కాకినాడ: ఆర్టీసీ బస్సులో సీటు కోసం రగడ చోటు చేసుకున్న ఘటన కాకినాడలో చోటు చేసుకుంది. ప్రయాణికుడ్ని జట్టుపట్టుకుని చితకబాదారు మహిళా ప్రయాణికులు. తాము కర్చీఫ్‌ వేసుకున్న సీట్లో పురుష ప్రయాణికుడు కూర్చోవడంతో గొడవ ఆరంభమైంది. మాటామాటా పెరిగడంతో ఆ పురుష ప్రయాణికుడ్ని జట్టు పట్టుకుని చితకబాదారు. ఆ దాడితో బస్సులోని మిగతా ప్రయాణికులు నివ్వెరపోయారు. ఏం చేయాలో తెలియక, ఈ గొడవ ఎటు తిరిగి ఎటు పోతుందోననే భయంతో అలా చూస్తూ ఉండిపోయారు. ఇది తుని-నర్సీపట్నం మధ్య నడిచే ఆర్టీసి బస్సులో జరిగింది. ఇదిలా ఉంచితే, ఇటీవల విజయవాడ మార్గ మధ్యంలో మహిళల మధ్య సీటు కోసం వాగ్వాదం చోటు చేసుకుని శారీరకంగా దాడి చేసుకునే వరకూ వెళ్లింది. ఈ ఏడాది సెప్టెంబర్‌ నెలలో పెనుగంచిప్రోలు నుండి విజయవాడకు వెళ్తున్న ఆర్టీసీ బస్సులో ఇద్దరు మహిళలు సీటు కోసం వాగ్వాదం ప్రారంభించారు అది ఆ తర్వాత సోడా బాటిల్‌తో దాడి చేయడం వరకు వెళ్లింది. మహిళల మధ్య తీవ్ర తగాదామరో సంఘటనలో మహిళలు ఒకరినొకరు జుట్టు లాగడం, చెంపదెబ్బలు కొట్టుకోవడం వంటి హింసాత్మక చర్యలకు దిగారు. ప్రయాణికులు వీడియో తీసి ఆన్‌లైన్‌లో షేర్ చేయడంతో ఈ ఘటన కూడా పెద్ద చర్చకు దారితీసింది.ఫ్రీ బస్ స్కీమ్ ప్రభావం: ఆంధ్రప్రదేశ్ ప్రభుత్వం మహిళలకు ఉచిత బస్ ప్రయాణం అందిస్తున్నందున, బస్సుల్లో ప్రయాణికుల సంఖ్య పెరిగింది. దీనివల్ల సీట్ల కోసం కొట్లాటలు జరుగుతున్నాయని ప్రజలు అభిప్రాయపడుతున్నారు. బస్సుల్లో సీట్ల కేటాయింపు, ప్రయాణికుల భద్రతపై మరింత దృష్టి పెట్టాల్సిన అవసరం ఉందని ప్రజలు అంటున్నారు. *

గుంటూరు ఈస్ట్‌ : ప్రయాణ సమయంలో ఆర్టీసీ బస్సులో సీటు విషయంలో ఏర్పడిన చిన్న వివాదం ఘర్షణకు దారితీసింది. ఎదుటి వారితో గొడవ పడ్డ వ్యక్తి ఫోన్‌లో తన అనుచరులను పెద్ద సంఖ్యలో పిలిపించి బీరు బాటిళ్లతో దాడి చేయించడంతో ఆ ప్రాంతంలో అలజడి రేగింది. సమీపంలోని వైన్‌ షాపు సిబ్బంది బాధితులను షాపులోకి తరలించడంతో ప్రాణాపాయం తప్పింది. పోలీసులు సకాలంలో రంగప్రవేశం చేయడంతో పరిస్థితి అదుపులోకి వచ్చింది.  పోలీసుల కథనం మేరకు వివరాలిలా ఉన్నాయి.. ప్రకాశం జిల్లా చీరాల సమీపంలోని పాపరాజుతోటకు చెందిన కర్పూరపు శివకుమార్, ఆయన భార్య సుష్మ, వారి సమీప బంధువులు మరో ఇద్దరు కలిసి గుంటూరు వచ్చేందుకు పర్చూరులో బస్సు ఎక్కారు. గుంటూరులోని శ్రీనివాసరావుతోట 60 అడుగుల రోడ్డుకు చెందిన ముస్తఫా అదే బస్సు ఎక్కి తాను కూర్చున్న పక్క సీటులో కుమారుడిని పడుకోబెట్టాడు. ముస్తఫాను శివకుమార్‌ పరిచయం చేసుకుని బాలుడిని తన ఒడిలో కూర్చోబెట్టుకుని తాను సీటులో కూర్చుంటానని కోరాడు. ముస్తఫా అందుకు నిరాకరించాడు. ఈ విషయమై ఇద్దరు గొడవపడ్డారు. అనంతరం ముస్తఫా గుంటూరులోని తన అనుచరులకు ఫోన్‌ చేసి నల్లచెరువు మూడు బొమ్మలసెంటర్‌ వద్దకు రావాలని కోరాడు. దీంతో భయపడిన శివకుమార్‌ దంపతులు, వారి బంధువులు వెనక్కు తగ్గారు. అయితే బస్సు నల్లచెరువు మూడు బొమ్మలసెంటరుకు చేరుకోగానే ముస్తఫా అనుచరులు సుమారు 40 మంది బస్సును అడ్డగించారు. బస్సులో ఉన్న శివకుమార్‌ దంపతులను, వారి బంధువులు మొత్తం నలుగురిని కిందకు దించి తీవ్రంగా కొట్టారు. కొందరు పగిలిన బీరు బాటిళ్లతో దాడి చేశారు. ఈ దాడిని చూసిన సమీపంలోని పూర్ణ వైన్స్‌ సిబ్బంది నలుగురిని కాపాడి వైన్‌ షాపులోకి తీసుకెళ్లి దాచిపెట్టారు. అప్పటికి నిందితులు షాపులో ఉన్నవారిని చంపేస్తామంటూ లోనికి ప్రవేశించేందుకు తీవ్రయత్నం చేశారు. నిందితుల అరుపులు, కేకలతో బాధితులు ప్రాణభయంతో వణికిపోయారు. పోలీసులు సకాలంలో సంఘటనాస్థలానికి వెళ్లి దాడి చేస్తున్నవారిని అడ్డుకోవడంతో బాధితులకు ప్రాణాపాయం తప్పింది. ముస్తఫా మరో నలుగురిపై పోలీసులు కేసు నమోదు చేసి దర్యాప్తు చేస్తున్నారు.


 ఆదిలాబాద్ రిమ్స్, న్యూస్‌లైన్ :  బస్సులో సీటు కోసం ఇద్దరు విద్యార్థినుల మధ్య వివాదం తలెత్తింది. మనస్తాపం చెందిన ఓ విద్యార్థిని ఆత్మహత్యకు యత్నించింది. మహారాష్ట్రలోని కిన్వట్ లో ఆత్మహత్యకు యత్నించిన విద్యార్థిని ప్రస్తు తం జిల్లా కేంద్రంలోని రిమ్స్‌లో చికిత్స పొందుతోంది. ఈ సంఘటనకు సంబంధించి పాఠశాల సిబ్బంది తెలిపిన వివరాలిలా ఉన్నారుు. మహా రాష్ట్రలోని కిన్వట్‌కు చెందిన ప్రియూంక స్థానిక ప్రైవేటు పాఠశాలలో పదో తరగతి చదువుతోం ది. రోజూ బస్సుల్లోనే పాఠశాలకు వచ్చిపోతుం ది. గురువారం పాఠశాలకు బస్సులో వస్తుం డగా సీటు విషయమై మరో విద్యార్థిని అఖిలతో వాగ్వాదం తలెత్తింది. ఇద్దరూ గొడవపడ్డారు. దీంతో మనస్తాపానికి గురైన ప్రియూంక బస్సు దిగగానే దుకాణంలో ఎలుకల మందు కొని తాగింది. ఆ విషయూన్ని పాఠశాల సిబ్బందికి తెలపడంతో వారు వెంటనే ఆమెను కిన్వట్ ఆస్పత్రికి తరలించారు. పరిస్థితి విషమించడంతో ఆదిలాబాద్ రిమ్స్‌కు తీసుకొచ్చారు. ప్రస్తుతం ప్రియూంక కోలుకుంటోందని పాఠశాల ఉపాధ్యాయుడు స్వామి తెలిపారు.  
  
 అధికారి మందలించాడని అటెండర్..
 బెల్లంపల్లి రూరల్ : అధికారి మందలించాడని మండలంలోని ఎంపీడీవో కార్యాలయ అటెండర్ మహంకాళి క్రాంతి గురువారం అత్మహత్యకు యత్నించాడు. త్రీటౌన్ ఏఎస్సై వెంకన్న తెలి పిన వివరాల ప్రకారం.. క్రాంతి కార్యాలయం తాళంచెవి తనవద్ద ఉంచుకుని సాయంత్రం ఆఫీసుకు వచ్చాడు. దీంతో ఈసీ రాజేందర్ అతడిపై ఆగ్రహం వ్యక్తంచేశాడు. మనస్తాపానికి గురైన క్రాంతి ఇంటికి వెళ్లి సూపర్ వాస్మోల్ తాగాడు. గమనించిన కుటుంబ సభ్యులు బెల్లంపల్లి ఆస్పత్రికి, అనంతరం మంచిర్యాల ఆస్పత్రికి తరలించారని, కేసు దర్యాప్తు చేస్తున్నామని ఏఎస్సై వివరించారు.
  
 జీవితంపై విరక్తితో మహిళ..
 మంచిర్యాల రూరల్ : జీవితంపై విరక్తి చెంది మహిళ ఆత్మహత్యకు యత్నించిన సంఘటన మండలంలోని ముల్కల్ల పంచాయతీ పరిధి లంబాడితండాలో జరిగింది. హాజీపూర్ ఎస్సై ఎం.రవీందర్ కథనం ప్రకారం.. లంబాడితండా కు చెందిన బానోతు రజితకు నాలుగేళ్ల క్రితం వివాహమవగా ఆరు నెలలకే విడాకులు తీసుకుని పుట్టింట్లో ఉంటోంది. జీవితంపై విరక్తి చెం దినట్లు మాట్లాడుతూ  చస్తానని కుటుంబ స భ్యులను బెదిరిస్తుండేది. ఈ క్రమంలో గురువా రం కుటుంబ సభ్యులు గ్రామంలో జరిగిన బం ధువు వివాహానికి వెళ్లారు. ఇంట్లో ఎవరూ లేకపోవడంతో రజిత ఒంటిపై కిరోసిన్ పోసుకుని నిప్పంటించుకుంది. స్థానికులు మంటలు ఆర్ప గా కుటుంబ సభ్యులు ఆమెను మంచిర్యాల ప్రభుత్వాస్పత్రికి తరలించారు. మెరుగైన చికి త్స కోసం రజితను కరీంనగర్‌కు తరలించారని, కేసు దర్యాప్తు చేస్తున్నట్లు  ఎస్సై వివరించారు.