సాక్షి, హైదరాబాద్‌: సికింద్రాబాద్‌ కంటోన్మెంట్‌వాసుల చిరకాల కోరిక నెరవేరింది. కంటోన్మెంట్‌ బోర్డు పరిధిలోని సివిల్‌ ఏరియాలను గ్రేటర్‌ హైదరాబాద్‌ మున్సిపల్‌ కార్పొరేషన్‌ (జీహెచ్‌ఎంసీ)లో విలీనం చేసేందుకు కేంద్ర ప్రభుత్వం ఆమోదం తెలిపింది. ఇందుకు సంబంధించిన మార్గదర్శకాలపై స్పష్టమైన ఉత్తర్వులు జారీ చేసింది. కంటోన్మెంట్‌ బోర్డును జీహెచ్‌ఎంసీలో విలీనం చేసేందుకు ముఖ్యమంత్రి రేవంత్‌రెడ్డి ప్రత్యేక చొరవ తీసుకున్నారు. ఢిల్లీకి వెళ్లినప్పుడల్లా రక్షణ శాఖ మంత్రి వద్దకు ఈ అంశాన్ని తీసుకెళ్లారు.మార్చి 5న రాష్ట్ర పర్యటనకు వచి్చన ప్రధాన మంత్రి నరేంద్ర మోదీని కలిసి స్వయంగా విజ్ఞప్తి చేశారు. ఈ నేపథ్యంలో బ్రిటిష్‌ కాలం నుంచి ఇప్పటివరకు కొనసాగుతున్న కంటోన్మెంట్‌ బోర్డులన్నింటినీ రద్దు చేసి మున్సిపాలిటీల్లో విలీనం చేయాలని కేంద్ర ప్రభుత్వం నిర్ణయం తీసుకుంది. ఇందుకు సంబంధించిన మార్గదర్శకాలు విడుదల చేయాలని కోరుతూ రాష్ట్ర ప్రభుత్వ ప్రధాన కార్యదర్శి శాంతికుమారి ఇటీవలే రక్షణ శాఖకు లేఖ రాశారు.ఈనెల 25 రక్షణ శాఖ కార్యదర్శి రాష్ట్ర ప్రభుత్వ అధికారులతో వీడియో కాన్ఫరెన్స్‌లోనూ విలీన ప్రక్రియను వేగవంతం చేసేందుకు రాష్ట్ర ప్రభుత్వం సిద్ధంగా ఉందని తెలిపారు. ఈ సమావేశంలో తీసుకున్న నిర్ణయం ప్రకారం సంబంధిత విధి విధానాలపై రక్షణ శాఖ లేఖ రాసింది. దీని ప్రకారం కంటోన్మెంట్‌లోని సివిల్‌ ఏరియాలను జీహెచ్‌ఎంసీలో విలీనం చేస్తారు. అక్కడి ప్రజలకు నిర్దేశించిన సౌకర్యాలు, మౌలిక వసతులన్నీ ఉచితంగా జీహెచ్‌ఎంసీకి బదిలీ చేస్తారు. కంటోన్మెంట్‌ బోర్డు ఆస్తులు, అప్పులన్నీ మున్సిపాలిటీకి బదిలీ అవుతాయి. అక్కడ ఇప్పటికే లీజులు ఇచ్చినవి కూడా మున్సిపాలిటీకి బదిలీ అవుతాయి. మిలిటరీ స్టేషన్‌ మినహా కంటోన్మెంట్‌లోని నివాస ప్రాంతాలకు జీహెచ్‌ఎంసీ పరిధి వర్తిస్తుంది. తన పరిధిలో ఉన్న వాటిపై పన్నులను విధిస్తుంది. కేంద్ర ప్రభుత్వం పేరిట హక్కుగా ఉన్న భూములు, ఆస్తులు కేంద్రానికే దక్కుతాయి. ఈ ప్రాంతాలను విభజించేటప్పుడు, సాయుధ దళాల భద్రతకు అత్యంత ప్రాధాన్యమివ్వాలని కేంద్రం స్పష్టం చేసింది.

ఉత్తర ఆఫ్రికా దేశమైన లిబియాలో ‘డేనియల్’ తుఫాను సంభవించిన తర్వాత ముంచెత్తిన వరదలు తీవ్ర విధ్వంసాన్ని సృష్టించాయి. లిబియా ఒక చిన్న దేశం. అయితే అనునిత్యం ఏదో ఒక కారణంతో వార్తల్లో నిలుస్తోంది. ఈ దేశం అక్కడి గత నియంత ముఅమ్మర్ అల్ గడాఫీ కారణంగా చర్చల్లో నిలిచింది. అలాగే సమృద్ధిగా ఉన్న చమురు సంపద కారణంగానూ పేరొందింది. గడాఫీ హత్య తర్వాత అంతర్యుద్ధం 2011, అక్టోబర్ 20న గడాఫీ హత్య తర్వాత ఇక్కడ అంతర్యుద్ధం ప్రారంభమైంది. ఇది చాలా కాలం పాటు కొనసాగింది. దీని తరువాత ఇస్లామిక్ స్టేట్ ఇక్కడకు వచ్చి దేశాన్ని సర్వనాశనం చేసింది. ఇప్పుడు దర్నా నగరాన్ని తాకిన వరద  సర్వం తుడిచిపెట్టుకుపోయేలా చేసింది. లిబియా విధ్వంసం కథను ఇప్పుడు తెలుసుకుందాం. ఇలా మొదలైన గడాఫీ శకం  గడాఫీ 27 ఏళ్ల వయసులో తిరుగుబాటుకు పాల్పడి లిబియాలో అధికారంలోకి వచ్చాడు. గడాఫీ ఈ దేశాన్ని 42 సంవత్సరాలు పాలించాడు. ‘బ్రిటన్‌ రాణి 50 ఏళ్లు, థాయ్‌లాండ్‌ రాజు 68 ఏళ్లు పాలించగలిగినప్పుడు నేనెందుకు పాలించలేను’ అని గడాఫీ తరచూ అంటుండేవాడు. గడాఫీ 1942 జూన్ 7న లిబియాలోని సిర్టే నగరంలో జన్మించాడు. 1961లో బెంఘాజీలోని మిలిటరీ కాలేజీలో చేరాడు. శిక్షణ పూర్తయిన తర్వాత లిబియా సైన్యంలో చేరాడు. అనేక ఉన్నత స్థానాల్లో పనిచేశాడు. గడాఫీ సైన్యంలో ఉన్న సమయంలో అక్కడి రాజు ఇద్రీస్‌తో విభేదాలు వచ్చాయి. దీంతో గడాఫీ సైన్యాన్ని విడిచిపెట్టాడు. ప్రభుత్వానికి వ్యతిరేకంగా పనిచేసే బృందంలో చేరాడు. 1969 సెప్టెంబర్ 1న తిరుగుబాటుదారులతో కలిసి గడాఫీ నాటి రాజు ఇద్రిస్ నుంచి అధికారాన్ని స్వాధీనం చేసుకున్నాడు. అంతులేని గడాఫీ అరాచకాలు గడాఫీ అధికారం చేపట్టిన తర్వాత లిబియా నుంచి సహాయం అందుకుంటున్న అమెరికన్, బ్రిటీష్ సైనిక స్థావరాలను మూసివేయాలని గడాఫీ ఆదేశించాడు. లిబియాలో కార్యకలాపాలు నిర్వహిస్తున్న విదేశీ కంపెనీలు వారికి లభిస్తున్న ఆదాయంలో ఎక్కువ వాటా ఇవ్వాలని ఆదేశించాడు. గ్రెగోరియన్ క్యాలెండర్ స్థానంలో ఇస్లామిక్ క్యాలెండర్ అమలు చేశాడు. మద్యం విక్రయాలపై నిషేధం విధించాడు. 1969 డిసెంబర్‌లో, అతని రాజకీయ ప్రత్యర్థులు అధికారాన్ని చేజిక్కించుకోవడానికి ప్రయత్నించినప్పుడు,  వారందరినీ హత్యచేశాడు. ఇటాలియన్లను, యూదు సమాజానికి చెందిన ప్రజలను లిబియా నుండి బహిష్కరించాడు. లిబియా ఆర్థిక వ్యవస్థ పతనం ప్రత్యర్థులను అణచివేసేందుకు గడాఫీ చేపట్టిన విధానాలే అతని పతనానికి కారణంగా నిలిచాయి. అధికారంలోకి వచ్చిన తర్వాత గడాఫీ క్రమంగా అనేక దేశాల ప్రభుత్వాలపై ఆంక్షలు విధిస్తూనే ఉన్నాడు. ఫలితంగా జనం అతనిని వెర్రివాడు అని పిలిచేవారు. గడాఫీ ప్రవర్తన కారణంగా లిబియా ఆర్థిక వ్యవస్థ పతనమయ్యింది.  సిర్టేలో గడాఫీ హతం అనంతరం లిబియా పేరు పలు ఉగ్రవాద దాడులతో ముడిపడి కనిపించింది. 1986లో వెస్ట్ బెర్లిన్ డ్యాన్స్ క్లబ్‌పై జరిగిన బాంబు దాడిలో లిబియా పేరు వినిపించింది. దీంతో నాటి అమెరికా అధ్యక్షుడు రోనాల్డ్ రీగన్ చర్యలు చేపట్టి, ట్రిపోలీలోని గడాఫీ నివాసంపై దాడి చేశారు. నాటి నుంచి యూఎన్‌ఓ గడాఫీ తిరుగుబాటుదారులకు మద్దతు ఇవ్వడం మొదలుపెట్టింది. నాటో కూటమి కూడా లిబియాపై వైమానిక దాడులు చేయడం ప్రారంభించింది. జూన్ 2011లో గడాఫీ కేసు అంతర్జాతీయ క్రిమినల్ కోర్టుకు చేరింది. గడాఫీ, అతని కుమారుడు సైఫ్ అల్-ఇస్లాంలకు కోర్టు వారెంట్లు జారీ చేసింది. 2011, జూలైలో ప్రపంచంలోని 30 దేశాలు లిబియాలో తిరుగుబాటు ప్రభుత్వాన్ని గుర్తించాయి. 2011, అక్టోబరు 20న గడ్డాఫీ తన స్వస్థలమైన సిర్టేలో హతమయ్యాడు. చెలరేగిపోయిన లిబియా నేషనల్ ఆర్మీ గడాఫీ మరణానంతరం ఐక్యరాజ్యసమితి ‘నేషనల్ ట్రాన్సిషనల్ కౌన్సిల్ (టీఎన్‌సీ)’ని చట్టబద్ధమైన ప్రభుత్వంగా ప్రకటించింది. టీఎన్‌సీ 2012లో జనరల్ నేషనల్ కాంగ్రెస్‌కు అధికారాన్ని అప్పగించింది. దీని తరువాత లిబియాలోని టోబ్రూక్ డిప్యూటీస్ కౌన్సిల్ కూడా ఇక్కడ ప్రభుత్వాన్ని ఏర్పాటు చేయాలని ​కోరింది. కాగా 2014 నుండి జనరల్ హఫ్తార్‌కు చెందిన ‘లిబియన్ నేషనల్ ఆర్మీ’  లిబియాలో తన ప్రభావాన్ని పెంచుకుంది. 2016లో ఐక్యరాజ్యసమితి మధ్యవర్తిత్వంతో లిబియాలో ఉమ్మడి ప్రభుత్వం ఏర్పడింది. అయితే కొన్ని లిబియా గ్రూపులు దానిని అంగీకరించడానికి నిరాకరించాయి. ఇంతలోనే లిబియా రాజధాని ట్రిపోలీని స్వాధీనం చేసుకునేందుకు లిబియా నేషనల్ ఆర్మీ.. విమానాశ్రయంపై దాడి చేసింది. జనరల్ హఫ్తార్ తన సైన్యాన్ని ట్రిపోలీపై దాడి చేయాలని ఆదేశించాడు. ఈ విధంగా అతని సైన్యం..ఇతర సమూహాల మధ్య చాలా కాలంగా  ఘర్షణ వాతావరణం కొనసాగింది. ఇస్లామిక్ స్టేట్ ఉగ్రవాదులు హతం గడాఫీ మరణానంతరం ప్రారంభమైన అంతర్యుద్ధాన్ని సద్వినియోగం చేసుకున్న ఇస్లామిక్ స్టేట్ ఈ దేశంలోకి ప్రవేశించింది. రాజధాని ట్రిపోలీకి తూర్పున 450 కి.మీ దూరంలో ఉన్న సిర్టే నగరంలో తన సామ్రాజ్యాన్ని నిర్మించుకుంది. ఇస్లామిక్ స్టేట్ ఇక్కడ ఊచకోతలకు పాల్పడింది. అయితే 2022లో అక్టోబర్‌లో ఖలీఫా హిఫ్తార్ దళాలు ఇస్లామిక్ స్టేట్ ఉగ్రవాదులను అంతమొందించాయి.  తాజా వరదల్లో వేలాదిమంది మృతి తాజాగా లిబియాలోని దర్నాను తాకిన సునామీ తరహా వరద నగరంలోని అనేక ప్రాంతాలను ముంచెత్తింది. ట్రిపోలీలో సంభవించిన వరదల్లో 2,300 మంది మరణించారని చెబుతున్నారు. దర్నాతో సహా దేశంలోని పశ్చిమ ప్రాంతంలో సంబంధిత అధికారులు 5,300కు  మించిన మృతదేహాలను వెలికితీశాని సమాచారం. కాగా వరదల్లో వేలాది మంది గల్లంతయ్యారు. వరద ప్రభావిత ప్రాంతాల్లో 34 వేల మంది నిరాశ్రయులయ్యారని తెలుస్తోంది.  ఇది కూడా చదవండి: పాక్‌ ఆ బంకర్లలో ఏమి దాస్తోంది?

విజయనగరం లీగల్‌: విజయనగరం జిల్లాలో కొత్తగా ఏర్పాటైన న్యాయస్థానాల ద్వారా ప్రజలకు సత్వర న్యాయం అందాలని రాష్ట్ర హైకోర్టు న్యాయమూర్తులు అభిలషించారు. ఈ దిశగా న్యాయాధికారులు, న్యాయవాదులు కృషి చేయా­లని వారు పిలుపునిచ్చారు. విజయనగరంలోని జిల్లా న్యాయ­స్థానా­ల సముదాయంలో కొత్తగా మంజూరైన అదనపు సీనియర్‌ సివిల్‌ కోర్టుని ఆదివారం రాష్ట్ర హైకోర్టు న్యాయమూర్తులు జస్టిస్‌ కె.శ్రీనివాసరెడ్డి, జస్టిస్‌ ఆకుల వెంకట శేషసాయి, జస్టిస్‌ చీకటి మానవేంద్రనాథ్‌ రాయ్, జస్టిస్‌ ఉపమాక దుర్గాప్రసాదరావు, జస్టిస్‌ దుప్పల వెంకటరమణ ప్రారంభించారు. న్యాయసేవా సదన్‌లో ఏర్పాటు చేసిన లీగల్‌ ఎయిడ్‌ డిఫెన్స్‌ కౌన్సిల్‌ కార్యాలయాన్ని జస్టిస్‌ ఏవీ శేషసాయి ప్రారంభించారు. ఆయన మాట్లాడుతూ యువ న్యాయవాదులకు తగిన శిక్ష­ణ ఇచ్చి మెరికల్లాంటి న్యాయవాదులను అందించాలని సీనియర్‌ న్యాయవాదులకు సూచించారు. న్యాయవాదులు, న్యాయాధికారులు పరస్పరం గౌరవించుకోవడం ద్వారా సమాజానికి మేలు చేయగలమన్నారు. జస్టిస్‌ చీకటి మానవేంద్రనాథ్‌ రాయ్‌ మాట్లాడుతూ జిల్లా కోర్టు భవన సముదాయాలకు రూ.99 కోట్లతో మంజూరైన కొత్త భవనాలను నాణ్యతగా నిరి్మంచేలా బార్‌ కౌన్సిల్, యంత్రాంగం తగిన జాగ్రత్తలు తీసుకోవాలన్నారు. జిల్లా జడ్జి బి.సాయి కళ్యాణచక్రవర్తి, రాష్ట్ర బార్‌ కౌన్సిల్‌ చైర్మన్‌ గంటా రామారావు తదితరులు పాల్గొన్నారు. 

కంప్యూటర్‌ సైన్స్‌ (సీఎస్‌) కారణంగా మెకానికల్ ఇంజనీరింగ్, సివిల్, ఎలక్ట్రానిక్స్, ఎలక్ట్రికల్ ఇంజినీరింగ్‌ కోర్స్‌లు ఉనికిని కోల్పోతున్నాయా? అందుకు కారణాలేంటి? డబ్బు కోసమే సీఎస్‌లో చేరుతున్నారా? విద్యార్ధులు ఏమంటున్నారు?  ఈ ఏడాది తొలి 100 ఐఐటీ ర్యాంకర్లలో 89 మంది ఐఐటి బాంబేలో చేరారు. వారిలో ఎక్కువ మంది కంప్యూటర్ సైన్స్‌ (సీఎస్‌)ను చదివేందుకు మొగ్గుచూపారు. అందుకు కారణం! ‘ఆర్థిక స్థిరత్వం, ఆకర్షణీయమైన ఉద్యోగ అవకాశాలేనని ఢిల్లీలోని ఇండియన్ ఇన్‌స్టిట్యూట్ ఆఫ్ టెక్నాలజీలో అప్లైడ్ మెకానిక్స్ డిపార్ట్‌మెంట్ ప్రొఫెసర్‌ తెలిపారు.   అంతేకాదు, డబ్బే అన్నీంటికి మూలం ‘సివిల్ ఇంజనీర్లు, మెకానికల్ ఇంజనీర్లతో పోలిస్తే ఐటీ సంబంధిత విభాగాల్లో ఉద్యోగం చేస్తున్న కంప్యూటర్ ఇంజనీర్ల మధ్య జీతం వ్యత్యాసం చాలా ఉంది. సీఎస్‌ గ్రాడ్యుయేట్లకు ఐటీ పరిశ్రమలో విస్తృతమైన అవకాశాలున్నాయని పేర్కొన్నారు.   ఈ అంశాన్ని విశ్లేషించేందుకు సీఎస్‌, ఐటీ విభాగాల్లోకి మారిన ఐఐటీ సివిల్‌, మెకానికల్‌ ఇంజినీరింగ్‌ విద్యార్ధులు అభిప్రాయాల్ని సేకరించగా.. గ్రాడ్యుయేట్లు వారి కెరీర్ మార్పు గురించి స్పష్టత ఇచ్చారు. ఈ సందర్భంగా 2021లో ఐఐటీ- గౌహతి సివిల్ ఇంజనీరింగ్ గ్రాడ్యుయేట్ పూర్తి చేసి, ప్రస్తుతం ఐటీ జాబ్‌ చేస్తున్న షరీబ్ తస్నీమ్ మాట్లాడుతూ.. ‘సివిల్ ఇంజినీరింగ్ చదివి ఐటీ ఉద్యోగాలు చేయడానికి రెండు ప్రధాన కారణాలున్నాయని అన్నారు. ముందుగా, మెకానికల్, ఎలక్ట్రానిక్, సివిల్ వంటి ఇతర విభాగాలతో పోలిస్తే కంప్యూటర్ సైన్స్ చదివి సాఫ్ట్‌వేర్‌గా పనిచేస్తున్న వారి జీతాలు ఎక్కువగా ఉన్నాయి. రెండవది, సివిల్ ఇంజనీర్లను రిక్రూట్ చేసే కంపెనీలు చాలా తక్కువనే అభిప్రాయం వ్యక్తం చేశారు.  ప్రస్తుతం, హెచ్‌సీఎల్‌ టెక్నాలజీస్‌లో పనిచేస్తున్న ఐఐటి-ఢిల్లి 2019-21 మెకానికల్ బ్రాంచ్‌కు చెందిన ఎంటెక్ విద్యార్థి రిషబ్ మిశ్రా మాట్లాడుతూ ‘కోర్ పరిశ్రమలలో తక్కువ అవకాశాలు, నాన్-కోర్ కంపెనీల్లో ఆకర్షణీయమైన వేతనాలున్నాయి. అందుకే నేనూ ఐటీ విభాగానికి షిఫ్ట్‌ అయ్యాను. మెకానికల్ నుండి కంప్యూటర్ సైన్స్ వరకు మెరుగైన అవకాశాల్ని అందించేది  కంప్యూటర్ సైన్స్ రంగమేనని చెప్పారు.

మహారాష్ట్ర: మహారాష్ట్రకు చెందిన మహిళా ఎమ్మెల్యే ఓ  సివిల్ ఇంజినీర్‌పై చేయి చేసుకున్నారు. అందరూ చూస్తుండగానే అధికారి చెంప చెల్లుమనిపించారు. ఈ వీడియో ఇప్పుడు నెట్టింట వైరల్‌గా మారింది. నిర్మాణాలను కూల్చివేసిన ఘటనలో ఎమ్మెల్యే ఫైర్ అయినట్లు తెలుస్తోంది. థాణే జిల్లాలో ఈ ఘటన వెలుగులోకి వచ్చింది. జిల్లాలోని మీరా భయందర్ ఎమ్మెల్యే గీతా జైన్. అయితే.. భయందర్ మున్సిపల్ కార్పొరేషన్‌లో కొన్ని నిర్మాణాలను కూల్చివేసిన వ్యవహారంలో సివిల్ ఇంజినీర్‌ను ఆమె ప్రశ్నించారు. అధికారులను బూతులు తిడుతూ కోపగించుకున్నారు . నిర్మాణాలను కూల్చివేసిన కారణంగా పిల్లలతో సహా నిర్వాసితులు రానున‍్న వర్షాకాలంలో రోడ్లపైనే ఉండాల్సి వస్తుందని ఆగ్రహం వ్యక్తం చేశారు.  ఈ క్రమంలో అధికారులు చెప్పిన సమాధానానికి సంతృప్తి చెందని ఎమ్మెల్యే.. అధికారి చెంప చెల్లుమనిపించారు.  భయందర్ మున్సిపల్ కార్పొరేషన్‌కు బీజేపీ తరుపున మాజీ మేయర్‌గా గీతా జైన్‌ పనిచేశారు.  2019 ఎన్నికల్లో స్వతంత్ర అభ్యర్థిగా నిలబడి ఎమ్మెల్యేగా గెలుపొందారు. ప్రస్తుతం బీజేపీ-శివసేన ప్రభుత్వానికి మద్దతునిస్తున్నారు. आमदार गीता जैन ताई ही कुठली पद्धत आहे अधिकाऱ्यावर हात उचलून प्रश्न सोडवण्याची.अधिकारी चुकला असेल तर सरकार मधे आहात कायदेशीर कार्यवाही करा कायदा हातात घेण्याचा अधिकार तुम्हाला कोणी दिला आहे ? @CMOMaharashtra यांच्यावर कार्यवाही करणार की आमदारांना कायदा हातात घेण्याची सूट आहे ? pic.twitter.com/ndJGyhLVyR — Suraj Chavan (सूरज चव्हाण) (@surajvchavan) June 20, 2023 ఇదీ చదవండి: మమత ప్రభుత్వానికి షాక్..! కేంద్ర బలగాల మోహరింపుపై సుప్రీం ఓకే..

కాకతీయ యూనివర్సిటీ అర్థశాస్త్ర ఆచార్యులు మంద అశోక్ కుమార్ కూతురు మంద అపూర్వ సివిల్స్ ఫలితాలలో 646 ర్యాంకు సాధించారు. మంద అపూర్వ ఉస్మానియా యూనివర్సిటీలో బీటెక్ పూర్తి చేసి ప్రస్తుతం ఎంటెక్ చేస్తున్నారు. హనుమకొండ ఎక్సైజ్ కాలనీలో నివసిస్తున్న అపూర్వ తల్లి మంద రజనీ దేవి ప్రభుత్వ టీచర్ గా భీమదేవరపల్లి మండలం మాణిక్య పూర్లో పనిచేస్తున్నారు. మందా అపూర్వకు ఇద్దరు అన్నయ్యలు ఉన్నారు పెద్దన్నయ్య అరుణ్ అమెరికాలో సాఫ్ట్‌వేర్‌ ఇంజనీర్‌గా, చిన్న అన్నయ్య అభినవ్ పూణేలో ఫార్మసీ కంపెనీలో ఉద్యోగం చేస్తున్నారు. ఇక, మంద అపూర్వ సివిల్స్‌లో ర్యాంక్‌ సాధించడంపై పలువురు ప్రముఖులు అభినందనలు తెలియజేశారు.   

కొత్త ఏడాది అనంగానే పలువురు రాబోయే ఏడాదిలో ఏమి జరుగుతుందో తమదైన శైలిలో భవిష్యత్తు గురించి చెప్పేస్తుంటారు జ్యోతిష్యులు.  అందరూ కూడా తమకు ఈ కొత్త ఏడాదిలో మంచి జరగాలని రకరకాలుగా సెలబ్రేషన్స్‌ జరుపుకుంటారు. ఈ నేపథ్యంలో రష్యా మాజీ అధ్యక్షుడు, పుతిన్‌ సన్నిహితుడు, రష్యా భద్రతామండలి డిప్యూటీ చైర్మన్‌ దిమిత్రి మెద్వేదేవ్‌ ఏకంగా 2023లో అమెరికా ఎలా ఉంటుందో జోస్యం చెప్పారు. ఈ మేరకు మెద్వెదేవ్‌ ట్విట్టర్‌లో.. అమెరికాలో అంతర్యుద్ధం జరుగుతోందని, ఫలితంగా కాలిఫోరియా, టెక్సాస్‌ రాష్టాలు స్వతంత్ర రాష్టాలుగా విడిపోయే పరిస్థితి ఏర్పడుతుందంటూ..సంచలన విషయాలు చెప్పారు. దీంతో అధ్యక్ష ఎన్నికల్లో ట్విట్టర్‌ బాస్‌ ఎలన్‌ మస్క్‌ అమెరికా అధ్యక్షుడవుతారని ట్విట్టర్‌ వేదికగా జోస్యం చెప్పారు. అంతేగాదు ఆంగ్లో సాక్సన్‌ స్నేహితులకు వారి పిల్లల​కు న్యూ ఇయర్‌  శుభాకాంక్షలు అంటూ ట్వీట్‌ చేశారు. ఒక రష్యా అత్యున్నతాధికారి ఇలా వింతగా జోస్యం చెప్పడం నెటిజన్లను ఆశ్చర్యచకితులను చేసింది. ఈ ట్విట్టర్‌ పోస్ట్‌ నెట్టింట దావానలంలా వైరల్‌ అయ్యింది. ఈ పోస్ట్‌ ఎలన్‌ మస్క్‌ దృష్టికి రావడమే కాదు ఆయన ఈ విషయంపై వెంటనే స్పందించారు కూడా. ఈ మేరకు మస్క్‌ రష్యా అధికారి మెద్వెదేవ్‌ ఒక పురాణకథను వల్లించారంటూ సెటైర్‌ వేశారు. తెలివితేటల పరంగానూ, రాజీకయపరంగానూ చూసినా.. ఇది అత్యంత అవాస్తవమైనా, అసంబద్ధమైన అంచనా. ఇది అతని అవగాహన లేమికి నిదర్శనం అంటూ ఎలన్‌ మస్క్‌ రష్యా మాజీ అధ్యక్షుడు మెద్వెదేవ్‌కి గట్టి కౌంటరిచ్చారు.  8. Civil war will break out in the US, California. and Texas becoming independent states as a result. Texas and Mexico will form an allied state. Elon Musk’ll win the presidential election in a number of states which, after the new Civil War’s end, will have been given to the GOP — Dmitry Medvedev (@MedvedevRussiaE) December 26, 2022 (చదవండి: బయల్దేరే సమయానికి మంచు తుపాను...ఏకంగా 18 గంటల పాటు కారులో)

సాక్షి, హైదరాబాద్‌:  ఆడుతూపాడుతూ సన్నద్ధమైన ఓ యువతి ఇప్పుడు దేశంలోనే అత్యున్నత సర్వీస్‌ అయిన సివిల్స్‌లో మెరిసింది. టాప్‌ 20 ర్యాంక్‌ సాధించి సత్తా చాటింది. అది కూడా తొలి ప్రయత్నంలోనే సాధించడం విశేషం. ఆమెనే తెలంగాణకు చెందిన శ్రీజ. సివిల్స్‌లో ఆలిండియా 20వ ర్యాంకు వచ్చిన పి.శ్రీజ స్వస్థలం వరంగల్‌. హైదరాబాద్‌లోని ఉప్పల్‌ సమీపంలోని సాయినగర్‌లో నివాసం ఉంటున్నారు. తండ్రి శ్రీనివాస్‌ హబ్సిగూడలోని వాహనాల షోరూంలో సేల్స్‌ మేనేజర్‌గా పనిచేస్తుండగా.. తల్లి శ్రీలత నర్సుగా పనిచేస్తున్నారు. శ్రీజ ఉస్మానియా మెడికల్‌ కళాశాలలో ఎంబీబీఎస్‌ చదివింది. తాజాగా తన తొలి ప్రయత్నంలోనే సివిల్స్‌లో 20వ ర్యాంకు సాధించింది. ప్రజలకు మెరుగైన వైద్యసేవలు అందించేందుకు ఎంబీబీఎస్‌ చేశానని.. పేదలకు మరింత సేవ చేయాలన్న ఆలోచనతో సివిల్స్‌కు సిద్ధమయ్యానని శ్రీజ తెలిపింది. (చదవండి: మా సంస్థ అంకిత భావాన్ని గుర్తించి  ఈ అవార్డును అందించినందుకు మనసారా కృతజ్ఞతలు: స్వేరోస్‌)   ‘‘పెద్దగా ఒత్తిడికి గురికాకుండా ఆడుతూపాడుతూ సివిల్స్‌ పరీక్షలకు సిద్ధమయ్యా. అన్ని అంశాలపై అవగాహన పెంచుకోవడంతో ప్రిలిమినరీ, మెయిన్స్‌ పరీక్షల్లో.. ఇంటర్వ్యూలో ఎలాంటి తడబాటు లేకుండా నిలిచా. కోచింగ్, తల్లిదండ్రులు ఇచ్చిన ప్రోత్సాహం నా విజయానికి తోడ్పడ్డాయి..’’ అని పేర్కొంది. (చదవండి: అవార్డు మరింత స్ఫూర్తినిస్తుంది: అరుణ్‌ డేనియల్‌ ఎలమటి)

ఇస్లామాబాద్‌: పాకిస్తాన్‌ దేశ అత్యున్నత పబ్లిక్‌ సర్వీస్‌ పరీక్షలో తొలి ప్రయత్నంలోనే ఉత్తీర్ణత సాధించిన తొలి  హిందూ మహిళగా సనా రామ్‌చంద్‌ గుల్వానీ చరిత్ర సృష్టించారు. అత్యంత క్లిష్టమైన పరీక్షగా భావించే ఈ పరిక్షలో ఉత్తీర్ణత సాధించి అందరి ప్రశంసలను అందుకున్నారు. (చదవండి: స్పేస్‌ఎక్స్‌ టూరిజంలా త్వరలో మూన్‌ టూరిజం) పాకిస్తాన్‌ అడ్మినిస్ట్రేటివ్‌ సర్వీస్‌లోని సింధు గ్రామీణ్‌లో చోటు సంపాదించి సెంట్రల్‌ సూపిరియర్‌ సర్వీస్‌లో సనా స్థానం కైవసం చేసుకుంది. ఈ పరీక్ష భారత్‌లోని  సివిల్స్‌ పరీక్ష మాదిరి అత్యంత క్లిష్టమైన పరీక్ష. సనా.. షహీద్ మొహతర్మ బెనజీర్ భుట్టో మెడికల్ యూనివర్సిటీ నుండి ఎంబీబీఎస్‌ పూర్తి చేశారు. ఆ తర్వాత యూరాలజిస్ట్‌గా చదువును కొనసాగించారు. తదనంతరం ఫెడరల్‌ సర్వీస్‌ కమిషన్‌లో చేరారు. (చదవండి: ఎలన్‌ మస్క్‌: రష్యాకు హ్యాండ్‌.. భారత్‌ కోసమేనా?)

సాక్షి, హైదరాబాద్‌ : పోలీసుశాఖలో పనిచేస్తూ సివిల్‌ కానిస్టేబుల్, ఎస్సైలుగా ఎంపికైన వారికి కొత్తగా వేతన కష్టాలు చుట్టుముట్టాయి. పదోన్నతి దక్కినందుకు సంబరపడాలో వేతనం తగ్గుతున్నందుకు బాధపడాలో తెలియని అయోమయంలో పడ్డారు. ఇటీవల తెలంగాణ రాష్ట్ర స్థాయి పోలీసు నియామక బోర్డు (టీఎస్‌ఎస్‌పీఆర్‌బీ) ఆధ్వర్యంలో ఒకేసారి దాదాపు 18 వేల పోస్టుల ఫలితాలు ప్రకటించింది. వీరిలో 1,200 మంది ఎస్సైలకు శిక్షణ ప్రారంభమైంది. త్వరలోనే 16 వేల మందికి పైగా కానిస్టేబుళ్లకు శిక్షణ ప్రారంభం కానుంది. అయితే సివిల్‌ కానిస్టేబుల్, సివిల్‌ ఎస్సైలకు ఎంపికైన కానిస్టేబుళ్ల పరిస్థితి దయనీయంగా మారింది. ఇటీవల టీఎస్‌ఎస్‌పీఆర్‌బీ నిర్వహించిన పరీక్షల్లో ఆర్మ్‌డ్‌ రిజర్వుడు (ఏఆర్‌), తెలంగాణ స్టేట్‌ స్పెషల్‌ పోలీస్‌ (టీఎస్‌ఎస్‌పీ) బలగాల్లో పనిచేసే కానిస్టేబుళ్లు కూడా ఉన్నారు. వీరిలో 2016 అంతకుముందు ఎంపికైనవారున్నారు. ఆ లెక్కన వీరందరి జీతం రూ.30 వేలకు కాస్తా అటుఇటుగా ఉంది. పాత కొలువులకు రాజీనామా చేసి..  ఇటీవల వెలువడిన ఫలితాల్లో దాదాపు 1,500 మంది ఏఆర్, టీఎస్‌ఎస్‌పీ కానిస్టేబుళ్లు సివిల్‌ కానిస్టేబుళ్లు, ఎస్సైలుగా ఎంపికయ్యారు. వీరంతా సివిల్‌కు రావాలంటే వీరంతా తమ పాత ఉద్యోగాలకు రాజీనామా చేసి, సంబంధిత విభాగం నుంచి నిరభ్యంతర పత్రం (ఎన్‌వోసీ) తీసుకురావాలి. అప్పుడు వీరంతా తిరిగి కానిస్టేబుల్, ఎస్సై శిక్షణకు వెళతారు. శిక్షణకాలంలో వీరందరినీ ట్రైనీ కేడెట్లుగానే పరిగణిస్తారు. ఆ సమయంలో నెలకు రూ.9,000 స్టైపెండ్‌ కింద ఇస్తారు. వీరిలో చాలామంది వివాహితులు. కొందరికి పిల్లలు కూడా ఉన్నారు. శిక్షణకాలంలో ఇంత తక్కువ వేతనంతో ఎలా మనగలగాలి? అన్న ఆందోళన వ్యక్తమవుతోంది. వీరిలో ఎస్సైకి ఎంపికైన అభ్యర్థులు ర్యాంకు పెరిగింది కాబట్టి.. ఎలాగోలా సర్దుకునేందుకు సిద్ధపడ్డారు. కానీ, సివిల్‌కానిస్టేబుల్‌కు ఎంపికైన ఏఆర్, టీఎస్‌ఎస్‌పీ కానిస్టేబుళ్లు మాత్రం కుటుంబపోషణ భారంగా మారుతుందని వాపోతున్నారు. తామందరం ఇప్పటికే శిక్షణ తీసుకుని, కానిస్టేబుళ్లుగా పనిచేస్తున్న కారణంగా తిరిగి 9 నెలల సుదీర్ఘ శిక్షణ అవసరం లేదని అభిప్రాయపడుతున్నారు. గతంలో 2016లో నూ ఇలాంటి సమస్యే ఎదురైనపుడు ఏఆర్, టీఎస్‌ఎస్‌పీ, కానిస్టేబుళ్లకు కేవలం 3 నెలల తరగతులు బోధించి వెంటనే సివిల్‌ కానిస్టేబుళ్లుగా పోస్టింగ్‌ ఇచ్చారని గుర్తుచేస్తున్నారు. తమకు తిరిగి అదే వెసులుబాటు కల్పించాలని డీజీపీకి విజ్ఞప్తి చేస్తున్నారు. ఈ మేరకు పలువురు కానిస్టేబుళ్లు డీజీపీ కార్యాలయానికి వస్తూ వినతిపత్రాలు సమర్పిస్తున్నారు.

సాక్షి, జనగామ: ముందస్తు ఎన్నికలపై ఎలక్షన్‌ కమిషన్‌ అనేక ఆంక్షలు విధిస్తుంది. సాంకేతికతను వినియోగిస్తూ గతంలో ఎన్నడూ లేని విధంగా అభ్యర్థుల ప్రచార కదలికలపై కన్నేసింది. కోడ్‌ ఉల్లంఘనలపై అధికారులు పర్యవేక్షిస్తుండగా ఈసారి పనిలో పనిగా సామాన్యపౌరులకు ఆ బాధ్యతలు అప్పగించింది. దీంతో ఫిర్యాదుల వెల్లువ కొనసాగుతుంది. కోడ్‌ అతిక్రమిస్తున్న రాజకీయపార్టీలపై సీ విజిల్‌ యాప్, ఈసీ వెబ్‌సైట్, ఈ మెయిల్‌ ద్వారా ఎన్నికల సంఘం దృష్టికి తీసుకొస్తున్నారు. కోడ్‌ అమలులోకి వచ్చిన నాటినుంచి జనగామ జిల్లావ్యాప్తంగా సీ విజిల్‌ యాప్‌లో 56 ఫిర్యాదులు అందాయి. వీటిలో 55 కేసులకు సంబంధించి విచారణ జరుపుతుండగా ఒకటి మాత్రం ఎఫ్‌ఐఆర్‌ బుక్‌చేశారు.  ఓటింగ్‌ రోజు జాగ్రత్త పోలింగ్‌ స్టేషన్‌ దగ్గరలో కోడ్‌కు వ్యతిరేఖంగా ప్రచారం చేస్తే ఏ పోలీస్‌ అధికారి అయినా సామగ్రిని స్వాధీనం చేసుకోవచ్చు, మూడు నెలల జైలు లేదా జరిమానా విధించవచ్చు.  ఓటు వేసే సమయంలో నియమ నిబంధనలు పాటించని వారికి మూడు నెలల జైలలు శిక్ష లేదా జరిమానా పడుతుంది.  పోలింగ్‌ బూత్‌ వద్దకు చేరవేసేందుకు అక్రమంగా వాహనాలు సమకూర్చడం నేరమే. అధికార దుర్వినియోగం చేస్తే శిక్షార్హులే. అందుకు రూ.500 జరిమానా విధిస్తారు.  పోలింగ్‌రోజు, కౌంటింగ్‌రోజు మద్యం అమ్మడం, అందించడం నేరం. అందుకు ఆరు నెలల జైలు శిక్ష లేదా రెండు వేల రూపాయల వరకు జరిమానా పడుతుంది.  ముందే అవగాహన.. పెద్ద ఎత్తున ప్రచారం.. ఎలక్షన్‌ నియమావళి ఉల్లంఘనపై సీ విజిల్, వెబ్‌సైట్, ఈ మెయిల్‌ ద్వారా ఫిర్యాదుచేసే విధానంపై ఎన్నికల అధికారులు జిల్లావ్యాప్తంగా ప్రచారం చేశారు. సీ విజిల్‌ కోసం నియమించిన నోడల్‌ అధికారుల ద్వారా పట్టణ, గ్రామీణ ప్రాంతాల్లో నిత్యం అవగాహన కార్యక్రమాలు చేపడుతూ ప్రజలను చైతన్యవంతులను చేస్తున్నారు.  సత్వర పరిష్కారం.. సీ విజిల్‌ యాప్‌ ద్వారా ఫిర్యాదులు చేసిన 100 నిమిషాల్లో సమస్యను పరిష్కరించే విధంగా సంబంధిత అధికారులు చర్యలు తీసుకుంటున్నారు. యాప్‌ ద్వారా ఫిర్యాదులు చేసే వారి వివరాలు అడ్రస్‌ తెలుసుకుంటారు. దీంతో సంబంధిత అధికారులు ఆ ప్రాంతానికి చేరుకుని సమస్యను పరిష్కరించే విధంగా కృషి చేస్తున్నారు. యాప్‌ ద్వారా వచ్చిన ఫిర్యాదులను పరిశీలించి వాస్తవమయితే కేసు నమోదు చేయడంతో పాటు  ఫిర్యాదుచేసిన వ్యక్తుల వివరాలు గోప్యంగా ఉంచేందుకు సంబంధిత అధికారులకు ఎలక్షన్‌ కమిషన్‌ ఖచ్చితమైన ఆదేశాలు జారీ చేసింది.   

సాక్షి ప్రతినిధి, ఏలూరు: నాన్న స్ఫూర్తితో సివిల్స్‌కు ప్రయత్నించాను. మా నాన్నగారు ఫ్యాక్షన్‌ పడగవిప్పిన సమయంలో రాయలసీమలో పోలీసు అధికారిగా పనిచేశారు. ఆ సమయంలో ఆయన పనితీరు, ఫ్యాక్షన్‌ను అణగదొక్కడానికి ఆయన తీసుకుంటున్న చర్యలు నన్ను పోలీసు కావడానికి ప్రేరేపించాయి. డిగ్రీ చదువుతున్నప్పుడే సివిల్స్‌కు వెళ్లాలన్న నిర్ణయం తీసుకున్నాను. మావోయిస్టు ప్రాబల్యం ఎక్కువగా ఉన్న ప్రాంతాల్లో పనిచేశాను. అక్కడ యువతను మావోయిజం వైపు నుంచి మళ్లించేందుకు వారికి ఉపాధి కల్పించే దిశగా తీసుకున్న చర్యలు విజయవంతం కావడం నాకు ఇప్పటికీ గుర్తుండిపోయే అంశం. నేడు యువత సోషల్‌మీడియా ఉచ్చులో పడి చెడిపోతోంది. సోషల్‌మీడియాలో ఉన్న మంచిని స్వీకరించవచ్చు గాని నేరం ఎలా చేయాలో మీడియాలో చూసి నేర్చుకుని ఆ వైపుగా యువత వెళ్లడం బాధ కలిగిస్తోంది. సోషల్‌ మీడియాలో వెయ్యి మంది స్నేహితులు ఉండటం కన్నా బయట మంచి స్నేహితులు నలుగురైదుగురు ఉంటే యువత తమ భవితను ఉన్నతంగా తీర్చిదిద్దుకుంటుందని అభిప్రాయపడుతున్న పశ్చిమగోదావరి జిల్లా సూపరింటెండెంట్‌ ఆఫ్‌ పోలీసు ఎం.రవిప్రకాష్‌ సాక్షి ప్రతిని«ధితో పంచుకున్న అంతరంగం ఆయన మాటల్లోనే. కుటుంబ నేపథ్యం : తండ్రి రామచంద్రయ్య రిటైర్డ్‌ అదనపు ఎస్పీ, తల్లి సరోజనమ్మ, భార్య సుకన్య, కుమారుడు సూర్య  చదువు : డిగ్రీ బీఎస్సీ (పీసీజెడ్‌) తిరుపతిలో, ఎంఎస్సీ మైక్రో బయోలజీ. డిగ్రీ చదివేనాటి నుంచే సివిల్‌ సర్వీస్‌ పట్ల ఆసక్తి, హైదరాబాద్‌లో కాంపిటేటివ్‌ ఎగ్జామ్స్‌కు శిక్షణ తీసుకున్నాను. వ్యక్తిగతం: సొంత జిల్లా చిత్తూరు. చదువు అంతా కడప, అనంతపురం, చిత్తూరులోనే సాగింది. నాన్న  రామచంద్రయ్య పోలీస్‌ అధికారిగా పనిచేయటంతో పోలీస్‌ అవ్వాలనే కోరిక ఉండేది. చేస్తే పోలీస్‌ అధికారిగానే పనిచేయాలనే లక్ష్యం ఉండేది. అప్పట్లో రాయలసీమలో ఫ్యాక్షన్‌ అధికంగా ఉండేది. తండ్రి సిన్సియర్‌ ఆఫీసర్‌గా చేయటంతో అదేస్థాయిలో తానూ చేయాలనే బలమైన కాంక్ష ఉండేది. కెరీర్‌ : ఎక్కువగా మావోయిస్ట్‌ ప్రాబల్యం ఉన్న తెలంగాణలోనే చేశాను. సిరిసిల్ల, పెద్దపల్లి, తాడిపత్రిలో డీఎస్పీగా పనిచేశా. ముఖ్యంగా కరీంనగర్‌ జిల్లాలో మావోయిస్టు ప్రభావం తీవ్రస్థాయిలో ఉండేది. చాలా ఆపరేషన్స్‌లో పాల్గొన్నా. మావోయిస్టు ప్రభావం ఉన్న ప్రాంతాల్లో ఎక్కువగా పనిచేసి మంచి ఫలితాలు సాధించా. అచీవ్‌మెంట్స్‌: కఠిన సేవా పతకం 2005లోనూ, ముఖ్యమంత్రి శౌర్యపతకం 2009లోనూ ప్రభుత్వం అందించింది. ఇవికాకుండా అనేక మెడల్స్‌ అందుకున్నాను. హాబీలు: షటిల్‌ బ్యాడ్మింటన్, బుక్‌ రీడింగ్, స్మిమ్మింగ్‌ అంటే బాగా ఇష్టం. పోలీస్‌ అధికారిగా బాధ్యతలు చేపట్టటంతో భారత చట్టాలు, జడ్జిమెంట్స్, ఫోరెన్సిక్‌ సైన్స్, ఫోరెన్సిక్‌ మెడిసిన్‌ వంటి పుస్తకాలను చదవటం అలవాటయింది. ఇక చార్లెస్‌ డికిన్స్‌ రాసిన డేవిడ్‌ కాపర్‌ఫీల్డ్, డిటెక్టివ్‌ పుస్తకం షెర్లాక్‌ హŸమ్స్‌ అంటే చాలా మక్కువ. ‘మావూరికి రండి’ : సిరిసిల్లలో పనిచేసే రోజులు బాగా సంతృప్తి నిచ్చాయి. యువత మావోయిస్టు భావజాలానికి ప్రభావితులు కాకుండా కట్టడి చేయటం గుర్తుండిపోతుంది. ప్రధానంగా ‘మావూరికి రండి’ కార్యక్రమం అద్భుతమైంది. సిరిసిల్లలో పనిచేసేందుకు ప్రభుత్వ ఉద్యోగులు భయపడే రోజులవి. గ్రామస్తులే ఉద్యోగులకు రక్షణ వలయంగా ఉండేవారు. ఇళ్లు సైతం అద్దెలు లేకుండా గ్రామస్తులే ఏర్పాటు చేసేవారు. వీఆర్‌వోలు, పంచాయతీ సెక్రటరీలు, ఉపాధ్యాయులు, వ్యవసాయ శాఖ ఉద్యోగులు ఇలా అన్ని ప్రభుత్వ శాఖల ఉద్యోగులు స్వేచ్ఛగా పనిచేసేలా చేయటం మంచి అచీవ్‌మెంట్‌గా మిగిలిపోయింది. ఫీల్‌ గుడ్‌:  మారుమూల గ్రామాల్లోని యువతకు ప్రత్యేకంగా శిక్షణ ఇప్పించి సెక్యూరిటీ గార్డులుగా హైదరాబాద్‌లో ఉద్యోగాలు ఇప్పించాం. 5వేల మంది యువతకు సెక్యూరిటీ గార్డులుగా ఉపాధి కల్పించటం సంతృప్తినిచ్చింది. గుంటూరులో పనిచేసే కాలంలో గిరిజన తండాలోని యువతకు ఉద్యోగ సాధనకు శిక్షణ ఇప్పించా. బీఎస్‌ఎఫ్, సీఆర్‌పీఎఫ్‌ వంటి ప్రభుత్వ ఉద్యోగాల్లో 100మందికి చోటు కల్పించటం మర్చిపోలేను. చింతూరు, రంపచోడవరంలో జనమైత్రిలో భాగంగా యువతకు ఉపాధి, ఉద్యోగ శిక్షణలు ఇవ్వటం. భగవంతుడి సేవ: తూర్పుగోదావరి జిల్లాలో మూడేళ్లు పనిచేశా. గోదావరి పుష్కరాల్లో పనిచేశాను. భద్రాచలం నుంచి సఖినేటిపల్లి, అంతర్వేది వరకూ ఉన్న 500 ఘాట్లలో ఎటువంటి అవాంఛనీయ సంఘటనలు జరగకుండా జాగ్రత్తలు తీసుకున్నాం (రాజమండ్రి నా పరిధిలోకి రాదు). పుష్కరాల్లో పనిచేయటం, భగవంతుని సేవగా భావించాను. కలచివేసింది: మహబూబ్‌నగర్‌లో పనిచేసే రోజుల్లో మావోయిస్టులు ఇద్దరు కానిస్టేబుల్స్‌ను చంపటం తీవ్రంగా బాధించింది. కోర్టు సమన్లు ఇచ్చేందుకు వెళ్లిన నిరాయుధులైన కానిస్టేబుళ్లను కిరాతకంగా హతమార్చటం కలచివేసింది. అదేస్థాయిలో విజయవాడ పడమటలో ఒక మహిళను అత్యంత దారుణంగా అత్యాచారం చేసి, హత్య చేయటం సమాజంలో నైతిక విలువలు దిగజారిపోయాయి అనేం దుకు నిదర్శనంగా ఉన్నాయి. యువతకు సందేశం: సమాజంలో రోజురోజుకూ మానవ సంబంధాలు దెబ్బతింటున్నాయి. సోషల్‌ మీడియా ప్రభావంతో యువత, విద్యార్థులు పెడదారి పట్టటం ఆందోళన కలిగిస్తోంది. సోషల్‌ మీడియాకు దూరంగా ఉండాలి. భవిష్యత్తులో ఉన్నతంగా ఎదిగేందుకు యువత తమ శక్తిని వినియోగించాలి. నేడు అధికంగా క్రిమినల్‌ కేసుల్లో యువత ఉంటోంది. హత్యలు, అత్యాచారాలు, జూదం, ట్రాప్‌లు వంటివాటిలో ఉండడం మానుకోవాలి. క్రిమినల్‌ కేసులు నమోదైతే భవిష్యత్తు నా«శనం అవుతుంది.


 
  హాజరు కానున్న 2,681 మంది అభ్యర్థులు
 
 అనంతపురం అర్బన్‌:
 యూనియన్‌ పబ్లిక్‌ సర్వీస్‌ కమిషన్‌ (యూపీఎస్‌సీ) ఆధ్వర్యంలో ఆదివారం అనంతపురంలోని ఎనిమిది కేంద్రాల్లో సివిల్‌ సర్వీసెస్‌ (ప్రిలిమనరీ) పరీక్ష జరగనుంది. ఇందుకు సంబంధించి అధికార యంత్రాగం పకడ్బందీగా ఏర్పాట్లు చేసింది. సివిల్స్‌ పరీక్షకు జిల్లావ్యాప్తంగా 2,681 మంది అభ్యర్థులు హాజరుకానున్నారు.
 పేపర్‌–1 ఉదయం 9.30 గంటల నుంచి 11.30 గంటల వరకు జరుగుతుంది. పేపర్‌–2 మధ్యాహ్నం 2.30 గంటల నుంచి 4.30 గంటల వరకు ఉంటుంది. పరీక్షల నిర్వహణకు 32 మంది అధికారులను నియమించారు. ఇందులో ఎనిమిది మంది లైజన్‌ ఆఫీసర్లు, ఎనిమిది రూట్‌ అధికారులు, ఎనిమిది పరిశీలకులు, ఎనిమిది మంది అసిస్టెంట్‌ సూపర్‌వైజర్లు ఉంటారు.
 అరగంట ముందే ఉండాలి
 అభ్యర్థులు పరీక్ష సమయానికి అర్ధ గంట ముందుగానే కేంద్రంలోకి చేరుకోవాలి. ఉదయం పరీక్షకు 9.10 గంటల్లోగా, మధ్యాహ్నం పరీక్షకు 2.10 గంటల్లోగా కేంద్రంలోకి చేరుకోవాల్సి ఉంటుంది. వెంట ఎలాంటి ఎలక్ట్రానిక్‌ వస్తువులను అనుమతించరు.


 ♦ కేంద్రానికి రాష్ట్రం నుంచి ప్రతిపాదనలు
 ♦ ఒక్కో పాలిటెక్నిక్‌కు రూ.12.3 కోట్లు
 ♦ 2018–19 విద్యా సంవత్సరం నుంచి ప్రారంభం  
 
 సాక్షి, హైదరాబాద్‌: రాష్ట్రంలో కొత్తగా ఏర్పాటు చేసిన ఐదు జిల్లాలకు ప్రభుత్వ పాలిటెక్నిక్‌ కాలేజీలను మంజూరు చేసేందుకు కేంద్రం అంగీకరించింది. సబ్మిషన్‌ స్కీం ఆఫ్‌ పాలిటెక్నిక్స్‌ కింద కేంద్ర మానవ వనరుల అభివృద్ధి శాఖ ఒక్కో పాలిటెక్నిక్‌ ఏర్పా టుకు రూ. 12.3 కోట్ల చొప్పున మంజూరు చేయ నుంది. ఇందులో పాలిటెక్నిక్‌ల భవన నిర్మాణాలకు రూ. 8 కోట్ల చొప్పున, పరికరాలు, వసతుల కల్పనకు రూ. 4.3 కోట్ల చొప్పున నిధులను ఇవ్వనుంది. ప్రస్తుతం రాష్ట్రంలోని 31 జిల్లాల్లో 5 జిల్లాల్లో పాలిటెక్నిక్‌లు లేవు.
 
 మహబూబాబాద్‌ ఆసిఫాబాద్, నాగర్‌ కర్నూలు, కామారెడ్డి, పెద్దపల్లి జిల్లాల్లో కొత్త పాలిటెక్నిక్‌ల ఏర్పాటు కోసం ప్రభుత్వం ప్రతిపాద నలు సిద్ధం చేస్తోంది. అవి పూర్తి కాగానే కేంద్రానికి అందజేయనుంది. కేంద్రం నుంచి ఆమోదం లభించ గానే 2018–19 విద్యా సంవత్సరం నుంచి వాటిని అమల్లోకి తేనుంది. కొత్తగా ఏర్పాటు చేసే పాలి టెక్నిక్‌లకు అవసరమైన భూమి, వాటిల్లో నియమించే అధ్యాపకుల జీతభత్యాలను రాష్ట్ర ప్రభుత్వమే భరిం చాల్సి ఉంటుంది. కొత్తగా రానున్న 5 పాలిటెక్నిక్‌లలో 3 చొప్పున (సివిల్, ఎలక్ట్రికల్, మరొకటి) కోర్సులను ప్రవేశపెట్టేలా ప్రతిపాదనలు సిద్ధం చేస్తున్నారు.
 
 ఈ ఏడాది నుంచే హుస్నాబాద్‌ పాలిటెక్నిక్‌లో తరగతులు 
 హుస్నాబాద్‌లో కొత్తగా ఏర్పాటు చేసిన ప్రభుత్వ పాలిటెక్నిక్‌లో 2017–18 విద్యా సంవత్సరం నుం చే తరగతులు ప్రారంభం కానున్నాయి. ఈ నెల 22న నిర్వహించనున్న పాలీసెట్‌–2017 ద్వారా ఆ కాలేజీలో సివిల్‌లో 60 సీట్లు, ఎలక్ట్రికల్‌లో 60 సీట్లను భర్తీ చేయనున్నారు. ఈ మేరకు హుస్నా బాద్‌ పాలిటెక్నిక్‌కు ఏఐసీటీఈ ఆమోదం తెలి పింది. ఈ విద్యా సంవత్సరంలో హుస్నాబాద్‌తో పాటు సికింద్రాబాద్‌ పాలిటెక్నిక్‌లో తరగతుల ప్రారంభానికి అనుమతి ఇవ్వాలని రాష్ట్ర సాంకేతిక విద్యాశాఖ ఏఐసీటీఈకి ప్రతిపాదనలు పంపింది. సికింద్రాబాద్‌ ప్రభుత్వ పాలిటెక్నిక్‌కు సొంత భవనం లేకపోవడంతో 2017–18లో ప్రవేశాలకు అనుమతి ఇవ్వలేదు.


 జిల్లా ఎస్పీ రవిప్రకాష్‌
 పిఠాపురం రూరల్‌ : పోలీసులు సివిల్‌ వివాదాల్లో జోక్యం చేసుకుంటే ఉపేక్షించేది లేదని జిల్లా ఎస్పీ రవిప్రకాష్‌ హెచ్చరించారు. పిఠాపురం రూరల్‌ పోలీసు స్టేషన్‌ను ఆదివారం రాత్రి ఆయన తనిఖీ చేశారు. ఈ సందర్భంగా ఆయన విలేకరులతో మాట్లాడుతూ పోలీసులు ప్రజలతో స్నేహ సంబంధాలు పెంచుకోవాలన్నారు. పోలీసు అధికారులు ఎప్పటికప్పుడు ఫిర్యాదులను పరిష్కరించడంతో పాటు సివిల్‌ వివాదాలకు దూరంగా ఉండాలని సూచించారు. సివిల్‌ దందాలో పోలీసుల పాత్ర ఉంటే చర్యలు తప్పవని హెచ్చరించారు. గత నెల 27న చిత్తూరులో జరిగిన బాంబు పేలుడు సంఘటనలో మావోయిస్టు దళ కమిటీ సభ్యులు హరిభూషణ్‌తో పాటు ఐతు చనిపోయినట్టు గుర్తించామన్నారు. ఇందుకు సంబంధించిన ఆధారాలు తమకు లభించాయని చెప్పారు. ఈ ప్రమాదంలో తీవ్రంగా గాయపడ్డ కన్నయ్య, మోహన్‌లకు కాకినాడలో మెరుగైన చికిత్స అందిస్తున్నట్టు తెలిపారు. అక్రమ పశు వధ, రవాణాలపై ప్రత్యేక నిఘా ఏర్పాటు చేశామన్నారు. ఇటీవల కొత్తపల్లి పోలీసు స్టేషన్‌లో పనిచేస్తున్న మహిళా కానిస్టేబుల్‌ ఆత్మాహత్యాయత్నం సంఘటనలో ఆ స్టేషన్‌ ఎస్‌ఐ చైతన్యకుమార్‌పై సర్పవరం పోలీసు స్టేషన్‌లో కేసు నమోదు చేసి దర్యాప్తు చేస్తున్నామన్నారు. రికార్డులు సక్రమంగా నిర్వహించని పిఠాపురం రూరల్‌ ఎస్‌ఐ వి.సుభాకర్‌కు మెమో జారీ చేస్తున్నట్టు తెలిపారు.


 24 హైకోర్టుల్లో 1,079 మంది న్యాయమూర్తులకు గాను 608 మందే...
 • న్యాయమూర్తుల కొరత 44 శాతం
 • పెండింగ్‌ కేసుల్లో సివిల్‌ 29,31,352, క్రిమినల్‌ 11,23,178
 • హైకోర్టులో జడ్జీల ఖాళీలు, అపరిష్కృత కేసులపై సుప్రీం నివేదిక
 
 న్యూఢిల్లీ: దేశవ్యాప్తంగా హైకోర్టుల్లో పెండింగ్‌ కేసులు, న్యాయమూర్తుల ఖాళీలపై సుప్రీంకోర్టు వార్షిక నివేదికలో విస్మయకర వాస్తవాలు వెలుగుచూశాయి. సుప్రీంకోర్టు వెల్లడించిన వివరాల మేరకు మొత్తం 24 హైకోర్టుల్లో 40.54 లక్షల కేసులు అపరిష్కృతంగా ఉండగా, 44 శాతం న్యాయమూర్తుల కొరతతో కోర్టులు తంటాలు పడుతున్నాయి. న్యాయమూర్తుల నియామకంపై సుప్రీంకోర్టు, కేంద్ర ప్రభుత్వం మధ్య సంఘర్షణ కొనసాగుతున్న నేపథ్యంలో ఈ నివేదిక ప్రాధాన్యత సంతరించుకుంది.  ‘భారత న్యాయవ్యవస్థ వార్షిక నివేదిక 2015–16’ పేరిట గతేడాది జూన్‌30 వరకూ హైకోర్టుల్లోని న్యాయమూర్తుల ఖాళీలు, పెండింగ్‌ కేసుల వివరాల్ని సుప్రీంకోర్టు ఇందులో పొందుపరిచింది.
 
 సుప్రీం నివేదిక ప్రకారం... మొత్తం 24 హైకోర్టులకు కేటాయించిన న్యాయమూర్తుల సంఖ్య 1,079 కాగా, కేవలం 608 మందే విధులు నిర్వర్తిస్తున్నారు. ఉండాల్సిన న్యాయమూర్తుల సంఖ్య కంటే ఇది 43.65 శాతం తక్కువ. ఇక 40.54 లక్షల అపరిష్కృత కేసుల్లో సివిల్‌ కేసుల సంఖ్య 29,31,352 కాగా, క్రిమినల్‌ కేసులు 11,23,178. మొత్తం కేసుల్లో పదేళ్లకు పూర్వం నుంచి అపరిష్కృతంగా ఉన్న కేసులు 7,43,191.
 
 హైదరాబాద్‌లో 2.78 లక్షల కేసులు: అలహాబాద్‌ తర్వాతి స్థానం మద్రాసు హైకోర్టుది... అక్కడ అపరిష్కృత కేసులు 3,02,846 కాగా... 75 మంది న్యాయమూర్తులకుగాను 38 మందే ఉన్నారు. బాంబే హైకోర్టులో 2,98,263 కేసులు అపరిష్కృతంగా ఉండగా, అందులో 53,511 కేసులు పదేళ్లకు పూర్వం నాటివి.ఈ కోర్టుకు 94 మంది న్యాయమూర్తుల్ని కేటాయించగా 64 మందితోనే పనిచేస్తోంది. దేశ రాజధాని ఢిల్లీ హైకోర్టులో గతేడాది జూన్‌ 30 నాటికి 40 శాతం మేర న్యాయమూర్తుల కొరత ఉండగా... 60 మందికి గాను కేవలం 35 మంది న్యాయమూర్తులతోనే విధులు నిర్వర్తిస్తోంది.
 ఏపీ, తెలంగాణల ఉమ్మడి హైకోర్టులో 2,78, 695 కేసులు అపరిష్కృతంగా ఉండగా ఇందులో 24,606 కేసులుS పదేళ్లనాటివి. న్యాయమూర్తుల విషయానికొస్తే 61 మంది అవసరం కాగా కేవలం 25 మందితో నడుస్తోంది.  పంజాబ్, హరియాణా, మధ్యప్రదేశ్, కర్ణాటక హైకోర్టుల్లో కూడా 2.5 లక్షలకు పైగా కేసులు పరిష్కారానికి నోచుకోకుండా ఉన్నాయి. గుజరాత్‌లో 52 మంది న్యాయమూర్తులకు 33 మందే ఉండగా... అపరిష్కృత కేసుల సంఖ్య 92,393గా ఉంది.
 
 చత్తీస్‌గఢ్‌ హైకోర్టులో 8 మంది న్యాయమూర్తులే
 దేశంలో చత్తీస్‌గఢ్‌ హైకోర్టులో అత్యంత తక్కువగా 37 శాతం మాత్రమే న్యాయమూర్తులున్నారు. ఈ హైకోర్టుకు 22 మంది అవసరం కాగా ప్రస్తుతం 8 మందే పనిచేస్తున్నారు. ఇక పెండింగ్‌ కేసులు మాత్రం 54 వేలకు పైనే ఉన్నాయి.
 
 అలహాబాద్‌ టాప్‌
 అపరిష్కృత కేసులు, న్యాయమూర్తుల ఖాళీల్లో అలహాబాద్‌ హైకోర్టు ముందంజలో ఉంది. కేటాయించిన న్యాయమూర్తుల్లో సగం కంటే తక్కువ మందితో పనిచేయడంతో పాటు, దేశం మొత్తం పెండింగ్‌ కేసుల్లో నాలుగో వంతు ఈ హైకోర్టులోనే ఉండడం విశేషం. మొత్తం 9.24 లక్షల కేసులు అపరిష్కృతంగా ఉండగా... 3 లక్షలకు పైగా కేసులు 10 ఏళ్లకు ముందటివి. అలహాబాద్‌ హైకోర్టులో మొత్తం 160 మంది జడ్జీలు ఉండాల్సి ఉండగా 78 మందే ఉన్నారు.


 కాకినాడ సిటీ : ధాన్యం కొనుగోలు కేంద్రాలను సక్రమంగా నిర్వహించాల్సిన బాధ్యత కేంద్రాల ఇన్‌ చార్జిలదేనని జాయింట్‌ కలెక్టర్‌ ఎస్‌.సత్యనారాయణ స్పష్టం చేశారు. మంగళవారం స్థానిక అంబేడ్కర్‌భవన్‌లో ధాన్యం కొనుగోలు కేంద్రాల సిబ్బందికి పౌరసరఫారాల సంస్థ ఆధ్వర్యంలో శిక్షణ నిర్వహించారు. ఈసందర్భంగా జేసీ మాట్లాడుతూ రైతులు పండించిన ధాన్యానికి కనీస మద్దతు ధర చెల్లించడానికి కేంద్రాల ఇన్‌ చార్జిలు బాధ్యతతో పనిచేయాలన్నారు. కేంద్రాల్లో రిజిస్టర్లు నిర్వహించాలని చెప్పారు. ధాన్యం సాధరణ రకం 75కిలోలు రూ.1102.50పైసలు, వంద కిలోలు రూ.1470, గ్రేడ్‌–ఎ రకం 75కిలోలు రూ.1132.50పైసలు, వంద కిలోలు రూ.1510 మద్దతు ధరగా ప్రభుత్వం చెల్లిస్తోందన్నారు. జిల్లా వ్యాప్తంగా 251 కేంద్రాలు ఏర్పాటు చేస్తున్నటు తెలిపారు. ఈకార్యక్రమంలో ఆర్డీఓలు అంబేడ్కర్, సుబ్బారావు, గణేష్‌కుమార్, విశ్వేశ్వరరావు, పౌరసరఫరాల సంస్థ డీఎం కె.కృష్ణారావు, డీఎస్‌ఓ ఉమామహేశ్వరరావు, మార్కెటింగ్‌ శాఖ ఏడీ కేవీఆర్‌ఎన్‌ కిషోర్, డీసీఓ ప్రవీణ తదితరులు పాల్గొన్నారు.
 పిఠాపురంలో పత్తి కొనుగోలు కేంద్రం
 కాకినాడ సిటీ: కాట¯ŒS కార్పొరేష¯ŒS ఆఫ్‌ ఇండియా(గుంటూరు) ఆధ్వర్యంలో పిఠాపురంలో పత్తి కొనుగోలు కేంద్రాన్ని ఏర్పాటు చేస్తున్నట్టు జాయింట్‌ కలెక్టర్‌ ఎస్‌.సత్యనారాయణ తెలిపారు. కనీస మద్దతు ధర, ముందస్తు ఏర్పాట్లపై సంబంధిత శాఖల అధికారులతో కలెక్టరేట్‌లో సమీక్షించారు. ఆయన మాట్లాడుతూ ఈ నెల రెండోవారంలో పిఠాపురంలో పత్తి కొనుగోలు కేంద్రాన్ని ప్రారంభించనున్నారని ఇందుకు మార్కెటింగ్‌శాఖ సమన్వయంతో ఏర్పాట్లు చేయాలని ఆదేశించారు. కనీస మద్దతు ధర రూ.4160 ఉందన్నారు. అలాగే ఏలేరు ఆధునికీకరణ, ఏడీబీ రోడ్, కెనాల్‌రోడ్‌ భూసేకరణ పనులపై ఆయా శాఖల అధికారులతో ఆయన కలెక్టరేట్‌లో సమీక్షించారు. రాజానగరం– సామర్లకోట ఏడీబీరోడ్డు భూసేకరణకు సర్వే పూర్తయిందని, వారం రోజుల్లో ప్రిలిమినరీ నోటిఫికేష¯ŒS జారీ చేయాలని పెద్దాపురం ఆర్డీఓను ఆదేశించారు.
  


 
 రూ.25 లక్షల వైద్య పరికరాల పంపిణీ
 
 ఆస్పత్రిని సందర్శించిన ఈడీ మహాపాత్ర
 
 కోల్‌సిటీ : గోదావరిఖని ప్రభుత్వ ప్రాంతీయ ఆస్పత్రికి రామగుండం ఎన్టీపీసీ చేయూత అందిస్తోంది. ఎన్టీపీసీ ఈడీ ప్రశాంత్‌కుమార్‌ మహాపాత్ర శనివారం ప్రభుత్వాస్పత్రిని సందర్శించారు. ఐసీయూ, ఎస్‌ఎన్‌సీయూ విభాగాలను పరిశీలించిన ఈడీ ఆస్పత్రి అధికారులను అభినందించారు. ఎన్టీపీసీ, సీఎస్‌ఆర్‌ విభాగం ద్వారా రూ.25 లక్షలతో కొనుగోలు చేసిన రెండు ఐసీయూ వెంటిలేటర్లు, నాలుగు మల్టీప్యారా మీటరు, వైద్య పరికరాలను ఈడీ ఆస్పత్రి మెడికల్‌ సూపరింటెండెంట్‌ సూర్యశ్రీకి అందజేశారు. పేదలకు కార్పొరేట్‌ స్థాయి సేవలందాలనే ఉద్దేశంతో చేయూతను అందిస్తున్నట్లు తెలిపారు. కార్యక్రమంలో సీఎస్‌ఆర్‌ హెచ్‌ఆర్‌ ఏజీఎం ఎం.ఎస్‌.రమేష్‌తోపాటు రఫిక్‌ ఇస్తాం, రాంకిషన్, విఠల్‌కుమార్, ఆస్పత్రి వైద్యులు, సిబ్బంది పాల్గొన్నారు.  


 ► జిల్లా ప్రధాన న్యాయమూర్తి సుమలత
 
 కర్నూలు(లీగల్): జాతీయ లోక్ అదాలత్‌ను ఈనెల 11న శనివారం జిల్లా వ్యాప్తంగా అన్ని న్యాయస్థానాల్లో నిర్వహిస్తున్నట్లు జిల్లా ప్రధాన న్యాయమూర్తి సి.సుమలత తెలిపారు. బుధవారం సాయంత్రం ఆమె విలేకరుల సమావేశంలో మాట్లాడారు. సుప్రీంకోర్టు, హైకోర్టు ఆదేశాల మేరకు పెండింగ్ కేసుల పరిష్కారానికి నిర్వహించే లోక్ అదాలత్‌లో క్రిమినల్, సివిల్, ఇన్సూరెన్స్, బ్యాంకు కేసులు, ప్రీ లిటిగేషన్, కుటుంబ కేసులను పరిష్కరిస్తామన్నారు. జిల్లాలో ఇప్పటి వరకు 38,490 కేసులు పెండింగ్‌లో ఉన్నాయని.. ఇందులో 15,510 క్రిమినల్ కేసులు, 15 వేలకు పైబడి సివిల్ కేసులు ఉన్నట్లు చెప్పారు.
 
 లోక్ అదాలత్‌లో జరిగే కేసుల పరిష్కారానికి అప్పీళ్లు ఉండవని.. ఇరువురు కక్షిదారులు సామరస్యంగా తమ సమస్యను పరిష్కరించుకోవచ్చన్నారు. లోక్ అదాలత్ ద్వారా కేసులను పరిష్కరించుకుంటే సివిల్ కేసుల్లో కోర్టు ఫీజు వాపసు పొందవచ్చని, అలాగే చెక్కు బౌన్స్ కేసుల్లో రాజీ అయితే చెల్లించాల్సిన కోర్టు ఫీజు రాయితీ ఉంటుందన్నారు. కర్నూలులో ఏర్పాటు చేస్తున్న 3 బెంచ్‌లలో న్యాయాధికారులు వీవీ శేషుబాబు, ఎంఏ సోమశేఖర్, ఎం.బాబు వీలైనన్ని కేసుల పరిష్కరానికి కృషి చేస్తారన్నారు. విలేకరుల సమావేశంలో లోక్ అదాలత్ కార్యదర్శి ఎంఏ సోమశేఖర్ పాల్గొన్నారు.


  సివిల్స్, గ్రూప్స్ వంటి పోటీ పరీక్షల్లో జనరల్ స్టడీస్‌లో ఎకానమీ కీలకాంశం. వివిధ సర్వీస్ కమిషన్లు  నిర్వహించే ప్రిలిమినరీ పరీక్షలో ఎకానమీకి సంబంధించి 15 నుంచి 20 ప్రశ్నలు కచ్చితంగా ఉంటున్నాయి.   ఈ నేపథ్యంలో ఎకానమీని ఎలా  అధ్యయనం చేయాలో తెలుసుకుందాం..
  
  వివిధ పోటీ పరీక్షలకు సంబంధించి ఎకానమీలో భాగంగా కింది అంశాల అధ్యయనం ప్రిలిమినరీ పరీక్షతోపాటు మెయిన్‌‌సకు కూడా ఉపకరిస్తుంది.
  
  పెట్టుబడిదారీ, సామ్యవాద, మిశ్రమ ఆర్థిక వ్యవస్థలు.
  పంచవర్ష ప్రణాళికలు - సమ్మిళిత వృద్ధి - నీతి ఆయోగ్.
  భారత ఆర్థిక వ్యవస్థలో నిర్మాణాత్మక మార్పులు.
  
  జాతీయాదాయం-వివిధ భావనలు-జాతీయాదాయం లో వివిధ రంగాల వాటా - జాతీయ, తలసరి ఆదాయం.
  బ్యాంకింగ్ రంగం - జాతీయీకరణ - కేంద్ర బ్యాంకు - పరిమాణాత్మక, గుణాత్మక పరపతి సాధనాలు.
  పేదరికం - నిరుద్యోగం - నిరుద్యోగ కొలమానాలు - శ్రామిక శక్తి - ద్రవ్యోల్బణం.
  స్వయం ఉపాధి, వేతన ఉపాధి కార్యక్రమాలు - సామాజిక భద్రతా పథకాలు.
  
  అంతర్జాతీయ వాణిజ్యం - ఎగుమతులు, దిగుమతులు - చెల్లింపుల శేషం - మూల్యహీనీకరణ - కరెంట్ అకౌంట్ లోటు - మూలధన ఖాతా.
  
  భారతదేశంలో పన్నుల వ్యవస్థ - బడ్జెటరీ విధానం - ప్రణాళిక, ప్రణాళికేతర వ్యయం - రెవెన్యూ, మూలధన ఖాతా - ఎఫ్.ఆర్.బి.ఎం. చట్టం.
  
  ఆర్థిక సంస్కరణలు - పారిశ్రామిక, బీమా, బ్యాంకింగ్, మూలధన మార్కెట్.
  
  ద్రవ్య విధానం, కోశ విధానం.
  వ్యవసాయ రంగం - హరిత విప్లవం - వ్యవసాయ పరపతి - మద్ధతు ధరలు.
  
  పారిశ్రామిక రంగం - ఎంఎస్‌ఎంఈ రంగం - పారిశ్రామిక పరపతి సంస్థలు - విదేశీ ప్రత్యక్ష పెట్టుబడులు - ప్రత్యేక ఆర్థిక మండళ్లు.
  
  సేవా రంగం - జాతీయాదాయంలో సేవా రంగం వాటా - పర్యాటక రంగం.
  
  ఐఎంఎఫ్ - ప్రపంచ బ్యాంకు - ఐడీఏ
  ప్రపంచ వాణిజ్య సంస్థ.
  
  మానవాభివృద్ధికి సంబంధించి యూఎన్‌డీపీ, వివిధ కొలమానాలు.
  ప్రణాళికలు - సమ్మిళిత వృద్ధి - నీతి ఆయోగ్
  
  వివిధ పోటీ పరీక్షల ప్రిలిమినరీ ప్రశ్న పత్రాల్లో  ప్రణాళికల లక్ష్యాలు, ప్రణాళికల్లో సాధించిన విజయాలు, సమ్మిళిత వృద్ధి సాధనకు వేటిపై దృష్టి సారించాలి అనే అంశాలకు సంబంధించిన ప్రశ్నలున్నాయి. ప్రణాళికా సంఘం, జాతీయ అభివృద్ధి మండలితోపాటు నీతి ఆయోగ్ ఏర్పాటు ఉద్దేశం, ప్రణాళికా యుగంలో ప్రారంభించిన అభివృద్ధి కార్యక్రమాలకు సంబంధించి కూడా ప్రశ్నలు అడిగారు. ఆయా అంశాలకు సంబంధించి ఇచ్చిన ప్రశ్నలు ఈ విధంగా ఉన్నాయి.
  
  1. పన్నెండో పంచవర్ష ప్రణాళిక ముఖ్య ఉద్దేశం?         
    (2014 సివిల్స్)
  1) సమ్మిళిత వృద్ధి, పేదరికం తగ్గింపు
  2) సమ్మిళిత, సుస్థిర వృద్ధి
  
  3) నిరుద్యోగం తగ్గింపునకు సుస్థిర, సమ్మిళిత వృద్ధి
  4) వేగవంతమైన, సుస్థిర, అధిక సమ్మిళిత వృద్ధి
  
  2. ఎనిమిదో పంచవర్ష ప్రణాళికను ఎప్పుడు మొదలు పెట్టారు?     (2008, ఏపీపీఎస్సీ)
  1) జనవరి 1, 1989    2) జనవరి 1, 1990
  3) ఏప్రిల్ 1, 1992        4) ఏప్రిల్ 1, 1991
  
   జాతీయాదాయం
  జాతీయాదాయానికి సంబంధించి స్వాతంత్య్రానికి పూర్వం, స్వాతంత్య్రానంతరం అంచనాలు, జాతీయాదాయ కమిటీ, కేంద్ర గణాంక సంస్థతోపాటు జాతీయాదాయ భావనలైన స్థూల జాతీయోత్పత్తి, స్థూల దేశీయోత్పత్తి, నికర జాతీయోత్పత్తి, నికర దేశీయోత్పత్తి, ఫ్యాక్టర్ కాస్ట్ వద్ద నికర జాతీయోత్పత్తి, తలసరి ఆదాయం, జీడీపీ డిఫ్లేటర్  లాంటి అంశాలకు సంబంధించిన ప్రశ్నలు అనేక ప్రశ్న పత్రాల్లో కనిపిస్తాయి. గత రెండేళ్ల కాలంలో జాతీయ, తలసరి ఆదాయాల గణాంకాలను మార్కెట్, స్థిర ధరల వద్ద పరిశీలించాలి. జాతీయాదాయ లెక్కింపులో ఎదురయ్యే సమస్యలతోపాటు, జాతీయాదాయాన్ని లెక్కించేందుకు ఉపయోగించే ఉత్పత్తి, ఆదాయ, వ్యయ పద్ధతులకు సంబంధించి నోట్స్ రూపొందించుకోవాలి. గినీ సూచీ, లారేంజ్ నిష్పత్తి లాంటి పదాల పట్ల అవగాహన అవసరం. గత ప్రశ్న పత్రాల్లో ఆయా అంశాలపై వచ్చిన ప్రశ్నలు కింది విధంగా ఉన్నాయి.
  
  1.భారతదేశంలో జాతీయాదాయాన్ని దేని సహాయంతో లెక్కిస్తారు? 2008, ఏపీపీఎస్సీ)
  1) ఆదాయ పద్ధతి             2) ఉత్పత్తి పద్ధతి
  3) వ్యయ పద్ధతి             4) అన్ని పద్ధతులు
  
  2.జాతీయాదాయం?    (ఎస్‌ఎస్‌సీ ఎఫ్‌సీఐ పరీక్ష, 2012)
  1) నికర జాతీయోత్పత్తి - పరోక్ష పన్నులు + సబ్సిడీలు
  2) స్థూల జాతీయోత్పత్తి - ప్రత్యక్ష పన్నులు
  3) స్థూల దేశీయోత్పత్తి - దిగుమతులు
  4) నికర దేశీయోత్పత్తి + ఉత్పత్తులు
  
  బ్యాంకింగ్ రంగం
  ఎకానమీకి సంబంధించి బ్యాంకింగ్ రంగాన్ని ప్రాధాన్యత కలిగిన అంశంగా పరిగణించాలి. పోటీ పరీక్షల్లో బ్యాంకింగ్ రంగానికి సంబంధించిన పదకోశాలను అధికంగా ఇచ్చారు.  లీడ్ బ్యాంక్ పథకం, ప్రాధాన్యతా రంగ రుణం, నిరర్థక ఆస్తులు, బ్యాంక్ రేటు, బహిరంగ మార్కెట్ చర్యలు, నగదు నిల్వల నిష్పత్తి, స్టాట్యుటరీ లిక్విడిటీ రేషియో, రెపోరేటు, రివర్‌‌స రెపోరేటు, మార్జినల్ స్టాండింగ్ ఫెసిలిటీ లాంటి పదాలపై విద్యార్థులకు ఉన్న అవగాహనను తెలుసుకునే ప్రశ్నలు, బ్యాంకింగ్ రంగానికి సంబంధించి ప్రధానంగా ఉంటాయి. వీటితోపాటు నరసింహం కమిటీ, నాయక్ కమిటీ సిఫార్సులతో పాటు, జన్‌ధన్ యోజన, బ్రిక్స్‌బ్యాంక్, పేమెంట్స్ బ్యాంక్స్ లాంటి అంశాలకు సంబంధించి సమగ్ర నోట్స్ రూపొందించుకోవాలి.
  
  1.రిజర్‌‌వబ్యాంక్ బ్యాంకు రేటు తగ్గింపు దేనికి దారి తీస్తుంది? (2011, సివిల్స్)
  1) మార్కెట్‌లో అధిక ద్రవ్యత్వం
  2) మార్కెట్‌లో తక్కువ ద్రవ్యత్వం
  3) మార్కెట్ ద్రవ్యత్వంలో మార్పు ఉండదు
  4) వాణిజ్య బ్యాంకులు అధిక డిపాజిట్లు సమీకరించుకోవడానికి అవకాశం
  
  డిగ్రీ స్థాయిలో ఎకానమీ అభ్యసించని విద్యార్థులు  మొదటగా భారత ఆర్థిక వ్యవస్థ లక్షణాలు, ఆర్థిక వ్యవస్థలో వివిధ రంగాలపై అవగాహన ఏర్పర్చు కోవాలి. సిలబస్‌ను దృష్టిలో ఉంచుకొని వివిధ పద కోశాలను అవగాహన చేసుకోవాలి. దీనివల్ల వివిధ అంశాల అధ్యయనం సులువవుతుంది. జాతీయాదాయం, పేదరికం, నిరుద్యోగం, బడ్జెట్‌లాంటి అంశాలను అధ్యయనం చేసే క్రమంలో తాజా గణాంకాలపై దృష్టి సారించాలి.


 మల్లాపూర్: మల్లాపూర్ మండలం సాతారం, చిట్టాపూర్ శివార్లలో గురువారం ఉదయం రేషన్ దుకాణాల నుంచి అక్రమంగా తరలిస్తున్న బియ్యం, గోధుమలు, కిరోసిన్‌ను ఎస్సై షేక్ జానీపాషా నేతృత్వంలో పోలీసు సిబ్బంది దాడులు చేసి పట్టుకున్నారు. రాయికల్ మండలం ఇటీక్యాలకు చెందిన డీలర్ నారాయణ దుకాణం నుంచి మెట్‌పల్లికి చెందిన లింబాద్రి నాలుగు క్వింటాళ్ల బియ్యం, 16 క్వింటాళ్ల గోధుమలు కొనుగోలు చేసి తరలిస్తుండగా స్వాధీనం చేసుకున్నట్లు ఎస్సై తెలిపారు. మరో ఘటనలో గొర్రెపల్లి నుంచి మెట్‌పల్లికి చెందిన శేఖర్ అనేవ్యక్తి 200 లీటర్ల కిరోసిన్ తరలిస్తుండగా చిట్టాపూర్ శివారులో స్వాధీనం చేసుకున్నట్లు తెలిపారు. ఆరుగురిపై కేసు నమోదు చేశామని, సరకులతో పాటు నలుగురిని అదుపులోకి తీసుకున్నామని ఎస్సై తెలిపారు.
 
 కిరోసిన్ ట్యాంకర్ సీజ్
 జగిత్యాల అర్బన్: అదనంగా కిరోసిన్‌ను తరలించిన పౌరసరఫరాల శాఖ ట్యాంకర్‌ను అధికారులు సీజ్‌చేశారు. గురువారం పట్టణంలోని వేంకటేశ్వర ఆటో సర్వీస్ హోల్‌సేల్ కిరోసిన్ డీలర్ దుకాణం వద్దకు కిరోసిన్ పోసేందుకు వచ్చిన ట్యాంకర్‌లో ఉండాల్సిన 10,048 లీటర్ల కన్నా 3,591 లీటర్లు అదనంగా ఉండడంతో దాడిచేసి అధికారులు ట్యాంకర్‌తోపాటు కిరోసిన్‌ను సీజ్ చేశారు. దాడుల్లో ఏజీపీవో కాశీవిశ్వనాథం, డిప్యూటీ తహశీల్దార్ అంజయ్య, కిరణ్‌కుమార్ తదితరులు పాల్గొన్నారు.
 
 రెండు రేషన్ దుకాణాలపై 6ఏ కేసు
 బోయినపల్లి: మండలంలోని అనంతపెల్లి, బూర్గుపెల్లి గ్రామాల్లో రేషన్ దుకాణాల నిర్వాహకులపై 6ఏ కేసు నమోదు చేసినట్లు కరీంనగర్ డివిజన్ ఏఎస్‌వో కె. శ్రీనివాస్ గురువారం తెలిపారు. సివిల్ సప్లై అధికారులు రేషన్ దుకాణాల్లో జరిపిన తనిఖీల్లో నిర్వాహకులు సుమారు వంద లీటర్ల కిరోసిన్ తక్కువగా తీసుకుని ట్యాంకర్ వారికే అమ్మినట్లు తేలడంతో కేసులు నమోదు చేశామన్నారు.


  సివిల్స్ సాధించడం అనేది అందరికి సాధ్యమయ్యే అంశమే. దీనికి ముందుగా పరీక్ష విధానంపై తగిన అవగాహన కలిగి ఉండడం ఎంతో అవసరం. విద్యార్థులు తాము అభ్యసించిన అంశాలను షార్ట్స్ నోట్స్‌గా రాసుకోవడం అలవాటు చేసుకోవాలి. తద్వారా తమ నైపుణ్యాలు, సంగ్రహణ శక్తి పెరుగుతాయి.
  
  గ్రామీణ యువతకు మార్గదర్శకత్వం అవసరం
  గ్రామీణ యువతలో సైతం సివిల్స్‌ను సాధించే సత్తా ఉంది. వీరికి తగిన మార్గదర్శకం అందించాల్సిన అవసరం ఉంది. నిత్యం అంశాలను అభ్యసించే సమయంలో రోజులో ఎన్ని గంటలకు చదివామనే విషయం కంటే సంబంధిత అంశాన్ని ఎంత క్షుణ్ణంగా, లోతుగా తెలుసుకోగలిగామనేది ప్రధానం.
  
  ప్రణాళికాబద్ధంగా చదవాలి
  కాలం వృథా కాకుండా ప్రణాళికా బద్ధంగా విభజించుకుంటూ సాధన సాగించాల్సి ఉంటుంది. మనకు సాంకేతికత సహకారంతో అందుబాటులో ఉన్న అనంత సమాచారాన్నుంచి, అవసరమైన విషయాలను సేకరించుకోవాల్సి ఉంటుంది. ఎంత ఎక్కువ సేపు చదివామనే విషయం కంటే ప్రతి అంశంలో ఎంత పట్టు సాధించామన్నదే ముఖ్యం. గ్రామీణ విద్యార్థుల్లో ఉండే భయాన్ని పారద్రోలితే వీరు సులభంగా విజయం సాధిస్తారు.
  
  నిజాయతీకి నిజమైన పరీక్ష
  ఇంటర్వ్యూలో మనల్ని మనం ప్రజెంట్ చేసుకోవడం, ఆత్మవిశ్వాసం, సానుకూల దృక్పథంతో పనిచేయడం ఎంతో అవసరం. స్పష్టమైన సమాధానాలను ఇవ్వడంతో పాటు, ఒత్తిడిని దరి చేరనివ్వకుండా సమాధానాలు ఇవ్వడం ప్రధానం. ఒక విధంగా చెప్పాలంటే ఇది మన నిజాయితీకి నిజమైన పరీక్షగా నిలుస్తుంది.
  - రెడ్డి వేదిత, సివిల్స్ 71వ ర్యాంకర్
  


  శ్రీకాకుళం జిల్లాలో నలుమూలలా పర్యటించాను..
   చాలా సమస్యలు కదిలించాయి..  
  వాటిని పరిష్కరించాలంటే ఐఏఎస్ ఒక్కటే మార్గం
  అందుకే పక్కా ప్రణాళిక, లక్ష్యంతో చదివాను..
  విజేతగా నిలిచా.
   మహిళలను ప్రొత్సహిస్తే అబ్దుతాలే..
   సివిల్స్ ర్యాంకర్ రెడ్డి వేదిత వెల్లడి
  
  ఎచ్చెర్ల: సివిల్స్.. దేశంలో అత్యున్నత సర్వీస్. యూనియన్ పబ్లిక్ సర్వీస్ కమిషన్ నిర్వహించే ఈ పరీక్షకు ఎంతో డిమాండ్ ఉంది. దేశంలో అత్యుత్తమ ఉద్యోగాలు ఈ సర్వీస్‌తోనే సాధ్యం. ప్రజలకు నేరుగా సేవచేసే భాగ్యం దక్కుతుంది. అందుకే చాలామంది యువత సివిల్స్‌లో మెరుగైన ర్యాంకు సాధన కోసం తాపత్రయపడతారు. రాత్రీపగలు శ్రమిస్తారు. రూ.లక్షల్లో వేతనాలు తీసుకున్న వారు సైతం ఉద్యోగాలు విడిచిపెట్టి సివిల్స్ సాధనకోసం తపిస్తారు. నాకు మాత్రం శ్రీకాకుళం జిల్లాలోని సమస్యలే కదిలించాయి. ఐఏఎస్ సాధనకు ప్రేరణ ఇచ్చాయి. అమ్మ (వైఎస్సార్ సీసీ జిల్లా అధ్యక్షురాలు రెడ్డిశాంతి) ఎంపీగా పోటీ చేసినప్పుడు ఎన్నికల ప్రచారం కోసం జిల్లా నలుమూలలా తిరిగాను. ప్రజలు సమస్యలు తెలుసుకున్నాను. వారి జీవనాన్ని దగ్గరగా పరిశీలించాను. అలాంటి వారికి ప్రత్యక్షంగా సేవచేయాలంటే ఐఏఎస్ ఒక్కటే మార్గం అనిపించింది. అందుకే రాత్రీపగలు ప్రణాళికా బద్ధంగా చదివాను. అందుకే జాతీయస్థాయిలో71వ ర్యాంకు సాధించగలిగానంటూ రెడ్డివేదిత పేర్కొన్నారు. 23 ఏళ్లకే దేశంలోని అత్యంత కీలకమైన ఐఏఎస్ బాధ్యతలు చేపట్టనున్న వేదితతో ‘సాక్షి’ ఆదివారం ముచ్చటించింది. ఆమె విజయగాథ ఆమె మాటల్లోనే...
  
  ప్రశ్న: సివిల్స్‌లో విజయం సాధించాలంటే ఎటువంటి ప్రణాళిక అవసరం?
  వేదిత: ముందుగా సిలబస్, ఇంటర్వ్యూ వంటి పరీక్ష విధానాన్ని పూర్తిస్ధాయిలో తెలుసుకోవాలి. విపరీతమైన పోటీ ఉండే పరీక్ష ఇది. ప్రిలిమ్స్, మెయిన్స్, ఇంటర్వ్యూ విభాగాల్లో ప్రణాళికతో ప్రిపరేషన్ ఉండాలి. ఇష్టమైన, స్కోర్‌కు అవకాశం ఉన్న సబ్జెక్టును ఆప్షన్‌గా ఎంచుకోవాలి. అప్పుడే విజేతగా నిలవొచ్చు. ఎన్ని గంటలు చదివామన్నది కీలకంకాదు. చిత్త శుద్ధి, ఇష్టంతో చదవాలి. వేగత్వం, కచ్చితత్వం రెండూ విజయంలో కీలకం.
  
  ప్రశ్న: సివిల్స్‌పై ఎందుకు మీ దృష్టి మళ్లింది?
  వేదిత: ఇంజినీరింగ్ పూర్తి చేసిన తరువాత శ్రీకాకుళం జిల్లాలో అమ్మ తరఫున ఎన్నికల ప్రచారంలో పాల్గొన్నాను. గ్రామాల్లో ప్రజలు సమస్యలు ప్రత్యక్షంగా పరిశీలించాను. ప్రభుత్వం ఎన్ని పథకాలు ప్రవేశపెడుతున్నా క్షేత్రస్థాయిలో మాత్రం ఆశించిన ప్రయోజనాలు కనిపిం చటం లేదు. ప్రజలకు ప్రత్యక్షంగా సేవ చేయాలంటే సివిల్స్ ఒక్కటే మార్గం. అందుకే సివిల్స్‌పై నేను దృష్టి పెట్టాను. మా నాన్న నాగభూషణరావు సైతం ఐఎఫ్‌ఎస్ అధికారి. ఆ ప్రభావం కూడా నాపై పడింది.
  
  ప్రశ్న: ప్రస్తుతం మహిళలకు విద్యలో ఎలాంటి ప్రోత్సాహం ఉంది?
  వేదిత: నా వరకు తల్లి దండ్రులు విద్యలో పూర్తి స్వేచ్ఛనిచ్చారు. లేకుంటే నేను ఈ స్థాయికి చేరేదాన్ని కాదు. అయితే, మహిళా సాధికారిత కోసం ప్రభుత్వం ఎన్ని పథకాలు ప్రవేశ పెట్టినా ప్రయోజనం లేదు. తల్లి దండ్రులు మహిళా విద్యకు ప్రొత్సహించాలి. తల్లిదండ్రుల్లో మార్పు రావాలి. పురుషులతో సమానంగా చదువుకునే స్వేచ్ఛ ఇవ్వాలి. గ్రామాల్లో ఇప్పటికీ మైనర్  బాలికలకు, చదువులో రాణిస్తున్న వారికి వివాహాలు చేసేస్తున్నారు. వాళ్ల కాళ్ల మీద వారు నిలబడేలా తల్లిదండ్రులు ప్రోత్సహించాలి. అప్పుడే మహిళలు సైతం సమాజంతో పురుషులతో సమానంగా రాణిస్తారు. మరో పక్క తల్లిదండ్రులు కోరికలు పిల్లపై రుద్దకుండా వారికి నచ్చిన రంగాల్లో వారిని ప్రోత్సహించాలి.
  
  ప్రశ్న: మీ సివిల్స్ ఇంటర్వ్యూ విశేషాలు?
  వేదిత: సివిల్స్ ఇంర్వ్యూలో పనిచేసే సామర్థ్యం, వ్యక్తత్వ వికాసం, నాయకత్వ లక్షణాలు, విషయ పరిజ్ఞానం, ఎంచుకున్న ఆప్షన్ సబ్జెక్టుపై పట్టు, వర్థమాన విషయాలపై అవగాహన వంటి అనేక అంశాలు బోర్డు సభ్యులు అడిగారు. సూటిగా సమాధానం చెప్పాను. ఇంజినీరింగ్, ఆంత్రోపాలజీ సబ్జెక్టులకు సంబంధించి ఎక్కువగా ప్రశ్నలు అడిగారు. ప్రస్తుతం కమ్యూనికేషన్ రంగం విస్తరణపై పలు ప్రశ్నలు సంధించారు. ఏపీలో రైతుల సమస్యలు, రాజధాని భూసేరణ, నక్సలిజం సమస్య వంటి అనేక అంశాలు అడిగారు. ప్రతి ప్రశ్నలో వ్యక్తిత్వ వికాసాన్ని, అభ్యర్థి నిజాయితీని పరీక్షిస్తారు. మెయిన్స్ రాత పరీక్షతో పోల్చుకుంటే ఇంటర్వ్యూలో నాకు మార్కులు అనుకున్న స్థాయిలో రాలేదు. తొలిసారే 71 ర్యాంకు రావడం ఆనందంగా ఉంది.
  
  ప్రశ్న: విజయంలో కోచింగ్ సెంటర్ల పాత్ర ఎంతవరకు ఉంటుంది?
  వేదిత: సివిల్స్‌లో పోటీ ఎక్కువ. పోటీ పడేవారు సైతం అందరూ చురుకైన వారే అందుకే. అందుకే కోచింగ్ సెంటర్లు పాత్రకూడా విజయానికి దోహదం చేస్తుంది. మెయిన్స్‌కు ఢిల్లీలోని శ్రీరాంకోచింగ్ సెంటర్‌లో శిక్షణ తీసుకున్నాను. ఆప్షనల్‌కు సంబంధించి హైదరాబాద్‌కు చెందిన డాక్టర్ పీవీ లక్ష్మయ్య దగ్గర కోచింగ్ తీసుకున్నాను. ఆన్‌లైన్ పద్ధతిలో తరగతులు విన్నాను. మరోపక్క ఢిల్లీ వచ్చి ఆయన నా సందేహాలను నివృత్తి చేశారు. దీంతో ఆప్షన్ సబ్జెక్టులో మంచి స్కోరు సాధించగలిగాను. మోడల్ ప్రశ్నపత్రాలు సైతం కోచింగ్ సెంటర్ లో ఎక్కువగా చేయడం జరుగుతుంది. తప్పులను విశ్లేషిస్తారు. దీనివల్ల చేసిన తప్పు మరోసారి చేయకుండా జాగ్రత్తపడే అవకాశం లభిస్తుంది. అయితే, కోచింగ్ తీసుకోకుండా సొంత మేటీయల్స్‌తో విజయం సాధించేవారూ ఉన్నారు.
  


 సాక్షి ప్రతినిధి, శ్రీకాకుళం :తండ్రి అనారోగ్యం... తల్లి రాజకీయ పోరాటం.... దేశ రాజధాని ఢిల్లీలో పెరిగిన వాతావరణం ఆమెను ఐఎఎస్‌వైపు నడిపించింది. అయినా పల్లె వాసనే. భారత్ అన్ని రంగాల్లోనూ అగ్రపథాన దూసుకుపోతున్నా.. ఇంకా ఎక్కడో వెలితి. గ్రామాలే దేశానికి పట్టుకొమ్మలు. అయినా కూడు, గూడు, గుడ్డ, రోడ్లు, నీటి ఇబ్బందులు.. ఇవన్నీ ఆమెపై ప్రభావం చూపాయి. మహిళా సాధికారితపై దృష్టిసారించాయి. తల్లిని ఢిల్లీ లోక్‌సభలో చూడాలన్న థ్యేయం. పదిమందికీ సాయం చేసి ప్రభుత్వ పథకాల్ని ఇంటింటికీ తీసుకువెళ్లాలన్న ఆలోచన. దీనికి ఐఏఎస్ ఒక్కటే మార్గంగా కనిపించింది. అందుకే కష్టపడి ఐఏఎస్ సాధించింది రెడ్డి వేదిత.
  
  సిక్కోలుకు వన్నె
  జిల్లాకు చెందిన రెడ్డి నాగభూషణరావు, రెడ్డి శాంతిల ప్రథమ కుమార్తె రెడ్డి వేదిత(చిన్ని)కు సివిల్స్‌లో 71వ ర్యాంకు లభించింది. శనివారం ప్రకటించిన ఫలితాల్లో ఆలిండియా స్థాయిలో ఆమె ఐఏఎస్ సాధించిందని కుటుంబసభ్యులు సంబరపడిపోయారు. నాగభూషణరావు లోక్‌సభలో ప్రిన్సిపల్ సెక్రటరీగా (ఐఎఎఫ్‌ఎస్)గా వ్యవహరిస్తోంటే.. తల్లి రెడ్డి శాంతి వైఎస్సార్ కాంగ్రెస్‌పార్టీకి జిల్లా అధ్యక్షురాలిగా పనిచేస్తున్నారు. ఆమె తాత పాలవలస రాజశేఖరం జెడ్పీ మాజీ చైర్మన్. కుటుంబమంతా దాదాపు రాజకీయ నేపథ్యం ఉన్నవారే. వేదిత రెడ్డి తన చదువు, లక్ష్యం, కుటుంబ నేపథ్యం.. శనివారం రాత్రి సాక్షితో పంచుకున్నారు.
  
  సమాజానికి మంచి జరగాలి
  శ్రీకాకుళం లాంటి వెనుకబడిన జిల్లాకు అన్ని విధాల మంచి జరగాలి. సమాజానికి మంచి చేయాలన్నదే థ్యేయం. సిక్కోలు ప్రతిభ ఢిల్లీలో వినిపించాలి. అమ్మ రాజకీయాల్లోకి వెళ్తానంటే ప్రోత్సహించా. మంచి జరగాలని దేవుడ్ని వేడుకున్నా. మహిళల గళం లోక్‌సభలో అదీ శ్రీకాకుళం సమస్యలు వినిపించాలని, అమ్మ ద్వారా ఇక్కడి ప్రజలకు న్యాయం జరిగితే చూడాలని కలలు గన్నా. అందుకే 2014 ఎన్నికల్లో అమ్మకు మద్దతుగా ప్రచారం నిర్వహించా. గ్రామాలు తిరిగా. మహిళా సాధికారిత కోసం మాట్లాడా. అప్పుడే వెనుకడిన ప్రాంతాల్లో ప్రభుత్వ నిర్లక్ష్యం కళ్లారా చూశా. ఈ రోజుకూ ప్రజలు పడుతున్న ఇబ్బందులు ఆవేదన కలిగించాయి. ఎప్పటికైనా మార్పు వస్తుందని భావించి సివిల్స్‌వైపే అడుగేశా. సమాజానికి మంచి జరగాలని కోరుకుంటున్నా. ఐఏఎస్ శిక్షణ పూర్తి చేసుకుని గ్రామాల్లో అభివృద్ధికోసం పాటుపడతా.
  
  అందరికీ కృతజ్ఞతలు
  నాకు అన్ని విధాల సహకరించిన మా కోచింగ్ ఫ్యాకల్టీ, కష్టపడి చదివించిన తల్లిదండ్రులు, వెన్నంటి, వెన్ను తట్టి ప్రోత్సహించిన తాతయ్య, అమ్మమ్మలు.. ఇలా అందరికీ కృతజ్ఞతలు. చదవడం కష్టమేమీ కాదు. థ్యాస ఉంటే అదే వస్తుంది. దీనికి ఇన్ని గంటలు చదవాలి అనేమీ పెట్టుకోలేదు. హిందీ, తెలుగు, ఇంగ్లిష్ భాషలు వచ్చు. కాబట్టి ఎక్కడా నాకు ఇబ్బంది రాలేదు. మొదట ఎంతో టెన్షన్ పడ్డా. తరువాత సులభమే అనిపించింది. ప్లానింగ్ ప్రకారం చదివితే ఎలాంటి గోల్ అయినా సాధించొచ్చు.
  
  భగవంతుడి ఆశీర్వాదమే : రెడ్డి శాంతి
  వేదిత చిన్నప్పటి నుంచీ బాగా చదివేది. నాకు కూడా కొన్ని సందర్భాల్లో ఆదర్శంగా నిలిచింది. మహిళా సాధికారిత కోసం పనిచేయాలంటూ సూచించేది. ఆమెది స్పందించే మనస్తత్వం. భగవంతుడి ఆశీర్వాదమే ఆమెను సివిల్స్‌లో నిలబెట్టింది. గ్రామీణ ప్రాంత రైతులకు సాయం చేయాలని మనసులో కోరుకునేది. పేదల కష్టాల్ని చూసి చలించిపోయేది. ఆమెను ఐఏఎస్‌గా చూడాలని చిన్ననాటి నుంచీ నాకూ కోరిక ఉంది. ప్రభుత్వ పథకాలను సమానంగా అందరికీ చేరాలన్నది ఆమె లక్ష్యం. ఇప్పుడా కోరిక నెరవేరింది. అంతా భగవంతుడి ఆశీర్వాదమే.
  
  సంతోషంగా ఉంది ః నాగభూషణరావు
  వెనుక బడిన  జిల్లాల నుంచి వచ్చినా మేం ఢిల్లీ స్థాయిలో మంచి పేరు సంపాదించుకున్నాం. మా పిల్లలకూ అలాంటి పేరే రావాలని కోరుకున్నాం. ఏపీకి చివరన ఉన్న శ్రీకాకుళం జిల్లాలోని ఇంకా చాలా గ్రామాల్లో ఇప్పటికీ కనీసం మౌలిక సదుపాయాలు లేవు. ఎప్పటికైనా సమాజానికి ఏదో ఒకటి చేయాలని వేదిత అంటూండేది. దీనికి ఐఎఎస్ ఒక్కటే మార్గం. ఇప్పుడా కోరిక తీరింది. సంతోషంగా ఉంది.
  


  విజయనగరం అర్బన్, ఎల్.కోట:  జిల్లాకు చెందిన ఇద్దరికి సివిల్స్‌లో మంచి ర్యాంకులు లభించాయి. ఎల్.కోటకు వైఎస్‌ఆర్ కాంగ్రెస్ పార్టీ నాయుకుడు కూరాకుల సూర్యారావు కుమార్తె శ్రావణి  544 ర్యాంక్,  బొండపల్లి మండలం కొవ్వడిపేట గ్రామానికి చెందిన లండ సాయి శంకర్    937వ ర్యాంక్ సాధించారు. శ్రావణి ప్రస్తుతం రాజమండ్రిలో డీఎస్పీగా విధులు నిర్వహిస్తున్నారు. ఆమె రాజస్థాన్ బిట్స్‌ఫిలానిలో ఇంజినీయరింగ్ పూర్తి చేసి, గ్రూఫ్ -1లో ఉత్తమ ప్రతిభ కనబర్చి డీఎస్పీగా సెలక్టయ్యరు. డీఎస్పీగా ట్రైనింగ్ సమయంలో రాష్ట్ర గవర్నర్ నర్సింహన్ చేతులు మీదగా నాలుగు మెడల్స్‌ను పొందారు.
  
   937వ ర్యాంకర్ లండ సాయి శంకర్  ఇంటర్మీడియెట్ వరకు తెలుగుమీడియంలోనే చదివారు. ఈయన ఎలక్ట్రికల్ ఇంజినీరింగ్‌లో పట్టభద్రుడు. ప్రస్తుతం జిల్లా కేంద్రంలోని విద్యుత్‌శాఖ విజిలెన్స్ విభాగంలో అసిస్టెంట్ ఇంజినీర్‌గా పనిచేస్తున్నారు. పదేళ్లుగా ఈ ఉద్యోగం చేస్తూ నాలుగుసార్లు సివిల్స్ పరీక్షలకు వెళ్లి రెండుసార్లు ఇంటర్వ్యూలో ఫెయిలయ్యారు. తాజా ఫలితాల్లో వచ్చిన ర్యాంక్‌కు ఇండియన్ రెవెన్యూ సర్వీసు (ఐఆర్‌ఎస్) కేటగిరిలో పోస్టు  లభించే అవకాశం ఉంది. ఈ సందర్భంగా సాయి శంకర్ మాట్లాడుతూ ఒకసారి ఫెయిల్ అయ్యామని యువత నిరాశపడరాదన్నారు. సివిల్స్ రాయడానికి ఇచ్చిన అన్ని అవకాశాలను వినియోగించుకొనేలా సానుకూల ధోరణలో ప్రిపేరైతే విజయం సాధించవచ్చన్నారు.
  


 
 పోలీస్ స్టేషన్‌కొస్తే మామూళ్లు ఇవ్వాల్సిందే
 
  ఏ కేసైనా సెటిల్ చేసేస్తారు
 
  చెలరేగిపోతున్న కొందరు ఎస్‌ఐలు, సీఐలు
 
  ప్రక్షాళనకు నడుంకట్టిన ఇన్‌చార్జి సీపీ
 
  నలుగురిపై వేటుతో శ్రీకారం
 
 కేసులొస్తే కాసులు రాలాల్సిందే. స్టేషన్‌కు వస్తే మామూళ్లు ఇవ్వాల్సిందే. ఎంత పెద్ద కేసైనా స్టేషన్‌లోనే సెటిల్ చేసేస్తారు. సివిల్ తగాదాల్లో తలదూర్చొద్దని ఉన్నతాధికారులు ఆదేశించినా ఖాతరు చేయరు. ఆక్రమణదారులు, రౌడీ షీటర్లకు కొమ్ముకాస్తున్నారు.. ఇదీ నగర పరిధిలోని స్టేషన్లలో కొందరు ఎస్‌ఐలు, సీఐల తీరు. పోలీసుశాఖకు అప్రతిష్ట తెస్తున్న ఇటువంటి వారిపై చర్యలకు ఇన్‌చార్జి సీపీ అతుల్ సింగ్ ఉపక్రమించారు. ఇప్పటికే నలుగురిపై వేటు వేశారు.  
  
 సాక్షి, విశాఖపట్నం : కొద్ది నెలల క్రితం ఓ రియల్ ఎస్టేట్ వ్యాపారికి, మరో వ్యక్తికి మధ్య స్వల్ప ఘర్షణ జరిగింది. దీంతో ఒకరిపై ఒకరు కేసులు పెట్టుకున్నారు. కొంత కాలానికి ఇద్దరూ రాజీ పడ్డారు. తామిచ్చి న ఫిర్యాదులు వెనక్కి తీసుకుంటామని, కేసులు కొట్టేయమని స్టేషన్ చుట్టూ తిరి గారు. కానీ అక్కడి అధికారి దానికి అంగీకరించలేదు. దీంతో రియల్ ఎస్టేట్ వ్యాపారి నగర డీసీపీని కలిసి జరిగిందంతా చెప్పారు. ఫిర్యాదుదారులే కేసు వద్దంటుంటే కొట్టివేయడానికి ఆ స్టేషన్ అధికారికి ఉన్న ఇబ్బందిపై డీసీపీ ఆరా తీశారు.
 
 వెంటనే లోక్ అదాలత్ ద్వారా కేసు క్లోజ్ చేయమని, ఇలాంటివి పునరావృతం కాకుండా చూసుకోమని ఆ అధికారిని ఫోన్లో మందలించారు. ఇదే కాదు..ఇటువంటి సంఘటనలు కోకొల్లలు. నాల్గో పట్టణ పోలీస్ స్టేషన్ ఎస్‌ఐ ఇలాంటి వ్యవహారంలోనే ఏసీబీకి చిక్కారు. నగర శివార్లలోని పోలీస్ స్టేషన్లయితే కొందరు భూ కబ్జాదారులు, రౌడీ షీటర్ల కనుసన్నల్లోనే నడుస్తున్నాయని బాధితులు చెబుతున్నారు. ఖాళీ స్థలాలు ఆక్రమించి, నకిలీ ధ్రువపత్రాలతో స్థల యజమానులను బెదించే వారికి కొమ్ముకాస్తూ బాధితుల నుంచి సొమ్ములు గుంజుతున్న ఉదంతాలు అక్కడ నిత్యకృత్యమైపోయాయి.
  
 కలిసొస్తున్న స్టేషన్ బెయిల్: సెక్షన్ సీఆర్‌పీసీ 41ఎ ప్రకారం నిందితుల్ని అరెస్ట్ చేయడానికి 48 గంటల ముందు వారికి నోటీసు ఇవ్వాలి. అదే విధంగా 7ఏళ్ల లోపు శిక్ష పడే అవకాశం ఉన్న సెక్షన్ల ప్రకారం కేసు నమోదైతే నిందితులకు స్టేషన్‌లోనే బెయిల్ ఇవ్వవచ్చని సుప్రీం కోర్టు చెప్పింది. ప్రజల ప్రాథమిక హక్కును, వారి శ్రేయస్సును కాపాడేందుకు అత్యున్నత న్యాయస్థానం చేసిన సూచనలను తమకు అనుకూలంగా మలుచుకుని పోలీసులు అవినీతికి పాల్పడుతున్నారు. కేసు పెడతామని నిందితుడ్ని బెదిరిస్తూ, సెటిల్ చేసుకోకపోతే బెయిల్‌పై వెళ్లిపోతారని బాధితుల్ని భయపెడుతూ సొమ్ము చేసుకుంటున్నారు.    
  
 నలుగురిపై వేటుతో శ్రీకారం: అవినీతి ఆరోపణలున్న అధికారులపై వేటు వేయాలని ఇన్‌చార్జి సీపీ అతుల్‌సింగ్ నిర్ణయించుకున్నారు. ఆ దిశగా తొలి అడుగు వేశారు. గత నెల 30వ తేదీన రూ.20వేలు లంచం తీసుకుంటూ ఏసీబీకి పట్టుబడ్డ ఎస్‌ఐ రమేష్‌బాబును, ఈ నెల 25న లక్ష రూపాయలు లంచం తీసుకుంటూ ఏసీబీకి చిక్కిన మూడో పట్టణ పోలీస్ స్టేషన్ ఎస్‌ఐ రామారావు, కానిస్టేబుల్ లక్ష్మణరావులతో పాటు ఈ నేరంలో భాగస్వామ్యం, విధుల్లో నిర్లక్ష్యం వహించారనే కారణాలతో సీఐ జి.వి.రమణలను ఇన్‌చార్జి సీపీ సస్పెండ్ చేశారు. లంచం తీసుకుంటూ దొరికిపోయిన వారిపై వేటు సహజంగా జరిగే ప్రక్రియే అయినా ఆ దాడిలో పట్టుబడని సీఐను సస్పెండ్ చేయడంతో అవినీతిని ప్రోత్సహించేవారికి దండన తప్పదనే సంకేతాలను ఇచ్చారు.
  
 గత సంఘటనలు
 గతేడాది ప్రథమార్ధంలో పెందుర్తి సీఐ జి.రాజశేఖర్ ఆదాయానికి మించిన ఆస్తులు కూడగట్టారనే ఆరోపణలు రావడంతో ఏసీబీ అధికారులు దాడులు చేశారు. దీంతో ఆయన సస్పెన్షన్‌కు గురయ్యారు.
      
 నవంబర్ 27న రైల్వే రక్షక దళం(ఆర్‌పీఎఫ్) ఇన్‌స్పెక్టర్ భగీరథ్ విశ్వాస్ రూ.5వేలు లంచం డిమాండ్ చేసి ఏసీబీ వలకు చిక్కారు.
      
 నవంబర్ 30న నాల్గో పట్టణ పోలీస్ స్టేషన్ లా అండ్ ఆర్డర్ ఎస్‌ఐ రమేష్‌బాబు లంచం తీసుకుంటూ ఏసీబీకి చిక్కారు.
      
 డిసెంబర్ 25న నాల్గో పట్టణ పోలీస్ స్టేషన్ వాల్తేరు జోన్ ఎస్‌ఐ రామారావు, కానిస్టేబుల్ లక్ష్మణరావు రూ.లక్ష డిమాండ్ చేసి అవినీతి నిరోధక శాఖకు దొరికారు. ఇదే కేసులో వీరితో పాటు సీఐ జి.వి.రమణ సస్పెండయ్యారు.
      
 డిసెంబర్ 2న మోటార్ వెహికల్ ఇన్‌స్పెక్టర్ ఎన్.రమేష్‌కుమార్ రూ.5వేలు లంచం తీసుకుంటూ ఏసీబీకి దొరికారు.
  
 ఇక రోజూ పర్యవేక్షణ
 పోలీస్ స్టేషన్లలో అవినీతిపై అనేక ఫిర్యాదులు అందుతున్నాయి. ప్రత్యక్షంగానూ, పరోక్షంగానూ అవినీతికి పాల్పడుతున్నవారి గురించి ఆరా తీస్తున్నాం. ఇక మీదట డీసీపీ, ఏసీసీలు రోజూ స్టేషన్లతో మీడియో, టెలీ కాన్ఫరెన్స్‌లు జరుపుతారు. స్టేషన్‌కు వచ్చే ప్రజల నుంచి కూడా ఫీడ్‌బ్యాక్ తీసుకుంటాం. ఎవరి పనితీరు సరిగ్గా లేకపోయినా కఠిన చర్యలు తీసుకుంటాం. అవి నీతి నిరోధానికి ప్రత్యేక బృందాలను ఏర్పాటు చేస్తున్నాం.      
 - అతుల్‌సింగ్, ఇన్‌చార్జి సీపీ
  


 సాక్షి, కర్నూలు :
  ప్రతి 300 మంది పౌరులకు ఒక పోలీసు కానిస్టేబుల్ ఉండాలి. ప్రతి 25 వేల మంది జనాభాకు ఒక పోలీసు స్టేషన్ ఉండాలి. ఈ లెక్కన 40 లక్షలకు పైచిలుకు జనాభా ఉన్న మన జిల్లాలో 11 వేల మంది పోలీసులు ఉండాలి. కాని ప్రస్తుతం పనిచేస్తున్నది కేవలం 2,600 మంది సివిల్ పోలీసులు. అంటే సగటున జిల్లా జనాభాకు రక్షణ కల్పిస్తున్నది పావలా వంతు పోలీసులే.
 
 దీంతో ఒక్కో పోలీసుపై పనిభారం నానాటికీ రెట్టింపవుతోంది. ఈ పని ఒత్తిడితో పోలీసులు వ్యాయామానికి దూరమవుతున్నారు. వ్యాధులకు దగ్గరవుతున్నారు. పొట్ట పెరిగి స్థూలకాయులుగా మారుతున్నారు. నియామక సమయంలో సన్నగా కనిపించే పోలీసులు విధుల్లో చేరాక వారి శరీర ఆకృతిలో మార్పులు చోటుచేసుకుంటున్నాయి.
 
  సాధారణంగా ప్రతి ఉద్యోగి రోజుకు 8 గంటలు పని చేస్తారు. కానీ పోలీసు ఉద్యోగంలో చేరేటప్పుడే వారికిచ్చే మాన్యువల్‌లో అవసరమైతే 24 గంటలూ పనిచేయడానికి సిద్ధంగా ఉండాలనే నిబంధన ఉంటుంది. అలాంటి పరిస్థితులు అప్పుడప్పుడుంటే ఫర్వాలేదు. నిత్యం అలాగే విధులు నిర్వహించాలంటే కష్టమే. జిల్లాలో పోలీసుల పని గంటలు మిగతా వారితో పోలిస్తే ఎక్కువగానే ఉంటాయి. ప్రస్తుతం జిల్లా జనాభాలోని ప్రతి 1,538 మందికి ఒక్క పోలీసు చొప్పున పనిచేస్తున్నారు. పనిభారం పెరిగి వ్యాధుల బారిన పడుతున్నామని పోలీసులు వాపోతున్నారు.
 
  సర్వసాధారణం.. బీపీ.. షుగర్..
  జిల్లాలో మొత్తం 2,600 మంది సివిల్ పోలీసులు పనిచేస్తుండగా.. వారిలో ఎక్కువ మంది రక్తపోటు(బీపీ), మధుమేహం(షుగర్) వ్యాధులతో బాధపడుతున్నారు. సమయానికి భోజనం లేకపోవడం.. నిద్రలేమి.. పని ఒత్తిడి ఉండడంతో అధికశాతం పోలీసులు ఈ వ్యాధుల బారిన పడుతున్నారు. సెక్యూరిటీ విభాగంలో పనిచేసే మరికొందరు మూత్రపిండాలు, కండరాల వ్యాధులతో బాధపడుతున్నారు. ఆహార పద్ధతులు పాటిస్తూ సరైన వ్యాయామం, క్రమం తప్పకుండా పరేడ్‌లో పాల్గొంటే శారీరక ధారుడ్యం పెరుగుతుంది. వ్యాధుల బారిన పడకుండా రక్షణ పొందవచ్చు.
 
 అయితే పోలీసుశాఖలో పరేడ్‌లు నామ్‌కే వాస్తేగానే మారాయి. అత్యవసర పరిస్థితుల్లో మినహా మిగిలిన రోజుల్లో వారాంతపు సెలవులు పెట్టుకోవచ్చనే నిబంధన ఉన్నా.. అది ఎక్కడా అమలు కావడం లేదు. గతంలో ఈ అంశాన్ని నాటి డీజీపీ ప్రసాదరావు ప్రస్తావించినా ప్రభుత్వాలు పెద్దగా పట్టించుకోలేదు. అయితే ఇటీవల తెలంగాణ ప్రభుత్వం పోలీసులకు వారాంతపు సెలవు ఇవ్వాలని నిర్ణయించింది. నల్గొండ, ఖమ్మం, వరంగల్ జిల్లాలో వారాంతపు సెలవులు అమల్లోకి తెచ్చింది. మన జిల్లాలో కూడా గతంలో ఎస్పీగా పనిచేసిన రఘురామిరెడ్డి వారాంతపు సెలవుల అంశాన్ని ఉన్నతాధికారుల దృష్టికి తీసుకెళ్లారు. దీనిపై ఆంధ్రప్రదేశ్ పోలీసు అధికారుల సంఘం ఎన్ని వినతులు అందజేస్తున్నా అవి అమలుకు నోచుకోవడం లేదు.
  
  ఉన్నతాధికారుల దృష్టికి తీసుకెళ్లాం..
  వారాంతపు సెలవుల గురించి గతంలోనే మాజీ డీజీపీ ప్రసాదరావు ప్రకటించారు. రాష్ట్ర విభజనతో అది అమలుకు నోచుకోలేదు. ఆ తరువాత ఆంధ్రప్రదేశ్ రాష్ట్రంలో వారాంతపు సెలవు కర్నూలు జిల్లాలో ఇచ్చేలా నిర్ణయం జరిగింది. ఆళ్లగడ్డ ఉప ఎన్నికతో కొంత ఆలస్యమైంది. కోడ్ ముగియగానే వారాంతపు సెలవులు అమలవుతాయి.
  - నారాయణ,
  పోలీసు అధికారుల సంఘం అధ్యక్షుడు
  
  వారానికోసారి పరేడ్..
  పోలీసు సిబ్బంది శారీరకంగా దృఢంగా ఉండేందుకు వారానికి ఒకసారి పరేడ్ నిర్వహిస్తున్నాం. దీనికి క్రమం తప్పకుండా సిబ్బంది మొత్తం హాజరుకావాల్సిందే. దీంతోపాటు యోగా, క్రీడా పోటీలు నిర్వహించే ఆలోచనలో ఉన్నాం. సిబ్బంది దేహాధారుడ్యంపై దృష్టి సారించి.. వారు వ్యాధుల బారిన పడకుండా చర్యలు తీసుకుంటాం. పోలీసు సిబ్బందికి వారాంతపు సెలవులు ఉన్నాయి. అధికారులకు ఇవ్వమని చెబుతున్నాం. అయితే కొన్ని చోట్ల సిబ్బంది సరిపడకపోవడం.. శాంతిభద్రతల దృష్ట్యా కొన్ని ప్రాంతాల్లో విధులు నిర్వర్తించడం వంటి కారణాలతో కొంత మందికి సెలవులు దొరకని పరిస్థితి ఉంటుంది. కర్నూలు నగరంలోనూ షిఫ్ట్ డ్యూటీ అమలవుతోంది. పోలీసు సిబ్బందికి సరిపడా విశ్రాంతి ఇస్తున్నాం.
  - ఆకె రవికృష్ణ, జిల్లా ఎస్పీ


 ఇంటర్వ్యూ
  
  సంకల్ప బలంతోనే ఐఏఎస్ సాధించా    
  వైద్యశాఖలో ఉద్యోగం చేస్తూ, కోచింగ్ లేకుండా లక్ష్యానికి చేరుకున్నా
  సమాజానికి సేవ చేయాలనే తలంపే ముందుకు నడిపింది     
  మా నాన్న బలరామయ్యే స్ఫూర్తి     
  ట్రైనీ కలెక్టర్ గుమళ్ల సృజన
  
 ప్రశ్న : ఐఏఎస్‌కు ఎలా సన్నద్ధమయ్యారు...?
 జవాబు : నా చదవంతా హైదరాబాదులోనే కొనసాగింది. బీఏ సైకాలజీ డిగ్రీ హైదరాబాద్‌లోని సెయింట్ ఆన్స్, ఎంఏ పొలిటికల్ సైన్స్ హైదరాబాదులోని సెంట్రల్ యూనివర్సిటీ, పీహెచ్‌డీ వెంకటేశ్వర యూనివర్సిటీలో పూర్తి చేశాను. ఐఏఎస్ అధికారి కావాలనే సంకల్పంతో పట్టుదలతో చదివాను. పొలిటికల్ సైన్స్, సైకాలజీ సబ్జెక్టులను ఎంచుకుని సివిల్స్‌కు ప్రిపేర్ అయ్యాను. ఎంత సబ్జెక్టు ఉంది, ఎన్ని గంటలు చదవాలి అన్న అంశాలను ముందస్తుగానే ప్రణాళిక రూపొందించుకుని రోజుకు ఆరు నుంచి ఏడు గంటల పాటు చదివాను. ఎక్కడా కోచింగ్ తీసుకోలేదు.
  
 ప్రశ్న : ఐఏఎస్ అధికారే ఎందుకు కావాలని అనుకున్నారు?
 జవాబు : మా నాన్న బలరామయ్య ఐఏఎస్ అధికారిగా పనిచేశారు. ఐఏఎస్ అధికారికి ఎన్ని అధికారాలు ఉంటాయో, ప్రజాసమస్యలను పరిష్కరించడానికి ఎంత అవకాశం ఉంటుందో ఆయన పనిచేసినప్పుడే గమనించాను. ఆయన స్ఫూర్తితో నేను కూడా ఐఏఎస్ అధికారి కావాలనుకున్నా. ఆ సంకల్ప బలం నన్ను ముందుకు నడిపింది. ఎక్కడా కోచింగ్ తీసుకోకుండా సివిల్స్ రాయడంతో తొలి రెండు ప్రయత్నాల్లో విఫలమయ్యా. ఓ సంవత్సరం సివిల్స్ రాయకుండా గ్రూప్-1 పరీక్ష రాసి వైద్యశాఖలో ఉద్యోగం సాధించా. ఆ ఉద్యోగం చేస్తూనే ఆఖరి ప్రయత్నంగా  2013లో సివిల్స్‌రాసి 44వ ర్యాంకు సాధించా.
  
 ప్రశ్న : రాజకీయాలపై మా అభిప్రాయం?
 జవాబు : మా అమ్మ సుగుణశీల చిత్తూరు జిల్లా శ్రీకాళహస్తి మండలం పూడి గ్రామ సర్పంచిగా ఉన్నారు.  ప్రజా సమస్యలు పరిష్కరించడానికి అనేక మార్గాలున్నాయి. రాజకీయాల్లోకి వెళితే ప్రతి ఐదేళ్లకు ఒకసారి ఎన్నికలనే పరీక్షలను ఎదుర్కోవాలి. అదే ఐఏఎస్ అధికారిగా ఏంపికైతే ప్రజాసేవ చేయడానికి 30 సంవత్సరాల సమయం ఉంటుంది. ప్రజాసమస్యలను అర్థం చేసుకుని నూతన పథకాలను ప్రవేశపెడితే  దీర్ఘకాలంపాటు ప్రజలకు ఉపయోగ  పడతాయనేది నా నమ్మకం.
  
 ప్రశ్న : ఇంటర్వ్యూ ఎలా సాగింది..?
 జవాబు : ఇంటర్వ్యూ కమిటీకి పురుషోత్తమ్ అగర్వాల్ నాయకత్వం వహించారు. కమిటీ సభ్యులు నన్ను ఇంటర్వూ చేసే సమయంలో  తెలంగాణ అంశంతోపాటు వరకట్న వేధింపులు, త్యాగరాజస్వామి, అన్నమయ్య తదితర అంశాలకు సంబంధించిన ప్రశ్నలు అడిగారు. వాటన్నింటికీ సరైన సమాధానాలు చెప్పడంతో 2013 బ్యాచ్‌లో ఐఏఎస్‌కు ఎంపికయ్యాను.
  
 ప్రశ్న : కుటుంబ నేపథ్యం.?
 జవాబు : భర్త రవితేజ హైకోర్టు న్యాయవాదిగా పనిచేస్తున్నారు. సోదరుడు చార్విక్ ఎంబీఏ చదివి ఉద్యోగం చేస్తున్నారు.
  


  సివిల్స్ మహాయజ్ఞంలో మొదటి అంకమైన ప్రిలిమ్స్ ఈ ఏడాది ఆగస్టులో యూపీఎస్సీ నిర్వహించనుంది. విజయానికి తొలి అడుగైన ఈ పరీక్షలో నెగ్గి మెయిన్స్ ముంగిట నిలవాలని అభ్యర్థులు పరితపిస్తున్నారు. పరీక్ష రోజు కోసం ఆసక్తిగా ఎదురుచూస్తున్నారు. అందుబాటులో ఉన్న కొద్దిరోజులను సిలబస్ పునశ్చరణకు సద్వినియోగపరుచుకుంటున్నారు. అయితే ప్రిలిమినరీ పేపర్‌లో ప్రధాన సబ్జెక్ట్, కొంచెం క్లిష్టమైన దిగా భావించే ఎకానమీ అంశాన్ని ఏ విధంగా చదవాలి? ఏ అంశాలపై ఎక్కువ దృష్టిపెడితే పరీక్షను  పభావవంతంగా రాయవచ్చనే విషయాలపై ప్రత్యేకం.
  
  సివిల్స్ విజయంలో కీలక పాత్ర పోషించే సబ్జెక్ట్‌లలో ఎకానమీ ఒకటి.. ప్రిలిమ్స్‌తోపాటు మెయిన్స్‌లో కూడా ఎకానమీ ప్రధాన భూమిక పోషిస్తుంది.. కాబట్టి ఈ సబ్జెక్ట్‌లో సాధించే మార్కులు చివరి అంకంగా నిలిచే ఇంటర్వ్యూకు అర్హత సాధించడంలో కీలకంగా ఉంటాయి.
  
  ప్రాధాన్యత:
  ప్రిలిమ్స్‌లో భాగమైన జనరల్ స్టడీస్ పేపర్‌లోని ఎకానమీ సబ్జెక్ట్ ప్రాధాన్యత మెయిన్‌‌సలోనూ కనిపిస్తుంది. గత ప్రశ్నాపత్రాలను పరిశీలిస్తే... ప్రిలిమ్స్‌లో ఎకానమీ సంబంధిత అంశాలపై సగటున 15-20 ప్రశ్నల వరకు అడగడాన్ని గమనించవచ్చు. ప్రిలిమ్స్‌కు సన్నద్ధమయ్యే విద్యార్థులు మెయిన్‌‌సలో జనరల్ స్టడీస్‌లో భాగంగా ఉన్న ఎకానమీ సిలబస్‌ను పరిశీలిస్తూ ఆ దిశగా అధ్యయనాన్ని కొనసాగించడం ఉత్తమం. గత ప్రశ్న పత్రాలను గమనిస్తే... ప్రశ్నలు అధికంగా ఉపాధి, ప్రణాళికలు, అభివృద్ధి, ద్రవ్యం, బ్యాంకింగ్, విదేశీ వాణిజ్యం, వ్యవసాయం, అవస్థాపనా సౌకర్యాలు, ప్రభుత్వ విత్తం, జనాభా, పేదరికం లాంటి అంశాల నుంచి ఎక్కువగా ఇస్తున్నారు.
  
  కాన్సెప్ట్‌ల ఆధారంగా:
  2013 ప్రిలిమ్స్‌లో ఎకానమీకి సంబంధించి అడిగిన ప్రశ్నలన్నీ కాన్సెప్ట్స్ ఆధారంగా ఉన్నవే. దీన్ని బట్టి చూస్తే ప్రిలిమ్స్‌కు హాజరయ్యే విద్యార్థులు సంబంధిత అంశాల్లోని ప్రాథమిక భావనల (కాన్సెప్ట్స్) పట్ల విస్తృత అవగాహన ఏర్పరచుకుంటే మెరుగైన ఫలితం ఉంటుందనే విషయాన్ని గమనించాలి. ప్రాథమిక భావనలపై అవగాహన కోసం ఎన్‌సీఈఆర్‌టీ 6వ తరగతి నుంచి 12వ తరగతి పుస్తకాలను అధ్యయనం చేయడం ప్రయోజనకరంగా ఉంటుంది. మరో కీలక అంశం.. పేపర్-1కు సంబంధించి ప్రశ్నలను కాన్సెప్ట్యువల్ బేస్డ్‌గా అడుగుతున్నారు. కాబట్టి ఒక అంశాన్ని చదివేటప్పుడు దాని నేపథ్యం నుంచి తాజా పరిణామాల వరకు అన్నిటినీ సమన్వయం చేసుకుంటూ చదవాలి.
  
  అధ్యయనం చేయాల్సినవి:
  ప్రిలిమ్స్‌కు హాజరయ్యే విద్యార్థులు ఎకానమీ అధ్యయనంలో భాగంగా వివిధ కమిటీలు- నివేదికలు, వ్యవసాయ రంగం, పారిశ్రామికరంగం, సేవారంగం, బ్యాంకింగ్, పన్నుల వ్యవస్థ, జాతీయాదాయం, యుఎన్‌డీపీ మానవాభివృద్ధి నివేదిక, 12వ ప్రణాళిక, విదేశీ ప్రత్యక్ష పెట్టుబడులు, ప్రపంచ వాణిజ్య సంస్థ, అంతర్జాతీయ ద్రవ్యనిధి (ఐఎంఎఫ్), ప్రపంచ బ్యాంక్, ద్రవ్యం-బ్యాంకింగ్, పేదరికం, సాంఘిక భద్రత, సుస్థిర అభివృద్ధి, ద్రవ్యోల్బణం వంటి అంశాలను అధ్యయనం చేయాలి. ఈ అంశాలపై విద్యార్థులకు ఉన్న అవగాహన మెయిన్స్‌లోనూ ఉపకరించే అవకాశం ఉంది. విదేశీ వాణిజ్యం, ప్రణాళికలు, పన్నుల వ్యవస్థ, పేదరికం, సుస్థిర వృద్ధి లాంటి అంశాలకు సంబంధించిన ప్రశ్నలు మెయిన్స్‌లోనూ తరచుగా ఉండటాన్ని ఈ సందర్భంగా గుర్తుంచుకోవాలి.
  
  అధ్యయనంలో భాగంగా తీసుకోవాల్సిన జాగ్రత్తలు:
  తరుచుగా సబ్జెక్ట్ పట్ల విసృ్తత అవగాహన పెంపొందించుకోవడానికి ప్రయత్నించాలి.పరీక్ష ప్రక్రియకు అనుగుణంగా సబ్జెక్ట్‌ను అధ్యయనం చేయాలి.ఎప్పటికప్పుడు నోట్స్ రూపొందించుకోవాలి. మోడల్ పేపర్లలో ఇచ్చిన ప్రశ్నలను క్షుణ్నంగా పరిశీలించాలి. తద్వారా గత కొంత కాలంగా అడుగుతున్న ప్రశ్నల సరళిపై అవగాహన వస్తుంది.
  
  ప్రతి అంశాన్ని పరిశీలించేటప్పుడు విమర్శనాత్మక విశ్లేషణను పెంపొందించుకోవడం వల్ల ప్రిపరేషన్ ప్రభావవంతంగా ఉంటుంది.ప్రిపరేషన్ స్థాయిని తెలుసుకునేందుకు అభ్యర్థి తన నిష్పాదన (పర్‌ఫార్మెన్‌‌స)ను ఎప్పటికప్పుడూ సమీక్షించుకోవాలి. ఈ దశలో విజయం లేదా అపజయం లాంటి విషయాల గురించి ఆలోచన తగ్గించుకోవాలి.బహుళైచ్ఛిక ప్రశ్న (ఆబ్జెక్టివ్ క్వశ్చన్)లలో ఒకే విధమైన ఐచ్ఛికాలు (ఆప్షన్‌‌స) ఉండే ప్రశ్నల పట్ల అవగాహన పెంచుకోవాలి.ప్రశ్నను పూర్తిగా అర్థం చేసుకోవడానికి ప్రతి ఐచ్ఛికాన్ని పూర్తిగా చదవడం నేర్చుకోవాలి.
  
  మెయిన్స్, ప్రిలిమినరీ రెండింటికీ:
  కొన్ని అంశాలు ప్రిలిమ్స్‌తోపాటు మెయిన్స్‌లోనూ ఉపకరిస్తాయి. వీటిపై అవగాహన పెంచుకోవడంతో ప్రిలిమ్స్, మెయిన్స్‌కు ఏకకాలంలో ప్రిపరేషన్ సాగించవచ్చు.
  
  ప్రణాళిక ఇలా:
  ప్రణాళిక వృద్ధి-ఆర్థికాభివృద్ధి అనే అంశంపై అధ్యయనం చేసే క్రమంలో ముఖ్య పదకోశాలైన ఆర్థిక వృద్ధి, ఆర్థికాభివృద్ధి, ప్రణాళిక సంఘం, మల్టీ లెవల్ ప్లానింగ్, కేంద్రీకృత ప్రణాళిక లాంటి అంశాలను అవగాహన చేసుకుంటూ నోట్స్ రూపొందించుకోవాలి. కాన్సెప్ట్‌లతో పాటు ప్రణాళికలు, మిశ్రమ ఆర్థిక వ్యవస్థ, ప్రభుత్వ రంగం, ప్రణాళిక లక్ష్యాలు, వికేంద్రీకృత ప్రణాళిక ప్రాధాన్యత, ఆర్థిక సంస్కరణలు లాంటి అంశాలపై అధ్యయనం అవసరం. మెయిన్స్‌లోను జనరల్ స్టడీస్-3లో ఈ అంశాలను ఎకానమీ సిలబస్‌లో భాగంగా ఇవ్వడం జరిగింది.
  
  పన్ను వ్యవస్థపై పట్టు:
  భారత్‌లో పన్నుల వ్యవస్థలో భాగంగా వివిధ పదకోశాలైన రెవెన్యూ రాబడి, రెవెన్యూ వ్యయం, మూలధన రాబడి, మూల ధన వ్యయం, ప్రణాళికా వ్యయం, ప్రణాళికేతర వ్యయం, ద్రవ్యలోటు, ప్రాథమిక లోటు లాంటి అంశాలపై అవగాహన పెంపొందించుకోవాలి. ప్రామాణిక పుస్తకాల నుంచి ఆర్థిక సంఘం, విలువ ఆధారిత పన్ను (వాల్యూ యాడెడ్ ట్యాక్స్-వ్యాట్), వస్తువులు, సేవలపై పన్ను, ప్రభుత్వ రుణం- ఆర్థిక వ్యవస్థపై ప్రభావం లాంటి టాపిక్స్‌ను క్షుణ్నంగా అధ్యయనం చేయాలి. మెయిన్స్ జనరల్ స్టడీస్‌లో ఎకానమీలో భాగంగా పన్నుల వ్యవస్థను పొందుపరిచారు. మెయిన్స్ జనరల్ స్టడీస్-3లో జనరల్ బడ్జెటింగ్ పేరుతో ఈ సిలబస్‌ను పొందుపరిచారు.
  
  సమగ్ర నోట్స్:
  పేదరికం, సాంఘిక భద్రత, సుస్థిర వృద్ధికి సంబంధించిన అంశాలపై అవగాహన ప్రిలిమ్స్, మెయిన్స్ రెండింటికీ ఉపయోగపడుతుంది. ఈ క్రమంలో సమ్మిళిత వృద్ధి, మానవాభివృద్ధి, పేదరికం-సమ్మిళిత వృద్ధి, ఉపాధి, సాంఘిక భద్రత, గ్రామీణ అవ స్థాపనా సౌకర్యాలు, విద్య, ఆరోగ్యం, మహిళ, శిశుసంక్షేమ అభివృద్ధి, అసమానతలు లాంటి అంశాలకు సంబంధించి సమగ్రమైన నోట్స్ రూపొందించుకోవాలి. మెయిన్స్ జనరల్ స్టడీస్-3లో సమ్మిళిత వృద్ధికి సంబంధించిన అంశాలను సిలబస్‌గా పొందుపరచడం జరిగింది. జనరల్ స్టడీస్-2లోనూ సంక్షేమ కార్యక్రమాలకు సంబంధించిన సిలబస్‌లో భాగంగా పై అంశాల పట్ల అవగాహన అవసరం.
  
  వ్యవసాయం:
  వ్యవసాయ రంగానికి సంబంధించి ప్రిలిమ్స్‌లో పలు అంశాలపై అధ్యయనం మెయిన్స్‌లోనూ ఉపకరిస్తుంది. మెయిన్స్‌లో జనరల్ స్టడీస్-2, జనరల్ స్టడీస్-3లో ఈ రంగానికి సంబంధించిన వివిధ అంశాలను సిలబస్‌లో పొందుపరిచారు. వ్యవసాయ రంగం అధ్యయనంలో భాగంగా భూ సంస్కరణలు, హరితవిప్లవం, మద్దతుధరలు, ఆహారభద్రత, ఆహార రాయితీలు, ఈ-చౌపల్, జాతీయ ఆహార భద్రతామిషన్, జాతీయ వ్యవసాయ విధానం, వ్యవసాయ బీమా, ప్రపంచ వాణిజ్య సంస్థ (డబ్ల్యు.టి.ఒ), వ్యవసాయ రాయితీలకు సంబంధించి సమగ్ర నోట్స్ సిద్ధం చేసుకోవాలి. ప్రతి అంశాన్ని క్షుణ్నంగా అధ్యయనం చేయాలి.
  
  పరిశ్రమలు:
  పరిశ్రమలు, అవస్థాపనా సౌకర్యాలకు సంబంధించి పారిశ్రామిక తీర్మానాలు, పెట్టుబడుల ఉపసంహరణ, నూతన తయారీ విధానం, ఎలక్ట్రానిక్‌పై నూతన విధానం, విదేశీ ప్రత్యక్ష పెట్టుబడులు, భారత నిర్మాణరంగం (ఇన్‌ఫ్రాస్ట్రక్చర్), ఫైనాన్స్ కంపెనీకి సంబంధించి విషయ పరిజ్ఞానం అవసరం. ఈ అంశాలతో కూడిన సిలబస్‌ను మెయిన్స్ జనరల్ స్టడీస్-3లోనూ గమనించవచ్చు.
 
  విదేశీ వాణిజ్యం - అవగాహన:
  ప్రిలిమ్స్‌లో భాగంగా విదేశీ వాణిజ్యం పట్ల అవగాహన అవసరం. భారత్ ఎగుమతులు, దిగుమతులు, చెల్లింపుల శేషం, వాణిజ్య విధానం, వర్తక నిబంధనలు, స్థిర వినిమయ రేటు, అస్థిర వినిమయ రేటు, కరెంట్ అకౌంట్ లోటు, రూపాయి మూల్యహీనీకరణ లాంటి అంశాలపై అవగాహన అవసరం. మెయిన్స్ జనరల్ స్టడీస్-3లో ప్రపంచీకరణ అంశాన్ని పొందుపరిచారు. వివిధ పదకోశాలపై అవగాహన మెయిన్‌లోనూ ఉపయుక్తంగా ఉంటుంది. ప్రిలిమ్స్‌లో భాగంగా ద్రవ్యం, బ్యాంకింగ్‌కు సంబంధించిన అంశాలను పరిశీలించాలి. ద్రవ్యమార్కెట్, ఎన్.ఎ. ఎఫ్.సిలు, కేంద్ర బ్యాంక్ పరపతి విధానం, సెక్యూరిటీ ఎక్స్ఛేంజ్ బోర్డ్ ఆఫ్ ఇండియా (సెబి), బ్యాంకింగ్ సంస్కరణలు, బీమా సంస్కరణలు, సి.ఎ.ఆర్, బేస్‌రేటు, ఎం.ఎస్. ఎఫ్, మ్యూచువల్ ఫండ్స్‌లాంటి అంశాలను పరిశీలించాలి.
  
  ఇవి చదివితే మేలు
   కరెంట్ అఫైర్‌‌సలో భాగంగా:
  ప్రిపరేషన్‌లో కేవలం సిలబస్‌కే పరిమితం కాకుండా సంబంధిత అంశాలను సమకాలీన సంఘటనల (కరెంట్ అఫైర్స్)తో సమన్వయం చేసుకుంటూ ముందుకు సాగాలి. తద్వారా ప్రిపరేషన్ అర్థవంతంగా ఉంటుంది. సమకాలీన అంశాల్లో భాగంగా పరిశీలించాల్సినవి..
  
      కార్పొరేట్ గవర్నెన్‌‌సపై సెబీ జారీ చేసిన మార్గదర్శకాలు
      ఇటీవల టోకు ధరల సూచీ (గ్కిఐ), వినియోగదారుని ధరల సూచీ (ఇ్కఐ)
      2013-14 ఆర్థిక సంవత్సరంలో వివిధ రాష్ట్రాల వృద్ధి రేట్లు, ద్రవ్య లోటు
      సామాజిక అభివృద్ధి సూచిక (సోషల్ ప్రోగ్రెస్ ఇండెక్స్)
      ఏషియన్ డెవలప్‌మెంట్ అవుట్‌లుక్ -2014
      కేంద్ర బ్యాంకు కొత్త బ్యాంకులకు సంబంధించిన లెసైన్స్‌ల మంజూరు
      కేంద్ర బ్యాంకు ద్రవ్య విధానంలో భాగంగా విధాన రేట్లలో మార్పు
      బేసల్ -3 (ఆ్చట్ఛఐఐఐ ) నియమాలు
      పీఎఫ్‌నకు సంబంధించి యూనివర్సల్ అకౌంట్ నంబర్
      ఎన్నికల వ్యయం
      కరెంట్ అకౌంట్ లోటు
      రూపాయి మూల్యహీనీకరణ
  
  రిఫరెన్స్ బుక్స్
      జనరల్ స్టడీస్: ఎస్‌సీఈఆర్‌టీ 6నుంచి 12వ తరగతి పుస్తకాలు
      ఇండియా ఇయర్‌బుక్
      ఇండియా ఎకనమిక్ సర్వే
      ఇండియన్ ఎకానమీ-ఎస్‌కే మిశ్రా అండ్ పూరి
      ఇండియన్ ఎకానమీ- ఉమా కపిల
      ఇండియాస్ ఎకానమీ ఇన్ ద 21 సెంచరీ -
  రాజ్ కపిల అండ్ ఉమా కపిల
  


  మరికొద్ది రోజుల్లో జేఈఈ మెయిన్ ర్యాంకులు వెల్లడి కానున్నాయి.
  జూలై 1 నుంచి జేఈఈ మెయిన్ కౌన్సెలింగ్ ప్రారంభం కానుంది.
  దేశవ్యాప్తంగా 30 నేషనల్ ఇన్‌స్టిట్యూట్స్ ఆఫ్ టెక్నాలజీ (ఎన్‌ఐటీ)లు;
  కేంద్ర ప్రభుత్వ నిధులతో నడుస్తున్న ఇండియన్ ఇన్‌స్టిట్యూట్స్ ఆఫ్ ఇన్ఫర్మేషన్ టెక్నాలజీ (ఐఐఐటీ)లు; ఇండియన్ ఇన్‌స్టిట్యూట్ ఆఫ్ ఇన్ఫర్మేషన్ అండ్ టెక్నాలజీ అండ్ మేనేజ్‌మెంట్ (ఐఐఐటీఎం); ఇండియన్ ఇన్‌స్టిట్యూట్స్ ఆఫ్ ఇన్ఫర్మేషన్ టెక్నాలజీ, డిజైన్ అండ్ మ్యానుఫ్యాక్చరింగ్ (ఐఐఐటీడీఎం)లు, ఇతర సంస్థల్లో వివిధ కోర్సుల్లో దాదాపు 40,000 సీట్లున్నాయి. ఈ నేపథ్యంలో ప్రముఖ ఎన్‌ఐటీల్లో .. బీటెక్‌లో టాప్ బ్రాంచ్‌ల్లో గతేడాది క్లోజింగ్ ర్యాంకుల వివరాలు తెలుసుకుందాం..
  
  EEE ఎలక్ట్రికల్ అండ్ ఎలక్ట్రానిక్స్ ఇంజనీరింగ్
  
 రోజుకో కొత్త ఎలక్ట్రానిక్ ఉత్పత్తి, ఎలక్ట్రికల్ ఉపకరణాలు మార్కెట్లో వచ్చిపడుతున్న తరుణంలో రెండు రకాల అవకాశాల వేదికలను (ఎలక్ట్రానిక్స్, ఎలక్ట్రికల్) అందుకునేందుకు దోహదం చేస్తుంది ఈఈఈ. స్థూలంగా డిజైన్, ఎలక్ట్రానిక్స్ అండ్ ఇన్‌స్ట్రుమెంటేషన్ అండ్ కంట్రోల్ సిస్టమ్స్, ఎలక్ట్రానిక్స్ డివెసైస్ అండ్ సర్క్యూట్స్, అనాలసిస్ అండ్ ఆపరేషన్ ఆఫ్ పవర్ సిస్టమ్, పవర్ సిస్టమ్స్, ఎలక్ట్రికల్ మెషిన్స్ అండ్ డిజైన్, పవర్ ఎలక్ట్రానిక్స్, ఎలక్ట్రోమ్యాగ్నటిక్ ఫీల్డ్స్, కంప్యూటర్ ఎయిడెడ్ పవర్ సిస్టమ్ అనాలసిస్, యుటిలైజేషన్ ఆఫ్ ఎలక్ట్రికల్ పవర్, ఎలక్ట్రికల్ ఇంజనీరింగ్ మెటీరియల్స్, ఇన్‌స్ట్రుమెంటేషన్ అండ్ కంట్రోల్ సిస్టమ్స్ వంటి కోర్ సబ్జెక్టులపై విద్యార్థులకు శిక్షణనిస్తారు.
  
 అవకాశాలు: మనదేశంలో విద్యుత్ కొరతను అధిగమించడానికి ప్రభుత్వాలు ప్రయత్నిస్తున్నాయి. కొత్త విద్యుత్ ప్లాంట్ నిర్మాణాలను భారీ స్థాయిలో చేపడుతున్నాయి. వీటితోపాటు హైడ్రో ఎలక్ట్రిసిటీ రంగం, నేచురల్ గ్యాస్ పాంట్లు, పవర్ కార్పొరేషన్లు, అణు విద్యుత్ కర్మాగారాలు, రైల్వేలు, విద్యుత్ ఉపకరణ ఉత్పత్తుల సంస్థలు, ఎలక్ట్రానిక్ పరిశ్రమల్లో ఈఈఈ ఉత్తీర్ణులకు అపార అవకాశాలు ఉన్నాయి.
  
 గతేడాది కటాఫ్స్: కోర్ బ్రాంచ్‌ల్లో ఒకటి కావడం.. భవిష్యత్ అవకాశాల నేపథ్యంలో ఈ కోర్సుకు విపరీతమైన డిమాండ్ ఉంది. గతేడాది ఎన్‌ఐటీ వరంగల్‌లో హోమ్ స్టేట్ కోటాలో జనరల్ కేటగిరిలో సీటు లభించిన చివరి ర్యాంకు 3601. అదర్‌స్టేట్ కోటాలో కూడా చాలా తక్కువ ర్యాంకుకే (4131) సీట్లు భర్తీ అవడం గమనార్హం. ఇక ఆంధ్రప్రదేశ్, తెలంగాణ విద్యార్థులు ఎక్కువగా చేరే ఎన్‌ఐటీ తిరుచిరాపల్లి (తమిళనాడు), సూరత్‌కల్ (కర్ణాటక), కాలికట్ (కేరళ)లలో కూడా వరుసగా సీట్లు లభించిన చివరి ర్యాంకులు.. 3067, 3723, 6460. వీటిని బట్టి చూస్తేనే తెలుస్తోంది ఈఈఈకి ఎంత డిమాండ్ ఉందో!
  
 ECE ఎలక్ట్రానిక్స్ అండ్ కమ్యూనికేషన్ ఇంజనీరింగ్
  
 వివిధ ఎలక్ట్రానిక్ పరికరాల ఉత్పత్తికి సంబంధించిన పరిజ్ఞానాన్ని అందించే బ్రాంచ్ ఈసీఈ. పరిధి విస్తృతంగా ఉండే ఈసీఈ ద్వారా ఇన్‌స్ట్రుమెంటేషన్ ఇంజనీరింగ్, టెలికాం, సెమీకండక్టర్ డిజైన్ తదితర రంగాల గురించిన పరిజ్ఞానం సొంతం చేసుకోవచ్చు. ఈసీఈలో అనలాగ్ ట్రాన్స్‌మిషన్, డిజిటల్ ట్రాన్స్‌మిషన్, వాయిస్ అండ్ డాటా, బేసిక్ ఎలక్ట్రానిక్స్, సాలిడ్ స్టేట్ డివెసైస్, మైక్రో ప్రాసెసర్స్, డిజిటల్ అండ్ అనలాగ్ కమ్యూనికేషన్, అనలాగ్ ఇంటిగ్రేటెడ్ సర్క్యూట్స్, శాటిలైట్ కమ్యూనికేషన్, మైక్రోవేవ్ ఇంజనీరింగ్, ఆంటెన్నా అండ్ వేవ్ ప్రొగ్రెషన్ తదితర అంశాలను అధ్యయనం చేస్తారు. దాంతోపాటు ఎలక్ట్రానిక్ పరికరాలు, సర్క్యూట్స్, ప్రసార ఉపకరణాలైన ట్రాన్స్‌మీటర్, రిసీవర్, ఇంటిగ్రేటెడ్ సర్క్యూట్స్, మైక్రోవేవ్స్, ఫైబర్ వంటి వాటి తయారీలో ఈసీఈ విభాగం కీలకపాత్ర పోషిస్తుంది.
  
 ఉద్యోగావకాశాలు: ఎలక్ట్రానిక్స్ ఇంజనీర్లకు కేంద్ర, రాష్ట్ర ప్రభుత్వ విభాగాల్లోనూ, వాటి అనుబంధ సంస్థలు, కార్పొరేషన్లలోనూ ఉద్యోగావకాశాలు విస్తృతం. యూపీఎస్సీ ఏటా నిర్వహించే ఇండియన్ ఇంజనీరింగ్ సర్వీసెస్ (ఐఈఎస్) ఎగ్జామినేషన్ ద్వారా కేంద్ర ప్రభుత్వ విభాగాల్లో చేరొచ్చు. టీచింగ్ రంగంలోనూ ఎన్నో అవకాశాలు ఉన్నాయి. సెంట్రల్ ఎలక్ట్రానిక్స్ లిమిటెడ్, భారతీయ రైల్వేలు, అణు విద్యుత్ కంపెనీలు, హిందూస్థాన్ ఏరోనాటిక్స్ లిమిటెడ్, పౌర విమానయాన మంత్రిత్వ శాఖ, డెరైక్టరేట్ ఆఫ్ జనరల్ పోస్ట్స్ అండ్ టెలిగ్రాఫ్స్ డిపార్ట్‌మెంట్స్.. మొదలైనవాటిలో ఉద్యోగాలు పొందొచ్చు.
  
 గతేడాది ర్యాంకుల విశ్లేషణ: కోర్ బ్రాంచ్‌ల్లో ఒకటి కావడం, ఉన్నత విద్య, ఉద్యోగావ కాశాల విషయంలో ఎలాంటి ఢోకా లేకపోవడంతో ప్రధాన ర్యాంకర్లలో ఎక్కువ శాతం ఈసీఈనే ఎంచుకుంటున్నారు. గతేడాది సీట్లు లభించిన చివరి ర్యాంకులను గమనిస్తే ఈ విషయం అవగతమవుతోంది. ఎన్‌ఐటీ వరంగల్‌లో హోమ్ స్టేట్ కోటాలో జనరల్ కేటగిరీ విద్యార్థికి సీటు లభించిన చివరి ర్యాంకు.. 2543. కాగా ఇతర రాష్ట్ర కోటాలో సీటు కూడా 3364కే భర్తీ అయింది. ఇక దక్షిణ భారత ఎన్‌ఐటీలు.. తిరుచిరాపల్లిలో 2076, సూరత్‌కల్‌లో 2456, కాలికట్‌లో 4966 ర్యాంకుకే సీట్లన్నీ నిండాయి.
  
 CIVILసివిల్ ఇంజనీరింగ్
  
 కేంద్ర, రాష్ర్ట ప్రభుత్వాలు మౌలిక సదుపాయాలకు పెద్దపీట వేస్తున్నాయి. మనదేశంలో రియల్ ఎస్టేట్ రంగం శరవేగంగా విస్తరిస్తోంది. పెరుగుతున్న జనాభా, మానవ అవసరాలకనుగుణంగా ఇళ్లు, రహదారులు, మురుగునీటి కాలువలు, భూ అంతర్గత రహదారులు , ఫ్లై ఓవర్లు నిర్మాణంతోపాటు నదులపై ప్రాజెక్టులు చేపడుతున్నారు. భారీ విమానాశ్రయాలు, నౌకాశ్రయాలు, పరిశ్రమలను ఏర్పాటు చేస్తున్నాయి. వీటన్నింటి నిర్మాణంలో తప్పనిసరిగా సివిల్ ఇంజనీర్ల సేవలు అవసరం. ఈ క్రమంలో సివిల్ ఇంజనీరింగ్ విద్యార్థులకు హాట్ ఫేవరెట్ బ్రాంచ్‌గా నిలుస్తోంది.  
  
 ఉద్యోగావకాశాలు: సివిల్ ఇంజనీర్లకు అటు ప్రభుత్వ రంగంలోనూ, ఇటు ప్రైవేటు రంగంలోనూ ఉద్యోగావకాశాలు పుష్కలంగా ఉన్నాయి. రహదారులు- భవనాల శాఖ, నీటిపారుదల శాఖ, పంచాయతీరాజ్ విభాగం, గ్రామీణ నీటి సరఫరా విభాగం, కాలుష్య నియంత్రణ మండలి, వివిధ పరిశోధన సంస్థలు, భారతీయ రైల్వేలు, జాతీయ రహదారుల విభాగం, జాతీయ విపత్తు నిర్వహణ విభాగం, ఎల్ అండ్ టీ, డీఎల్‌ఎఫ్ వంటి సంస్థల్లో ఉద్యోగాలు లభిస్తాయి. ఇవే కాకుండా ప్రతి ఏటా యూపీఎస్సీ నిర్వహించే ఇండియన్ ఇంజనీరింగ్ సర్వీసెస్ ద్వారా కేంద్ర ప్రభుత్వ కొలువుల్లో పాగా వేయొచ్చు.
  
 గతేడాది కటాఫ్ ర్యాంకులు: గతేడాది ఎన్‌ఐటీ-వరంగల్‌లో హోమ్ స్టేట్ కోటాలో జనరల్ కేటగిరీలో
 4954 వరకు, అదర్ స్టేట్ కోటాలో 7483 ర్యాంకు వరకు సీట్లు లభించాయి. ఇక ఎన్‌ఐటీ-తిరుచిరాపల్లి, ఎన్‌ఐటీ-సూరత్‌కల్, ఎన్‌ఐటీ-కాలికట్‌లలో సీట్లు భర్తీ అయిన చివరి ర్యాంకులు 6814, 7411, 11206.
  
 MECHANICALమెకానికల్ ఇంజనీరింగ్
  
 ఒక ప్రొడక్ట్ డిజైన్‌లో, తయారీలో మెకానికల్ ఇంజనీర్లది కీలక పాత్ర. ఇది కేవలం యంత్ర పరికరాలకే కాకుండా.. ఎయిర్ కండీషన్లు, గ్యాస్ టర్బైన్‌లు వంటి ఎలక్ట్రికల్ పరికరాలకు విస్తరించింది. ప్రొడక్ట్స్, కాంపొనెంట్స్, సిస్టమ్స్.. ఇలా అనేక యంత్ర పరికరాల తయారీలో ప్రతి దశలోనూ మెకానికల్ ఇంజనీర్ల ప్రతిభ ఎంతో అవసరం. మెకానికల్ ఇంజినీరింగ్ పరిధి రోజురోజుకూ విస్తరిస్తోంది. ఎయిరోప్లేన్ నుంచి ఎయిర్ కండీషనర్ దాకా.. రాకెట్ నుంచి రోబోల తయారీ వరకూ.. స్టీలు పరిశ్రమలలో,  కార్ల డిజైన్‌లో.. ఇలా అనేక విభాగాల్లో మెకానికల్ ఇంజనీరింగ్ పాత్ర కీలకం..! వచ్చే 5-10 ఏళ్లలో భారత్‌లో ఆటోమొబైల్స్, పవర్, ఏరోస్పేస్ పరిశ్రమ గణనీయ వృద్ధిని నమోదు చేసుకోనుంది. గెయిల్, ఎన్‌టీపీసీ, డీఆర్‌డీవో వంటి ప్రభుత్వ రంగ సంస్థలతోపాటు టాటా మోటార్స్, మారుతి సుజుకీ, హోండా, తదితర సంస్థల్లో ఉపాధికి కొదవ లేదు.
  
 గతేడాది కటాఫ్ ర్యాంకులు: గతేడాది ఎన్‌ఐటీ వరంగల్‌లో హోమ్ స్టేట్ కోటాలో జనరల్ కేటగిరీలో సీటు లభించిన చివరి ర్యాంకు 3780 కాగా.. అదర్ స్టేట్ కోటాలో చివరి ర్యాంకు 3530. ఇక ఎన్‌ఐటీ - తిరుచిరాపల్లి, ఎన్‌ఐటీ - సూరత్‌కల్, ఎన్‌ఐటీ - కాలికట్‌లలో సీట్లు లభించిన చివరి ర్యాంకులు వరుసగా.. 2818, 3178, 6203.
  
 CHEMICAL కెమికల్ ఇంజనీరింగ్
  
 పరిశ్రమల విస్తరణ శరవేగంగా జరుగుతున్న ప్రస్తుత తరుణంలో కెమికల్ ఇంజనీర్ల అవసరం బాగా పెరుగుతోంది. మరోవైపు ముడివనరుల కొరత పెరుగుదలతో సహజ వనరుల స్థానంలో సింథటిక్ వనరుల సృష్టికి కెమికల్ ఇంజనీర్ల అవసరం ఎంతైనా ఉంది. కెమికల్ ఇంజనీర్‌గా ఒక పరిశ్రమలో అనేక క్లిష్టతరమైన బాధ్యతలు నిర్వహించాల్సి ఉంటుంది. సంబంధిత పరిశ్రమకు అవసరమైన పరిశోధన, అభివృద్ధి, డిజైన్, అమలు, నిర్వహణ పనులు కెమికల్ ఇంజనీర్ విధిలో భాగాలే. నిజానికి కెమికల్ ఇంజనీరు ఒక పరిశ్రమలో అనేక ఇంజనీరింగ్ శాఖలను.. అంటే  కెమిస్ట్, ఇండస్ట్రియల్ ఇంజనీర్, మెటీరియల్స్ ఇంజనీర్, మెకానికల్, ఎలక్ట్రికల్ ఇంజనీర్ల సమ్మిళిత పాత్రను నిర్వహించాలి.
  
 ఉద్యోగావకాశాలు: ఉత్పాదక రంగం విస్తృతంగా అభివృద్ధి చెందుతోంది. పెట్రోలియం, పెట్రోకెమికల్స్ నుంచి ఆహార పరిశ్రమల వరకు కెమికల్ ఇంజనీర్ల పాత్ర కీలకం. మెటీరియల్స్, స్పెషాలిటీ కెమికల్స్, ప్లాస్టిక్స్, పవర్ ప్రొడక్షన్, ఎన్విరాన్‌మెంటల్ కంట్రోల్, వేస్ట్ మేనేజ్‌మెంట్, బయోటెక్నాలజీ, లేబొరేటరీలు, ఫార్మాస్యూటికల్ పరిశ్రమలు, ఎరువులు-రసాయనాల కర్మాగారాల్లో వివిధ హోదాల్లో అవకాశాలుంటాయి.
  
 గతేడాది కటాఫ్ ర్యాంకులు: కెమికల్ ఇంజనీరింగ్‌లో గతేడాది ఎన్‌ఐటీ వరంగల్‌లో హోమ్ స్టేట్ కోటాలో జనరల్ కేటగిరీలో 8061 వరకు, ఇతర రాష్ట్ర కోటాలో 10,500 ర్యాంకు వరకు సీట్లు లభించాయి. ఆంధ్రప్రదేశ్ విద్యార్థులు ప్రాధాన్యమిస్తున్న ఎన్‌ఐటీ-తిరుచిరాపల్లి, ఎన్‌ఐటీ-సూరత్‌కల్, ఎన్‌ఐటీ-కాలికట్‌లలో సీట్లు లభించిన చివరి ర్యాంకులు వరుసగా.. 8174, 8369, 14,463.
  
 CSE కంప్యూటర్ సైన్స్ అండ్ ఇంజనీరింగ్
  
 నేడు కంప్యూటర్ ప్రవేశించని రంగమే లేదంటే అతిశయోక్తి కాదు. దైనందిన వ్యవహారాల నుంచి వ్యాపార అవసరాల వరకు మానవ జీవితంలో కంప్యూటర్ పెనవేసుకుపోయింది. ఏ స్థాయిలో అంటే ఆన్‌లైన్‌లోనే బస్, రైలు, విమాన, సినిమా టికెట్ల బుకింగ్ నుంచి ఆన్‌లైన్ చాటింగ్ వరకు పెరిగిపోయింది. ఇక కంపెనీలు, పరిశ్రమల అవసరాలు చెప్పాల్సిన పనే లేదు. దాంతో ప్రపంచవ్యాప్తంగా కంప్యూటర్ సైన్స్ ఇంజనీరింగ్, ఇన్ఫర్మేషన్ టెక్నాలజీ రంగాల్లో అవకాశాలు విస్తృతమయ్యాయి. కంప్యూటర్ సిస్టమ్స్ డిజైన్, నిర్మాణం, నిర్వహణ కంప్యూటర్ ఇంజనీర్ల పని. డెస్క్‌టాప్, ల్యాప్‌టాప్ కంప్యూటర్లు, సర్వర్లతోపాటు మొబైల్ ఫోన్లలో వినియోగించే వివిధ అప్లికేషన్స్ రూపకల్పన, వివిధ పరిశ్రమల్లో ఉపయోగించే అప్లికేషన్స్, ఇంటిగ్రేటెడ్ మైక్రోచిప్స్‌ను కంప్యూటర్ ఇంజనీర్లు రూపొందిస్తారు. కంప్యూటర్ ఇంజనీర్లు సాఫ్ట్‌వేర్‌తోపాటు హార్డ్‌వేర్ విభాగాల్లోనూ విధులు నిర్వహించాల్సి ఉంటుంది.
  
 జాబ్ ప్రొఫైల్స్: టెక్నికల్ రైటర్, సాఫ్ట్‌వేర్ డిజైనర్, మల్టీమీడియా ప్రోగ్రామర్, అప్లికేషన్ ప్రోగ్రామర్, టెక్నికల్ ఆర్కిటెక్ట్, సిస్టమ్స్ ప్రోగ్రామర్, సిస్టమ్స్ అనలిస్ట్, గేమ్ డిజైనర్, కంప్యూటర్ ఇంజనీర్, సిస్టమ్స్ అడ్మినిస్ట్రేటర్, డేటా నెట్‌వర్క్ డిజైనర్, సెక్యూరిటీ అనలిస్ట్, డేటాబేస్ అడ్మినిస్ట్రేటర్, వెబ్‌సైట్ డెవలపర్/డిజైనర్.
  
 గతేడాది కటాఫ్ ర్యాంకుల విశ్లేషణ: అన్ని కోర్ బ్రాంచ్‌ల కంటే సీఎస్‌ఈని విద్యార్థుల ఫేవరెట్ బ్రాంచ్ అని చెప్పొచ్చు. ఇందుకు గతేడాది కటాఫ్ ర్యాంకులే నిదర్శనం. గతేడాది ఎన్‌ఐటీ- వరంగల్‌లో హోమ్ స్టేట్ కోటాలో జనరల్ కేటగిరీలో కేవలం 2411, అదర్ స్టేట్ కోటాలో 1921 ర్యాంకుకే సీట్లన్నీ నిండాయి. మిగిలిన ప్రధాన ఎన్‌ఐటీల్లోనూ ఇదే పరిస్థితి. ఎన్‌ఐటీ-తిరుచిరాపల్లిలో 1344 ర్యాంకు వరకు, ఎన్‌ఐటీ-సూరత్‌కల్‌లో 1785 ర్యాంకు వరకు, ఎన్‌ఐటీ- కాలికట్‌లో 4552 వరకు సీట్లు లభించాయి.
  
 జేఈఈ మెయిన్ కౌన్సెలింగ్ ముఖ్య తేదీలు
 ఆన్‌లైన్ రిజిస్ట్రేషన్, ఛాయిస్ ఫిల్లింగ్: జూలై 1 నుంచి జూలై 9 వరకు
  ఛాయిస్ లాకింగ్: జూలై 6 నుంచి జూలై 9 వరకు
  మొదటి రౌండ్ సీట్ ఎలాట్‌మెంట్: జూలై 11
  ఫీజు చెల్లింపు: జూలై 11 నుంచి జూలై 14 వరకు
  రెండో రౌండ్ సీట్ ఎలాట్‌మెంట్: జూలై 16
  ఫీజు చెల్లింపు: జూలై 16 నుంచి జూలై 19 వరకు
  మూడో రౌండ్ సీట్ ఎలాట్‌మెంట్: జూలై 21
  ఫీజు చెల్లింపు: జూలై 21 నుంచి జూలై 23 వరకు
  సీటు సరెండర్ (1, 2, 3 రౌండల్లో లభించిన సీటు నచ్చకపోతే): జూలై 21 నుంచి జూలై 23 వరకు
 మొదటి మూడు రౌండ్లలో సీటు లభించినవారు కేటాయించిన ఇన్‌స్టిట్యూట్‌లలో రిపోర్టింగ్:  జూలై 21 నుంచి జూలై 24 వరకు
 నాలుగో రౌండ్ సీట్ ఎలాట్‌మెంట్: జూలై 26
 నాలుగో రౌండ్‌లో సీటు లభించినవారు కేటాయించిన ఇన్‌స్టిట్యూట్‌లో రిపోర్టింగ్: జూలై 26 నుంచి జూలై 29
 ఇంటర్నల్ స్లైడింగ్: జూలై 31
 స్పాట్ రౌండ్ (జీఎఫ్‌టీఐ, ఎస్‌ఎఫ్‌టీఐ) ఆన్‌లైన్ రిజిస్ట్రేషన్, ఆన్‌లైన్ ఛాయిస్ ఫిల్లింగ్, ఆన్‌లైన్ ఫీజు చెల్లింపు,
  ఆన్‌లైన్ ఛాయిస్ లాకింగ్: జూలై 31 నుంచి ఆగస్టు 2 వరకు
  స్పాట్ రౌండ్ సీట్ ఎలాట్‌మెంట్: ఆగస్టు 4
  కౌన్సెలింగ్ ముగింపు: ఆగస్టు 7
  వెబ్‌సైట్: www.ccab.nic.in
  
  జేఈఈ మెయిన్ ర్యాంకుతో ప్రవేశం కల్పించే ఎన్‌ఐటీలు
  1. ఎన్‌ఐటీ- అగర్తలా
  2. మోతీలాల్ నెహ్రూ ఎన్‌ఐటీ - అలహాబాద్
  3. ఎన్‌ఐటీ - అరుణాచల్ ప్రదేశ్
  4. మౌలానా ఆజాద్ ఎన్‌ఐటీ - భోపాల్
  5. ఎన్‌ఐటీ - కాలికట్
  6. ఎన్‌ఐటీ - ఢిల్లీ
  7. ఎన్‌ఐటీ - దుర్గాపూర్
  8. ఎన్‌ఐటీ - గోవా
  9. ఎన్‌ఐటీ - హమీర్‌పూర్
  10. మాలవీయ ఎన్‌ఐటీ - జైపూర్
  11. బీఆర్ అంబేద్కర్ ఎన్‌ఐటీ - జలంధర్
  12. ఎన్‌ఐటీ - జంషెడ్‌పూర్
  13. ఎన్‌ఐటీ - కురుక్షేత్ర
  14. ఎన్‌ఐటీ - మణిపూర్
  15. ఎన్‌ఐటీ - మేఘాలయా
  16. ఎన్‌ఐటీ- మిజోరాం
  17. ఎన్‌ఐటీ - నాగాలాండ్
  18. విశ్వేశ్వరాయ ఎన్‌ఐటీ - నాగ్‌పూర్
  19. ఎన్‌ఐటీ - పాట్నా
  20. ఎన్‌ఐటీ - పుదుచ్చేరి
  21. ఎన్‌ఐటీ - రాయ్‌పూర్
  22. ఎన్‌ఐటీ - రూర్కెలా
  23. ఎన్‌ఐటీ - సిక్కిం
  24. ఎన్‌ఐటీ - సిల్చార్
  25. ఎన్‌ఐటీ - శ్రీనగర్
  26. సర్దార్ వల్లభాయ్ ఎన్‌ఐటీ - సూరత్
  27. ఎన్‌ఐటీ - సూరత్‌కల్
  28. ఎన్‌ఐటీ - తిరుచిరాపల్లి
  29. ఎన్‌ఐటీ - ఉత్తరాఖండ్
  30. ఎన్‌ఐటీ - వరంగల్
  
 ఇండియన్ ఇన్‌స్టిట్యూట్స్ ఆఫ్ ఇన్ఫర్మేషన్ టెక్నాలజీ (ఐఐఐటీ, ఐఐఐటీఎం అండ్ ఐఐఐటీడీఎం)లు
 1.అటల్ బిహారి వాజ్‌పాయ్ ఇండియన్ ఇన్‌స్టిట్యూట్ ఆఫ్ ఇన్ఫర్మేషన్ టెక్నాలజీ అండ్ మేనేజ్‌మెంట్ - గ్వాలియర్
  
 2.ఇండియన్ ఇన్‌స్టిట్యూట్ ఆఫ్ ఇన్ఫర్మేషన్ టెక్నాలజీ, డిజైన్ అండ్ మ్యానుఫ్యాక్చరింగ్ - కాంచీపురం
  
 3.రాజీవ్‌గాంధీ ఇన్‌స్టిట్యూట్ ఆఫ్ ఇన్ఫర్మేషన్ టెక్నాలజీ - అమేథి
  
 4.ఇండియన్ ఇన్‌స్టిట్యూట్ ఆఫ్ ఇన్ఫర్మేషన్ టెక్నాలజీ - గువహటి
  
 5.ఇండియన్ ఇన్‌స్టిట్యూట్ ఆఫ్ ఇన్ఫర్మేషన్ టెక్నాలజీ - అలహాబాద్
  
 6.పండిట్ ద్వారకా ప్రసాద్ మిశ్రా ఇండియన్ ఇన్‌స్టిట్యూట్ ఆఫ్ ఇన్ఫర్మేషన్ టెక్నాలజీ, డిజైన్ అండ్ మ్యానుఫ్యాక్చరింగ్ - జబల్‌పూర్
  
  7. ఇండియన్ ఇన్‌స్టిట్యూట్ ఆఫ్ ఇన్ఫర్మేషన్ టెక్నాలజీ - కోటా, రాజస్థాన్
  
  8. ఇండియన్ ఇన్‌స్టిట్యూట్ ఆఫ్ ఇన్ఫర్మేషన్ టెక్నాలజీ - శ్రీ సిటీ, సత్యవేడు, ఆంధ్రప్రదేశ్
  
  9. ఇండియన్ ఇన్‌స్టిట్యూట్ ఆఫ్ ఇన్ఫర్మేషన్ టెక్నాలజీ - వడోదరా
  
  10. ఇండియన్ ఇన్‌స్టిట్యూట్ ఆఫ్ ఇన్ఫర్మేషన్ టెక్నాలజీ, ఉనా, హిమాచల్‌ప్రదేశ్
  
  11. ఇండియన్ ఇన్‌స్టిట్యూట్ ఆఫ్ ఇన్ఫర్మేషన్ టెక్నాలజీ, కల్యాణి, పశ్చిమ బెంగాల్
  
  12. ఇండియన్ ఇన్‌స్టిట్యూట్ ఆఫ్ ఇన్ఫర్మేషన్ టెక్నాలజీ - త్రిపుర
  
  13. ఇండియన్ ఇన్‌స్టిట్యూట్ ఆఫ్ ఇన్ఫర్మేషన్ టెక్నాలజీ, సోనేపట్, హర్యానా
  


 నంద్యాల టౌన్, న్యూస్‌లైన్: నంద్యాల మాజీ ఎమ్మెల్యే, దివంగత నబీ సాహెబ్ మనువడు ముషఫ్ ్రఅలి ఫారుకి సివిల్స్‌లో 80వ ర్యాంకును సాధించారు. దీంతో నంద్యాలలోని మాజీ ఎమ్మెల్యే నబీ సాహెబ్ ఇంట్లో గురువారం బంధువులు సంబరాలను చేసుకున్నారు. నబీ సాహెబ్ కుమార్తె రహ్మతున్నిసా కుమారుడు ముషఫ్ ్రఅలి. ఈయన తండ్రి ముర్తుజ ఫారుకి హైదరాబాద్‌లోని ఎక్సైజ్ శాఖలో డిప్యూటీ కమిషనర్ హోదాలో పని చేస్తున్నారు. ముషఫ్ ్రఅలి ఫారుకి విద్యాభ్యాసం అంతా హైదరాబాద్‌లోనే సాగింది.
  
 టెన్త్ వరకు హైదరాబాద్ హైస్కూల్‌లో, ఇంటర్ శ్రీ చైతన్య కాలేజిలో, ఇంజినీరింగ్ బంజారా హిల్స్‌లోని ఎంజె.కాలేజిలో చదివారు. తర్వాత ఐఐటీలో సీటు సాధించి చెన్నైలో చదివారు. తర్వాత బెంగుళూరులోని ఇంటెల్ కంపెనీలో కంప్యూటర్ చీఫ్ డిజైనర్‌గా పని చేశారు. ఏడాది తర్వాత ఉద్యోగానికి రాజీనామా చేసి సివిల్స్‌కు ప్రిపేర్ అయ్యారు. దాదాపు ఏడు నెలలు కష్టపడి చదివారు.
  
 దీంతో 80వ ర్యాంకును సాధించారు. ఆత్మవిశ్వాసం, ఖచ్చితమైన లక్ష్యం, నిరంతర శ్రమతో తాను సివిల్స్‌లో ర్యాంకు సాధించానని చెప్పారు. రోజుకు 8 గంటలు చదివేవాడినని, తల్లిదండ్రులు, స్నేహితులు ప్రోత్సహించారని చెప్పారు. ఐఏఎస్ చదివి పేద బడుగు, బలహీన వర్గాల వారికి చేయూతనివ్వాలనేది లక్ష్యమని తెలిపారు.


 న్యూ రిలీజ్
  
 పవర్ ఆఫ్ ఎ కామన్ మేన్
 ప్రపంచంలోని నటులందరిలోనూ షారూక్‌ఖాన్ అధిక సంపన్నుడని ఈ మధ్యే ఎవరో తేల్చారు. హాలీవుడ్‌వాళ్లు కూడా మనవాడి వెనుక నిలబడి ఎక్కడ వెనుకబడ్డామా అని లెక్కలేసుకుంటున్నారట. ఆ మాట నిజమో కాదోగాని భారత ఉపఖండంలో ఆ మాటకొస్తే ప్రపంచవ్యాప్తంగా షారూక్‌ఖాన్ మూట గట్టుకున్న అభిమానులు తక్కువేం కాదు. చాలామంది ఇంతటితో ఆగిపోతారు. అయితే షారూక్ వాళ్లందరినీ అభిమానులుగా కాక వినియోగదారులుగా కూడా చూశాడు.
  
 అందుకే తనే ఒక బ్రాండ్ అంబాసిడర్‌గా మారి చాలా ప్రాడక్ట్స్‌కు ప్రమోషన్ ఇచ్చాడు. ఇవాళ షారూక్ మైనస్ మార్కెట్‌ను ఊహించడం కష్టం అంటారు మార్కెట్ రంగ నిపుణులు. పుస్తకాలు రాసేవాళ్లు కూడా మార్కెట్‌నే దృష్టిలో పెట్టుకుని ఉంటారు. ఇదంతా గమనించిన కొరల్ దాస్‌గుప్తా అనే రచయిత్రి షారూక్ మీద తాజాగా ‘పవర్ ఆఫ్ ఎ కామన్ మేన్’ అనే పుస్తకాన్ని వెలువరించింది. ఇది ఇటీవల ‘చెన్నై ఎక్స్‌ప్రెస్’లో షారూక్ వాడిన డైలాగ్.  షారూక్‌ని కేవలం నటుడిగా కాకుండా అతడి వెనుక ఉన్న వ్యాపార వ్యూహాలను ఆమె ఈ పుస్తకంలో చర్చించింది.  ఒక సాదాసీదా ఢిల్లీ కామన్ మేన్ ఇవాళ ఇంత పెద్ద విజేత ఎలా అయ్యాడో తెలియాలంటే ఈ పుస్తకం చదవాలి.
  పబ్లిషర్: Westland వెల: రూ. 395
 
 సివిల్స్ తెలుగు అభ్యర్థుల కోసం వ్యాస కల్హారాలు
 గుణనిధి కథ, సుగాత్రీ శాలీనుల కథ, ఆంధ్రప్రశస్తి, జాషువా గబ్బిలం, కర్పూర వసంతరాయలు, మహాప్రస్థానం ఆధ్యాత్మికత, అల్పజీవి నవల తదితర అంశాలపై పోటీ పరీక్షలకు తగినట్టుగా వ్యాసాలు. రచయిత్రి సర్వమంగళ గౌరి దశాబ్దాలుగా పోటీ పరీక్షల బోధనా రంగంలో ఉండటం వల్ల విద్యార్థులు తప్పక పరిశీలించదగ్గ పుస్తకం.
  వెల: రూ.120 ప్రతులకు: 9866222978
  
 కారంచేడు నుంచి లక్షింపేట దాకా
 1985 కారంచేడు నరమేధం నుంచి 2012 లక్షింపేట మారణ కాండ దాకా దళితులపై జరిగిన సామూహిక దాడులు, హంతకుల శిక్షకై జరిగిన పోరాటాలు, చర్చలు... వీటన్నింటి సమగ్ర కూర్పు ఇది. దళిత పోరాటాల నేపధ్యం తెలియాలంటే ఈ పుస్తకం చదవక తప్పదు. ఎన్నో వ్యయప్రయాసలతో ఈ భారీ సంకలనాన్ని తీర్చిదిద్దిన పాపని నాగరాజు అభినందనీయుడు.
  వెల: ఇవ్వలేదు ప్రతులకు: 9948872190


 
 ప్రమాదాల నివారణకు సైబరాబాద్ పోలీసుల ప్రతిపాదనలు
 
  నాలుగు లేన్లకు నిర్ణీత వేగం
 
  ఆమోదిస్తే అమలు చేయడమే తరువాయి
 
  స్పీడ్ పెరిగినా.. తగ్గినా ఫైన్ కట్టాల్సిందే
 
  
 సాక్షి, సిటీబ్యూరో:  ఔటర్ రింగ్ రోడ్డు (ఓఆర్‌ఆర్)పై ప్రమాదాలను నివారించేందుకు సైబరాబాద్ పోలీసులు ‘స్పీడ్ లిమిట్’ అనే కొత్త విధానానికి తెర తీశారు. ఇందుకు సంబంధించిన ప్రతిపాదనలు కూడా తయారు చేశారు. హెచ్‌ఎండీఏ అధికారులు గ్రీన్ సిగ్నల్ ఇవ్వడమే తరువాయి.. కొత్త ప్రతిపాదనలు అమల్లోకి వస్తాయి. నాలుగు లైన్ల ఔటర్‌పై ప్రస్తుత నిబంధనల ప్రకారం 10 నుంచి 120 కి.మీ. వేగంతో పోవచ్చు. అయితే ఒక్కోలైన్‌కు ఒక్కో స్పీడ్ నియంత్రణ పెడితే ప్రమాదాలు అరికట్టవచ్చని అధికారులు భావిస్తున్నారు.
 
 ఈ ప్రతిపాదన ప్రకారం ఎంత వేగంతో వెళ్లాలో నిర్ధారించుకున్న వాహనం ఏ దారిలో వెళ్లాలో అదే దారిలో వెళ్లాలి. వేగం తగ్గినా పెరిగినా స్పీడ్ గన్ పరిగెడుతుంది. తద్వారా చలానా రాస్తారు. ఇలా చేయడం వల్ల ఒకరి దారికి ఒకరు అడ్డురాకండా మార్గం సుగమం అవుతుంది. ప్రస్తుతం ఓఆర్‌ఆర్‌పై నాలుగు లైన్లలోను 120 కి.మీ. స్పీడ్‌తో వెళ్లవచ్చనే నిబంధన వల్ల 120 కి.మీ. స్పీడ్‌తో వచ్చే వాహనానికి ముందు 50 కి.మీ. స్పీడ్‌తో వెళ్తున్న వాహనం అడ్డు వస్తోంది. దీంతో 120 కి.మీ. స్పీడ్‌తో వెళ్తున్న వాహ నం ఓవర్‌టేక్ చేసి మరో లైన్‌ద్వారా ముందుకు వెళ్లాల్సి వచ్చేది. ఇలా పలుసార్లు ఓవర్‌టేక్‌లు చేస్తూ లైన్‌లు మార్చుతున్న క్రమంలోనే వాహనం అదుపు తప్పడం గాని, మరో వాహనాన్ని ఢీ కొట్టడం గాని జరిగి ప్రమాదాలు సంభవిస్తున్నాయి.
  
 రోడ్డు ప్రమాదాలపై పోస్టుమార్టం
  
 రోడ్డు ప్రమాదాలు జరగడం ఆ తరువాత అందరు మరచిపోవడం ఇది నిన్నటి మాట. సైబరాబాద్‌లో ఇక నుంచి ప్రతి రోడ్డు ప్రమాదాలపై ఘటన జరిగిన వెంటనే పోస్టుమార్టం నిర్వహిస్తారు. ప్రమాదం ఎలా జరిగింది..? అందుకు కారణాలు ఏమిటి..? ఎవరిది తప్పు..?  భవిష్యత్తులో ఇలాంటి ప్రమాదాలు జరగకుండా ఎలాంటి చర్యలు తీసుకోవాలి..? తదితర అంశాలకు జవాబులు వెంటనే పోలీసు వెబ్‌సైట్‌లో పొందుపర్చాలి. ఈ వివరాలను పోలీసు బాస్‌లు పరిశీలించి తగిన చర్యలు తీసుకుంటారు. ఇలా చేయడం వల్ల ఇక నుంచి ప్రమాదాలు నివారించవచ్చంటున్నారు అధికారులు. అయితే ఇందుకు అవసరమైన సాఫ్ట్‌వేర్‌ను త్వరలో రూపొందించి అమలుల్లోకి తెస్తామని ట్రాఫిక్ డీసీపీ అవినాష్ మహంతి తెలిపారు. సైబరాబాద్‌లో ఏఏ ప్రాంతాల్లో వాహనాలు ప్రమాదాలకు గురికాకండా ఎలా వెళ్లాలనే అంశాలను కూడా పోలీసు వెబ్‌సైట్‌లో చేరుస్తామన్నారు.
  
  ట్రాఫిక్‌కు 22 మంది ఎస్‌ఐలు
  ట్రాఫిక్ విభాగానికి కొత్తగా 22 మంది ప్రొబేషనరీ ఎస్‌ఐలు వచ్చారని ట్రాఫిక్ డీసీపీ అవినాష్ మహంతి తెలిపారు. వీరిలో ఐదుగురు ఎస్‌ఐలను త్వరలో ఔటర్ రింగ్ రోడ్డుపై ప్రారంభించే పెట్రోలింగ్‌కు ఉపయోగిస్తామన్నారు. ఒక్కో వాహనంలో ఒక ఎస్‌ఐతో పాటు ఇద్దరు కానిస్టేబుళ్లు ఉంటారు. ప్రత్యేకంగా 16 మంది కానిస్టేబుళ్లకు కూడా ఇందుకోసం శిక్షణ ఇచ్చామన్నారు. సీట్‌బెల్డ్, పార్కింగ్, రాంగ్‌రూట్, ఓవర్ స్పీడ్‌లపై వీరు దృష్టి పెడతారు. త్వరలో రెండు స్పీడ్ గన్స్, రెండు క్రేన్‌లు కూడా వస్తున్నాయన్నారు.    
      - అవినాష్ మహంతి, ట్రాఫిక్ డీసీపీ
  


  ఏటీఅగ్రహారం (గుంటూరు), న్యూస్‌లైన్ :సివిల్ వివాదంలో తలదూర్చడమే కాకుండా నిందితులతో కుమ్మక్కై  బాధితుడి ఫిర్యాదును పక్కన పడేసిన ఓ సీఐని గుంటూరు రేంజ్ ఐజీ పి.వి.సునీల్‌కుమార్ సస్పెండ్ చేస్తూ శనివారం ఆదేశాలు జారీచేశారు. సంబంధిత డీఎస్పీ ఉదాసీనంగా వ్యవహరించినందున శాఖాపరమైన చర్యలు తీసుకోవాలని డీజీపీకి సిఫారసు చేయడంతోపాటు, అప్పటి ఎస్పీకి మెమో జారీచేశారు. వివరాలిలా ఉన్నాయి... గుంటూరు నగరంలోని శ్యామలానగర్‌లో అదేప్రాంతానికి చెందిన నల్లపాటి సౌజన్యకుమార్, కొడాలి లలితకుమారి మధ్య రూ.6 కోట్ల విలువచేసే 1800 గజాల స్థలం విషయంలో వివాదం ఉంది. ఈ స్థలం తనదనీ, తన ఆధీనంలోనే ఉందని సౌజన్యకుమార్ కోర్టును ఆశ్రయించాడు. 
  
  సౌజన్యకుమార్ స్థలాన్ని ఆక్రమించుకోవడంతో పాటు తన మర్యాదకు భంగం కలిగించాడంటూ జనవరి 26న లలితకుమారి పట్టాభిపురం పోలీసులకు ఫిర్యాదుచేసింది. విచారణ చేపట్టిన సీఐ డి.దుర్గాప్రసాద్ కోర్టులో విచారణలో ఉన్నట్లు దర్యాప్తులో వెల్లడికావడంతో తప్పుడు కేసుగా నిర్ధారించి కేసును మూసివేశారు. లలితకుమారి వ్యూహం పనిచేయకపోవడం, కోర్టులో తీర్పు సౌజన్యకుమార్‌కు అనుకూలంగా వస్తుందని ముందే పసిగట్టింది. దీంతో ఏప్రిల్ 5న కొందరు అనుచరులతో కలిసి పొక్లెయిన్, ట్రాక్టర్లతో అక్రమంగా ప్రవేశించి స్థలంలో ఉన్న షెడ్లను కూల్చివేయడం ప్రారంభించింది.
  
  కోర్టు విచారణలో ఉండగా తన ఆస్తులకు నష్టం కలిగించి, స్థలాన్ని లలితకుమారి ఆక్రమిస్తోందంటూ  బాధితుడు పట్టాభిపురం పోలీసులకు ఫిర్యాదుచేశాడు. కేసు నమోదు చేసిన సీఐ స్వయంగా పరిశీలించకపోగా.. లలితకుమారి తదితరులను స్టేషన్‌కు పిలిపించి వారితో కుమ్మక్కయ్యారు. వారంతా దర్జాగా వెళ్లి షెడ్ల కూల్చివేతను పూర్తిచేశారు. తనకు సీఐ అన్యాయం చేశాడనీ, నిందితులకు అనుకూలంగా వ్యవహరిస్తున్నాడనీ అప్పటి అర్బన్ ఎస్పీ ఆకే రవికృష్ణ, వెస్ట్ జోన్ డీఎస్పీ సీహెచ్ వెంకటేశ్వరరావులను బాధితుడు ఆశ్రయించినా ప్రయోజనం లేకపోయింది. ఈ క్రమంలో ఏప్రిల్ 20న సౌజన్యకుమార్‌కు అనుకూలంగా కోర్టు ఇంజక్షన్ ఆర్డర్ జారీచేసింది. 
  
  వెలుగు చూసిందిలా..
  సివిల్ వివాదంలో పోలీసులు అత్యుత్సాహం కనబరిచి నిందితులకు కొమ్ము కాసి అన్యాయం చేశారంటూ ఆగస్టు 12న సౌజన్యకుమార్ హైదరాబాద్‌లోని శాంతిభద్రతల విభా గం అదనపు డీజీ వి.ఎస్.కె.కౌముదిని న్యాయంచేయాలని కోరాడు. దీనిని సీరియస్‌గా పరి గణించిన అదనపు డీజీ దర్యాప్తు జరిపి చర్యలు తీసుకోవాలంటూ ఐజీ, అర్బన్ ఎస్పీలను ఆదేశిం చారు. ఏఎస్పీ జెట్టి గోపీనాథ్ విచారణాధికారిగా దర్యాప్తు జరిపారు. సివిల్ కేసులో కోర్టు తీర్పు వచ్చే వరకు స్టేటస్ కో కొనసాగించాల్సి వుండగా సీఐ అధికార దుర్వినియోగానికి పాల్పడినట్లు రుజువైంది. ఏఎస్పీ నివేదిక ఆధారంగా సీఐ దుర్గాప్రసాద్‌ను ఐజీ సునీల్‌కుమార్ శనివారం సస్పెండ్ చేస్తూ ఉత్తర్వులు వెలువరించారు. పర్యవేక్షించాల్సిన డీఎస్పీ వెంకటేశ్వరరావు నిర్లక్ష్యంగా వ్యవహరించినందుకు చర్యలు తీసుకోవాలని డీజీపీకి నివేదిక పంపారు. సమస్య తీవ్రతను గుర్తించి చర్యలు తీసుకోవడంలో విఫలమైనందుకు అప్పటి ఎస్పీ ఆకే రవికృష్ణకు మెమో జారీచేశారు.