‘‘తెనాలి రామకృష్ణ బీఏబీఎల్‌’ సినిమాని ప్రేక్షకులను నవ్వించడానికే తీశామని ముందు నుంచి చెబుతున్నాం. మా సినిమాపై వస్తున్న రివ్యూలను స్వాగతిస్తున్నా’’ అని హీరో సందీప్‌ కిషన్‌ అన్నారు. జి.నాగేశ్వర రెడ్డి దర్శకత్వంలో సందీప్‌ కిషన్, హన్సిక జంటగా నటించిన చిత్రం ‘తెనాలి రామకృష్ణ బీఏబీఎల్‌’. జవ్వాజి రామాంజనేయులు సమర్పణలో అగ్రహారం నాగిరెడ్డి, శ్రీనివాస్, కె.సంజీవ్‌ రెడ్డి నిర్మించిన ఈ సినిమా శుక్రవారం విడుదలైంది. ఈ సందర్భంగా ఏర్పాటు చేసిన సక్సెస్‌ మీట్‌లో సందీప్‌ కిషన్‌ మాట్లాడుతూ– ‘‘నాకు వస్తున్న ఫోన్‌ కాల్స్‌ని బట్టి మా చిత్రాన్ని ప్రేక్షకులు బాగా ఎంజాయ్‌ చేస్తున్నారని తెలుస్తోంది. ఎక్కడా బోర్‌ కొట్టకుండా ఉందంటున్నారు. ప్రతి షోకు జనాలు పెరుగుతున్నారు’’ అన్నారు. ‘‘నవ్వించడానికి సినిమా తీశాం.. ప్రేక్షకులు నవ్వుతుండటం సంతోషం. కామెడీ, మ్యూజిక్, ట్విస్ట్‌లు బావున్నాయని అంటున్నారు.. మాకు అదే చాలు. అందరం సంతోషంగా ఉన్నాం’’అన్నారు దర్శకుడు జి.నాగేశ్వర రెడ్డి. ‘‘అన్ని ఏరియాల నుంచి పాజిటివ్‌ టాక్‌  వస్తోంది’’ అన్నారు నిర్మాతలు. ‘‘మేము హిట్‌ కొట్టాం అని గర్వంగా చెబుతున్నాను. ఆడియన్స్‌కు ధన్యవాదాలు’’ అన్నారు ఎడిటర్‌ చోటా కె. ప్రసాద్‌. ‘‘మార్నింగ్‌ షో నుంచి పాజిటివ్‌ టాక్‌ వినిపిస్తోంది. ఈ సినిమాకు పనిచేసిన అందరికీ అభినందనలు’’ అన్నారు సంగీత దర్శకుడు సాయి కార్తీక్‌.  

‘‘కమర్షియల్‌ ఎంటర్‌టైన్‌మెంట్‌తో థ్రిల్లింగ్‌ యాక్షన్‌ డ్రామాగా ‘తెనాలి రామకృష్ణ’ చిత్రాన్ని రూపొందించాం. నాలోని ప్లస్సులను హైలెట్‌ చేసి, మైనస్‌లను కవర్‌ చేసి అద్భుతంగా ఈ సినిమా తీశారు నాగేశ్వరరెడ్డిగారు. మా చిత్రంతో రెండుగంటలపాటు ప్రేక్షకులను నవ్విస్తాం’’ అని సందీప్‌ కిషన్‌ అన్నారు. జి.నాగేశ్వరరెడ్డి దర్శకత్వంలో సందీప్‌ కిషన్, హన్సిక జంటగా నటించిన చిత్రం ‘తెనాలి రామకృష్ణ బీఏబీఎల్‌’. జవ్వాజి రామాంజనేయులు సమర్పణలో అగ్రహారం నాగిరెడ్డి, శ్రీనివాస్, కె.సంజీవ్‌ రెడ్డి నిర్మించిన  సినిమా నేడు విడుదలవుతోంది. ఈ సందర్భంగా ఏర్పాటు చేసిన ప్రెస్‌మీట్‌లో నాగేశ్వర రెడ్డి మాట్లాడుతూ–‘‘సందీప్‌ కిషన్‌ సినిమా పిచ్చోడు. తనకు సినిమా తప్ప మరేం తెలియదు. ఈ చిత్రాన్ని నిర్మాతలు ప్యాషన్‌తో నిర్మించారు. టీమ్‌ అందరం కష్టపడి ఈ సినిమా చేశాం.. ప్రేక్షకులకు నచ్చుతుందనే నమ్మకం ఉంది’’ అన్నారు. ‘‘మా సినిమా అందర్నీ అలరిస్తుంది’’ అన్నారు హన్సిక. ‘‘ఈ చిత్రాన్ని తమిళంలోనూ రీమేక్‌ చేస్తాం’’ అన్నారు నిర్మాతలు.  రచయిత రాజసింహా, నటుడు ప్రభాస్‌ శ్రీను, సంగీత దర్శకుడు సాయి కార్తీక్‌ మాట్లాడారు.  

‘‘నేను యాక్టర్‌ని కాకపోయుంటే కచ్చితంగా లాయర్‌ని అయ్యేదాన్ని. ఎందుకంటే అందరితో ఎక్కువగా వాదిస్తుంటాను’’ అన్నారు హన్సిక. సందీప్‌ కిషన్, హన్సిక జంటగా జి.నాగేశ్వరరెడ్డి దర్శకత్వంలో తెరకెక్కించిన చిత్రం ‘తెనాలి రామకృష్ణ బీఏబీఎల్‌’. ‘కేసులు ఇవ్వండి ప్లీజ్‌’ అన్నది ఉపశీర్షిక. జవ్వాజి రామాంజనేయులు సమర్పణలో ఎస్‌.ఎన్‌.ఎస్‌ క్రియేషన్స్‌ పతాకంపై అగ్రహారం నాగిరెడ్డి, సంజీవ్‌ రెడ్డి, రూపా జగదీష్‌ నిర్మించిన ఈ సినిమా రేపు(శుక్రవారం) విడుదల కానుంది. ఈ సందర్భంగా హన్సిక పలు విశేషాలు పంచుకున్నారు. ► ‘తెనాలి రామకృష్ణ’ సినిమాలో అమాయకపు లాయర్‌ పాత్రలో కనిపిస్తాను. ఈ చిత్రంలో మా నాన్న (మురళీ శర్మ) పెద్ద లాయర్‌. నేను చాలా తెలివైనదాన్ని అని నా ఫీలింగ్‌. సెక్షన్స్‌ అన్నీ తికమకగా చెప్పేస్తాను. తెనాలి రామకృష్ణతో తొలుత గొడవ, ఆ తర్వాత ప్రేమలో పడతాను. మేమిద్దరం ఓ కేసుని ఎలా డీల్‌ చేశామన్నది ఈ చిత్ర కథ. ► జి.నాగేశ్వరరెడ్డిగారితో ‘దేనికైనా రెడీ’ సినిమా చేశాను. ఆయన సినిమాలు చాలా సరదాగా ఉంటాయి. ఈ సినిమా కూడా అలానే ఉంటుంది. కుటుంబమంతా కలసి నవ్వుతూ థియేటర్స్‌ నుంచి బయటకు వస్తారు. ► వరుసగా తమిళ సినిమాలు చేయడంతో తెలుగులో చిన్న గ్యాప్‌ ఏర్పడింది. కానీ, తెలుగు సినిమా అవకాశం ఎప్పుడు వచ్చినా చేస్తుంటాను. పాత్ర బావుంటే భాషతో నాకు పట్టింపు లేదు. నా పాత్రని ఎలా చేశా అన్నదే ముఖ్యం. ఒకే సినిమాలో ఇద్దరు హీరోయిన్లు ఉన్నా నేను ఇన్‌సెక్యూర్‌గా ఫీల్‌ అవ్వను. నేను చాలా కాన్ఫిడెంట్, సెక్యూర్‌ యాక్టర్‌ని. ► కార్‌ డ్రైవింగ్‌ అంటే నాకు చాలా ఇష్టం. ఈ ధన్‌తేరస్‌కి మా ఇంటి మహాలక్ష్మికి ఏదో ఒకటి ఇవ్వాలని మా అమ్మగారు నాకు కారును బహుమతిగా కొనిచ్చారు. నెగటివ్‌ రోల్, కామెడీ చేయడం చాలా కష్టం. అలాంటి పాత్రలు వస్తే అస్సలు వదులుకోను. కెరీర్‌లో 50 సినిమాలు పూర్తి చేశాను. ఇంకా సాధించాల్సింది చాలా ఉంది అని నా భావన. ఎప్పుడూ పని చేస్తూనే ఉండాలి.. అందరూ బావుండాలి అన్నదే నా ఫిలాసఫీ. ► ప్రస్తుతం తెలుగులో అమే జాన్‌ కోసం ఓ వెబ్‌ సిరీస్‌ చేస్తున్నాను. ‘భాగమతి’ దర్శకుడు అశోక్‌ డైరెక్టర్‌. షూటింగ్‌ దాదాపు పూర్తయింది. ప్రస్తుతం యూత్‌ ఎలా ఉంది? అనే యాంగిల్‌లో కథ సాగుతుంది. వచ్చే ఏడాది ప్రారంభంలో ఈ వెబ్‌ సిరీస్‌ బయటకు వస్తుంది.

‘‘ఇప్పటి మనుషులు డబ్బు వేటలో, ఉద్యోగాల ఒత్తిడి వల్ల నవ్వడం మానేశారు. పైగా ఈ మధ్య టాలీవుడ్‌లో పూర్తి స్థాయి వినోదాత్మక చిత్రాలు రావడం తగ్గింది. అందుకే పూర్తి వినోదాత్మకంగా ‘తెనాలి రామకృష్ణ బీఏబీఎల్‌’ సినిమాని తెరకెక్కించాం’’ అని డైరెక్టర్‌ జి. నాగేశ్వర రెడ్డి అన్నారు. సందీప్‌ కిషన్, హన్సిక జంటగా వరలక్ష్మీ శరత్‌కుమార్‌ కీలక పాత్రలో నటించిన చిత్రం ‘తెనాలి రామకృష్ణ బీఏబీఎల్‌’. ‘కేసులు ఇవ్వండి ప్లీజ్‌’ అన్నది ఉపశీర్షిక. జవ్వాజి రామాంజనేయులు సమర్పణలో ఎస్‌.ఎన్‌.ఎస్‌ క్రియేషన్స్‌ పతాకంపై అగ్రహారం నాగిరెడ్డి, సంజీవ్‌ రెడ్డి, రూపా జగదీష్‌ నిర్మించిన ఈ సినిమా ఈ నెల 15న విడుదల కానుంది. ఈ సందర్భంగా చిత్రదర్శకుడు జి. నాగేశ్వర రెడ్డి చెప్పిన విశేషాలు. ► తెనాలి రామకృష్ణ అంటే తిమ్మిని బొమ్మి చేయగల సమర్థుడని చరిత్రలో చదువుకున్నాం. మా చిత్రంలో లాయర్‌గా సందీప్‌ పాత్ర కూడా అలాగే ఉంటుంది. తెనాలి రామకృష్ణకు ఉండే అన్ని లక్షణాలు ఈ లాయర్‌ పాత్రకు ఉంటాయి. అందుకే ‘తెనాలి రామకృష్ణ బీఏ బీఎల్‌’ అనే టైటిల్‌ పెట్టాం. ► రాజీపడితే కేసులు, గొడవలు, కోర్టులు ఉండవు అనే ధోరణిలో ఉండే హీరో ఓ కేసులో రాజీపడే ప్రసక్తే లేదు అన్నట్టుంటాడు. రెండు ఉద్దేశాలు కలిగిన హీరో పాత్రని వినోదాత్మకంగా తెరకెక్కించడం జరిగింది. ఈ సినిమాతో సందీప్‌కి కొత్త ఇమేజ్‌ వస్తుంది. ఈ సినిమా చిత్రీకరణలో ఒక యాక్షన్‌ సీక్వెన్స్‌ చేస్తున్నప్పుడు   సందీప్‌కి  గాయం అయింది. దాంతో రెండు నెలలు షూటింగ్‌ వాయిదా పడింది. ► ఈ చిత్రంలో హన్సికది కూడా లాయర్‌ పాత్రే. మహా మేధావి అనుకునే ఇన్నోసెంట్‌ లాయర్‌ పాత్ర ఆమెది. వరలక్ష్మీ శరత్‌కుమార్‌ని ముఖ్యమైన పాత్ర కోసం తీసుకున్నాం. ► ఈ సినిమాలో కమెడియన్స్‌గా నటించిన పోసాని కృష్ణమురళి, ‘వెన్నెల’ కిషోర్, సప్తగిరి, సత్య కృష్ణల గురించి ప్రత్యేకంగా చెప్పాలి. వీరి కామెడీ ట్రాక్‌ తెనాలి రామకృష్ణ పాత్రకు మించి ఉంటుంది. 

‘‘కర్నూలు జిల్లాకు చెందిన దర్శక– నిర్మాతలు కలిసి ‘తెనాలి రామకృష్ణ: బీఏ బీఎల్‌’ సినిమాను రూపొందించారు. ఈ సినిమా మేకింగ్‌ విషయంలో నన్ను సంప్రదిస్తే నా వంతు సాయం చేశాను. సందీప్‌ చక్కగా నటించాడు. దర్శక–నిర్మాతలతో పాటు చిత్రబృందానికి అభినందనలు’’ అని రాజ్యసభ సభ్యుడు టీజీ వెంకటేశ్‌ అన్నారు. సందీప్‌కిషన్, హన్సిక జంటగా నటించిన తాజా చిత్రం ‘తెనాలి రామకృష్ణ: బీఏ బీఎల్‌’. ‘కేసులు ఇవ్వండి ప్లీజ్‌’ అనేది ఉపశీర్షిక. జి.నాగేశ్వరరెడ్డి దర్శకత్వం వహించారు. జవ్వాజి రామాంజనేయులు సమర్పణలో అగ్రహారం నాగిరెడ్డి, సంజీవ్‌రెడ్డి, రూపా జగదీష్, ఇందుమూరి శ్రీనివాసులు నిర్మించిన ఈ చిత్రం ఈ నెల 15న విడుదల కానుంది. కర్నూలులో జరిగిన ప్రీ–రిలీజ్‌ వేడుకలో సినిమా థియేట్రికల్‌ ట్రైలర్‌ను టీజీ వెంకటేశ్‌ విడుదల చేశారు. సందీప్‌కిషన్‌ మాట్లాడుతూ–‘‘మా చిత్రబృందంలో తెనాలి రామకృష్ణుడు నాగేశ్వరరెడ్డిగారే. ఆయనలాంటి దర్శకుడు ప్రస్తుతం నాకు దొరకడం నా అదృష్టం. ఈ సినిమా చూసి ప్రేక్షకులు కడుపుబ్బా నవ్వుకుంటారు’’ అన్నారు. ‘‘సందీప్‌ కెరీర్‌లోనే ఈ సినిమా పెద్ద హిట్‌ కావాలని కోరుకుంటున్నా’’ అన్నారు జి. నాగేశ్వరరెడ్డి. ‘‘ఈ సినిమా విజయం సాధించాలి’’ అన్నారు పాణ్యం ఎమ్మెల్యే కాటసాని రాంభూపాల్‌రెడ్డి. ‘‘కర్నూలులో 18రోజులు చిత్రీకరణ జరిపాం. సినిమా వినోదాత్మకంగా ఉంటుంది’’ అన్నారు నిర్మాతలు. ‘‘కర్నూలులో చిత్రీకరణ జరుపుకున్న సినిమాలన్నీ పెద్ద విజయం సాధించాయి. ఈ సినిమా కూడా హిట్‌ కావాలి’’ అన్నారు కర్నూలు మాజీ ఎమ్మెల్యే కోట్ల సుజాతమ్మ. హన్సిక, సంగీత దర్శకుడు సాయి కార్తీక్, నటుడు సప్తగిరి, ఎడిటర్‌ గౌతంరాజు, అశోక్‌కుమార్, కోట్ల హర్షవర్ధన్‌ రెడ్డి తదితరులు పాల్గొన్నారు.   ∙కాటసాని రాంభూపాల్‌ రెడ్డి, టి.జి.వెంకటేశ్, సందీప్‌ కిషన్, జి.నాగేశ్వరరెడ్డి, సంజీవ్‌ రెడ్డి

సందీప్‌ కిషన్‌ హీరోగా జి.నాగేశ్వర రెడ్డి దర్శకత్వంలో తెరకెక్కిన చిత్రం ‘తెనాలి రామకృష్ణ బీఏ బీఎల్‌’. ‘కేసులు ఇవ్వండి ప్లీజ్‌’ అన్నది ఉపశీర్షిక. హన్సిక హీరోయిన్‌గా నటించిన ఈ చిత్రంలో వరలక్ష్మి శరత్‌కుమార్‌ కీలక పాత్రలో నటించారు. నవంబర్‌ 15న విడుదల కాబోతోంది. ఇప్పటికే ఈ మూవీకి సంబంధించి విడుదలైన టీజర్‌, సాంగ్స్‌కు ప్రేక్షకుల నుంచి విశేష స్పందన వస్తోంది. దీంతో ఈ సినిమాపై సందీప్‌ అండ్‌ టీమ్‌ చాలా హోప్స్‌ పెట్టుకుంది. ఇక చిత్ర ప్రమోషన్‌లో భాగంగా ప్రీ రిలీజ్‌ ఈవెంట్‌ శనివారం కర్నూలులో ఘనంగా నిర్వహించారు. సందీప్‌ కిషన్‌ పెర్ఫార్మెన్స్‌ ప్రీ రిలీజ్‌ ఈవెంట్‌లో హైలెట్‌గా నిలిచింది. ఇక ఇదే ఈవెంట్‌లో చిత్ర ట్రైల్రర్‌ను కూడా విడుదల చేశారు.   ‘ఒరేయ్‌ తెనాలి సౌతిండియా షాపింగ్‌ మాల్‌లో కూడా ఇన్ని ఆఫర్లు ఉండువురా’, ‘పేద ప్రజలకు ఇళ్ల పట్టాలు ఫ్రీగా పంచినట్టు దీనికెవరో లాయర్‌ పట్టా ఫ్రీగా ఇచ్చారు’, ‘వీడేంటి జల్లికట్టులో ఎద్దులా వస్తున్నాడు’,అంటూ వినోద్మాత్మకంగా సాగే డైలాగ్‌లతో పాటు.. చివర్లో ‘సివిల్‌ కేసులు కాంప్రమైజ్‌ చేయోచ్చు.. క్రిమినిల్‌ కేసులు కావు, క్రిమినల్స్‌ మస్ట్‌ బి పనిష్డ్‌’అంటూ సందీప్‌ కిషన్‌ చెప్పే పవర్‌ ఫుల్‌ డైలాగ్‌ ట్రైలర్‌లో హైలెట్‌గా నిలిచాయి. ఇక సాయి కార్తీక్‌ బ్యాగ్రౌండ్‌ మ్యూజిక్‌ చింపేశాడు. కామెడీ ఎంటర్‌ట్రైనర్‌గా తెరకెక్కుతున్న ఈ చిత్రంలో బ్రహ్మానందం, మురళీ శర్మ, ‘వెన్నెల’ కిశోర్, ప్రభాస్‌ శ్రీను, పృథ్వి, రఘుబాబు, చమ్మక్‌ చంద్ర, సప్తగిరి, రజిత, కిన్నెర, అన్నపూర్ణమ్మ, వై.విజయ తదితరులు నటించారు. జవ్వాజి రామాంజనేయులు సమర్పణలో ఎస్‌.ఎన్‌.ఎస్‌ క్రియేషన్స్‌ పతాకంపై అగ్రహారం నాగిరెడ్డి ఈ చిత్రాన్ని నిర్మిస్తున్నారు. 

‘‘తొలిసారి నా పనిని సిన్సియర్‌గా, ఫుల్‌ ఎంజాయ్‌ చేస్తూ చేశాను. ఈ క్రెడిట్‌ మొత్తం దర్శకుడు నాగేశ్వరరెడ్డిగారిదే. ఈ సినిమాకు ఆయన దొరకడం నా అదృష్టం’’ అని సందీప్‌ కిషన్‌ అన్నారు. నాగేశ్వరరెడ్డి దర్శకత్వంలో సందీప్‌ కిషన్, హన్సిక, వరలక్ష్మీ శరత్‌కుమార్‌ నటించిన చిత్రం ‘తెనాలి రామకృష్ణ బిఎ.బిఎల్‌’. అగ్రహారం నాగిరెడ్డి, సంజీవరెడ్డి నిర్మిస్తున్నారు. ఈ సినిమా టీజర్‌ను హన్సిక, సందీప్‌ కిషన్‌ రిలీజ్‌ చేశారు. సందీప్‌కిషన్‌ మాట్లాడుతూ– ‘‘పక్కా కమర్షియల్‌ ఎంటర్‌టైనర్‌ ఇది. సినిమా మొత్తం నవ్వులే. నేను చాలా కొత్తగా కనిపిస్తాను. అన్నీ తానై చక్కగా రూపొందించారు నాగేశ్వరరెడ్డిగారు’’అన్నారు. ‘‘నిర్మాతలు బాగా సహకరించారు. వాళ్లకో మంచి సినిమా ఇవ్వడమే నేను వాళ్లకు ఇచ్చే గిఫ్ట్‌. సినిమా బాగా వచ్చింది. నమ్మకంగా ఉన్నాం’’ అన్నారు నాగేశ్వరరెడ్డి. ‘‘ఈ సినిమాలో భాగమవ్వడం çహ్యాపీగా ఉంది’’ అన్నారు హన్సిక. ‘‘నాగేశ్వరరెడ్డి, మేము చిన్నప్పటి నుంచి ఫ్రెండ్స్‌. ప్రేక్షకులకు ఈ సినిమా నచ్చి ఆశీర్వదిస్తారని అనుకుంటున్నాం’’ అన్నారు నాగిరెడ్డి. ‘‘మేము షూటింగ్‌కి వెళ్లకపోయినా నాగేశ్వరరెడ్డి వన్‌మ్యాన్‌ ఆర్మీగా అన్నీ చూసుకున్నాడు. సినిమా పెద్ద హిట్‌ అవుతుంది’’ అన్నారు సంజీవ్‌ రెడ్డి. ‘‘సంగీత దర్శకుడిగా ఇది నా 75వ సినిమా. అవకాశం ఇచ్చిన అందరికీ థ్యాంక్స్‌’’ అన్నారు సాయి కార్తీక్‌.

‘నిను వీడని నీడను నేనే’ సినిమాతో మంచి విజయం సాధించిన సందీప్‌ కిషన్‌ హీరోగా తెరకెక్కిన తాజా చిత్రం ‘తెనాలి రామకృష్ణ బీఏ బీఎల్’‌. ఈ సినిమాలో సందీప్‌ కేసులు రాక ఇబ్బందులు పడే లాయర్‌ పాత్రలో అలరించనున్నాడు. సందీప్‌ సరసన హన్సిక హీరోయిన్‌గా నటిస్తుండగా మురళీ శర్మ, కిన్నెరలు ఇతర పాత్రల్లో కనిపించనున్నారు. తమిళ నటి వరలక్ష్మీ శరత్‌ కుమార్‌ మరో కీలక పాత్రలో నటిస్తున్నారు. ప్రస్తుతం నిర్మాణానంతర కార్యక్రమాలు జరుపుకుంటున్న ఈ సినిమా ప్రమోషన్‌ కార్యక్రమాలు ప్రారంభించారు చిత్రయూనిట్‌. తాజాగా సినిమా టీజర్‌ను రిలీజ్‌ చేశారు. జీ నాగేశ్వర్‌ రెడ్డి దర్శకత్వంలో తెరకెక్కుతున్న ఈ సినిమాకు రాజసింహా కథ అందించారు. సంగీత దర్శకుడు సాయి కార్తీక్‌కు ఇది 75వ సినిమా కావటం విశేషం. అన్ని కార్యక్రమాలు పూర్తి చేసి త్వరలో సినిమాను ప్రేక్షకుల ముందుకు తీసుకువచ్చేందుకు రెడీ అవుతున్నారు.

తెనాలి రామకృష్ణ పేరు వినగానే పెదాలపై నవ్వు తన్నుకొస్తుంది. వికటకవిగా తెలుగువారికి ఆయన అంత సుపరిచితులు. ఇప్పుడు ఆయన పేరును గుర్తు చేస్తూ సందీప్‌ కిషన్, హన్సిక జంటగా ఓ చిత్రంలో నటిస్తున్నారు. ఆ సినిమా పేరు  ‘తెనాలి రామకృష్ణ బి.ఎ.బి.ఎల్‌’. శ్రీ నీలకంఠేశ్వరస్వామి క్రియేషన్స్‌పై ఈ చిత్రం తెలుగు, తమిళ భాషల్లో ఏకకాలంలో తెరకెక్కుతోంది. జి.నాగేశ్వరరెడ్డి దర్శకత్వం వహిస్తున్నారు. పూర్తిస్థాయి వినోదాత్మక చిత్రంగా రూపొందుతున్న ఈ చిత్రం అరవై శాతం షూటింగ్‌ పూర్తి చేసుకుంది. వరలక్ష్మీ శరత్‌కుమార్‌ ఓ కీలక పాత్ర చేస్తున్నారు. ఈ చిత్రం ఫస్ట్‌ లుక్‌ను మే 7న విడుదల చేయనున్నారు. సంగీతం: సాయికార్తీక్, కెమెరా: సాయిశ్రీరాం.

‘సీమశాస్త్రి, సీమ టపాకాయ్, దేనికైనా రెడీ, ఈడోరకం ఆడోరకం, ఆచారి అమెరికా యాత్ర’ వంటి సినిమాలతో నవ్వులు పంచిన దర్శకుడు జి.నాగేశ్వరరెడ్డి మరోసారి ‘తెనాలి రామకృష్ణ బిఏబిఎల్‌’ సినిమాతో తనదైన శైలిలో వినోదం పంచనున్నారు. సందీప్‌ కిషన్, హన్సిక హీరో హీరోయిన్లు. శ్రీ నీలకంఠేశ్వర స్వామి క్రియేషన్స్‌పై అగ్రహారం నాగిరెడ్డి, సంజీవ్‌ రెడ్డి నిర్మిస్తున్న ఈ సినిమా షూటింగ్‌ గురువారం కర్నూలులో ప్రారంభమైంది. సందీప్‌ కిషన్, హన్సిక తొలిసారి జంటగా నటిస్తున్న చిత్రం ఇది. ఈ చిత్రానికి సమర్పణ: ఇందుమూరి శ్రీనివాసులు, సహ నిర్మాతలు: రూప జగదీష్, వి. మహేశ్వరరెడ్డి, ఎగ్జిక్యూటివ్‌ ప్రొడ్యూసర్‌: సీతారామరాజు మల్లెల, సంగీతం: శేఖర్‌ చంద్ర, కెమెరా: సాయి శ్రీరామ్‌.

హిట్ ఫ్లాప్‌లతో సంబంధం లేకుండా వరుస సినిమాలతో దూసుకుపోతున్న యంగ్ హీరో సందీప్ కిషన్‌ మరో ఇంట్రస్టింగ్‌ సినిమాతో ప్రేక్షకుల ముందుకు రానున్నాడు. దర్శకుడు నాగేశ్వర రెడ్డి పుట్టిన రోజు సందర్భంగా గత డిసెంబర్‌ 4న ‘తెనాలి రామకృష్ణ బీఏబీఎల్‌’ సినిమాను ప్రకటించారు. అవుట్ అండ్‌ అవుట్ కామెడీ ఎంటర్‌టైనర్‌గా తెరకెక్కుతున్న ఈ సినిమాలో హన్సిక హీరోయిన్‌గా నటించనుంది. ఎస్‌ఎన్‌ఎస్‌ క్రియేషన్స్‌ బ్యానర్‌పై తొలి ప్రయత్నంగా తెరకెక్కుతున్న ఈ సినిమాకు అగ్రహారం నాగిరెడ్డి, సంజీవు రెడ్డి నిర్మాతలు. శేఖర్ చంద్ర సంగీతమందిస్తున్న ఈ చిత్ర షూటింగ్ ఈ రోజు (గురువారం) కర్నూలులో మొదలైంది. హీరో సందీప్ కిషన్, హన్సిక ఈ షూటింగ్ లో పాల్గొంటున్నారు. మురళీ శర్మ, వరలక్ష్మి శరత్ కుమార్, వెన్నెల కిషోర్, పృథ్వీ కీలక పాత్రల్లో నటిస్తున్నారు.

సందీప్‌ కిషన్‌ ఫుల్లుగా నవ్వించడానికి రెడీ అయ్యారు. మరి.. సినిమా టైటిల్‌ ‘తెనాలి రామకృష్ణ బీఏబీఎల్‌’ అంటే నవ్వులే నవ్వులు కదా. సందీప్, హన్సిక జంటగా సోమవారం  ఈ సినిమా హైదరాబాద్‌లో మొదలైంది. జి. నాగేశ్వరరెడ్డి దర్శకత్వం వహిస్తున్న ఈ చిత్రంలో భూమిక ఓ కీలక పాత్ర పోషిస్తున్నారు. శ్రీ నీలకంఠేశ్వర స్వామి క్రియేషన్స్‌ పై ఇదుమూరి శ్రీనివాసులు సమర్పణలో అగ్ర హారం నాగిరెడ్డి, సంజీవ్‌ రెడ్డి నిర్మిస్తున్నారు. ముహూర్తపు సన్నివేశానికి నిర్మాత అనిల్‌ సుంకర క్లాప్‌ ఇవ్వగా, మరో నిర్మాత భోగవల్లి ప్రసాద్‌ స్క్రిప్ట్‌ అందజేశారు. ‘‘రెగ్యులర్‌ షూటింగ్‌ని జనవరిలో ప్రారంభిస్తాం. అవుట్‌ అండ్‌ అవుట్‌ ఎంటర్‌టైనర్‌. అన్ని వర్గాల ప్రేక్షకులకు నచ్చుతుంది’’ అన్నారు నిర్మాతలు. మురళీ శర్మ, వరలక్ష్మీ శరత్‌కుమార్, వెన్నెల కిశోర్‌ తదితరులు నటించనున్న ఈ చిత్రానికి సంగీతం: శేఖర్‌ చంద్ర,కెమెరా: శ్యామ్‌ కె. నాయుడు, కథ–స్క్రీన్‌ప్లే: రాజసింహ టి., స్క్రీప్లే: విక్రమ్‌రాజ్, గోపాలకృష్ణ, మాటలు: నివాస్, భవానీ ప్రసాద్, ఎగ్జిక్యూటివ్‌ ప్రొడ్యూసర్‌: సీతారామరాజు మల్లెలు, కో–ప్రొడ్యూసర్‌: రూప జగదీష్, మహేశ్వర రెడ్డి.

హిట్ ఫ్లాప్‌లతో సంబంధం లేకుండా వరుస సినిమాలతో దూసుకుపోతున్న యంగ్ హీరో సందీప్ కిషన్‌. ఈ శుక్రవారం తమన్నా జోడిగా నెక్ట్స్‌ ఏంటి.? సినిమాతో ప్రేక్షకుల ముందుకు వచ్చేందుకు రెడీ అవుతున్న సందీప్‌ కిషన్‌ మరో ఇంట్రస్టింగ్‌ సినిమాను ప్రకటించాడు. కామెడీ చిత్రాల దర్శకుడు జీ నాగేశ్వరరెడ్డి దర్శకత్వంలో సందీప్‌ కిషన్‌ హీరోగా ఓ సినిమా తెరకెక్కనుంది. నాగేశ్వర రెడ్డి పుట్టిన రోజు సందర్భంగా ఈ రోజు(మంగళవారం) తెనాలి రామకృష్ణ బీఏ బీఎల్‌ సినిమాను ప్రకటించారు. అవుట్ అండ్‌ అవుట్ కామెడీ ఎంటర్‌టైనర్‌గా తెరకెక్కుతున్న ఈ సినిమాలో హన్సిక హీరోయిన్‌గా నటించనుంది. ఎస్‌ఎన్‌ఎస్‌ క్రియేషన్స్‌ బ్యానర్‌పై తొలి ప్రయత్నంగా తెరకెక్కుతున్న ఈ సినిమాకు అగ్రహారం నాగిరెడ్డి, సంజీవు రెడ్డి నిర్మాతలు. శేఖర్ చంద్ర సంగీతమందిస్తున్న ఈ సినిమా డిసెంబర్ 14న సెట్ మీదకు వెళ్లనుంది.