Astana

గాలి కూడా ఒక పాటలా వినిపించేంత అందమైనది. మధ్య ఆసియా గుండెల్లో దాగిన మధురానుభూతి. ఎంత చూసినా తనివి తీరని విశాలమైన మైదానాలు, మంచుతో మెరిసే పర్వతాలు, చరిత్రను గుండెల్లో దాచుకున్న నగరాలు... కాలం పరుగులు తీస్తున్నా.. మనిషి మాత్రం ఆగిపోయి ప్రకృతితో మాట్లాడుతాడు. ప్రతి సాయంత్రం ఒక చిత్రంలా ముగుస్తుంది. ప్రతి ఉదయం ఒక కథలాప్రారంభమవుతుంది. ఈ అద్భుతాలన్నీ కజకిస్తాన్‌లో కనువిందు చేస్తాయి...అల్మాటీ అంటే కజకిస్తాన్‌కు గుండెకాయ లాంటి సిటీ. చుట్టూ టియాన్‌ షాన్‌ పర్వతాలు, మధ్యలో ఆధునిక జీవనం. ఇది ఒక అద్భుతమైన కాంబినేషన్‌. కాక్‌–తోబే కొండ పైన నిలబడి నగరాన్ని చూస్తుంటే, మనం మేఘాల పైన ఉన్నామా అని అనిపిస్తుంది. బిగ్‌ అల్మాటీ లేక్, దాని నీలి నీరు చూస్తుంటే కళ్లు చెదిరిపోతాయి. అక్కడ నీటి రంగు, ఆకాశపు హంగు కలిసి వినూత్నమైన వ్యూని అందిస్తాయి.రాజధాని అస్తానాను 2019–2022 మధ్య నూర్‌–సుల్తాన్‌ అని పిలిచారు, ఇప్పుడు తిరిగి అస్తానా అనే అంటున్నారు. ఇక్కడ ప్రతి కట్టడం ఒక ఫ్యూచర్‌ డ్రీమ్‌ లా కనిపిస్తుంది. బైటెరెక్‌ టవర్‌ పైన నిలబడి చూస్తుంటే, మొత్తం నగరం ఒక వెలుగుల సముద్రంలా కనిపిస్తుంది.చారిన్‌ కాన్యన్‌ దగ్గర ప్రకృతి చాలా ఓపికగా చెక్కిన శిల్పంలాంటి ప్రకృతిని చూడవచ్చు. ఎర్ర రాతిని అందంగా చూపించేందుకు సూర్యకిరణాలు చేసే ప్రయత్నం వల్ల అక్కడి లోయలు బంగారంలా మెరుస్తాయి.కైండీ లేక్‌ లో మునిగిపోయిన అడవిని లైఫ్‌ లో ఒక్కసారి అయినా చూడాలి. నీటి లోపల నుంచి పైకి వచ్చిన చెట్లు చూడటానికి ఆశ్చర్యంగా అనిపిస్తుంది. ఈ అందాలు చూస్తూ నడుస్తుంటే ఇక్కడి కథలో మనం కూడా భాగమైనట్టు అనిపిస్తుంది.ఎలా వెళ్లాలి?హైదరాబాద్‌ నుంచి కజకిస్తాన్‌ ప్రయాణం ఒక అందమైన అనుభవంగా మొదలవుతుంది. హైదరాబాద్‌ రాజీవ్‌ గాంధీ అంతర్జాతీయ విమానాశ్రయం నుంచి అల్మాటీకి ప్రస్తుతానికి డైరెక్ట్‌ ఫ్లైట్స్‌ లేవు, ఢిల్లీ, దుబాయ్‌ మీదుగా వెళ్లాల్సి వస్తుంది. విమానం పైకి లేవగానే, మనం ఒక కొత్త ప్రపంచానికి వెళ్తున్నామని మనసు చెప్పకనే చెబుతుంది.విజయవాడ నుంచి వచ్చే ప్రయాణికులు ముందు హైదరాబాద్‌ కి వచ్చి అక్కడ నుంచి అల్మాటీకి వెళ్లవచ్చు. ఢిల్లీ నుంచి వెళ్లాలనుకుంటే డైరెక్ట్‌ గా ఢిల్లీకి వెళ్లి అల్మాటీ ఫ్లైట్‌ క్యాచ్‌ చేసుకోవచ్చు. వాయుమార్గంలో కనిపించే మేఘాలు, అందమైన పర్వతాల వరుసలు, ఈ ప్రయాణాన్నే ఒక చక్కటి జ్ఞాపకంగా మారుస్తాయి.అల్మాటీలో దిగగానే, చల్లటి గాలి మనల్ని వెల్‌ కమ్‌ అని పలకరిస్తుంది. ఎయిర్‌ పోర్ట్‌ నుంచి నగరంలోకి వెళ్లే దారిలో విస్తరించిన రోడ్లు, రెండు వైపులా ఉన్న పాప్లర్‌ చెట్లు మనకు స్వాగతం పలుకుతాయి. ప్రయాణం అంతా హాయిగా, ఒక సంగీతంలా సాగిపోతుంది, అలసట అనిపించదు.ఎక్కడ ఉండాలి?కజకిస్తాన్‌ లో స్టే చేయడం కూడా ఒక ఎక్స్‌ పీరియెన్సే. అల్మాటీలో ఉన్న బోటిక్‌ హోటల్స్‌ చాలా అందంగా ఉంటాయి. చెక్కతో, రాతితో చేసిన ఇంటీరియర్స్‌ లో గుండెను హత్తుకునే వెచ్చదనం ఉంటుంది. ఉదయం లేవగానే కిటికీ నుంచి కనిపించే మంచు కొండ దశ్యం, మనసును ప్రశాంతంగా మారుస్తుంది.అస్తానాలో గ్లాస్‌ తో కట్టిన మోడరన్‌ హోటల్స్‌ లో ఉంటే రాత్రి వేళలో మెరిసే దీపాల మధ్య ఒక కొత్త లోకంలో ఉన్నామనిపిస్తుంది. కొంతమంది సాధారణంగా స్టెప్పీప్రాంతంలో ఉన్న యుర్ట్స్‌ లో కూడా ఉంటారు. యుర్ట్‌ అంటే గొర్రె ఉన్ని, కలపతో నిర్మించిన చిన్న గూడు. లోపల కూర్చుని వేడి వేడి టీ లేదా పాలు తాగుతూ, బయట వీచే గాలి శబ్దాన్ని వింటూ ఉంటే, కజక్‌ జాతి జీవన విధానం ఎంత సింపుల్‌ గా ఉంటుందో, అంతే కఠినంగా ఉంటుందో కూడా అర్థమవుతుంది.ఏం చూడాలి?కజకిస్తాన్‌ ను కళ్లతో కాదు, మనసుతో చూడాలి. ఉదయం వేళలో స్టెప్పీ గడ్డి మీద పడిన మంచు బిందువులు సూర్యకాంతిలో వజ్రాల్లా మెరుస్తాయి. మధ్యాహ్నం వేళలో గుర్రాలు పరిగెడుతుంటే, దుమ్ము లేవగానే ఒక త్రీడీ చిత్రాన్ని చూస్తున్న అనుభూతి కలుగుతుంది.సాయంకాలం అల్మాటీలో పాన్‌ ఫిలోవ్‌ పార్క్‌ లో నడుస్తుంటే, ప్రపంచంలోనే చెక్కతో నిర్మించిన రెండవ అతిపెద్ద చర్చి అయిన జెన్‌ కోవ్‌ కేథడ్రల్‌ చాలా బ్యూటిఫుల్‌ గా కనిపిస్తుంది. ఈ చర్చి నిర్మాణంలో ఒక్క మేకు కూడా వాడలేదట. అయినా వందల ఏళ్లుగా అలాగే నిలబడి ఉండటం విశేషం. ఈ చర్చిలో కూర్చుని గుడి గంటల శబ్దం వింటుంటే, మనసు మరో లోకంలోకి వెళ్లిపోతుంది.అస్తానాలో ఇషిమ్‌ నది ఒడ్డున నడుస్తుంటే, నీటి మీద పడుతున్న నగర దీపాల ప్రతిబింబాలు ఒక ఆర్ట్‌ లా అనిపిస్తాయి. ఇక్కడ ప్రతి దృశ్యం మనతో మాట్లాడుతుంది. మనల్ని ఆపేస్తుంది.గుండెలో నిలిచే అనుభవాలు..కజకిస్తాన్‌ వస్తే చెక్‌ లిస్ట్‌ పెట్టుకుని ప్రయాణం చేయడం కన్నా... ప్రతి క్షణాన్ని ఎంజాయ్‌ చేసేలా ΄్లాన్‌ చేసుకోండి. మార్నింగ్‌ సమయంలో అల్మాటీ రివర్‌ వద్ద గడపడం ఒక మెమరీగా మిగిలిపోతుంది.చారిన్‌ కాన్యన్‌లో సూర్యోదయం చూడటాన్ని మిస్‌ అవ్వకండి. ఎర్ర రాతి గోడపై సూర్య కిరణాలు పడగానే ఆ ప్రదేశం మొత్తం బంగారు రంగులో మెరిసిపోతుంది. అల్మాటీలో గ్రీన్‌ బజార్‌ లో తిరుగుతూ, లోకల్‌ ప్రజలతో మాటలు కలపడం, వాళ్లను నిండు మనసుతో నవ్వుతూ పలకరించడం ఇవే అసలైన ట్రావెలింగ్‌ ఎక్స్‌ పీరియెన్స్‌ అంటే.శింబులాక్‌ లో రోప్‌ వేలో పైకి వెళ్లడం, మంచు పర్వతాల మధ్య గాలిలో తేలిపోవడం, నాలుగవ అనుభవంగా మిగిలిపోతుంది. చివరిగా అస్తానాలో బైటెరెక్‌ టవర్‌ పై చేయి పెట్టి కోరికలు కోరుకోవడాన్ని మిస్‌ చేయకండి. ఇలా చేయడం వల్ల ఆ కోరిక తప్పకుండా నెరవేరుతుందని స్థానికులు నమ్ముతారు.ఆసక్తికరమైన విషయాలు..కజకిస్తాన్‌ ప్రపంచంలో తొమ్మిదవ పెద్ద దేశం. కానీ జనసాంద్రత చాలా తక్కువ. అందుకే ఇక్కడ ప్రకతి చాలా స్వచ్ఛంగా ఉంటుంది.అల్మాటీకి యాపిల్‌ సిటీ అని కూడా పిలుస్తారు. ఇక్కడే యాపిల్స్‌ పుట్టాయని చరిత్ర చెబుతుంది.ఇక్కడ వింటర్‌ లో ఉష్ణోగ్రత మైనస్‌ 30 డిగ్రీల వరకు పడిపోతుంది. సమ్మర్‌ లో మాత్రం చాలా ఆహ్లాదకరంగా ఉంటుంది.కజక్‌ ప్రజలు గుర్రాలను చాలా గౌరవిస్తారు, గుర్రం అంటే వాళ్లకు స్వాతంత్య్రానికి గుర్తు.అస్తానా నగరం 1997 వరకు చిన్న ఊరుగా ఉండేది. ఇప్పుడు ప్రపంచ స్థాయి నగరంగా ఎదిగింది.ఏం తినాలి?కజకిస్తాన్‌ ఫుడ్‌ లో నాన్‌–వెజ్‌ వెరైటీలు ఎక్కువగా ఉంటాయి. బెష్‌ బర్మాక్‌ ఇక్కడ జాతీయ ఆహారం. మెత్తగా ఉడికిన మాంసం, విశాలమైన మైదా పూరీ లాంటి చపాతీ మీద వేసి ఇస్తారు. మీరు వెజిటేరియన్‌ అయితే ఇంగ్రీడియెంట్స్‌ గురించి తెలుసుకుని తినడం మంచిది.కుమిస్‌ అంటే గుర్రం పాలతో చేసిన కొంచెం పులుపుగా ఉండే డ్రింక్‌. ముందు కాస్త వింతగా అనిపించినా, తర్వాత తర్వాత దాని రుచి అలవాటు అవుతుంది. అల్మాటీ బజార్‌ లో తిరుగుతుంటే, ప్రతి మూలా సమ్సా అనే నాన్‌–వెజ్‌ స్టఫ్‌ చేసిన స్నాక్‌ దొరుకుతుంది. దీనిని బన్‌ లోపల మాంసం, ఉల్లిపాయలు పెట్టి కాలుస్తారు. చాలా రుచిగా ఉంటుంది అని చెబుతారు. బౌర్‌ సాక్స్‌ అనే చిన్న పూరీలు కూడా ట్రై చేయవచ్చు. వేడి వేడిగా తింటుంటే, ఆ రోజు అలసట అంతా మర్చిపోతాం.యాత్ర, బడ్జెట్‌ వివరాలు..కజకిస్తాన్‌ కి వెళ్లడానికి ఇండియన్‌ పాస్‌ పోర్ట్‌ ఉన్నవారికి ఈ–వీసా అవసరం. ఆన్‌ లైన్‌ లో అప్లై చేస్తే 3–5 రోజుల్లో వచ్చేస్తుంది.ప్రాసెస్‌ చాలా సింపుల్‌ గా ఉంటుంది.హైదరాబాద్‌ నుంచి 5 రోజుల యాత్ర బడ్జెట్‌ ను ఒక ఐడియా కోసం మీకు వివరిస్తాను. అయితే ఇది ఫైనల్‌ బడ్జెట్‌ కాదు. మీ ట్రావెల్‌ స్టైల్, సీజన్‌ వంటి అనేక కారణాలు మీ బడ్జెట్‌ ను ప్రభావితం చేస్తాయని గుర్తుంచుకోండి.ఇక బడ్జెట్‌ ట్రిప్‌ ΄్లాన్‌ చేస్తే వన్‌ వే టికెట్‌ మీకు రూ. 25 వేల నుంచి 35 వేల వరకు రిటర్న్‌ రూ. 56 వేల నుంచి 72 వేల వరకు లభిస్తుంది. కజకిస్తాన్‌ లో మీరు ఉండే ప్రదేశాన్ని బట్టి రూమ్‌ రెంటు మారుతుంది. రూ. 3,500 నుంచి రూ. 15 వేల వరకు రేంజ్‌ లో మీకు కంఫర్ట్‌ గా ఉన్న రూమ్‌ సెలెక్ట్‌ చేసుకోవచ్చు.రోజు భోజనానికి రూ. 1,500 నుంచి 2,500 అయితే సరిపోతుంది. అల్మాటీ నుంచి అస్తానాకి ట్రైన్‌ లేక డొమెస్టిక్‌ ఫ్లైట్‌ తీసుకుంటే చాలా బాగుంటుంది. ఖర్చు తక్కువ, ఎక్కువ మెమరీస్‌ లభిస్తాయి.– ఎం.జి. కిశోర్, ప్రయాణికుడుఇదీ చదవండి: అక్కడ వరుడే అత్తారింటికి వెళ్తాడు..!

అస్తానా: మధ్య ఆసియా దేశం కజకస్తాన్‌ నిరసనలతో అట్టుడికిపోతోంది. ఓ మాజీ మంత్రి తన భార్యను అతికిరాతకంగా కొట్టి చంపిన వీడియో బయటకు వచ్చింది. ప్రస్తుతం ఆ మానవ మృగం కోర్టు విచారణ ఎదుర్కొంటుండగా.. కఠిన శిక్ష పడాలంటూ ఆందోళనలు చేపట్టారు అక్కడి ప్రజలు.కువాన్‌దిక్‌ బిషింబయెవ్(44) కజకస్తాన్‌ దేశపు మాజీ ఆర్థిక మంత్రి. ఈయన బంధువు పేరిట ఉన్న ఓ రెస్టారెంట్‌లో గతేడాది నవంబర్‌లో ఆయన సతీమణి సల్తానత్‌ నుకెనోవా(31) అనుమానాస్పద రీతిలో మృతి చెందిది. అంతకు ముందు ఒకరోజు అంతా ఆ జంట ఆ హోటల్‌లోనే గడిపింది.అయితే విచారణలో ఆయనే ఆమెను దారుణంగా హింసించి చంపినట్లు తేలింది. దీంతో ఆయన కోర్టు విచారణ ఎదుర్కొంటున్నారు. ఈలోపు ఆ హోటల్‌ సీపీ టీవీ ఫుటేజీలు బయటకు వచ్చాయి. జుట్టుపట్టి ఈడ్చి కొట్టి.. ఇష్టానుసారం తన్ని.. సుమారు ఎనిమిది గంటల పాటు ఆ కిరాతకం కొనసాగింది. రక్తపు మడుగులో అచేతనంగా భార్య పడి ఉన్నప్పటికీ ఆమె బాగానే ఉందంటూ హోటల్‌ సిబ్బందితో బిషింబయెవ్‌ చెప్పడం కూడా వీడియోలో రికార్డయ్యింది. చివరకు 12 గంటల తర్వాత ఆంబులెన్స్‌ అక్కడికి చేరుకోగా.. అప్పటికే ఆమె మృతి చెందినట్లు వైద్యులు తేల్చారు.తలకు, ముక్కుకు బలమైన గాయం కావడం, ఒంటిపై పలు చోట్ల గాయాల్ని శవ పరీక్షలో గుర్తించారు. మరోవైపు ఈ కేసు దర్యాప్తులో.. సీసీ టీవీ ఫుటేజీ సహా సాక్ష్యాలన్నింటిని మాయం చేసేందుకు బిషింబయెవ్‌ ప్రయత్నించారని పోలీసులు తేల్చారు. అంతేకాదు.. తన భార్య మానసిక స్థితి బాగోలేదని, ఈ క్రమంలోనే తనకు తాను గాయాలు చేసుకుని ఆమె చనిపోయిందని న్యాయస్థానాల్ని నమ్మించే యత్నం చేశాడు కూడా.అయితే.. 8 గంటలపాటు సాగిన అఘాయిత్యానికి సంబంధించిన వీడియో ఫుటేజీ బయటకు రావడంతో ఆ భర్త అకృత్యం వెలుగు చూసింది. భార్యను అలా ఎందుకు చంపాడో మాత్రం ఇంకా నోరు విప్పలేదు నిందితుడు. అయితే ఆమెను అంత క్రూరంగా చంపిన ఆ మాజీ మంత్రిని కఠినంగా శిక్షించాలంటూ అక్కడి ప్రజలు ఆందోళనకు దిగారు. ఈ క్రమంలో గృహ హింస చట్టం గురించి విస్తృతంగా చర్చ జరిగింది అక్కడ. ప్రస్తుతం ఈ కేసు విచారణలో ఆ దేశపు సుప్రీం కోర్టులో జరుగుతోంది. కజకస్తాన్‌ చరిత్రలోనే తొలిసారి ఈ కేసు విచారణను లైవ్‌ టెలికాస్ట్‌ చేయబోతోంది ఆ దేశ అత్యున్నన్యాయస్థానం. బిషింబయెవ్‌ నేరం గనుక రుజువు అయితే అక్కడి చట్టాల ప్రకారం 20 ఏళ్ల కఠిన కారాగార శిక్షపడుతుంది.

ఈనెల 10 నుంచి 12 వరకు కజకిస్తాన్‌ రాజధాని అస్తానాలో జరిగే ఆసియా ఇండోర్‌ అథ్లెటిక్స్‌ చాంపియన్‌షిప్‌లో పాల్గొనే భారత జట్టును ప్రకటించారు. 25 మందితో కూడిన భారత జట్టులో ఆంధ్రప్రదేశ్‌కు చెందిన స్టార్‌ స్ప్రింటర్‌ జ్యోతి యర్రాజీకి చోటు లభించింది. విశాఖపట్టణానికి చెందిన జ్యోతి 60 మీటర్లు, 60 మీటర్ల హర్డిల్స్‌ ఈవెంట్స్‌లో పోటీపడుతుంది. ఇటీవల ఫ్రాన్స్‌లో జరిగిన మిరామస్‌ ఎలైట్‌ ఇండోర్‌ ట్రాక్‌ అథ్లెటిక్స్‌ మీట్‌లో జ్యోతి 60 మీటర్ల హర్డిల్స్‌లో జాతీయ రికార్డు నెలకొల్పడంతోపాటు రజత పతకం సాధించింది.  

అస్తానా (కజకిస్తాన్‌): ప్రెసిడెంట్స్‌ కప్‌ ఏటీపీ చాలెంజర్‌ టెన్నిస్‌ టోర్నమెంట్‌లో ఆంధ్రప్రదేశ్‌ ప్లేయర్, భారత డేవిస్‌కప్‌ జట్టు సభ్యుడు సాకేత్‌ మైనేని సంచలనం సృష్టించాడు. ప్రపంచ మాజీ ఎనిమిదో ర్యాంకర్‌ మిఖాయిల్‌ యూజ్నీ (రష్యా)ని బోల్తా కొట్టించి క్వార్టర్‌ ఫైనల్లోకి దూసుకెళ్లాడు. బుధవారం జరిగిన పురుషుల సింగిల్స్‌ రెండో రౌండ్‌లో 357వ ర్యాంకర్‌ సాకేత్‌ 3–6, 6–4, 6–3తో టాప్‌ సీడ్, ప్రపంచ 105వ ర్యాంకర్‌ యూజ్నీపై గెలిచాడు. గంటా 55 నిమిషాలపాటు జరిగిన ఈ మ్యాచ్‌లో సాకేత్‌ 14 ఏస్‌లు సంధించడంతోపాటు యూజ్నీ సర్వీస్‌ను నాలుగుసార్లు బ్రేక్‌ చేశాడు.   


 అస్తానా: సరిహద్దులో నిత్యం పోట్లాడుకునే దాయాదులు.. కలిసికట్టుగా ఒకే ప్రతిజ్ఞ చేసిన సందర్భమిది. ప్రఖ్యాత షాంఘై సహకార సంస్థ(ఎస్‌సీఓ)లోకి పూర్తిస్థాయి సభ్యులుగా భారత్‌, పాకిస్తాన్‌లు ప్రమాణం చేశాయి. కజకిస్తాన్‌ రాజధాని అస్తానాలో ఎస్‌సీఓ వార్షిక సదస్సులో ఈ మేరకు ఇరు దేశాలు సంతకాలు చేశాయి. పూర్తికాల సభ్యులుగా చేరిన సందర్భంగా భారత్‌, పాక్‌ ప్రధానులు నరేంద్ర మోదీ, నవాజ్‌ షరీఫ్‌లను సంస్థలోని ఇతర సభ్యదేశాలు అభినందించాయి.
 
 యూరప్‌-ఆసియా దేశాల మధ్య ఆర్థిక, రాజకీయ, సైనిక సహకారం కోసం షాంఘై(1996లో)లో ఏర్పాటయిన కూటమిని షాంఘై సహకార సంస్థ(ఎస్‌సీఓ)లో చైనా, కజకిస్తాన్‌, కర్గీజ్‌స్తాన్‌, తజకిస్తాన్‌, రష్యాలు వ్యవస్థాపక సభ్యుదేశాలుగా ఉన్నాయి. మొదటి విస్తరణ(2001)లో ఉబ్జెకిస్తాన్‌ సభ్యత్వం పొందగా.. నేడు(9 జూన్‌, 2017) భారత్‌, పాకిస్థాన్‌లు పూర్తికాల సభ్యులయ్యాయి.
 
 ఉగ్రవాదంపై పోరుకు మోదీ పిలుపు
 12ఏళ్ల పరిశీలన అనంతరం భారత్‌కు ఎస్‌సీఓ సభ్యత్వం దక్కడం ఆనందరంగా ఉందన్న ప్రధాని నరేంద్ర మోదీ.. సభ్యదేశాలన్నింటికీ ధన్యవాదాలు తెలిపారు. ఈ సందర్భంగా మాట్లాడిన ఆయన ఉగ్రవాదాన్ని ఎదుర్కోవడంలో కలిసికట్టుగా పోరాడుదామని అన్నారు. మానవాళికి పొంచి ఉన్న అతిపెద్ద ముప్పు ఉగ్రవాదమేనని, దానిని అంతం చేస్తేనేగానీ ప్రగతి సాధించలేమని పేర్కొన్నారు.
 
 భారత్‌కు పాక్‌ అభినందనలు
 ‘ఎస్‌సీఓలో సభ్యత్వం పొందిన శుభసందర్భంలో భారత్‌కు నా శుభాకాంక్షలు..’ అంటూ పాక్‌ ప్రధాని నవాజ్‌ షరీప్‌ తన ఉపన్యాసాన్ని ప్రారంభించడం గమనార్హం. ‘మన భవిష్యత్‌ తరాలను యుద్ధం, సంఘర్షణలవైపు పోనియ్యకుండా శాంతిసమాధానాలతో జీవించేలా చేయడం మన కర్తవ్యం. ఇందుకు షాంఘై సహకార సంస్థ కృషిచేస్తుంది’అని షరీఫ్‌ అన్నారు.


 అస్తానా (కజకిస్తాన్) : ఫెడరేషన్ కప్‌లో ఇండియా వరుసగా మూడో విజయాన్ని నమోదు చేసింది. ఆసియా ఓసియానియా గ్రూప్ 2 పూల్-డి చివరి లీగ్‌లో భారత్ 2-1తో న్యూజిలాండ్‌పై నెగ్గింది.
  
   తొలి సింగిల్స్‌లో ప్రార్థన 6-1, 6-4తో డానీ హాలెండ్‌పై గెలిచి శుభారంభాన్ని అందించింది. రెండో సింగిల్స్‌లో అంకితా రైనా 1-6, 2-6తో ఎరకోవిచ్ చేతిలో ఓటమిపాలైంది. కీలకమైన డబుల్స్ మ్యాచ్‌లో ప్రార్థనతో కలిసి సానియా సత్తా చాటింది. 7-5, 6-1తో భారత్‌కు విజయాన్ని అందించింది.  గ్రూప్ ఏ విజేత హాంకాంగ్‌తో భారత్ తలపడనుంది.