విశాఖపట్నం: విశాఖ ఎయిర్‌పోర్ట్‌ సమీపంలో సోమవారం ఉదయం జరిగిన రోడ్డుప్రమాదంలో ఒకరు మృతిచెందగా, నలుగురికి స్వల్పగాయాలయ్యాయి. కాకానినగర్ వద్ద ఓ కారు అదుపు తప్పి వాకర్స్ పైకి దూసుకెళ్లడంతో ఈ ఘటన చోటుచేసుకున్నట్టు తెలుస్తోంది. సమాచారం అందుకున్న పోలీసులు ఘటనా స్థలికి చేరుకొని పరిశీలించారు.
 
 ఈ ప్రమాదానికి పొగమంచు కారణంగా పోలీసులు భావిస్తున్నారు. దట్టంగా ఆవరించిన పొగమంచులో వాకింగ్ చేయడం శ్రేయస్కరం కాదని ట్రాఫిక్ సీఐ మళ్లా శేషు సూచించారు. ఈ ఘటనలో గాయపడ్డ  నలుగురిని చికిత్స మేరకు  ప్రభుత్వ ఆస్పత్రికి తరలించినట్టు సమాచారం.