peddpally distirct

పెద్దపల్లి జిల్లా: తనను ప్రేమించి మరొకరితో చనువుగా ఉండడాన్ని సహించలేని పాలిటెక్నిక్‌ కాంట్రాక్ట్‌ లెక్చరర్‌ జెట్టి నవీన్‌కుమార్‌.. పథకం ప్రకారమే యువతి తాండ్ర అక్షితరాణి (20)ని ఆత్మహత్యకు ప్రేరేపించి ఆపై మృతి చెందేవరకూ ప్లాన్‌ అమలు చేసినట్లు పోలీసులు తేల్చారు. నిన్నటివరకూ ఆత్మహత్య చేసుకున్నట్లు అందరూ భావించారు. కానీ, పోలీసుల దర్యాప్తులో హత్యగానే తేలింది. పెద్దపల్లి జిల్లా గోదావరిఖని వన్‌టౌన్‌ పోలీసుస్టేషన్‌లో ఆదివారం ఏర్పాటు చేసిన విలేకరుల సమావేశంలో డీసీపీ రాంరెడ్డి కేసు వివరాలు వెల్లడించారు. పెద్దపల్లి జిల్లా గోదావరిఖనిలోని లెనిన్‌నగర్‌కు చెందిన అక్షితరాణి 2022లో మంచిర్యాల జిల్లా సీసీ నస్పూర్‌లోని సింగరేణి పాలిటెక్నిక్‌లో చదివింది. ఆ సమయంలో కాంట్రాక్ట్‌ లెక్చరర్‌ నవీన్‌కుమార్‌తో సాన్నిహిత్యం పెరిగి ప్రేమగా మారింది. నవీన్‌కుమార్‌కు అప్పటికే భార్య, ఇద్దరు పిల్లలు ఉన్నా.. అక్షితరాణిని పెళ్లి చేసుకునే వరకూ తీసుకెళ్లాడు. కానీ, డిప్లొమా పూర్తయ్యాక ఆమె హైదరాబాద్‌లో బీటెక్‌ మైనింగ్‌ చదువుతూ జీడీకే–2వ గనిలో అప్రెంటిషిప్‌ చేసింది. ఈక్రమంలో ఓవర్‌మన్‌ బొమ్మకంటి రవికుమార్‌తో పరిచయం ఏర్పడి నవీన్‌కుమార్‌కు దూరంగా ఉంటూ వస్తోంది. దీంతో అసూయ పెంచుకున్న నవీన్‌కుమార్‌ ఆమెను హత్య చేయాలని పకడ్బందీ పథకం రచించాడు. ఈనెల12న గౌతమినగర్‌లోని ఓ కంప్యూటర్‌ సెంటర్‌లో అక్షితరాణి విధులు ముగించుకుని ఆటోలో వెళ్తుండగా ఎఫ్‌సీఐ క్రాస్‌రోడ్డు వద్ద అడ్డగించి కారులో ఎక్కించుకుని వివిధ ప్రాంతాల్లో తిప్పుతూ గొడవ పడ్డాడు. రవికుమార్‌ తనపై అత్యాచారం చేయడంతోనే ఆత్మహత్య చేసుకుంటున్నట్లు ప్రేరేపించి సూసైడ్‌ నోట్‌ రాయించాడు. అప్పటికే తన వద్ద సిద్ధంగా ఉంచుకున్న పురుగుల మందును బలవంతంగా తాగించాడు. స్పృహ కోల్పోయిన యువతిని ఆస్పత్రికి తరలించకుండా అనేక ప్రాంతాల్లో తిప్పి కావాలనే జాప్యం చేశాడు. చివరకు యువతి ఫోన్‌నుంచి ఆమె తండ్రికి ఫోన్‌కాల్‌ చేసి ఆత్మహత్య చేసుకున్నట్లు నమ్మించేందుకు యత్నించాడు. రాత్రి సుమారు 7.30 సమయంలో యువతిని ఇంటికి తీసుకెళ్లి తల్లిదండ్రులను కారులో ఎక్కించుకుని స్థానిక ప్రభుత్వ ఆస్పత్రికి తీసుకెళ్లాడు. అక్షితరాణి చికిత్స పొందుతూ ఈనెల 13న మృతి చెందింది.ఇదీ చ‌ద‌వండి: లగ్జరీ కారులో మంటలు ఎలా చెలరేగాయి?ఆధారాలు చెరిపేసే యత్నంయువతి మృతితో తన విషయం బయటపడుతుందనే భయంతో నవీన్‌కుమార్‌ ఆధారాలను ధ్వంసం చేసేందుకు యత్నించాడు. కారు శుభ్రం చేయడం, సూసైడ్‌నోట్, పురుగులమందు బాటిల్, మొబైల్‌ సిమ్‌లు తొలగించాడు. అనంతరం హైదరాబాద్‌కు పారిపోయాడు. అయితే కేసును సీరియస్‌గా తీసుకున్న పోలీసులు.. సీసీ కెమెరా ఫుటేజీలు, కాల్‌డేటా, కాల్‌రికార్డింగ్స్‌ తదితర సాంకేతిక ఆధారాలు విశ్లేషించి నవీన్‌కుమార్‌ను అదుపులోకి తీసుకున్నారు. తర్వాత విచారణ చేయగా అసలు విషయం వెలుగులోకి వచ్చింది.రవికుమార్‌పై ఆరోపణలపైనా దర్యాప్తుజీడీకే–2 గని ఓవర్‌మన్‌ రవికుమార్‌తో అక్షితరాణికి పరిచయం ఏర్పడింది. ఈ నేపథ్యంలోనే ఆమె ఇష్టానికి విరుద్ధంగా శారీరక సంబంధానికి పాల్పడ్డాడు. దీంతో సింగరేణి అధికారులకు బాధితురాలు ఫిర్యాదు చేసింది. ఈ ఆరోపణల నేపథ్యంలో రవికుమార్‌ను కూడా పోలీసులు అదుపులోకి తీసుకున్నారు. సమావేశంలో గోదావరిఖని ఏసీపీ రమేశ్, సీఐ ఇంద్రసేనారెడ్డి, రెండో సీఐ అఫ్జలుద్దీన్, ఎస్‌ఐ మనోహర్‌ పాల్గొన్నారు. ఇదీ చదవండి: అక్క వివాహేతర సంబంధం చెల్లికి తెలియడంతో..

సాక్షి, జూలపల్లి: మండలాల్లో రిజిస్ట్రేషన్ల ప్రక్రియ ప్రకటనలకే పరిమితమైంది. భూముల క్రమబద్ధీకరణతో పాటు భూముల క్రయవిక్రయాలను సులభతరం చేసేందుకు రాష్ట్ర ప్రభుత్వం తహసీల్దార్‌ కార్యాలయాల్లోనే రిజిస్ట్రేషన్‌ చేయడానికి సంకల్పించింది. ఈ విషయాన్ని ప్రకటించి జిల్లాలోని కొన్ని మండలాల్లో ప్రయోగాత్మకంగా రిజిస్ట్రేషన్‌ సేవలు ప్రారంభించి పూర్తిస్థాయిలో అందుబాటులోకి రావడం లేదు. సబ్‌రిజిస్ట్రార్‌ కార్యాలయాలతో సంబంధం లేకుండా మండలాల్లోనే భూముల కొనుగోళ్లకు సంబంధించిన రిజిస్ట్రేషన్లు చేసే ప్రకియ ఇంకా ప్రారంభం కాలేదు. ధరణి వెబ్‌సైట్‌ ద్వారా భూములకు సంబంధించిన పూర్తి వివరాలను నమోదు చేయాల్సి ఉండగా ఆ ప్రక్రియ ఇంకా బాలరిష్టాలు దాటడం లేదు. ధరణి ప్రారంభమై ప్రభుత్వ అనుమతి వస్తే మం డలంలోనే రిజిస్ట్రేషన్లు చేసుకునే వీలుకలిగే రైతులకు దూర, సమయ, వ్యయ భారం తగ్గుతుంది. అధికారులకు శిక్షణ ధరణి సేవలు అందుబాటులోకి తీసుకొచ్చేందుకు అన్ని మండల కేంద్రాల్లోని తహసీల్దార్‌ కార్యాలయాల్లో ఏర్పాటు చేశారు. సంబంధిత అధికారులకు శిక్షణ ఇచ్చారు. పట్టణ ప్రజలకు పరిమితమైన రిజిస్ట్రేషన్‌ కార్యాలయాలు మండల కేంద్రాల్లో సైతం అందుబాటులోకి తీసుకుని రావడానికి ఏర్పాట్లు చేస్తున్నారు. అయితే ఇప్పటి వరకు రిజిస్ట్రేషన్‌ సేవలు ప్రారంభం కాలేదు. నెలలు గడుస్తున్నా భూ రిజిస్ట్రేషన్‌ సేవలు అందుబాటులోకి రాలేదు. గతంలో ఆన్‌లైన్‌లో నమోదు కాని భూ వివరాలను భూరికార్డుల ప్రక్షాళన ఆనంతరం ఆన్‌లైన్‌లో నమోదు చేశారు. రిజిస్ట్రేషన్‌ విధానానికి ధరణి వెబ్‌సైట్‌ను రూపొందించారు. సబ్‌ రిజిస్ట్రార్‌ల ప్రకియపై ఇప్పటికే తహసీల్దార్‌తో పాటు కంప్యూటర్‌ ఆపరేటర్లకు శిక్షణ ఇచ్చారు. తహసీల్దార్‌ సబ్‌ రిజిస్ట్రార్‌గా వ్యవహరించేందుకు వారికి ధరణి వెబ్‌సైట్‌పై అవగాహన కల్పించారు. మండలకేంద్రాల్లో వెబ్‌సైట్‌ ఓపెన్‌ కాకపోవడంతో జిల్లా కేంద్రానికి వెళ్లి పనులు చేసిన సంఘటనలు ఉన్నాయి. నమోదు ప్రకియ పూర్తి కాక రిజిస్ట్రేషన్, రైతుబంధు, రైతుబీమా తదితర పనుల్లో జాప్యంపై రైతులు ఇబ్బందులు పడుతున్నారు. ధరణితో రైతులకు ఉపయోగం మండల కేంద్రంలోనే రిజిస్ట్రేషన్లు చేయడంతో రైతులకు ఎంతో మేలు కలుగుతుంది. దళారుల ప్రమేయం ఉండదు. అలాగే తప్పుడు రిజిస్ట్రేషన్‌లకు అవకాశం ఉండదు. భూ వివరాల కోసం తహసీల్దార్‌ కార్యాలయం చుట్టూ తిరగాల్సిన అవసరం ఉండదు. మండల ప్రజల భూ వివరాలకు సంబంధించి తహసీల్దార్‌ కార్యాలయంలోనే రిజిస్ట్రేషన్‌ చేసుకోవచ్చు. దీంతో నకిలి రిజిస్ట్రేషన్లకు చెక్‌ పెట్టవచ్చు. సరళమైన దస్తావేజులతో రిజిస్ట్రేషన్‌ చేసుకునే వీలుంటుంది. తహసీల్దార్‌ కార్యాలయంలోనే భూ రికార్డుల ప్రకియలో వివరాలు అన్‌లైన్‌లో నమోదు చేస్తారు. మండల పరిస్థితి ఇది మండలంలోని 7 రెవెన్యూ గ్రామాల్లో మొత్తం 11594 ఖాతాలుండగా 8136 ఖాతాలు పూర్తి చేయబడి పాస్‌ పుస్తకాలు అందుకున్నారు. ఇంకా 3458 మంది రైతులు వివిధ కారణాలతో తమ భూములు ఆన్‌లైన్‌లో నమోదు కాలేదు. మండలంలో అబ్బాపూర్‌ గ్రామంలో 625, జూలపల్లిలో 1137, కాచాపూర్లో 1040, కుమ్మరికుంటలో 957, పెద్దాపూర్‌లో 1379, తేలుకుంట 1363,వడ్కాపూర్‌లో 1635 ఖాతాలు డిజిటల్‌ సైన్‌ చేయడం జరిగింది.  ఆన్‌లైన్‌ ప్రక్రియ కొనసాగుతుంది భూములు ఆన్‌లైన్‌ ప్రక్రి య కొనసాగుతోంది. దశాబ్దాలుగా భూముల రికార్డులు అస్తవ్యస్తంగా ఉండగా భూ ప్రక్షాళన తర్వాత కొలిక్కి వచ్చా యి. సాంకేతిక కారణాలతో జాప్యం జరుగుతోంది. మండలంలో రిజిస్ట్రేషన్‌ పనులకు సంబం ధించి ప్రభుత్వం నుంచి ఆదేశాలు వస్తే వెంటనే సేవలు ప్రారంభించే అవకాశాలున్నాయి. ఈ విధానంతో రైతులకు ప్రయోజనం కలుగుతుంది. ప్రభుత్వం నూతనంగా ఇంటిగ్రెటేడ్‌ ల్యాండ్‌ రెవె న్యూ మేనేజ్‌మెంట్‌ సిస్టమ్‌ (ఐఎల్‌ఆర్‌ఎమ్‌ఎస్‌)ను తీసుకుని రావడం జరిగింది. – రమేశ్, తహసీల్దార్, జూలపల్లి 


 
 నేడు కలెక్టరేట్‌ పరిశీలనకు కలెక్టర్‌ రాక
 
 పెద్దపల్లి : పెద్దపల్లి జిల్లా ఏర్పాటుపనులు వేగవంతమయ్యాయి. కలెక్టరేట్‌ కార్యాలయంకోసం స్థానిక ఐటీఐ బిల్డింగ్‌ను ఇక్కడి అధికారులు ప్రతిపాదించారు. మంగళవారం స్థానిక జూనియర్‌ కాలే జీ బిల్డింగ్‌లను పరిశీలించారు. బుధవారం కలెక్టర్‌ నీతూప్రసాద్‌ కలెక్టరేట్‌ కార్యాలయాలను గుర్తించేందుకు రానున్నారు. విభజనకు సంబంధించిన అన్నిపనులు చురుగ్గా కొనసాగుతున్నాయని అధికారులు చెబుతున్నారు. ఇటీవల సిరిసిల్లను జిల్లా చేయాలని పెద్దఎత్తున ఉద్యమాలు కొనసాగుతున్న నేపథ్యంలో ప్రభుత్వం పెద్దపల్లి జిల్లా ఏర్పాటుపై పునరాలోచిస్తోందని సోషల్‌ మీడియాలో జరిగిన ప్రచారం ప్రజలను కొంత అయోమయానికి గురిచేసింది. అయితే అలాంటిదేమీ లేదని ప్రస్తుతం జరుగుతున్న పరిణామాలతో స్పష్టమవుతోంది. అధికార పార్టీకి చెందిన కొందరు ముఖ్యులకు జిల్లా కావద్దని ఉందంటూ ప్రచారం జరిగింది. దీనికి అధికార పార్టీ నాయకుల గ్రూపు తగాదాలు కూడా తోడయ్యాయి. ఇప్పటికే పెద్దపల్లిలో పార్టీలో మూడుగ్రూపులు కొనసాగుతుండగా.. కొత్తగా జిల్లా ఏర్పడితే గ్రూపు రాజకీయాలు ఇబ్బందికరంగా మారుతాయని, దీంతో పెద్దపల్లి జిల్లాను చేసేందుకు అధిష్టానం సైతం ఇష్టపడటం లేదని ప్రచారం జరిగింది. ఇటీవల హన్మకొండకు బదులు వరంగల్‌ రూరల్‌ జిల్లాను ప్రకటించడం, పెద్దపల్లి ఊసెత్తకపోవడం విశేషం. ఈ సందర్భంగా ఎమ్మెల్సీ టి.భానుప్రసాద్‌రావు మాట్లాడుతూ జిల్లాల ఏర్పాటుపై పునఃపరిశీలన జరుగుతున్నది వాస్తవమేగానీ పెద్దపల్లి జిల్లాపై అనుమానాలు అవసరం లేదని పేర్కొన్నారు.
 ఎస్సారెస్పీ క్యాంపు ఆధునీకరణ
 కలెక్టరేట్‌ కార్యాలయాల నిర్వహణ కోసం ఎస్సారెస్సీ క్యాంపు బిల్డింగ్‌ల ఆధునీకరణకు అంచనాలు సిద్ధం చేయాల్సిందిగా ఆర్‌అండ్‌బీ అధికారులకు ప్రభుత్వం నుంచి ఆదేశాలందాయి. బిల్డింగ్‌ టీవోపీ, సీలింగ్, ఫ్యాన్లు, ఫర్నిచర్‌ సంబంధించి అంచనాల్లో అధికారులు నిమగ్నమయ్యారు.