‘సినిమా రంగంపై ఉత్తమ రచన’ విభాగంలో 2014వ సంవత్సరానికి జాతీయ అవార్డు ఒక తెలుగు పుస్తకానికి రావడం విశేషం. నాటక రంగంలో పనిచేస్తూ, సినిమాపైన కూడా అధ్యయనం చేసిన పసుపులేటి పూర్ణచంద్రరావు రచన ‘సెలైంట్ సినిమా (1895-1930)’కు ఈ అవార్డు దక్కింది. సినిమా చరిత్రను మూడు భాగాల్లో రాయాలనే ప్రయత్నంలో ముందుగా ‘ప్రపంచ సినిమా చరిత్ర - మొదటిభాగం’గా ఈ రచన చేసినట్లు 67 ఏళ్ళ ఈ పుస్తక రచయిత చెప్పారు. కాగా జి. ధనంజయన్ రాసిన ‘ప్రైడ్ ఆఫ్ తమిళ్ సినిమా (1931 -2013)’పుస్తకం ఈ విభాగంలోనే ‘ప్రత్యేక ప్రశంస’గా ఎంపికైంది.