హిందూపురం టౌన్‌ : రాష్ట్రస్థాయి ఫుట్‌బాల్‌ పోటీలకు అండర్‌–14, 17 బాలబాలికల విభాగంలో ఎంజీఎం పాఠశాలకు చెందిన 8 మంది విద్యార్థులు ఎంపికైనట్లు ప్రధానోపాధ్యాయురాలు జీవరత్న పేర్కొన్నారు. ఈ మేరకు మంగళవారం ఎంపికైన విద్యార్థులను పాఠశాలలో అభినందించారు. ఈ నెల 17న జిల్లా కేంద్రంలో ఏపీ స్కూల్‌ గేమ్స్‌ అండర్‌ 14, అండర్‌ 17 ఎంపికలు జరిగాయి. అందులో ఎంజీఎం పాఠశాల విద్యార్థులు పాల్గొన్నారు.
 
 అండర్‌ 14 బాలికల విభాగంలో 8వ తరగతికి చెందిన జీసీ హర్షిత, డి.విజయవాణి, ఎస్‌.మనీషా, బాలుర విభాగంలో ఎం.మంజునాథ్, ఎండీ ఆరీఫ్‌ ఎంపికయ్యారన్నారు. అండర్‌ 17 బాలికల విభాగంలో డి.సిమ్రాన్‌ (10వ తరగతి) ఎ.నిఖిత (9వ తరగతి), బాలుర విభాగంలో ఇ.సాయికిరణŠ  (10వ తరగతి) రాష్ట్రస్థాయి పోటీలకు ఎంపిక అయ్యార ని జీవరత్న తెలిపారు. వీరు అక్టోబరులో గుంటూరులో జరిగే రాష్ట్రస్థాయి పోటీల్లో పాల్గొంటారన్నారు.


 హిందూపురం టౌన్‌ : పట్టణంలోని ముద్దిరెడ్డిపల్లి బాలికల జిల్లా పరిషత్‌ పాఠశాలకు చెందిన బి.లావణ్య, ఎన్‌.వాణి ఒంగోలు ట్రిపుల్‌ ఐటీకి ఎంపికయ్యారని పాఠశాల ప్రధానోపాధ్యాయులు రామలక్ష్మమ్మ మంగళవారం తెలిపారు. ఈ సందర్భంగా హెచ్‌ఎం రామలక్ష్మమ్మ, మహత్మాగాంధీ ఉచిత శిక్షణ కేంద్రం నిర్వాహకులు వెంకటాచలపతి విద్యార్థులు ఎంపికపై హర్షం వ్యక్తం చేసి విద్యార్థులు, ఉపాధ్యాయులను అభినందించారు.