cartridges

బాలీవుడ్ నటుడు టైగర్ ష్రాష్‌ఫై హత్యాయత్నం ఘటన దిగ్భ్రాంతి రేపింది. ముంబైలోని జుహూ ప్రాంతంలో జరిగిన ఈ కాల్పుల ఈ ఘటనకు పోలీసులు ప్రాథమిక వివరాలను వెల్లడించారు. కాల్పుల ఘటనలో దుండగులు మొత్తం 7 రౌండ్లు కాల్పులు జరపగా, ఘటనా స్థలంలో రెండు పూర్తి కార్ట్రిడ్జ్‌లు (Full cartridges), 5 ఖాళీ షెల్స్‌ను స్వాధీనం చేసుకున్నట్టు పోలీసులు వెల్లడించారు.అయితే ఆయుధం సరిగ్గా పోవడంవల్లే ఆయనకు పెద్ద ప్రమాదం తప్పినట్టు భావిస్తున్నారు. సీసీటీవీ ఫుటేజీ ప్రకారం ఒక దుండగుడు టైగర్ ష్రాఫ్ బీఎండబ్ల్యూ కారుపై వరుసగా కాల్పులు జరుపుతుండగా, నటుడు కూర్చున్న ప్యాసింజర్ వైపు ఉన్న రెండవ దుండగుడు తన తుపాకీని కాల్చడానికి ఇబ్బంది పడ్డాడు. అతను తుపాకీని రెండు చేతులతో మారుస్తూ కాల్చడానికి ప్రయత్నించినప్పటికీ షాట్ పేలలేదు. ఈ నేపథ్యంలో తుపాకీ జామ్ అయి ఉంటుందని పోలీసులు భావిస్తున్నారు. ఈ దాడిలో టర్కీలో తయారైన 'జిగానా' (Zigana) పిస్టల్‌ను ఉపయోగించారా అనే కోణంలోనూ దర్యాప్తు చేస్తున్నారు. ఈ కార్ట్రిడ్జ్‌లు 7.62 మి.మీ కాలిబర్‌కు చెందినవి. ఒక దుండగుడి తుపాకీలో సాంకేతిక లోపం తలెత్తడం వల్ల పూర్తిగా ఉన్న కార్ట్రిడ్జ్ బయటపడి ఉంటుందని పోలీసులు అనుమానిస్తున్నారు.ముంబై పోలీసుల సమాచారంతో రాజస్థాన్‌లోని కోటాలో రాజస్థాన్ యాంటీ గ్యాంగ్‌స్టర్ టాస్క్ ఫోర్స్, కోటా సిటీ పోలీసులు సంయుక్తంగా జరిపిన ఆపరేషన్‌లో ముగ్గురు నిందితులను అదుపులోకి తీసుకున్నారు.వీరిలో ఒక మైనర్‌ కూడా ఉన్నాడు. పుణె-జైపూర్ సూపర్‌ఫాస్ట్ ఎక్స్‌ప్రెస్‌లో కోటా చేరుకున్న హర్యానాకు చెందిన 17 ఏళ్ల బాలుడు, రెహాన్, అలాగే బిహార్‌కు చెందిన హ్రితిక్ కుమార్‌లను అరెస్ట్ చేశారు. మహారాష్ట్ర-గుజరాత్ సరిహద్దు ప్రాంతానికి చెందిన ఒకరితో పాటు మరో ఇద్దరిని కూడా అదుపులోకి తీసుకున్నారు. నిందితులపై హత్యాయత్నం కింద కేసు నమోదు చేసి, దర్యాప్తును ముంబై క్రైమ్ బ్రాంచ్‌కు బదిలీ చేశారు. ఇదీ చదవండి: టీవీకేకు రూ.13.3 కోట్ల విరాళాలు, 99 శాతం ఆ ఇద్దరి నుంచే!కాగా ఆదివారం సాయంత్రం ముంబైలోని జుహూలో ఫుట్‌బాల్ మ్యాచ్ ముగించుకుని కారులో వెళుతున్న 36 ఏళ్ల టైగర్ ష్రాఫ్‌పై దుండగులు కాల్పులు జరిపారు. ఈ ఘటనలో టైగర్ ష్రాఫ్ తృటిలో ప్రాణాలతో బయటపడ్డారు. అయితే ఆయన డ్రైవర్ ఫిర్దౌస్, ఆటో డ్రైవర్ చౌహాన్ గాయపడ్డారు. ఈ దాడిని మహారాష్ట్ర ముఖ్యమంత్రి దేవేంద్ర ఫడ్నవీస్ తీవ్రంగా ఖండించారు. బాధ్యులైన వారిపై కఠిన చర్యలు తప్పవని హచ్చరించారు. అయితే ఈ కాల్పులకు లారెన్స్ బిష్ణోయ్ గ్యాంగ్ బాధ్యత వహించింది. అంతేకాకుండా బాలీవుడ్ నటుడు సల్మాన్ ఖాన్‌తో పనిచేస్తున్న వారికి గ్యాంగ్ నుండి హెచ్చరికలు జారీ అయ్యాయి.ఇదీ చదవండి: నీటి బుడగ జీవితం గురించి బోధిస్తుండగానే ప్రాణం పోయింది!

సాక్షి, సిటీబ్యూరో: అప్పటికే ఓసారి వినియోగించిన, నకిలీ క్యాట్రిడ్జెస్‌ను రీ–ప్యాక్‌ చేసి బ్రాండెడ్‌విగా పేర్కొంటూ విక్రయిస్తున్న గుట్టును ఉత్తర మండల టాస్క్‌ఫోర్స్‌ పోలీసులు బట్టబయలు చేశారు. ఓ నిందితుడిని అరెస్టు చేయడంతో పాటు భారీగా నకిలీ క్యాట్రిడ్జ్‌లు, వివిధ బ్రాండ్ల పేరుతో ఉన్న ఖాళీ బాక్సులు స్వాధీనం చేసుకున్నట్లు డీసీపీ రాధాకిషన్‌రావు శుక్రవారం తెలిపారు. గుజరాత్‌లోని కచ్‌ ప్రాంతానికి చెందిన జగదీష్‌ అంబాబాయ్‌ రవారియా పదేళ్ల క్రితం కుటుంబంతో సహా నగరానికి వలసవచ్చి పంజగుట్ట ప్రాంతంలో స్థిరపడ్డాడు. ఇతడు కొన్నాళ్ల పాటు సికింద్రాబాద్, సీటీసీలోని ఓ కంప్యూటర్ల దుకాణంలో పని చేశాడు. అక్కడే ప్రింటర్లలో వినియోగించే క్యాట్రిడ్జెస్‌ క్రయ విక్రయాలపై అనుభవం సంపాదించాడు. ఆ ఉద్యోగంలో వచ్చే జీతం చాలకపోవడంతో పాటు తేలిగ్గా తక్కువ సమయంలో ఎక్కువ డబ్బు సంపాదించాలని నిర్ణయించుకున్నాడు. ఇందుకుగాను వినియోగదారులకు బ్రాండెడ్‌ అంటూ నకిలీ క్యాట్రిడ్జ్‌లు విక్రయించాలని పథకం వేశాడు. రసూల్‌పుర ఓ గోదాము అద్దెకు తీసుకున్న ఇతను ఆ దందా ప్రారంభించాడు. అందుకు అవసరమైన వస్తువులను ముంబైలో ఖరీదు చేసేవాడు. ఓసారి వినియోగించిన, నకిలీ క్యాట్రిడ్జ్‌లను తక్కువ ధరకు కొనుగోలు చేసే ఇతను ప్రముఖ కంపెనీల పేర్లతో ఉన్న డబ్బాల్లో ప్యాక్‌ చేసేవాడు. ఇలాంటి క్యాట్రిడ్జ్‌లను నిజమైనవిగా పేర్కొంటూ అమ్మి సొమ్ము చేసుకుంటున్నాడు. దీనిపై సమాచారం అందుకున్న నార్త్‌జోన్‌ టాస్క్‌ఫోర్స్‌ ఇన్‌స్పెక్టర్‌ కె.నాగేశ్వరరావు నేతృత్వంలో ఎస్సైలు జి.రాజశేఖర్‌రెడ్డి, కె.శ్రీకాంత్, బి.పరమేశ్వర్‌లతో కూడిన బృందం శుక్రవారం గోదాముపై దాడి చేసింది. జగదీష్‌ను పట్టుకోవడంతో పాటు భారీగా నకిలీ క్యాట్రిడ్జ్‌లు, ఖాళీ బాక్సులు తదితరాలు స్వాధీనం చేసుకున్నారు. తదుపరి చర్యల నిమిత్తం నిందితుడిని బేగంపేట పోలీసులకు అప్పగించారు. 

ఈ ఫోటోలో ఇద్దరు పిల్లలతో దిగాలుగా ఉన్న మహిళ పేరు పద్మావతి. వారిది అనంతపురం జిల్లా పుట్లూరు మండలం శనగలగూడూరు గ్రామం. పద్మావతి భర్త, చీనీ(బత్తాయి) రైతు తిరుపాల్‌రెడ్డి అప్పుల భాదతో విష గుళికలు మింగి ఆత్మహత్యచేసుకోవడంతో ఈ కుటుంబం పరిస్థితి దీనంగా మారింది. చీనీ తోటను కాపాడుకోవడానికి నాలుగు బోర్లు వేసినా నీరు పడకపోవడంతో అప్పులపాలయ్యాడు. ఏడు ఎకరాల్లో పప్పుశనగ సాగు చేసినా పెట్టిన పెట్టుబడి కూడా తిరిగి రాకపోవడంతో రూ.17 లక్షలకు అప్పు పెరిగిపోయింది. అప్పు తీర్చలేనన్న బాధతో 2018 అక్టోబర్‌ 6న తిరుపాల్‌రెడ్డి విష గుళికలు మింగి ఆత్మహత్య చేసుకోవడంతో ఈ రైతు కుటుంబం అనాథగా మారింది. రెవిన్యూ అధికారులు విచారణ చేసి రూ.17 లక్షలు అప్పు ఉన్నట్లు నిర్థారించారు. అయినా తిరుపాల్‌రెడ్డి కుటుంబానికి ఎటువంటి సహాయమూ అందలేదు. ప్రభుత్వం ద్వారా చిల్లి గవ్వ రాకపోవడంతో పాటు పద్మావతికి వితంతు పించన్‌ కూడా మంజూరు చేయలేదు. ‘ఆయన మమ్మల్ని వదిలి వెళ్లాడు. ఇద్దరు పిల్లలను ఎలా పోషించాలో అర్థం కావడం లేద’ని పద్మావతి ఆవేదన వ్యక్తం చేస్తోంది. కనీసం వితంతు పింఛన్‌ కూడా ఇవ్వకపోతే ఎలా అని ఆమె కన్నీటి పర్యంతమౌతోంది. ఎక్స్‌గ్రేషియా ఇవ్వాలని కోరారు.   – కాకనూరు హరినాథ్‌రెడ్డి, సాక్షి, పుట్లూరు, అనంతపురం జిల్లా

పిల్లలు అనుకోకుండా కిందపడ్డారనుకోండి.. నొప్పి ఏమార్చేందుకు బెల్లం ముక్క నోట్లో పెట్టడం మనం చూసే ఉంటాం. గాయం తాలూకూ నొప్పి నుంచి వారి దృష్టి మళ్లించేందుకు ఇది పనికొస్తుందని మనం ఇప్పటివరకూ అనుకుంటూ ఉన్నాం. అయితే తగిన మెదడు నిర్మాణం, మానసిక స్థితి ఉన్న వారికి ఈ తీపి కాస్తా శక్తిమంతమైన మందుగానూ పనిచేస్తుందని అంటున్నారు నార్త్‌వెస్టర్న్‌ యూనివర్సిటీ శాస్త్రవేత్తలు. వినడానికి ఆశ్చర్యంగా అనిపిస్తున్నా ఈ పరిశోధన వల్ల ఎన్నో ప్రయోజనాలు ఉన్నాయని అంచనా. అనేక దుష్ప్రభావాలను చూపించే రసాయనిక మందుల స్థానంలో ఒట్టి చక్కెర గుళికలు ఇవ్వవచ్చునని, ఫార్మా కంపెనీలు మందుల ప్రభావశీలతను పరీక్షించేందుకు కొంతమందికి ఇచ్చే ఉత్తుత్తి మాత్రలను లేకుండా చేయవచ్చునని, ఆసుపత్రి ఖర్చులూ తగ్గుతాయని ఈ పరిశోధనల్లో పాల్గొన్న శాస్త్రవేత్త వానియా అప్‌కారియన్‌ వివరించారు. నేచర్‌ కమ్యూనికేషన్స్‌ తాజా సంచికలో ప్రచురితమైన ఈ అధ్యయనం ప్రకారం నొప్పితో బాధపడుతున్న వారికి ఏవో మందులిస్తున్నామని కాకుండా.. చక్కెర గుళికలే ఇస్తున్నాంగానీ.. అది నొప్పి తగ్గిస్తుందని నమ్మబలికితే చాలని వివరించారు. నడుం నొప్పితో బాధపడుతున్న కొందరిపై తాము ప్రయోగాలు నిర్వహించి మరీ ఈ నిర్ధారణకు వచ్చామన్నారు.


 న్యూఢిల్లీ:  ప్రతిష్టాత్మక జవహర్‌ లాల్‌ నెహ్రూ విశ్వవిద్యాలయం(జేఎన్‌యూ) క్యాంపస్ లో మారణాయుధంతో దొరికిన బ్యాగు కలకలం రేపింది. ఎమ్మెస్సీ బయెటెక్నాలజీ విద్యార్థి నజీబ్ అహ్మద్ అదృశ్యం మిస్టరీపై ఆందోళనలు జరుగుతున్న నేపథ్యంలో పోలీసులు ఈ బ్యాగును స్వాధీనం చేసుకోవడం ఆందోళన రేపుతోంది. ఆదివారం అర్థరాత్రి దాటిన తర్వాత 2 గంటల సమయంలో ఈ బ్యాగును గుర్తించిన యూనివర్సిటీ సెక్యురిటీ సిబ్బంది పోలీసులకు సమాచారం అందించారు. 
 
 నలుపు రంగులో ఉన్న ఈ బ్యాగును పోలీసులు స్వాధీనం చేసుకున్నారు. ఇందులో 7.65 పిస్టల్, ఏడు తూటాలు ఉన్నట్టు సీనియర్ పోలీసు అధికారి ఒకరు వెల్లడించారు. ఈ బ్యాగు క్యాంపస్ లోకి ఎలా వచ్చిందనే దానిపై దర్యాప్తు జరుపుతున్నారు. ఆయుధాల చట్టం కింద పోలీసులు కేసు నమోదు చేశారు. కాగా, అక్టోబర్ 15 నుంచి కనిపించకుండాపోయిన నజీబ్ అహ్మద్ కోసం జేఎన్‌యూ విద్యార్థుల ఆందోళన రోజురోజుకు ఉధృతమవుతోంది. నజీబ్ అదృశ్యంపై నివేదిక సమర్పించాలని ఢిల్లీ పోలీసులను రాష్ట్రపతి ప్రణబ్ ముఖర్జీ ఆదేశించారు.