‘‘జర్నీ’ నా జీవితంలో ఎప్పటికీ మరిచిపోలేని సినిమా. ఆ సినిమా తర్వాత మళ్లీ నాకు అంత మంచి రోల్ ఇచ్చిన మురుగదాస్‌కి ధన్యవాదాలు. నా గత చిత్రాల మాదిరిగానే ఈ సినిమా కూడా హిట్ అవుతుంది’’ అని అంజలి చెప్పారు. దర్శకుడు మురుగదాస్ సోదరుడు దిలీపన్ హీరోగా రూపొందిన తమిళ చిత్రం ‘వట్టికుచ్చి’ తెలుగులో ‘ప్రాణంకోసం’గా వస్తోంది. అంజలి కథానాయిక. పి.కిన్‌స్లిన్ దర్శకుడు. సంరెడ్డి రాజశేఖరరెడ్డి, ఎం.వెంకట్రావ్ ఈ అనువాద చిత్రానికి నిర్మాతలు. ఎం.గీబ్రన్ స్వరాలందించిన ఈ చిత్రం పాటలను హైదరాబాద్‌లో విడుదల చేశారు. తమ్మారెడ్డి భరద్వాజ్ ఆడియోసీడీని ఆవిష్కరించి, తొలి ప్రతిని టి.ప్రసన్నకుమార్‌కి అందించారు. సినిమా విజయం సాధించాలని వారు ఆకాంక్షించారు. ఈ నెలాఖరున సినిమాను విడుదల చేస్తామని నిర్మాతలు చెప్పారు.  ఇంకా దిలీపన్ మాట్లాడారు.


 ‘‘ఓ షేర్ ఆటోడ్రైవర్ ప్రేమకథ ఇది. ఆటోడ్రైవర్‌గా దర్శకుడు మురుగుదాస్ తమ్ముడు దిలీపన్ నటించారు. అతనికి జోడీగా అంజలి కనిపిస్తారు. అందర్నీ ఆకట్టుకునే సినిమా ఇది’’ అని నిర్మాతలు సంరెడ్డి రాజశేఖరరెడ్డి, ఎం.వెంకట్రావు చెప్పారు. తమిళంలో మురుగదాస్ నిర్మాణంలో రూపొందిన ‘వట్టికుచ్చి’
  తెలుగులో ‘ప్రాణం కోసం’గా అనువాదమవుతోంది. ఈ నెల 27న ఈ చిత్రం విడుదల కానుంది. మురుగదాస్ చెబుతూ -‘‘నేను తొలిసారిగా నిర్మించిన ‘జర్నీ’ ఎంతటి విజయం సాధించిందో అందరికీ తెలుసు. ఈ సినిమా కూడా అదే తర హాలో ఆకట్టుకుంటుంది’’ అని తెలిపారు. ఈ చిత్రానికి దర్శకత్వం: పి.కిన్‌స్లిన్.