సన్నగా మంచు కురుస్తుంటే దానిని చూసేందుకు ఇష్టపడని వారు ఎవరుంటారు? చుట్టూ తెల్లని మంచు దుప్పటి పరుచుకుంది.. ఆకాశం నుండి మంచు ముత్యాలు రాలుతున్నాయి... ఇటువంటి దృశ్యాలను తనివితీరా చూడటం ఒక ఎత్తయితే, ఏకంగా మంచుతో కట్టిన ఇంట్లోనే (ఇగ్లూ) ఉండటం మరో ఎత్తు. హిమాచల్ ప్రదేశ్‌లోని సేథన్ గ్రామం ఇప్పుడు ఆ కలను నిజం చేస్తోంది. సాహస యాత్రికుల నుండి ప్రకృతి ప్రేమికుల వరకు అందరినీ ఆకర్షిస్తున్న ఈ ‘ఇగ్లూ విలేజ్’ విశేషాలు మీకోసం..మనాలిలో సరికొత్త అద్భుతంహిమాచల్ ప్రదేశ్‌లోని కులు లోయలో, సముద్ర మట్టానికి సుమారు 2,700 మీటర్ల ఎత్తులో ఉంది సేథన్ గ్రామం. మనాలికి కేవలం 15 కిలోమీటర్ల దూరంలో ఉన్న ఈ చిన్న గ్రామం ఇప్పుడు భారతదేశపు మొట్టమొదటి ‘ఇగ్లూ విలేజ్’గా ప్రపంచ పటంలో నిలుస్తోంది. విదేశాల్లో మాత్రమే కనిపించే ఈ ఇగ్లూలు ఇప్పుడు మన దేశంలోనే అందుబాటులోకి రావడం విశేషం. ఇవి పర్యాటకులను అమితంగా ఆకట్టుకుంటున్నాయి.గడ్డకట్టే చలిలోనూ వెచ్చదనంఇగ్లూలు మంచుతో కట్టినవే అయినా వాటి లోపల ఉష్ణోగ్రత ఆశ్చర్యకరంగా ఉంటుంది. బయట ఉష్ణోగ్రత మైనస్ డిగ్రీల్లో ఉన్నప్పటికీ, ఇగ్లూ లోపల మాత్రం బయటి కంటే దాదాపు 8∘C నుండి 10∘C వరకు ఎక్కువ వేడి ఉంటుంది. మంచు గోడలు బయటి గాలిని లోపలికి రానివ్వకుండా అడ్డుకోవడమే దీనికి మూల కారణం. పర్యాటకులు వెచ్చని స్లీపింగ్ బ్యాగుల్లో పడుకుని, ఈ వింత అనుభూతిని ఎంతో ఆనందంగా ఆస్వాదించవచ్చు.ఆర్కిటిక్ అనుభూతి.. మన హిమాచల్‌లోనే!గతంలో మనం ఇగ్లూలను చూడాలంటే అలాస్కా లేదా ఫిన్లాండ్ వంటి దేశాలకు వెళ్లాల్సి వచ్చేది. కానీ ఇప్పుడు సేథన్ గ్రామం ఆ లోటును తీరుస్తోంది. ఇక్కడి ఇగ్లూల నిర్మాణం అత్యంత నైపుణ్యంతో కూడుకున్నది. మంచు ఇటుకలను ఒక పద్ధతిలో పేర్చి, రూపొందించే ఈ ఇగ్లూలు, సందర్శకులకు ఆర్కిటిక్ ప్రాంతంలో ఉన్నామనే భ్రమను కలిగిస్తాయనడంలో సందేహం లేదు.సాహసాలకు చిరునామా.. సేథన్కేవలం ఇగ్లూ బస మాత్రమే కాదు, సేథన్ గ్రామం సాహస క్రీడలకు కూడా పెట్టింది పేరు. ఇక్కడ పర్యాటకులు స్కీయింగ్ , స్నోబోర్డింగ్ తదితర క్రీడల్లో పాల్గొనవచ్చు. అలాగే రాత్రిపూట నక్షత్రాలతో నిండిన ఆకాశం కింద క్యాంప్ ఫైర్ వేసుకుని, వేడి వేడి ఆహారాన్ని ఆస్వాదించడం ఒక మరపురాని అనుభూతినిస్తుంది.సోషల్ మీడియాలో సెన్సేషన్ప్రస్తుతం ఇన్ స్టాగ్రామ్, యూట్యూబ్ వంటి సామాజిక మాధ్యమాల్లో సేథన్ ఇగ్లూ విలేజ్ వీడియోలు ట్రెండింగ్‌లో ఉన్నాయి. మంచు దుప్పటి కప్పుకున్న పైన్ చెట్లు, అద్భుతమైన పర్వత దృశ్యాలు ఫోటోగ్రాఫర్లకు పండగలా మారుతున్నాయి. ‘స్విట్జర్లాండ్ ఎందుకు? మన సేథన్ ఉండగా!’ అంటూ నెటిజన్లు కామెంట్లు పెడుతున్నారు.పర్యాటక రంగంలో సరికొత్త విప్లవంఈ ఇగ్లూ విలేజ్ రాకతో హిమాచల్ ప్రదేశ్ పర్యాటకానికి కొత్త ఉత్సాహం వచ్చింది. స్థానిక యువతకు ఉపాధి లభించడమే కాకుండా, పర్యావరణానికి హాని కలగని రీతిలో ఈ పర్యాటకం సాగుతుండటం విశేషం. మంచు కురిసే జనవరి నుండి మార్చి వరకు ఈ ఇగ్లూలు సందర్శకుల కోసం అందుబాటులో ఉంటాయి.ఇది కూడా చదవండి: విద్యార్థులకు శుభవార్త.. ఇకపై మార్కుల్లో పొరపాట్లకు చెల్లు!

క‌రోనా వ‌ల్ల అన్ని రంగాలు దెబ్బతిన్న విషయం తెలిసిందే. చిన్న చితక సంస్థల నుంచి భారీ స్థాయి వ్యాపారాల వరకు అన్నీ ఆర్థికంగా నష్టాల్లో కూరుకుపోయాయి. మహమ్మారితో కుదేలైన రంగాల్లో టూరిజం(పర్యాటకం) కూడా ఒకటి. ప్రస్తుతం కరోనా తగ్గుముఖం పట్టడం, వ్యాక్సిన్‌ కూడా అందుబాటులోకి రావడంతో అన్ని రంగాలు తిరిగి సాధారణ స్థితికి వచ్చేస్తున్నాయి. 9 నెలల పాటు ఇళ్లకే పరిమితమైన జనాలు బయట ప్రపంచానికి అడుగుపెడుతున్నారు. ఆనందం, ఆహ్లాదం కోసం షికార్లు, టూర్‌ల బాట పడుతున్నారు. ఇందుకు అనుగుణంగానే ప్రజలను, పర్యాటకులను ఆకట్టుకోవడానికి అన్ని రకాల సంస్థలు రకరకాల ప్రయత్నాలు చేస్తున్నాయి. ఆఫర్లతో పాటు నూతన ఆలోచనలతో ముందుకు వస్తున్నాయి.ఇ దే క్రమంలో కశ్మీర్‌లోని గుల్మార్గ్‌లో ఓ హోటల్ వినూత్న ఆలోచన చేసింది. ఏకంగా దేశంలోని తొలి ఇగ్లూ హోటల్‌ను రూపొందించింది. గుర్మార్గ్‌లోని కొలాహోయ్​ స్కీ రిసార్ట్​లో ఈ మంచు కేఫ్‌ను నిర్మించారు. చదవండి: అరుదైన మంచు గుడ్లగూబ ఫొటోలు! ఇగ్లూ ఆకారంలో నిర్మించిన ఈ కేఫ్‌ పూర్తిగా మంచుతోనే నిర్మితమైంది. గోడల దగ్గరి నుంచి టేబుళ్లు, కుర్చీలు అన్నీ మంచుతో తయారు చేసినవే కావడం విశేషం. చల్లటి ఇగ్లూ హోటల్‌లో పర్యాటకులు కూర్చొని వెచ్చని ఆహారాన్ని ఆస్వాదిస్తున్నారు. ఈ ఇగ్లూ కేఫ్ మొత్తం 15 అడుగుల ఎత్తు.. 26 అడుగుల విస్తీర్ణం కలిగి ఉంది. అక్కడి స్థానిక నిర్మాణాలను స్ఫూర్తిగా తీసుకొని దీంట్లో డిజైన్లు తయారు చేశారు. నాలుగు టేబుల్స్‌తో దాదాపు 16 మంది ఒకేసారి కూర్చునేందుకు వీలుగా ఈ కేఫ్ ఉంది. అక్కడికి వెళ్లిన టూరిస్టులు కేఫ్ ‌ముందు దీగిన ఫోటోలను తమ సోషల్‌ మీడియా అకౌంట్‌లో పోస్టు చేస్తున్నారు. దీంతో ఈ ఫొటోలు ప్రస్తుతం నెట్టింట్లో చక్కర్లు కొడుతున్నాయి. కొత్త ఆలోచన కావడంతో ప్రజలు అధికసంఖ్యలో ఇగ్లూ కేఫ్‌కు వెళ్లేందుకు ఆసక్తి చూపే వారి సంఖ్య పెరుగుతోంది. చదవండి: పర్యాటకం పట్టాలెక్కేనా?


 ఇది ఇగ్లూ హోటల్. చూశారుగా.. అన్నీ ఇగ్లూ మోడల్‌లో ఉన్నాయి. ఫిన్లాండ్‌లోని శారిసెల్కాలో ఈ హోటల్ ఉంది. ఇందులో ఇలాంటి అద్దాల ఇగ్లూలు మొత్తం 40 ఉన్నాయి. ఆకాశంలో కనువిందు చేసే ఉత్తర ధ్రువ కాంతులను చూడటానికి ఎక్కువ మంది ఇక్కడికి వస్తారు. బయట విపరీతంగా మంచు ఉన్నా..
 
 గదిలో మాత్రం వెచ్చగా ఉంటుంది. ఈ హోటల్‌లో ఓ మంచు రెస్టారెంట్ కూడా ఉంది. ఇక్కడ బల్లలు సహా అన్నీ ఐస్‌తో చేసినవే ఉంటాయి. ఒక్కో ఇగ్లూ రూంలో ఇద్దరు ఉండొచ్చు. ఒక రోజుకు రూ.25 వేలు వసూలు చేస్తారు.