Khairatabad Maha Ganapathi

గణేశ్‌ నవరాత్రి వేడుకలు కీలక ఘట్టానికి చేరుకున్నాయి. గణనాథులు గంగమ్మ ఒడికి చేరేందుకు సిద్ధమయ్యారు. భారీ ఊరేగింపులతో భాగ్యనగరం భక్తిశ్రద్ధలతో శోభాయమానంగా మారింది. ఖైరతాబాద్‌ మహాగణపతి శోభాయాత్ర, నిమజ్జన ప్రక్రియ కూడా పూర్తయింది. అయితే గత ఏడాదితో పోలిస్తే ఈసారి ఆలస్యమైంది.ట్యాంక్‌బండ్‌పై బాలాపూర్‌ గణేశుడి నిమజ్జనం పూర్తిశోభాయాత్రకు భారీగా తరలివచ్చిన భక్తులుక్రేన్‌ నెం 12 దగ్గరు బాలాపూర్‌ గణేశుడి నిమజ్జనంఈ ఏడాది రూ. 39 లక్షలు పలికిన బాలాపూర్‌ లడ్డూట్యాంక్‌బండ్‌ దగ్గర కోలాటాలు, డప్పు నృత్యాలతో సందడిఎంజే మార్కెట్‌ దగ్గర సందడి వాతావరణంట్యాంక్‌బండ్‌కు తరలివెళ్తున్న గణనాథులుగంగమ్మ ఒడికి ఖైరతాబాద్‌ మహా గణేశుడుహుస్సేన్‌ సాగర్‌లో ఖైరతాబాద్‌ మహాగణపతి నిమజ్జనం క్రేన్‌ నెంబర్‌ -4 దగ్గర ఖైరతాబాద్‌ మహాగణపతి నిమజ్జనం బైబై గణేశా అంటూ భక్తుల వీడ్కోలుమారుమోగిన గణపతి బప్పా మోరియా నినాదాలుభక్తులతో కిక్కిరిసిన ట్యాంక్‌బండ్‌ పరిసరాలుడీజేలు, డ్యాన్సులతో యువత సందడి ట్యాంక్‌ బండ్‌ మీద కోలాహలంమరికాసేపట్లో ఖైరతాబాద్‌ మహాగణపతి నిమజ్జనంభారీగా తరలి వచ్చిన భక్తజనంగణపయ్య వీడ్కోలు పలుకుతూ ఉత్సవ కమిటీ సభ్యులు, భక్తుల చిందులుహుషారుగా స్టెప్పులు కలిపిన పోలీసు సిబ్బందిఆలస్యంగా మొదలైనప్పటికీ.. పోలీసుల చొరవతోనే త్వరగతిన ముగిసిన శోభాయాత్ర ఎన్టీఆర్‌ మార్గ్‌ చేరుకున్న ఖైరతాబాద్‌ గణేశుడుముగిసిన ఖైరతాబాద్‌ గణేశుడి శోభాయాత్రహుస్సేన్‌ సాగర్‌ క్రేన్‌ వద్దకు చేరిన మహాగణపతిమొదలైన వెల్డింగ్‌ పనులుఅనుకున్న టైం కంటే గంట ముందుగానే పూర్తి కానున్న నిమజ్జనం!సచివాలయం చేరుకున్న గణేశుడుసెక్రటేరియెట్‌ వద్ద ఖైరతాబాద్‌ గణేశుడి సందడిభక్తుల కోలాహలం.. గణపతి బప్పా మోరియా నినాదాలతో మారుమోగుతున్న ప్రాంతంబడా గణేశుడితో సెల్ఫీల కోసం ఎగబడుతున్న జనంపక్కకు తప్పుకోవాలంటూ పోలీసుల విజ్ఞప్తికాసేపట్లో ట్యాంక్‌బండ్‌పైకి చేరుకోనున్న గణపయ్యఇప్పటికే ఆలస్యం కావడంతో త్వరగతిన నిమజ్జనం పూర్తి చేయాలనే ఆలోచన జెట్‌ స్పీడ్‌గా ఖైరతాబాద్‌ గణేశుడి శోభాయాత్రక్రేన్‌ హీటెక్కడంతో 3గంటల ఆలస్యంగా ప్రారంభమైన ఖైరతాబాద్‌ శోభాయాత్రతెలుగు తల్లి ఫ్లై ఓవర్‌ దాటి.. సచివాలయం రోడ్డుకు చేరిన బడా గణేశుడుభక్తుల కోలాహలం నడుమ ఎక్కడా ఆగకుండా ముందుకు సాగుతున్న శోభాయాత్రకాసేపట్లో ట్యాంక్‌ బండ్‌కు మహాగణపతిఒంటి గంటలోపే ఎన్టీఆర్‌ మార్గ్‌లోని క్రేన్‌ నెంబర్‌ 4 వద్దకు చేరుకునే చాన్స్‌భయమే కానీ బాధ్యతగా చేస్తాం: ఆల్తాఫ్‌బడా గణేశుడి నిమజ్జనం కోసం ప్రత్యేక క్రేన్‌సాక్షి న్యూస్‌తో ముచ్చటించిన క్రేన్ యజమాని ఆల్తాఫ్గత 5 ఏళ్లుగా ఖైరతాబాద్ బడా గణేశుడ్ని నిమజ్జనం చేస్తున్నాం: ఆల్తాఫ్తొలి ఏడాది(2021లో) చాలా భయపడ్డాం: ఆల్తాఫ్కానీ ఆ తర్వాత వచ్చిన అనుభవంతో ఈజీగా నిమజ్జనం చేస్తున్నాం: ఆల్తాఫ్ఈసారి మరింత అడ్వాన్స్ టెక్నాలజీ క్రేన్ ఏర్పాటు చేశాం: ఆల్తాఫ్‌నిమజ్జనం చేయడానికి మాకు 10 నిమిషాలు పడుతుంది: ఆల్తాఫ్‌వెల్డింగ్ ,ఇతర పనుల వల్ల ఆలస్యం అవుతుంటుంది: ఆల్తాఫ్అంత భారీ స్థాయి విగ్రహాన్ని నిమజ్జనం చేయాలంటే మాకు భయమే! కానీ భాధ్యత తొ చేస్తాం: ఆల్తాఫ్టెలిఫోన్‌ భవన్‌ వద్దకు బడా గణేశుడుఎక్కడా ఆగకుండా ముందుకు సాగుతున్న ఖైరతాబాద్‌ గణేశుడుటెలిఫోన్‌ భవన్‌ దాటి ముందుకు సాగుతున్న శోభాయాత్రసెక్రటేరియెట్‌ ముందు నుంచి నిమజ్జన ప్రాంతానికి తరలింపుట్యాంక్‌బండ్‌ ఎన్టీఆర్‌ మార్గ్‌లోని క్రేన్‌ నెంబర్‌ 4 వద్ద నిమజ్జనం !విగ్రహం చేరుకున్నాక.. వెల్డింగ్‌ పనుల కోసం గంట సమయం పట్టే చాన్స్‌ కొనసాగుతున్న ఖైరతాబాద్‌ గణేశుడి శోభాయత్రఎక్కడా ఆగకుండా ముందుకు సాగుతున్న ఖైరతాబాద్‌ మహాగణపతిభారీగా తరలి వచ్చిన జనంభవనాల నుంచి పూలు జల్లుతున్న భక్తులుభక్తులు ముందుకు రాకుండా చూసుకుంటున్న నిర్వాహకులుడ్రోన్‌ల ద్వారా పరిస్థితుల్ని గమనిస్తున్న పోలీసులుశోభాయాత్ర సాగే మార్గాల్లో ట్రాఫిక్‌ మళ్లింపురాజ్‌దూత్‌ హోటల్‌, టెలిఫోన్‌ భవన్‌, సెక్రటేరియెట్‌.. ఇలా ముందుకు సాగి ట్యాంక్‌ బండ్‌ చేరుకోనున్న బడా గణేశుడుక్రేన్‌ నెంబర్‌ 4 దగ్గరే నిమజ్జనం?!మధ్యాహ్నాం 2 గంటలకల్లా నిమజ్జన ప్రక్రియ పూర్తయ్యేలా చూస్తున్న అధికారులు ఖైరతాబాద్‌ గణేశుడి శోభాయాత్ర ప్రారంభంఖైరతాబాద్‌ గణేశుడి శోభాయాత్ర ప్రారంభం3గంటలు ఆలస్యంగా ప్రారంభమైన శోభాయాత్ర విగ్రహం ముందు వైపు రాకుండా రెండంచెల రోప్‌పార్టీభక్తులను ముందు వైపునకు అనుమతించని పోలీసులుఎక్కడా ఆపకుండా బడా గణేశుడ్ని తరలించేలా ప్లాన్‌క్రేన్‌ నెంబర్‌ 5 వద్ద జరగనున్న నిమజ్జనంబడా గణేశుడి చెంత దానం సందడిఖైరతాబాద్‌ గణేశుడి శోభాయాత్ర సందర్భంగా దానం నాగేందర్‌ సందడిపార్టీ ఫిరాయింపుల వ్యవహారంలో దానంను అనర్హుడిగా ప్రకటించిన కోర్టులుత్వరలో ఉప ఎన్నిక.. పోటీ చేస్తానని స్పష్టం చేసిన దానంఇవాళ ఖైరతాబాద్‌ బడా గణేశుడి వద్ద హుషారుగా చిందులేసిన దానం బడా గణేశుడి కోసం రంగంలోకి అధికారులుఇంకా ప్రారంభం కాని ఖైరతాబాద్‌ గణేశుడి శోభాయాత్రఈ మధ్యకాలంలో ఎన్నడూ లేనంత ఆలస్యం!గత రాత్రి భారీ క్రేన్‌లో సాంకేతికత లోపంఈ ఉదయం ఆరు గంటలకే ప్రారంభం కావాల్సిన శోభాయాత్రఇంకా ప్రారంభం కాని శోభాయాత్రబడా గణేశుడి శోభాయాత్ర, నిమజ్జనం వీక్షించేందుకు భారీగా చేరుకుంటున్న జనంభారీగా జనం వస్తే నిమజ్జనం ప్రక్రియ మరింత ఆలస్యం అయ్యే అవకాశంసాయంత్రం కల్లా నిమజ్జనం జరిగే చాన్స్‌నిర్వాహకులతో మాట్లాడిన అధికారులు ఎక్కడా ఆగకుండా ముందుకు వెళ్లాలని సూచనవీలైనంత త్వరగా శోభాయాత్ర పూర్తి చేసేలా ప్రణాళిక1గం. కల్లా క్రేన్‌ నెంబర్‌ 5 వద్దకు చేరుకునేలా ప్లాన్‌అక్కడ గంటసేపు వెల్డింగ్‌ పనులు కొనసాగే చాన్స్‌ఆ తర్వాత కొనసాగనున్న నిమజ్జన ప్రక్రియఅన్ని సజావుగా సాగితే.. మధ్యాహ్నాం 2 కల్లా పూర్తి కానున్న ఖైరతాబాద్‌ మహాగణపతి నిమజ్జనం మరింత ఆలస్యంగా ఖైరతాబాద్ గణేష్ శోభాయాత్రఉదయం 6గం.కే ప్రారంభం కావాల్సిన శోభాయాత్రబడా గణేశ్‌ను లిఫ్ట్ చేసే హైడ్రాలిక్ క్రేన్‌లో సాంకేతిక లోపంఅనుకున్న సమయానికంటే ఇప్పటికే రెండు గంటల ఆలస్యంశోభాయాత్ర ప్రారంభానికి మరో గంట పట్టే అవకాశంఇప్పటికే భారీగా చేరుకున్న భక్తులుఖైరతాబాద్ పురవీధుల్లో భక్తులు పెరిగితే.. శోభాయాత్ర మరింత ఆలస్యం అయ్యే అవకాశంమహాగణపతి శోభాయాత్ర.. పోలీసుల హెచ్చరికడ్రోన్ల వినియోగం పై పోలీసుల ఆంక్షలుఖైరతాబాద్ గణనాథుడిని శోభాయాత్ర, నిమజ్జనం.. పోలీసుల అలర్ట్‌శోభాయాత్ర, నిమజ్జనం చిత్రీకరించేందుకు భారీగా వచ్చిన ప్రైవేట్ డ్రోన్లు, యూట్యూబర్లుడ్రోన్లు వాడితే కేసులు పెడుతామంటూ పోలీసుల హెచ్చరిక ప్రకటనలు నిమజ్జనం ఆలస్యం కానివ్వం: సీపీ సజ్జనార్‌కాసేపట్లో ప్రారంభం కానున్న ఖైరతాబాద్‌ బడా గణేశుడి శోభాయాత్రవాహనపూజ, మహాహారతి కార్యక్రమంలో పాల్గొన్న సీపీ సజ్జనార్హైడ్రాలిక్ క్రేన్ సమస్య వల్ల ప్రక్రియ కాస్త ఆలస్యమైందన్న నగర కమిషనర్‌అనుకున్న సమయానికి మహాగణపతి నిమర్జనం పూర్తి చేస్తామని ప్రకటన ఖైరతాబాద్‌ గణేశుడిపై ఉత్కంఠ69 అడుగుల మహాగణపతిని తరలించేందుకు ప్రత్యేక ఏర్పాట్లుటస్కర్‌పైకి చేరిన తర్వాతే శోభాయాత్రకు వేగంభారీ విగ్రహం కావడంతో ప్రతి అడుగులోనూ అప్రమత్తతక్రేన్‌ రిపేర్‌తో ఆలస్యం.. సమయం పెరుగుతున్న కొద్దీ పెరుగుతున్న ఉత్కంఠ12 గంటల్లోపే నిమజ్జనం పూర్తి చేయడమే లక్ష్యంహుస్సేన్‌సాగర్‌లో భారీ విగ్రహం కోసం ప్రత్యేక నిమజ్జన పాయింట్‌క్రేన్‌ నెంబర్‌ 4తో చేపట్టనున్న నిమజ్జన ప్రక్రియమహాగణపతి నిమజ్జనాన్ని వీక్షించేందుకు ట్యాంక్‌బండ్‌పై భారీగా భక్తులుఆలస్యమైనా.. గడువులోపే బడా గణేశుడి నిమజ్జనం పూర్తవుతుందా?కాసేపట్లో ప్రారంభం కానున్న ఖైరతాబాద్‌ బడా గణేశుడి శోభాయాత్ర పూర్తైన వెల్డింగ్‌ పనులుకాసేపట్లో వాహన పూజపూజ తర్వాత మహాగణపతికి హారతిఅనుకున్న సమయం కంటే ఆలస్యంగా శోభాయాత్రఖైరతాబాద్‌ వద్ద భారీగా బందోబస్తు.. 523 మంది పోలీసు సిబ్బంది మోహరింపుశోభాయాత్ర సాగే మార్గంలో, నిమజ్జనం జరిగే ప్రాంతంలో కట్టుదిట్టమైన భద్రత ఆలస్యంగా ఖైరతాబాద్‌ గణేశుడి నిమజ్జనం?ఆలస్యంగా ప్రారంభం కానున్న ఖైరతాబాద్‌ గణేశుడి శోభాయాత్రకిందటి ఏడాది.. ఆరు గంటలకే మొదలైన ఊరేగింపుభారీ క్రేన్‌ రిపేర్‌తో ఈ ఏడాది ఆలస్యం12గంటల లోపే నిమజ్జనం పూర్తి చేయాలని ఉత్సవ కమిటీ నిర్ణయంఅనుకున్న టైంలోపే పూర్తవుతుందా? అనే ఉత్కంఠబడా గణేశుడు మునిగేందుకు హుస్సేన్‌ సాగర్‌లో 25 లోతు వరకు పూడిక తీసి వేతనిమజ్జన ప్రక్రియ కోసం 30 అడుగుల వెడల్పుతో ప్రత్యేక ప్రాంతం ఏర్పాటు టస్కర్ పైకి ఖైరతాబాద్ గణనాథుడిని పెడుతున్న సిబ్బందిశోభాయాత్ర వాహనం పైకి ఖైరతాబాద్ గణనాథుడిని చేరుస్తున్న సిబ్బందిశోభయాత్రకు సిద్ధమైన ఖైరతాబాద్ బడా గణేష్ఈ ఏడాది శ్రీ పంచముఖ సంకటహర మహా గణపతి అవతారంలో దర్శనం ఇచ్చిన గణనాధుడు69 అడుగుల ఎత్తుతో ఐదు ముఖాలు, ఐదు తలలపై కిరీటాలతో దర్శనం విగ్రహానికి కుడివైపున 15 అడుగుల సోమనాథ జ్యోతిర్లింగం, ఎడమవైపున కాళికా మాత ప్రతిమలను ఏర్పాటుఈ ఏడాది కూడా ​పర్యావరణ హిత గణనాథుడిగా దర్శనం ఖైరతాబాద్ గణనాథుడిని తీర్చిదిద్దిన తెలంగాణ , ఆంధ్రప్రదేశ్, తమిళనాడు మరియు గుజరాత్‌కు చెందిన సుమారు 150 మంది కళాకారులుదాదాపు 80 రోజుల పాటు శ్రమించి రూపుదిద్దుకున్న విగ్రహంఖైరతాబాద్ గణనాథుడి నిమజ్జన ప్రక్రియ ఆలస్యం మండపం నుండి ఇంకా టస్కర్ మీదికి వెళ్లని గణనాథుడు రాత్రి హీట్ ఎక్కువై భారీ క్రేన్ రిపేర్పోయిన ఏడాది ఈపాటికే టస్కర్ మీద గణనాథుడు సిద్ధం అయితే శోభాయాత్ర త్వరగా చేస్తామంటున్న పోలీసులుట్యాంక్‌ బండ్‌ చుట్టూ డీజేల హోరుజంట నగరాల్లో ఘనంగా ప్రశాంతంగా కొనసాగుతున్న గణేశుడి నిమజ్జనం ట్యాంక్‌ బండ్‌ వద్ద కోలాహలంహుస్సేన్‌ సాగర్‌, చెరువుల్లో కొనసాగుతున్న ప్రక్రియతెలుగు తల్లి ఫ్లైఓవర్‌కు చేరుకుంటున్న గణనాథుడుప్రత్యేక ఏర్పాట్లు చేసిన అధికారులుహైదరాబాద్‌, రంగారెడ్డి ‘క్యూర్‌’ పరిధిలో స్కూళ్లకు సెలవుమంచి నీటి వసతి, వైద్య ఇతరత్ర హెల్ప్‌ లైన్ల ఏర్పాటుఎంఎంటీఎస్‌ రైలు సర్వీసులపై దక్షిణమధ్య రైల్వే ప్రత్యేక దృష్టిఅర్ధరాత్రి ఒంటిగంట దాకా నడవనున్న మెట్రోప్రత్యేక బస్సులు నడుపుతున్న టీజీఎస్‌ఆర్‌టీసీ

సాక్షి, హైదరాబాద్‌: వినాయక చవితి వచ్చిందంటే చాలు ఈ పది రోజుల పాటు నెక్లెస్‌ రోడ్డుతో పాటు, ఎన్టీఆర్‌ మార్గ్, ట్యాంక్‌బండ్‌ పరిసర ప్రాంతాలన్నీ వాహనదారులతో కిక్కిరిసిపోతాయి. ప్రత్యేకంగా ఖైరతాబాద్‌ మహా గణపతికి దారి తీసే మార్గాల్లో ట్రాఫిక్‌ ఆంక్షలు ఉండటంతో వాహనదారులు తీవ్ర అవస్థలు పడుతుంటారు. కానీ ఈసారి ముందస్తుగానే ట్రాఫిక్‌ పోలీసులు అవగాహన కల్పించడంతో వాహనదారులు ప్రత్యామ్నాయ మార్గాల్లో గమ్యస్థానాలకు చేరుతున్నారు. మహా గణపతి దర్శనంతో పాటు నిమజ్జన వేడుకలను వీక్షించేందుకు వస్తున్న వాహనదారులకు కూడా ఎటువంటి ఇబ్బందులు లేకుండా అధికారులు ఇప్పటికే తగు ప్రణాళికలు రూపొందించి చర్యలు తీసుకున్నారు. ప్రధాన కూడళ్లలో పార్కింగ్‌ స్థలాల ఫ్లెక్సీలు.. ఖైరతాబాద్‌ మహా గణపతి దర్శనానికి నగర నలుమూలల నుంచి వస్తున్న భక్తులు, వారి వాహనాల పార్కింగ్‌కు స్థలాలను గుర్తించిన అధికారులు వాటిని తెలియజేసేందుకు వినూత్న తరహాలో ప్రచారం చేస్తున్నారు. ఖైరతాబాద్‌ గణనాథుడికి దారి తీసే నాలుగు మార్గాల్లో అధికారులు పార్కింగ్‌ స్థలాలను ఏర్పాటు చేశారు. ఈ పార్కింగ్‌ స్థలాలకు వెళ్లే మ్యాప్‌లను క్యూ ఆర్‌ కోడ్‌లుగా తయారు చేసి ఫ్లెక్సీలు వేసి అవగాహన కల్పిస్తున్నారు. వాహనదారులు నేరుగా తాము వస్తున్న ప్రాంతంలో అందుబాటులో ఉన్న పార్కింగ్‌ స్థలాన్ని ఈ క్యూఆర్‌ కోడ్‌ స్కాన్‌ చేయడం ద్వారా నేరుగా అక్కడికి వెళ్లవచ్చునని అధికారులు చెబుతున్నారు. ఐ మ్యాక్స్‌ థియేటర్‌ వద్దతో పాటు, హెచ్‌ఎండీఏ ఎదురుగా ఉన్న ఐ మ్యాక్స్‌ పార్కింగ్‌స్థలం, ఈ–కార్‌ రేసింగ్‌ స్థలం, అమరవీరుల స్మారకం వద్ద పార్కింగ్‌ స్థలాలను అధికారులు ఏర్పాటు చేశారు. సోషల్‌ మీడియాలో ట్రాఫిక్‌ రద్దీపై అప్‌డేట్‌.. మరో వైపు ట్రాఫిక్‌ పోలీసులు ఎప్పటికప్పుడు ఖైరతాబాద్‌ చుట్టూ పక్కల ఉన్న తెలుగు తల్లి ఫ్లై ఓవర్‌తో పాటు ట్యాంక్‌ బండ్, ఎన్టీఆర్‌ మార్గ్‌లలో ట్రాఫిక్‌ రద్దీని ఎప్పటికప్పుడు గంటగంటకు సోషల్‌ మీడియాలోని వివిధ వేదికల్లో పోస్ట్‌ చేస్తున్నారు. దీంతో వీటిని చూస్తున్న వాహనదారులు ప్రత్యామ్నాయ మార్గాల్లో ముందుకు సాగుతున్నారు.సాధారణ రోజుల్లో సాయంత్రం.. సెలవు రోజుల్లో రోజంతా.. ఖైరతాబాద్‌ మహా గణపతికి వీక్షించే వారి సంఖ్యతో పాటు నిమజ్జన వేడుకల్లో పాల్గొనే వారు సాధారణ రోజుల్లో సాయంత్రం వేళల్లో, శుక్ర, శని, ఆదివారాల్లో అత్యధికంగా వస్తారని అధికారులు అంచనా వేశారు. దీనికి తగ్గట్లుగానే వాహనాల దారి మళ్లింపుతో పాటు వాహనాలు పార్కింగ్‌ చేసేందుకు స్థలాలను గుర్తించారు. ఇదీ చదవండి: రైల్వే టికెట్ల బుకింగ్‌.. కీలక విషయాలుసెలవు రోజుల్లో, వారాంతాల్లో సుమారు 2 లక్షల మందికిపైగా వచ్చే భక్తులకు వారి వాహనాల పార్కింగ్‌కు ఎటువంటి ఇబ్బంది లేకుండా ఇప్పటికే స్థలాలు గుర్తించినప్పటికీ అధికారులు మాత్రం ప్రజా రవాణా వ్యవస్థను వినియోగించుకోవాలని భక్తులకు అవగాహన కల్పిస్తున్నారు. సొంత వాహనాల్లో వచ్చే వారు కాస్త ఇబ్బందులు పడాల్సి వస్తుందని పార్కింగ్‌ స్థలాలు కూడా సరిపోయే అవకాశం ఉండదని అందువల్ల మెట్రోతో పాటు బస్సు, ఎంఎంటీఎస్‌ సేవలను వినియోగించుకోవాలని సూచిస్తున్నారు.

హైదరాబాద్: ఖైరతాబాద్‌ మహాగణపతికి బుధవారం లంగర్‌హౌస్‌కు చెందిన వ్యాపారవేత్త జనల్లి శ్రీకాంత్‌ 2200 కిలోల లడ్డూను ప్రసాదంగా సమర్పించారు. 2016 నుంచి ప్రతి సంవత్సరం మహాగణపతికి లడ్డూను నైవేద్యంగా సమర్పిస్తూ వస్తున్నారు. భారీ లడ్డూను తయారు చేయడానికి మూడు రోజుల సమయం పట్టిందని శ్రీకాంత్‌ తెలిపారు. బుధవారం మధ్యాహ్నం భారీ ఊరేగింపు మధ్య క్రేన్‌ సాయంతో మహాగణపతికి నైవేద్యంగా సమర్పించారు. ఈ సందర్భంగా ఉత్సవ కమిటీ సభ్యులు ఘనంగా స్వాగతం పలికారు. ఈ లడ్డూను భక్తులకు ప్రసాదంగా అందజేస్తారని తెలిపారు. ​​​​​​​

హైదరాబాద్: ఖైరతాబాద్‌లో కొలువుతీరిన మహాగణపతి తొలి పూజలను నేటి ఉదయం 11 గంటలకు నిర్వహిస్తున్నట్లు ఉత్సవ కమిటీ సభ్యులు తెలిపారు. వినాయక చవితిని పురస్కరించుకుని ఉదయం 9.30 గంటలకు ప్రాణ ప్రతిష్ట (కలశ పూజ) నిర్వహించిన అనంతరం పూజలు ప్రారంభమవుతాయన్నారు. తొలి పూజలు గవర్నర్‌ తమిళిసై చేతుల మీదుగా జరుగుతాయన తెలిపారు. ఆదివారం ఎమ్మెల్యే దానం నాగేందర్‌ నేతృత్వంలో గవర్నర్‌ తమిళిసైని కలిసి ఖైరతాబాద్‌ మహాగణపతి తొలిపూజలకు ఆహ్వానించారు. తొలిపూజలో హరియాణా గవర్నర్‌ బండారు దత్తాత్రేయ, మంత్రి తలసాని శ్రీనివాస్‌ యాదవ్‌, ఎమ్మెల్యే, ఉత్సవ కమిటీ అధ్యక్షుడు దానం నాగేందర్‌, మాజీ ఎమ్మెల్యే చింతల రాంచంద్రారెడ్డి పాల్గొంటారు. భారీ బందోబస్తు.. చవితి మొదటి రోజు నుంచే మహాగణపతిని దర్శింకునేందుకు భక్తులు పెద్ద ఎత్తున తరలివచ్చే అవకాశం ఉండటంతో పోలీసులు భారీ బందోబస్తు ఏర్పాటు చేశారు. లక్డీకాపూల్‌, ఖైరతాబాద్‌ రైల్వేగేట్‌, మింట్‌ కాంపౌండ్‌ నుంచి భక్తులను అనుమతిస్తారు. ప్రత్యేక క్యూలైన్లు, సీసీ కెమెరాల నిఘాతో ప్రత్యేక పోలీసు బలగాలతో బందోబస్తు ఏర్పాటు చేసినట్లు ఏసీపీ సంజయ్‌కుమార్‌ తెలిపారు. మహాగణపతిని దర్శించుకునేందుకు వచ్చే భక్తులు ఉదయం నుంచి మధ్యాహ్నం వేళల్లో వచ్చే విధంగా ప్లాన్‌ చేసుకోవాలని, కార్లు, బైక్‌లతో కాకుండా మెట్రో, ఎంఎంటీఎస్‌లలో రావాలని ట్రాఫిక్‌ ఏసీపీ రత్నం సూచించారు.  ట్రాఫిక్ ఆంక్షలు ► ఈ నెల 18 నుంచి 28 వరకు ఖైరతాబాద్‌ మహాగణపతిని దర్శనానికి ఉదయం 11 గంటల నుంచి అర్ధరాత్రి వరకు వచ్చే భక్తులు కొన్ని సూచనలు పాటించాలని ట్రాఫిక్‌ పోలీసులు తెలిపారు. ట్రాఫిక్‌ ఆంక్షలు విధిస్తున్నట్లు చెప్పారు. సోమాజిగూడ రాజీవ్‌గాంధీ సర్కిల్‌ నుంచి మింట్‌ కాంపౌండ్‌ వైపు వెళ్లే వాహనాలకు నిరంకారి జంక్షన్‌ వైపు మళ్లిస్తారు. రాజ్‌దూత్‌ చౌరస్తా నుంచి ఖైరతాబాద్‌ వైపు వెళ్లే సాధారణ వాహనాలకు ఎక్బాల్‌ మినార్‌ వైపు మళ్లింపు ఉంటుంది. మింట్‌ కాంపౌండ్‌ నుంచి ఐమాక్స్‌ వైపు సాధారణ ట్రాఫిక్‌కు అనుమతి లేదు. నెక్లెస్‌ రోడ్డు రోటరీ చౌరస్తా నుంచి మింట్‌ కాంపౌండ్‌ వైపు వెళ్లే వాహనాలకు అనుమతి లేదు. తెలుగుతల్లి జంక్షన్‌ లేదా ఖైరతాబాద్‌ ప్లై ఓవర్‌కు మళ్లింపు, ఖైరతాబాద్‌ పోస్టాఫీస్‌ లేన్‌ నుంచి ఖైరతాబాద్‌ రైల్వేగేట్‌ వైపు వచ్చే సాధారణ ట్రాఫిక్‌కు అనుమతి లేదు. ఖైరతాబాద్‌, షాదాన్‌ కాలేజ్‌, నిరంకారి, ఓల్డ్‌ పీఎస్‌ సైఫాబాద్‌, మింట్‌ కాంపౌండ్‌, నెక్లెస్‌ రోటరీ జంక్షన్లలో ట్రాఫిక్‌ రద్దీ నేపథ్యంలో వాహనదారులు ప్రత్యామ్న్యాయ మార్గాలను ఎంచుకోవాలని పోలీసులు సూచించారు. పార్కింగ్‌ ప్రాంతాలివే.. ► ఖైరతాబాద్‌ మహాగణపతిని దర్శించుకునేందుకు వచ్చే వాహనదారులు ఐమాక్స్‌ థియేటర్‌, ఎన్టీఆర్‌ ఘాట్‌, ఎన్టీఆర్‌ గార్డెన్‌ పార్కింగ్‌ స్థలాలు, ఐమాక్స్‌ ఎదురుగా ఉన్న పార్కింగ్‌ స్థలాల్లో పార్క్‌ చేసుకోవాలని సూచించారు. ఖైరతాబాద్‌ మహాగణపతి దర్శించుకునే భక్తుల సంఖ్యను బట్టి ఆంక్షలు ఉంటాయని తెలిపారు. ప్రయాణంలో ఏదైనా అసౌకర్యం ఉంటే హైదరాబాద్‌ ట్రాఫిక్‌ పోలీస్‌ హెల్ప్‌లైన్‌ 90102 03626ను సంప్రదించవచ్చని సూచించారు.

సాక్షి, హైదరాబాద్‌:  ఖైరతాబాద్ మహా గణపతి విగ్రహ నమూనాను ఖైరతాబాద్ గణేష్ ఉత్సవ కమిటీ నిర్వాహకులు ఆవిష్కరించారు. 50 అడుగుల భారీ మట్టి విగ్రహ రూపాన్ని ఈ ఏడాది ఆవిష్కరించారు. తొలిసారి మట్టితో ఖైరతాబాద్‌ మహా గణపతిని తయారు చేయనున్నారు. ఈ ఏడాది ఖైరతాబాద్ భారీ గణేశుడు పంచముఖ లక్ష్మీగణపతి అవతారంలో భక్తులకు దర్శనమివ్వనున్నాడు. గణనాథునికి ఎడమ వైపు త్రిశక్తి మహాగాయత్రి దేవి, కుడి వైపు సుబ్రమణ్యస్వామి ప్రతిమ ఉండనుంది. నిమజ్జనానికి తరలివెళ్లేలా మట్టి విగ్రహాన్ని తయారు చేయనున్నారు.

సాక్షి, ఖైరతాబాద్‌ (హైదరాబాద్‌): ఖైరతాబాద్‌ మహాగణపతి ఈ సంవత్సరం భక్తులకు శ్రీ పంచముఖ రుద్ర మహాగణపతిగా దర్శనమివ్వనున్నాడు. గత సంవత్సరం కరోనా కారణంగా మహాగణపతిని 11 అడుగులకే పరిమితం చేసిన ఉత్సవ కమిటీ ఈసారి 36–40 అడుగుల ఎత్తుతో తయారుచేసేందుకు కార్యాచరణ సిద్ధం చేసింది. ప్రజలను కరోనా వైరస్, ప్రకృతి వైపరీత్యాల నుంచి కాపాడాలనే ఉద్దేశంతో శివుడి రుద్రావతారమైన పంచముఖాలతో నిలబడి ఉండే ఆకారంలో రూపొందిస్తున్న విగ్రహానికి ‘శ్రీ పంచముఖ రుద్ర మహాగణపతి’గా నామకరణం చేసినట్లు దివ్యజ్ఞాన సిద్ధాంతి విఠల శర్మ తెలిపారు. ఈ మేరకు శనివారం శిల్పి చిన్నస్వామి రాజేంద్రన్‌ ఆధ్వర్యంలో డిజైన్‌ రూపొందించి నమూనాను ఖైరతాబాద్‌ మహాగణపతి మంటపం వద్ద విడుదల చేశారు. మహాగణపతికి కుడివైపున కృష్ణకాళి అమ్మవారు, ఎడమవైపున కాల నాగేశ్వరి విగ్రహాలు 15 అడుగుల ఎత్తుతో ఉంటాయి. అలాగే మహాగణపతి విగ్రహం కుడివైపు సింహం, నందీశ్వరుడు, ఎడమవైపు గుర్రం, గరుత్మంతుడు ఉంటారు. సమయం తక్కువగా ఉండటం వల్ల వెంటనే వెల్డింగ్‌ పనులు ప్రారంభించి ఆ తరువాత డిజైనింగ్‌ పనులు మొదలుపెడతామని రాజేంద్రన్‌ చెప్పారు. వినాయక చవితికి రెండు మూడు రోజుల ముందే రంగులతో మహాగణపతిని సిద్ధం చేస్తామన్నారు. కార్యక్రమంలో ఉత్సవ కమిటీ అధ్యక్షుడు సింగరి సుదర్శన్, దైవజ్ఞ శర్మతోపాటు కమిటీ సభ్యులు పాల్గొన్నారు.   

ఖైరతాబాద్‌: ఈ యేడు ఖైరతాబాద్‌ మహా గణపతి.. 11 అడుగుల్లోపే ఎత్తుతో మట్టి ప్రతిమగా సాక్షాత్కరించనున్నాడు. కరోనా వైరస్‌ కారణంగా ఈసారి 11 అడుగుల్లోపు ఎత్తులోనే రూపొందించాలని మంగళవారం నిర్వాహకులు నిర్ణయించారు. వాస్తవానికి ఈ యేడు 66 అడుగుల ఎత్తు, 18 తలలతో విశ్వరూప మహాగణపతిని నిర్మించేందుకు ఈ నెల 18 తొలి ఏకాదశి రోజున కర్రపూజ నిర్వహిం చాలని భావించారు. అయితే అధికారులు, నిర్వాహకులు ప్రస్తుత కరోనా పరిస్థితి, భౌతిక దూరం తదితర అంశాలను పరిగణనలోకి తీసుకుని 11 అడుగులలోపు మట్టి గణపతిని రూపొందించాలన్న నిర్ణయానికి వచ్చారు.

సాక్షి, హైదరాబాద్‌ : తెలుగు రాష్ట్రాల్లో అత్యంత ప్రసిద్ధి చెందిన ఖైరతాబాద్‌ వినాయకునికి తొలి పూజలు నిర్వహించారు. సప్త ముఖ కాళ సర్ప రూపంలో ఈ ఏడాది మహా గణపతి భక్తులకు దర్శనమిచ్చారు. నయన మనోహరంగా శిల్పి రాజేంద్రన్‌ దీన్ని రూపొందించారు. స్వామి వారికి జరిగిన తొలి పూజ కార్యక్రమంలో పరిపూర్ణనంద స్వామి, ఆపద్ధర్మ మంత్రి నాయిని నరసింహా రెడ్డి పాల్గొన్నారు. స్వామి వారికి 50 కిలోల లడ్డును శిల్పి రాజేంద్రన్‌ సమర్పించారు. ఈ సారి 57 అడుగుల ఎత్తు, 24 అడుగుల వెడల్పులో స్వామి వారు ఖైరతాబాద్‌లో కొలువుదీరారు.  ఏడు తలలు, 14 చేతులు, తలలపై 7 సర్పాలతో స్వామి వారు కనువిందు చేస్తున్నారు. మహాగణపతికి కుడివైపు శ్రీనివాస కల్యాణ ఘట్టం, ఎడమవైపు శివపార్వతుల విగ్రహాలు ఏర్పాటు చేశారు. స్వామి వారిని దర్శించుకునేందుకు భక్తులు ఉదయం నుంచే పోటెత్తుతున్నారు. ఈ ఏడాది ఎక్కువ సంఖ్యలో భక్తులు వస్తారని ఉత్సవ కమిటీ అంచనా వేస్తోంది. ఈ నేపథ్యంలో భక్తుల కోసం అన్ని ఏర్పాట్లు చేశామని ఉత్సవ కమిటీ చెప్పింది.   


 హైదరాబాద్: గవర్నర్‌గా ఐదో సంవత్సరం ఖైరతాబాద్‌ వినాయకుడిని దర్శించుకోవడం ఆనందంగా ఉందని ఈఎస్ఎల్ నరసింహన్ అన్నారు. వినాయక చవితి పర్వదినం సందర్భంగా శుక్రవారం ఉదయం సతీసమేతంగా ఖైరతాబాద్ మహాగణనాథుడిని దర్శించుకున్నారు. 60 అడుగుల శ్రీ కైలాస విశ్వరూపమహాగణపతికి ప్రథమపూజ చేశారు.
 
 వినాయక చవితి రోజు ఖైరతాబాద్ గణేషుడిని దర్శించుకుంటే సర్వవిజ్ఞాలు తొలగిపోతాయని ఈ సందర్భంగా గవర్నర్ అన్నారు. ఆంధ్రప్రదేశ్‌, తెలంగాణ ప్రజలకు ఆయన వినాయక చవితి శుభాకాంక్షలు తెలిపారు. మరోవైపు భారీ గణనాథుడిని దర్శించుకునేందు భక్తులు పెద్ద సంఖ్యలో తరలివస్తున్నారు.


 హైదరాబాద్: ఖైరతాబాద్ మహాగణపతి విగ్రహం ఎత్తు వచ్చే ఏడాది నుంచి తగ్గనుంది. ఒక్కో అడుగు పెరుగుతూ భిన్నమైన ఆకృతిలో కరువిందు చేసిన ఖైరతాబాద్ గణనాథుడి విగ్రహం ఎత్తు ఈ ఏడాదికి 60 అడుగులకు చేరింది.
 
 ఇంత ఎత్తైన రూపం ఇదే  చివరిసారికానుంది. వచ్చే ఏడాది నుంచి గణపయ్య చిత్తరువు ఎత్తు తగ్గనుంది. ఒక్కో అడుగు తగ్గుతూ అవరోహణ క్రమంలో లంబోదరుడి విగ్రహం రూపుదిద్దుకోనుంది.
 
 కాగా, ఈ ఏడాది ఖైరతాబాద్ మహాగణపతికి శ్రీ కైలాస విశ్వరూపమహాగణపతిగా నామకరణం చేశారు.1954లో ఖైరతాబాద్‌లో గణపతిని తొలిసారి ఏర్పాటు చేశారు. ఈ ఏడాదికి 60 ఏళ్ళు పూర్తయ్యాయి. అత్యంత ఎత్తులో అవతరించిన మహా గణపయ్యను దర్శించుకునేందుకు భక్తులు బారులు అమితాసక్తి కనబరుస్తున్నారు.
 
 ‘విశ్వరూపుడి’ ఈ ఏడాది విశేషాలు..
 * మహాగణపతి బరువు 40 టన్నులు
  * ప్లాస్టర్ ఆఫ్ పారిస్ 40 టన్నులు
  * గోనె సంచులు 10 వేల మీటర్లు
  * బంకమట్టి ఒకటిన్నర టన్నులు
  * నార రెండున్నర టన్నులు
  * చాక్ పౌడర్ 100 బ్యాగులు
  * సిబ్బంది 150 మంది