మధ్యప్రదేశ్ రాజధాని భోపాల్‌లో ఐఎఎఫ్‌హెలికాప్టర్ అత్యవసరంగా ల్యాండ్‌ అయ్యింది. భారత వైమానిక దళానికి చెందిన ఏఎల్‌హెచ్‌ ధ్రువ్ హెలికాప్టర్ భోపాల్ సమీపంలో ముందుజాగ్రత్తగా ల్యాండ్‌ అయ్యింది.  ప్రాథమికంగా అందిన వార్తల ప్రకారం హెలికాప్టర్‌లోని సిబ్బంది సురక్షితంగా ఉన్నారు. హెలికాప్టర్ ల్యాండ్ అయ్యే సమయంలో అందులో ఆరుగురు సైనికులు ఉన్నారని ఐఏఎఫ్ వర్గాలు తెలిపాయి. సాంకేతిక లోపం కారణంగా హెలికాప్టర్ భోపాల్‌కు 60 కిలోమీటర్ల దూరంలోని పొలంలో దిగాల్సి వచ్చింది.  గ్రామస్తులు తెలిపిన వివరాల ప్రకారం ఆ హెలికాప్టర్ ఆనకట్టపై చాలా సేపు చెక్కర్లు కొట్టింది. అనంతరం కిందకు ల్యాండ్‌ అయ్యింది. బెరాసియాలోని డూమారియా గ్రామంలోని ఆనకట్ట సమీపంలో ఎయిర్ ఫోర్స్ హెలికాప్టర్ ల్యాండింగ్ జరిగింది. ఈ ఘటనకు సంబంధించిన వీడియో సోషల్ మీడియాలో వైరల్ అవుతోంది. ఇందులో హెలికాప్టర్ ల్యాండ్‌ అయిన దృశ్యం స్పష్టంగా కనిపిస్తున్నది. వీడియోలో హెలికాప్టర్ చుట్టూ ఎయిర్ ఫోర్స్ సిబ్బంది కూడా కనిపిస్తున్నారు. కాగా ఈ హెలికాప్టర్‌ను చూసేందుకు గ్రామస్తులు పెద్ద సంఖ్యలో తరలివచ్చారు. ప్రస్తుతం ఎయిర్ ఫోర్స్ జవానులు సాంకేతిక నిపుణుల రాక కోసం ఎదురు చూస్తున్నారు. ఇది కూడా చదవండి: భారత సంతతి జడ్జి చేతిలో గూగుల్‌ భవితవ్యం   #WATCH | Madhya Pradesh: An Indian Air Force ALH Dhruv helicopter made a precautionary landing near Bhopal. As per the initial reports, the crew is safe and a team is on the way to look into the technical issues: IAF sources pic.twitter.com/cQRxCrJjzK — ANI (@ANI) October 1, 2023


 వారణాసి: ప్రధాని నరేంద్ర మోదీ వారణాసి పర్యటన నేపథ్యంలో ఆందోళన చేసేందుకు సమాయత్తమవుతున్న 23పైగా మందిని పోలీసులు అదుపులోకి తీసుకున్నారు. వీరిలో ఐదుగురు రైల్వే ఎంప్లాయిస్ యూనియన్ కు చెందిన వారు. రైల్వేలోకి 100 శాతం ఎఫ్ఐడీలను అనుమతిస్తూ మోదీ సర్కారు తీసుకున్న నిర్ణయాన్ని వ్యతిరేకిస్తూ వారు ఆందోళనకు సిద్దమయ్యారు.
 
 ముందుజాగ్రత్తగా వీరిని పోలీసులు అదుపులోకి తీసుకున్నారు. మోదీని నల్లజెండాలు చూపించి నిరసన తెలిపేందుకు సిద్దమవుతున్న 12 మంది యువకులు, ఆరుగురు బెనారస్ హిందూ యూనివర్సిటీ విద్యార్థులు కూడా పోలీసులు అదుపులోకి తీసుకున్నవారిలో ఉన్నారు. సుపరిపాలన దినోత్సవంగా సందర్భంగా మోదీ తన నియోజకవర్గంలో పర్యటిస్తున్నారు.