాల్కన్‌ హెవీ.. ఓ చరిత్ర స్పేస్‌ ఎక్స్‌ కంపెనీ తయారు చేసిన ఫాల్కన్‌ హెవీని మూడు ఫాల్కన్‌ 9 రాకెట్లను కలిపి రూపొందించారు. అంతేకాకుండా పునర్వినియోగించుకోగల ప్రత్యేకత ఫాల్కన్‌ హెవీ సొంతం. 23 అంతస్తుల ఎత్తు ఉండే ఫాల్కన్‌ హెవీ ప్రయోగం తర్వాత కెన్నెడీ స్పేస్‌ సెంటర్‌కు తిరిగి చేరుకున్నాయి. అయితే, ఒక రాకెట్‌ సముద్రంలో దిగాల్సివుండగా మధ్యలోనే కుప్పకూలిపోయింది. ఫాల్కన్‌ హెవీ అత్యధికంగా 1,41, 000 పౌండ్ల పేలోడ్‌ను అంతరిక్షంలోకి మోసుకుని వెళ్లగలదు.