టొరంటో: కెనడా సెంట్రల్‌ బ్యాంక్‌ గవర్నర్‌గా గతంలో సేవలందించిన బ్యాంకింగ్‌ రంగ ప్రముఖుడు మార్క్‌ కార్నీను కెనడా ప్రధానమంత్రి పీఠం వరించింది. ప్రస్తుత ప్రధానమంత్రి జస్టిన్‌ ట్రూడో రాజీనామా చేస్తానని జనవరిలో ప్రకటించిన నేపథ్యంలో పాలక లిబిరల్‌ పార్టీ నూతన సారథి కోసం ఎన్నికలు నిర్వహించగా కార్నీ ఘన విజయం సాధించారు. దాంతో తదుపరి ప్రధానమంత్రిగా 59 ఏళ్ల కార్నీ త్వరలో బాధ్యతల స్వీకరించనున్నారు. ట్రంప్‌ సారథ్యంలోని అమెరికాతో కెనడా వాణిజ్యయుద్ధానికి దిగిన వేళ కెనడా ప్రధాని పగ్గాలు కార్నీ చేపడుతుండటం గమనార్హం. ఆదివారం లిబరల్‌ పార్టీ సారథ్యం కోసం జరిగిన ఓటింగ్‌లో కార్నీ 1,31,674 ఓట్లు సాధించారు. మొత్తం ఓట్లలో ఏకంగా 85.9 శాతం ఓట్లు కార్నీ కొల్లగొట్టడం విశేషం. గతంలో మహిళా ఉపప్రధానిగా సేవలందించిన క్రిస్టినా ఫ్రీలాండ్‌ రెండోస్థానంలో సరిపెట్టుకున్నారు. ఈమెకు కేవలం 11,134 ఓట్లు పడ్డాయి. అంటే మొత్తం ఓట్లలో కేవలం 8 శాతం ఓట్లు ఈమెకు దక్కాయి. గవర్నమెంట్‌ హౌస్‌ లీడర్‌ కరీనా గౌల్డ్‌(4,785 ఓట్లు) మూడో స్థానంతో, వ్యాపా ర అనుభవం ఉన్న నేత ఫ్రాంక్‌ బేలిస్‌(4,038) నాలుగో స్థానంతో సరిపెట్టు కున్నారు. మొత్తం 1,51,000 మందికిపైగా పార్టీ సభ్యులు ఓటింగ్‌లో పాల్గొన్నారు.పదవీ స్వీకారం ఎప్పుడు ?పార్టీ ఎన్నికల్లో గెలిచినా వెంటనే కార్నీ ప్రధాని పీఠంపై కూర్చోవడం కుదరదు. ట్రూడో ప్రధానిగా రాజీనామా చేసి గవర్నర్‌ జనరల్‌కు సమర్పించాలి. కెనడా ఒకప్పుడు బ్రిటన్‌ వలసరాజ్యం కావడంతో ప్రస్తుత బ్రిటన్‌ రాజు కింగ్‌ ఛార్లెస్‌–3 సమ్మతితో గవర్నర్‌ జనరల్‌.. కార్నీతో నూతన ప్రధానిగా ప్రమాణంచేయిస్తారు. అయితే అక్టోబర్‌ 20వ తేదీలోపు కెనడాలో సాధారణ ఎన్నికలు చేపట్టాల్సిఉంది. అందుకే కార్నీ ప్రధానిగా బాధ్యతలు స్వీకరించగానే ఎన్నికలకు పిలుపిచ్చే వీలుంది.ట్రంప్‌ను నిలువరిద్దాంపార్టీ ఎన్నికల్లో తిరుగులేని విజయం సాధించాక వందలాది మంది మద్దతుదారులనుద్దేశించి కార్నీ ప్రసంగించారు. అమెరికా దిగు మతి టారిఫ్‌ల పెంపు అంశాన్ని ప్రస్తావించారు. ‘‘ ఇకపై ఏమాత్రం నమ్మలేని దేశం(అమెరికా) మనకు గడ్డు పరిస్థితు లను తీసుకొచ్చింది. అయినాసరే మనం ఈ పరిస్థితిని దీటుగా ఎదుర్కోగలం. అమెరికా దిగుమతి టారిఫ్‌లకు దీటుగా మనం కూడా టారిఫ్‌లు విధిస్తాం. మమ్మల్ని అమెరికా గౌరవించేదాకా ఇవి కొనసాగుతాయి. అమెరికన్లు మా సహ జవనరులు, భూములు, నీళ్లు, ఏకంగా మా దేశాన్నే కోరుకుంటున్నారు. ఏ రూపంలోనూ కెనడా ఎప్పటికీ అమెరికాలో భాగం కాబోదు. ట్రంప్‌ గెలవకుండా నిలువరిద్దాం’’ అని వందలాది మంది మద్దతుదారులను ద్దేశించి కార్నీ ప్రసంగించారు.బ్యాంకర్‌ పొలిటీషియన్‌కెనడా, బ్రిటన్‌లోని సెంట్రల్‌ బ్యాంక్‌లకు సారథ్యం వహించి అపార బ్యాంకింగ్‌ అనుభవం గడించిన మార్క్‌ కార్నీ ఇప్పుడు కెనడా ప్రధానిగా కొత్త పాత్ర పోషించనున్నారు. బ్యాంక్‌ ఆఫ్‌ కెనడా గవర్నర్‌ హోదాలో 2008లో ఆర్థిక సంక్షోభం నుంచి కెనడాను గట్టెక్కేలాచేసి శెభాష్‌ అనిపించుకున్నారు. వలసలు, అధికమైన ఆహార, ఇళ్ల ధరలతో ప్రస్తుతం కెనడా సతమవుతున్న వేళ ట్రంప్‌ టారిఫ్‌ యుద్ధానికి తెరలేప డంతో కార్నీ తన బ్యాంకింగ్‌ అనుభవాన్ని పరిపాలనా దక్షతగా మార్చాల్సిన ఆవశ్యకత ఏర్పడింది.హార్వర్డ్‌లో ఉన్నత విద్య: 1965 మార్చి 16వ తేదీన వాయవ్య కెనడాలోని ఫోర్ట్‌స్మిత్‌ పట్టణంలో కార్నీ జన్మించారు. తర్వాత ఆల్బెర్టా రాష్ట్రంలోని ఎడ్మోంటెన్‌లో పెరిగారు. హార్వర్డ్‌ విశ్వవిద్యాలయంలో 1988లో ఉన్నతవిద్య పూర్తిచేశారు. ఈయనకు ఐస్‌ హాకీ అంటే చాలా ఇష్టం. కాలేజీ రోజుల్లో ఐస్‌హాకీ బాగా ఆడేవారు. తర్వాత ఆక్స్‌ఫర్డ్‌ యూనివర్సిటీలో ఆర్థికశాస్త్రంలో పీహెచ్‌డీ సాధించారు. బ్రిటన్‌కు చెందిన ఆర్థికవేత్త డయానా ఫాక్స్‌ను పెళ్లాడారు. వీళ్లకు నలుగురు కుమార్తెలు. కెనడా పౌరసత్వంతోపాటు ఈయనకు ఐరిష్, బ్రిటిష్‌ పౌరసత్వం కూడా ఉంది. బ్యాంక్‌ ఆఫ్‌ ఇంగ్లండ్‌కు గవర్నర్‌గా పనిచేసినకాలంలో తొలిసారిగా బ్రిటన్‌ పాస్‌పోర్ట్‌ సంపాదించారు. గోల్డ్‌మ్యాన్‌ శాక్స్‌లో దశాబ్దానికిపైగా పనిచేశారు. లండన్, టోక్యో, న్యూయార్క్, టొరంటోలో పనిచేశారు. తర్వాత 2003లో బ్యాంక్‌ ఆఫ్‌ కెనడాలో డిప్యూటీ గవర్నర్‌గా పనిచేశారు.3 శతాబ్దాల్లో తొలిసారిగా: 2013 నుంచి ఏడేళ్లపాటు బ్యాంక్‌ ఆఫ్‌ ఇంగ్లండ్‌ గవర్నర్‌గా సేవలందించారు. 1694లో బ్యాంక్‌ ఆఫ్‌ ఇంగ్లండ్‌ను స్థాపించగా గత 300 సంవత్సరాల్లో ఆ బ్యాంక్‌కు గవర్నర్‌గా ఎన్నికైన తొలి బ్రిటీషేతర వ్యక్తిగా 2013లో కార్నీ చరిత్ర సృష్టించారు. బ్రెగ్జిట్‌ వేళ బ్రిటన్‌ ఆర్థికసంక్షోభంలో కూరుకుపోకుండా బ్యాంకర్‌గా కార్నీ సమర్థవంత పాత్ర పోషించారు. 2020లో బ్యాంక్‌ ఆఫ్‌ ఇంగ్లండ్‌ను వీడాక ఐక్యరాజ్యసమితిలో వాతావరణ మార్పులు, ఆర్థిక అంశాలపై ప్రత్యేక దౌత్యవేత్తగా సేవలందించారు. – సాక్షి, నేషనల్‌ డెస్క్‌

టొరంటో: కెనడాపై అమెరికా ప్రభుత్వం టారిఫ్‌లు విధించడాన్ని మూర్ఖత్వంగా ఆ దేశ ప్రధాని జస్టిన్‌ ట్రూడో అభివర్ణించారు. కెనడాపై వాణిజ్య యుద్ధానికి తెరలేపిన అమెరికా అధ్యక్షుడు డొనాల్డ్‌ ట్రంప్‌ రష్యా అధ్యక్షుడు పుతిన్‌ను బుజ్జగిస్తున్నారని వ్యాఖ్యానించారు. ట్రంప్‌ తాజాగా విధించిన 25 శాతం టారిఫ్‌లకు ప్రతీకారంగా అమెరికా వస్తువులపై 100 బిలియన్‌ డాలర్ల మేర టారిఫ్‌లు విధిస్తామని స్పష్టం చేశారు. ‘అమెరికా తన అత్యంత ఆత్మీయ, మిత్ర దేశంపై వాణిజ్య యుద్ధాన్ని మొదలుపెట్టింది. అదే సమ యంలో, రష్యాకు అనుకూలంగా మా ట్లాడుతోంది. ఒక అబద్ధాలకోరు, దుర్మా ర్గపు నియంత అయిన పుతిన్‌ను బుజ్జగించే పనులు చేస్తోంది’అని ట్రూడో నిప్పులు చెరిగారు. ‘అమెరికాకు 51వ రాష్ట్రంగా కెనడాను ఎన్నటి కీ కానివ్వం. డొనాల్డ్‌ అనే అమెరికన్‌కు నేరుగా ఈ విషయం స్పష్టం చేస్తున్నాను’అంటూ నేరుగా ట్రంప్‌నుద్దేశించి వ్యాఖ్యానించారు.

వాషింగ్టన్‌: అమెరికా అధ్యక్షుడు డొనాల్డ్‌ ట్రంప్‌ నిర్ణయాలు ప్రపంచవ్యాప్తంగా చర్చనీయాంశం అయ్యాయి. కెనడా, మెక్సికోపై 25 శాతం, చైనాపై 10 శాతం సుంకాలు విధించడంపై ఆయా దేశాలు మండిపడుతున్నాయి. ట్రంప్‌ తప్పుడు పద్దతుల్లో వెళ్తున్నారని అసంతృప్తి వ్యక్తం చేస్తున్నాయి. ఇదే సమయంలో, అమెరికాపై ప్రతీకార చర్యలు తీసుకునేందుకు కెనడా, మెక్సికో దేశాలు సిద్ధమయ్యాయి. అలాగే, ట్రంప్‌ నిర్ణయాన్ని డబ్ల్యూటీవో సవాల్‌ చేస్తానని చైనా హెచ్చరించింది.డొనాల్డ్‌ ట్రంప్‌.. కెనడా, మెక్సికో, చైనాపై సుంకాలు విధించిన విషయం తెలిసిందే. ఈ నేపథ్యంలో ట్రంప్‌కు ఆ దేశాలు కౌంటరిస్తున్నారు. ఈ క్రమంలో కెనడా కీలక నిర్ణయం తీసుకుంది. తాజాగా ప్రధాని జస్టిన్‌ ట్రూడో మాట్లాడుతూ.. ‘155 బిలియన్ కెనడియన్‌ డాలర్ల అమెరికా దిగుమతులపై 25 శాతం టారిఫ్‌లు విధిస్తున్నాం. వాషింగ్టన్‌ చర్యలకు ఇది కె‘నడా ప్రతిస్పందన. ఇందులో 30 బిలియన్‌ డాలర్ల విలువైన వస్తువులపై విధించే సుంకం మంగళవారం నుంచి అమల్లోకి వస్తుంది. మిగిలినవి 21 రోజుల తర్వాత అమలవుతాయి. అమెరికాను స్వర్ణయుగంలా మార్చాలని అధ్యక్షుడు ట్రంప్‌ అనుకుంటే.. మాతో భాగస్వామ్యాన్ని కోరుకోవాలి. అదే వారికే మంచింది’ అంటూ కామెంట్స్‌ చేశారు.Breaking!🚨PM of Canada Trudeau imposes 25% tariffs on $155 billion worth of American goodsEven China also told it will take retaliatory steps against Tariff thre@t of TrumpOnly our Farzi Vishwaguru Modi surrendered to Trump. Sp!neless 🤡pic.twitter.com/rJbjAAhaX8— Veena Jain (@DrJain21) February 2, 2025 మరోవైపు.. మెక్సికో కూడా ఇలాంటి ఆదేశాలే జారీ చేసింది. తాజాగా మెక్సికో అధ్యక్షురాలు క్లాడియా షేన్‌బామ్‌ మాట్లాడుతూ.. ‘మెక్సికో పొరుగు దేశాలతో సహకారం కోరుకుంటుంది. మేము ఎప్పుడూ ఘర్షణలు కోరుకోము. డ్రగ్స్‌ అక్రమ రవాణా గ్రూపులతో తమ ప్రభుత్వానికి సంబంధాలు ఉన్నాయంటూ అమెరికా చేసిన ఆరోపణలను ఖండిస్తున్నాం. మా ప్రభుత్వం నాలుగు నెలల్లో 20 మిలియన్‌ డోస్‌ ఫెంటనిల్ సహా 40 టన్నులకు పైగా డ్రగ్స్‌ను స్వాధీనం చేసుకున్నాం. పదివేల మందిని అరెస్టు చేశాం. మాదకద్రవ్యాలను అరికట్టాలని అమెరికా ప్రభుత్వం నిర్ణయించుకుంటే.. అందుకు కలిసి పనిచేసేందుకు సిద్ధంగా ఉన్నాం. టారిఫ్‌లు విధిస్తే సమస్యలు పరిష్కారం కావు. మెక్సికన్ల ప్రయోజనాలకు అనుగుణంగా మేము చర్యలు తీసుకుంటాం. ప్లాన్ బీని అమలు చేయాలనుకుంటున్నాం’ అని తెలిపారు.ఇదిలా ఉండగా.. ట్రంప్‌ చర్యలపై చైనా కూడా మండిపడింది. తాజాగా చైనా వాణిజ్య మంత్రిత్వశాఖ స్పందిస్తూ.. చైనా ప్రయోజనాలు, హక్కులను కాపాడుకోవడానికి అవసరమైన చర్యలు తీసుకుంటాం. అమెరికా తప్పుడు పద్ధతులు అనుసరిస్తోంది. ట్రంప్‌ నిర్ణయాన్ని వ్యతిరేకిస్తున్నాం. ప్రపంచ వాణిజ్య సంస్థలో ట్రంప్‌ నిర్ణయాన్ని సవాలు చేస్తాం. చర్యలతో అమెరికా సమస్యలు తీరకపోగా.. సాధారణ ఆర్థిక వ్యవస్థ, వాణిజ్య సహకారాలు దెబ్బతింటాయి. ఇతర దేశాలను సుంకాలతో ప్రతిసారి బెదిరించకుండా.. తన దేశంలో ఫెంటనిల్‌ వంటి సమస్యలను సొంతగా పరిష్కరించుకోవాలి. తప్పుడు పద్ధతులను సరిచేసుకోవాలని అమెరికాను కోరుతున్నాం అంటూ హితవు పలికింది.China's Ministry of Commerce:#China strongly deplores and firmly opposes the #US's additional 10% #tariff on Chinese goods. China will file a case with @wto and take corresponding countermeasures to safeguard its interests. pic.twitter.com/kBxNVjHG8Z— Liu Pengyu 刘鹏宇 (@SpoxCHNinUS) February 2, 2025

ఒట్టావా: భారత సంతతి, కెనడా ఎంపీ చంద్ర ఆర్య నామినేషన్‌ దాఖలు చేశారు. కెనడా ప్రధాని పదవి రేసులో తాను ఉన్నట్లు అధికారికంగా వెల్లడించారు. తన అభ్యర్థిత్వాన్ని కన్నడలో ప్రకటించారు. ఇటీవల,కెనడాలో చోటు చేసుకున్న రాజకీయ పరిణామాలతో జస్టిన్ ట్రూడో ప్రధాని పదవికి రాజీనామా చేశారు.అయితే కొత్త నాయకుడిని ఎన్నుకునే వరకు పదవిలో కొనసాగుతానని హామీ ఇచ్చారు. ఈ తరుణంలో ట్రూడో తరువాత కెనడా ప్రధాని రేసులో ఉన్నట్లు చంద్ర ఆర్య ఎక్స్‌ వేదికగా ప్రకటించారు. తాజాగా కెనడా ప్రధాని పదవి కోసం నామినేషన్‌ దాఖలు చేశారు. మార్చి 9న కెనడా నూతన ప్రధాని ఎవరనేది స్పష్టత వస్తుంది.కెనడా ప్రధాని పదవి కోసం పోటీ చేస్తున్నట్లు చంద్ర ఆర్య ఈ నెల ప్రారంభంలో ఎక్స్‌ వేదికగా ట్వీట్‌ చేశారు. ఆ ట్వీట్‌లో ‘‘భావి తరాల శ్రేయస్సు కోసం ప్రధాని పదవికి పోటీ పడుతున్నాను. నేనెప్పుడూ కెనేడియన్ల శ్రేయస్సు కోసమే కష్టపడ్డా. మన పిల్లల భవిష్యత్‌ కోసం సాహసోపేతమైన నిర్ణయాలు తీసుకోవాలి.లిబరల్‌ పార్టీ నేతగా ఎన్నికైతే ఆ దిశగా నా నైపుణ్యాలను వినియోగిస్తా’’ అని ప్రకటించారు. ఆర్థిక వ్యవస్థను పునరుద్ధరిస్తానని హామీ ఇచ్చారు. ‘‘శ్రామిక, మధ్యతరగతి ప్రజలు ఇబ్బందులు పడుతున్నారు. సుస్థిర సమాజ నిర్మాణం కోసం కఠిన నిర్ణయాలు తీసుకోవాల్సిన సమయమిది. అందుకు నావద్ద అనేక పరిష్కారాలున్నాయి. సాహసోపేత రాజకీయ నిర్ణయాలు ఐచ్ఛికం కాదు, అవసరం. ఆ బాధ్యతను స్వీకరించి ప్రధానిగా కెనడాను నడిపించేందుకు ముందుకొస్తున్నా’’ అని చెప్పారు.I am running for the position of Prime Minister of Canada.Our nation faces structural challenges that require tough solutions.We must make bold political decisions to secure prosperity for our children and grandchildren.I have outlined everything in the statement provided… pic.twitter.com/bIdK0RFX18— Chandra Arya (@AryaCanada) January 12, 2025 కర్ణాటక టు కెనడాకర్ణాటకలోని సిరా తాలూకాలోని ద్వార్లు గ్రామం చంద్ర ఆర్య స్వస్థలం. ధార్వాడ్‌లో ఎంబీఏ చేశారు. 20 ఏళ్ల క్రితం కెనడా వెళ్లి ఇన్వెస్ట్‌మెంట్‌ అడ్వైజ ర్‌గా కెరీర్‌ ప్రారంభించారు. చిన్న పరి శ్రమలకు నిధులు సమకూర్చే ఆర్థిక సంస్థలో పని చేశారు. తయారీ సంస్థను నిర్వహిస్తూనే పలు దేశాల్లో పారిశ్రామికీకరణను ప్రోత్సహించారు. పారిశ్రామి కవేత్తగా ఎదిగారు. హైటెక్‌ డిఫెన్స్‌ టెక్నాలజీ కంపెనీలో ఆరేళ్లు పనిచేశారు. 2015లో రాజకీయాల్లోకి వచ్చారు. 2015, 2019ల్లో కెనడా హౌస్‌ ఆఫ్‌ కామన్స్‌ ఎన్నికల్లో వరుసగా గెలిచారు. 2022లో సభలో కన్నడలో ప్రసంగించారు. 👉చదవండి : గాజా ఒప్పందానికి ఇజ్రాయెల్‌ కేబినెట్‌ ఆమోదం

ఒట్టావా: కెనడా ప్రధాని బరినుంచి భారత సంతతికి చెందిన అనితా ఆనంద్‌ వైదొలిగారు. ప్రస్తుతం రవాణా శాఖ మంత్రిగా పనిచేస్తున్న అనిత.. పోటీ నుంచి తప్పుకొంటున్నట్లు శనివారం ప్రకటించారు. అంతేకాదు తాను ఎంపీగా మళ్లీ పోటీ చేయబోనని ఆమె స్పష్టం చేశారు. ప్రధానిగా, పార్టీ అధినేతగా జస్టిన్‌ ట్రూడో రాజీనామా చేయడంతో ఆమె బరిలోకి వచ్చారు. అయితే.. వారంలోపే తాను పోటీ నుంచి తప్పుకొంటున్నట్లు ప్రకటన చేశారు. ఈ సందర్భంగా లిబరల్‌ బృందానికి, ఓక్‌విల్లే ప్రజలకూ కృతజ్ఞతలు తెలిపారు. ‘‘పార్లమెంటు సభ్యురాలిగా లిబరల్‌ జట్టులోకి నన్ను ఆహ్వానించినందుకు, కీలకమైన కేబినెట్‌ శాఖలను అప్పగించినందుకు ప్రధాని ట్రూడోకు హృదయపూర్వక ధన్యవాదాలు. కెనడా హౌస్‌ ఆఫ్‌ కామన్స్‌కు ప్రాతినిధ్యం వహించడానికి నన్ను ఎన్నుకున్నందుకు, గత ఇరవై సంవత్సరాలుగా నా భర్త, నేను మా నలుగురు పిల్లలను పెంచేందుకు స్వాగతించిన అద్భుతమైన ఓక్‌విల్లే ప్రజలకు నేను నిజంగా కృతజ్ఞురాలిని’’ అని అనిత తన ప్రకటనలో పేర్కొన్నారు. వచ్చే ఎన్నికల వరకు తాను ఎంపీగా కొనసాగుతానన్నారు. భారత సంతతికి చెందిన వ్యక్తి ఓక్‌విల్లేలో గెలవడం సాధ్యం కాదని చాలా మంది రాశారని, అయినప్పటికీ ఒక్కసారి కాదు రెండుసార్లు గెలిపించి ప్రజలు తన వెనుకే నిలిచారని చెప్పారు. ఈ గౌరవం ఎప్పటికీ తన గుండెల్లో నిలిచిపోతుందన్నారు.

ఒట్టావా: కెనడా (canada)ను అమెరికా(usa)లో విలీనం చేసేందుకు ఆర్థిక శక్తిని ఉపయోగిస్తానంటూ డొనాల్డ్‌ ట్రంప్‌ (donald trump) చేసిన వ్యాఖ్యలకు కెనడా మాజీ ప్రధాని జస్టిన్ ట్రూడో (justin trudeau) స్పందించారు. ఆ పప్పులేం ఉడకవు అంటూ పరోక్షంగా హెచ్చరించారు.అమెరికా అధ్యక్ష ఎన్నికల్లో విజయం తర్వాత ట్రంప్‌ దూకుడును ప్రదర్శిస్తున్నారు. వీలు చిక్కినప్పుడల్లా కెనడాను అమెరికా 51వ రాష్ట్రంగా చేయాలంటూ తన మాటలతో కవ్విస్తున్నారు. ఇప్పుటికే ఇదే అంశంపై పలు మార్లు సోషల్‌ మీడియాలో ప్రస్తావనకు తెచ్చారు. ఓ సందర్భంలో జస్టిన్‌ ట్రూడో మాట్లాడారు. ట్రూడో మాత్రం ఆశించిన స్థాయిలో ట్రంప్‌కు బదులివ్వలేకపోయారు.ఒక్కసారి ఆలోచించండిఅయితే ఇటీవల అధికార లిబరల్‌ పార్టీకి, ప్రధానిగా రాజీనామా చేస్తున్నట్లు ట్రూడో ప్రకటించారు. ఈ తరుణంలో ఫ్లోరిడా మార్ ఎ లాగో హోమ్‌లో విలేకరుల సమావేశంలో ట్రంప్‌ కెనడా గురించి తన మనసులో మాట భయటపెట్టారు. ‘మీకు మీరుగా గీసిన గీతను చెరిపేయండి. అమెరికాకు కెనడా రాష్ట్రంగా అవతరిస్తే ఎలా ఉంటుందో ఒక్కసారి ఆలోచించుకోండి. ఈ నిర్ణయం జాతీయ భద్రతకు కూడా మంచిది’ అని అన్నారు.There isn’t a snowball’s chance in hell that Canada would become part of the United States.Workers and communities in both our countries benefit from being each other’s biggest trading and security partner.— Justin Trudeau (@JustinTrudeau) January 7, 2025ఇది చాలా అన్యాయందీంతో పాటు సైన్యంపై కెనడా పెట్టే ఖర్చుపై ఆందోళన వ్యక్తం చేశారు. కెనడాకు తగినంత సైన్యం లేదు. సైన్యం కోసం మా మీద ఆధారపడతారు. అంతా బాగానే ఉంది. కానీ, మా సైన్యం ఉపయోగించుకున్నందుకు కెనడా మాకు డబ్బులు చెల్లించాల్సి వస్తుంది. ఇది చాలా అన్యాయం కదా అంటూ మాట్లాడారు.ఆర్థిక శక్తిని ఉపయోగిస్తాఆ సమయంలో కెనడాను అమెరికా రాష్ట్రంగా మార్చేందుకు మీరు సైన్యాన్ని ఉపయోగిస్తారా? అన్న ప్రశ్నకు లేదు..లేదు.. ఆర్థిక శక్తిని ఉపయోగిస్తానంటూ ట్రంప్‌ వ్యాఖ్యానించారు. ఆ వ్యాఖ్యలపై కెనడా మాజీ ప్రధాని ట్రూడోతో పాటు, అధికార పార్టీ నేతలు ఆగ్రహం వ్యక్తం చేశారు.ఆర్థిక శక్తిని ఉపయోగించి దేశాల్ని విలీనం చేసే అవకాశం లేదని ట్రూడో సూచించారు. మన రెండు దేశాల్లోని కార్మికులు, సంఘాలు ఒకరికొకరు అతిపెద్ద వాణిజ్యం, భద్రతా భాగస్వామిగా ఉండటం వల్ల ప్రయోజనం పొందుతాయి’అనే అభిప్రాయ పడ్డారు. ట్రూడోకు మద్దతుగా కెనడా విదేశాంగ మంత్రి మెలానీ జోలీ నిలిచారు. డొనాల్డ్ ట్రంప్ బెదిరింపుల నుంచి కెనడా వెనక్కి తగ్గబోదని, అవగాహన లేకుండా మాట్లాడుతున్నారని ఆరోపించారు. మా ఆర్థిక వ్యవస్థ బలంగా ఉంది. మా ప్రజలే మా బలవంతులు. బెదిరింపుల నేపథ్యంలో మేం ఎప్పటికీ వెనక్కి తగ్గం’ అని ట్రంప్‌ను హెచ్చరించారు. 👉చదవండి : అమెరికా 51వ రాష్ట్రంగా కెనడా: ట్రంప్‌

కెనడా ప్రధాని జస్టిన్ ట్రూడో తన పదవికి రాజీనామా చేశారు. గత 9 ఏళ్లుగా కెనడాకు సారధ్యం వహించిన జస్టిన్ ట్రూడో ప్రధాని పదవికే కాకుండా లిబరల్ పార్టీ అధ్యక్ష పదవికి కూడా రాజీనామా చేస్తున్నట్లు ప్రకటించారు. దీనిపై ప్రపంచవ్యాప్తంగా చర్చలు నడుస్తున్నాయి. ట్రూడో రాజీనామా భారత్‌పై ఎటువంటి ప్రభావం చూపుతుందనేది ఆసక్తికరంగా మారింది.ట్రూడో హయాంలో భారత్‌- కెనడాల మధ్య సంబంధాలు(India-Canada relations) ఉద్రిక్తంగా మారాయి. ట్రూడో పలుమార్లు బహిరంగంగా ఖలిస్తాన్‌ ఉద్యమానికి మద్దతు పలికారు. ఇది భారత్‌కు కోపం తెప్పించింది. ఇ‍ప్పుడు ట్రూడో రాజీనామా అనంతరం ఆయన స్థానంలో ఎవరు రాబోతున్నారు?భారత్‌-కెనడా సంబంధాలు మెరుగుపడతానే అనే ప్రశ్నలు ఎదురవుతున్నాయి. సెంటర్ ఫర్ స్ట్రాటజిక్ అండ్ ఇంటర్నేషనల్ స్టడీస్(సీఎస్‌ఐఎస్‌) నివేదిక ప్రకారం కెనడా తదుపరి ప్రధాని అంటూ నలుగురి పేర్లు వినిపిస్తున్నాయి. వారిలో పార్టీ కీలక నేతలు మార్క్ కార్నీ, క్రిస్టియా ఫ్రీలాండ్, మెలానీ జోలీ, డొమినిక్ లెబ్లాంక్ ఉన్నారు.కెనడాలో 2025 అక్టోబర్‌లో ఎన్నికలు జరగనున్నాయి. ఈసారి దేశంలో కన్జర్వేటివ్ ప్రభుత్వం(Conservative government) ఏర్పడనుందనే నిపుణులు అంచనాలు వెలువడుతున్నాయి. అదేగనుక జరిగితే పియరీ పోయిలీవ్రే కెనడా నూతన ప్రధానమంత్రి అయ్యే అవకాశాలున్నాయి. ప్రస్తుతం పియరీ కెనడా ప్రతిపక్ష నేతగా ఉన్నారు . ఆయన పలుమార్లు భారత్‌కు మద్దతు పలికారు. ఖలిస్తానీ ఉగ్రవాది నిజ్జర్‌ హత్యకు భారత్‌ బాధ్యత వహించిందంటూ ట్రూడో చేసిన ఆరోపణలను కూడా పియరీ తోసిపుచ్చారు. భారత్‌పై ట్రూడో అబద్ధాలు చెబుతున్నారని పియరీ ఆరోపించారు. అటువంటి పరిస్థితిలో పియరీ కెనడాకు ప్రధానమంత్రి అయితే భారత్‌- కెనడా మధ్య సంబంధాలు మెరుగుపడే అవకాశం ఉందని నిపుణులు అంటున్నారు.ఒకవేళ కెనడాలో కన్జర్వేటివ్ ప్రభుత్వం ఏర్పడితే ఖలిస్తాన్ ఉద్యమం(Khalistan movement) బలహీనపడడం ఖాయమని, అయితే అది పూర్తిగా అంతం కాదని విదేశీ వ్యవహారాల నిపుణుడు, జెఎన్‌యు రిటైర్డ్ ప్రొఫెసర్ డాక్టర్ ఎ పాషా తన అభిప్రాయం వ్యక్తం చేశారు. కెనడాలో ఖలిస్తానీ మద్దతుదారులను భారీ ఓటు బ్యాంకుగా పరిగణిస్తారు. ఇలాంటి పరిస్థితుల్లో ఏ పార్టీ కూడా పూర్తిగా ఖలిస్తానీ ఉద్యమాన్ని అదుపు చేయలేదని పాషా వ్యాఖ్యానించారు. ఇది కూడా చదవండి: బీహార్‌ భూకంపం: 90 ఏళ్ల క్రితం ఇదేవిధంగా.. చెరగని ఆనవాళ్లు

ఒట్టావా: జస్టిన్ ట్రూడో కెనడా ప్రధానమంత్రి పదవికి, లిబరల్ పార్టీ నాయకత్వానికి సోమవారం రాజీనామా చేశారు. దీంతో ఇప్పుడు అందరి దృష్టి కన్జర్వేటివ్ పార్టీ నాయకుడు పియరీ పోయిలీవ్రే పైనే పడింది. ఆయనే తదుపరి కెనడా ప్రధానమంత్రిగా బాధ్యతలు చేపట్టనున్నారంటూ అంతర్జాతీయ మీడియా కథనాలు వెలుగులోకి వచ్చాయి.పియర్ పోయిలీవ్రే నేపథ్యం45 ఏళ్ల పియరీ పొయిలీవ్రే కెనడా కన్జర్వేటివ్ పార్టీ నాయకుడు. కెనడాలోని కాల్గరీ నగరంలో జన్మించారు. కాల్గరీ యూనివర్సిటీ నుంచి ఇంటర్నేషనల్‌ రిలేషన్‌ షిప్‌ డిగ్రీని పొందాడు. 2004లో కన్జర్వేటివ్ పార్టీ తరపున పార్లమెంటు సభ్యునిగా ఎన్నికతో తన రాజకీయ జీవితాన్ని ప్రారంభించారు. పొయిలీవ్రే గతంలో మాజీ ప్రధాని స్టీఫెన్ హార్పర్ నేతృత్వంలో సీనియర్ క్యాబినెట్ మంత్రిగా పనిచేశారు. పియరీ పొయిలీవ్రే, అనైడా దంపతుల ఇద్దరు పిల్లలు వాలెంటినా, క్రజ్‌తో కలిసి గ్రీలీలో నివసిస్తున్నారు.జస్టిన్‌ ట్రూడో రాజీనామాకెనడా ప్రధాన మంత్రి జస్టిన్‌ ట్రూడో(53) ప్రధాని పదవికి, అధికార లిబరల్‌ పార్టీ అధ్యక్షుడి పదవికి రాజీనామా చేసినట్లు సోమవారం ప్రకటించారు. కొత్త నేతను ఎన్నుకునేదాకా పదవిలో కొనసాగుతానన్నారు. ఇటీవల ఆర్థిక మంత్రి రాజీనామా, తొమ్మిదేళ్ల పాలన అనంతరం నాయకత్వ మార్పిడి కోరుతూ అధికార పార్టీలో ఒత్తిడి పెరిగిన నేపథ్యంలోనే ఆయన ఈ ప్రకటన చేసినట్లుగా భావిస్తున్నారు.‘పార్టీ నేత, ప్రధాని పదవులకు రాజీనామా చేయాలనుకుంటున్నాను. దేశవ్యాప్త ఎంపిక ప్రక్రియలో తదుపరి నేత ఎన్నికయ్యే వరకు ప్రధానిగా కొనసాగుతాను’ అని ట్రూడో మీడియా సమావేశంలో ప్రకటించారు. పార్టీలో అంతర్గత కుమ్ములాటలున్నాయని బహిరంగంగానే అంగీకరించారు. ‘‘రానున్న ఎన్నికల్లో ప్రజలు నిజమైన నేతను ఎంపిక చేసుకోవాల్సి ఉంటుంది. అయితే అంతర్గతంగా పోరాడాల్సిన పరిస్థితులుండగా వచ్చే ఎన్నికల్లో ప్రజలకు నేను ఉత్తమ ఎంపిక కాలేననే విషయం స్పష్టమైంది. అందుకే బరి నుంచి తప్పు కోవాలనుకుంటున్నా’’ అని చెప్పారు.‘‘నేను పోరాటయోధుడిని. కెనడా కోసం పోరాడేందుకు నా శరీరంలో అణువణువూ సిద్ధమే. కానీ ఎంతగా కృషి చేస్తున్నా కొంతకాలంగా పార్లమెంట్‌ సజావుగా సాగడం లేదు. అందుకే పార్లమెంట్‌ సమావేశాలను కొత్తగా ఏర్పాటు చేయాల్సిన అవసరముందని గవర్నర్‌ జనరల్‌కు తెలిపా. అందుకామె అంగీకరిస్తూ సమావేశాలను జనవరి 27 నుంచి మార్చి 24కు వాయిదా వేశారు’’ అని వివరించారు. ఆలోగా కొత్త నేతను ఎంపిక చేసుకునేందుకు అధికార పారీ్టకి వీలు చిక్కుతుందని భావిస్తున్నారు. ఈ ఏడాది అక్టోబర్‌లో ఎన్నికలు జరగాల్సి ఉండగా, ప్రజాదరణలో అధికార లిబరల్‌ పార్టీ కంటే కన్జర్వేటివ్‌ పార్టీ ఎంతో మెరుగ్గా ఉంది.ఈ దశలో ట్రూడో రాజీనామా ప్రకటనతో అధికార పార్టీకి సరైన దిశానిర్దేశం చేసే నేత కరువయ్యే పరిస్థితి ఏర్పడింది. జనవరి 27వ తేదీన పార్లమెంట్‌ సమావేశాలు మొదలైతే ప్రభుత్వంపై అవిశ్వాస తీర్మానం ప్రవేశపెట్టాలని మూడు ప్రతిపక్ష పార్టీలు ప్రకటించడం గమనార్హం. దీనిని తప్పించుకునేందుకే ట్రూడో పార్లమెంట్‌ సమావేశాలను వాయిదా వేయించినట్లు చెబుతున్నారు. పదేళ్ల కన్జర్వేటివ్‌ పార్టీ పాలనకు ముగింపు పలుకుతూ లిబరల్‌ పార్టీ నేతగా ఉన్న ట్రూడో 2015లో ప్రధానిగా బాధ్యతలు చేపట్టారు.ఆయన తండ్రి పియెర్రె గతంలో రెండు పర్యాయాలు ప్రధానిగా పనిచేసి, మంచి పేరు సంపాదించుకున్నారు. ట్రూడో పాలన మొదట్లో బాగుందనిపించినా రాన్రానూ ఆయన ప్రభుత్వం ఆదరణ కోల్పోతూ వచ్చింది. ఆహారం, ధరలు ఆకాశాన్నంటడం, వలసలు ఒక్కసారిగా పెరిగిపోవడం ఇందుకు ప్రధాన కారణాలుగా మారాయి. అమెరికా కాబోయే అధ్యక్షుడు ట్రంప్‌ హెచ్చరికల నేపథ్యంలో ఇటీవల ఆర్థిక మంత్రి రాజీనామా చేశారు. అంతకుముందు హౌసింగ్‌ మంత్రి వైదొలిగారు.ట్రూడో రాజీనామా చేయాలంటూ బాహాటంగానే కొందరు నేతలు డిమాండ్లు వినిపిస్తున్నారు. ఇవి కూడా ట్రూడో తాజా నిర్ణయానికి బలమైన కారణాలుగా ఉన్నాయి.

టొరంటో: కెనడా ప్రధాన మంత్రి జస్టిన్‌ ట్రూడో(53) ప్రధాని పదవికి, అధికార లిబరల్‌ పార్టీ అధ్యక్షుడి పదవికి రాజీనామా చేసినట్లు సోమవారం ప్రకటించారు. కొత్త నేతను ఎన్నుకునేదాకా పదవిలో కొనసాగుతానన్నారు. ఇటీవల ఆర్థిక మంత్రి రాజీనామా, తొమ్మిదేళ్ల పాలన అనంతరం నాయకత్వ మారి్పడి కోరుతూ అధికార పారీ్టలో ఒత్తిడి పెరిగిన నేపథ్యంలోనే ఆయన ఈ ప్రకటన చేసినట్లుగా భావిస్తున్నారు. ‘పార్టీ నేత, ప్రధాని పదవులకు రాజీనామా చేయాలనుకుంటున్నాను. దేశవ్యాప్త ఎంపిక ప్రక్రియలో తదుపరి నేత ఎన్నికయ్యే వరకు ప్రధానిగా కొనసాగుతాను’ అని ట్రూడో మీడియా సమావేశంలో ప్రకటించారు. పారీ్టలో అంతర్గత కుమ్ములాటలున్నాయని బహిరంగంగానే అంగీకరించారు. ‘‘రానున్న ఎన్నికల్లో ప్రజలు నిజమైన నేతను ఎంపిక చేసుకోవాల్సి ఉంటుంది. అయితే అంతర్గతంగా పోరాడాల్సిన పరిస్థితులుండగా వచ్చే ఎన్నికల్లో ప్రజలకు నేను ఉత్తమ ఎంపిక కాలేననే విషయం స్పష్టమైంది. అందుకే బరి నుంచి తప్పు కోవాలనుకుంటున్నా’’ అని చెప్పారు. ‘‘నేను పోరాటయోధుడిని. కెనడా కోసం పోరాడేందుకు నా శరీరంలో అణువణువూ సిద్ధమే. కానీ ఎంతగా కృషి చేస్తున్నా కొంతకాలంగా పార్లమెంట్‌ సజావుగా సాగడం లేదు. అందుకే పార్లమెంట్‌ సమావేశాలను కొత్తగా ఏర్పాటు చేయాల్సిన అవసరముందని గవర్నర్‌ జనరల్‌కు తెలిపా. అందుకామె అంగీకరిస్తూ సమావేశాలను జనవరి 27 నుంచి మార్చి 24కు వాయిదా వేశారు’’ అని వివరించారు. ఆలోగా కొత్త నేతను ఎంపిక చేసుకునేందుకు అధికార పారీ్టకి వీలు చిక్కుతుందని భావిస్తున్నారు. ఈ ఏడాది అక్టోబర్‌లో ఎన్నికలు జరగాల్సి ఉండగా, ప్రజాదరణలో అధికార లిబరల్‌ పార్టీ కంటే కన్జర్వేటివ్‌ పార్టీ ఎంతో మెరుగ్గా ఉంది. ఈ దశలో ట్రూడో రాజీనామా ప్రకటనతో అధికార పారీ్టకి సరైన దిశానిర్దేశం చేసే నేత కరువయ్యే పరిస్థితి ఏర్పడింది. జనవరి 27వ తేదీన పార్లమెంట్‌ సమావేశాలు మొదలైతే ప్రభుత్వంపై అవిశ్వాస తీర్మానం ప్రవేశపెట్టాలని మూడు ప్రతిపక్ష పారీ్టలు ప్రకటించడం గమనార్హం. దీనిని తప్పించుకునేందుకే ట్రూడో పార్లమెంట్‌ సమావేశాలను వాయిదా వేయించినట్లు చెబుతున్నారు. పదేళ్ల కన్జర్వేటివ్‌ పార్టీ పాలనకు ముగింపు పలుకుతూ లిబరల్‌ పార్టీ నేతగా ఉన్న ట్రూడో 2015లో ప్రధానిగా బాధ్యతలు చేపట్టారు. ఆయన తండ్రి పియెర్రె గతంలో రెండు పర్యాయాలు ప్రధానిగా పనిచేసి, మంచి పేరు సంపాదించుకున్నారు. ట్రూడో పాలన మొదట్లో బాగుందనిపించినా రాన్రానూ ఆయన ప్రభుత్వం ఆదరణ కోల్పోతూ వచి్చంది. ఆహారం, ధరలు ఆకాశాన్నంటడం, వలసలు ఒక్కసారిగా పెరిగిపోవడం ఇందుకు ప్రధాన కారణాలుగా మారాయి. అమెరికా కాబోయే అధ్యక్షుడు ట్రంప్‌ హెచ్చరికల నేపథ్యంలో ఇటీవల ఆర్థిక మంత్రి రాజీనామా చేశారు. అంతకుముందు హౌసింగ్‌ మంత్రి వైదొలిగారు. ట్రూడో రాజీనామా చేయాలంటూ బాహాటంగానే కొందరు నేతలు డిమాండ్లు వినిపిస్తున్నారు. ఇవి కూడా ట్రూడో తాజా నిర్ణయానికి బలమైన కారణాలుగా ఉన్నాయి.

ఒట్టావా: కెనడా (canada) ప్రధాని జస్టిన్ ట్రూడో (Justin Trudeau) సంచలన నిర్ణయం తీసుకోనున్నట్లు తెలుస్తోంది. ఇవాళో, రేపో అధికార లిబరల్ పార్టీతో పాటు ప్రధాని పదవికి రాజీనామా చేసే యోచనలో ఉన్నట్లు పలు అంతర్జాతీయ మీడియా కథనాలు వెలుగులోకి వచ్చాయి. అయితే ట్రూడ్‌ ఇప్పటి వరకు తన భవిష్యత్‌ కార్యచరణపై ఎలాంటి స్పష్టత ఇవ్వలేదు. అయినప్పటికీ బుధవారం జరిగే కీలక జాతీయ కాకస్ సమావేశానికి ముందు ట్రూడో తన పదవికి రాజీనామా చేయొచ్చనే ఊహాగానాలు ఊపందుకున్నాయి.రాజీనామా అనంతరం ట్రూడో తక్షణమే ప్రధాని (Canadian Prime Minister) బాధ్యతల నుంచి తప్పుకుంటారా? లేదంటే కొత్త నాయకుడిని ఎన్నుకునే వరకు ప్రధానిగా కొనసాగుతారా? అన్నది ఉత్కంఠగా మారింది. ఈ తరుణంలో ట్రూడో రాజీనామాకు గల కారణాలు తెరపైకి వచ్చాయి. ఈ ఏడాది అక్టోబర్‌లో కెనడాలో పార్లమెంట్‌ ఎన్నికలు జరగనున్నాయి. అయితే ఈ ఎన్నికల్లో అధికార లిబరల్స్ పార్టీ ప్రతిపక్ష కన్జర్వేటివ్‌ల చేతిలో ఘోరంగా ఓడిపోనుందంటూ పలు సర్వేలు స్పష్టం చేశాయి. దీనికి తోడు అమెరికా కాబోయే అధ్యక్షుడు డొనాల్డ్‌ ట్రంప్‌ కెనడాపై కవ్వింపు చర్యలకు దిగారు.ఇటీవల, ట్రంప్‌ మాట్లాడుతూ.. అమెరికా 51వ రాష్ట్రంగా కెనడా అవతరించడం గొప్ప ఆలోచనని వ్యాఖ్యానించారు. కెనడాలో నెలకొన్న రాజకీయ అనిశ్చితి కారణంగా చాలా మంది కెనడియన్లు ఈ ఆలోచనను స్వాగతిస్తున్నారని పేర్కొన్నారు. ఇదే విషయంపై ట్రూడోతో ప్రస్తావించారు. కానీ ట్రూడో మాత్రం ట్రంప్‌కు ధీటుగా బదులివ్వలేకపోయారు. ఈ వరుస పరిణామాలు ట్రూడో ఉక్కిరిబిక్కిరి అయ్యారని, ఫలితంగా బాధ్యతల నుంచి తప్పుకునేందుకు సిద్ధమయ్యారంటూ వెలుగులోకి వచ్చిన కెనడా మీడియా కథనాలు హైలెట్‌ చేస్తున్నాయి. రాజీనామా అనంతరం ట్రూడో తక్షణమే ప్రధాని బాధ్యతల నుంచి తప్పుకుంటారా? లేదంటే కొత్త నాయకుడిని ఎన్నుకునే వరకు ప్రధానిగా కొనసాగుతారా? అన్నది ఉత్కంఠగా మారింది. ఒకవేళ ట్రూడో రాజీనామా చేస్తే .. ప్రస్తుత ఆర్థిక మంత్రి డొమినిక్ లెబ్లాంక్‌తో తాత్కాలిక నాయకుడిగా, ప్రధాన మంత్రిగా బాధ్యతలు స్వీకరించేందుకు సిద్ధంగా ఉన్నారా? అన్న అంశంపై చర్చలు జరిపినట్లు సమాచారం.

అట్టావా: వచ్చే ఏడాది ఎన్నికలు జరుగబోతున్న వేళ కెనడా ప్రధాని జస్టిన్‌ ట్రూడోకు ఎదురుదెబ్బ తగిలింది. ట్రూడోకు ఖలిస్థానీ మద్దతుదారు, నేషనల్ డెమొక్రటిక్‌ పార్టీ (ఎన్‌డీపీ) షాక్​ ఇచ్చింది. ట్రూడో లిబరల్‌ ప్రభుత్వంపై అవిశ్వాస తీర్మానం ప్రవేశపెడతామని ఎన్‌డీపీ నేత జగ్మీత్‌సింగ్ బిగ్‌ ట్విస్ట్‌ ఇచ్చాడు.తాజాగా ఎన్‌డీపీ నేత జగ్మీత్‌సింగ్ ట్విట్టర్‌ వేదికగా ఒక లేఖను పోస్టు చేశారు. ఈ సందర్బంగా ఆయన..‘జస్టిన్ ట్రూడో ప్రధానమంత్రిగా బాధ్యతలు నిర్వహించడంలో విఫలమయ్యారు. ప్రజల కోసం కాకుండా, శక్తిమంతుల కోసం ట్రూడో పనిచేస్తున్నారు. ఈ ప్రభుత్వాన్ని పడగొట్టడానికి ఎన్‌డీపీ సిద్ధంగా ఉంది. కెనడియన్లకు తమ కోసం పనిచేసే ప్రభుత్వాన్ని ఎన్నుకొనే అవకాశం కల్పిస్తాం. హౌస్ ఆఫ్‌ కామన్స్‌ తదుపరి సమావేశంలో అవిశ్వాస తీర్మానాన్ని ప్రవేశపెడతాం అని చెప్పుకొచ్చారు. దీంతో, కెనడా రాజకీయ ప్రకంపనలు చోటుచేసుకున్నాయి.మరోవైపు.. కెనడా ఉప ప్రధాని క్రిస్టియా ఫ్రిలాండ్‌ ఇటీవల తన పదవికి రాజీనామా చేస్తున్నట్లు ప్రకటించిన విషయం తెలిసిందే. కేబినెట్‌లో అత్యంత శక్తిమంతురాలిగా గుర్తింపు పొందిన ఆమె, ప్రధాని ట్రూడో ప్రజాదరణ కోల్పోతున్నారని ఆరోపించారు. అయితే, ఆమె నిర్వహిస్తున్న ఆర్థికశాఖను మారుస్తున్నట్లు ట్రూడో చెప్పిన నేపథ్యంలో క్రిస్టియా తన పదవికి రాజీనామా చేయడమే సరైన మార్గమని నిర్ణయించుకున్నట్లు తెలుస్తోంది.ఇదిలా ఉండగా..కెనడాలో వచ్చే ఏడాది ఎన్నికలు జరుగనున్నాయి. ఈ క్రమంలో ప్రధాని ట్రూడోకు ఖలిస్థానీల మద్దతుపై ఉత్కంఠ నెలకొంది. ఇక, ఒకవేళ ఈ అవిశ్వాస తీర్మానానికి అన్ని పార్టీల మద్దతు లభిస్తే కెనాడలో తొమ్మిదేళ్ల ట్రూడో పాలన ముగిసిపోతుంది. Justin Trudeau failed in the biggest job a Prime Minister has: to work for people, not the powerful.The NDP will vote to bring this government down, and give Canadians a chance to vote for a government who will work for them. pic.twitter.com/uqklF6RrUX— Jagmeet Singh (@theJagmeetSingh) December 20, 2024

వాషింగ్టన్‌ : అమెరికాకు కాబోయే అధ్యక్షుడు డొనాల్డ్‌ ట్రంప్‌ కెనడాపై మరోసారి సంచలన వ్యాఖ్యలు చేశారు. అమెరికా 51వ రాష్ట్రంగా కెనడా అవతరించడం గొప్ప ఆలోచనని అన్నారు. కెనడాలో నెలకొన్న రాజకీయ అనిశ్చితి కారణంగా చాలా మంది కెనడియన్లు ఈ ఆలోచనను స్వాగతిస్తున్నారని ట్రూత్‌ సోషల్‌ మీడియా వేదికగా వ్యాఖ్యానించారు. పన్నులు, సైనిక రక్షణపై భారీ మొత్తంలో ఆదా అవుతుంది. అందుకే చాలా మంది కెనడియన్లు కెనడా 51వ రాష్ట్రంగా మారాలని కోరుకుంటున్నారు ’ అని ట్రంప్ ట్రూత్ సోషల్‌ వేదికగా పోస్ట్‌ చేశారు.దీనికి తోడు కెనడా మార్కెట్‌ రిసెర్చ్‌, ఎన్నికల నిర్వహణ సంస్థ ఈ వారం లెగర్ పబ్లిక్ ఒపీనియన్ సర్వేలో 13 శాతం మంది కెనడియన్లు సైతం కెనడా దేశం అమెరికాలో కలిపితేనే బాగుంటుందన్న అభిప్రాయాలు వ్యక్తం చేశారు. President Trump doubles down on making Canada the 51st state Time to rid this country of the flea infested liberal swamp 🇨🇦🇨🇦 pic.twitter.com/naJEQqIcw1— wastedcanadian (@melissacare01) December 18, 2024గతంలోనూట్రంప్ కెనడా గురించి వ్యాఖ్యలు చేయడం ఇలా తొలిసారి గతంలోనూ వ్యాఖ్యానించారు. అయితే, తాజాగా కెనడా ఉప ప్రధాని క్రిస్టియా ఫ్రీలాండ్ రాజీనామా తర్వాత ట్రంప్‌ మరింత దూకుడుగా వ్యవహిస్తున్నట్లు తెలుస్తోంది.కొద్ది రోజుల క్రితం అమెరికా పర్యటనలో భాగంగా కాబోయే అమెరికా అధ్యక్షుడు ట్రంప్‌తో కెనడా ప్రధాని జస్టిన్‌ ట్రూడో భేటీ అయ్యారు. ఆ భేటీలో ట్రూడో - ట్రంప్‌లు పలు అంశాలపై చర్చించారు.అమెరికా మీడియా కథనాల ప్రకారం.. మెక్సికో, కెనడా, చైనాలపై అదనపు దిగుమతి సుంకాలు విధిస్తానన్న అంశం, అక్రమ వలసలు, మాదకద్రవ్యాల అక్రమ రవాణా అంశాలు ట్రంప్, ట్రూడో మధ్య ప్రస్తావనకు వచ్చాయి. పన్నులు పెరిగితే తమ దేశ ఆర్థిక వ్యవస్థపై ప్రతికూల ప్రభావాలు తప్పవని ట్రంప్‌కు ట్రూడో స్పష్టంచేశారు. దీనిపై వెంటనే ట్రంప్‌ స్పందించారు.‘‘ అమెరికా వాణిజ్య లోటు 100 బిలియన్‌ డాలర్లకు చేరువవుతోంది. ఇలాంటి కష్టకాలంలో మేం పన్నులు పెంచక తప్పదు. కెనడా నుంచి అమెరికాలోకి అక్రమ వలసలను అరికట్టండి. మాదకద్రవ్యాల అక్రమ రవాణాను అడ్డుకోండి. ప్రత్యేక దేశంగా ఉంటూ కూడా ఇవన్నీ చేయడం మీ వల్ల కాకపోతే అంతటి భారీ పన్నులను తప్పించుకోవడం కోసమైనా అమెరికాలో 51వ రాష్ట్రంగా చేరిపోండి’’ అని ట్రంప్‌ వ్యంగ్య వ్యాఖ్యలుచేశారు.దీంతో ట్రూడో నిశ్చేష్టులయ్యారని వినికిడి. ట్రంప్‌తో వాగ్వాదానికి దిగలేక ట్రూడో ముఖంపై కృత్రిమ నవ్వును ఒలకబోశారని అక్కడి వారు చెప్పారు. ‘‘ కెనడా అమెరికాలోకి చేరాక రెండు రాష్ట్రాలుగా ముక్కలైతే బెటర్‌. ఒక ముక్కకు ట్రూడో గవర్నర్‌గా ఉండటం ఇంకా బెటర్‌. రెండు రాష్ట్రాల్లో ఒకటి లిబరల్‌ స్టేట్‌గా, మరోటి కన్జర్వేటివ్‌ స్టేట్‌గా ఉంటే బాగుంటుంది’’ అని ట్రంప్‌ ముక్తాయించాడు.

వాషింగ్టన్‌: తాను అధికారంలోకి వస్తే కెనడా నుంచి దిగుమతి అయ్యే ఉత్పత్తులపై భారీ సుంకాలు విధిస్తానని ప్రకటించి కెనడా కలవరపాటుకు గురయ్యేలా చేసిన డొనాల్డ్‌ ట్రంప్‌ ఈసారి ఏకంగా కెనడా ప్రధానితోనే వెటకారంగా మాట్లాడారు. అమెరికా పర్యటనలో భాగంగా కాబోయే అమెరికా అధ్యక్షుడు ట్రంప్‌తో కెనడా ప్రధాని జస్టిన్‌ ట్రూడో భేటీ అయిన సందర్భంగా ఈ అనూహ్య సంభాషణ చోటుచేసుకుందని సమాచారం.అమెరికా మీడియా కథనాల ప్రకారం ట్రంప్‌ను ప్రసన్నం చేసుకునే చర్యల్లో భాగంగా కెనడాపై పన్నుల భారం తగ్గించుకునేందుకు ట్రూడో శనివారం రాత్రి ఫ్లోరిడాలోని పామ్‌బీచ్‌ ప్రాంతంలో ట్రంప్‌కు చెందిన మార్‌–ఏ–లాగో రిసార్ట్‌లో కలిశారు. మెక్సికో, కెనడా, చైనాలపై అదనపు దిగుమతి సుంకాలు విధిస్తానన్న అంశం, అక్రమ వలసలు, మాదకద్రవ్యాల అక్రమ రవాణా అంశాలు ట్రంప్, ట్రూడో మధ్య ప్రస్తావనకు వచ్చాయి. పన్నులు పెరిగితే తమ దేశ ఆర్థిక వ్యవస్థపై ప్రతికూల ప్రభావాలు తప్పవని ట్రంప్‌కు ట్రూడో స్పష్టంచేశారు. దీనిపై వెంటనే ట్రంప్‌ స్పందించారు.‘‘ అమెరికా వాణిజ్య లోటు 100 బిలియన్‌ డాలర్లకు చేరువవుతోంది. ఇలాంటి కష్టకాలంలో మేం పన్నులు పెంచక తప్పదు. కెనడా నుంచి అమెరికాలోకి అక్రమ వలసలను అరికట్టండి. మాదకద్రవ్యాల అక్రమ రవాణాను అడ్డుకోండి. ప్రత్యేక దేశంగా ఉంటూ కూడా ఇవన్నీ చేయడం మీ వల్ల కాకపోతే అంతటి భారీ పన్నులను తప్పించుకోవడం కోసమైనా అమెరికాలో 51వ రాష్ట్రంగా చేరిపోండి’’ అని ట్రంప్‌ వ్యంగ్య వ్యాఖ్యలుచేశారు.దీంతో ట్రూడో నిశ్చేష్టులయ్యారని వినికిడి. ట్రంప్‌తో వాగ్వాదానికి దిగలేక ట్రూడో ముఖంపై కృత్రిమ నవ్వును ఒలకబోశారని అక్కడి వారు చెప్పారు. ‘‘ కెనడా అమెరికాలోకి చేరాక రెండు రాష్ట్రాలుగా ముక్కలైతే బెటర్‌. ఒక ముక్కకు ట్రూడో గవర్నర్‌గా ఉండటం ఇంకా బెటర్‌. రెండు రాష్ట్రాల్లో ఒకటి లిబరల్‌ స్టేట్‌గా, మరోటి కన్జర్వేటివ్‌ స్టేట్‌గా ఉంటే బాగుంటుంది’’ అని ట్రంప్‌ ముక్తాయించాడు.

టొరంటో: ద్రవ్యోల్బణం పెరిగి జీవన వ్యయ సంక్షోభంతో సతమతమవుతున్న కెనడియన్లకు ఊరట కల్పిస్తూ జస్టిన్‌ ట్రూడో ప్రభుత్వం పలు చర్యలు తీసుకుంది. కిరాణా, పిల్లల దుస్తులు, మద్యం, క్రిస్మస్‌ ట్రీలతో సహా పలు వస్తువులపై రెండు నెలల పాటు పన్ను మినహాయించింది. 2023లో 1.5 లక్షల కెనేడియన్‌ డాలర్లు లేదా అంతకంటే తక్కువ సంపాదన ఉన్న 1.87 కోట్ల మందికి ‘వర్కింగ్‌ కెనడియన్స్‌ రిబేట్‌’కింద ఒక్కొక్కరికి 250 డాలర్ల చొప్పున పంపిణీ చేయనుంది. ట్రూడో ఈ మేరకు ఎక్స్‌లో పోస్టులో వెల్లడించారు. ‘‘మా ప్రభుత్వం ధరలను నిర్ణయించలేదు. కానీ ప్రజలకు మరింత డబ్బు అందించగలదు. 250 డాలర్ల రిబేట్‌తో పాటు కెనేడియన్లు డిసెంబర్‌ 14 నుంచి రెండు నెలల పాటు జీఎస్టీ, హెచ్‌ఎస్టీ నిలిపివేత రూపంలో పన్ను మినహాయింపు పొందనున్నారు’’అని ప్రకటించారు. దాని ప్రకారం కిరాణా సరుకులు, ఇతర నిత్యావసరాలు, పిల్లల దుస్తులు, డైపర్లు, ప్రాసెస్డ్‌ ఫుడ్, రెస్టారెంట్‌ భోజనం, స్నాక్స్, ఆల్కహాల్, బొమ్మలు, పుస్తకాలు, వార్తాపత్రికలతో సహా పలు ఇతర వస్తువులపై రెణ్నెల్లపాటు పన్ను ఎత్తేస్తారు. ట్రూడో ప్రకటనను విపక్ష కన్జర్వేటివ్‌ పార్టీ నాయకుడు పియరీ పొయిలీవ్రే తప్పుపట్టారు. రెండు నెలల తాత్కాలిక పన్ను విరామం వచ్చే సంవత్సరం ప్రారంభంలో పెరిగే కార్బన్‌ పన్నుల భారాన్ని భర్తీ చేయబోదన్నారు. ‘‘ట్రూడో హయాంలో గృహనిర్మాణ ఖర్చులు రెట్టింపయ్యాయి. ఫుడ్‌బ్యాంక్‌ వినియోగం ఆకాశాన్నంటుతోంది. ఫెడరల్‌ కార్బన్‌ ట్యాక్స్‌ వల్ల చలికాలంలో ఇళ్లలో వెచ్చదనం కూడా ప్రజలకు అత్యంత ఖరీదైన వ్యవహారంగా మారుతోంది’’అని మండిపడ్డారు. తాము అధికారంలోకి వస్తే కొత్తింటి అమ్మకాలపై కార్బన్‌ పన్ను, జీఎస్‌టీ రద్దు చేస్తామన్నారు. ట్రూడో ప్రభుత్వంపై ప్రజల్లో తీవ్ర అసంతృప్తి నెలకొని ఉండటం తెలిసిందే. దాంతో తాజా ఆర్థిక తాయిలాలను వచ్చే ఏడాది ఎన్నికల నేపథ్యంలో వారిని బుజ్జగించడంలో భాగమని భావిస్తున్నారు. కాగా జీఎస్టీ రద్దు తమ పార్టీ ప్రచారం ఫలితమేనని ఎన్డీపీ నేత జగీ్మత్‌ సింగ్‌ అన్నారు.

ఎంత గట్టిగా చెప్పినా, ఎన్నిసార్లు నిరసన తెలిపినా భారత్‌కూ, భారతీయులకూ వ్యతిరేకంగా కెనడాలో ఆగడాలు ఆగడం లేదు. ఈ ఉత్తర అమెరికా దేశంలో ఆదివారం జరిగిన సంఘటనలు అందుకు తాజా నిదర్శనం. టొరంటోకి దాదాపు 50 కిలోమీటర్ల దూరంలోని బ్రాంప్టన్‌లో హిందూ సభ ఆలయం వద్ద పసుపుపచ్చ ఖలిస్తానీ జెండాలు ధరించిన మూకలు హిందూ భక్తులతో, భారతదేశ జెండాలు ధరించినవారితో ఘర్షణకు దిగి, దాడి చేసిన ఘటన ముక్తకంఠంతో ఖండించాల్సిన విషయం. భారత దౌత్యాధికారులు ప్రార్థనా మందిరాన్ని సందర్శిస్తున్నప్పుడు జరిగిన ఈ వ్యవహారాన్ని భారత్‌ తీవ్రంగా పరిగణించింది. మన ప్రధాని, విదేశాంగ మంత్రి తమ నిరసనను కటువుగానే తెలిపారు. ఖలిస్తానీ మద్దతుదారులైన 25 మంది ఎంపీల అండతో ప్రభుత్వాన్ని నెట్టుకొస్తున్న కెనడా ప్రధాని జస్టిన్‌ ట్రూడో సైతం తప్పనిసరి పరిస్థితుల్లో ఈ ఘటన ఖండించాల్సి వచ్చింది. అయితే, సాక్షాత్తూ ట్రూడో ప్రాతినిధ్యం వహిస్తున్న లిబరల్‌ పార్టీ పార్లమెంట్‌ సభ్యుడు చంద్ర ఆర్య ఇదంతా ఖలిస్తానీ తీవ్రవాదుల పని అనీ, వారు లక్ష్మణ రేఖ దాటారనీ పేర్కొనడంతో సమస్యకు మూలకారణం సర్కారు వారి సొంత వైఖరిలోనే ఉందని కుండబద్దలు కొట్టినట్టయింది. సీనియర్‌ సిటిజన్లయిన భారతీయ, కెనడియన్లకు లైఫ్‌ సర్టిఫికెట్లు ఇవ్వడానికి స్థానిక హిందూ సభ మందిరంతో కలసి భారత అధికారులు దౌత్య శిబిరం నిర్వహించిన సందర్భంలో తాజా ఘటనలు జరిగాయి. ఇది మరీ దుస్సహం. అటు బ్రాంప్టన్‌లోని హిందూ సభ మందిరం, ఇటు సర్రీ లోని లక్ష్మీనారాయణ ఆలయం వద్ద జరిగిన ఘర్షణల్ని చెదురుమదురు ఘటనలు అనుకోలేం. భారత, హిందూ ధర్మ వ్యతిరేక ధోరణితో హిందూ దేవాలయాలను లక్ష్యంగా చేసుకొని అల్లరి మూకలు కొన్నేళ్ళుగా దౌర్జన్యాలకు దిగుతున్న వార్తలు తరచూ వింటూనే ఉన్నాం. భారత్‌కు వ్యతి రేకంగా, ఖలిస్తాన్‌కు అనుకూలంగా మందిరాల వద్ద గోడలపై రాతలు రాస్తున్న వైనం మీడియాలో చూస్తూనే ఉన్నాం. కెనడాతో భారత్‌ తన నిరసన తెలిపి, అక్కడి భారతీయులు, ఖలిస్తానీ అనుకూలే తరుల భద్రత గురించి ఆందోళన వ్యక్తం చేసినా ఫలితం కనిపించట్లేదు. ట్రూడో సర్కార్‌ చిత్తశుద్ధి లేమికి ఇది అద్దం పడుతోంది. కెనడాలో ప్రతి ఒక్కరూ తమకు నచ్చిన మతధర్మాన్ని స్వేచ్ఛగా, సురక్షితంగా పాటించే హక్కుందని ఆ దేశ ప్రధాని పైకి అంటున్నారు. కానీ లోలోపల సర్కారీఅండ చూసుకొనే ఆ దేశంలో మందిరాలపై ఖలిస్తానీ దాడులు పెరుగుతున్నాయనేది చేదు నిజం. కెనడాలోని పరిణామాలు ఇతరులకేమో కానీ, భారత్‌కు మాత్రం ఆశ్చర్యకరమేమీ కాదు. నిజం చెప్పాలంటే కొంతకాలంగా, మరీ ముఖ్యంగా గడచిన నాలుగేళ్ళుగా వేర్పాటువాద ఖలిస్తానీ మద్దతుదారులకు కెనడా ఒక కేంద్రంగా తయారైంది. భారత వ్యతిరేకులైన ఈ తీవ్రవాదులకు కెనడా ఆశ్రయం ఇవ్వడమే కాక, వారికి రక్షణగా నిలుస్తోంది. భారత్‌లో హింస, భయాందోళనల్ని వ్యాపింపజేస్తూ, ఆయుధాలు అందిస్తున్నట్టుగా వీరిలో చాలామందిపై భారత అధికారులు ఇప్పటికే క్రిమినల్‌ కేసులు పెట్టారు. అయినా సరే, డిజిటల్‌ మీడియా సహా వివిధ వేదికలపై ఖలిస్తాన్‌కు మద్దతుగా నిలుస్తూ, భారత వ్యతిరేక ప్రకటనలు చేస్తున్నవారిని కెనడా ప్రభుత్వం ఇంటి అల్లుళ్ళ కన్నా ఎక్కువగా చూసుకుంటోంది. నిజానికి, భారత ప్రభుత్వం కరడుగట్టిన గ్యాంగ్‌స్టర్లు ఏడుగురి పేర్లను గత ఏడాదే కెనడాకు అందజేసింది. జస్టిన్‌ ట్రూడో సర్కారు మాత్రం నిమ్మకు నీరెత్తినట్టు కూర్చుంది. వీటన్నిటి పర్యవసానమే... ఇప్పుడు కెనడాలో హిందువులపై జరుగుతున్న దాడులు. అల్లరి మూకలకు ఆశ్రయం ఇవ్వడం వల్లనే ఇలాంటి హింసాత్మక ఘటనలకు కెనడా నెలవుగా మారిందని ఇప్పుడు ప్రపంచానికి తేటతెల్లమైంది. హిందువులందరూ భారత్‌కు తిరిగి వెళ్ళిపోవాలని ఖలిస్తానీ గురుపథ్‌వంత్‌ సింగ్‌ పన్నూ గత ఏడాది బాహాటంగానే హెచ్చరించారు. మొన్నటికి మొన్న దీపావళి జరుపుకోరాదనీ బెదిరించారు. బ్రాంప్టన్, వాంకూవర్‌లలో ఖలిస్తానీ మద్దతుదారులు భారత మాజీ ప్రధాని ఇందిరా గాంధీ హత్యో దంతాన్ని ఉత్సవంలా చేసుకున్నారు. ఇంత జరుగుతున్నా ట్రూడో సర్కార్‌ మాటలకే తప్ప చేతలకు దిగలేదు. ఆగడాలను ఆపే ప్రయత్నం చేయనే లేదు. తాజా ఘటనల్లో ఖలిస్తానీ అల్లరి మూకలను ఆపే బదులు కెనడా స్థానిక పోలీసులు మౌనంగా చూస్తూ నిల్చొని, బాధిత హిందూ భక్తులపైనే విరుచుకుపడడం విడ్డూరం. కొందరు పోలీసు ఉద్యోగులు సాధారణ దుస్తుల్లో ఖలిస్తానీ జెండాలతో తిరగడం దిగ్భ్రాంతి కలిగిస్తోంది. రక్షకభటులు ఓ వర్గానికి కొమ్ముకాయడం ప్రభుత్వ పెద్దల ఆశీస్సులు లేకుండా జరిగే పని కాదు. ఇది భారతీయ కెనడియన్ల భద్రతపై ఆందోళన రేపే అంశం. ట్రూడో అధికారంలోకి వచ్చాక భారత, కెనడా సంబంధాలు అంతకంతకూ క్షీణిస్తూ వస్తున్నా యనేది బహిరంగ రహస్యం. గత ఏడాది కాలంగా సాక్ష్యాధారాలు చూపకుండా భారత్‌పై కెనడా ఆరోపణలు, మన దేశ ప్రతి విమర్శలు, మొన్న అక్టోబర్‌లో దౌత్యాధికారుల పరస్పర బహిష్కరణ దాకా అనేక పరిణామాలు సంభవించాయి. వచ్చే ఏడాది జరిగే ఎన్నికలను దృష్టిలో ఉంచుకొని ట్రూడో ఓటు బ్యాంక్‌ రాజకీయాలు చేయడానికే మొగ్గు చూపడం చివరకు ద్వైపాక్షిక సంబంధాలు ఇంతగా దెబ్బతినడానికి కారణమవుతోంది. ప్రజాస్వామ్యంలో స్వాతంత్య్రం, భావప్రకటన స్వేచ్ఛ ఉండాల్సిందే కానీ, దాని మాటున తీవ్రవాదుల ఇష్టారాజ్యం సాగనిద్దామనే ధోరణి సరైనది కాదు. ఈ వైఖరి పోనుపోనూ భారత, కెనడా ద్వైపాక్షిక సంబంధాలకే కాదు... చివరకు భవిష్యత్తులో కెనడా సొంత మనుగడకే ముప్పు తేవచ్చు. పాలు పోసి పెంచిన పాము మన ప్రత్యర్థిని మాత్రమే కాటు వేస్తుందనుకోవడం పిచ్చి భ్రమ. ట్రూడో సర్కార్‌ ఆ సంగతి ఇప్పటికైనా తెలుసుకొంటే మంచిది.

న్యూఢిల్లీ: కెనడా ప్రధానమంత్రి జస్టిస్‌ ట్రూడో తీరును కెనడాలో భారత హై కమిషనర్‌గా పనిచేసిన సంజయ్‌ కుమార్‌ వర్మ బట్టబయలు చేశారు. ట్రూడో ఆంతరంగికుల్లో ఖలిస్తానీ ఉగ్రవాదులతోపాటు భారత వ్యతిరేక శక్తులు ఉంటాయని చెప్పారు. కెనడాలో రాజకీయ అవసరాల కోసం ఖలిస్తానీ ఉగ్రవాదులకు ట్రూడో ప్రభుత్వం రక్షణ కవచంగా నిలుస్తోందని అన్నారు. భారత్‌–కెనడా మధ్య వివాదం నేపథ్యంలో సంజయ్‌ కుమార్‌ వర్మను భారత ప్రభుత్వం ఇటీవల వెనక్కి పిలిపించిన సంగతి తెలిసిందే. ఆయన తాజాగా ఓ వార్తా సంస్థకు ఇంటర్వ్యూ ఇచ్చారు. కెనడాలోని ఖలిస్తానీ శక్తులు, భారత వ్యతిరేక శక్తులు ప్రధాని ట్రూడోతో అత్యంత సన్నిహితంగా మెలుగుతుంటాయని వెల్లడించారు. ఖలిస్తాన్‌ మద్దతుదారులు ట్రూడో ఆప్తమిత్రులుగా మారిపోయారని తెలిపారు. 2018లో ట్రూడో భారత్‌ను సందర్శించినప్పుడు ఆయన వెంటనే ఖలిస్తాన్‌ సానుభూతిపరులు కూడా కనిపించారని సంజయ్‌ కుమార్‌ వర్మ గుర్తుచేశారు. ఖలిస్తాన్‌ పోరాట యోధులమని చెప్పుకుంటున్న వ్యక్తులకు కెనడాలో ఎనలేని ప్రోత్సాహం లభిస్తోందని ఆరోపించారు. ఖలిస్తానీ ఉగ్రవాది హర్‌దీప్‌ సింగ్‌ నిజ్జర్‌ హత్య కేసులో సంజయ్‌ కుమార్‌ వర్మను కెనడా ప్రభుత్వం అనుమానితుడిగా చేర్చిన సంగతి తెలిసిందే. నిజ్జర్‌ హత్య కేసు దర్యాప్తునకు భారత్‌ సహకరించడం లేదని కెనడా చేస్తున్న ఆరోపణలపై సంజయ్‌ కుమార్‌ వర్మ స్పందించారు. ఆ కేసులో భారత్‌ పాత్ర ఉన్నట్లు ఎలాంటి ఆధారాలు దొరకలేదని తేలి్చచెప్పారు. ఖలిస్తానీ ముష్కరులు కెనడాలో భారత కాన్సులేట్‌ కార్యాలయాల ఎదుట అల్లర్లు సృష్టించారని, భారత దౌత్యవేత్తలను సోషల్‌ మీడియా ద్వారా బెదిరించేందుకు ప్రయత్నించారని గుర్తుచేసుకున్నారు. దారుణ పరిస్థితుల్లో విద్యార్థులు కెనడాలో ఉన్నత విద్య అభ్యసించాలని కోరుకుంటున్న భారత విద్యార్థులు ఒకటికి రెండుసార్లు ఆలోచించాలని సంజయ్‌ కుమార్‌ వర్మ సూచించారు. ప్రస్తుతం అక్కడ పరిస్థితులు మెరుగ్గా లేవని అన్నారు. రూ.లక్షలు ఖర్చు చేసినా మంచి కాలేజీల్లో ప్రవేశాలు దొరకడం లేదని, చదువులు పూర్తిచేసుకున్నాక ఉద్యోగాలు లభించడం లేదని చెప్పారు. విద్యార్థుల్లో కుంగుబాటు, ఆత్మహత్య వంటి పరిణామాలు కనిపిస్తున్నాయని వెల్లడించారు. తాను కెనడాలో హైకమిషనర్‌గా పనిచేసిన సమయంలో వారానికి కనీసం రెండు మృతదేహాలను భారత్‌కు పంపించిన సందర్భాలు ఉన్నాయని పేర్కొన్నారు. ఉద్యోగాలు రాక, తల్లిదండ్రులకు ముఖం చూపించలేక కెనడాలో భారతీయ విద్యార్థులు ఆత్మహత్యలు చేసుకుంటున్నారని చెప్పారు. అందుకని కెనడాను ఎంచుకోకపోవడమే మంచిదని సూచించారు. ఒకవేళ భారత్‌–కెనడా మధ్య సంబంధాలు బాగున్నా కూడా విద్యార్థుల తల్లిదండ్రులకు తాను ఇదే సలహా ఇచ్చేవాడినని వ్యాఖ్యానించారు. ఎన్నో ఆశలతో వెళ్లిన విద్యార్థులు శవాలై తిరిగి వస్తున్నారని పేర్కొన్నారు. ఈ దుస్థితికి ఏజెంట్లు కూడా కొంత కారణమని విమర్శించారు. రూ.లక్షలు దండుకొని ఊరూపేరు లేని కాలేజీల్లో విద్యార్థులను చేరి్పస్తున్నారని, సరైన వసతులు కూడా కలి్పంచడం లేదని వెల్లడించారు. వారానికి కేవలం ఒక క్లాసు నిర్వహించే కాలేజీలు కూడా ఉన్నాయన్నారు. ఇరుకు గదిలో ఎనిమిది మంది విద్యార్థులు సర్దుకోవాల్సిన పరిస్థితి అక్కడ కనిపిస్తున్నాయని తెలిపారు. కెనడాలో భారతీయ విద్యార్థులు చదువులు పూర్తి చేసుకున్నప్పటికీ ఉద్యోగాలు రాక జీవనోపాధి కోసం క్యాబ్‌ డ్రైవర్లుగా పని చేస్తున్నారని, దుకాణాల్లో చాయ్, సమోసాలు అమ్ముకుంటున్నారని సంజయ్‌ వర్మ ఆవేదన వ్యక్తంచేశారు.

ఒట్టావా: కెనడా ప్రధాని జస్టిన్‌ ట్రూడోకు ఊహించని షాక్‌ ఎదురైంది. అక్టోబర్‌ 28లోగా రాజీనామా చేయాలని అధికార లిబరల్‌ పార్టికి చెందిన కొందరు సభ్యులు అల్టిమేటం జారీచేశారు. రాజీనామా చేయకపోతే తిరుగుబాటును ఎదుర్కొనేందకు సిద్ధంగా ఉండాలని హెచ్చరించారు. ఖలిస్తానీ ఉగ్రవాది హర్దీప్‌ సింగ్‌ నిజ్జర్‌ హత్యకు సంబంధించి కెనడా ప్రభుత్వ వైఖరి కారణంగా భారత్, కెనడా దౌత్య సంబంధాల్లో ప్రతిష్టంభన నెలకొనడం తెల్సిందే. ఈ నేపథ్యంలో లిబరల్‌ ఎంపీలతో ట్రూడో సమావేశమయ్యారు. బుధవారం జరిగిన ఈ అంతర్గత సమావేశంలో దాదాపు 20 మంది సభ్యులు ప్రధాని రాజీనామా చేయాలని డిమాండ్‌చేశారు. వచ్చే ఏడాది జరిగే సార్వత్రిక ఎన్నికల్లో ఘోర పరాభవాన్ని ఊహించి ఈ డిమాండ్‌ చేసినట్లు తెలుస్తోంది. అయితే మూడు గంటల పాటు జరిగిన సమావేశం అనంతరం చిరునవ్వులు చిందిస్తూ బయటికి వచ్చిన ట్రూడో.. లిబరల్స్‌ ఐక్యంగా, బలంగా ఉన్నారని మీడియాకు వెల్లడించారు. పార్టిలోని 153 మంది చట్టసభ సభ్యుల్లో 24 మంది ట్రూడో నాలుగోసారి పోటీ చేసే ప్రణాళికలను విరమించుకోవాలని, ప్రధాని పదవికి రాజీనామా చేయాలని కోరుతూ లేఖపై సంతకాలు చేసినట్లు సమాచారం.

ఒట్టావా: ఇతర వివాదాల నుంచి ప్రజల దృష్టిని మరల్చేందుకే కెనడా ప్రధాని జస్టిన్‌ ట్రూడో ఖలిస్తానీ ఉగ్రవాది హర్దీప్‌సింగ్‌ నిజ్జర్‌ హత్యోదంతాన్ని తెరపైకి తెచ్చి భారత్‌పై ఆరోపణలు చేస్తున్నారని కెనడా విపక్షనేత మాక్సిమ్‌ బెర్నియర్‌ అన్నారు. గతంలో జరిగిన తప్పిదాన్ని సరిచేసుకోవాలంటే మరణానంతరం నిజ్జర్‌ పౌరసత్వాన్ని ఉపసంహరించాలని డిమాండ్‌ చేశారు. నిజ్జర్‌ హత్యలో భారత రాయబారి ప్రమేయముందని ట్రూడో ఆరోపించడం, పరస్పర దౌత్యవేత్తల బహిష్కరణతో భారత్‌– కెనడా సంబంధాలు దెబ్బతిన్న విషయం తెలిసిందే. ఈ వివాదానికి కేంద్రబిందువైన నిజ్జర్‌ విదేశీ ఉగ్రవాది అని, అతనికి 2007లో కెనడా పౌరసత్వం లభించిందని పీపుల్స్‌ పార్టీ ఆఫ్‌ కెనడా నేత బెర్నియర్‌ అన్నారు. కెనడా గడ్డపై భారత రాయబార సిబ్బంది నేరపూరిత కార్యకలాపాలకు పాల్పడుతున్నారనేది నిజమైతే.. అది చాలా తీవ్రమైన విషయమని, తగుచర్యలు తీసుకోవాలని పేర్కొన్నారు. కానీ ఇప్పటిదాకా భారత్‌ ప్రమేయంపై ఎలాంటి ఆధారాలను ప్రభుత్వం బయటపెట్టలేదని, ఇతర వివాదాల నుంచి ప్రజల దృష్టిని మళ్లించడానికి ట్రూడో నిజ్జర్‌ హత్యను వాడుకుంటున్నారని సుస్పష్టంగా కనపడుతోందన్నారు. నిజ్జర్‌ విదేశీ ఉగ్రవాది అని, 1997 నుంచి పలుమార్లు తప్పుడు పత్రాలతో కెనడా పౌరసత్వాన్ని పొందడానికి ప్రయత్నించాడని అన్నారు. పలుమారు తిరస్కరణకు గురైనా మొత్తానికి 2007 పౌరసత్వం దక్కించుకున్నాడని తెలిపారు. నిజ్జర్‌ కెనడా పౌరుడు కాదని, అధికారిక తప్పిదాన్ని సరిచేసుకోవడానికి వీలుగా.. మరణానంతరం అతని పౌరసత్వాన్ని రద్దు చేయాలని బెర్నియర్‌ డిమాండ్‌ చేశారు. అతని దరఖాస్తు తిరస్కరణకు గురైన మొదటిసారే నిజ్జర్‌ను వెనక్కిపంపాల్సిందన్నారు.

న్యూఢిల్లీ: ఖలిస్తానీ వేర్పాటువాది హర్దీప్‌సింగ్‌ నిజ్జర్‌ హత్యకు సంబంధించి అడ్డగోలు ఆరోపణలు చేసిన కెనడా తీరును భారత్‌ మరోసారి తూర్పారబట్టింది. ఈ విషయమై ఏ ఆధారాలూ లేకున్నా కెనడా ప్రధాని జస్టిన్‌ ట్రూడో బాధ్యతారహితంగా చేసిన తీవ్ర ఆరోపణలే ఇరు దేశాల మధ్య తాజా దౌత్య వివాదానికి ఆజ్యం పోశాయంటూ ఆక్షేపించింది. నిజ్జర్‌ హత్య వెనక భారత ఏజెంట్లున్నారన్న తన ఆరోపణలకు నిఘా సమాచారమే ఆధారం తప్ప దాన్ని నిరూపించేందుకు ఎలాంటి రుజువులూ తమ వద్ద లేవని ట్రూడో బుధవారం స్వయంగా అంగీకరించడం తెలిసిందే. భారత్‌పై ఆయన ఆరోపణల్లో పస ఎంతో దీన్నిబట్టే అర్థమవుతోందని విదేశాంగ శాఖ అధికార ప్రతినిధి రణధీర్‌ జైస్వాల్‌ అన్నారు. ఆయన గురువారం మీడియాతో మాట్లాడారు. నిజ్జర్‌ ఉదంతానికి సంబంధించి కెనడా తమకు ఇప్పటిదాకా ఎలాంటి రుజువులూ ఇవ్వలేదని భారత్‌ పదేపదే చెబుతూ వస్తుండటం తెలిసిందేది.దొంగ ఏడ్పులు...నిజ్జర్‌ హత్య వెనక కూడా బిష్ణోయ్‌ గ్యాంగే ఉందని కెనడా చెబుతుండటం తెలిసిందే. ఈ నేపథ్యంలో కెనడా నుంచి భారత్‌లో అరాచకాలకు పాల్పడుతున్న ఆ గ్యాంగ్‌కు చెందిన పలువురు సభ్యులను అరెస్టు చేసి అప్పగించాలని ఎన్నిసార్లు కోరినా స్పందనే లేదని జైస్వాల్‌ స్పష్టం చేశారు. ‘‘కెనడా గడ్డపై ఉంటూ భారత వ్యతిరేక కార్యకలాపాలకు పాల్పడుతున్న ఖలిస్తానీ శక్తుల్లో గుర్జీత్‌సింగ్, గుర్జీందర్‌సింగ్, అర్‌‡్షదీప్‌సింగ్‌ గిల్, లఖ్బీర్‌సింగ్‌ లండా, గుర్‌ప్రీత్‌సింగ్‌ తదితరుల పేర్లను ట్రూడో సర్కారుకు ఎప్పుడో ఇచ్చాం. వీరిలో పలువురు బిష్ణోయ్‌ గ్యాంగ్‌ సభ్యులూ ఉన్నారు. వీరంతా ఉగ్రవాదం తదితర తీవ్ర ఆరోపణలు ఎదుర్కొంటున్నవారే. వీరిని అప్పగించాల్సిందిగా ఏళ్ల క్రితమే కోరాం. తాజాగా ఇటీవల కూడా విజ్ఞప్తి చేశాం. కానీ కనీస స్పందన లేదు’’ అని వివరించారు. ‘‘ఇలాంటి కనీసం 26 విజ్ఞప్తులు కెనడా వద్ద పెండింగ్‌లో ఉన్నాయి. భారత భద్రత కోణం నుంచి చూస్తే ఇది చాలా తీవ్రమైన అంశం’’ అని వివరించారు. ‘‘వారిపై కనీసం గట్టి చర్యలైనా తీసుకోవాలని భారత్‌ ఎన్నిసార్లు కోరినా ట్రూడో సర్కారు పెడచెవిన పెడూతూ వస్తోంది. వారి రెచ్చగొట్టే ప్రసంగాలను భావ ప్రకటన స్వేచ్ఛ ముసుగులో చూసీ చూడనట్టు వదిలేస్తోంది’’ అని ఆరోపించారు. ‘‘ఓవైపేమో భారత్‌ ఎంతగా విజ్ఞప్తి చేసినా వారిని ఉద్దేశపూర్వకంగానే పట్టుకోవడం లేదు. మరోవైపు అదే బిష్ణోయ్‌ గ్యాంగ్‌ సభ్యులు భారత ఆదేశాల మేరకు తమ దేశంలో అరాచకాలకు పాల్పడుతున్నారంటూ దొంగ ఏడ్పులు ఏడుస్తోంది’’ అంటూ జైస్వాల్‌ నిప్పులు చెరిగారు. ట్రూడో సర్కారు తాలూకు ఈ ప్రవర్తన కచ్చితంగా రాజకీయ ప్రేరేపితమేనని ఆయన స్పష్టం చేశారు. మరో ఏడాదిలో కెనడాలో ఎన్నికలు జరగనుండటం తెలిసిందే.

ఒట్టావా: భారత వ్యతిరేక శక్తులు కెనడాలో ఏకంగా అధికారవర్గంతోనూ అంటకాగాయన్న వాదనలు నిజమని నిర్ధారణ అయింది. జస్టిన్‌ట్రూడో నేతృత్వంలోని కెనడా ప్రభుత్వంతో సంప్రతింపులు జరుపుతున్నామని భారత్‌లో నిషేధిత ఉగ్రసంస్థ సిఖ్స్‌ ఫర్‌ జస్టిస్‌ చీఫ్, ఖలిస్తానీ ఉగ్రవాది గురుపత్వంత్‌ సింగ్‌ పన్నూ తాజాగా ప్రకటించారు. కెనడా ప్రధాని కార్యాలయంతో గత రెండు, మూడేళ్లుగా ఉత్తరప్రత్యుత్తరాల తంతు కొనసాగుతోందని ఆయన వెల్లడించారు. సీబీసీ న్యూస్‌ ముఖాముఖిలో ట్రూడోను పన్నూ పొగిడారు. ‘‘మీడియా సమావేశంలో ట్రూడో చేసిన ప్రకటనతో జాతి భద్రతకు, న్యాయం, చట్టం అమలుకు కెనడా ప్రభుత్వం ఎంతగా కట్టుబడిందో చాటిచెబుతోంది. పీఎం కార్యాలయంతో గత మూడేళ్లుగా సంప్రతింపులు జరుపుతున్నాం. కెనడాలో భారతీయ ఏజెంట్ల నిఘా నెట్‌వర్క్‌ గుట్టుమట్లను ప్రభుత్వానికి అందజేశాం. హర్దీప్‌ సింగ్‌ పన్నూ హత్యకు కెనడాలో భారత హైకమిషనర్‌ సంజయ్‌ వర్మ, అతని సిబ్బంది ఎలా కుట్ర పన్నారో, ఎలా అమలుచేశారో పీఎంఓకు తెలియజేశాం’’అని అన్నారు. కెనడాలో భారతీయ ఏజెంట్లు హింసను ఉసిగొల్పుతున్నారని రాయల్‌ కెనడియన్‌ మౌంటెడ్‌ పోలీసులు చేసిన ఆరోపణలనే పన్నూ వల్లెవేయడం గమనార్హం. భారతీయ–కెనడియన్‌ పౌరులు కెనడా రాజ్యాంగాన్ని గౌరవించట్లేరని పన్నూ ఆరోపించారు. భారతీయ కెనడియన్లను దేశం విడిచిపోవాలని పన్నూ గతంలో హెచ్చరించారు. ‘‘కెనడా రాజ్యాంగాన్ని పాటించని మీరు కెనడాలో ఉండకూడదు. కెనడాను వదిలేసి భారత్‌కు వెళ్లిపొండి’అని గత ఏడాది ఇండో కెనడియన్‌ హిందువులను పన్నూ హెచ్చరించడం తెల్సిందే.

ఢిల్లీ : ఖలిస్థానీ ఉగ్రవాది హర్‌దీప్‌సింగ్ నిజ్జర్ హత్య కేసులో భారత్‌ -కెనడా మధ్య దౌత్య పరమైన వివాదం రాజుకుంది. కెనడా దౌత్యవేత్తకు భారత్‌ సమన్లు జారీ చేసింది. విదేశాంగ మంత్రిత్వ కార్యాలయానికి కెనడా అధికారి స్టీవర్ట్‌ వీలర్‌ సమన్లను అందుకున్నారు.నిజ్జర్‌ హత్య కేసులో భారత హై కమిషన్‌ సహా, పలువురు దౌత్య వేత్తలను అనుమానితుల జాబితాలో చేర్చింది కెనడా. అంతేకాదు వారిని విచారణ చేపట్టేందుకు సిద్ధమైంది. ఈ తరుణంలో కెనడా ప్రధాని జస్టిన్‌ ట్రూడో నిర్ణయాన్ని ఖండించింది భారత్‌. కెనడా వాదన అసమంజసమని కొట్టిపారేసింది. ట్రూడో సర్కార్‌ రాజకీయ ఎజెండాలో భాగమేనంటూ ఫైరయ్యింది.ట్రూడోకు భారత్‌ పట్ల విధ్వేష భావం ఉందని భారత్‌ తన ప్రకటనలో తెలిపింది. భారత్‌కు వ్యతిరేకంగా తీవ్రవాద,వేర్పాటువాద ఎజెండాలతో సంబంధం ఉన్న వ్యక్తులను ట్రూడో తన కేబినెట్‌లో చేర్చుకున్నారని విమర్శించింది.ఖలిస్తాన్‌ ఉగ్రవాది నిజ్జర్‌ హత్యలో భారత రాయబారి ప్రమేయం ఉందంటూ కెనడా ప్రధాని ట్రూడో గతేడాది వ్యాఖ్యానించారు. అందుకు సంబంధించిన ఆధారాల్ని నాటి నుంచి నేటి వరకు తమతో పంచుకోలేదని భారత్‌ విదేశాంగ శాఖ వెల్లడించింది. ఇప్పుడు ఏకంగా భారత దౌత్యవేత్తలను అనుమానితుల జాబితాలో చేర్చడం రాజకీయ దురుద్దేశమేనని ఆరోపించింది. కెనడా హైకమిషనర్ సంజయ్ కుమార్ వర్మపై చేసిన వ్యాఖ్యలు హాస్యాస్పదంగా ఉన్నాయి. ‘హై కమీషనర్ సంజయ్ కుమార్ వర్మ 36 సంవత్సరాల పాటు దౌత్యవేత్తగా విశిష్టమైన సేవలందించారు. భారత్‌లోనే అత్యంత సీనియర్ దౌత్యవేత్త. సంజయ్‌ కుమార్‌ జపాన్, సూడాన్‌లలో రాయబారిగా ఉన్నారు. ఇటలీ, టర్కీ, వియత్నాం, చైనాలలో కూడా సేవలందించారు. అలాంటి దౌత్యవేత్తపై కెనడా ప్రభుత్వ తీరు హాస్యాస్పదంగా ఉంది’అని విదేశాంగ మంత్రిత్వ శాఖ పేర్కొంది.ఈ సందర్భంగా కెనడా నుంచి భారత హై కమిషనర్‌ను వెనక్కు పిలిపించింది. భారత దౌత్య సిబ్బందికి కెనడాలో రక్షణ లేదు అందుకే వెనక్కి పిలిపిస్తున్నట్లు కేంద్రం ప్రకటించింది. కేంద్రం నిర్ణయంతో హై కమిషనర్‌తో పాటు ఇతర దౌత్య సిబ్బంది భారత్‌కు తిరిగి రానున్నారు.

టొరంటో: అవిశ్వాస తీర్మానంలో కెనడా ప్రధాని జస్టిన్‌ ట్రూడో నేతృత్వంలోని మైనారిటీ ప్రభుత్వం నెగ్గింది. దీంతో ప్రతిపక్ష కన్జర్వేటివ్‌ పార్టీ పార్లమెంటులో బుధవారం ప్రవేశ పెట్టిన అవిశ్వాస తీర్మానం వీగిపోయింది. హౌస్‌ ఆఫ్‌ కామన్స్‌లో అవిశ్వాస తీర్మానానికి వ్యతిరేకంగా 211 మంది సభ్యులు ఓటేయడంతో తీర్మానం వీగిపోయింది. తీర్మానానికి మద్దతుగా కేవలం 120 మంది సభ్యులు ఓటేశారు. దీంతో విపక్షం ప్రవేశపెట్టిన అవిశ్వాస తీర్మానంలో ట్రూడో గెలుపు సులువైంది. పెరుగుతున్న ధరలు, గృహ సంక్షోభంపై అసంతృప్తితో ప్రజాదరణ తగ్గిపోయింది. దీనికి తోడు మాంట్రియల్‌లో జరిగిన ఉప ఎన్నికల్లో అధికార లిబరల్‌ పార్టీ ఓటమి పాలైంది. న్యూ డెమొక్రటిక్‌ పార్టీ 2022లో చేసుకున్న ఒప్పందానికి తూట్లు పొడుస్తూ ట్రూడో ప్రభుత్వానికి తన మద్దతును ఉపసంహరించుకుంది. దీంతో ట్రూడో ప్రభుత్వం మైనారిటీలో పడింది. 2025 అక్టోబర్‌ చివరిదాకా ప్రభుత్వానికి కాలపరిమితి ఉన్నా మైనారిటీ సర్కార్‌ కావడంతో అవిశ్వాస తీర్మానానికి ప్రతిపక్ష కన్జర్వేటివ్‌ పార్టీ పట్టుబట్టడం తెల్సిందే. ‘‘ఈ రోజు దేశానికి మంచి రోజు. కెనడా ప్రజలు ఎన్నికలను కోరుకుంటున్నారని నేను అనుకోవడం లేదు’’ అని ప్రభుత్వ వ్యవహారాల ఇంచార్జ్, సీనియర్‌ లిబరల్‌ పార్టీ నేత కరీనా గౌల్డ్‌ అన్నారు. వివిధ రాజకీయ పార్టీలతో సంప్రదింపులు జరుపుతూ, సమస్య వారీగా చట్టం చేయబోతున్నామని ఆయన తెలిపారు. ముందున్న సవాళ్లు.. అవిశ్వాసం నుంచి గట్టెక్కినా ట్రూడోకు ఇతర సవాళ్లు ఎదురవుతున్నాయి. తమ డిమాండ్లకు అంగీకరించకపోతే ప్రభుత్వాన్ని కూలదోస్తామని బ్లాక్‌ నేతలు హెచ్చరిస్తున్నారు. మరోవైపు లిబరల్స్‌ త్వరలో బడ్జెట్‌పై రెండో ఓటింగ్‌ను ఎదుర్కోనున్నారు. 2025 అక్టోబర్‌ నెలాఖరులో ఎన్నికలు జరగాల్సి ఉంది. ఈ నేపథ్యంలో నిర్వహించిన ఒపీనియన్‌ పోల్స్‌లో రైట్‌ ఆఫ్‌ సెంటర్‌ కన్జర్వేటివ్‌ పారీ్టకి భారీ ఆధిక్యం లభించింది. దీంతో వీలైనంత త్వరగా ఎన్నికలు నిర్వహించాలని తాము కోరుకుంటున్నామని కన్జర్వేటివ్‌లు చెబుతున్నారు. లిబరల్స్‌ పాలనలో ఫెడరల్‌ ఖర్చులు, నేరాలు పెరిగాయని విమర్శిస్తున్నారు. మరోవైపు సీనియర్లకు ఎక్కువ నిధులు ఇస్తే కనీసం డిసెంబర్‌ నెలాఖరు వరకు ట్రూడోను అధికారంలో ఉంచుతామని, లేదంటే గద్దె దించుతామని బ్లాక్‌ నాయకులు హెచ్చరిస్తున్నారు. క్యూబెక్‌లో నివసిస్తున్న పాడి రైతులను రక్షించే సుంకాలు, కోటాల వ్యవస్థను పరిరక్షిస్తామని బ్లాక్‌ నాయకుడు వైవ్స్‌ ఫ్రాంకోయిస్‌ బ్లాంచెట్‌ అన్నారు. అక్టోబర్‌ 29లోగా ప్రభుత్వం అధికారికంగా ఈ పని చేయకపోతే ట్రూడోను గద్దె దించేందుకు విపక్షాలతో చర్చిస్తామని ఆయన హెచ్చరిస్తున్నారు. ఇందులోనూ ఆయన విజయం సాధించాలంటే అవిశ్వాస తీర్మానం సందర్భంగా ట్రూడోకు మద్దతిచ్చిన న్యూ డెమొక్రటిక్‌ పార్టీ మద్దతు అవసరం.

ఒట్టావా: కెనడా ప్రధాని జస్టిన్‌ ట్రూడో ప్రభుత్వానికి ఊహించని గట్టి దెబ్బ తగిలింది. ట్రూడో ప్రభుత్వానికి తన మద్దతును ఉపసంహరించుకుంటున్నట్లు న్యూ డెమొక్రటిక్‌ పార్టీ (ఎన్డీపీ) నేత జగ్మీత్‌ సింగ్‌ బుధవారం ప్రకటించారు. 2022లో తమ మధ్య కుదిరిన ఒప్పందం నుంచి తప్పుకొంటున్నట్లు జగ్మీత్‌ తెలిపారు. తన నిర్ణయాన్ని ఇప్పటికే ప్రధానికి తెలియజేశానని చెప్పారు. దీంతో ట్రూడో ప్రభుత్వం మైనారిటీలో పడింది. హౌస్‌ ఆఫ్‌ కామన్స్‌లో బల పరీక్షలో నెగ్గాలంటే ఇతర ప్రతిపక్షాల మద్దతు ట్రూడోకు తప్పనిసరి. అయితే కన్జర్వేటివ్‌లను ట్రూడో ఎదుర్కోలేకపోతున్నారని జగ్మీత్‌ విమర్శించారు. ట్రూడో ప్రభుత్వం పూర్తిగా స్వార్థపరులతో నిండిపోయిందని, కార్పొరేట్‌ ప్రపంచానికి కొమ్ముకాస్తోందని జగ్మీత్‌ విమర్శించారు. వచ్చే ఎన్నికల్లో తాను ప్రధాని పదవికి పోటీ చేస్తానని జగ్మీత్‌ తన మనసులో మాట బయటపెట్టారు. 52 ఏళ్ల ట్రూడో తొలిసారిగా 2015 నవంబరులో బాధ్యతలు చేపట్టారు. గత రెండేళ్లుగా అధిక ద్రవ్యోల్బణం,గృహనిర్మాణ సంక్షోభాన్ని ఎదుర్కొంటున్నారు. గత రెండు ఎన్నికలలోనూ లిబరల్స్‌ మెజారిటీ సాధించలేదు. ఎన్డీపీ మద్దతుతో మైనారిటీ ప్రభుత్వాన్ని ట్రూడో పాలిస్తున్నారు. 2015 నవంబర్‌లో తొలిసారిగా బాధ్యతలు చేపట్టిన ట్రూడో పట్ల ప్రస్తుతం ఓటర్లలో వ్యతిరేకతతో ఉందని సర్వేలు చెబుతున్నాయి. ఇప్పుడు ఎన్నికలు జరిగితే తాను ఘోరంగా ఓడిపోతానని సర్వేలు చెబుతున్న తరుణంలో పార్లమెంటు దిగువ సభలో విశ్వాస పరీక్షలో నెగ్గడానికి ట్రూడో ప్రతిపక్ష సభ్యుల మద్దతుపై ఆధారపడాల్సి వస్తుంది. కెనడా చట్టం ప్రకారం 2025 అక్టోబర్‌ నెలాఖరులోగా ఎన్నికలు నిర్వహించాలి. సెప్టెంబర్‌ 16న హౌస్‌ ఆఫ్‌ కామన్స్‌ సమావేశాలు ప్రారంభమవుతాయి. ట్రూడో ప్రభుత్వం విశ్వాస పరీక్షలో ఓడిపోతే సార్వత్రిక ఎన్నికలకు దారితీస్తుంది. ఈ నేపథ్యంలో ముందస్తు ఎన్నికల వార్తలను ట్రూడో తోసిపుచ్చారు. న్యూ ఫౌండ్‌ ల్యాండ్‌లో జరిగిన ఓ కార్యక్రమంలో పాల్గొన్న ట్రూడో మీడియాతో మాట్లాడారు. కెనడియన్లకు సేవలందించడంపై తాను ప్రత్యేకంగా దృష్టి పెడతానని ఆయన చెప్పారు. ఇతర రాజకీయాలపై దృష్టి పెట్టబోమని ఆయన స్పష్టంచేశారు. వచ్చే సంవత్సరమే ఎన్నికలు జరుగుతాయని ఆయన పేర్కొన్నారు. దానివల్ల తమ ప్రభుత్వం సొంత ఎజెండాతో ముందుకు సాగడానికి సమయం ఉంటుందని ఆయన ఆశాభావం వ్యక్తం చేశారు.

కెనడియన్ ప్రధాన మంత్రి జస్టిన్ ట్రూడోకు భారీ ఎదురుదెబ్బ తగిలింది. వచ్చే ఏడాది సాధారణ ఎన్నికలు జరనున్న నేపథ్యంలో కీలక మిత్రపక్షం జగ్మీత్ సింగ్ నేతృత్వంలోని న్యూ డెమోక్రటిక్ పార్టీ ట్రూడో లిబరల్ ప్రభుత్వానికి మద్దతును ఉపసంహరించుకుంది.ఈ మేరకు న్యూ డెమోక్రటిక్‌ పార్టీ అధ్యక్షుడు జగ్మీత్‌ సింగ్‌ సోషల్‌ మీడియాలో ఓ వీడియో విడుదల చేశారు.. ‘ఇటీవల నిర్వహించిన సర్వేల్లో ప్రతిపక్ష కన్జర్వేటివ్‌ పార్టీ తేలికగా విజయం సాధిస్తుందని చూపుతున్నాయి. అయినప్పటికీ ప్రధాని ట్రూడో దీనిని గ్రహించలేకపోతున్నారు. ట్రూడో ప్రతీసారి కార్పొరేట్ దురాశకు గురవుతున్నారని పదే పదే రుజవవుతోంది. లిబరల్‌ పార్టీ నేతలను ప్రజలను నిరాశపరిచారు. కెనడియన్లు వారికి మరో అవకాశం ఇవ్వరు.ఒప్పందం పూర్తయింది. లిబరల్‌​ నేతలు చాలా బలహీనంగా ఉన్నారు, చాలా స్వార్థపరులు. ప్రజల కోసం పోరాడాల్సింది పోయి కన్జర్వేటివ్‌లను, వారి ప్రణాళికలను అడ్డుకునేందుకు కార్పొరేట్ ప్రయోజనాలకు కట్టుబడి పనిచేస్తోంది ఈ ప్రభుత్వం. ఇక్కడ పెద్ద కంపెనీలు, వాటి సీఈవీలతో ప్రభుత్వం పనిచేస్తుంది.. పేద ప్రజల నుంచి సొమ్మును దోచి కార్పొరేట్‌ శక్తులకు దోచిపెడుతోంది. వారు ప్రజలను నిరాశపరిచారు. కానీ ఇది ప్రజల సమయం. భవిష్యత్తులో పెద్ద యుద్ధం జరగబోతుంది. ఎన్డీపీ ఎన్నికలకు సిద్ధంగా ఉంది.’ అని పేర్కొన్నారు.అయితే 2025 వరకు ట్రూడోకు తమ మద్దతు ఉంటుందని ఎన్డీపీ ఒప్పందం చేసుకుంది. కానీ వచ్చే ఎన్నికల్లో ట్రూడో పార్టీ ఓడిపోతుందని సర్వేలు చెబుతుండటంతో ఆ పార్టీ ఈ నిర్ణయం తీసుకుంది. కాగా 2015 నుంచి కెనడా ప్రధానిగా జస్టిన్‌ ట్రూడో కొనసాగుతున్నారు. న్యూ డెమోక్రటిక్‌ పార్టీ ప్రభుత్వానికి మద్దతు విరమించుకున్నప్పటికీ ట్రూడోకు తక్షణ ప్రమాదం ఏం లేదు. ప్రధాని పదవీవిరమణ చేసి కొత్త ఎన్నికలకు వెళ్లాల్సిన రిస్క్‌ కూడా లేదు. కానీ ట్రూడో బడ్జెట్‌లను ఆమోదించాలంటే విశ్వాస ఓట్లను తట్టుకుని నిలబడాలంటే హౌస్ ఆఫ్ కామన్స్ ఛాంబర్‌లోని ఇతర ప్రతిపక్ష శాసనసభ్యుల నుంచి మద్దతు సంపాదించాల్సి ఉంటుంది. The deal is done. The Liberals are too weak, too selfish and too beholden to corporate interests to stop the Conservatives and their plans to cut. But the NDP can. Big corporations and CEOs have had their governments. It's the people's time. pic.twitter.com/BsE9zT0CwF— Jagmeet Singh (@theJagmeetSingh) September 4, 2024

సాక్షి, న్యూఢిల్లీ : కెనడా ప్రధాని జస్టిన్ ట్రూడో.. కుటుంబసభ్యులతో కలిసి ఆదివారం ఉదయం తాజ్‌మహల్‌ను సందర్శించారు. భార్య, పిల్లలతో కలిసి తాజ్ మహల్‌ వద్ద సరదాగా ఫోటోలు దిగారు. భారత్‌లో ఏడు రోజుల అధికారిక పర్యటన కోసం శనివారం ఢిల్లీకి ట్రూడో చేరుకున్న సంగతి తెలిసిందే. ఢిల్లీలోని జామా మసీదును ట్రూడో కుటుంబం సందర్శించే అవకాశముంది. 2012 తర్వాత భారత్‌లో పర్యటిస్తున్న కెనడా ప్రధాని ట్రూడోనే. ఈ నెల 23 వరకు ఆయన దేశంలో పర్యటిస్తారు. ప్రధాని మోదీ 2015 ఏప్రిల్‌లో కెనడా పర్యటనకు వెళ్లినప్పుడు.. భారత్ రావాల్సిందిగా ట్రూడోను ఆహ్వానించారు. మోదీ ఆహ్వానం మేరకు భారత్‌కు వచ్చిన ఆయన.. ఈ పర్యటనలో భాగంగా ప్రధాని మోదీతో భేటీ కానున్నారు. రక్షణ, ఉగ్రవాదం సహా పలు కీలకాంశాలపై ఇరువురు ప్రధానులు చర్చించనున్నారు. సోమవారం గుజరాత్‌లోని సబర్మతీ ఆశ్రమాన్ని, గాంధీనగర్‌లోని అక్షర్‌ధామ్‌ ఆలయాన్ని ట్రుడో సందర్శిస్తారు. అనంతరం 20న ప్రముఖ వ్యాపారవేత్తలు, సినీ నిర్మాతలతో ముంబైలో సమావేశమవుతారు. 21న స్వర్ణదేవాలయాన్ని సందర్శించనున్నారు.

న్యూఢిల్లీ: ఏడురోజుల పర్యటనలో భాగంగా కెనడా ప్రధాని జస్టిన్‌ ట్రూడో కుటుంబ సమేతంగా శనివారం భారత్‌కు చేరుకున్నారు. ఈ పర్యటనలో భాగంగా ప్రధాని మోదీతో భేటీ కానున్న ట్రూడో రక్షణ, ఉగ్రవాదంసహా పలు కీలకాంశాలపై చర్చించనున్నారు. ఈ పర్యటనలో భాగంగా ట్రూడో 18న తాజ్‌మహల్‌ను సందర్శిస్తారు. మరుసటి రోజు గుజరాత్‌లోని సబర్మతీ ఆశ్రమాన్ని, గాంధీనగర్‌లోని అక్షర్‌ధామ్‌ ఆలయాన్ని సందర్శిస్తారు. అనంతరం 20న ప్రముఖ వ్యాపారవేత్తలు, సినీ నిర్మాతలతో ముంబైలో సమావేశమవుతారు. 21న స్వర్ణదేవాలయాన్ని సందర్శించనున్నారు.

న్యూఢిల్లీ : కెనడా ప్రధాన మంత్రి జస్టిన్‌ ట్రూడెవూ బుధవారం తమిళ సంప్రదాయం ప్రకారం సంక్రాంతి వేడుకలు జరుపుకున్నారు. కెనడాలో స్థిరపడిన తమిళులతో కలసి ‘వెట్టి’ (తమిళ సంప్రదాయ దుస్తులు) ధరించిన ప్రధాని, పొంగల్‌ను తయారు చేశారు. ఈ కార్యక్రమానికి సంబంధించిన ఫొటోలను తన ట్విటర్‌ అకౌంట్‌లో పోస్టు చేశారు ట్రూడెవూ. తమిళ కెనడియన్లతో కలసి పొంగల్‌ పండుగను జరుపుకోవడం తనకు ఆనందంగా ఉందని అన్నారు. ఈ వేడుకల్లో ట్రూడెవూతో పాటు టొరంటో మేయర్‌ జాన్‌ టోరీ కూడా పాల్గొన్నారు. ట్రూడెవూ, టోరీలు కలసి పొంగల్‌ను వండటం విశేషం.

ఒట్టావా : దీపావళి పర్వదినం ససందర్భంగా హిందువులకు కెనడా ప్రధాని జస్టిన్‌ ట్రడువ్‌ మంగళవారం శుభాకాంక్షలు తెలిపారు. ట్విటర్‌లో శుభాకాంక్షలు తెలిపిన.. ఆయన అందులో పేర్కొన్న ఒక పదం వివాదాస్పదంగా మారింది. వేల మంది ఆయనపై విమర్శల జడివాన కురిపిస్తున్నారు. ఇంతకూ ఆయన తన ట్విటర్‌లో ఏమన్నారంటే... ’’ హిందువులందరికీ దీపావళి ముబారక్‌‘‘ అని చెప్పారు. నలుపు రంగు షేర్వానీలో జ్యోతి ప్రజ్వలన చేస్తున్న ఫొటో పెట్టి.. దీపావళి శుభాకాంక్షలు అని పోస్ట్‌ చేశారు. అంతేకాక ఒట్టావాలో రాత్రి దీపావళిని ఉత్సాహంగా జరుపుకుంటాం అని అందులో పేర్కొన్నారు.  జస్టిన్‌ ట్రడువ్‌ ట్వీట్‌ను 3 లక్షల మంది లైక్‌ చేశారు. ఇదాఇలా ఉండగా.. ఈ ట్వీట్‌పై సోషల్‌ మీడియాలో దుమారం రేగుతోంది. దీపావళి పండుగకు శుభాకాంక్షలు చెప్పినందుకు ముందుగా మీకు ధన్యవాదాలు.. అందుఏలో ముబారక్‌ అనే పదాన్ని తొలంగించండి అని కొందరు.. రీ ట్వీట్‌ చేశారు. మరికొందరైతే ముబారక్‌ అనేది అరబిక్‌ పదం.. దానిని హిందువులకు ఎలా ఆపాదిస్తారు? అని ప్రశ్నించారు. Diwali Mubarak! We're celebrating in Ottawa tonight. #HappyDiwali! pic.twitter.com/HBFlQUBhWX — Justin Trudeau (@JustinTrudeau) 17 October 2017


 జర్మనీలోని హాంబర్గ్‌లో వార్షిక జీ20 సదస్సు.. మొత్తం 19 దేశాల అధినేతలతో పాటు యూరోపియన్‌ యూనియన్‌ ప్రతినిధులు ఈ సదస్సుకు హాజరయ్యారు. వీరిలో కెనడియన్‌ ప్రధానమంత్రి జస్టిన్‌ ట్రూడ్‌, ఫ్రెంచ్‌ అధ్యక్షుడు ఇమ్మాన్యూల్ మాక్రోన్‌లు ఉన్నారు. దాదాపు ఒకే వయసున్న వీరిద్దరు ఎంతో స్నేహపూర్వకంగా పలకరించుకున్నారు. ఈ మీటింగ్‌ అంతా ఈ ఇద్దరు నేతలు ఒకరికొకరు నవ్వుకంటూ కనిపించడంతో సోషల్‌మీడియా థ్రిల్‌ అవుతోంది. జర్మన్‌ కేబినెట్‌ అధికారిక ఫేస్‌బుక్‌ పేజీలో, ట్విట్టర్‌లో వీరి వీడియోలను పోస్టు చేశారు.
  
 సదస్సులో వీరి స్నేహపూర్వక సంభాషణలపై, ఫోటోలపై సోషల్‌ మీడియా వావ్‌ అవుతోంది. మీటింగ్‌ అయిన తర్వాత కూడా ఈ నేతలు ఒకరికొకరు ట్వీట్లు చేసుకున్నారు. సిసిలో జరిగిన జీ7 సదస్సు సందర్భంగా మేనెలలో వీరు తీసుకున్న ఫోటోలకు కూడా సోషల్‌ మీడియాలో మంచి స్పందన వస్తోంది..  చిన్న వయసులోనే ఇమ్మాన్యుల్‌ మాక్రోన్‌ ఫ్రాన్స్‌ దేశాధ్యక్షుడిగా బాధ్యతలు వ్యవహరిస్తుండగా, జస్టిన్‌ ట్రూడ్‌ కెనడాకు ప్రధానమంత్రిగా ఉన్నారు.
 
 We all deserve to be with someone who looks at us the way #Macron and #Trudeau look at each other.


 కెనడా: పాకిస్థాన్‌ అక్షర సాహసి, బాలికల విద్యాహక్కుల పోరాట యోధురాలు, అతి పిన్న వయసులోనే నోబెల్‌ శాంతి బహుమతిని అందుకున్న మలాలా యూసఫ్‌జాయ్‌కు అరుదైన గౌరవం దక్కనుంది. కెనడా పార్లమెంటులో ఆమె ప్రసంగించనుంది. తమ దేశ పార్లమెంటులో మలాలా ప్రసంగించనుందని కెనడా ప్రధాని జస్టిన్‌ ట్రూడు స్వయంగా ప్రకటించారు. దాంతోపాటు ఆరోజు గౌరవ పూర్వకమైన సిటిజన్‌షిప్‌ కూడా అందించనున్నట్లు తెలిపారు.
 
 ఏప్రిల్‌ 12న కెనడాను 19 ఏళ్ల మలాలా సందర్శించనుందని, తమ పార్లమెంటులో ప్రసంగించనున్న అతి పిన్న వయస్కురాలు మలాలా కానుందని చెప్పారు. మలాలా 15 ఏళ్ల వయసులో ఉన్నప్పుడు తాలిబన్ల కాల్పులు జరిపిన విషయం తెలిసిందే. స్కూలు నుంచి తిరిగొస్తున్న ఆమెపై బాలికల విద్యను ప్రోత్సహిస్తుందనే కారణంతో కాల్పులు జరపగా అదృష్టవశాత్తు ప్రాణాలతో బయటపడింది. తొలుత పాక్‌లోనే చికిత్స జరిగినా తర్వాత మాత్రం బ్రిటన్‌కు తరలించి అక్కడే పూర్తిగా కోలుకునేలా చేశారు. 2014 మలాలా నోబెల్‌ అవార్డు అందుకుంది.


 బ్రిటన్‌ రాజవంశపు బుజ్జి యువరాజు జార్జ్ తెలుసు కదా! ఆ బుడతడు తాజాగా కెనడా ప్రధానమంత్రి జస్టిన్‌ ట్రుడోకు ఒక చిన్నపాటి షాకిచ్చాడు. కెనడా ప్రధాని ట్రుడో తనదైన విన్యాసాలతో ప్రపంచం దృష్టిని ఆకర్షిస్తున్న సంగతి తెలిసిందే. తాజాగా అదేవిధంగా బుజ్జి జార్జ్‌ను ఆకట్టుకోవడానికి ట్రుడో ప్రయత్నించాడు. ఆ బుజ్జాయిను మురిపించడానికి మోకాళ్లపై కూచోని షేక్‌హ్యాండ్‌ ఇవ్వమని కోరాడు. చేయి చాపి షేక్‌హ్యాండ్‌ ఇవ్వమని ఒకింత బతిమాలుకున్నాడు. అయినా.. బుజ్జి జార్జ్‌ వింటే కదా.. 'నో' అంటూ అడ్డంగా తలూపాడు. ఇక లాభం లేదనుకొని ప్రధానిగారు పైకిలేచి ఈ చిన్నపాటి ఎదురుదెబ్బను దిగమింగుకున్నారు.
 
 బ్రిటన్‌ రాజకుటుంబం ఆదివారం ఓ వారంపాటు విహరించడానికి కెనడాకు వెళ్లింది. రాజకుటుంబాన్ని సాదరంగా ఆహ్వానించడానికి కెనడా ప్రధానమంత్రి జస్టిన్‌ ట్రుడో ఆదివారం బ్రిటిష్‌ కొలంబియా విమానాశ్రయానికి వచ్చారు. ఆయనతోపాటు పలువురు కెబినెట్‌ మంత్రులు కూడా విమానాశ్రయానికి హాజరయ్యారు. వారు కేమ్‌బ్రిడ్జ్‌ డ్యూక్‌, డ్యూచెస్‌ దంపతులకు సాదరంగా ఆహ్వానం పలికారు. ఈ పర్యటనలో ప్రిన్స్‌ విలియమ్‌-కేట్‌ దంపతుల పిల్లలు ప్రిన్స్‌ జార్జ్‌, ప్రిన్సెస్‌ చార్లెట్‌ ప్రధాన ఆకర్షణగా నిలిచారు. ఈ సందర్భంగా బుజ్జి జార్జ్‌ను ఆకట్టుకోవడానికి, అతనితో షేక్‌హ్యాండ్‌ తీసుకోవడానికి ప్రధాని ట్రుడో చాలా ప్రయత్నించాడు. కానీ, ట్రుడో చేష్టలు జార్జ్‌కు ఏమాత్రం నచ్చన్నట్టు ఉన్నాయి. ఆయన ప్రధాని అనీ, ఒక దేశ పర్యటనకు వచ్చినప్పుడు దౌత్యపరమైన మర్యాదలు పాటించాలన్న సంగతి ఆ బుజ్జాయికి తెలిసి ఉండదేమో! అందుకే తనకు నచ్చని ట్రుడోకు ఏకంగా షాకిచ్చాడు.
 
 రాచరిక వారసుడైన జార్జ్‌ ప్రపంచ నేతలతో ఇలా ఆటాడుకోవడం ఇదే తొలిసారి కాదు. గతంలో అమెరికా అధ్యక్షుడు బరాక్‌ ఒబామా కలిసినప్పుడు జార్జ్‌ను కలిసినప్పుడు కూడా ఇలాగే వార్తల్లో నిలిచాడు. పైజామా ధరించి ఒబామాకు ఈ బుజ్జి జార్జ్‌ 'హాయ్‌' చెప్పాడు. పైజామా ధరించి ఒక దేశాధ్యక్షుడితో ముచ్చటించడమంటే అది 'ప్రోటోకాల్‌' ఉల్లంఘనే. బుజ్జి జార్జ్‌ దుస్తులు 'లాగి చెంప మీద కొట్టినట్టు' ఉన్నాయని అప్పట్లో ఒబామా జోక్‌ కూడా చేశారు.


 మాంట్రియల్: చైనా, కెనడాల మధ్య ద్వైపాక్షిక సంబంధాలు కొత్త పుంతలు తొక్కుతున్నాయి. కెనడా ప్రధానమంత్రి జస్టిన్ ట్రుడేవ్ బీజింగ్లో పర్యటించిన నెల రోజుల అనంతరం చైనా ప్రధాని లీ కెకియాంగ్ కెనడాలో మూడురోజుల పర్యటన చేపట్టారు. ఈ సందర్భంగా ఇరుదేశాల మధ్య విన్-విన్ సహకారం కొనసాగుతుందని లీ కెకియాంగ్ ప్రకటించారు. శుక్రవారం మాంట్రియల్లో జరిగిన కెనడియన్-చైనీస్ బిజినెస్ కౌన్సిల్లో పాల్గొన్న లీ.. ఇరుదేశాల మధ్య సంబంధాల్లో ఎలాంటి రాజీ లేదని వెల్లడించారు.
  
 అమెరికా తరువాత కెనడాకు రెండో అతిపెద్ద వ్యాపార భాగస్వామి చైనానే. 2025 నాటికి ఇరుదేశాల మధ్య వాణిజ్యాన్ని రెండింతలు చేయాలని లక్ష్యంగా పెట్టుకున్నట్లు లీ వెల్లడించారు. గత కెనడా ప్రభుత్వ హయాంలో ఇరుదేశాల మధ్య అంత ప్రభావవంతంగా లేనటువంటి సంబంధాలు ఇప్పుడు వేగంగా పుంజుకుంటున్నాయని.. ఇది ఇరుదేశాల మధ్య సంబంధాల్లో గోల్డెన్ డికేడ్ ప్రారంభం అని లీ కెకియాంగ్ ప్రకటించారు. అలాగే.. ఇరు దేశాల మధ్య పూర్తిస్థాయి స్వేచ్చా వాణిజ్యం దిశగా చర్చలు ముందుకు వెళ్తున్నాయని ఆయన వెల్లడించారు. గత ఏడాది చైనా, కెనడాల మధ్య 64.5 బిలియన్ డాలర్ల వాణిజ్యం జరిగింది.
  


 బీచ్‌లో ఓ పెళ్లి వేడుక జరుగుతోంది. తల్లిదండ్రులు వధువును వరుడి వద్దకు తీసుకెళుతున్నారు. అదే సమయంలో బీచ్‌లో చొక్కా లేకుండా విహరిస్తున్న ఓ వ్యక్తి.. వధువును తీసుకెళుతున్న తంతును ఆసక్తిగా వీక్షించాడు. తాను చొక్కా వేసుకోలేదన్న విషయాన్ని కూడా మరిచిపోయి ఏకంగా ఫొటోకు పోజిచ్చాడు! ఆయన ఎవరో కాదు కెనడా యువ ప్రధానమంత్రి జస్టిన్‌ ట్రుడో.  తాజాగా జరిగిన ఓ పెళ్లి వేడుకలో అనుకోని అతిథిలా దర్శనమిచ్చి.. కెమెరా కంటికి చిక్కిన ఆయన ఫొటో ఇప్పుడు సోషల్‌ మీడియాలో హల్‌చల్‌ చేసింది.  
 
 ఈ ఘటన గురించి ఈ పెళ్లి ఫొటోలను తీసిన ఫొటోగ్రాఫర్‌ మార్నీ రెకర్‌ తాజాగా ఫేస్‌బుక్‌లో వివరించారు. బ్రిటిష్‌ కొలంబియాలోని బీచ్‌లో ఈ వివాహ వేడుక జరిగిందని, ఓ రాజకీయ నాయకుడిలా కాకుండా ఓ సామాన్యుడిలా వివాహ తంతును ట్రుడో ఆసక్తిగా వీక్షించారని ఆయన తెలిపారు. కెనడా యువ ప్రధానమంత్రిగా బాధ్యతలు చేపట్టిన ట్రుడో అనేక ఫీట్లతో, ప్రత్యేకతలతో మీడియాలో నిలిచిన సంగతి తెలిసిందే. అయితే, ఆయన చొక్కా లేకుండానే ఆ పెళ్లి వేడకకు అతిథిగా వెళ్లినట్టు కనిపిస్తోందని, ఆయన వధువును చూడకుండా ఫొటో పోజిస్తున్నట్టు కనిపించడమే ఇందుకు నిదర్శనమని నెటిజన్లు ఛలోక్తులు విసురుతున్నారు.


 అంటారియో: అది ఓ దేశ ప్రధాని మీడియా సమావేశం. అంతర్జాతీయ సంబంధాలు, ఉగ్రవాదాన్ని నిర్మూలించేందుకు దేశం తీసుకుంటున్న చర్యలు గురించి మాట్లాడుతున్న సందర్భం. అయితే ఆ సమయంలో ఓ కొంటె రిపోర్టర్ సాక్షాత్తూ.. దేశ ప్రధానినే ఓ వ్యంగ్యమైన ప్రశ్న అడిగారు. సాధారణంగా ఇలాంటి సందర్భాల్లో విచక్షణ కోల్పోయే నేతలను మనం చాలా మందిని చూశాం. కానీ ఇక్కడ మాత్రం ఆ ప్రశ్న ఎదుర్కొన్న కెనడా ప్రధానమంత్రి జస్టిన్ ట్రుడేవ్ అందరినీ అవాక్కయ్యేలా చేశారు.
 
 వివరాల్లోకి వెళ్తే.. కెనడా ప్రధాని జస్టిన్ ట్రుడేవ్ శుక్రవారం అంటారియోలోని 'ద పెరీమీటర్ ఇనిస్టిట్యూట్ ఫర్ థీయరిటికల్ ఫిజిక్స్' ను సందర్శించారు. అనంతరం ఏర్పాటు చేసిన మీడియా సమావేశంలో ఇస్లామిక్ స్టేట్ ఉగ్రవాదాన్ని నిర్మూలించేందుకు కెనడా తీసుకుంటున్న చర్యల గురించి ప్రశ్నించే సమయంలో ఓ రిపోర్టర్ 'క్వాంటమ్ కంప్యూటింగ్ గురించి మిమ్మల్ని అడగాలనుకుంటున్నాను' అని ప్రధానితో వ్యంగ్యంగా అన్నారు. దీనిని సవాల్గా తీసుకున్న ట్రుడేవ్ క్వాంటమ్ కంప్యూటింగ్ గురించి గడగడా ఉపన్యాసం మొదలుపెట్టారు. ప్రధాని ఊహించని స్పందనతో అక్కడున్న వారంతా అవాక్కయ్యారు. కేరింతలతో ఆయన ఉపన్యాసాన్ని ఉత్సాహపరిచారు.
  
 రాజకీయాల్లోకి రాక ముందు వాంకోవర్లోని ఓ ఎలిమెంటరీ స్కూల్తో పాటు హై స్కూల్లో బోధించిన అనుభవం ట్రుడేవ్కు ఉంది. అంతేకాదు ఇంజనీరింగ్ పట్టబద్రుడైన ట్రుడేవ్.. ఎన్విరాన్మెంటల్ జాగ్రఫిలో మాస్టర్స్ డిగ్రీని సైతం అభ్యసించారు. ఈ అనుభవంతో ట్రుడేవ్ క్వాంటమ్ కంప్యూటింగ్ గురించి లెక్చర్ దంచేశాడంటున్నారు విశ్లేషకులు. ఏదేమైనా క్వాంటమ్ కంప్యూటింగ్ గురించి ట్రుడేవ్ చెప్పిన విషయాలు అతను ఆరోజు ఉదయమే దాని గురించి చదివాడా అన్నంత ఆశ్చర్యానికి గురిచేశాయని యూనివర్సిటీ ఆఫ్ వాటర్లూ ప్రొఫెసర్ మార్టిన్ లఫోరెస్ట్ అన్నారు.
  


 ఒట్టావా: సిక్కులపట్ల అనుసరించిన వైఖరికిగాను 102 ఏళ్ల సుదీర్ఘ విరామనంతరం సోమవారం క్షమించమని కెనడా ప్రధాని జస్టిన్ ట్రుడెవ్ కోరారు. ఒట్టావోలో జరిగిన బైసాఖి ఉత్సవాల్లో ఆయన మాట్లాడుతూ.. ఆ రోజుల్లో ఉండే వివక్షపూరిత వలస చట్టాలే కారణమన్నారు. 376 మందిని సిక్కుల్ని వెనక్కి పంపగా.. దురదృష్టవశాత్తు కొమగటమారు షిప్‌లో 19 మందిని బ్రిటిష్ సైనికులు కాల్చి చంపారు.
 
 సిక్కులకు క్షమాపణ చెబుతానని గతేడాది ఎన్నికల ప్రచారంలో జస్టిన్ ట్రుడెవ్ వాగ్దానం చేశారు. గతంలో కెనడా ప్రధానిగా పనిచేసిన స్టీఫెన్ హార్పర్ కూడా సిక్కులకు క్షమాపణ సంగతి తెలిసిందే.


 పరిపాలనా సంగతులు ఎలాఉన్నా ఇతర వ్యాపకాలతో మీడియా దృష్టిని ఆకర్షిస్తూ ఉంటారు కొందరు దేశాధినేతలు. గుర్రపుస్వారీ చేయటమో, బైక్ పై దూసుకెళ్లటమో, ప్రోటోకాల్ పక్కన పెట్టి నలుగురితో కలిసి చిందులెయ్యటమో లేక లక్షల రూపాయల సూట్లు ధరించడమో.. లాంటివి చేస్తూ జనం, మీడియా దృష్టిని ఆకర్షిస్తూంటారు. రష్యా అధ్యక్షుడు వ్లాదిమిర్ పుతిన్, అమెరికన్ ప్రెసిడెంట్ బారక్ ఒబామా, భారత ప్రధాని నరేంద్ర మోదీలు ఆయా సందర్భాల్లో తమ ప్రత్యేకతను చాటుకున్నారు. ఇప్పుడీ జాబితాలో కెనడియన్ ప్రైమ్ మినిస్టర్ జస్టిన్ ట్రుడెయు కూడా చేరిపోయారు.
 
 44 ఏళ్లకే ఉత్తరఅమెరికా ఖండంలోని అతిపెద్ద దేశమైన కెనడాకు ప్రధానిగా ఎన్నికయిన జస్టిన్.. రాజకీయాల్లోకి రాకముందు అథ్లెట్. స్నో బోర్డింగ్, యోగాల్లో విశేష ప్రావిణ్యం సాధించారు. ఎన్నికల ప్రచారంలోనూ చంటిపిల్లల్ని ఒంటిచేత్తో పైకెత్తి తన ప్రతిభచాటుకున్నారు. ఉత్సాహవంతుడైన జస్టిన్ తన కార్యాలయంలోని టేబుల్ పై పీకాక్ పోజ్ (మయూరాసనం) వేసిన ఫొటో ఒకటి ప్రస్తుతం సోషల్ మీడియాలో చక్కర్లు కొడుతోంది.
  
 నిజానికి ఈ ఫొటో మూడేళ్ల కిందటిది. 2013, ఏప్రిల్ లో జస్టిన్ స్వయంగా తన ట్విట్టర్ అకౌంట్ లో ఈ ఫొటోను పోస్ట్ చేశారు. అయితే ఆయన అభిమానులు కొందరు ఆ పాత ఫొటోను మళ్లీ రీట్వీట్ చేయడంతో ఇప్పుడిది వైరల్ అయింది. ఫొటోతోపాటు 'మీ దేశ ప్రధాని ఇలా చెయ్యగలడా?' అంటూ జస్టిన్ అభిమానులైన కెనడియన్లు నెటిజన్లను ప్రశ్నిస్తున్నారు. మరి మీరేం బదులిస్తారు?
 
  
  


 ఒట్టావా: ఇస్లామిక్ గ్రూప్ ఉగ్రవాదుల స్థావరాలున్న ఇరాక్, సిరియా దేశాలపై గత కొన్ని నెలలుగా జెట్ విమానాల ద్వారా యుద్ధం కొనసాగిస్తున్న కెనడా కొద్ది రోజుల్లో వెనక్కి తగ్గనుంది. ఆ దేశాల్లో దాడులు కొనసాగిస్తోన్న తమ దేశ 6 యుద్ధ విమానాలను వెనక్కి రప్పించాలని తాజాగా నిర్ణయించింది. దేశ పౌరుల అభిప్రాయాన్ని పరిగణనలోకి తీసుకోవడం వల్లే ఈ నిర్ణయం తీసుకున్నట్లు ప్రభుత్వ అధికార ప్రతినిధి తెలిపారు. ప్రస్తుతం అమెరికా యుద్ధ విమానాలు సిరియా, ఇరాక్ లపై దాడులు చేస్తుంది. ఫిబ్రవరి 22న ఆరు యుద్ధ విమానాలను కెనడాకు రప్పించనున్నట్లు రక్షణశాఖ మంత్రి హర్గిత్ సజ్జన్ వెల్లడించారు. ప్రధాని జస్టిన్ ట్రూడ్, రక్షణశాఖమంత్రి, ఇతర ఉన్నతాధికారులు ఈ విషయమై సమావేశమయ్యారు. వచ్చే మూడేళ్లకుగానూ మిడ్ ఈస్ట్ ప్రాంతానికి సుమారు 5 వేల కోట్లు వెచ్చిస్తామని ప్రకటించారు.
 
 ఉగ్రదాడులకు పాల్పడే మిలిటెంట్ల కంటే కెనడా చాలా పటిష్టంగా ఉందని ప్రధాని ట్రూడ్ వ్యాఖ్యానించారు. శత్రువులు అసలు ఏం చేయాలనుకుంటున్నారో తెలుసుకోవాలని భావిస్తున్నట్లు చెప్పారు. టెర్రరిస్టులపై పోరాడుతున్న వారికి ఎప్పుడు తమ సహకారం ఉంటుందని, మూడింట రెండు వంతుల ప్రజల నిర్ణయం మేరకు దాడులకు ప్రస్తుతం ఆపివేస్తున్నామని పేర్కొన్నారు. ఒకవేళ అవసరమనుకుంటే ఉగ్రదేశాలపై బాంబు దాడులు చేసేందుకు సిద్ధమని ట్రూడ్ వివరించారు.


 ఒట్టావా: కెనడా నూతన రక్షణశాఖ మంత్రిగా భారత సంతతికి చెందిన సిక్కు హర్జిత్ సజ్జన్ గురువారం ప్రమాణం చేశారు. కెనడా ప్రధానమంత్రి జస్టిన్ ట్రుడో నేతృత్వంలో 30 మందితో కూడిన క్యాబినెట్ బృందం గురువారం ఒట్టావాలో అట్టహాసంగా ప్రమాణం స్వీకరించిది. ఈ 30 మంది క్యాబినెట్ బృందంలో సజ్జన్ ఒకరు. లెఫ్టినెంట్ కల్నల్‌గా కెనడా ఆర్మీలో పనిచేసిన ఆయన ఇటీవలి ఎన్నికల్లో వాంకోవర్ దక్షిణ నియోజకవర్గం నుంచి ఎంపీగా గెలుపొందారు.
 
 కెనడా సైన్యంలో విశేష సేవలందించిన సజ్జన్ గతంలో బొస్నియాతోపాటు ఆఫ్గనిస్థాన్‌లోని కాందహార్‌లో పనిచేశారు. కాందహార్ ప్రాంతంలో సైనికాధికారిగా పనిచేసిన సమయంలో అక్కడ తాలిబన్ ప్రభావాన్ని తగ్గించేందుకు గణనీయంగా కృషిచేశారు. ఇందుకుగాను 2013లో ఆయనకు మెరిటోరియస్ సర్వీస్ మెడల్ పొందారు. 'స్థానిక సంస్కృతులు, గిరిజన ఆచార వ్యవహారాలు తెలిసిన వ్యక్తిగా ఆయన ఆఫ్గన్ గిరిజన నాయకులతో చర్చలు జరిపేందుకు సీనియర్ అధికారులకు సహాయపడ్డారు.  తద్వారా అక్కడ తిరుగుబాటుదారులపై సైన్యం పైచేయి సాధించేందుకు తోడ్పడ్డారు' అని ఈ మెడల్‌కు సంబంధించిన ప్రశంసాపత్రంలో ప్రభుత్వం ఆయన సేవలను కొనియాడింది. 45 ఏళ్ల సజ్జన్ పుట్టింది భారత్‌లోనే. ఆయన ఐదేళ్ల వయస్సుండగా ఆయన కుటుంబం భారత్‌ నుంచి కెనడా వలసవచ్చింది.
 
 దాదాపు 50 ఏళ్ల కిందట తన తండ్రి చేపటిన ప్రధాని పదవిని ప్రస్తుతం జస్టిన్ ట్రుడో చేపడుతుండటం.. ఆయనపై భారీ అంచనాలు ఉన్నాయి. ఈ అంచనాలకు తగ్గట్టే సమర్థమైన క్యాబినెట్ బృందంతో ట్రుడో ఒట్టావోలోని రిడ్యూ హాల్‌లో కెనడా 29వ ప్రధానిగా పదవీ బాధ్యతలు చేపట్టారు. కెనడా ప్రస్తుతం ఇరాక్, సిరియాలో ఐఎస్ఐఎస్ ఉగ్రవాదులపై పోరాడుతున్న నేపథ్యంలో కొత్త రక్షణమంత్రిగా సజ్జన్‌పై పెద్ద బాధ్యతే ఉంది.
 
  


 కొత్తతరం నేతలకు పట్టం కడుతున్న ప్రపంచ దేశాలు
 కెనడా పార్లమెంటు ఎన్నికల్లో జస్టిన్ భారీ విజయం
 గ్రీస్‌లో ఏడాది వ్యవధిలో రెండుసార్లు గెలిచిన సిప్రాస్
 చెక్ రిపబ్లిక్‌లో సొబొట్కా, బెల్జియంలో మైఖేల్, ఐస్‌ల్యాండ్‌లో సిగ్మండూర్, పోలండ్‌లో డుడా గెలుపు
 యువతరం ఆలోచనలను ప్రతిఫలిస్తున్న ఫలితాలు
 సమానత్వం - సంక్షేమానికి నేతల నిబద్ధతే కొలబద్ద
  
  ప్రపంచ వ్యాప్తంగా ప్రజాస్వామ్య దేశాల్లో కొత్త పవనాలు వీస్తున్నాయి. నవీన ఆలోచనా ధోరణి.. అందరూ సమానమేనన్న సమగ్ర దృ క్పథం.. ప్రజా సంక్షేమం పట్ల నిబద్ధత.. అనే విలువలే కొలబద్దగా నవతరం నాయకులకు ప్రపంచ యువతరం పట్టం కడుతోంది. సామాన్యులకు దూరంగా వినువీధుల్లో విహరించే బడా నేతలను గతంలోకి పంపిస్తూ.. నిత్యం ప్రజలతో మమేకమవుతూ వారికి సంబంధించిన సమస్యలను ఎప్పటికప్పుడు తెలుసుకుంటూ స్పందించే వారిని తెరపైకి తెచ్చి పగ్గాలు అప్పగిస్తోంది. మితవాద, అతివాద ధోరణులను పక్కనపెట్టి.. స్వేచ్ఛ, స్వాతంత్య్రం, ప్రజాస్వామ్యం, సమానత్వం వంటి విలువలకు పెద్ద పీట వేసే లిబరల్, డెమొక్రటిక్, సోషలిస్ట్ పార్టీలకు అధికారం అందిస్తోంది. నవతరం నేతల సారథ్యంలోని ఈ పార్టీలు వినూత్న ఆలోచనా రీతులతో ప్రజల చెంతకు చేరుతూ వారి ఆదరణ పొందుతున్నాయి. నిన్నటి కెనడా ఎన్నికలు కానీ.. మొన్నటి గ్రీస్ ఎన్నికలు కానీ.. అంతకుముందు డెన్మార్క్, నెదర్లాండ్స్, ఐస్‌ల్యాండ్, అల్బేనియా, చెక్ రిపబ్లిక్, క్రొయేషియా, బల్గేరియా వంటి దేశాల్లో ఈ నూతన రాజకీయ పవనాలు ప్రపంచ వ్యాప్తంగా మారుతున్న యువతరం ఆలోచనకు అద్దంపడుతున్నాయి.   
  - సెంట్రల్ డెస్క్
  
  కెనడాలో జస్టిన్ ట్రుడో గెలుపు
  కెనడాలో గత సోమవారం సార్వత్రిక ఎన్నికలు జరిగాయి. యువనేత జస్టిన్ ట్రుడో సారథ్యంలోని లిబరల్ పార్టీ మెజారిటీ (హౌస్ ఆఫ్ కామన్స్‌లోని మొత్తం 338 సీట్లలో 184 సీట్లు గెలిచి) సాధించింది. కేవలం 43 సంవత్సరాల వయసున్న జస్టిన్ నవంబర్ 4వ తేదీన ప్రధానమంత్రిగా ప్రమాణ స్వీకారం చేయబోతున్నారు. తొమ్మిదేళ్లుగా అధికారంలో ఉన్న ప్రస్తుత ప్రధాని స్టీఫెన్ హార్పర్ నేతృత్వంలోని కన్సర్వేటివ్ పార్టీ 99 సీట్లకే పరిమితమై ప్రతిపక్షంలోకి మారింది. ఈ ఎన్నికలకు ముందు మూడో స్థానంలో ఉన్న లిబరల్ పార్టీ నాలుగేళ్లలోనే ఇంతటి ఘన విజయం సాధించటానికి కారణం.. నవతరం ఆలోచనలను ప్రతిబింబించే జస్టిన్ నూతన దృక్పథం నాయకత్వ లక్షణాలేనని ఆయన అభిమానులు, పరిశీలకులు విశ్లేషిస్తున్నారు.
 
 కెనడా మాజీ ప్రధాని పియర్రీ ట్రుడో కుమారుడైన జస్టిన్ సాహిత్యంలో బీఏ, ఆ తర్వాత ఎడ్యుకేషన్‌లో డిగ్రీ చేసి.. ఫ్రెంచ్, మ్యాథ్స్ టీచర్‌గా పనిచేశారు. అనంతరం ఇంజనీరింగ్ కూడా అభ్యసించారు. ఆ తర్వాత పర్యావరణ ఇంజనీరింగ్‌లో మాస్టర్స్ డిగ్రీ చేస్తుండగా క్రియాశీల రాజకీయాల్లోకి వచ్చారు. మరోవైపు వివిధ సామాజిక, భద్రతా కార్యక్రమాల ప్రచారం కోసం ఉద్యమించారు. యుక్తవయసు నుంచే లిబరల్ పార్టీకి మద్దతునిచ్చిన జస్టిన్.. 2013లో పార్టీ అధ్యక్షుడిగా ఎన్నికయ్యారు.
 
  జస్టిన్ తాను స్త్రీవాది (ఫెమినిస్ట్)నని బహిరంగంగా ప్రకటించారు. తన తల్లి తనను స్త్రీవాదిగా పెంచారని.. ప్రతి ఒక్కరి హక్కులనూ గౌరవించే విలువలను తన తండ్రి నేర్పించారని జస్టిన్ ఒక చర్చలో పేర్కొన్నారు. వీడియోగేముల్లో, సాధారణ సాంస్కృతికలో మహిళలను చూపుతున్న విధానం పట్ల ప్రతి ఒక్కరూ నిరసన తెలియజేయాలన్నారు. అబార్షన్ అనేది మహిళల ఇష్టాఇష్టాలకే వదిలేయాలని.. మహిళల హక్కులకు లిబరల్ పార్టీ కట్టుబడి ఉందని స్పష్టంచేశారు. కెనడా జనాభాలో కేవలం 4.3 శాతంగా ఉన్న ఆదివాసీ (మూలవాసులు) బాలికలు, మహిళలు.. దేశంలో హత్యా బాధితుల్లో 16 శాతంగా ఉండటాన్ని ప్రస్తావిస్తూ.. వారికి ప్రత్యేక ప్రాధాన్యతనిస్తానని ప్రకటించారు.
 
 ఆదివాసీలతో సత్సంబంధాలు నెలకొల్పటానికి.. వారి విద్యాభివృద్ధికి, అదృశ్యమైన, హత్యకుగురైన ఆదివాసీ బాలికలు, మహిళల విషయంలో జాతీయ స్థాయి దర్యాప్తుకు ఆదేశిస్తానని చెప్పారు. అలాగే.. 25 వేల మంది సిరియా శరణార్థులకు ఆశ్రయమిస్తామని ప్రకటించారు. ట్విటర్, ఫేస్‌బుక్ వంటి అధునాతన సామాజిక సమాచార వ్యవస్థలతో నిత్యం ప్రజలతో అందుబాటులో ఉండటమే కాదు.. ఎక్కడికి వెళ్లినా అక్కడి వారిలో ఒకడిగా కలిసిపోయి మెసలటం.. వారితో కలిసి ఫొటోలు, సెల్ఫీలు దిగటం వంటివి ఆయనను ప్రజలకు మరింత చేరువ చేశాయి. ఒక మాజీ ప్రధాని కుమారుడే అయినా.. తనకంటూ సొంత ఇమేజ్ సృష్టించుకున్న నేత జస్టిన్.
 
 ఆయనను ఎందుకు అభిమానిస్తారనే దానిని ఒక యువ అభిమాని మాటల్లో చెప్తే.. ‘‘ఆయన ఒక స్త్రీవాది. మహిళలను ఆయన విశ్వసిస్తారు. పార్లమెంటులో స్త్రీ, పురుష సమానత్వం సాధించటం లక్ష్యంగా పెట్టుకున్నారు. మధ్యతరగతిని రక్షించాలని కోరుకుంటారు. కెనడాలోని ఆదివాసీ ప్రజల పట్ల సానుకూలంగా, క్రియాశీలంగా వ్యవహరించాలని అనుకుంటారు. ఆయన యువకుడు.. ప్రస్తుత తరం అవసరాల గురించి పట్టించుకుంటారు. దానికి తోడు.. చక్కగా నాట్యం చేస్తారు.. అందగాడు.. ఇంకా ఏం చెప్పాలి?’’
  
  ఒబామా, మెద్వెదేవ్, కామెరాన్‌లూ నవతరమే...
  వీరేకాదు.. అమెరికా అధ్యక్షుడు బరాక్ ఒబామా ‘మార్పు’ నినాదంతో 2009 జనవరిలో తొలిసారి ఆ పదవిని చేపట్టినప్పుడు ఆయన వయసూ 39 ఏళ్లే. డెమొక్రటిక్ పార్టీ అభ్యర్థిగా మళ్లీ 2012లో వరుసగా రెండోసారీ అధ్యక్షుడిగా ఎన్నికయ్యారు. అధ్యక్షుడు కాకముందు పౌర హక్కులపై ప్రభుత్వ న్యాయవాదిగా, చికాగోలో కమ్యూనిటీ ఆర్గనైజర్‌గా పనిచేశారు. ఆ తర్వాత 2004లో సెనేటర్‌గా ఎన్నికయ్యారు.
 
 ►ఇక రష్యా ప్రస్తుత ప్రధానమంత్రి దిమిత్రీమెద్వెదేవ్.. 2008లో మూడో దేశాధ్యక్షుడిగా ఎన్నికైనపుడు ఆయన వయసూ 42 సంవత్సరాలే. రష్యా అధ్యక్షులందరిలో అతి పిన్న వయస్కుడు. యునెటైడ్ రష్యా పార్టీ నేత అయిన మెద్వెదేవ్, ప్రస్తుత దేశాధ్యక్షుడు, మాజీ ప్రధానమంత్రి వ్లాదిమిర్ పుతిన్‌లు స్నేహితులు.
 ►యునెటైడ్ కింగ్‌డమ్ (బ్రిటన్) ప్రధానమంత్రి డేవిడ్ కామెరాన్ 2010లో తొలిసారి ఆ పదవిని చేపట్టినపుడు ఆయన వయసు 46 సంవత్సరాలు. 2001లో ఎంపీగా గెలిచిన ఆయన 2005 నుంచి కన్సర్వేటివ్ పార్టీ అధ్యక్షుడిగా ఉన్నారు.
  
  పోలండ్: ఆంద్రెజ్ సెబాస్టియన్ డుడా
  పోలండ్ రాష్ట్రపతిగా ఆంద్రెజ్ సెబాస్టియన్ డుడా ఈ ఏడాది ఆగస్టులో ఎన్నికయ్యారు. ఆయన వయసు 43 సంవత్సరాలు. అంతకుముందు న్యాయవాదిగా, పార్లమెంటు సభ్యుడిగా ఉన్న డుడా.. లా అండ్ జస్టిస్ పార్టీ అభ్యర్థిగా పోటీ చేసి గెలిచారు.
  
  గ్రీస్‌లో సిప్రాస్‌కు పట్టం
  ఏడాది వ్యవధిలో రెండోసారి గ్రీస్ ప్రధానిగా ఎన్నికైన అలెక్సిస్ సిప్రాస్ కూడా నవతరం ప్రతినిధే. ఆయన వయసు 41 ఏళ్లే. 2009 నుంచి వామపక్ష సిరిజా పార్టీ నేతగా ఉన్న అలెక్సిస్.. ఈ ఏడాది జనవరిలో తొలిసారి ప్రధానిగా ఎన్నికయ్యారు. అయితే.. గ్రీస్ రుణాలను సకాలంలో తీర్చకపోవటంతో తలెత్తిన ఆర్థిక సంక్షోభం నేపథ్యంలో.. దాని నుంచి బయటపడేందుకు ప్రజలపై పన్నుల భారం మోపాలన్న షరతులను నిరాకరించి ప్రజలపక్షానే ప్రభుత్వం ఉండాలన్న తన నిబద్ధతను చాటుకున్నారు. ఈ క్రమంలో ప్రజాప్రతినిధుల మద్దతు తగ్గటంతో ఆగస్టులో రాజీనామా చేసి ఎన్నికలకు వెళ్లారు. సెప్టెంబర్‌లో జరిగిన ఎన్నికల్లో విజయం సాధించారు.
  
  చెక్ రిపబ్లిక్: బొహుస్లావ్ సొబొట్కా
  చెక్ రిపబ్లిక్ ప్రధానిగా వామపక్ష నేత బొహుస్లావ్ సొబొట్కా 2014 జనవరిలో బాధ్యతలు చేపట్టారు. 44 ఏళ్ల సొబొట్కా 2011 నుంచి సోషల్ డెమొక్రటిక్ పార్టీ చైర్మన్‌గా ఉన్నారు. అంతకుముందు 2002-2006 మధ్య ఆర్థికమంత్రిగా కూడా పనిచేశారు. వెల్వెట్ విప్లవం కారణంగా అధికారం కోల్పోయిన 24 ఏళ్ల తర్వాత వామపక్ష పార్టీ సొబొట్కా సారథ్యంలో మళ్లీ అధికారంలోకి వచ్చింది. దేశంలో ఆర్థికవ్యవస్థ ఇబ్బందుల్లో పడటం.. ప్రభుత్వం చేపట్టిన పొదుపు చర్యలు, పన్నుల భారం వంటి వాటితో పాటు.. అవినీతి ఆరోపణలు పెరిగిపోయిన పరిస్థితుల్లో సోషల్ డెమొక్రటిక్ పార్టీని మళ్లీ ముందుకు తీసుకురావటంలో సొబొట్కా విజయం సాధించారు.
  
  బెల్జియం: చార్లెస్ మైఖేల్
  బెల్జియం ప్రధానిగా 39 ఏళ్ల చార్లెస్ మైఖేల్ 2014 అక్టోబర్‌లో ఎన్నికయ్యారు. చార్లెస్ 2011లో లిబరల్ పార్టీ మూవ్‌మెంట్ రిఫార్మేటర్ పగ్గాలు చేపట్టారు. పాతికేళ్ల వయసుకే హోంమంత్రిగా బాధ్యతలు చేపట్టారు. 2014లో ఏ పార్టీకీ మెజారిటీ రాని సందర్భంలో సంకీర్ణ సర్కారును ఏర్పాటు చేసి ప్రధానిగా బాధ్యతలు చేపట్టారు. కష్టపడి పనిచేసే తత్వం, శాంతంగా ఉండటంతో పాటు.. రాజకీయ వ్యూహం ఆయనను గెలిపించాయి. ఫ్రెంచి భాష మాట్లాడేవారు. ఫ్లెమిష్ భాష మాట్లాడేవారి మధ్య విభేదాలు దేశంలో ఫ్రెంచి భాషస్తుడైన మైఖేల్ ఫ్లెమిష్ కూడా మాట్లాడగలగటం వల్ల.. ఇరు భాషల వారి మధ్య వారధిగా మారారని అభివర్ణిస్తున్నారు.
  
  ఐస్‌ల్యాండ్: సిగ్మండూర్ తావియో కున్లాయిక్సన్
  ఐస్‌ల్యాండ్ ప్రధానమంత్రిగా 2013 మేలో సిగ్మండూర్ ఎన్నికయ్యారు. ప్రస్తుతం ఆయన వయసు 40 ఏళ్లు. ఆయన 2009 నుంచి ప్రోగ్రెసివ్ పార్టీ చైర్మన్‌గా ఉన్నారు. 2013 ఎన్నికల్లో ఏ పార్టీకీ మెజారిటీ లభించని పరిస్థితుల్లో ఇండిపెండెన్స్ పార్టీతో కలిసి సంకీర్ణ ప్రభుత్వాన్ని ఏర్పాటు చేశారు.


 ఇప్పుడు పాశ్చాత్య ప్రపంచమంతా కెనడా ప్రధాన మంత్రి జస్టిన్ ట్రూడో వైపు చూస్తోంది. అంతర్జాతీయంగా చమురు ధరలు పడిపోవడంతో దిగజారిపోతున్న కెనడా ఆర్థిక వ్యవస్థను ఎలా చక్కదిద్దుతారన్నదే అందరి ఆసక్తి. చమురు ధరలు పడిపోవడానికి, దినుసుల ధరలు పెరగడానికి సంబంధం ఏమిటి? ధనికులు, పేదల మధ్య వ్యత్యాసం రోజురోజుకు ఎందుకు పెరుగుతోంది, వినియోగదారుల్లో ఎక్కువ శాతం ఉండే మధ్యతరగతి ప్రజలను గత ప్రభుత్వాలు ఎందుకు విస్మరిస్తూ వచ్చాయి? ఇవన్నీ ప్రధానమంత్రిగా పోటీ చేయడానికి ముందు జస్టిన్‌ను తొలచిన ప్రశ్నలు. వ్యవస్థలోనే ఏదో లోపం ఉందని గ్రహించడానికి ఆయనకు ఎంతో కాలం పట్టలేదు.
 
 మాజీ ప్రధానమంత్రి పియెర్రా ట్రూడో వారసుడిగా రాజకీయాల్లోకి వచ్చినా, 2008లో తొలిసారిగా ఎంపీగా ఎన్నికైనా రాజకీయాలను మరీ సీరియస్‌గా తీసుకోలేదు. రాజకీయాల కన్నా కుటుంబం ముఖ్యమనుకున్నారు. భార్య సోఫీతో పాటు ముగ్గురు పిల్లల భవిష్యత్తుపై దృష్టి పెట్టారు. వారికి బంగారు భవిష్యత్తును కల్పించే సామాజిక పరిస్థితులు దేశంలో ఉన్నప్పుడే వారి భవిష్యత్తు కూడా బాగుంటుందని భావించారు. అలా జరగాలంటే సామాజికంగా, రాజకీయంగా, ఆర్థికంగా దేశ వ్యవస్థ మారాలని అనుకున్నారు. అందుకు తానే శ్రీకారం చుట్టాలనుకున్నారు. క్రియాశీలక రాజకీయాల్లో పాల్గొనడం ద్వారా 2013లో లిబరల్ పార్టీ పగ్గాలు స్వీకరించారు.
 
 రాజకీయాల్లోకి రాక ముందు నుంచి క్యూబా నాయకుడు ఫిడెల్ కాస్ట్రో, అమెరికా మాజీ అధ్యక్షుడు జిమ్మీ కార్టర్‌ను అమితంగా అభిమానించే జస్టిన్ వివాదాస్పద నిర్ణయాలు, ప్రకటనల ద్వారా మీడియా దృష్టిని ఆకర్షించేవారు. గంజాయిని చట్టబద్ధం చేయాలని వాదించడమే కాకుండా 2010లో తాను స్వయంగా గంజాయితో నింపిన హుక్కాను తాగానని బహిరంగంగా ప్రకటించారు.
 దేశంలోని మహిళలకు అబార్షన్ హక్కు ఉండాలని డిమాండ్ చేయడమే కాకుండా, ఆడవాళ్లు కోరుకుంటే బురఖాలు ధరించే హక్కు కూడా వారికుందని వాదించారు. పైగా తాను మహిళా పక్షపాతినని చెప్పుకున్నారు. అబార్షన్ హక్కుకు ఓటేయని వారికి పార్టీ ఎన్నికల్లో పోటీ చేసే హక్కు కూడా లేదని వాదించారు. ఈ హక్కుతో విభేదించిన పార్టీ సభ్యులకు 2015 ఎన్నికల్లో టిక్కెట్లు కూడా నిరాకరించారు.
 
 ఎప్పడూ నీట్‌గా షేవ్ చేసుకొని నిండైన విగ్రహంలా కనిపించే జస్టిన్ స్ఫురద్రూపి. ఎడమ భుజంపై హైదా జాతి జనులున్న (కెనడా ప్రజల మూల జాతి) భూగోళం చిత్రాన్ని చెక్కిన టాటూ ఉంటుంది. రాజకీయాల్లోకి రాకముందు ఉపాధ్యాయ వృత్తిని కొనసాగించిన జస్టిన్‌కు నాటకాల్లో మంచి నటుడిగా, రచయితగా కూడా మంచి పేరుంది.
 
 2015 ఎన్నికల్లో ఓడిపోతారన్న ఎన్నికల విశ్లేషకులు అంచనాలను ఊహించని విధంగా తారుమారు చేశారు. దానికి కారణంగా ఓ వీధిలోని కిరాణా షాపు నుంచి తాను ప్రారంభించిన ప్రచారయాత్రే కారణమని ప్రధాని బాధ్యతలు స్వీకరించాక తెలిపారు. దినసరి సరుకులు కొనేందుకు వచ్చే ప్రజలను, ముఖ్యంగా మధ్యతరగతి వారిని ప్రత్యక్షంగా కలుసుకొని వారి కష్టసుఖాలు విచారించేవాడినని, ఆ తర్వాత మెట్రో రైల్వేస్టేషన్ల వద్దకు వెళ్లి వచ్చిపోయే ప్రయాణికుల జీవితానుభవాలను విచారించేవాడినని చెప్పారు. వారి జీవితానుభవాలను ఆకళింపు చేసుకోవడం వల్లనే ఆర్థిక వ్యవస్థను ఎలా సరిదిద్దవచ్చో,  ప్రజాస్వామ్యం బలపడేందుకు ఎలాంటి చర్యలు తీసుకోవాలో తనకు అవగతమైందని అన్నారు.
 
 దేశ పురోగతిలో మధ్యతరగతి ప్రజలకు ప్రత్యక్ష భాగస్వామ్యం కల్పించాలని, ధనికులకు రాయతీలు వదిలేసి మధ్య తరగతికి రాయితీలు కల్పించడం మంచిదన్నది, స్థూలంగా అన్ని వర్గాల ప్రజలకు ఆర్థిక రంగంలో సమాన అవకాశాలు కల్పించడం తన లక్ష్యమని చెప్పారు. కెనడా ప్రజలు కలలు కంటారని, వారు సృజనశీలురని, బిల్డర్లని, అందరి కలలను నెరవేర్చేందుకే తాను ప్రధాన మంత్రినయ్యానని ఓ ఇంటర్వ్యూలో ఆయన వ్యాఖ్యానించారు.
 -వి.నరేందర్ రెడ్డి


 ఇటీవల ఎన్నికల్లో కెనడా వాసుల హృదయాలను, ఓట్లను కొల్లగొట్టిన ఆ దేశ యువ ప్రధాని జస్టిన్ ట్రూడ్యూ..  ఓ వీడియోతో భారతీయుల మనస్సుల్లోనూ చోటు సంపాదించారు. ఓ ప్రవాస భారతీయ కార్యక్రమంలో హుషారెత్తించే భాంగ్రా డ్యాన్స్‌తో ఆయన అదరగొట్టారు. కుర్తా-పైజామా ధరించి.. తోటి డ్యాన్సర్లతో పోటీపడుతూ ఆయన వేసిన బాలీవుడ్ స్టెప్పులు ఇప్పుడు ఆన్లైన్‌లో హల్‌చల్ చేస్తున్నాయి.
 
 మూడేళ్ల కిందట భారత 66వ స్వాతంత్ర్య దినోత్సవం సందర్భంగా కెనడాలోని మాంట్రియల్ నగరంలో జరిగిన ఇండియా-కెనడా అసోసియేషన్ సదస్సులో పాల్గొన్న యువ నాయకుడు జస్టిన్ ట్రూడ్యూ.. బాలీవుడ్ పాటకు హుషారుగా పాదం కదిపారు. మైకాసింగ్ పాడిన 'దిల్ బోలే హడిప్ప' పాటకు భారతీయులు వేదికపై నాట్యం చేస్తుండగా.. ఆయన కూడా వారితో జతకలిసి.. పోటీపడి బాలీవుడ్ స్టెప్పులు వేశారు. కుర్తా-పైజామా ధరించి భారతీయ ఆహార్యంలో ఆయన చేసిన డ్యాన్స్ వీడియో ఇప్పుడు ఆన్‌లైన్ లో బాగా ఆకట్టుకుంటున్నది. ఇటీవల జరిగిన ఎన్నికల్లో ఘనవిజయం సాధించిన 43 ఏళ్ల జస్టిన్ ట్రూడ్యూ.. కెనాడా ప్రధానిగా పగ్గాలు చేపట్టారు.
 
  


 ప్రజల మనిషిగా పేరొంది... కెనడా దేశానికి కొత్తగా ఎన్నికైన ప్రధాని జస్టిన్ ట్రూడో భాంగ్రా డ్యాన్సుతో వీక్షకుల మనసు దోచుకున్నారు.  ప్రధాని హోదాలోనూ ఆయన సాధారణ వ్యక్తిగా కలసిపోయారు. సంప్రదాయ కుర్తా పైజమా ధరించి, డ్చాన్స్ ఫ్లోర్ పై నృత్యకారిణులతో పదం కలిపారు. పంజాబీ జానపద నృత్యంగా పేరొందిన భాంగ్రా డ్యాన్స్ కు లయబద్ధంగా స్టెప్పులు వేసి అందర్నీ, విస్మయానికి, ఆశ్చర్యానికి గురిచేశారు.
 
 ఇండియన్ కెనడా అసోసియేషన్ ఆధ్వర్యంలో జరిగిన మాంట్రియల్ ఈవెంట్ లో 43 ఏళ్ల గ్రూవింగ్ ఓ పంజాబీ పాటకు చేసిన డ్యాన్స్.. యూట్యూబ్ లో విడుదలైంది. వేదికపై జరుగుతున్న నృత్య కార్యక్రమంలో భాగంగా ఓ మహిళతో కలసి ట్రూడో.. పాటకు అనుగుణంగా పదాలు కలుపుతూ తానూ ఓ ఏస్ డ్యాన్సర్ అని నిరూపించుకున్నారు. ట్రూడో చూపించిన ఉత్సాహానికి అక్కడివారంతా ముగ్ధులయ్యారు. వారంతా ఒక్కొక్కరుగా వేదికపైకి వచ్చి ఆయనతో పాటు డ్యాన్స్ లో పాలుపంచుకున్నారు.
 
 అక్టోబర్ 19న ఓ కొత్త అధ్యాయానికి తెరలేపి.. 43 ఏళ్ల వయసులోనే  ప్రధాని అయిన రెండో వ్యక్తి  ట్రూడో. ఈ సందర్భంగా ఆయన తనకు మద్దతు ఇచ్చినవారికి వారికి కృతజ్ఞతలు తెలిపారు.అదేరోజు మాట్రియల్లో జర్రీ సబ్వే స్టేషన్ సందర్శించిన ఆయన అక్కడికి వచ్చిన వారందరికీ షేక్ హ్యాండ్ ఇచ్చి.. వారితో కలసి ఉత్సాహంగా తీసుకున్న సెల్ఫీలను ఓ వెబ్ సైట్ పోస్ట్ చేసింది. 1968 నుంచి 1979 వరకు, తిరిగి 1980 నుంచి 1984 వరకు కెనడా ప్రధానిగా ఉన్న.. కెనడా మాజీ ప్రధాని పియర్ ట్రుడో కుమారుడే.. ఈ ప్రజా వ్యక్తి జస్టిన్ ట్రుడో.


 టొరంటో: కెనడా సార్వత్రిక ఎన్నికల్లో ప్రజలు ఉదారవాదానికి పట్టం కట్టారు. దేశాన్ని పదేళ్లపాటు ఏలిన ప్రస్తుత ప్రధాని స్టీఫెన్ హార్పర్‌కు చెందిన కన్జర్వేటివ్ పార్టీని మట్టికరిపించి లిబరల్ పార్టీకి అనూహ్య విజయాన్ని అందించారు. సోమవారం జరిగిన ఎన్నికల్లో మొత్తం 338 సీట్లకుగానూ 184 సీట్లలో లిబరల్ పార్టీ అభ్యర్థులు గెలుపొందారు. ఈ విజయంతో లిబరల్ పార్టీ నేత, మాజీ ప్రధాని పియరీ ట్రూడో కుమారుడు జస్టిన్ ట్రూడో నూతన ప్రధానిగా పగ్గాలు చేపట్టనున్నారు. మాంట్రియల్‌లో జరిగిన విజయోత్సవ ర్యాలీలో ట్రూడో మాట్లాడుతూ కెనడా తిరిగి ఒకప్పటి దేశంగా మారబోతోందని ప్రకటించారు.