‘అనుకోలేదని ఆగవు కొన్ని’ అనే కవి మాట భవిత మండవ విషయంలో సరిగ్గా సరిపోతుంది. మోడల్‌ కావాలని కలలో కూడా అనుకోలేదు భవిత. అయితేనేం.. కలలో కూడా ఊహించని అవకాశం ఆమెను వెదుక్కుంటూ రైల్వేస్టేషన్‌కు వచ్చింది. ఆ సమయంలో అదృష్టం అనే రైలు ఎక్కిన భవిత... స్వయం ప్రతిభతో మోడలింగ్‌ ప్రపంచంలో సరికొత్త తారగా వెలుగుతోంది. హైదరాబాద్‌కు చెందిన ఇరవై అయిదు సంవత్సరాల భవిత ప్రఖ్యాత ఫ్రెంచ్‌ లగ్జరీ ఫ్యాషన్‌ బ్రాండ్‌ ‘చానల్‌’ ఫ్యాషన్‌ షోలో ఓపెనింగ్‌ వాక్‌ చేసింది. ఈ అవకాశం అందుకున్న తొలి భారతీయ మోడల్‌గా ప్రపంచ దృష్టిని ఆకర్షించిన పదహారణాల తెలుగు అమ్మాయి భవిత గురించి...హైదరాబాద్‌లోని జేఎన్టీయూలో ఆర్కిటెక్చర్‌లో బ్యాచిలర్స్‌ డిగ్రీ చేసిన భవిత ఇంటరాక్టెడ్‌ డిజైన్‌ అండ్‌ మీడియాలో మాస్టర్స్‌ కోసం అమెరికా వెళ్లింది. ఒకానొక రోజు... న్యూయార్క్‌ సబ్‌ వే స్టేషన్‌లో రైలు కోసం ఎదురు చూస్తున్న భవితను ఒక వ్యక్తి చిరునవ్వుతో పలకరించాడు. ‘మోడలింగ్‌ చేస్తారా?’ అని అడిగాడు. ఆ క్షణంలో భవిత మనసులో ఏమనుకుందో తెలియదు. ‘సరదాగా అంటున్నాడా?’ ‘సీరియస్‌గానే అంటున్నాడా?’ మొత్తానికైతే ‘యస్‌’ అన్నది. అతడి పేరు... మాథ్యూ బ్లేజీ. మెన్స్‌ వేర్‌ డిజైనర్‌గా ఫ్యాషన్‌ కెరీర్‌ ప్రారంభించిన మాథ్యూ ఫ్రెంచ్‌ ఫ్యాషన్‌ లగ్జరీ బ్రాండ్‌ ‘చానల్‌’కు క్రియేటివ్‌ డైరెక్టర్‌గా పనిచేశాడు.అద్భుత దర్శనం‘ఫ్యాషన్‌కి సంబంధించి కొన్నిసార్లు ఆధునికం కావిని కూడా అత్యాధునికం అనిపిస్తాయి’ అంటాడు మాథ్యూ. కొన్నిసార్లు... మోడల్‌ కాని వారు కూడా అద్భుతమైన మోడల్‌గా దర్శనమివ్వవచ్చు. భవిత విషయంలో అతడికి జరిగింది అదే! ‘ఇలా మాత్రమే చేయాలి’ అంటూ గంభీరమైన గురువులా ఎప్పుడూ కనిపించేవాడు కాదు మాథ్యూ. ‘ఎలాంటి టెన్షన్‌ వద్దు. సరదాగా చేసేయ్‌’ అన్నట్లుగా మాట్లాడేవాడు. ఇటాలియన్‌ లగ్జరీ ఫ్యాషన్‌ బ్రాండ్‌ బటేగా వనీటా స్ప్రింగ్‌/ సమ్మర్‌–2025 ఫ్యాషన్‌ షోలో మోడల్‌గా అరంగేట్రం చేసింది భవిత. ఫస్ట్‌ షోతోనే మంచి మార్కులు తెచ్చుకుంది... ఇక అక్కడి నుంచి న్యూయార్క్, మిలాన్, పారిస్, లండన్‌లలో ఫ్యాషన్‌ దిగ్గజాలతో కలిసి షోలు చేసింది.తాజా విషయానికి వస్తే...ఫ్రెంచ్‌ లగ్జరీ ఫ్యాషన్‌ బ్రాండ్‌ చానల్‌ ‘షనెల్‌... మేటియే డార్‌ 2026’ టైటిల్‌తో ఫ్యాషన్‌ షో నిర్వహించింది. 2018 తరువాత ‘చానల్‌’ న్యూయార్క్‌లో చేస్తున్న షో కావడంతో ఈ షో ప్రాముఖ్యత సంతరించుకుంది. ఇలాంటి ప్రతిష్ఠాత్మకమైన షోలో ఓపెనింగ్‌ వాక్‌ చేసే అవకాశం రావడం అంటే మామూలు విషయం కాదు. ఈ అవకాశం అందుకున్న తొలి భారతీయ మోడల్‌గా ప్రపంచ దృష్టిని ఆకర్షించింది భవిత. మాథ్యూతో కలిసి క్యాంపెయిన్‌లో కూడా పాల్గొంది.ఫ్యాషన్‌ ఇన్‌ఫ్లుయెన్సర్‌ వీరేన్‌ షా మాటల్లో చెప్పాలంటే... ‘ఆర్డినరీ ప్లేస్‌లో కనిపించిన ఎక్స్‌ట్రార్డినరీ పర్సన్‌. మాథ్యూ ఆమె జీవితాన్ని మార్చివేశాడు’ ఒక ఇన్‌స్టాగ్రామ్‌ వీడియోలో భవితను ఇంటర్య్వూ చేసిన వ్యక్తి... ‘ఇది జస్ట్‌ ప్రారంభం మాత్రమే’ అన్నాడు. ఇంకా ఎన్నో అద్భుత విజయాలు మోడలింగ్‌ ప్రపంచంలో ఆమె కోసం ఎదురు చూస్తూ ఉండవచ్చు! వేయి శుభములు కలుగుగాక.సబ్‌ వే టు రన్‌ వే⇒ సంవత్సరం క్రితం నేను మోడలింగ్‌ మొదలుపెట్టాను. మోడలింగ్‌లో నాకు ఎలాంటి ముందస్తు అనుభవం లేదు. మోడలింగ్‌కు సంబంధించి మొదటిసారిగా కలిసి పనిచేసిన వ్యక్తి మాథ్యూ బ్లేజీ. మాథ్యూ నన్ను పూర్తిగా నమ్మాడు. నా మొదటి రన్‌వే నుండి నా మొదటి క్యాంపెయిన్‌ వరకు, నేను ఊహించని జీవితాన్ని సృష్టించి ఇచ్చాడు. అతని ‘చానల్‌’ను అనుసరించడం, అతనితో కలిసి ప్రయాణాన్ని కొనసాగించడం గౌరవం గా భావిస్తున్నాను.⇒ నిజాయితీగా చెప్పాలంటే మొదట్లో నేను భయపడ్డాను. నేను పని చేసిన బ్రాండ్‌ల గురించి నాకు పెద్దగా తెలియదు. ఫ్యాషన్‌ ప్రపంచంలో అవి ప్రముఖ బ్రాండ్లు అయినప్పటికీ నేను మధ్యతరగతి కుటుంబంలో పెరగడం వల్ల అవి నాకు పూర్తిగా కొత్త.⇒ ఒకసారి వెనక్కి వెళితే...‘సవాళ్లు నాకు కొత్తేమీ కాదు కదా’ అన్నట్లుగా నాకు నేను ధైర్యం చెప్పుకొని ప్రశాంతంగా ఉండగలిగాను. అయితే ‘చానల్‌’ అనేది భిన్నమైన అనుభవం. నేను ఇండస్ట్రీలోకి అడుగు పెట్టక ముందే ఆ బ్రాండ్‌ గురించి తెలుసు. ఆ ప్రసిద్ధ బ్రాండ్‌కు సంబంధించిన షోలో నడవడం(ఓపెనింగ్‌ వాక్‌) అనేది మరపురాని విషయం. మ్యాజికల్‌ ఎక్స్‌పీరియెన్స్‌. షో తరువాత వేదిక వెనక ఉన్న ప్రతి ఒక్కరు సంతోషంగా నన్ను హగ్‌ చేసుకున్నారు. కన్నీళ్లతో భావోద్వేగాలను పంచుకున్నారు.ఈ సీజన్‌లో నాకు సంతోషకరమైన విషయం ఏమిటంటే..?ఇతర మోడల్స్, టీమ్‌తో ఏర్పర్చుకున్న బంధం. ఈ టీమ్‌లో ప్రపంచం నలుమూలల నుంచి వచ్చిన వారు ఉన్నారు. ఒకరినొకరం బాగా అర్థం చేసుకున్నాం. అలా అందరినీ కలుపుకొని పోయే క్రియేటివ్‌ డైరెక్టర్‌ ఉంటే ఆ ఫలితం అద్భుతంగా ఉంటుంది. ఈ అవకాశాన్ని ఇచ్చినందుకు నాకు మాథ్యుపై ఎంతో ప్రేమ ఉంది.⇒ ‘షోలో లేని వ్యక్తులు ఏమి చూడాలనుకోవాలనుకుంటారు?’ అనే ప్రశ్నకు నా జవాబు ఇది.... మాథ్యూ బ్లేజీ, ‘చానల్‌’ బ్రాండ్‌ టీమ్‌ ఎంత అద్భుతమైనవారో ప్రజలు చూడాలని నేను కోరుకుంటున్నాను. వారిలోని ఆ΄్యాయత, దయాగుణం నా హృదయాన్ని తాకింది. వారిలోని అసాధారణ ప్రతిభ, వృతిపట్ల అంకితభావం పనిలోని ప్రతి అంశలోనూ కనిపిస్తుంది. వారితో కలిసి ప్రయాణం చేయడాన్ని చాలా అదృష్టంగా భావిస్తున్నాను.అమ్మానాన్నల కంట్లో ఆనందం!తన తల్లిదండ్రులకు సంబంధించి ఒక వీడియోను ఇన్‌స్టాగ్రామ్‌లో షేర్‌ చేసింది భవిత. ఈ వీడియో క్లిప్‌లో ఆమె తల్లిదండ్రుల భావోద్వేగాలు కనిపిస్తాయి. న్యూయార్క్‌లోని బోవరీ స్టేషన్‌ బ్యాక్‌గ్రౌండ్‌తో కూతురు పాల్గొన్న ఫ్యాషన్‌ షోను చూస్తూ ఆనంద బాష్పాలతో భవిత పేరును పదే పదే ఉచ్చరిస్తుంటుంది ఆమె తల్లి. తండ్రి ఒకింత గర్వంతో చూస్తుంటారు. ‘ఇది నాకు ఎంత అద్భుతమో చెప్పడానికి మాటలు చాలవు. థ్యాంక్యూ’ అని కాప్షన్‌లో రాసింది భవిత.⇒ ‘అద్భుత విజయాల వెనుక తల్లిదండ్రుల త్యాగాలు ఉంటాయి. వారి చల్లని ఆశీర్వచనాలు ఉంటాయి’ అని చెప్పకనే చెప్పిన ఈ వీడియో క్లిప్‌ సోషల్‌ మీడియాలో వైరల్‌ అయింది.⇒ ఏమీ తెలియని మోడలింగ్‌ ప్రపంచంలోకి అడుగు పెట్టడం అంటే ఆ సమయంలో రిస్క్‌గానే భావించాలి. ఒకవేళ రిస్క్‌ అనుకుంటే ఆమె ఈ కొత్త ప్రపంచంలోకి వచ్చేది కాదేమో! తల్లిదండ్రులు ఆమె భుజం తట్టి ప్రోత్సహించారు. ఉత్సాహాన్ని ఇచ్చారు.మోడలింగ్‌లోకి వచ్చినప్పటికీ చదువుకు దూరం కాలేదు భవిత. ఒకవైపు చదువుకుంటూనే, క్యాంపస్‌ జాబ్‌ చేస్తూనే మోడలింగ్‌ చేసింది.

అందమైన నవ్వు.. నాజూకైన ఆకృతి.. చక్కటి హావభావాలను ఒక్కచోట ఫోకస్‌ చేస్తే.. సాహెర్‌ బంబా. వెబ్‌ తెరకు కొత్త గ్లామర్‌ను పరిచయం చేసిన ఆమె గురించి కొన్ని వివరాలు..  పుట్టింది, పెరిగింది సిమ్లాలో. తల్లి.. శిలా బంబా, తండ్రి సునీల్‌బంబా. సాహెర్‌ డిగ్రీ పట్టా పుచుకుంది ముంబైలోని జై హింద్‌ కాలేజీలో. సాహెర్‌ మంచి యోగా నిపుణురాలు కూడా. తన ఫిట్‌నెస్‌ రహస్యం క్రమం తప్పని కథక్, యోగా ప్రాక్టీసే అంటుంది. వెబ్‌ కంటే ముందు బిగ్‌ స్క్రీన్‌ మీదే కనిపించింది ‘పల్‌ పల్‌ దిల్‌ కే పాస్‌’ సినిమాతో. డిగ్రీ చదువుతున్న రోజుల్లోనే మోడల్‌గా రాణించింది. 2016లో ఒప్పో బాంబే టైమ్స్‌ ఫ్రెష్‌ ఫేస్‌ టైటిల్‌ గెలుచుకుంది. చిన్నప్పుడే కథక్‌ డాన్స్‌ నేర్చుకుంది. డ్యాన్స్‌ మీదున్న మక్కువే నటన మీద కుతూహలాన్ని, ఆసక్తిని పెంచింది. కరోనా సమయంలో వెబ్‌ ఎంట్రీ ఇచ్చింది ‘దిల్‌ బేకరార్‌’ సిరీస్‌తో. సినిమా కంటే కూడా ఆ సిరీస్‌తోనే పాపులారిటీ సంపాదించుకుంది.  వెబ్‌ సిరీస్‌లో నటించొద్దు, దాని వల్ల సినిమా అవకాశాలు పోతాయని చాలా మంది పెద్దలు నన్ను హెచ్చరించారు. కానీ కరోనాలో నన్ను బిజీగా ఉంచింది వెబ్‌ సిరీసే. పైగా ఎక్కువ మంది ప్రేక్షకులకూ దగ్గర చేసింది. అందుకే నేను రెండిటికీ ఈక్వల్‌ ప్రయారిటీ ఇస్తాను. ఇంకా చెప్పాలంటే నేను పోషించే పాత్ర ప్రాధాన్యమే నాకు ముఖ్యం. మాధ్యమం ఏదైనా సరే. అయినా సినిమాకు, వెబ్‌ సిరీస్‌కు పెద్ద తేడా కూడా ఏం లేదు. మేకింగ్‌లో కానీ.. రీచింగ్‌లో కానీ! – సాహెర్‌ బంబా చదవండి: మెగాస్టార్‌ చిరంజీవిపై ఆసక్తికర వ్యాఖ్యలు చేసిన జక్కన్న

Miss Deaf Asia 2018 Winner Nishtha Dudeja: ఈ అమ్మాయికి చిన్ననాటి నుంచి వినికిడి లోపం ఉందని చెబితే ఎవ్వరైనా జాలిపడతారు. కానీ, ఈ అమ్మాయే మిస్‌ డెఫ్‌ ఆసియా 2018 టైటిల్‌ విజేత, మిస్‌ అండ్‌ మిస్టర్‌ డెఫ్‌ ఇండియా పోటీ లో ఢిల్లీ నుంచి ప్రాతినిథ్యం వహించింది. 18 సంవత్సరాల మిస్‌ అండ్‌ మిస్టర్‌ డెఫ్‌ వరల్డ్‌ పోటీల్లో భారతదేశం నుంచి టైటిల్‌ గెలుచుకున్న మొదటి ప్రతినిధి అని చెబితే ఆమె ధైర్యానికి, పట్టుదలకు ఫిదా అవకుండా ఉండరు. గ్లామర్‌ ప్రపంచంలో మోడల్‌గా రాణిస్తూ, క్రీడల్లోనూ ఎదిగిన 26 ఏళ్ల నిష్ఠా దూదెజా ఎంతో మందికి ఆదర్శంగా నిలుస్తున్న తీరు గురించి తెలుసుకోవాల్సిందే అనిపించక మానదు. నిష్ఠా దూదెజాకు చిన్ననాటి నుంచి వినికిడి సమస్య ఉంది. ఫలితంగా మనం అడిగిన దానికి సమాధానమివ్వలేదు. ఏదైనా చెప్పాల్సి వస్తే కాగితమ్మీద రాసిస్తుంది. లేదంటే ఫోన్లో టెక్స్‌›్ట మెసేజ్‌ల ద్వారా విషయం చెప్పేస్తుంది. మనం ఓ ప్రశ్న రాసిస్తే, ఆమె దానికి రాతపూర్వకంగానే సమాధానమిస్తుంది. కానీ, ఆమే గ్లామర్‌ ప్రపంచంలో విజయవంతమైన మోడల్‌గా రాణిస్తోంది. టెన్నిస్‌ క్రీడాకారిణి.. నిష్ఠా తన గురించి రాతపూర్వకంగా ఇచ్చిన తన మనసులోని మాటలు.. ‘12 ఏళ్ల వయసు నుంచి పదేళ్ల పాటు టెన్నిస్‌ క్రీడలో సాధన చేశాను. 2013, 2015, 2017 సంవత్సరాలలో బధిరుల ప్రపంచ ఛాంపియన్‌షిప్‌ పోటీలో పాల్గొన్నాను. తీవ్రమైన దవడ కండరాల నొప్పులు రావడంతో వైద్యుల సూచన మేరకు కొన్నాళ్లు ఆ క్రీడకు దూరంగా ఉండాల్సి వచ్చింది. అమ్మానాన్న తర్వాత టెన్నిస్‌ నాకు బెస్ట్‌ ఫ్రెండ్‌. అందుకే, పోటీలలో పాల్గొనలేకపోయినా టెన్నిస్‌ను పూర్తిగా వదులుకోలేదు. ఐదేళ్ల వయసు నుంచి జూడో ఆడటంలో సాధన చేశాను. ఏడేళ్లపాటు ఈ గేమ్‌లో రాణించాను’ అని తన గెలుపుకు వేసుకున్న బాట గురించి వివరిస్తుంది. అందాల పోటీలో మేటి మరిన్ని వివరాలను తెలియజేస్తూ– ‘టెన్నిస్‌ పోటీలో పాల్గొనలేనని అర్థమయ్యాక అంతకుమించి ఏదైనా చేయాలని ఆలోచించినప్పుడు మిస్‌ ఇండియా బ్లైండ్‌ గురించి తెలిసింది. ఈ విభాగంలో డెఫ్‌ కూడా ఉంటారని తెలుసుకున్నాను. దానికి తగిన కృషి చేశాను. అలా మిస్‌ ఇండియా డెఫ్, మిస్‌ ఆసియా డెఫ్‌ టైటిట్స్‌ గెలుచుకున్నాను’ అని తెలిపిన నిష్ఠా దూదెజా జూడో, టెన్నిస్, బ్యూటీ విభాగాలలోనూ నంబర్‌ వన్‌ అనిపించుకుంది. వికలాంగుల సాధికారత  భారత ఉపరాష్ట్రపతి నుంచి రోల్‌ మోడల్‌ కేటగిరీలో వికలాంగుల సాధికారత జాతీయ అవార్డును అందుకున్నది. ‘నా పై జాలి చూపే వారిని నేను ఇష్టపడను’ అని చెప్పే నిష్ఠా ప్రయాణం అంత తేలికగా సాగలేదు. ‘పాఠశాల స్థాయిలో తోటి పిల్లలే ఎగతాళి చేసేవారు. చిన్నప్పుడు అర్ధం కాలేదు. చాలా బాధనిపించేది. టీనేజ్‌ దాటాక నా పరిస్థితి పైన పూర్తి అవగాహన వచ్చింది. అప్పటి నుంచే జీవితంలోని సానుకూల కోణాన్ని చూశాను. అడ్డంకులను దాటుకుంటూ నా ప్రయణాన్ని కొనసాగించాను. విజయవంతమయ్యాను’ తెలిపే నిష్ఠా దూదెజా విజయం వినికిడి లోపం గల పిల్లలున్న తల్లిదండ్రులు తమ పిల్లలపై ఆశలు చివురించేలా చేస్తుంది. సరైన విధంగా దారి చూపిస్తే తమ పిల్లలు ప్రపంచానికి ఆదర్శంగా నిలుస్తారనే ధైర్యాన్ని నింపుతుంది.

సాక్షి, హైదరాబాద్‌: దేశంలో మూడు దశాబ్దాల ఆర్థిక సంస్కరణలతో పౌరులు అసమానమైన ప్రయోజనలు పొందుతున్నారని ఇప్పుడు ‘ఇండియన్‌ మోడల్‌’ దిశలో సంపద సృష్టించడంపై దృష్టిపెట్టాల్సిన సమయం ఆసన్నమైందని రిలయన్స్‌ ఇండస్ట్రీస్‌ చైర్మన్‌ ముఖేష్‌ అంబానీ అభిప్రాయపడ్డారు. 2047 నాటికి అమెరికా, చైనా దేశాలతో సమానంగా ఇండియా ఎదుగుతుందని ఆయన విశ్వాసం వ్యక్తం చేశారు. 30 సంవత్సరాల ఆర్థిక సరళీకరణ సందర్భంగా ఆయన అరుదైన కాలమ్‌ రాస్తూ పై వ్యాఖ్యలు చేశారు. ఇన్నాళ్లుగా సంపద సృష్టి మీద మాత్రమే దృష్టి సారించామని.. అందరికీ విద్య, అందరకీ ఆరోగ్యం, అందరికీ ఉపాధి, అందరికీ హౌసింగ్‌ సాధించడంలోనే నిజమైన సంపద దాగుందనే సత్యాన్ని విస్మరించామని పేర్కొన్నారు. ప్రపంచ దేశాలలో కంపెనీల విస్తరణ సమయంలో ప్రజల శ్రేయస్సు, సంరక్షణ అంశాలను పట్టించుకోవటం లేదని ఈ అంశాల్లో భారత్‌ ప్రారంభ దశలో ఉందన్నారు.


 పాకిస్థాన్ క్రికెటర్ షాహిద్ ఆఫ్రిదితో చెట్టాపట్టాలేసుకుని తిరిగిన ఇండియన్ మోడల్, నటి ఆర్షి ఖాన్ వ్యక్తిగత విషయాలు వెల్లడించింది. ఆఫ్రిదితో ప్రేమాయణం సాగించిన మాట వాస్తమేనని అంగీకరించింది. అతడితో ఏకాంతంగా గడిపినట్టు బోల్డ్ గా ప్రకటించింది.
 
 వీరిద్దరూ దుబాయ్ లో ప్రణయ కార్యకలాపాలు సాగించినట్టు వచ్చిన వార్తలను అంతకుముందు ఆర్షి ఖాన్ తోసిపుచ్చింది. ఆఫ్రిది తనకు ఆప్తమిత్రుడు మాత్రమేనని చెప్పుకొచ్చింది. అయితే తాజా ఇంటర్వ్యూలో అతడితో తనకున్న సంబంధాన్ని బయటపెట్టింది. ట్విటర్ లోనూ ఈ విషయాన్ని వెల్లడించింది. 'అవును. ఆఫ్రిదితో శృంగారంలో పాల్గొన్నా. నేను ఎవరితో గడపాలన్నా ఇండియా మీడియా అనుమతి తీసుకోవాలా? ఇది నా వ్యక్తిగత జీవితం. నాకు సంబంధించినంత వరకు ఇది ప్రేమ' అని ట్వీట్ చేసింది.
 
 వివాదస్పద సన్యాసిని రాధే మా వ్యభిచార వ్యాపారం చేస్తోందని అంతకుముందు ఆర్షి ఖాన్ ఆరోపించింది. వ్యభిచారంలోకి దించేందుకు రాధే మాకు చెందిన ఏజెంట్ ఒకరు తనను సంప్రదించారని బాంబు పేల్చి పతాక శీర్షికల్లో నిలిచింది.
 
 Yes, I had sex with Afridi! Do I need the Indian media's permission to sleep with someone? It's my personal life. For me it was love.
 — Arshi Khan (@ArshiKOfficial) September 8, 2015


 ముంబై: ఆస్ట్రేలియా  ఫాస్ట్ బౌలర్ షాన్ టెయిట్ పెళ్లి కొడుకయ్యాడు. తన స్నేహితురాలు, భారత మోడల్ మాషూమ్ సింఘాను అతను గత వారం వివాహమాడాడు. వీరిద్దరు గత నాలుగేళ్లుగా డేటింగ్ చేస్తున్నారు. ముంబైలోనే జరిగిన ఈ పెళ్లికి భారత క్రికెటర్లు జహీర్ ఖాన్, యువరాజ్ సింగ్ కూడా హాజరయ్యారు.