జగదేవ్‌పూర్‌: మండలంలోని వివిధ ప్రాంతాల మీదుగా ఆర్‌ఆండ్‌బీ రోడ్ల కిరువైపులా హరితహారంలో భాగంగా నాటిన మొక్కలను సంరక్షించేందుకు అధికారులు సమయాత్తమయ్యారు. నెల రోజుల క్రితం నాటిన మొక్కలకు రక్షణ ఏర్పాట్లు చేస్తున్నారు.  గత మూడు రోజులుగా మండల కేంద్రమైన జగదేవ్‌పూర్‌ నుంచి కొడకండ్ల వరకు ఈ పనులు ముమ్మరంగా సాగుతున్నాయి. ఈ పనులు చేస్తున్న కూలీలకు రోజుకు రూ.350 చెల్లిస్తున్నారు. ప్రస్తుతం జగదేవ్‌పూర్‌ నుంచి మునిగడప వరకు పూర్తి చేశారు. పనులను సంబంధిత అధికారులు పర్యవేక్షిస్తున్నారు.