దేశ రాజధాని ఢిల్లీలో జరిగిన పేలుడు దేశవ్యాప్తంగా ఆందోళన రేపింది. ఇది ఉగ్రదాడి అని కేంద్రం స్పష్టం చేసింది. అంతేకాదు రాజధాని ప్రాంతంలో వరుస దాడులకు ఉగ్రవాదులు కుట్ర పన్నినట్లు తాజా రిపోర్టుల ద్వారా తెలుస్తోంది. మరోవైపు ఈ పేలుడు నేపథ్యంలో ఉగ్రవాదులను మట్టుబెట్టేందుకు కేంద్రం ఆపరేషన్‌ సిందూర్‌ 2.0 చేపట్టబోతోందనే ఊహాగానాలు వినిపిస్తున్నాయి. దీనిపై మేజర్‌ శ్రీనివాస్‌తో సాక్షి ఫ్యామిలీ ప్రత్యేకంగా మాట్లాడింది. భారత్‌ చేపట్టిన ఆపరేషన్‌ సిందూర్‌ ప్రజల కోరిక మేరకు జరిగిందని శ్రీనివాస్‌ స్పష్టం చేశారు. కశ్మీర్‌లోని పెహల్గాంలో జరిగిన ఉగ్రదాడి దేశవ్యాప్తంగా తీవ్ర ఆగ్రహాన్ని రగిలించిందనీ, దాని నేపథ్యంలోనే ప్రధాని ఆపరేషన్‌ సిందూర్‌ చేపట్టారని వెల్లడించారు. మళ్లీ ఇలాంటి దాడి జరగడం మన దేశానికి పాకిస్తాన్‌ బహిరంగ సవాల్‌ విసిరినట్టే భావించాలని శ్రీనివాస్‌ అన్నారు. తాజా ఢిల్లీ ఎటాక్‌ నేపథ్యంలో ప్రజలు కోరుకుంటే ఆపరేషన్‌ సిందూర్ 2.0 అనివార్యమన్నారు. అయితే ఇలాంటి కీలక నిర్ణయాలు తీసుకునేటపుడు క్యాబినెట్‌ నిర్ణయం అనేది చాలా కీలకం. ఉగ్రమూకల దాడులను తిప్పికొట్టకపోతే, వాళ్లు మరింత పేట్రేగి పోయే అవకాశం ఉంది. అందుకే దీన్ని అడ్డుకోవాల్సిందే అన్నారాయన. ఉగ్రదాడి అని తేలితే కచ్చితంగా ఆపరేషన్‌ సింధూర్‌ 2.0 చేపట్టాల్సిన అవసరం ఉందని ఆయన చెప్పారు. అయితే ఇది ప్రెషిషన్‌ స్ట్రైక్స్‌, ఆపరేషన్‌ సిందూర్‌ 2.0నా, లేదా నేరస్థులను మట్టు బెట్టడమా అనేది అత్యధిక సెక్యూరిటీ సంస్థ నిర్ణయం తీసుకుంటుందని శ్రీనివాస్‌ చెప్పారు. ఆపరేషన్‌ సింధూర్‌ ఆగిందా? కొనసాగుతుందా అనే దానికి సమాధానం ఇస్తూ శ్రీనివాస్‌ ఏమన్నారంటే... పేరు ఏదైనా గానీ, ఉగ్రవాదుల చర్యల్ని నిరోధించే చర్యగా ఉండాలన్నారు. భారత్‌ వైపు కన్నెత్తి చూస్తే, ప్రతిఘటన తప్పదు అనే భయం ఉగ్రవాదుల్లో పుట్టాలని, అలా మన దేశ ఆపరేషన్స్‌ ఉండాలని, ఉంటాయని శ్రీనివాస్‌ స్పష్టం చేశారు.ప్రపంచ దేశాల్లో సహనానికి మారు పేరైన భారత ధోరణి, దేశ సెక్యూరిటీ స్టేటస్‌ ఇపుడు మారింది. భారత్‌ను దెబ్బతీయాలని చూసే ఎవరికైనా దెబ్బకు దెబ్బ తప్పదని ఆయన హెచ్చరించారు. దేశ సమగ్రతను విచ్ఛిన్నం చేయాలి, ఉగ్రవాద చర్య చేయాలి, భారత్‌ను దెబ్బతీయాలనే ఆలోచన చేసే ఉగ్రమూకల గుండెల్లో ఫిరంగులు మెగేలా ప్రస్తుత రక్షణ వ్యవస్థ చాలా పటిష్టంగా ఆలోచిస్తోందన్నారు. మన మిలిటరీ పరంగా ఆయుధ సంపత్తి, ఆపరేషన్స్‌లో మన శక్తి సామర్థ్యాలపై ఆయన అభిప్రాయాలు, తెలుసుకునేందుకు ఈ వీడియోను పూర్తిగా చూడండి.

సోదరికి ఎప్పటికీ రక్షణగా ఉండాలని సోదరుడు అనుకుంటాడు. సోదరుడు ఎప్పుడూ క్షేమంగా ఉండాలని కోరుకుంటుంది సోదరి. హవీష్, నిఖిల అలాంటి అన్నాచెల్లెళ్లే. అయితే... సోదరికి ఎప్పటికీ రక్షణగా ఉంటానని భరోసా ఇవ్వడంతో పాటు ‘నిన్ను నువ్వు కాపాడుకునేంత ధైర్యం నీలో ఉండాలి... ఎవరి మీదా ఆధారపడకూడదు’ అని కూడా చెబుతుంటారు హవీష్‌. అలాగే... అన్నయ్యను ఎవరైనా ఏమైనా అంటే... వాళ్లను ఏమాత్రం క్షమించరు నిఖిల. ‘నువ్విలా, జీనియస్, రామ్‌లీల’ తదితర చిత్రాల్లో నటించిన హవీష్‌ ప్రస్తుతం ‘నేను రెడీ’లో హీరోగా నటిస్తున్నారు. ఈ చిత్రం ద్వారా తన చెల్లెలు నిఖిలను నిర్మాతగా పరిచయం చేస్తున్నారు. నేడు ‘రాఖీ పండగ’ సందర్భంగా ఈ అన్నాచెల్లెళ్లు ‘సాక్షి’కి ఇచ్చిన ప్రత్యేక ఇంటర్వ్యూలో చెప్పిన విశేషాలు. హవీష్‌: రాఖీ పండగకి ఎక్కడున్నా సరే నిఖిల నన్ను కలిసి, రాఖీ కడుతుంది. నా చేతికి తను రాఖీ కడుతున్నప్పుడు ‘నువ్వు క్షేమంగా ఉండాలి. ఎప్పటికీ నీకు రక్షణగా ఉంటాను’ అని అనుకుంటాను. అయితే రక్షణగా ఉండటం అంటే తనని నా మీద ఆధారపడేలా చేయడం కాదు. లైఫ్‌లో ఏ విషయాన్నయినా హ్యాండిల్‌ చేసే నేర్పు, ధైర్యం తనకి ఉండాలి. అదే చెల్లితో చెబుతాను.నిఖిల: ‘నీ లైఫ్‌ లాంగ్‌ నువ్వు క్షేమంగా ఉండాలి. ఏ విషయంలో అయినా నీకు తోడుగా ఉంటాను’ అనుకుంటూ అన్నయ్య చేతికి రాఖీ కడుతుంటాను. ‘డిపెండ్‌ కావొద్దు’ అని అంటుంటాడు. కానీ ఏ క్షణంలో అయినా నీకు నేను తోడుగా ఉంటాననే భరోసాను అన్నయ్య ఇస్తాడు. (ఒకే ఒక్క టిప్‌తో స్లిమ్‌గా కీర్తి సురేష్‌ : కానీ ఈ రెండూ కీలకం)హవీష్‌: నా చెల్లెలు అనే కాదు... ఏ అమ్మాయికి అయినా నేను ఒకటే చెబుతాను. మీరు అనుకున్నది సాధించడానికి రాజీపడొద్దు. ‘అమ్మాయి కదా ఏం చేస్తుందిలే... అమ్మాయిలు ఇలాంటి ఉద్యోగానికి పనికి రారు’ అని సొసైటీలో ఓ అభిప్రాయం ఉంది. అయితే అమ్మాయిలు ఎంత పెద్ద బాధ్యత అయినా సమర్థవంతంగా స్వీకరించగలరు. నిఖిల: అన్నయ్య చెప్పిన ఈ మాటతో నేను ఏకీ భవిస్తున్నాను. ‘నేను సంపాదించుకుంటేనే’ అనే పరిస్థితి నాకు లేదు. అయినప్పటికీ నా అవసరాల కోసం నేను సం΄ాదించుకుంటే ఆ తృప్తి, ధైర్యం వేరు. ఇదీ చదవండి: ‘స్వీట్’‌ కపుల్‌ : ఐటీని వదిలేసి, లక్ష పెట్టుబడితో ఏడాదికి రూ. 2కోట్లు హవీష్‌: యాక్చువల్లీ చెల్లి బిజినెస్‌ ఫీల్డ్‌లో ఉంది. గవర్నమెంట్‌ కాంట్రాక్ట్స్‌ కూడా చేస్తుంటుంది. సినిమా ప్రొడక్షన్‌ డిఫరెంట్‌ అయినప్పటికీ నేను హీరోగా నటిస్తున్న ‘నేను రెడీ’ సినిమాని ప్రొడ్యూస్‌ చేయమన్నాను. రెండే రోజుల్లో గ్రిప్‌ తెచ్చేసుకుని పర్ఫెక్ట్‌గా షూటింగ్‌ షెడ్యూల్స్‌ ప్లాన్‌ చేస్తోంది.నిఖిల: ప్రొడ్యూసర్‌గా ‘నేను రెడీ’ నా ఫస్ట్‌ మూవీ. ప్రొడక్షన్‌ చూసుకోమని అన్నయ్యే ఎంకరేజ్‌ చేశాడు. హీరోగా నటిస్తూ ప్రొడక్షన్‌ కూడా చూసుకుంటే యాక్టింగ్‌ మీద ఫుల్‌ ఫోకస్‌ పెట్టలేనని తనకి అనిపించింది. దాంతో నన్ను అడిగాడు... వెంటనే ఓకే అన్నాను.హవీష్‌: నా చిన్నప్పుడు నన్నెవరైనా ఏమైనా అన్నారని తెలిస్తే... నాక్కూడా చెప్పకుండా వెళ్లి వార్నింగ్‌ ఇచ్చి, ఆ తర్వాత నాకు చెప్పేది. కానీ మా ఇద్దరికీ ఒకే ఒక్క విషయంలో పడేది కాదు. ఎప్పుడూ తను స్కూల్‌కి లేటే. తనవల్ల నేనూ గేటు బయట నిలబడాల్సి వచ్చేది. కోపం పట్టలేక కొట్టేవాణ్ణి (నవ్వుతూ).నిఖిల: చిన్నప్పుడు ఆ ఒక్క విషయంలో తప్ప మాకు వేరే గొడవలేం ఉండేవి కావు. ఇప్పుడు సినిమా ప్రొడక్షన్‌ విషయంలో మళ్లీ గొడవలు మొదలయ్యాయి (నవ్వుతూ). డైరెక్టర్‌ త్రినాథరావుగారికి నేను కొంచెం ఉత్సాహంగా ఏదైనా చెప్పబోతే అన్నయ్యకి నచ్చదు. డైరెక్టర్‌ ఏది చెబితే అది చేయాలన్నది తన మైండ్‌సైట్‌.హవీష్‌: నా చెల్లెలు నా సినిమాని నిర్మించడం ఈ రాఖీకి తను నాకు ఇస్తున్న బెస్ట్‌ గిఫ్ట్‌.నిఖిల: ‘నేను రెడీ’ని ‘ది బెస్ట్‌’ సినిమాగా చేసి, అన్నయ్యకి గిఫ్ట్‌ ఇస్తాను.నా పెళ్లిప్లాన్‌ అంతా తనదే : నాది లవ్‌ మ్యారేజ్‌. నా భర్త తెలుగు అయినప్పటికీ తమిళనాడులో పుట్టి, అక్కడే పెరిగారు. మా పేరెంట్స్‌ ఓకే అన్నారు కానీ, తెలుగు తెలియని వ్యక్తితో ఎలా మాట్లాడాలి? అంటూ అన్నయ్య పెద్దగా ఇష్టపడలేదు. అయితే నా ఇష్టాన్ని కాదనలేదు. పెళ్లికి ఏ థీమ్‌ అయితే బాగుంటుంది? ఎలాంటి వేదిక ఏర్పాటు చేయించాలి? ఫుడ్‌ మెనూ ఎలా ఉంటే బాగుంటుంది... ఇలా ప్రతిదీ దగ్గరుండి బాగా ప్లాన్‌ చేసి, ఓ తండ్రిలా నిలబడి చేశాడు. నా చిన్నప్పట్నుంచి మా అన్నయ్య నాకు ‘ఫాదర్‌ ఫిగర్‌’లా ఉన్నాడు.- నిఖిలనాకు పెళ్లి చేసుకునే ఆలోచన లేదు : నాకు పెళ్లి చేసుకోవాలని లేదు. మ్యారేజ్‌ అంటే పెద్దగా నమ్మకం లేదు. మరి... భవిష్యత్‌లో నిన్నెవరు చూసుకుంటారు? అని ఎవరైనా అడిగితే ‘మా చెల్లి’ అని చెబుతాను. ఇప్పుడు నా పేరెంట్స్‌తో ఉంటున్నాను. ఫ్యూచర్‌లో నా చెల్లెలే నాకు మదర్‌ - హవీష్‌అవును... చూసుకుంటాను. అయితే పెళ్లి చేసుకోమని తనని ఒత్తిడి చేయను. నా చిన్నప్పట్నుంచి నన్ను తండ్రిలా చూసుకుంటున్నాడు. భవిష్యత్‌లో నేను తనని తల్లిలా చూసుకుంటాను -నిఖిల-డీజీ భవాని

జీవితం ఒక సినిమా అయితే... దేవుడు రాసిన స్క్రిప్ట్‌ను కూడా మార్చి రాయగల రైటర్లు డాక్టర్లు. జీవితం ఒక మూవీ అయితే... పేషెంట్‌కు లైఫ్‌కో కొత్త డైరెక్షనిచ్చి హిట్‌ చేయగల టాప్‌ డైరెక్టర్లు డాక్టర్లు. ఇదంతా ఎందుకు చెప్పాల్సి వస్తోందంటే... జీవితం... సినిమా కంటే విచిత్రమైనది. దాంట్లో లవ్, మదర్‌ సెంటిమెంట్, స్టడీస్‌లో సక్సెస్‌తో కెమెరా టిల్ట్‌ చేసి తలెత్తి పైకి చూడాల్సినంత అడ్మిరేషన్, ఎదురుగా మృత్యువు నిలబడ్డా చిరునవ్వుతో ఎదుర్కొనేంత హీరోయిక్‌ కరేజ్, హెల్మెట్లు లేకపోవడంతో జరిగే అనర్థాల స్టంట్స్‌... ఇలా ఎన్నో... ఎన్నెన్నో!! ఇన్ని ఎమోషన్స్‌ను మనతో పంచుకున్నారు నిష్ణాతులూ, లబ్ధప్రతిష్ఠులైన కొందరు డాక్టర్లు... నేడు డాక్టర్స్‌ డే సందర్భంగా డాక్టర్‌ అనిరుథ్‌ కె. పురోహిత్‌ మాటల్లోనే...అదో అందమైన చలికాలపు ఉదయపు వేళ. కానీ ఆ ఆహ్లాదకరమైన ప్రాంతఃకాలం... శేఖర్‌ పాలిట రాబోయే రాత్రికి కాబోయే కాళరాత్రికి నాందీ సమయం. కారణం... ఆరోజు శేఖర్‌ చేసిన రెండు తప్పులు. మొదటి తప్పు హెల్మెట్‌ ధరించకపోవడమైతే... రెండోది స్పీడ్‌ బ్రేకర్‌ దగ్గర కూడా ఏమాత్రం స్లో చేయకపోవడం. దాంతో బండి మీది నుంచి పడి తలకు గాయంతో ఐసీయూలో బెడ్‌పై అచేతనంగా పడి ఉన్నాడు. శేఖర్‌ గురించి అతడి అన్న శ్రీధర్‌ చాలా బాధపడుతూ ఉండేవాడు. బహుశా శ్రీధర్‌కు 35 ఏళ్లూ, అతడి తమ్ముడు శేఖర్‌కు 30 ఏళ్లు ఉంటాయేమో. ప్రతిరోజూ కళ్ల నిండా నీళ్లతో, జోడించిన చేతులతో నా దగ్గరికి వచ్చి తమ్ముడి పరిస్థితి వాకబు చేస్తూ ఉండేవాడు. ‘‘ఎంత ఖర్చైనా పర్లేదు డాక్టర్‌. నా తమ్ముడు బాగైతే చాలు’’ అనేవాడు. అంతటి దయ, గుండెనిండా ఆర్ద్రత ఉన్న ఆ అన్నను చూస్తే ఓ పక్క ఆనందం... మరో పక్క అతడి పరిస్థితికి బాధా ఉండేవి. ‘‘మీవాడుగానీ ఆ రోజు హెల్మెట్‌ పెట్టుకుని ఉంటే... ఇవ్వాళ ఈ పరిస్థితి వచ్చేదే కాదు’’ అంటూ ఉండేవాణ్ణి. ఒకరోజు పొద్దున్నే నేను నా కార్‌ డ్రైవ్‌ చేసుకుంటూ వస్తున్నా. పక్క సందులోంచి ఒక వ్యక్తి తన బైక్‌ను చాలా రాష్‌గా డ్రైవ్‌ చేస్తూ ప్రధాన రోడ్డు మీదికి వస్తున్నాడు. ఎక్కడా స్లో చేయడమన్న మాటే లేదు. మెయిన్‌ రోడ్డులో వస్తున్న నేను వెంటనే నా కార్‌ను స్లో చేస్తూ... అతడు నన్ను గుద్దుకోకుండా నా కార్‌ను చాలా పక్కకు తీశా. ఒకవేళ నేనలా చేయకపోతే నన్నతడు తప్పక ఢీకొని ఉండేవాడు. తీరా చూస్తే అతడి బైక్‌ హ్యాండిల్‌ మీద హెల్మెట్‌ కూడా ఉంది. పరిశీలనగా చూస్తే అతడు మరెవరో కాదు... మా హాస్పిటల్‌ బెడ్‌ మీద యాక్సిడెంట్‌ అయి పడుకుని ఉన్న పేషెంట్‌ వాళ్ల అన్నే. కాస్తయితే ‘‘అదే బెడ్‌ పక్కన ఇతడూ తమ్ముడికి కంపెనీ ఇస్తూ పడుకునేవాడు కదా’’ అనిపించింది. మరో మాట అనిపించింది. తన సొంత తమ్ముడు చేసిన రెండు తప్పుల నుంచి ఏమీ గ్రహించకుండా శేఖర్‌ వాళ్ల అన్న శ్రీధర్‌ చేసింది మూడో తప్పు. అలాంటి యాక్సిడెంట్‌లో చనిపోయిన ఓ వ్యక్తి తాలూకు అంతిమ సంస్కారాల్లో పాల్గొన్న మర్నాడే ఈ ఘటన జరగడంతో నాకీ విషయం స్ఫురణకు వచ్చింది. నన్ను మనసులో తొలిచేస్తున్న విషయమేమిటో తెలుసా... ‘‘ఇన్ని సంఘటనలు జరిగాక... జరుగుతున్న సంఘటనలను చూశాక... తమ ఇంట్లో కూడా ఇలాంటి విషాదాలు చోటు చేసుకున్న తర్వాత కూడా వీళ్లు మారరా’’ అంటూ బాధేసింది. నా అనుభవంలో చూసిన ఘటనలూ, ఆ టైమ్‌లో వచ్చే ఆలోచనలే నన్ను ఈ నాలుగు మాటలు రాసేలా పురిగొల్పాయి. డాక్టర్‌ అనిరుథ్‌ కె. పురోహిత్‌ సీనియర్‌ కన్సల్టెంట్‌న్యూరో – స్పైన్‌ సర్జన్,ఆస్టర్‌ ప్రైమ్‌ హాస్పిటల్‌​‍-యాసిన్‌

‘ఎవడే సుబ్రమణ్యం’, ‘కల్యాణవైభోగమే’,  ‘మహానటి’, ‘ట్యాక్సీవాలా’ చిత్రాలతో తెలుగు ప్రేక్షకులకు చేరువయ్యింది మాళవిక నాయర్‌. ఢిల్లీలో పుట్టిన ఈ అమ్మకుట్టి కోచిలో చదువుకుంది. బాలనటిగా చేసింది.‘‘పాత్ర  నిడివి గురించి కాదు... అది ఎంత శక్తిమంతమైనది? అనే దాని గురించి ఆలోచిస్తాను’’ అంటున్న మాళవిక మనసులో మాటలు ఇవి.... ఆ పాత్రలో నటించాలని ఉంది... కంఫర్ట్‌జోన్‌లో ఉండే పాత్రలు చేయడం కంటే సవాలు విసిరే పాత్రలు చేయడం అంటేనే ఇష్టం. మానసిక వైకల్యం ఉన్న యువతిగా నటించాలని ఉంది. మలయాళ చిత్రంలో ‘కూకూ’ అంధురాలిగా నటించాను. ఈ పాత్ర నాకు సంతృప్తి ఇచ్చింది. ఆమిర్‌ఖాన్‌ ఆదర్శం పాత్రల ఎంపికలో ఆమిర్‌ఖాన్‌తో పాటు విద్యాబాలన్‌ నాకు ఆదర్శం. కమర్షియల్‌–నాన్‌ కమర్షియల్‌ సినిమాలను సమన్వయం చేసుకోవడంలో అమీర్‌ నాకు బాగా నచ్చుతారు. బాలీవుడ్‌లోకి వెళ్లాలనే ఆతృత లేదు. ఆసక్తి కూడా లేదు. గ్లామర్‌రోల్స్‌ పోషించడం నాకు కంఫర్ట్‌ కాదు. తొందరేమీ లేదు ఒక సినిమా సక్సెస్‌ అయితే ‘సంతోషం’తో పాటు, స్క్రిప్ట్‌ ఎంపికలో నా మీద నాకు నమ్మకం కూడా ఏర్పడుతుంది. ‘ట్యాక్సీవాలా’ విషయంలో ఇలాగే జరిగింది. డైరెక్టర్‌ రాహుల్‌ స్క్రిప్ట్‌ నెరేట్‌ చేయగానే వెంటనే ఓకే చెప్పేశాను. నా నమ్మకం వమ్ము కాలేదు. మంచి పాత్రల విషయంలో నిడివి గురించి ఆలోచించను. ఎడాపెడా సినిమాలు చేసేయాలనే తొందర లేదు. నచ్చే పాత్రలు వచ్చే వరకు ఓపికగా ఎదురుచూస్తాను. రాకపోతే బాధ పడను. దూరం ఎందుకంటే... ‘సోషల్‌ మీడియాకు దూరంగా ఉంటారు ఎందుకు?’ అని అడుగుతుంటారు. మన గురించి మన సినిమాలు మాట్లాడాలి తప్ప మనం కాదు అనేది నా అభిప్రాయం. ‘వైడ్‌ రీచ్‌’ అనేది సోషల్‌ మీడియాకు ఉన్నదనేది నిజమేగానీ, టైమ్‌ ఎక్కువగా తినేస్తుంది. దానికి దూరంగా ఉండడంలో కూడా హాయిగా ఉంది. రచనలు చేయడమన్నా , పెయింటింగ్స్‌ వేయడమన్నా నాకు చాలా ఇష్టం. నా పెయింటింగ్స్‌తో ప్రదర్శన ఏర్పాటు చేయాలని ఉంది. నా రోల్‌మోడల్‌ ప్రజలతో మమేకమైనప్పుడే  వారి ప్రవర్తన, పద్ధతులు తెలుస్తాయి. అవి నటనకు ఉపయోగపడతాయి. కమర్షియల్‌ సినిమాలు చేయడానికి అభ్యంతరం లేదు. అయితే అందులో నేను చేస్తున్న పాత్రకు ప్రాధాన్యత ఉండాలి. పాత్ర నచ్చకపోవడంతో ఈమధ్య ఒక కమర్షియల్‌ సినిమాను వద్దనుకున్నాను. నా రోల్‌ మోడల్‌ మలయాళ నటి పార్వతి. ఆమె చేసిన పాత్రలు  ఇష్టం. ఒక పాత్ర చేసే ముందు ఎంతో రీసెర్చి చేసిగాని ఆమె కెమెరా ముందుకు రాదు.


  తన ‘గమ్యం’ ఏంటో తొలి సినిమాతోనే చెప్పేశారు క్రిష్.. అలియాస్ జాగర్లమూడి రాధాకృష్ణ. చేసినవి తక్కువ సినిమాలే అయినా... విలువలతో కూడిన కథాంశాలను ఎంచుకొని తెలుగు తెరపై తనదైన సంతకాన్ని లిఖించారాయన. వాణిజ్య అంశాలతో సినిమాలను మలచినా... తన మార్క్ సందేశాన్ని మాత్రం క్రిష్ మరిచిపోరు. గమ్యం, వేదం, కృష్ణంవందే జగద్గురుమ్ చిత్రాలే అందుకు నిదర్శనాలు. ప్రస్తుతం బాలీవుడ్ యవనికకు తెలుగువాడి వాడినీ వేడినీ రుచి చూపించే పనిలో ఉన్నారాయన. అక్షయ్‌కుమార్ కథానాయకునిగా క్రిష్ దర్శకత్వంలో సంజయ్‌లీలా బన్సాలీ నిర్మిస్తున్న ‘గబ్బర్’ చిత్రం ప్రస్తుతం పోస్ట్ ప్రొడక్షన్ దశలో ఉంది. ఈరోజు ఆయన పుట్టిన రోజు. ఈ సందర్భంగా క్రిష్‌తో ‘సాక్షి’ జరిపిన చిట్‌చాట్.
  
  ఈ పుట్టిన రోజు ప్రత్యేకతలేంటి సార్?
  ప్రత్యేకించి ఏమీ లేదు. ముంబయ్‌లో సెటిల్ అయ్యాను. ‘గబ్బర్’ పోస్ట్ ప్రొడక్షన్ జరుగుతోంది. ఈ పుట్టిన రోజును అక్కడే చేసుకుంటున్నా.
  
  తమిళ్‌లో ‘రమణ’గా, తెలుగులో ‘ఠాగూర్’గా రూపొంది.. ఘన విజయాలను అందుకున్న కథను ఎంచుకొని బాలీవుడ్‌లో ‘గబ్బర్’గా తెరకెక్కిస్తున్నారు. ఏమైనా మార్పులు చేర్పులు చేశారా?
  60 శాతం మార్చేశా. ఓ థ్రిల్లర్‌లా ఉంటుంది సినిమా. నా మార్క్ కొట్టొచ్చినట్లు కనిపిస్తుంది. అక్షయ్‌కుమార్, కరీనాకపూర్, శ్రుతిహాసన్, సుమన్, సోనూసూద్, ప్రకాశ్‌రాజ్, గోవింద్ నామ్‌దేవ్, చిత్రాంగదాసింగ్... ఇలా గ్రేట్ కాస్టింగ్ ఈ సినిమాలో నటించారు. సాంకేతికంగా వండర్ అనిపిస్తుంది.
  
  తెలుగు పరిశ్రమకు, హిందీ పరిశ్రమకు మధ్య మీరు గమనించిన తేడా?
  బాలీవుడ్‌లో ప్రొఫెషనలిజం ఎక్కువ. అంతకు మించి తేడా ఏమీ ఉండదు. అర్థం చేసుకొని ముందుకెళ్తే ఎక్కడైనా విజయం సాధించొచ్చు.
  
  బాలీవుడ్‌లోనే కొనసాగుతారా?
  అలాంటిదేం లేదు. బాలీవుడ్‌లో, తెలుగులో రెండు చోట్లా సినిమాలు చేస్తాను. నేను ఏ భాషలో బిజీ అయినా తెలుగు సినిమాను మాత్రం వదిలే పనేలేదు.
  
  ‘కృష్ణంవందే...’ తర్వాత తెలుగులో చేయలేదేం?
  ‘గబ్బర్’ వల్లే. ఏడాదిగా ఈ సినిమా పనే సరిపోయింది. నేషనల్ లెవల్ సినిమా చేస్తున్నప్పుడు ఆ మాత్రం టైమ్ తీసుకోవడం అవసరమే. తీరిక దొరికినప్పడల్లా తెలుగు సినిమా కథల కోసం కసరత్తులు చేస్తూనే ఉన్నాను. త్వరలో సాయిధరమ్‌తేజ్‌తో ఓ సినిమా చేయబోతున్నా. అలాగే... నిర్మాత అశ్వనీదత్‌గారికి కూడా ఓ సినిమా చేయాలి.
  
  సాయిధరమ్ సినిమా ఎలా ఉంటుంది? ఈ కథ ద్వారా ఏ సామాజిక అంశాన్ని లేవనెత్తారు?
  ఇది కమర్షియల్ లవ్‌స్టోరీ. అందరికీ నచ్చే కథాంశాన్ని ఎంచుకున్నాం. అలాగే ఆలోచింపజేసే అంశాలు కూడా ఉంటాయి. వై.రాజీవ్‌రెడ్డిగారితో కలిసి మా నాన్న జాగర్లమూడి సాయిబాబు ఈ సినిమాను నిర్మిస్తారు. ప్రస్తుతం స్క్రిప్ట్ వర్క్ జరుగుతోంది. త్వరలోనే సెట్స్‌కి తీసుకెళ్తాం.
  
  మహేశ్‌తో ‘శివం’ చేస్తున్నట్లు అప్పట్లో వార్తలు వచ్చాయి. మరి ఆ సినిమా ఏమైంది?
  కొన్ని కారణాల వల్ల ఆ కథను పక్కన పెట్టాల్సి వచ్చింది. నేను ఇష్టంగా రాసుకున్న కథల్లో ‘శివం’ ఒకటి. కచ్చితంగా ఆ సినిమా చేస్తాను. అయితే... ఎప్పుడు, ఎవరితో అనే విషయాల్లో మాత్రం ఇప్పుడే క్లారిటీ ఇవ్వలేను.
  
  బాలీవుడ్‌లో ఏమైనా కమిట్ అయ్యారా?
  కొన్ని చర్చల దశలో ఉన్నాయి. నిజంగా ఈ రెండేళ్లు క్షణం తీరిక లేదు నాకు. ఓ వైపు గబ్బర్ చేస్తూ మరో వైపు మల్టీ నేషనల్ కమర్షియల్ యాడ్స్ ఓ ముప్పై చేశాను. అది కూడా ఓ గొప్ప అనుభవం.  
  
  ఇంతకీ ‘గబ్బర్’ విడుదల ఎప్పుడు?
  ముందుగా అనుకున్న ప్రకారం వచ్చే ఏడాది ఏప్రిల్ ప్రథమార్ధంలో ‘గబ్బర్’ విడుదల కానుంది.
  
  ఓకే సార్... మీ ద్వారా బాలీవుడ్‌కి తెలుగు సత్తా ఏంటో మరోసారి నిరూపణ అవ్వాలని కోరుకుంటున్నాం?
  తప్పకుండా... థ్యాంక్యూ సో మచ్.