నిహాల్ కోదాటి, సూర్య శ్రీనివాస్ హీరోలుగా నటించిన స్పై డ్రామా సినిమా ‘సీక్రెట్ సోల్జర్’. అక్కి విశ్వనాథ్ రెడ్డి దర్శకుడు. ఇప్పటికే వచ్చిన టీజర్, ట్రైలర్ మూవీపై అంచనాలని పెంచింది. ఈ శుక్రవారమే అంటే సెప్టెంబర్ 18న చిత్రం ప్రేక్షకుల ముందుకు రానుంది. ఈ సందర్భంగా మీడియాతో మాట్లాడిన నిహాల్, సూర్య శ్రీనివాస్ పలు ఆసక్తికర విషయాలు పంచుకున్నారు.(ఇదీ చదవండి: థియేటర్లలో ఉండగానే ఓటీటీకి 'ఇరుముడి'.. అధికారిక ప్రకటన)'చైనా పీస్’గా మొదలైన ప్రయాణం ‘సీక్రెట్ సోల్జర్’గా ఎలా మారింది?‘చైనా పీస్’ పేరుతోనే టీజర్ రిలీజ్ చేశాం. అలాగే రెండు పాటలు కూడా విడుదల చేశాం. అదే పేరుతో చాలా మార్కెటింగ్ చేశాం. మార్చిలో సినిమా రిలీజ్ చేద్దామని సెన్సార్‌కు పంపించాం. సెన్సార్ నుంచి అభ్యంతరాలు వచ్చాయి. రివ్యూ కమిటీలు, ఈబీసీ చైర్మన్, మినిస్ట్రీ ఆఫ్ ఎక్స్‌టర్నల్ అఫైర్స్.. ఇలా అన్ని స్థాయిలు దాటుకుని లిస్ట్ పంపించారు. అందులో మొదటి పాయింట్.. టైటిల్ ‘చైనా పీస్’ ఉండకూడదు. ఈ కథ ఆలోచన, ఉద్దేశంతో ఆలోచించుకుని ‘సీక్రెట్ సోల్జర్’ అయితే బాగుంటుందని ఆ టైటిల్ పెట్టాం.సెన్సార్‌లో దాదాపు 8 నెలలు ఈ సినిమా ఉన్నప్పటికీ, మేం ఏ ఆలోచనతో సినిమా తీశామో.. ఆ ఆలోచన విషయంలో ఎలాంటి ఇబ్బంది రాలేదు. మా డైరెక్టర్ విశ్వనాథ్ చాలా కష్టపడ్డారు. కంటెంట్ విషయంలో తగ్గించడానికి ఎక్కడా కూడా రాజీ పడలేదు. విజువల్స్ పరంగా చాలా చిన్న కట్స్‌ మాత్రమే వచ్చాయి. ఇండియాకి సంబధించిన ఓ కీలక సమాచారం లీకవుతుంది. ఆ సంఘటనకి నెల్లూరులో చాలా సాదాసీదాగా బతికే ఇద్దరు కుర్రాళ్లకి లింక్ ఏమిటి? ఆ సమస్యని పరిష్కరించగలిగారా లేదా? అనేది స్టోరీ లైన్. స్నేహం, దేశభక్తి ఈ రెండు ఎమోషన్స్‌తో ఇప్పటివరకు చాలా తక్కువ సినిమాలు వచ్చాయి. ఇందులో అలాంటి ఒక కొత్త ఎమోషన్‌ను ఆడియన్స్ చూడబోతున్నారు. కచ్చితంగా ఈ సినిమాతో మమ్మల్ని గుర్తుపెట్టుకుంటారు.(ఇదీ చదవండి: నా అందానికి సీక్రెట్ అదే: హీరోయిన్ శ్రియ)

నిహాల్ కోదాటి, సూర్య శ్రీనివాస్ హీరోలుగా అక్కి విశ్వనాథ్ రెడ్డి దర్శకత్వంలో తెరకెక్కుతున్న చిత్రం ‘సీక్రెట్ సోల్జర్’. ఈ సినిమా సెప్టెంబరు 18న విడుదల కానుంది. తాజాగా ఈ మూవీ నుంచి ‘ఓయ్‌ ఓయ్‌’ సాంగ్‌ని రిలీజ్‌ చేశారు మేకర్స్‌. కార్తీక్ రోడ్రిగ్జ్ ఈ సాంగ్ ను కంపోజ్ చేసి అలపించిన తీరు ఆకట్టుకుంది. రెహమాన్ అందించిన సాహిత్యం పాటకు మరింత ప్రత్యేకతను తీసుకొచ్చింది. ఈ చిత్రంలో కమల్ కామరాజు, రఘుబాబు, రంగస్థలం మహేష్, శ్రీనివాస్ వడ్లమాని, శ్రీకాంత్ అయ్యంగార్ కీలక పాత్రలు పోషించారు. ఇప్పటికే విడుదలైన ట్రైలర్‌ సినిమాపై అంచనాలను పెంచేస్తోంది.

నిహాల్ కోదాటి, సూర్య శ్రీనివాస్ హీరోలుగా చేసిన సినిమా 'సీక్రెట్ సోల్జర్'. అక్కి విశ్వనాథ్ రెడ్డి దర్శకుడు. స్పై డ్రామా కథతో దీన్ని తెరకెక్కించారు. సెప్టెంబర్ 18న మూవీ రిలీజ్ కానుంది. ఈ క్రమంలోనే తాజాగా ట్రైలర్ లాంచ్ చేశారు. హైదరాబాద్‌లో శనివారం జరిగిన ఈ కార్యక్రమానికి అతిథులుగా విచ్చేసిన డైరెక్టర్ శైలేష్ కొలను, రైటర్ బీవీఎస్ రవి ఆసక్తికర వ్యాఖ్యలు చేశారు.రైటర్, డైరెక్టర్ బీవీఎస్ రవి మాట్లాడుతూ.. “సీక్రెట్ సోల్జర్ ట్రైలర్ చాలా ఇంట్రెస్టింగ్‌గా ఉంది. సెన్సార్‌లోనే 8 నెలల పాటు ఈ సినిమా ఉందని విన్నాను. కచ్చితంగా అందరికీ నచ్చడం వల్లే సెన్సార్ నుంచి బయటకు వచ్చింది. నిర్మాత ఈ మూవీ కోసం తన దగ్గర ఉన్న డబ్బులన్నీ ఖర్చుపెట్టి తీశారు. ఖచ్చితంగా పెద్ద విజయం సాధించాలని కోరుకుంటున్నాను అని చెప్పారు.హీరో నిహాల్ మాట్లాడుతూ.. ఈ సంవత్సరం మినిస్ట్రీ ఆఫ్ హోమ్ అఫైర్స్‌కు వెళ్లిన సినిమాల్లో ‘దురంధర్’, సల్మాన్ ఖాన్ సినిమా, మూడోది మా సినిమా. అంత పెద్ద సినిమా ఇది. మా సినిమాలో ఉన్న ఐడియా, ఎఫర్ట్, విజువల్‌ను చూడండి. చాలా అద్భుతమైన సినిమా తీశామని చెప్పుకొచ్చాడు.

నిహాల్ కోదాటి, సూర్య శ్రీనివాస్ హీరోలుగా అక్కి విశ్వనాధ రెడ్డి దర్శకత్వంలో తీసిన యూనిక్ స్పై డ్రామా సినిమా 'చైనా పీస్'. మూన్ లైట్ డ్రీమ్స్ బ్యానర్‌పై తెరకెక్కింది. ఇప్పటికే ఈ సినిమా ప్రమోషనల్ కంటెంట్ మంచి బజ్‌ క్రియేట్ చేసింది. టీజర్ అంచనాలను మరింత పెంచింది. ఇంతకుముందు 'చైనా పీస్' పేరుతో ప్రేక్షకులకు పరిచయమైన ఈ చిత్రం.. ఇప్పుడు 'సీక్రెట్ సోల్జర్'గా ప్రేక్షకుల ముందుకు రానుంది. సెన్సార్ బోర్డ్.. యూ/ఏ సర్టిఫికెట్ జారీ చేసింది.అన్ని కార్యక్రమాలు పూర్తి చేసుకున్న ఈ చిత్రాన్ని ఈ ఏడాది సెప్టెంబర్‌లో థియేటర్లలో విడుదల చేయడానికి నిర్మాతలు సన్నాహాలు చేస్తున్నారు. ఈ చిత్రానికి సురేష్ రగుతు సినిమాటోగ్రాఫర్‌గా వ్యవహరించగా, మార్తాండ్ కె. వెంకటేష్ ఎడిటర్‌గా పనిచేశారు. కమల్ కామరాజు, తులసి, రఘు బాబు, రంగస్థలం మహేష్, శ్రీనివాస్ వడ్లమాని, శ్రీకాంత్ అయ్యంగార్ తదితరులు ఇతర పాత్రలు చేశారు.

నిహాల్ కోధాటి, సూర్య శ్రీనివాస్ హీరోలుగా నటిస్తున్న తాజా చిత్రం ‘చైనా పీస్‌’. మూన్ లైట్ డ్రీమ్స్ బ్యానర్ లో తెరకెక్కిన ఈ చిత్రంలో కమల్ కామరాజు, రఘు బాబు, రంగస్థలం మహేష్, శ్రీనివాస్ వడ్లమాని, శ్రీకాంత్ అయ్యంగార్ కీలక పాత్ర పోషించారు. ఇప్పటికే ఈ సినిమా ప్రమోషనల్ కంటెంట్ మంచి బజ్ ని క్రియేట్ చేసింది. యూనిక్ కాన్సెప్ట్, ప్రెజెంటేషన్‌, యాక్షన్‌, థ్రిల్ ,హ్యుమర్ ఎలిమెంట్స్ తో టీజర్ సినిమా పై అంచనాలు పెంచింది. తాజాగా మేకర్స్ ఈ సినిమా నుంచి భగ భగ సాంగ్ రిలీజ్ చేశారు. కంపోజర్ కార్తిక్ దేశభక్తి రగిలించేలా ఈ పాటని స్వపరిచారు. కాల భైరవ పవర్ ఫుల్ వోకల్స్ సాంగ్ ని నెక్స్ట్ లెవల్ కి తీసుకెళ్ళింది. తన పదాలని ఆయుధాలుగా మార్చి రెహమాన్ రాసిన లిరిక్స్ అందరినీ హత్తుకున్నాయి. ఫిబ్రవరి చివర్లో ఈ సినిమా ప్రేక్షకుల ముందుకు రానుంది.

నిహాల్‌ కోధాటి, సూర్య శ్రీనివాస్‌ హీరోలుగా అక్కి విశ్వనాథ రెడ్డి దర్శకత్వంలో తెరకెక్కిన చిత్రం ‘చైనా పీస్‌’. కమల్‌ కామరాజు, రఘుబాబు, రంగస్థలం మహేశ్, శ్రీనివాస్‌ వడ్లమాని, శ్రీకాంత్‌ అయ్యంగార్‌ కీలక పాత్రలు పోషించారు. మూన్‌ లైట్‌ డ్రీమ్స్‌ బ్యానర్‌పై రూపొందిన ఈ సినిమా త్వరలో రిలీజ్‌ కానుంది. కార్తీక్‌ రోడ్రిగ్జ్‌ సంగీతం అందించిన ఈ చిత్రం నుంచి ‘ఇదేంటో జేమ్స్‌ బాండ్‌...’ అంటూ సాగే పాటని విడుదల చేశారు. దినేష్‌ కాకర్ల సాహిత్యం అందించిన ఈ పాటని స్ఫూర్తి జితేందర్, హారిక నారాయణ్‌ పాడారు. ‘‘యునిక్‌ స్పై డ్రామాగా రూపొందిన మూవీ ‘చైనా పీస్‌’. కొత్త కాన్సెప్ట్, యాక్షన్, థ్రిల్, హ్యూమర్‌తో విడుదలైన టీజర్‌ మా సినిమాపై అంచనాలు పెంచింది’’ అని యూనిట్‌ పేర్కొంది.

తెలుగు సినిమాలు ఎప్పటికప్పుడు థియేటర్లలో రిలీజ్ అవుతూనే ఉంటాయి. కాకపోతే వీటిలో ఓటీటీ, టీవీలోకి వచ్చేవి మాత్రం చాలా తక్కువగా ఉంటాయని చెప్పొచ్చు. కొన్నింటికి నెలలు లేదంటే ఏళ్ల తర్వాత మోక్షం దక్కుతుంది. అలా దాదాపు రెండేళ్ల తర్వాత ఓ మూవీ ఓటీటీలోకి వచ్చేసింది.(ఇదీ చదవండి: సినిమా వివాదం.. 'సలార్' విలన్ కి నోటీసులు)నిహాల్, ద్రిషిక చందర్ నటించిన మిస్టరీ థ్రిల్లర్ సినిమా 'ద స్టోరీ ఆఫ్ ఏ బ్యూటీఫల్ గర్ల్'. 2023 మే 12న థియేటర్లలో రిలీజైన ఈ చిత్రంలో స్టార్స్ లేకపోవడంతో ఇలా వచ్చి అలా వెళ్లిపోయింది. ఇప్పుడు దాదాపు రెండేళ్ల గ్యాప్ తర్వాత అమెజాన్ ప్రైమ్ ఓటీటీలోకి ఎలాంటి హడావుడి లేకుండా వచ్చేసింది. ప్రస్తుతం రూ.99కు రెంట్ విధానంలో స్ట్రీమింగ్ అవుతోంది.'ద స్టోరీ ఆఫ్ ఏ బ్యూటీఫల్ గర్ల్' విషయానికొస్తే.. ప్రముఖ డబ్బింగ్ ఆర్టిస్ట్ చరిత్ర (ద్రిషిక) కనిపించకుండా పోతుంది. దీంతో ఐపీఎస్ ఆఫీసర్ ఆదిత్య రంగంలోకి దిగుతాడు. విక్రమ్ అనే వ్యక్తిని కలుస్తాడు. ఇతడి చెప్పిన దానిబట్టి రవి (నిహాల్)తో చరిత్ర ప్రేమలో ఉందనే విషయం బయటపడుతుంది. మరి ఆదిత్య.. చరిత్ర ఆచూకీ కనుగొన్నాడా లేదా అనేది మిగతా స్టోరీ.(ఇదీ చదవండి: ఒక్కరోజే ఓటీటీల్లోకి వచ్చేసిన 18 మూవీస్)

కర్ణాటక రాష్ట్రంలో హళిబేడు ఆలయానికి సమీపంలో ఉన్న గిరిజన తండాలో జరిగిన ఓ వాస్తవ ఘటన ఆధారంగా నిర్మాత కేఎస్‌ రామారావు పర్యవేక్షణలో తెరకెక్కిన పీరియాడికల్‌ ఫిల్మ్‌ ‘శాంతల’. నిహాల్‌ కోదాటి, అశ్లేషా ఠాకూర్‌ హీరోహీరోయిన్లుగా నటించగా, వినోద్‌ కుమార్‌ ఓ ప్రధాన పాత్రలో నటించారు. ఇండో అమెరికన్‌ ఆర్ట్స్‌ పతాకంపై డా. యిర్రంకి సురేష్‌ నిర్మించిన ఈ చిత్రం నవంబరు 17న తెలుగు, మలయాళ, తమిళ, కన్నడ, హిందీ, మరాఠీ భాషల్లో విడుదల కానుంది. ‘‘ఓ గిరిజన తండాలో అమాయక స్త్రీలను చెరబట్టే అరాచకానికి ఒడిగడుతున్న ఒక కామాంధుడి బారి నుండి విముక్తి ΄పొందిన ఒక యువతి కథే ‘శాంతల’ చిత్రకథ. బేలూరు, హళిబేడు జంట దేవాలయాల వద్ద అత్యంత సుందరమైన సన్నివేశాలు, పాటలను చిత్రీకరించాం. అలాగే కీలక సన్నివేశాలను కర్ణాటకలోని మారుమూల ప్రాంతాల్లో దర్శకుడు శేషు పెద్దిరెడ్డి నిర్దేశకత్వంలో కేఎస్‌ రామారావు షూటింగ్‌ కార్యక్రమాలను నిర్వహించారు’’ అని చిత్ర యూనిట్‌ పేర్కొంది. ఈ చిత్రానికి సంగీతం: విశాల్‌ చంద్రశేఖర్‌.

టైటిల్‌ : ది స్టోరీ ఆఫ్ ఎ బ్యూటిఫుల్ గర్ల్ నటీనటులు : నిహాల్ కోదాటి, దృషిక చందర్, మధు నందన్, భార్గవ్ పోలుదాస్‌ తదితరులు నిర్మాతలు : ప్రసాద్ తిరువల్లూరి, పుష్యమి ధవళేశ్వరపు దర్శకత్వం: రవి ప్రకాశ్‌ బోడపాటి విడుదల తేది: మే 12, 2023 కథేంటంటే..  ప్రముఖ వాయిస్‌ ఆర్టిస్ట్‌ చరిత్ర(దృషికా చందర్‌)మిస్సింగ్‌ కేసుతో కథ ప్రారంభమవుతుంది.  ఒక సెలబ్రెటీ మిస్‌ అవ్వడంతో ఈ వార్త రాష్ట్రంలో సంచలనంగా మారుతుంది. ఈ కేసును విచారించడం కోసం ఢిల్లీ నుంచి స్పెషల్‌ ఇన్వెస్టిగేషన్‌ ఆఫీసర్‌ ఆదిత్య (భార్తవ పోలుదాసు) రంగంలోకి దిగుతాడు.  చరిత్ర కేసును విచారించే క్రమంలో ప్రముఖ వ్యాపారవేత్త విక్రమ్‌(సమర్థ్‌ యుగ్‌)తో ఆమెకు సన్నిహిత సంబంధం ఉందని గుర్తిస్తారు. అతన్ని విచారించగా.. చరిత్ర తప్పిపోయిన రోజు తనతో కలిసి డేట్‌కి వెళ్లిన మాట నిజమేనని.. ఆ తర్వాత ఏం జరిగిందో తెలియదని చెబుతాడు. ఆ తర్వాత కేసు గురించి కొన్ని వివరాలు కావాలంటే.. పోలీసులకు టైమ్‌ ఇవ్వకుండా తప్పించుకుంటాడు. మరోవైపు ఇదే కేసులో చరి​త్రకు క్లోజ్‌గా ఉన్న రవి(నిహాల్‌ కోదాటి)ని విచారిస్తారు. అతను ఒక జీవిత భీమా ఏజెంట్‌. చిన్నప్పటి నుంచి చరిత్రతో కలిసి ఉంటాడు. ఇద్దరు ప్రేమించుకున్నామని, గత రెండు నెలలుగా చరిత్ర తనకు దూరంగా ఉంటుందని చెబుతాడు. అసలు చరిత్ర ఎలా మిస్‌ అయింది? రవిని ప్రేమించిన చరిత్ర విక్రమ్‌తో ఎందుకు డేట్‌కి వెళ్లింది? ఆమె బతికే ఉందా? చనిపోయిందా? ఆమెని మిస్సింగ్‌ వెనుక ఉన్నదెవరు?  స్పెషల్‌ ఇన్వెస్టిగేషన్‌ ఆఫీసర్‌ ఆదిత్య ఐపీఎస్‌ ఈ కేసును ఎలా విచారించాడు?  ఈ నేపథ్యంలో అతనికి ఎదురైన సవాళ్లు ఏంటి? అసలు నిందితుడు ఎవరు? అనేది తెలియాలంటే ది స్టోరీ ఆఫ్‌ ఏ బ్యూటీఫుల్‌ గర్ల్ మూవీ చూడాల్సిందే.  ఎలా ఉందంటే...   బ్లాక్‌మెయిల్‌ మాఫియా అమ్మాయిల జీవితాలతో ఎలా ఆడుకుంటుందనేని ఈ సినిమా ద్వారా చూపించారు. ఆన్‌లైన్‌ వేదికగా అమ్మాయిలకు ఎలాంటి వేధింపులు ఎదురవుతన్నాయనే కాన్సెప్ట్‌తో ఈ సినిమా తెరకెక్కించారు. దర్శకుడు ఎంచుకున్న పాయింట్‌ బాగుంది. అయితే దానికి తెరరూపం ఇవ్వడంలో కాస్త తడబడ్డాడు. అయితే చరిత్రకు ఏమైంది? ఎవరు కిడ్నాప్‌ చేశారు? అసలు బతికుందా లేదా? అనే థ్రిల్లింగ్‌ పాయింట్స్‌ని చివరి వరకు రివీల్‌ చేయకుండా ప్రేక్షకుడికి క్యూరియాసిటీ కలిగించడంలో దర్శకుడు సఫలం అయ్యాడు. చరిత్ర మిస్సింగ్‌కి అసలు కారకులు ఎవరనేది రిలీల్‌ చేసే ట్విస్ట్‌ ఊహించని విధంగా మలిచాడు. చరిత్ర మిస్సింగ్‌.. విచారణ కోసం స్పెషల్‌ టీమ్‌ రంగంలోకి దిగడం... రవి, చరిత్రల లవ్‌స్టోరీతో ఫస్టాఫ్‌ ఇంట్రెస్టింగ్‌ సాగుతుంది. ఇక సెకండాఫ్‌లో చరిత్ర మిస్సింగ్‌కి గల కారణాలు ఒక్కోక్కటి రివీల్‌ చేస్తూ వచ్చాడు. ఈ క్రమంలో కథ చాలా వరకు అక్కడక్కడే తిరిగిందనే ఫీలింగ్‌ కలుగుతుంది. స్లో నెరేషన్‌ కూడా ఇబ్బందిగా మారుతుంది. ఇన్వెస్టిగేషన్‌లో కొన్నిసీన్లు అనవసరం అనిపిస్తుంది. రవి, చరిత్ర లవ్‌ స్టోరీ, వారి మధ్య వచ్చే రొమాంటిక్‌ సీన్లు కొత్తగా ఉంటాయి. యూత్‌ని బాగా ఆకట్టుకునేలా ఉంటాయి.  ఎవరెలా చేశారంటే..  రవి పాత్రకి నిహాల్ కోదాటి న్యాయం చేశాడు. పూర్‌ బాయ్‌గా, గొప్ప ప్రేమికుడిగా చక్కగా నటించాడు. ఇక చరిత్రగా దృషికా చందర్‌ అద్భుతంగా నటించింది. నిహాల్‌, దృషికాల కెమిస్ట్రీ వర్కౌట్‌ అయింది. ఇన్వెస్టిగేషన్‌ ఆఫీసర్‌గా భార్గవ పోలుదాసుసెటిల్డ్ పెర్ఫార్మన్స్ చేశారు. ఎస్సై బాషాగా మధునందన్ కూడా డీసెంట్ పెరఫార్మన్స్ చేశారు. ఇక నెగెటివ్‌ షేడ్స్‌ ఉన్న విక్రమ్‌ పాత్రలో సమర్థ్‌ యుగ్‌ ఒదిగిపోయాడు. మిగిలిన నటీనటులు తమ పాత్రల పరిధి మేర నటించారు.  ఇక సాంకేతిక విషయాలకొస్తే.. గిడియన్‌ కట్టా సంగీతం పర్వాలేదు. పాటలు బాగున్నాయి. కానీ బీజీఎం యావరేజ్‌గా అనిపిస్తుంది. అమర్‌ దీప్‌ గుత్తుల సినిమాటోగ్రఫీ బాగుంది. ప్రతి ఫ్రేమ్‌ని అందంగా చూపించారు. ఎడిటర్‌ ప్రవీణ్‌ పూడి తన కత్తెరకు ఇంకాస్త పని చెప్పాల్సింది. సెకండాఫ్‌లో కొన్ని అనవసరపు సన్నివేశాలను ఉన్నాయి. వాటిని మరింత క్రిస్పీగా కట్‌గా కట్‌ చేస్తే బాగుండేదేమో. నిర్మాత విలువలు చాలా ఉన్నతంగా ఉన్నాయి.