ranjeev

వాషింగ్టన్‌: అమెరికాలోని మిషిగన్‌ రాష్ట్ర అసెంబ్లీ స్పీకర్‌గా డెమోక్రటిక్‌ పార్టీ తరఫున రంజీవ్‌ పూరి ఎన్నికయ్యారు. తద్వారా ఈ ఘనత సాధించిన తొలి భారతీయ అమెరికన్‌గా రికార్డు సృష్టించారు. ‘‘ఈ రోజు సహచరుల ద్వారా మిషిగన్‌ అసెంబ్లీ స్పీకర్‌గా ఎన్నిక కావడంతో నాకు దక్కిన గౌరవంగా భావిస్తాను. నాపై ఉంచిన విశ్వాసానికి ధన్యవాదాలు. ఎంతో ఉత్సాహంగా అసలు పని మొదలుపెట్టేందుకు సిద్ధంగా ఉన్నాను’’అని రంజీవ్‌ తన సంతోషాన్ని ఫేస్‌బుక్‌ పోస్టు ద్వారా వ్యక్తం చేశారు. నవంబర్‌ మూడున జరిగిన మధ్యంతర ఎన్నికల్లో 42 ఏళ్ల రంజీవ్‌ పూరి మిషిగన్‌ హౌస్‌ ఆఫ్‌ రెప్రజెంటేటివ్స్‌ (రాష్ట్ర అసెంబ్లీ)కి ఎన్నికయ్యారు. ఎన్నికల ప్రచారం సందర్భంగా ఇచ్చిన హామీలను నెరవేర్చేందుకు మిషిగన్‌ నుంచి సెనేట్‌ మెజార్టీ నేతగా ఎన్నికైన డారిన్‌ కామిల్లిరి, గవర్నర్‌గా ఎన్నికైన జోస్లిన్‌ బెన్సన్‌లతో కలిసి పనిచేసేందుకు ఎదురు చూస్తున్నట్లు రంజీవ్‌ తెలిపారు. 2020లో రంజీవ్‌ పూరి మిషిగన్‌ అసెంబ్లీకి ఎన్నికైన తొలి సిక్కు అమెరికన్‌గా ఎన్నికయ్యారు. 2020లో మిషిగన్‌లోని డిస్టిక్ట్‌ 21 నుంచి అసెంబ్లీకి ప్రాతినిథ్యం వహించగా.. 2022, 2024, 2026లలో డి్రస్టిక్ట్‌ 24 నుంచి వరుసగా ఎన్నికైన ఘనత రంజీవ్‌ పూరిది. పంజాబ్‌ నుంచి వలస వెళ్లిన తల్లిదండ్రులకు అమెరికాలోనే జన్మించిన రంజీవ్‌ను 2025లో రిపబ్లికన్ల ఆధీనంలో ఉన్న 110 మంది సభ్యులున్న అసెంబ్లీకి డెమొక్రటిక్‌ పార్టీ నేతగా నియమించారు. ‘‘మా తల్లిదండ్రులు ఈ దేశానికి వలస వచ్చినప్పుడు కొడుకు ఈ స్థాయికి ఎదిగి చరిత్ర సృష్టిస్తాడని ఊహించి ఉండరు. అడ్డంకులను చెరిపేయడం, మిషిగన్‌ అసెంబ్లీకి స్పీకర్‌గా మారడం... ఇదంతా అమెరికా ఇచ్చే నమ్మకం’’అని వ్యాఖ్యానించారు.

మిషిగన్: భారత సంతతికి చెందిన మిషిగన్ డెమొక్రాటిక్ ఎమ్మెల్యే రణ్‌జీవ్ పురి (42) అమెరికా రాజకీయ చరిత్రలో సరికొత్త మైలురాయిని అధిగమించేందుకు సిద్ధమవుతున్నారు. నవంబర్ 3న జరగనున్న రాష్ట్ర అసెంబ్లీ ఎన్నికల్లో డెమొక్రాట్లకు మెజారిటీ లభిస్తే, ఆయన మిషిగన్ ప్రతినిధుల సభ స్పీకర్‌గా బాధ్యతలు చేపట్టే అవకాశం ఉంది. ఈ ఎన్నికలో డెమొక్రాట్లు విజయం సాధిస్తే, అమెరికాలోని ఏ రాష్ట్ర అసెంబ్లీకైనా స్పీకర్‌గా ఎన్నికైన తొలి భారతీయ-అమెరికన్‌గా ఆయన చరిత్ర సృష్టించనున్నారు.పంజాబీ వలస కుటుంబంలో జన్మించిన రణ్‌జీవ్ పురి, 2020లో తొలిసారిగా మిషిగన్ శాసనసభకు ఎన్నికై, ఆ ఘనత సాధించిన మొదటి సిక్కు-అమెరికన్‌గా నిలిచారు. ఆయన రాజకీయాల్లోకి రాకముందు 2008, 2012లలో బరాక్ ఒబామా అధ్యక్ష ఎన్నికల ప్రచార విభాగాల్లో పనిచేశారు. ఆ తర్వాత ప్రఖ్యాత చికాగో విశ్వవిద్యాలయం (బూత్ స్కూల్ ఆఫ్ బిజినెస్) నుంచి ఎంబీఏ పూర్తి చేసి, మిషిగన్‌లోని ఆటోమొబైల్ పరిశ్రమలో కొన్నేళ్లపాటు విధులు నిర్వర్తించారు.ప్రస్తుతం 110 స్థానాలున్న మిషిగన్ అసెంబ్లీలో రిపబ్లికన్ పార్టీ ఆధిక్యం ఉండగా, మాట్ హాల్ స్పీకర్‌గా వ్యవహరిస్తున్నారు. శాసనసభలో తన మూడవ పదవీకాలంలో ఉన్న రణ్‌జీవ్ పురిని 2025లో సభలోని డెమొక్రాటిక్ పార్టీ నేతగా నియమించారు. రాష్ట్రంలో డెమొక్రటిక్ గవర్నర్ గ్రెట్చెన్ విట్మర్ అధికారంలో ఉండగా, రాబోయే నవంబర్ ఎన్నికల్లో సభపై పట్టు సాధించి రణ్‌జీవ్ పురిని స్పీకర్‌గా ఎన్నుకోవాలని డెమొక్రాట్ పార్టీ వ్యూహాత్మకంగా ముందుకెళ్తోంది.ఈ ఎన్నికల్లో రణ్‌జీవ్ పురి రిపబ్లికన్ పార్టీ అభ్యర్థిని ఆలిసన్ కె. ఫుల్లర్‌తో ముఖాముఖి తలపడుతున్నారు. మిషిగన్ రాష్ట్రంలో సుమారు 1.27 లక్షల మంది భారత సంతతి ప్రజలు నివసిస్తున్నారు. ఇది రాష్ట్ర మొత్తం జనాభాలో దాదాపు 1.27 శాతానికి సమానం. అమెరికా చట్టసభలలో భారతీయ-అమెరికన్ల ప్రాతినిధ్యం పెరుగుతున్న తరుణంలో, రణ్‌జీవ్ పురి స్పీకర్ పదవి రేసులో నిలవడం ప్రవాస భారతీయ వర్గాల్లోనూ తీవ్ర ఆసక్తిని రేకెత్తిస్తోంది.ఇదీ చదవండి: డ్రగ్స్ వ్యతిరేక కార్యకర్త దారుణ హత్య


 సాక్షి, హైదరాబాద్: కళాశాల విద్యా శాఖలో ద్వితీయ శ్రేణి గెజిటెడ్ అధికారి పోస్టుల్లో పదోన్నతులు కల్పించేందుకు డిపార్ట్‌మెంటల్ ప్రమోషన్ కమిటీని (డీపీసీ) ప్రభుత్వం ఏర్పాటు చేసింది. ఈ మేరకు విద్యా శాఖ ముఖ్య కార్యదర్శి రంజీవ్.ఆర్.ఆచార్య మంగళవారం ఉత్తర్వులు జారీ చేశారు. ఈ కమిటీ రెండేళ్ల కాలపరిమితితో పని చేస్తుందని పేర్కొన్నారు.
  
  మైనార్టీ శాఖకు రూ.30 కోట్లు మంజూరు
  మైనార్టీ విద్యార్థులకు ఫీజు రీయింబర్స్‌మెంట్ స్కాలర్ షిప్ కింద రూ.30 కోట్లు  మంజూరు చేస్తూ రాష్ట్ర ప్రభుత్వం మంగళవారం ఉత్తర్వులు జారీ చేసింది.