Kailash Mansarovar yatra

సాక్షి, న్యూఢిల్లీ: ప్రకృతి విలయానికి అతలాకుతలమైన నేపాల్‌లో చిక్కుకున్న మొత్తం 68 మంది ఏపీ వాసుల్లో ఇప్పటివరకు 28 మంది సురక్షితంగా స్వస్థలాలకు చేరారు. ఇంకా 13 మంది జాడ తెలీకపోవడంతో.. వారి ఆచూకీ కోసం అక్కడి అధికారులు ముమ్మర ప్రయత్నాలు చేస్తున్నారు. వీరంతా మానస సరోవర్‌ యాత్ర, ట్రెక్కింగ్‌ కోసం వెళ్లిన వారే కావడం గమనార్హం. ఇందులో కొందరు విదేశాల్లో స్థిరపడ్డారు. దీంతో మిగిలిన వారి వివరాలను అధికారులు సేకరిస్తున్నారు.‘సైన్‌ ఇన్‌ ట్రావెల్స్‌’ ఆధ్వర్యంలో మానస సరోవర్‌ యాత్రకు వెళ్లిన సుమారు 28 మంది అక్కడ వరదల్లో చిక్కుకున్నారు. భారీగా వరదలు వ్యాపించడంతో వీరి కళ్ళెదుటే ఎంతోమంది మృత్యువాతపడ్డారు. అయితే, వీరందరూ శుక్రవారం రాత్రి, శనివారం మధ్యాహ్నానికి పలు గ్రూపులుగా హైదరాబాద్, విజయవాడ చేరుకున్నారు. కళ్లేదుటే ఘోరం జరిగినా ఎవరినీ రక్షించలేని, ఎవరికీ సహాయపడలేని స్థితిలో ఉన్నామంటూ వారు ఆవేదన వ్యక్తంచేశారు. ఇక ఆచూకీ లభించని 13 మంది అన్నమదేవర వెంకట్రామ్, అన్నమదేవర అనఘ, చొప్పరపు రమేశ్‌బాబు, సంతోష్‌ సాహు, స్పందన్‌ సాహు, పాధ్య సురభి మన్మథ, సైనా కుమారి సాహు, వీఎల్‌ బాలసుబ్రహ్మణ్యం, అట్లూరి శశికుమార్, నిమ్మగడ్డ రాజ్య లక్షి్మ, కె. గోవింద్, సుహాసిని రెడ్డి కందిమల్ల, రంగనాథ్‌లుగా గుర్తించారు. భాస్కర్‌ శాస్త్రి కుటుంబం క్షేమం.. మరోవైపు.. అక్కడ చిక్కుకున్న వారిలో కర్నూలు జిల్లా ఆదోనికి చెందిన భాస్కర్‌శాస్త్రి, మణి శారద, రఘునాథ శాస్త్రి, హన్షిక కూడా సురక్షితంగా ఉన్నట్లు సమాచారం. అయితే, రఘునాథ శాస్త్రికి తీవ్రమైన పల్మనరీ ఎడిమా (ఊపిరితిత్తుల్లో ద్రవం చేరడం) ఏర్పడడంతో ఆ కుటుంబం శుక్రవారం సాగా చేరుకుని హోటల్‌లో బసచేసింది. అక్కడ ఆక్సిజన్‌ సదుపాయం ఏర్పాటుచేశారు. శనివారం వారు న్యాలమ్‌ కౌంటీకి చేరుకున్నారు. సరిహద్దు, వాతావరణం, రహదారి పరిస్థితులను బట్టి కోడారి మీదుగా కాఠ్మాండు చేరేందుకు వారు ప్రయతి్నస్తున్నారు. వీరి కుటుంబం ఆది లేదా సోమవారం కాఠ్మాండు చేరుకునే అవకాశముంది. సెప్టెంబర్‌ 1న కాఠ్మాండు–ముంబై–హైదరాబాద్‌ విమాన ప్రయా ణం ఖరారైనట్లు అధికారులు తెలిపారు.

నేపాల్‌–టిబెట్‌ సరిహద్దులో సంభవించిన భారీ ఆకస్మిక వరదలు తీవ్ర విషాదాన్ని మిగిల్చాయి. మృతుల సంఖ్య పెరుగుతుండగా.. అక్కడికి వెళ్లిన భారతీయ యాత్రికుల ఆచూకీ తెలియక కుటుంబ సభ్యులు ఆందోళన చెందుతున్నారు. ముఖ్యంగా కైలాస్‌ మానస సరోవర్‌ యాత్రకు వెళ్లిన తమిళ యాత్రికుల పరిస్థితిపై ఆ రాష్ట్రంలో ఆందోళన నెలకొంది.కుంభకోణానికి చెందిన సూపర్‌ ట్రావెల్‌ ఏజెన్సీ ద్వారా మొత్తం 57 మంది తమిళ యాత్రికులు మానస సరోవర్‌ యాత్రకు వెళ్లినట్లు ఇప్పటికే అక్కడి అధికారులు ప్రకటించారు. వీరిలో 20 మంది సురక్షితంగా ఉన్నట్లు సమాచారం అందగా.. మరో 37 మంది ఆచూకీ ఇంకా తెలియాల్సి ఉంది. అయితే టీవీకే సర్కార్‌ ఈ మధ్యాహ్నాం దాకా ఎలాంటి హెల్ప్‌లైన్‌ ఏర్పాటు చేయకపోవడంపై ప్రతిపక్షాలు విమర్శలు గుప్పించాయి.ఏం చర్యలు తీసుకున్నారు?ఈ వ్యవహారంపై తమిళనాడు టీవీకే ప్రభుత్వాన్ని ప్రతిపక్షాలు నిలదీశాయి. అసెంబ్లీలో ప్రతిపక్ష నేత ఉదయనిధి స్టాలిన్‌ మాట్లాడుతూ.. నేపాల్‌లో చిక్కుకున్న తమిళ యాత్రికుల కోసం ప్రభుత్వం తీసుకున్న చర్యలపై ప్రశ్నించారు. “ఎంతమంది యాత్రికులు గల్లంతయ్యారు? ప్రభుత్వ హెల్ప్‌లైన్‌కు ఎన్ని కాల్స్‌ వచ్చాయి? ఇప్పటివరకు ఎలాంటి చర్యలు చేపట్టారు?” అని ప్రభుత్వాన్ని నిలదీశారు.అన్నాడీఎంకే నేత ఎడప్పాడి కె. పళనిస్వామి కూడా ఆ 57 మంది తమిళ యాత్రికులను సురక్షితంగా తీసుకురావాలని డిమాండ్‌ చేశారు. మరోవైపు టీవీకే మిత్రపక్షం కాంగ్రెస్‌ పార్టీ.. నేపాల్‌లో చిక్కుకున్న యాత్రికుల రక్షణ కోసం ప్రత్యేక హెలికాప్టర్‌ పంపాలని కోరింది.LoP Udhayanidhi Stalin in Tamil Nadu Assembly on Nepal floods: "Many Tamils who went missing in Nepal are still unreachable. How many calls were received on the Government helpline? What action has been taken? - Udhayanidhi questions.""All 57 Tamils must be rescued and brought… https://t.co/wENvCSTZUl— ANI (@ANI) August 27, 202657 కాదు.. 106 మందితమిళనాడు మంత్రి రాజ్‌మోహన్‌ అసెంబ్లీలో మాట్లాడుతూ.. పరిస్థితిని నిశితంగా గమనిస్తున్నామని, అక్కడి అధికార యంత్రాగంతో ఎప్పటికప్పుడు సమన్వయం జరుపుతున్నామని తెలిపారు. కుంభకోణం ట్రావెల్‌ ఏజెన్సీ ద్వారా 57 మంది వెళ్లగా.. చెన్నైకి చెందిన మరో ట్రావెల్‌ ఏజెన్సీ ద్వారా మరో 49 మంది యాత్రికులు మానస సరోవర్‌ యాత్రకు వెళ్లినట్లు సమాచారం ఉందన్నారు. వారి వివరాలను కూడా సేకరిస్తున్నట్లు తెలిపారు.చివరి ఫోన్‌ కాల్‌.. నో రెస్పాన్స్‌తమ కుటుంబ సభ్యుల నుంచి చివరిసారిగా వచ్చిన ఫోన్‌ కాల్‌ తర్వాత యాత్రికుల బంధువుల్లో ఆందోళన మరింత పెరిగింది. విష్ణు రామస్వామి అనే వ్యక్తి మాట్లాడుతూ.. తన తల్లి, ఇద్దరు సోదరీమణులు యాత్రలో ఉన్నారని తెలిపారు. “ఆగస్టు 23న వారు బయలుదేరారు. ఢిల్లీ, ఖాట్మండు చేరుకున్న తర్వాత ప్రతిరోజూ ఉదయం, సాయంత్రం ఫోన్‌ చేసేవారు. ఆగస్టు 26 ఉదయం 6.15 గంటలకు చివరిసారి మాట్లాడారు. తాము క్షేమంగానే ఉన్నామని చెప్పారు. ఆ తర్వాత ఫోన్‌ సంబంధాలు తెగిపోయాయి” అని ఆందోళన వ్యక్తం చేశారు.విజయ్‌ అత్యవసర సమావేశంఅసెంబ్లీలో నేపాల్‌ వరదల మిస్సింగ్‌పై ఆందోళనలు వ్యక్తం అయ్యాక.. ముఖ్యమంత్రి విజయ్‌ ఎమర్జెన్సీ రివ్యూ మీటింగ్‌ నిర్వహించారు. ఉన్నతాధికారులతో మాట్లాడిన ఆయన.. అవసరమైన చర్యలు చేపట్టాలని సూచించారు.Nepal tragedy - Cm instructions Chief Minster of Tamil Nadu conducted a review meeting to oversee the relief measures post the Nepal tragedy CM has instructed Thiru Ashish Kumar, IAS, Resident Commissioner,TN House, New Delhi along with a team to proceed to Kathmandu to… pic.twitter.com/EqYLS4YzyF— Vignesh Theni (@Vignesh_twitz) August 27, 2026ఆచూకీ కోసం ప్రయత్నాలునేపాల్‌–టిబెట్‌ సరిహద్దు ప్రాంతంలో సహాయక చర్యలు కొనసాగుతున్నాయి. గల్లంతైన భారతీయుల వివరాలను సేకరించేందుకు కేంద్ర, రాష్ట్ర ప్రభుత్వాలు నేపాల్‌ అధికారులతో సమన్వయం చేస్తున్నాయి. చాలామంది యాత్రికుల బృందాలు వరదల కంటే ముందే ఆ ప్రాంతాన్ని దాటినట్లు సమాచారం అందుతోంది. దీంతో యాత్రికుల సురక్షిత తరలింపుపై కుటుంబాలు ఆశగా ఎదురుచూస్తున్నాయి.ఇదీ చదవండి: విపత్తుల నేపాల్‌.. ఆ ట్రాక్‌ రికార్డు అంత ఘోరం మరి!

న్యూఢిల్లీ: ఉత్తరాఖండ్‌లోని లిపులెఖ్‌ కనుమ మీదుగా చేపట్టే కైలాశ్‌ మానస సరోవర్‌ యాత్రపై నేపాల్‌ అభ్యంతరం చెప్పడాన్ని భారత్‌ ఖండించింది. ఏకపక్షంగా, కృత్రిమంగా విస్తరించుకుని భూభాగాలపై హక్కులను ప్రకటించడం ఏమాత్రం సమర్థనీయం కాదని స్పష్టం చేసింది. జూన్‌ నుంచి ఆగస్ట్‌ వరకు మానస సరోవర్‌ యాత్ర జరుగుతుందని గత వారం విదేశాంగ శాఖ ప్రకటించింది. అయితే, తమను ఏమాత్రం సంప్రదించకుండా భారత్, చైనాలు లిపులేఖ్‌ మీదుగా మానస్‌ సరోవర్‌ యాత్రకు ఏర్పాట్లు చేస్తుండటాన్ని ఖండిస్తూ నేపాల్‌ విదేశాంగ శాఖ ఆదివారం ఒక ప్రకటన విడుదల చేసింది. లిపులెఖ్‌ తమ భూభాగమని పేర్కొంది. దీనిపై కొద్ది గంటల్లోనే భారత్‌ స్పందించింది. ‘ఈ విషయంలో భారత్‌ వైఖరి స్థిరంగా, స్పష్టంగా ఉంది. లిపులెఖ్‌ కనుమ 1954 నుంచి కైలాస మానస సరోవర యాత్రకు పురాతన మార్గంగా ఉంటోంది. దశాబ్దాలుగా అదే మార్గంలో యాత్ర కొనసాగుతోంది’అని విదేశాంగ ప్రతినిధి రణధీర్‌ జైస్వాల్‌ తెలిపారు. నేపాల్‌ చేస్తున్న వాదనలు ఏమాత్రం సమర్థనీయం కాదని చెప్పా రు. వాటికి చారిత్రక ఆధారాలు లేవన్న విషయాన్ని భారత్‌ మొదట్నుంచీ చెబుతూనే ఉందన్నారు.

న్యూఢిల్లీ: భారత్‌–చైనా సంబంధాల మెరుగుదల దిశగా మరిన్ని కీలక అడుగులు పడ్డాయి. ఈ వేసవి నుంచి కైలాస మానస సరోవర యాత్ర పునఃప్రారంభం కానుంది. ఇరుదేశాల మధ్య నేరుగా విమాన సర్వీసులను కూడా పునరుద్ధరించనున్నారు. రెండు రోజుల పర్యటన నిమిత్తం బీజింగ్‌ వెళ్లిన విదేశాంగ శాఖ కార్యదర్శి విక్రం మిస్రీ సోమవారం చైనా విదేశాంగ శాఖ ఉప మంత్రి సన్‌ వెయ్‌డాంగ్‌తో సమావేశమయ్యారు. ఈ సందర్భంగా పలు కీలక నిర్ణయాలు జరిగాయి. ఒప్పందాలు కుదిరాయి. అంతర్జాతీయ నదుల విషయమై పరస్పరం మరింతగా సహకరించుకునేందుకు, జల వనరులకు సంబంధిత డేటాను పూర్తిస్థాయిలో ఇచ్చిపుచ్చుకునేందుకు ఇరు దేశాలూ అంగీకరించాయి. భారత్‌–చైనా నిపుణుల స్థాయి బృందం దీనిపై వీలైనంత త్వరగా చర్చలు జరపనుంది. చైనా విదేశాంగ మంత్రి వాంగ్‌ యీ, చైనా కమ్యూనిస్టు పార్టీ అంతర్జాతీయ శాఖ మంత్రి లియూ జియాంచవోలతోనూ మిస్రీ సమావేశ మయ్యారు. పలు కీలకాంశాలపై వారితో సుదీర్ఘంగా చర్చలు జరిపారు. ఈ సందర్భంగా తీసుకున్న పలు నిర్ణయాలను విదేశాంగ శాఖ వెల్లడించింది. ‘‘ద్వైపాక్షిక సంబంధాల మెరుగుదలకు ఉన్నతస్థాయిలో చర్చలు జరపాలని గత అక్టోబర్‌లో కజాన్‌లో చైనా అధ్యక్షుడు షీ జిన్‌పింగ్‌తో ప్రధాని నరేంద్ర మోదీ భేటీలో నిర్ణయించడం తెలిసిందే. తాజా చర్చలు అందులో భాగమే’’ అని వివరించింది. ‘‘ఇరుదేశాల దౌత్య బంధానికి 75 ఏళ్లు పూర్తవుతున్నాయి. ఈ సందర్భంగా విశ్వాస కల్పనకు మరిన్ని చర్యలు తీసుకోవాలని నిర్ణయం జరిగింది. ఆర్థిక, వర్తక రంగాల్లో ఇరుదేశాల్లో నెలకొన్న పరస్పర ఆందోళనలు, సందేహాలు కూడా సన్‌–మిస్రీ చర్చల్లో ప్రస్తావనకు వచ్చాయి. దీర్ఘకాలిక ప్రాతిపదికన విధాన పారదర్శకత, విశ్వసనీయతే గీటురాళ్లుగా ముందుకు సాగాలని అంగీకారం కుదిరింది’’ అని వెల్లడించింది. మానస సరోవర యాత్ర, చైనాకు నేరుగా విమాన సర్వీసులు 2020లో రద్దయ్యాయి.

న్యూఢిల్లీ: కైలాస మానససరోవర్‌ యాత్రలో ఉన్న కాంగ్రెస్‌ పార్టీ అధ్యక్షుడు రాహుల్‌ గాంధీ బుధవారం మానససరోవర్‌ సరస్సు ఫొటోలను ట్విట్టర్‌లో పంచుకున్నారు. ‘మానససరోవర్‌ సరస్సులోని నీళ్లు ఎంతో స్వచ్ఛమైనవి, ప్రశాంతమైనవి. ఈ నీటిని ఎవరైనా తాగవచ్చు. ఇక్కడ ఎలాంటి ద్వేషభావమూ లేదు. అందుకే ఈ నీటిని భారత్‌లో మేం పూజిస్తాం‘ అని రాహుల్‌ ట్వీట్‌ చేశారు. మానససరోవర్‌ సరస్సుతో పాటు అక్కడి పరిసరాలకు సంబంధించి రెండు ఫొటోలను రాహుల్‌ తన ట్వీట్‌కు జతచేశారు. ఈ ఏడాది ఏప్రిల్‌ 26న కర్ణాటక అసెంబ్లీ ఎన్నికల్లో ప్రచారం కోసం ఢిల్లీ నుంచి హుబ్లీకి బయలుదేరిన రాహుల్‌ విమానానికి పెనుప్రమాదం తప్పిన సంగతి తెలిసిందే. ఈ విమానం గాల్లో ఉండగానే ఒక్కసారిగా ఎడమవైపుకు ఒరిగిపోయి వందల అడుగులు కిందకు వచ్చేసినా, పైలెట్లు చాకచక్యంగా దాన్ని నియంత్రణలోకి తెచ్చుకోగలిగారు. ఈ నేపథ్యంలో కైలాస మానససరోవర్‌ యాత్రకు వెళ్లాలని తన మనసులో బలంగా అన్పించిందని రాహుల్‌ అప్పట్లో చెప్పారు.


 న్యూఢిల్లీ: భారీ వరదలు ఉత్తర భారతాన్ని వణికిస్తున్నాయి. భారీ వర్షాలకు తోడు నదులు ఉప్పొంగి ప్రవహిస్తుండటంతో పలు రాష్ట్రాల్లోని ప్రజలు బిక్కుబిక్కుమంటూ గడుపుతున్నారు. వరద ఉధృతి పెరుగుతుండటం క్షణక్షణం ఉత్కంఠ రేపుతోంది. దీంతో అధికారులు ముందుజాగ్రత్త చర్యలు చేపట్టారు.
 
 బిహార్‌లో భారీ వరదలు ముంచెత్తుతున్నాయి. సితామర్హి జిల్లాలో బాగ్‌మతి నది ఉప్పొంగి ప్రవహిస్తోంది. దీంతో అసాధారణ వరద పరిస్థితులు నెలకొన్నాయని అధికారులు హై అలర్ట్‌ ప్రకటించారు. ఇక గోపాల్‌గంజ్‌ జిల్లాలోనూ గందక్‌ నది ఉధృతంగా ప్రవహిస్తూ ఆందోళనకు గురిచేస్తోంది. బిహార్‌లో మొత్తం 12 జిల్లాలు వరదల వల్ల ప్రభావితం అయ్యాయని, ఇప్పటికే 10 ఎన్డీఆర్‌ఎఫ్‌ బృందాలు రంగంలోకి దిగగా, మరో బృందాలు సోమవారం రాష్ట్రానికి రానున్నాయని అధికారులు తెలిపారు.
 
 ఉత్తరప్రదేశ్‌లోని బల్‌రాంపూర్‌లో రాప్తి నది, బుదౌన్‌లో గంగా నది ఉధృతంగా ప్రవహిస్తున్నాయి. దీంతో వరద ముప్పు పొంచి ఉందని జాతీయ విపత్తు నిర్వహణ సంస్థ (ఎన్డీఎంఏ) ప్రకటించింది. హిమాలయ రాష్ట్రమైన అసోంలోనూ బ్రహ్మపుత్ర, ఇతర నదులు ఉప్పొంగి ప్రవహిస్తుండటంతో భారీ వరదలు సంభవించాయి.
 
 
 నిలిచిపోయిన మానస సరోవరం యాత్ర
 కాళీ నది ప్రమాదకరస్థాయిలో ప్రవహిస్తుండటంతో ఉత్తరాఖండ్‌లో కైలాస్‌ మానవ సరోవరం యాత్ర నిలిచిపోయింది. కాళీ నది వరదల ఉధృతికి మంగ్తిలో రెండు వంతెనలు, సింఖోలాలో ఒక వంతెన దెబ్బతిన్నాయి. ఐలాగాడ్‌లో రోడ్డుపై రాకపోకలు నిలిచిపోయాయి. దీంతో మానస సరోవర్‌ యాత్రకు వెళ్లిన పలువురు యాత్రికులు తప్పిపోయారు. ఇందులో నలుగురి మృతదేహాలను మానస సరోవరం యాత్రమార్గమైన మల్పా వద్ద స్వాధీనం చేసుకున్నారు. ఇక్కడ నాలుగు దుకాణాలు వరదల కారణంగా దెబ్బతిన్నాయి. అధికారులు సహాయక చర్యలు చేపడుతున్నారు.


  జెండా ఊపి ప్రారంభించిన సుష్మ
  న్యూఢిల్లీ: కొత్త మార్గంలో మొదటి బ్యాచ్ కైలాస్ మానససరోవర్ యాత్రను విదేశీ వ్యవహారాల శాఖ మంత్రి సుష్మాస్వరాజ్ మంగళవారం జెండా ఊపి ప్రారంభించారు. గత సెప్టెంబర్‌లో భారత్ పర్యటన సందర్భంగా చైనా అధ్యక్షుడు జిన్‌పింగ్ ఈ కొత్త మార్గాన్ని(వయా నాథులా పాస్) ప్రకటించారు. టిబెట్‌లోని మానససరోవర్‌ను బస్సులో చేరుకునేందుకు ఈ కొత్త రోడ్డు మార్గం వీలు కల్పిస్తుంది. దీంతో భారతీయ యాత్రికులు ముఖ్యంగా వయో వృద్ధులు మరింత సౌకర్యవంతంగా ప్రయాణించేందుకు అవకాశం ఏర్పడింది.
  
   ప్రస్తుతం యాత్రికులు ఉత్తరాఖండ్‌లోని లిపులేఖ్ పాస్ మార్గంలో మానససరోవర్‌కు వెళుతున్నారు. వృద్ధులకు సైతం ఈ యాత్రను అందుబాటులోకి తీసుకువస్తానని గత ఏడాది తాను ఇచ్చిన హామీ నెరవేరినందుకు, యాత్రకు వెళుతున్నవారి ముఖాలు సంతోషంతో వెలిగిపోతున్నందుకు తనకెంతో ఆనందంగా ఉందని సుష్మ అన్నారు. కొత్త మార్గం ప్రారంభించనట్టైతే వీరు ఈ యాత్రను చేపట్టగలిగేవారు కాదన్నారు. సిక్కింలోని నాథులా పాస్ సముద్ర మట్టానికి 4 వేల మీటర్ల ఎత్తులో ఉంటుంది. ఐపీఎస్ మాజీ కమిషనర్ లలిత్ మోదీకి సంబంధించిన వివాదంలో చిక్కుకున్న తర్వాత సుష్మ ఓ బహిరంగ కార్యక్రమంలో పాల్గొనడం ఇదే మొదటిసారి. వయా లిపులేఖ్ పాస్ మార్గంలో మానససరోవర్ యాత్రను ఆమె ఈ నెల 11న ప్రారంభించారు.
  


  డెహ్రాడూన్: ప్రతి ఏటా నిర్వహించే ప్రతిష్టాత్మక 'కైలాస్ మానససరోవరం యాత్ర' జూన్ 8న ప్రారంభంకానుంది. ఢిల్లీలో ప్రయాణికులకు వైద్య పరీక్షలు చేసిన అనంతరం యాత్రకు అనుమతిస్తామని అధికారులు తెలిపారు. ధ్రువీకరణ పొందిన ప్రయాణికులను గ్రూపులుగా పంపుతారు. ఢిల్లీలోని భారత్-టిబెట్ సరిహద్దు పోలీస్ (ఐటీబీపీ) బేస్ ఆస్పత్రిలో పరీక్షించిన అనంతరం ప్రయాణికులను జూన్ 12న ఉత్తరాఖండ్కు పంపిస్తారు. ఢిల్లీలో ఉన్న సమయంలోనే ప్రయాణికులు ఫీజు, ఇతర ఖర్చులను చెల్లించాలని అధికారులు తెలిపారు. 60 మంది సభ్యులతో కూడిన 18 గ్రూపులకు విదేశీ వ్యవహరాల శాఖ అనుమతిచ్చింది. ఉత్తరాఖండ్లో కూడా ప్రయాణికులకు మరోసారి వైద్య పరీక్షలు చేస్తారు. యాత్ర ఏర్పాట్లను ఐటీబీపీ ఏడో బెటాలియన్ పర్యవేక్షిస్తుంది. వారి వెంట వైద్య బృందం కూడా ఉంటుంది. సెప్టెంబర్ 9న సరోవరం యాత్ర పూర్తవుతుంది. ఈ పర్వతాలు సముద్ర మట్టానికి చాలా ఎత్తులో ఉండటం వల్ల పూర్తిగా ఆరోగ్యం ఉన్నవారిని మాత్రమే అనుమతిస్తారు.