ఇస్లామాబాద్‌: ప్రపంచవ్యాప్తంగా ఆడవారిపై అఘాయిత్యాలు రోజు రోజుకు పెరిగిపోతున్నాయి. దేశాలతో సంబంధం లేకుండా ప్రతి చోటా మహిళలు అత్యాచారానికి గురవుతున్నారు. మనదేశంలో నిర్భయ వంటి కఠిన చట్టాలు తెచ్చినప్పటికి లాభం లేకుండా పోతుంది. ఈ క్రమంలో మృగాళ్లను ఎన్‌కౌంటర్‌ చేయడం.. లేదా వారికి అంతకు మించి కఠిన శిక్షలు విధించాలనే డిమాండ్లు వినిపిస్తున్నాయి.  ఈ నేపథ్యంలో పాకిస్తాన్‌ పార్లమెంటు కొత్త చట్టాన్ని ఆమోదించింది. తరచుగా అత్యాచారాలకు పాల్పడే నిందితులను కఠినమైన కెమికల్‌ కాస్ట్రేషన్‌కు గురి చేసే చట్టాన్ని ఆమోదించింది. అత్యాచార నేరాలకు సంబంధించిన కేసులను త్వరితగతిన విచారించడం.. నేరస్థులకు కఠిన శిక్షలు విధించేందుకుగాను పాక్‌ ఈ చట్టాన్ని ఆమోదించినట్లు తెలిపింది. (చదవండి: కులభూషణ్ జాదవ్‌కు ఊరట.. ఐసీజే దెబ్బకు వెనక్కు తగ్గిన పాక్‌) గత కొంత కాలంగా పాకిస్తాన్‌లో మహిళలు, చిన్నారులపై అకృత్యాలు పెరుగుతున్నాయి. ఈ పరిస్థితులపై దేశవ్యాప్తంగా ఆగ్రహం వెల్లువెత్తడంతో ఈ కొత్త చట్టానికి ఆమోదం తెలిపినట్లు పాక్‌ ప్రకటించింది. విమర్శకులు ప్రకారం దేశ వ్యాప్తంగా నమోదవుతున్న అత్యాచార కేసుల్లో కేవలం 4 శాతం కేసుల్లో మాత్రమే శిక్ష పడుతున్నట్లు ఆరోపించారు.  దాదాపు ఏడాది క్రితం పాకిస్తాన్‌ మంత్రివర్గం ఆమోదించిన అత్యాచార నిరోధక ఆర్డినెన్స్‌ను పాక్‌ ప్రెసిడెంట్‌ ఆరిఫ్‌ అల్వీ ఆమోదించాడు. అత్యాచార నిందుతలకు కెమికల్‌ కాస్ట్రేషన్‌ విధించాలని ఆర్డినెన్స్‌లో పొందుపరిచారు. కొత్త క్రిమినల్ లా (సవరణ) బిల్లు 2021 బిల్లుతో పాటు 33 ఇతర బిల్లులను బుధవారం పాక్‌ పార్లమెంటు ఉమ్మడి సెషన్ ఆమోదించింది. ఇది పాకిస్తాన్ శిక్షాస్మృతి, 1860, క్రిమినల్ ప్రొసీజర్ కోడ్, 1898లను సవరించాలని కోరుతున్నట్లు డాన్ వార్తాపత్రిక నివేదించింది. (చదవండి: కరాచీలో అంతుపట్టని వైరల్‌ జ్వరాలు!!) ‘‘కెమికల్ కాస్ట్రేషన్ అనేది ప్రధాన మంత్రి రూపొందించిన నియమాల ద్వారా సక్రమంగా తెలియజేయబడిన ప్రక్రియ. ఈ శిక్ష అనుభవించిన వ్యక్తి ఇక తన జీవితాంతం లైంగిక చర్యలో పాల్గొనలేడు. ఇక ఈ శిక్ష అమలు కోర్టు పర్యవేక్షణలో మెడికల్‌ బోర్డు ఆమోదించిన ఔషధాల ద్వారా నిర్వహించబడుతుందని’’ బిల్లులో పేర్కొన్నారు. (చదవండి: మహిళా ఉద్యోగికి ఏఈ లైంగిక వేధింపులు.. బుద్ధి చెప్పిన కుటుంబ సభ్యులు ) జమాత్-ఇ-ఇస్లామీ సెనేటర్ ముస్తాక్ అహ్మద్ ఈ బిల్లుపై నిరసన వ్యక్తం చేశారు. ఇది ఇస్లాం విరుద్ధమని.. షరియాకు వ్యతిరేకమని పేర్కొన్నారు. అత్యాచారానికి పాల్పడిన వ్యక్తిని బహిరంగంగా ఉరితీయాలని, అయితే షరియాలో కాస్ట్రేషన్ ప్రస్తావన లేదని ఆయన అన్నారు. కెమికల్ కాస్ట్రేషన్.... కెమికల్ కాస్ట్రేషన్ అంటే లైంగిక కార్యకలాపాలను తగ్గించడానికి మందులు వాడే ప్రక్రియ. మీడియా నివేదికల ప్రకారం, దక్షిణ కొరియా, పోలాండ్, చెక్ రిపబ్లిక్, అమెరికాలోని కొన్ని రాష్ట్రాలతో సహా దేశాల్లో ఇది ఒక చట్టపరమైన శిక్ష. చదవండి: ‘అత్యాచారం చేసి.. పెళ్లి చేసుకుంటే కేసు కొట్టేయాలా?’

ఇస్లామాబాద్‌: రేపిస్టులకు కెమికల్‌ కాస్ట్రేషన్‌ (రసాయనాల ద్వారా పుంసత్వాన్ని దెబ్బతీయడం) చేయడం, రేప్‌ల విచారణకు ప్రత్యేక కోర్టులు ఏర్పాటు చేయడం కోసం పాక్‌ ప్రభుత్వం రెండు కొత్త ఆర్డినెన్సులు తీసుకువచ్చింది. ఈ చట్టాలను కేబినెట్‌ మరోమారు పరిశీలించి ఆమోదం తెలిపిన అనంతరం అధ్యక్షుడు ఆమోదించాల్సి ఉంటుంది. కొత్త చట్టాల ప్రకారం అన్ని వయసుల స్త్రీలను మహిళగా నిర్వచిస్తారు. ప్రస్తుత చట్టం ప్రకారం 15ఏళ్లలోపు స్త్రీలతో సంభోగాన్ని మాత్రమే రేప్‌గా పరిగణిస్తారు. అలాగే రేప్‌కు విధించే కెమికల్‌ కాస్ట్రేషన్‌ ప్రభావం కేసు స్వభావాన్ని అంటే తొలిసారి నేరం చేశారా లేక పదేపదే ఇలాంటి నేరాలు చేస్తున్నారా అనే విషయాన్ని బట్టి తాత్కాలికంగా లేదా శాశ్వతంగా ఉంటుంది. కొత్త చట్టం ప్రకారం రేప్‌కేసులకు ప్రత్యేక కోర్టులతో పాటు యాంటీ రేప్‌ సెల్స్‌ను కూడా ఏర్పరుస్తారు. అలాగే మహిళల కన్యత్వాన్ని పరీక్షించేందుకు చేసే టూ ఫింగర్‌ టెస్ట్‌ను నిషేధిస్తారు.


 జకర్తా: పిల్లలపై లైంగిక నేరాలకు పాల్పడే దుర్మార్గులను అత్యంత కఠినంగా శిక్షించేందుకు ఇండోనేషియా కొత్త చట్టాన్ని తీసుకొచ్చింది. పిల్లల్ని లైంగికంగా వేధించే వ్యక్తులకు మరణదండన, రసాయన అంగచ్ఛేదం (కెమికల్ క్యాస్ట్రేషన్‌) శిక్ష విధించేందుకు వీలుగా కొత్త చట్టాన్ని ఇండోనేషియా అధ్యక్షుడు జోకో విడోడో తాజాగా ఆమోదించారు.
 
 14 ఏళ్ల బాలిక అత్యంత కిరాకతంగా గ్యాంగ్‌రేప్‌ చేయబడి, హత్యకు గురైన నేపథ్యంలో ఈ చట్టాన్ని తీసుకొచ్చారు. సుమత్రా దీవుల్లోని ఓ అడవిలో కాళ్లు చేతులు కట్టేసి నగ్నంగా పడి ఉన్న బాలిక మృతదేహం లభించింది. అత్యంత పాశవికంగా బాలికపై గత ఏప్రిల్‌లో సామూహిక అత్యాచారానికి పాల్పడిన ఏడుగురు టీనేజర్లకు కోర్టు పదేళ్ల జైలు శిక్ష విధించింది. ఈ నేపథ్యంలో బాలలపై నేరాలను అరికట్టేందుకు ఇండోనేషియా ఈ చట్టాన్ని తీసుకొచ్చింది. 'బాలలపై లైంగిక నేరాలు అత్యంత కిరాకతమైనవి. ఈ చట్టం అలాంటి నేరగాళ్లకు అడ్డుకట్ట వేసి.. బాలలపై లైంగిక నేరాల నియంత్రణకు దోహదపడుతుందని భావిస్తున్నా' అని అధ్యక్షుడు జోకో తెలిపారు. ప్రస్తుతం దక్షిణ కొరియా, పోలాండ్‌, చెక్‌ రిపబ్లిక్‌తోపాటు అమెరికా, ఆస్ట్రేలియాలోని కొన్ని రాష్ట్రాల్లో రసాయన అంగఛ్చేదాన్ని చట్టబద్ధమైన శిక్షగా అమలుచేస్తున్నారు.