నటిగా, గాయనిగా తనకంటూ ప్రత్యేక గుర్తింపును తెచ్చుకున్న భామ ఆండ్రియా. ఈమె పలాన పాత్ర అని కాకుండా నచ్చితే చాలు ఎలాంటి పాత్రనైనా చేయడానికి సిద్ధం అంటారు. ఇప్పటికే కథానాయకిగానూ, ప్రతినాయకిగానూ నటించి పేరు తెచ్చుకున్నారు. అంతేకాదు వేశ్య పాత్రలోనూ మెప్పించిన ఆండ్రియా నిత్యం వార్తల్లో ఉండే రకం. తన గ్లామరస్‌ ఫొటోలతో సామాజిక మాధ్యమాల్లో అభిమానులను అలరించే ఈమె పలు చిత్రాల్లో పాడిన పాటలు సూపర్‌హిట్‌ అయ్యాయి. సంచలనాలకు కేరాఫ్‌ అడ్రస్‌గా మారిన ఆండ్రియా బహుభాషా నటి. తమిళం, తెలుగు, మలయాళం తదితర భాషల్లో నటిస్తున్నారు. సంగీత కచ్చేరిల్లోనూ తరచూ పాల్గొంటుంటారు. ప్రస్తుతం మాస్క్‌ చిత్రంలో నటుడు కవిన్‌తో కలిసి నటిస్తున్న ఆండ్రియా ఇటీవల ఒక భేటీలో పేర్కొంటూ ప్రస్తుతం కొత్తగా పాటలు పాడలేదని, త్వరలోనే మళ్లీ గాయనిగా అభిమానులను రంజింపజేస్తానని చెప్పారు. చారిత్రాత్మక కథా చిత్రాల్లో నటించాలని కోరుకుంటున్నారా? అని చాలా మంది అడుగుతున్నారన్నారు. అలాంటి ఆశ ఏమీ లేదని అన్నారు. తాను ఇప్పటికే ఈ రంగంలో కోరుకున్న థ్రిల్లర్, హార్రర్, ఎడ్వెంచర్, ప్రేమ క«థలు వంటి పాత్రల్లో నటించేశానని చెప్పారు. వడచెన్నై చిత్రంలో మీరు నటించిన చంద్ర అనే పాత్రకు మంచి పేరు వచ్చింది. వడచెన్నై– 2 చిత్రాన్ని తెరకెక్కిస్తానని దర్శకుడు వెట్రిమారన్‌ చెప్పారని, అందులోనూ మీరు నటిస్తారా? అన్న ప్రశ్నకు ఆండ్రియా బదులిస్తూ ఆ విషయాన్ని దర్శకుడు వెట్రిమారన్‌ను అడగాలన్నారు. అయితే వడచెన్నై– 2 చిత్రం తెరకెక్కితే అందులో చంద్ర పాత్రను తాను కచ్చితంగా పోషిస్తానని, ఈ విషయంలో ఎలాంటి సందేహం లేదన్నారు. నటుడు విజయ్‌ రాజకీయ రంగప్రవేశం చేయడం గురించి మీ అభిప్రాయం ఏమిటన్న ప్రశ్నకు ఆయన రాజకీయ రంగప్రవేశం చేయడం చాలా సంతోషం అని, అయితే తనకు మాత్రం అలాంటి ఆలోచన లేదని నటి ఆండ్రియా చెప్పారు.

ఇంతకు ముందు గ్లామరస్‌ పాత్రలతో యువతను ఆలోచింప చేసిన నటి ఆండ్రియా సమీప కాలంలో నటనకు అవకాశం ఉన్న వైవిధ్యభరిత పాత్రలో నటిస్తూ అన్ని వర్గాల ప్రేక్షకులను ఆకట్టుకుంటోంది. అలా తాజాగా ప్రధాన పాత్రలో నటించిన చిత్రం అనిల్‌ మేలె పని తులి. ప్రముఖ దర్శకుడు వెట్రిమారన్‌ తన గ్రాస్‌రూట్‌ ఫిలిమ్స్‌ పతాకంపై నిర్మించిన ఈ చిత్రం ద్వారా ఆర్‌.కైసర్‌ ఆనంద్‌ దర్శకుడిగా పరిచయం అవుతున్నారు. దర్శకుడు వెట్రిమారన్‌ శిష్యుడైన ఈయన పలు చిత్రాలకు కథా సహకారం అందించారన్నది గమనార్హం.  కాగా ఇందులో నటుడు యాదవ్‌ కనదాసం హీరోగా నటించగా అళగం పెరుమాళ్, ఇళవరసు, అనుపమ కుమార్, లౌవ్లీ చంద్రశేఖర్‌ తదితరులు ముఖ్యపాత్రలు పోషించారు.  దీనికి సంతోష్‌ నారాయణన్‌ సంగీతాన్ని, వేల్‌రాజ్‌ చాయాగ్రహణం అందించారు. కాగా నిర్మాణ కార్యక్రమాలు పూర్తి చేసుకున్న ఈ చిత్రం ఈ నెల 18వ తేదీ నుంచి సోనీ లైవ్‌లో స్ట్రీమింగ్‌కు సిద్ధమవుతోంది. ఈ సందర్భంగా బుధవారం చిత్ర యూనిట్‌ చెన్నైలో మీడియాతో ముచ్చటించారు. దర్శకుడు మాట్లాడుతూ ఇది స్త్రీల నేపథ్యంలో సాగే నేటి సమాజానికి కావాల్సిన అంశాలతో రూపొందించిన కథా చిత్రం అని చెప్పారు. కథ విన్న దర్శకుడు వెట్రిమారన్‌ వెంటనే తన బ్యానర్‌లోనే ఈ చిత్రాన్ని నిర్మిస్తానని చెప్పారన్నారు. అలాగే కథానాయకి ఇతివృత్తంగా సాగే ఈ చిత్రంలో ప్రధాన పాత్రకు ఆండ్రియానే కరెక్ట్‌ అని భావించామని, దీంతో ఆమెకు కథ చెప్పగానే వెంటనే ఓకే చెప్పారని తెలిపారు. ఇది యథార్థ కథతో రూపొందించిన చిత్రం కాకపోయినా ఇందులోని సంఘటనలు ప్రేక్షకులకు కనెక్ట్‌ అవుతాయన్నారు. నటి ఆండ్రియా మాట్లాడుతూ.. ఒక పల్లెటూరి నుంచి ఉద్యోగం కోసం ఎన్నో కలలు కంటూ నగరానికి వచ్చిన యువతికి ఎలాంటి సమస్యలు ఎదురయ్యాయి? వాటిని ఆమె ఎలా ఎదుర్కొంది అన్న పలు ఆసక్తికరమైన అంశాలతో ఈ చిత్రం ఉంటుందన్నారు. కలలు నిజమవుతున్న తరుణంలో ఎదురైన ఒక సంఘటన ఆమె జీవితాన్ని ఎలాంటి మలుపు తిప్పింది? ఆ సంఘటన ఏమిటి? అన్నదే అనల్‌ మేలె పని తులి చిత్రం అన్నారు. దర్శకుడు కథ చెప్పగానే తన మనసును టచ్‌ చేసిందని, అందుకే నటించడానికి అంగీకరించినట్లు తెలిపారు. ఆదవ్‌ కన్నదాసన్‌ మాట్లాడుతూ ఇది హీరోయిన్‌ కథా చిత్రం అయినా తన పాత్రకు, నటనకు అవకాశం ఉంటుందని చెప్పారు. ఒక మంచి చిత్రంలో తాను భాగం కావడం సంతోషంగా ఉందన్నారు.  

పుష్ప చిత్రంలోని ‘ఊ అంటావా మామ’ పాటను తమిళంలో ఓ సొల్వియా మామ అంటూ పాడి కుర్రకారును ఉర్రూతలూగించిన నటి ఆండ్రియా. తాజాగా వెబ్‌ చిత్రం కోసం పబ్‌ పాట పాడారు. నట్టి, శిల్పా మంజునాథ్‌ జంటగా నటిస్తున్న చిత్రం వెబ్‌. వేలన్‌ ప్రొడక్షన్స్‌ పతాకంపై వి.ఎం.మునివేలన్‌ నిర్మిస్తున్న ఈ చిత్రానికి హారూన్‌ దర్శకత్వం వహిస్తున్నారు. మొట్టై రాజేంద్రన్‌ ముఖ్య భూమిక పోషిస్తున్న ఈ చిత్రానికి కార్తీక్‌రాజా సంగీతాన్ని, క్రిస్టఫర్‌ జోసెఫ్‌ ఛాయాగ్రహణం అందిస్తున్నారు. ఐటీ రంగం నుంచి ఇటీవల సముద్రతీరంలో ఏర్పాటు చేసిన బార్, పబ్బుల సంస్కృతి వరకు తెరపై ఆవిష్కరించే ఇతివృత్తంతో రూపొందిస్తున్న చిత్రం ఇదని దర్శకుడు తెలిపారు. ఆవిష్కరణ త్వరలో నిర్వహించినట్లు ఆయ న తెలిపారు.  

ఫ్లోరిడా: 2020 ఏడాదికి విశ్వసుందరి (మిస్‌ యూనివర్స్‌) కిరీటాన్ని మెక్సికో యువతి ఆండ్రియా మెజా (26) గెలిచారు. మిస్‌ యూనివర్స్‌ 69వ ఎడిషన్‌లో మొత్తం 74 దేశాలకు చెందిన సుందరాంగులు పోటీ పడగా మెజా విజేతగా నిలిచారు. అమెరికాలోని హాలీవుడ్‌లో ఉన్న సెమినోల్‌ హార్డ్‌రాక్‌ హోటల్,క్యాసినోలో ఆదివారం రాత్రి విశ్వ సుందరి పోటీలు జరిగాయి. పోటీలో భారతీయ యువతి, మిస్‌ ఇండియా అడ్‌లైన్‌ కాస్టెలినో(22) విజయానికి చేరువగా వచ్చారు. 4వస్థానంలో (థర్డ్‌ రన్నరప్‌) నిలిచారు. మెజాకు 2019 విశ్వసుందరి జోజిబినీ టూన్జీ మిస్‌ యూనివర్స్‌ కిరీటాన్ని అలంకరించారు. ఫస్ట్‌ రన్నరప్‌గా(రెండో స్థానంలో) బ్రెజిల్‌ యువతి జూలియా గామా(28), సెకండ్‌ రన్నరప్‌గా(మూడో స్థానంలో) పెరూ యువతి జనిక్‌ మాసెటా(27) నిలిచారు.

‘ఆకాశమే నీ హద్దురా!’ విజయంతో మంచి జోష్‌ మీద ఉన్నారు సూర్య, ఆయన అభిమానులు.  పాండిరాజ్‌ దర్శకత్వంలో ఓ సినిమా, వెట్రిమారన్‌ దర్శకత్వంలో ఓ సినిమా చేయడానికి కమిట్‌ అయ్యారు సూర్య. అయితే వెట్రిమారన్‌తో చేయాల్సిన సినిమా ఆగిపోయిందని వార్తలు వచ్చాయి.. ఆ వార్తల్లో ఎలాంటి నిజంలేదని చిత్రబృందం ప్రకటించింది. ‘వడివాసల్‌’ అనే నవల ఆధారంగా వెట్రిమారన్‌ డైరెక్షన్‌లో ఈ సినిమా తెరకెక్కనుంది. కలైపులి యస్‌. థాను నిర్మాణంలో ఈ సినిమా రూపొందనుంది. ఇందులో సూర్య తండ్రీకొడుకులుగా రెండు పాత్రల్లో కనిపించనున్నారు. ‘‘వడివాసల్‌’ సినిమా ఆగిపోయిందని వచ్చిన వార్తల్లో ఎటువంటి నిజం లేదు. అసత్యపు వార్తలను నమ్మొద్దు. ఈ సినిమాను త్వరలోనే ప్రారంభిస్తాం. కచ్చితంగా విజయం సాధిస్తాం’’ అన్నారు థాను. ఇందులో ఆండ్రియా హీరోయిన్‌గా నటించనున్నారు. పాండిరాజ్‌ దర్శకత్వంలో సినిమాను పూర్తి చేసిన తర్వాత ‘వడివాసల్‌’ సినిమా మొదలుపెడతారు సూర్య.

‘ఆకాశమే నీ హద్దురా’ (తమిళంలో ‘సూరరై పోట్రు’) విడుదల కోసం వేచి చూస్తున్నారు సూర్య. ఈ సినిమా తర్వాత ఆయన రెండు సినిమాలు కమిట్‌ అయ్యారు. హరి దర్శకత్వంలో ఓ సినిమా. వెట్రిమారన్‌ దర్శకత్వంలో ఓ సినిమా చేయనున్నారు సూర్య. వెట్రిమారన్‌తో చేయబోతున్నది సూర్య కెరీర్‌లో 40వ సినిమా. కలైపులి యస్‌ థాను నిర్మించనున్న ఈ చిత్రానికి ‘వాడివాసల్‌’ అనే టైటిల్‌ ఫిక్స్‌ చేశారు. ఇందులో సూర్య ద్విపాత్రాభినయం చేస్తారట. అందులో పల్లెటూరి రైతు పాత్ర ఒకటని సమాచారం. ఈ సినిమాలో ఒక హీరోయిన్‌గా ఆండ్రియా నటిస్తారట. వెట్రిమారన్‌ తీసిన ‘వడ చెన్నై’లో ఓ కీలక పాత్ర చేశారు ఆండ్రియా. ‘వాడివాసల్‌’లో సూర్య, ఆండ్రియా పాత్రలు పోటాపోటీగా ఉంటాయని కోలీవుడ్‌ సమాచారం. వచ్చే ఏడాది ఈ సినిమా ప్రారంభం అవుతుంది.

లాక్‌ డౌన్‌ సమయంలో ఒక మనిషి మానసిక స్థితి ఎలా ఉంటుంది? అతను ఎలా ప్రవర్తిస్తాడు?  అనే నేపథ్యంలో తెరకెక్కిన షార్ట్‌ ఫిలిం ‘లాక్‌ డౌన్‌’. నటి, గాయని ఆండ్రియా ముఖ్య పాత్రలో ఈ షార్ట్‌ ఫిలిం రూపొందింది. ఆదవ్‌ కన్నదాసన్‌ దర్శకత్వం వహించిన ఈ మూడున్నర నిమిషాల లఘు చిత్రాన్ని ఐ ఫోన్‌ లో చిత్రీకరించారు. ఎవరి ఇంట్లో వాళ్లు ఉండి వీడియో కాల్స్‌ ద్వారా ఈ షార్ట్‌ ఫిలిం షూట్‌ చేశారు. ఒక పూటలో షూటింగ్‌ పూర్తి చేసేశారని సమాచారం. ‘‘దర్శకుడు ఆదవ్‌ నాకు ఓ ఏడాదిగా తెలుసు. తను చాలా టాలెంటెడ్‌. ఆదవ్‌ రైటింగ్, డైరెక్షన్‌ సైడ్‌ వస్తే బాగుంటుదనుకున్నాను. తను చెప్పిన ఈ షార్ట్‌ ఫిలిం ఐడియా నాకు బాగా నచ్చింది. ఫోన్‌ లో షూట్‌ చేసిన ఫిలింలో యాక్ట్‌ చేయాలనే ఆలోచన ఎప్పటినుంచో ఉంది... అది ఇప్పటికి కుదిరింది. ఈ షార్ట్‌ ఫిలిం కాన్సెప్ట్‌ చాలా కొత్తగా ఉంటుంది. కొత్తగా ఆలోచించాలనుకునేవాళ్లకి మా షార్ట్‌ ఫిలిం ఒక ఉదాహరణగా ఉంటుంది’’ అని పేర్కొన్నారు ఆండ్రియా. ఈ షార్ట్‌ ఫిలిం నేడు విడుదల  కానుంది.

కోలీవుడ్‌ స్టార్‌ హీరో ధనుష్‌ నటించిన చిత్రం వడ చెన్నై. ఆడుకాలం తర్వాత విలక్షణ దర్శకుడు వెట్రిమారన్‌ డైరెక్షన్‌లో ధనుష్‌ నటిస్తున్న చిత్రం కావటంతో భారీ అంచనాలే ఉన్నాయి. ఉత్తర చెన్నై నేపథ్యంలో తెరకెక్కిన ఈ చిత్ర టీజర్‌ తాజాగా విడుదలైంది. ఒక్క‌డి చావుతో ఈ యుద్ధం ఆగ‌దు....గెలుపైనా ఓటమైనా...యుద్ధం చేయ‌క త‌ప్ప‌దు....మ‌నం ప్ర‌తిఘ‌టించ‌క‌పోతే....వారు మ‌న‌ల్ని అణ‌గ‌దొక్కుతూనే ఉంటారు......ఇది మ‌న ఊరు....గుడిసెలైనా...చెత్త కుప్ప‌లైనా....వాటిని కాపాడుకోవ‌డం కోసం మనం పోరాడాల్సిందే....``అని ధ‌నుష్ సింపుల్ గా చెప్పిన డైలాగ్స్...చాలా ప‌వ‌ర్ ఫుల్ గా ఉండి ఆక‌ట్టుకున్నాయి. మొత్తం మూడు గెటప్స్‌లో ధనుష్‌ ఈ చిత్రంలో కనిపించనున్నాడు. క్యారమ్స్‌ ఛాంపియన్‌.. కత్తి పట్టి గ్యాంగ్‌స్టర్‌గా ఎందుకు మారాడు?.. ఆ తర్వాత పరిస్థితులేంటి అన్నదే కథ. ఐశ్వర్య రాజేష్‌, ఆండ్రియా, కిషోర్‌, సముద్రఖని తదితరులు ప్రధాన పాత్రలు పోషిస్తున్నారు. మొత్తం మూడు పార్టులుగా ఈ చిత్రం ప్రేక్షకుల ముందుకు రానుంది.

సింగర్‌గా, కథానాయికగా ఆండ్రియా మంచి గుర్తింపు తెచ్చుకున్నారు. తెలుగులో ఐదేళ్ల క్రితం ‘తడాఖా’లో నటించిన ఆండ్రియా ఆ తర్వాత డబ్బింగ్‌ సినిమాల ద్వారా తెలుగు తెరపై కనిపిస్తున్నారు. సమ్మర్‌లో విడుదలైన మహేశ్‌ బాబు ‘భరత్‌ అనే నేను’లో ‘ఇదే కలలా ఉన్నదే...’ పాట పాడింది ఆండ్రియానే. ఆ సంగతలా ఉంచితే ఇప్పుడు స్ట్రయిట్‌ తెలుగు సినిమా ‘ఆయుష్మాన్‌ భవ’లో కనిపించనున్నారు. చరణ్‌ తేజ్‌ హీరోగా నటిస్తూ, దర్శకత్వం వహించిన చిత్రం ‘ఆయుష్మాన్‌ భవ’. ఇందులో స్నేహా ఉల్లాల్‌ కథానాయికగా నటించారు. సీటీఎఫ్‌ సంస్థ నిర్మాణ బాధ్యతలను నిర్వహించింది. ఈ సినిమాలో ఆండ్రియా సింగర్‌ జెన్నీఫర్‌ క్యారెక్టర్‌ చేయనున్నట్లు చిత్రబృందం తెలియజేసింది. చరణ్‌ తేజ్‌ మాట్లాడుతూ– ‘‘ఈ సినిమాకు దర్శకత్వ పర్యవేక్షణతో పాటు కథను అందించిన దర్శకుడు నక్కిన త్రినాథరావుగారికి, స్క్రీన్‌ప్లే అందించిన పరుచూరి బ్రదర్స్‌కు, సహ నిర్మాతగా వ్యవహరించిన దర్శకుడు మారుతికి ధన్యవాదాలు. ఆండ్రియా క్యారెక్టర్‌ చాలా స్పెషల్‌గా ఉంటుంది. క్యారెక్టర్‌ విన్న వెంటనే ఆండ్రియా ఒప్పుకున్నారు. బాలీవుడ్‌ సంగీత దర్శకుడు మీట్‌ బ్రోస్‌ సంగీతం అందించారు. సమాజం ప్రేమను చూసే పద్ధతి మారాలి అనే కాన్సెప్ట్‌ ఆధారంగా ఈ సినిమాను తెరకెక్కించాం. షూటింగ్‌ పూర్తయింది. పోస్ట్‌ ప్రొడక్షన్‌ కార్యక్రమాలు జరుగుతున్నాయి. త్వరలో ఆండ్రియా ఫస్ట్‌ లుక్‌ను రీలీజ్‌ చేయనున్నాం’’ అన్నారు. 

కమలహాసన్‌ ‘విశ్వరూపం’ సినిమాతో తన నట విశ్వరూపాన్ని చూపారు. ఈ యూనివర్సల్‌ హీరోకు విశ్వరూపం విడుదల విషయంలో ఎన్నో అడ్డంకులు ఏర్పడ్డాయి. ఎన్నో వివాదాల నడుమ విడుదలైన ఈ సినిమా ఘన విజయాన్ని సొంతం చేసుకుంది. ఈ మూవీకి సీక్వెల్‌గా విశ్వరూపం 2 సినిమాను తెరకెక్కిస్తానని గతంలో ప్రకటించిన విషయం తెలిసిందే. అయితే ఎప్పుడో విడుదల కావల్సిన ‘విశ్వరూపం 2’ అనివార్య కారణాల వల్ల ఆలస్యమవుతూ వచ్చింది. తాజాగా ఈ సినిమా ట్రైలర్‌ను హిందీలో ఆమీర్‌ ఖాన్‌, తమిళ్‌లో శృతి హాసన్‌, తెలుగులో యంగ్‌ టైగర్‌ ఎన్టీఆర్‌ విడుదల చేశారు.  ‘ఏ ఒక్క మతానికో కట్టుబడటం తప్పుకాదు.. దేశ ద్రోహం మాత్రం తప్పు’ అంటూ చెప్పిన డైలాగ్‌ ట్రైలర్‌లో ఆకట్టుకుంటోంది. ట్రైలర్‌లో చూపిన పోరాట సన్నివేశాలు ప్రేక్షకులను కట్టిపడేసేలా ఉన్నాయి. జిబ్రాన్‌ అందించిన సంగీతం, నేపథ్య సంగీతం అదిరిపోయేలా ఉన్నాయి. ట్రైలర్‌ విజువల్‌ పరంగానూ ప్రేక్షకులను కట్టిపడేసేలా ఉంది. మరి ఈ సినిమాతో కమల్‌హాసన్‌కు భారీ విజయాన్ని అందుకుంటారో లేదో వేచి చూడాలి. కమల్‌ స్వీయ దర్శకత్వంలో ఆగస్టు 10న రాబోతున్న ఈ సినిమాలో ప్రియా, ఆండ్రియా కీలకపాత్రల్లో నటిస్తున్నారు.

విశ్వరూపం 2 హిందీ వెర్షన్‌కు భారీగానే సెన్సార్‌ కత్తెరలు పడ్డట్టు తెలుస్తోంది. తమిళ, తెలుగు వెర్షన్లకు సెన్సార్‌ కార్యక్రమాలు గతంలోనే పూర్తయినట్టుగా వార్తలు వచ్చాయి. ఈ రెండు భాషల్లో విశ్వరూపం 2కు యు/ఏ సర్టిఫికేట్‌ ఇచ్చినట్టుగా తెలుస్తోంది. కానీ హిందీ వర్షన్‌కు మాత్రం సెన్సార్‌సభ్యులు 17 కట్స్‌ సూచించినట్టుగా తెలుస్తోంది. విశ్వరూపం తొలి భాగం రిలీజ్‌ కూడా సమస్యలు తలెత్తడంతో కమల్‌ కన్నీరు పెట్టుకోవల్సి వచ్చింది.ఎన్నో అవాంతరాల తరువాత ప్రేక్షకుల ముందుకు వచ్చిన విశ్వరూపం మంచి విజయం సాధించింది. తాజాగా విశ్వరూపం 2 విషయంలోనూ అదే పరిస్థితి కనిపిస్తుంది. ఈ సినిమాకు ‘యు’ సర్టిఫికేట్‌ ఇవ్వాలని కొందరు, 17 కట్స్‌తో యు/ ఏ సర్టిఫికేట్‌ ఇవ్వాలని మరికొందరు అనుకుంటున్నారని సమాచారం. ఈ సినిమా నిర్మాత ఆర్థిక సమస్యల కారణంగా తప్పుకోవటంతో దర్శకత్వ బాధ్యతలతో పాటు నిర్మాణ బాధ్యతలు కూడా తీసుకున్నారు కమల్‌ హసన్‌. జిబ్రాన్‌ సంగీతం అందించిన ఈ సినిమాలో పూజా కుమార్‌, ఆండ్రియా, శేఖర్‌ కపూర్‌ ముఖ్యపాత్రలో నటిస్తున్నారు. ఈ సినిమాను మే నెలలో రిలీజ్‌ చేసేందుకు ప్లాన్‌ చేస్తున్నారు.

తమిళసినిమా: నటుడు కమలహాసన్‌ తరువాత అంతగా కంఫర్టబుల్‌గా నటించిన నటుడు ఎవరన్న ప్రశ్నకు నటి ఆండ్రియా చెప్పిన పేరు ఎవరిదనుకుంటున్నారు? వాస్తవానికి తాను చాలా పిరికిదానిని అంటున్న ఆ సంచలన నటి వివాదాస్పద పాత్రల్లో నటించడానికి మాత్రం చాలా ధైర్యంగా ముందుకొస్తుంది. ఈత దుస్తుల్లో, లిప్‌లాక్‌ సన్నివేశాల్లో నటించడానికి ఏ మాత్రం వెనుకాడని ఆండ్రియా నటించిన తాజా చిత్రం అవళ్‌ నవంబర్‌ 3వ తేదీన తమిళం, తెలుగు, హిందీ భాషల్లో విడుదలకు ముస్తాబవుతోంది. మూడు పదుల పరువాల అండ్రియా నటిగా  దశాబ్దం పూర్తి చేసుకుంది. ఈ సందర్భంగా ఈ అమ్మడి ముచ్చట్లు చూద్దాం. ప్ర: మీరెందుకు మీడియాకు దూరంగా ఉంటారు? ఎప్పుడైనా మాట్లాడినా, చాలా కోపంగా బదులిస్తుంటారని జరుగుతున్న ప్రచారంపై మీ సమాధానం? జ: మీడియాకి భేటీలు ఇచ్చే స్థాయికి నేనింకా ఎదగలేదు.పెద్దగా ఏమీ సాధించలేదని అనుకుంటున్నాను.ఇదే కారణం.అలాగని పూర్తిగా నేను పత్రికల వారిని పక్కన పెడుతున్నాననుకోకండి. ప్రశ్న: ఇటీవల మీరు పోషిస్తున్న పాత్రలన్నీ మిమ్మల్ని వేరే లెవల్‌కు తీసుకెళ్లేవిగా ఉంటున్నాయి. తరమణి చిత్రంలో మీ నటనకు పలువురి ప్రశంసలు లభించాయి.అయినా మీలో ఆ సంతోషం కనిపించడంలేదే? జ: నిజమే నేను నటించిన పాత్రలను విమర్శకులు సైతం ప్రశంసిస్తున్నారు. తరమణి చిత్రం నా సినీ జీవితాన్ని మలుపు తిప్పింది. ఆ తరువాత కొత్తగా అవకాశాలు వస్తాయని ఆశించిన నాకు నిరాశే మిగిలింది.అలాంటిది సంతోషం ఎలా కలుగుతుంది? ప్ర: మీరు నటించిన తాజా చిత్రం అవళ్‌ ఎలా ఉంటుంది? జ: మీరు చూస్తున్న హాలీవుడ్‌ హర్రర్‌ చిత్రాల తరహాలో అవళ్‌ ఉంటుంది. మంచు ప్రాంత నేపథ్యంలో సాగే హర్రర్‌ కథా చిత్రం అవళ్‌. ప్ర: ఈ చిత్రం టీజర్‌ నిడివి మొత్తం ముప్పావు నిమిషం ఉంటే అందులోనే నాలుగు లిప్‌లాక్‌ సన్నివేశాలు చోటుచేసుకున్నాయే? జ: లిప్‌లాక్‌ సన్నివేశాల గురించి మీడియానే ఇంకా విమర్శనాత్మకంగా చేస్తోంది. రోడ్డుపైకి వచ్చి చూడండి ఈ కాలం యువత ఇలాంటివన్నీ చాలా సహజంగా భావిస్తున్నారు. లిప్‌లాక్‌ అశ్లీలం, అసభ్యం అనే వారంతా నిజజీవితంలో వారు లిప్‌లాక్‌ ముద్దులు పెట్టుకోవడం లేదా? లిప్‌లాక్‌ సన్నివేశాలున్నాయనడం పాత పంచాంగం లాంటి ప్రశ్న. ప్ర: నటుడు సిద్ధార్థ్‌తో కలిసి నటించి అనుభవం? జ: సిద్ధార్థ్‌ చాలా జాలీ టైప్‌. కమలహాసన్‌ షూటింగ్‌ సెట్‌ తరువాత నేను చాలా కంఫర్ట్‌పుల్‌గా ఫీలయ్యింది ఈ చిత్ర సెట్‌లోనే. ప్ర: నటిగా, గాయనిగా రాణిస్తున్నారు.తదుపరి దర్శకత్వం వహించే ఆలోచన ఉందా. జ: నాకు తెలియని వృత్తిని ఎందుకు చేయాలి? నటన, పాడడం పనులు చేయడానికి ప్రతిభావంతులు చాలా మంది ఉన్నారు. ప్ర: నయనతార, అనుష్క, త్రిష వంటి నటీమణులు హీరోయిన్‌ ఓరియెంటెడ్‌ కథా చిత్రాలు చేస్తున్నారు. మీకలాంటి కోరిక లేదా? జ: నటించనని నేను చెప్పానా? అలాంటి పాత్రలు అమరితే నేనూ మంచి కథా పాత్రలను ఎంచుకుని నటిస్తాను.

వాస్తవానికి తాను చాలా భయస్తురాలు అంటున్నది సంచలన నటి. వివాదాస్పద పాత్రల్లో నటించడానికి మాత్రం చాలా ధైర్యంగా ముందుకొస్తుంది. ఈత దుస్తుల్లో, లిప్‌లాక్‌ సన్నివేశాల్లో నటించడానికి ఏ మాత్రం వెనుకాడని నటి ఆండ్రియా. ఆమె నటించిన తాజా చిత్రం అవళ్‌. నవంబర్‌ 3న తమిళం, తెలుగు, హిందీ భాషల్లో విడుదలకు ముస్తాబవుతోంది. ఆండ్రియా హీరోయిన్‌గా దశాబ్దం పూర్తి చేసుకుంది. ఈ సందర్భంగా ఈ అమ్మడి ముచ్చట్లు చూద్దాం.   మీరెందుకు మీడియాకు దూరంగా ఉంటారు? ఎప్పుడు మాట్లాడినా చాలా కోపంగా బదులిస్తుంటారనే ప్రచారంపై మీ సమాధానం? మీడియాకు భేటీలు ఇచ్చే స్థాయికి నేనింకా ఎదగలేదు. పెద్దగా ఏమీ సాధించలేదని అనుకుంటున్నాను. ఇదే కారణం. అలాగని పూర్తిగా నేను పత్రికల వారిని పక్కన పెడుతున్నాననుకోకండి. విలేకరులెవరైనా కలిస్తే బదులిస్తూనే ఉన్నాను. అయితే హీరోయిన్‌ని ఎలాంటి ప్రశ్నలు అడగాలో అవే అడగాలి. ఇక కోపం అంటారా.. మనిషన్నాక కోపం వస్తుంది. నేనేదో అందరికి వ్యతిరేకినన్నట్లు ప్రశ్నలు వేస్తే కోపం రాదా? అయితే మునుపటి కంటే కోపం తగ్గి నాలో శాంతం పెరిగిందనే చెప్పాలి. ఇటీవల మీరు పోషిస్తున్న పాత్రలన్నీ మిమ్మల్ని వేరే లెవల్‌కు తీసుకెళ్లేవిగా ఉంటున్నాయి. తరమణి చిత్రంలో మీ నటనకు పలువురి ప్రశంసలు లభించాయి. అయినా మీలో ఆ సంతోషకం కనిపించడంలేదే? నిజమే నేను నటించిన పాత్రలను విమర్శకులు సైతం ప్రశంసిస్తున్నారు. తరమణి చిత్రం నా సినీ జీవితాన్ని మలుపు తిప్పింది. ఆ నమ్మకంతోనే ఆ చిత్రం విడుదల కోసం నాలుగేళ్లు మరో చిత్రాన్ని అంగీకరించకుండా వేచి చూశాను. ఫలితం ఏమిటీ? ఆ తరువాత కొత్తగా అవకాశాలు వస్తాయని ఆశించిన నాకు నిరాశే మిగిలింది. అలాంటప్పుడు సంతోషం ఎలా కలుగుతుంది. మీరు నటించిన తాజా చిత్రం అవళ్‌ ఎలా ఉంటుంది? మీరు చూస్తున్న హాలీవుడ్‌ హారర్‌ చిత్రాల తరహాలో అవళ్‌ ఉంటుంది. ఇందులో సిద్ధార్ధ్‌  వైద్యుడిగా నటించారు. నేను ఆయనకు భార్యగా నటించాను. మంచు ప్రాంత నేపథ్యంలో జరిగే హారర్‌ కథా చిత్రం అవళ్‌. ఈ చిత్రం టీజర్‌ నిడివి మొత్తం ముప్పావు నిమిషం ఉంటే అందులోనే నాలుగు లిప్‌లాక్‌ సన్నివేశాలు ఉన్నాయే? లిప్‌లాక్‌ సన్నివేశాల గురించి మీడియానే ఇంకా విమర్శనాత్మకంగా చేస్తోంది. రోడ్డుపైకి వచ్చి చూడండి.. ఈ కాలం యువత ఇలాంటివన్నీ చాలా సహజంగా భావిస్తోంది. నిజ జీవితాలను ప్రతిభింబించే విధంగా ఇప్పుడు చాలా చిత్రాలు వస్తున్నాయి. ఇంకా చెప్పాలంటే లిప్‌లాక్‌ అశ్లీలం, అసభ్యం అనే వారంతా నిజజీవితంలో వారు లిప్‌లాక్‌ ముద్దులు పెట్టుకోవడం లేదా? లిప్‌లాక్‌ సన్నివేశాలు ఉన్నాయనటం పాత పంచాంగం లాంటి ప్రశ్న. నటుడు సిద్ధార్ధ్‌తో కలిసి నటించిన అనుభవం? సిద్ధార్ధ్‌ చాలా జాలీ టైప్‌. కమలహాసన్‌ షూటింగ్‌ సెట్‌ తరువాత నేను చాలా కంఫర్ట్‌ ఫుల్‌ గా ఫీలయ్యింది ఈ చిత్ర సెట్‌లోనే.  నటిగా, సింగర్‌గా రాణిస్తున్నారు.. దర్శకత్వం వహించే ఆలోచన ఉందా ? నాకు తెలియని వృత్తిని ఎందుకు చేయాలి? సినిమాలో రెండు పనులు చేయడమే పెద్ద విషయం. చివరి వరకూ నటన, పాడటం చాలు. ఇతర పనులు చేయడానికి ప్రతిభావంతులు చాలామంది ఉన్నారు. నయనతార, అనుష్క, త్రిష వంటి నటీమణులు హీరోయిన్‌ ఓరియంటెడ్‌ కథా చిత్రాలు చేస్తున్నారు. మీకు అలాంటి కోరిక లేదా? నటించనని నేను చెప్పానా?  అలాంటి పాత్రలు అమిరితే నేనూ మంచి కథా పాత్రలను ఎంచుకుని నటిస్తాను.


 తమిళసినిమా: నటి ఆండ్రియా గురించి ఇప్పుడు ప్రత్యేకంగా చెప్పనవసరం లేదు. షీ ఈజ్‌ వెరీ బోల్డ్‌ యాక్ట్రస్‌. సంచలన నటి కూడా. చాలా సెలక్టివ్‌ పాత్రల్లోనే కనిపించే ఆండ్రియా నటించిన తాజా చిత్రం తరమణి. ఇటీవల తెరపైకి వచ్చిన ఈ చిత్రంలో ఆడ్రియా నటనకు ప్రశంసలతో పాటు విమర్శలు వెల్లువెత్తుతున్నాయి. రామ్‌ దర్శకత్వం వహించిన ఈ చిత్రంలో ఆండ్రియా ఐటీ కంపెనీలో పనిచేసే యువతిగా నటించింది.
 
 అంతే కాదు ఒక పిల్లాడికి తల్లిగానూ నటించింది. అసలు విషయం ఇవేవీ కాదు. తరమణి చిత్రంలో మద్యం తాగడం, దమ్ము కొట్టడం వంటి సన్నివేశాల్లో నటించడమే విమర్శలకు దారి తీస్తోంది. అయితే అలాంటి విమర్శలను అస్సలు పట్టించుకోనంటోంది ఆండ్రియా. అదే విధంగా ఇమేజ్‌ గురించి కూడా ఆలోచించనని అంటోంది. దీని గురించి ఆండ్రియా స్పందిస్తూ, తనకు కథ నచ్చితే ఎలాంటి పాత్ర అయినా చేయడానికి రెడీ అంది.
 
 దర్శకుడు రామ్‌ తరమణి చిత్ర కథ«ను చెప్పి ఇందులో మందు కొట్టాలి, సిగరెట్‌ తాగాలి అని చెప్పారని, కథ, తన పాత్ర నచ్చడంతో వెంటనే ఓకే అన్నానని తెలిపింది. ప్రస్తుతం వడచెన్నై, తుప్పరివాలన్‌ చిత్రాల్లో నటిస్తున్నానని, ఈ రెండు చిత్రాల్లోనూ తన పాత్రలు వైవిధ్యంగా నటనకు అవకాశం ఉంటుందని చెప్పింది. ముఖ్యంగా వడచెన్నై చిత్రంలో తనను చూసిన వారు ఈమె ఆండ్రియానేనా అని ఆశ్చర్య పోతారని అంది. ఇకపై కూడా విభిన్న కథా పాత్రలనే పోషించాలని నిర్ణయించుకున్నానని, అలాంటప్పుడు ఇమేజ్‌ గురించి పట్టించుకోనని, ఎవరెలా విమర్శించుకున్నా బాధలేదని అంటోంది.


 చెన్నై: నటి ఆండ్రియా గురించి ప్రత్యేకంగా చెప్పనవసరం లేదు. చాలా సెలెక్టివ్‌ పాత్రల్లోనే కనిపించే ఆండ్రియా నటించిన తాజా తమిళ చిత్రం తరమణి. ఇటీవల తెరపైకి వచ్చిన ఈ చిత్రంలో ఆండ్రియా నటనకు ప్రశంసలతో పాటు విమర్శలు వెల్లువెత్తుతున్నాయి. రామ్‌ దర్శకత్వం వహించిన ఈ చిత్రంలో ఆండ్రియా ఐటీ కంపెనీలో పని చేసే మహిళగా నటించింది. అంతే కాదు ఒక పిల్లాడికి తల్లిగానూ నటించింది. అసలు విషయం ఇవేవీ కాదు. తరమణి చిత్రంలో మద్యం సేవించడం, దమ్ము కొట్టడం వంటి సన్నివేశాలలో నటించడమే విమర్శలకు దారి తీస్తోంది.
 
 అయితే తనపై వచ్చే విమర్శలను అస్సలు పట్టించుకోనంటోంది ఆండ్రియా. అదే విధంగా ఇమేజ్‌ గురించి కూడా ఆలోచించనని అంటోంది. తనకు కథ నచ్చితే ఎలాంటి పాత్ర అయినా చేయడానికి రెడీ అంటుంది. దర్శకుడు రామ్‌ తరమణి చిత్ర కథ«ను చెప్పి ఇందులో మందు కొట్టాలి, సిగరెట్‌ తాగాలి అని చెప్పారనీ, కథ, తన పాత్ర నచ్చడంతో వెంటనే ఓకే అన్నాననీ తెలిపింది. ప్రస్తుతం వడచెన్నై, తుప్పరివాలన్‌ చిత్రాలలో నటిస్తున్నాననీ, ఈ రెండు చిత్రాలలోనూ తన పాత్రలు వైవిధ్య నటనకు అవకాశం ఉంటుందనీ చెప్పింది. ముఖ్యంగా వడచెన్నై చిత్రంలో తనను చూసిన వారు ఈమె ఆండ్రియానేనా అని ఆశ్చర్య పోతారనీ అంది. ఇకపై కూడా విభిన్న కథా పాత్రలనే పోషించాలని నిర్ణయించుకున్నాననీ, అలాంటప్పుడు ఇమేజ్‌ గురించి పట్టించుకోననీ, ఎవరెలా విమర్శించినా బాధలేదని అంటోంది.


 తమిళసినిమా: తరమణి చిత్రం గురించి ఇప్పటికే చాలా విషయాలు చెప్పుకున్నాం. అందుకు కారణం ఆ చిత్ర దర్శకుడు రామ్‌నే. వైవిధ్యభరిత చిత్రాల దర్శకుడిగా పేరు తెచ్చుకున్న రామ్‌ తాజాగా తెరకెక్కించిన చిత్రం తరమణి. జేఎస్‌కే ఫిలింస్‌ పతాకంపై జే.సతీష్‌కుమార్‌ నిర్మించిన ఇందులో నవ నటుడు రవి, ఆండ్రియా జంటగా నటించారు. నిర్మాత జే.సతీష్‌కుమార్‌ కూడా తొలిసారిగా ఇందులో ఒక ముఖ్య పాత్రను పోషించడం విశేషం. గత శుక్రవారం విడుదలైన ఈ చిత్రం విశేష ప్రేక్షకాదరణను చూరగొంటోంది. దీంతో చిత్ర యూనిట్‌ మంగళవారం సాయంత్రం స్థానిక సాలిగ్రామంలోని ప్రసాద్‌ల్యాబ్‌లో సక్సెస్‌ మీట్‌ను నిర్వహించారు.
 
 ఈ సందర్భంగా చిత్ర నిర్మాత జే.సతీష్‌కుమార్‌ మాట్లాడుతూ తరమణి చిత్రం విజయం సాధించడం ఒక సంతోషం అయితే, చిత్రం చూసిన నటుడు రజనీకాంత్‌ అభినందించడం ఇంకా ఆనందంగా ఉందని అన్నారు. సోమవారం తరమణి చిత్రాన్ని చూసిన రజనీకాంత్‌ తనకు ఫోన్‌ చేసి ఇంటికి ఆహ్వానించారన్నారు. తాను కొంచెం ఆశ్చర్యంతోనే రజనీకాంత్‌ను కలవడానికి వెళ్లానని చెప్పారు.అయితే ఆయన తరమణి చిత్రంలోని ప్రతి అంశాన్ని ప్రస్తావించి చాలా బోల్డ్‌ చిత్రం అని అభినంధించారని అన్నారు. అంతే కాకుండా తన నటనను ప్రశంసించడం ఎనలేని ఆనందాన్ని కలిగించిందన్నారు. రజనీకాంత్‌ లాంటి లెజెండ్స్‌ ప్రశంసలు తనకు, తన సంస్థకు తరమణి లాంటి మంచి చిత్రాలు మరిన్ని నిర్మించడానికి ప్రోత్సాహకరంగా ఉంటాయని జే.సతీష్‌కుమార్‌ అన్నారు. తరమణి చిత్రం విడుదల తరువాత మరిన్ని స్క్రీన్‌లు పెరిగాయని ఆయన తెలిపారు. 


 తమిళసినిమా: నటుడికైనా, నటికైనా తమ నట జీవితంలో మైలురాయిగా నిలిచిపోయే పాత్రలు అరుదుగా లభిస్తుంటాయి. అలా తరమణి చిత్రం తన నట జీవితంలో మరుపురాని చిత్రంగా నిలిచిపోతుందనే నమ్మకాన్ని నటి ఆండ్రియా వ్యక్తం చేసింది. ఈ బోల్డ్‌ అండ్‌ బ్యూటీలో మంచి నటేకాకుండా గాయని కూడా ఉందన్న విషయం తెలిసిందే.
 
 చాలా సెలక్టివ్‌గా చిత్రాలను చేసే ఆండ్రియా నటించిన తాజా చిత్రం తరమణి. రామ్‌ దర్శకత్వం వహించిన ఈ చిత్రం చాలా కాలంగా నిర్మాణంలో ఉందన్నది గమనార్హం. ఎట్టకేలకు నిర్మాణ కార్యక్రమాలు పూర్తి చేసుకుని త్వరలో తెరపైకి రానుంది. ఈ చిత్రం చూసిన చిత్ర ప్రముఖులు ప్రశంసల జల్లులు కురిపిస్తున్నారు. ముఖ్యంగా ఆండ్రియా నటించిన పాత్ర ఇంత వరకూ తమిళ సినిమాలో రాలేదంటున్నారు. ఇంతకు ముందు అవళ్‌ అప్పడిదాన్‌ చిత్రంలో నటి శ్రీప్రియ పాత్ర ఇప్పటికీ ఎలా గుర్తుండిపోయిందో, అలా తరమణి చిత్రంలోని ఆండ్రియా పాత్ర చాలా కాలం గుర్తుండిపోతుందంటున్నారు.
 
 ఇంతకీ ఈ సంచలన నటి ఈ చిత్రంలో పోషిస్తున్న పాత్ర ఏమిటో తెలుసా? వేశ్య పాత్ర అని సమాచారం. ఈ విషయాన్ని చిత్ర యూనిట్‌ రహస్యంగా ఉంచారన్నది గమనార్హం. ఆండ్రియా తరమణి చిత్రం తరువాత మిష్కిన్‌ దర్శకత్వంలో విశాల్‌ కథానాయకుడిగా నటిస్తున్న తుప్పరివాలన్‌ చిత్రంలో ప్రతినాయకిగా నటిస్తోంది. ఈ చిత్రం తప్ప మరో చిత్రాన్ని ఆండ్రియా అంగీకరించలేదు. కారణం తరమణి చిత్రం విడుదల తరువాత ఇతర చిత్రాలను అంగీకరించాలని నిర్ణయించుకుందట. ఆ చిత్రం విడుదల కోసం చాలా ఆసక్తిగా ఎదురుచూస్తున్నట్లు ఆండ్రియా పేర్కొన్నారు.


 అంజలి, ఆండ్రియా, వసంత్‌ రవి ముఖ్యతారలుగా రామ్‌ దర్శకత్వంలో రూపొందిన తమిళ సినిమా ‘తారామణి’ను అదే పేరుతో తెలుగు ప్రేక్షకులకు అందిస్తున్నారు నిర్మాత డి. వెంకటేష్‌. ఆయన మాట్లాడుతూ– ‘‘ప్రస్తుతం సమాజంలో మహిళలు ఎదుర్కొంటున్న సమస్యల నేపథ్యంలో ఈ సినిమా ఉంటుంది.
 
 టెక్నాలజీ మాయలో పడి యువత ఎలా ప్రవర్తిస్తున్నారు? ఎలాంటి ప్రలోభాలకు లోనవుతున్నారు? దానివల్ల ఎటువంటి పరిస్థితులు ఎదుర్కొంటున్నారు? అనే అంశాలు కూడా ఉంటాయి. తమిళంలో ఈ సినిమా ట్రైలర్‌ను హీరో కమల్‌హాసన్, పాటలను రజనీకాంత్‌ విడుదల చేశారు. ట్రైలర్, పాటలకు మంచి స్పందన వచ్చింది. ఈ నెలలోనే సినిమా విడుదలకు సన్నాహాలు చేస్తున్నాం’’ అన్నారు.


 గాయని సుచిత్ర
 పెరంబూర్‌ (చెన్నై): ‘నా ప్రాణానికి ముప్పు ఉంది. ఇంట్లో కూడా రక్షణ లేదు’ అని గాయని, నటి సుచిత్ర పేర్కొన్నారు.  నటుడు ధనుష్‌ తనతో అసభ్యంగా ప్రవర్తించాడని ట్వీటర్‌లో పేర్కొని తొలుత వివాదానికి తెరలేపిన సుచిత్ర.. తరువాత ధనుష్‌–త్రిష, అనిరుధ్‌–ఆండ్రియా, నటి హన్సిక ముగ్గురు యువకులతో రాసలీలల ఫొటోలను పోస్ట్‌ చేసి అలజడి సృష్టించారు. అనంతరం ఆ ఫొటోలను తాను విడుదల చేయలేదని, తన ట్వీటర్‌ను ఎవరో హ్యాక్‌ చేశారని పేర్కొన్నారు.
 సుచిత్ర భర్త, నటుడు కార్తీక్‌కుమార్‌ స్పందిస్తూ తన భార్య మానసికస్థితి సరిగా లేదని వివరణ ఇచ్చిన విషయం తెలిసిందే. తాజాగా ఆమె మాట్లాడుతూ.. తనకు ఇంట్లో కూడా రక్షణ లేదని, ఎవరెవరో వచ్చి బెదిరిస్తున్నారని తెలిపారు. ఒక వ్యక్తి కాలింగ్‌బెల్‌ నొక్కి కాఫీ తీసుకొచ్చానని చెప్పి తలుపు తెరవమని బెదిరించాడని చెప్పారు. ప్రశాంతంగా జీవించాలను కుంటున్న తనను ఇబ్బందులకు గురి చేస్తున్నారని వాపోయారు. చెన్నై, ఎంఆర్‌సీనగర్‌లో ఒక పబ్‌ ఉందని, అక్కడ కలుసుకునే ఒక ముఠా ఇదంతా చేస్తున్నారన్నారు.


 ‘‘నా భార్య మానసిక రోగి’’ అని గాయని సుచిత్ర భర్త, నటుడు కార్తీక్‌కుమార్‌ పేర్కొన్నారు. పలువురు సినీప్రముఖుల ఆంతరంగిక విషయాలను సోషల్‌ మీడియా ద్వారా బయట పెడుతూ గాయని సుచిత్ర  కోలీవుడ్‌లో అలజడి రేపుతున్న విషయం తెలిసిందే. ఆ మధ్య హీరో ధనుష్‌ తనతో తప్పుగా ప్రవర్తించారని, ఈ విషయాన్ని ఎప్పుడు.. ఎవరితో చెప్పడానికైనా సిద్ధమేనని తన ట్విట్టర్‌లో పేర్కొన్నారామె.
 ఆ వెంటనే ఆ వ్యాఖ్యలకు, తనకు ఎలాంటి సంబంధం లేదని, తన ట్విట్టర్‌ను ఎవరో హ్యాక్‌ చేశారని ప్లేటు ఫిరాయించారు. ఆ తర్వాత హీరో ధనుష్‌– హీరోయిన్‌ త్రిష, సంగీతదర్శకుడు అనిరుద్‌– హీరోయిన్‌ ఆండ్రియా, హీరో రానా–హీరోయిన్‌ త్రిష, బుల్లితెర నటి డీడీ (దివ్యదర్శిని) ఒక యువకునితో క్లోజ్‌గా ఉన్న దృశ్యాలను సుచిత్ర ట్విట్టర్‌లో పోస్ట్‌ చేశారు. ‘ఇవి వారి రాసలీలలు’ అంటూ ట్యాగ్‌లైన్‌ కూడా ఇచ్చారు. అలాగే వేరే వ్యక్తుల నీలి చిత్రాలను పోస్ట్‌ చేసి, రాయలేని వ్యాఖ్యలను పొందుపరిచారు. అదే విధంగా ‘వేచి చూడండి.. మరికొందరి తారల రాసలీలలను బయట పెడతా’ అంటూ పోస్ట్‌ చేయడం చిత్రపరిశ్రమలో మరింత కలకలం సృష్టించింది.
 ఈసారి గాయని సుచిత్ర భర్త, నటుడు కార్తీక్‌కుమార్‌ స్పందిస్తూ.. ఆ ఫొటోలకు, తన భార్య సుచిత్రకు ఎలాంటి సంబంధం లేదని, ఆమె ట్విట్టర్‌ను ఎవరో హ్యాక్‌ చేశారని, సంబంధించిన వారికి తాను క్షమాపణలు చెప్పుకుంటున్నానని తన ట్విట్టర్‌లో పేర్కొన్నారు. ఈ నేపథ్యంలో గాయని సుచిత్ర తన భర్త నుంచి విడిపోవడానికి సిద్ధమైందనే ప్రచారం జోరందుకుంది. అయితే అది వదంతి మాత్రమేనని కార్తీక్‌కుమార్‌ కొట్టిపారేశారు. అదే విధంగా తన భార్య మానసిక రుగ్మతతో బాధపడుతోందని ట్విట్టర్‌లో పోస్ట్‌ చేశారు. తాజాగా సుచిత్ర ట్విట్టర్‌లో మరో సంచలన వ్యాఖ్యలను పోస్ట్‌ చేశారు.
 ధనుష్, అనిరుద్‌తో పార్టీలో పాల్గొన్నానని, అప్పుడు తాను సేవించిన పానీయంలో మద్యం కలిపారని, ఆ తరువాత జరిగిన ఘోర అనుభవం గురించి చెప్పలేనని సుచిత్ర పేర్కొనడం దుమారం రేపింది. ఆ తర్వాత ఆ వ్యాఖ్యలు చేసింది ‘నేను కాదు, నా ట్విట్టర్‌ను హ్యాక్‌ చేసి ఎవరో ఇలాంటి దుష్ప్రచారం చేస్తున్నారని, వారిపై పోలీసులకు ఫిర్యాదు చేసే విషయమై చర్చిస్తున్నామ’ని సుచిత్ర పేర్కొన్నారు. మొత్తం మీద సుచిత్ర ప్రవర్తన కోలీవుడ్‌ని ఒక కుదుపు కుదిపేస్తోందనే చెప్పాలి. ధనుష్, అనిరుద్, త్రిష, ఆండ్రియా తదితరులు సుచిత్ర చేసిన వ్యాఖ్యలకు, పెట్టిన ఫొటోలకు స్పందించలేదు. కాగా.. సుచిత్ర ట్విట్టర్‌ను ఎవరూ హ్యాక్‌ చేయలేరని, ఆ విధంగా ఆమె పాస్‌వర్డ్‌ పెట్టుకున్నారని నెటిజన్లు పేర్కొనడం గమనార్హం. మరి.. సుచిత్ర ట్విట్టర్‌ హ్యాక్‌ అయ్యిందా? ఏది నిజం? ఏది అబద్ధం?
 
 ఇదిలా ఉంటే.. తన అనుమతి లేకుండా ట్విట్టర్‌ ఎకౌంట్‌ను ఇతరులు అనుసరించలేని విధంగా సుచిత్ర సెట్‌ చేసుకున్నారు.  
 – ‘సాక్షి’ చెన్నై


 హిందీ చిత్రం షమితాబ్‌ చిత్రం ద్వారా నటిగా పరిచయమైన విశ్వనటుడు కమలహాసన్ రెండవ కూతురు అక్షరహాసన్ కోలీవుడ్‌ ఎంట్రీ ఎప్పుడెప్పుడా అని తమిళ సినీ ప్రేక్షకులు ఎదురు చూస్తున్నారు. ఇలాంటి పరిస్థితుల్లో అక్షర ఒకే సారి అజిత్, విశాల్‌ చిత్రాలతో తమిళ తెరపైకి రానున్నారనే వార్త ఇక్కడి ప్రేక్షకులకు ఆనందాన్ని కలిగించింది.అయితే ఆ ఆనందం సగానికే పరిమితం అవుతోందన్నది తాజా సమాచారం.అవును విశాల్‌ చిత్రం నుంచి అక్షర వైదొలిగినట్లు కోలీవుడ్‌ వర్గాల సమాచారం. విశాల్‌ హీరోగా నటిస్తూ తన విశాల్‌ ఫిలిం ఫ్యాక్టరీ పతాకంపై నిర్మిస్తున్న చిత్రం తుప్పరివాలన్. మిష్కిన్ దర్శకత్వం వహిస్తున్న ఈ చిత్రంలో అనుఇమ్మానువేల్‌ హీరోయిన్ గా నటిస్తున్నారు. కే.భాగ్యరాజ్‌ విలన్ గా నటిస్తున్న ఇందులో ప్రసన్న, వినయ్‌ ముఖ్య పాత్రలు పోషిస్తున్నారు.
 ఒక కీలక పాత్రలో అక్షరహాసన్ ను ఎంపిక చేశారు. చిత్రం సగానికి పైగా చితీరకరణ పూర్తి చేసుకున్న తరుణంలో నటి అక్షరహాసన్  చిత్రం నుంచి వైదొలగారని తెలిసింది.ఇప్పుడా పాత్రను నటి ఆండ్రియా పోషించనున్నారట. అక్షర ఈ చిత్రం నుంచి తప్పుకోవడానికి రకరకాల కారణాలు ప్రచారంలో ఉన్నాయి. అజిత్‌ 57వ చిత్రంలో నటించడం వల్లే ఈ చిత్రానికి కాల్‌షీట్స్‌ సర్దుబాటు కాకపోవడంతో తుప్పరివాలన్  చిత్రాన్ని వదులుకున్నారని ఒక ప్రచారం.ఇక తన తండ్రి కమలహాసన్  హీరోగా నటిస్తూ దర్శకత్వం వహిస్తున్న తాజా చిత్రం శభాష్‌ నాయుడు చిత్ర షూటింగ్‌ అమెరికాలో ఒక షెడ్యూల్‌ పూర్తి చేసుకున్న తరువాత కమల్‌ అనూహ్యంగా ప్రమాదానికి గురై చికిత్స కోసం ఆస్పత్రిలో చేరి అనంతరం కొంత విశ్రాంతి తరువాత మళ్లీ చిత్ర షూటింగ్‌కు సిద్ధం అవుతున్నారు.
 కమల్‌ పెద్ద కూతురు శ్రుతిహాసన్  తొలిసారిగా ఆయనతో కలిసి నటిస్తున్న ఈ చిత్రానికి అక్షరహాసన్  సహాయ దర్శకురాలిగా పనిచేస్తున్నారు.కాబట్టి శభాష్‌నాయుడు చిత్ర షూటింగ్‌లో తన తండ్రి కమల్‌కు తన సహాయం చాలా అవసరం అని భావించిన అక్షర విశాల్‌ చిత్రం నుంచి వైదొలగినట్లు జరుగుతున్న మరో ప్రచారం. ఏదేమైనా ధనుష్‌తో వడచెన్నై, రామ్‌ దర్శకత్వంలో తరమణి చిత్రాల్లో నటిస్తున్న నటి ఆండ్రియాకు తాజాగా విశాల్‌తో నటించే అవకాశం వచ్చిందన్నమాట.


 విశాల్‌తో స్టెప్స్ వేయడానికి రెడీ అవుతున్నారు నటి ఆండ్రియా. బోల్ట్ అండ్ బ్యూటీఫుల్ నటి ఆండ్రియా అన్న విషయం తెలిసిందే. ఇంతకు ముందు కమలహాసన్‌తో వరుసగా విశ్వరూపం, విశ్వరూపం-2, ఉత్తమవిలన్ చిత్రాల్లో నటించిన ఆండ్రియా ప్రస్తుతం తరమణి, వడచెన్నై చిత్రాలతో బిజీగా ఉన్నారు. ధనుష్ హీరోగా నటిస్తున్న వడచెన్నై చిత్రంలో స్లమ్ ఏరియా యువతిగా నటిస్తున్నారని సమాచారం. పాత్ర పరంగా వేశ్య కావడంతో చాలా మోడ్రన్‌గా కనిపిస్తారని తెలిసింది. తాజాగా విశాల్‌ను డీప్‌గా ప్రేమించే వన్ సైడ్ ప్రేయసిగా నటించనున్నారని సమాచారం.
  
   ఇందులోనూ ఆండ్రియా అం దాలారబోతతో అలరించనున్నట్లు సమాచారం. విశాల్ నటించిన కత్తిసండై ని ర్మాణ కార్యక్రమాలను పూర్తి చేసుకుంది. సంక్రాంతి బరిలోకి దూకడానికి సి ద్ధం అవుతోంది. విశాల్ ప్రస్తుతం మిష్కిన్ దర్శకత్వంలో తుప్పరివాలన్ చి త్రంలో నటిస్తున్నారు. దీన్ని ఆయన తన విశాల్ ఫిలిం ఫ్యాక్టరీ పతాకం పై నిర్మిస్తున్నారన్నది గమనార్హం. ఇందులో నాయకిగా నటి రకుల్ ప్రీత్‌సింగ్ నటించనున్నట్లు ప్రచారంలో ఉంది. మరో కీలక పాత్రలో కమలహాసన్ రెండవ వారసురాలు అక్షరహాసన్ న టించనున్నారు. తాజాగా ఆండ్రియా చేరడంతో తు ప్పరివాలన్ చిత్రంపై మరింత ఆసక్తి నెలకొంది.
  


 ఒకప్పుడు తెలుగులో వరుసగా సినిమాలు చేసిన సిద్ధార్థ్ మూడు, నాలుగేళ్లుగా తమిళ చిత్రాలకే పరిమితమయ్యారు. అనువాద చిత్రాల ద్వారా మాత్రమే ఈ మధ్య తెలుగు తెరపై కనిపించారు. ఇప్పుడు సిద్ధార్థ్ ఓ త్రిభాషా చిత్రంలో నటించనున్నారు. తెలుగు, తమిళ, హిందీ భాషల్లో ఈ చిత్రం రూపొందనుంది. వయాకామ్ 18తో కలిసి ఇటాకీ ఎంటర్‌టైన్‌మెంట్ పతాకంపై ఈ చిత్రాన్ని సిద్ధార్థ్ నిర్మించనున్నారు. ఇందులో సిద్ధూ సరసన ఆండ్రియా కథానాయికగా నటించనున్నారు. మూడు భాషలకు చెందిన ప్రముఖ తారలు ఈ చిత్రంలో నటిస్తారు. మిలింద్ రావ్ దర్శకత్వంలో ఆగస్ట్‌లో ప్రారంభం కానున్న ఈ చిత్రానికి ‘ది హౌస్ నెక్ట్స్ డోర్’ అని వర్కింగ్ టైటిల్ పెట్టారు. ‘‘ఇది చాలా ఎగ్జయిటింగ్ మూవీ’’ అని ిసిద్ధార్థ్ పేర్కొన్నారు.


 ముంబై: భారత మాజీ క్రికెటర్ వినోద్ కాంబ్లితో మరోసారి చిక్కులు కొనితెచ్చుకున్నాడు. పనిమనిషిపై దాడి చేసి వేధింపులకు పాల్పర్డారనే ఆరోపణలతో కాంబ్లి, ఆయన ఆండ్రియాపై పోలీసులు కేసు నమోదు చేశారు. జీతం అడినందుకు తనపై కాంబ్లి, ఆయన భార్య దాడి చేశారని పోలీసులకు ఇచ్చిన ఫిర్యాదులో పనిమనిషి తెలిపింది.
 
 తనను మూడు రోజుల పాటు చీకటి గదిలో బంధించారని చెప్పింది. మళ్లీ తమ ఇంటి దరిదాపుల్లో కనబడొద్దని హెచ్చరించి విడిచిపెట్టారని వెల్లడించింది. తనకు రెండేళ్లుగా జీతం ఇవ్వం లేదని తెలిపింది. కాంబ్లి ఇంట్లో పనిచేస్తున్నా అక్కడే ఉంటున్నట్టు చెప్పింది. బాధితురాలి ఫిర్యాదు మేరకు కాంబ్లి, ఆండ్రియాలపై ఐపీసీ సెక్షన్ 342, 504, 506, 34 కింద కేసులు నమోదు చేశారు.


 ‘‘తెలుగు సినీ కళాకారులకు మరింత ఉపాధి దొరకాలంటే... చిన్న సినిమాలు విజయం సాధించాలి. తెలుగు సినిమా కళకళలాడేది అప్పుడే’’ అని మురళీమోహన్ అన్నారు. పృధ్వీరాజ్, ప్రతాప్‌పోతన్, ఆండ్రియా, నందిత ప్రధాన పాత్రధారులుగా అనిల్ సి.మీనన్ దర్శకత్వంలో మలయాళంలో రూపొందిన చిత్రం ‘లండన్ బ్రిడ్జ్’. ఈ చిత్రం ‘లవ్ ఇన్ లండన్’గా తెలుగులో విడుదల కానుంది. సుంకేశుల రాజాబాబు నిర్మాత. రాహుల్‌రాజ్, శ్రీవల్సన్ జె. మీనన్ స్వరాలందించిన ఈ చిత్రం పాటలను హైదరాబాద్‌లో మురళీమోహన్ ఆవిష్కరించారు.
  
 నిర్మాత మాట్లాడుతూ -‘‘సాఫ్ట్‌వేర్ ఉద్యోగం కోసం లండన్‌వెళ్లిన ఓ యువకుడికి అక్కడ ఎలాంటి పరిణామాలు ఎదురయ్యాయి? అనేది ఈ సినిమా కథ. మానవసంబంధాల నేపథ్యంలో ఈ సినిమా సాగుతుంది. త్వరలోనే సినిమాను విడుదల చేస్తాం’’ అని తెలిపారు. ‘ప్రేమకథాచిత్రమ్’ తర్వాత తనకు లభించిన మరో విజయమిదని, మలయాళంలో కూడా విజయాన్ని దక్కించుకోవడం ఆనందంగా ఉందని నందిత అన్నారు.


  సూర్య తమిళంలో ఎంత స్టార్ హీరోనో, తెలుగులో కూడా అంతే స్టార్ హీరో. శివపుత్రుడు, గజని, యముడు, సింగం-2... ఇలా ఇక్కడ కూడా ఎన్నో విజయాలను అందుకున్నారు సూర్య. ప్రస్తుతం ఆయన లింగుస్వామి దర్శకత్వంలో ‘ఆంజాన్’ సినిమా చేస్తున్నారు. సమంత కథానాయికగా నటిస్తున్న ఈ చిత్రం ‘సికిందర్’ పేరుతో తెలుగులో విడుదల కానుంది. లగడపాటి శిరీషా శ్రీధర్, తిరుపతి బ్రదర్స్ కలిసి ఈ చిత్రాన్ని తెలుగులో విడుదల చేస్తున్నారు. ఇందులో సూర్య పాత్ర చిత్రణ ఊహలకు అందని రీతిలో ఉంటుందని కోలీవుడ్ వర్గాలు అంటున్నాయి.
  
   సూర్య గత చిత్రాలను మించే బడ్జెట్‌తో సిద్దార్థ్‌రాయ్ కపూర్, ఎన్.సుభాష్‌చంద్రబోస్ ఈ చిత్రాన్ని నిర్మిస్తున్నారు. ఈ సినిమాలోని మరో ప్రత్యేకత ఏంటంటే... ఇటీవలే అనిరుథ్ స్వరసారథ్యంలో ఆండ్రియాతో కలిసి సూర్య ఈ చిత్రంలో ఓ గీతం ఆలపించారు. ఆ పాట సినిమాకే హైలైట్‌గా నిలుస్తుందని టాక్. ‘ఏక్ దో తీన్...’ అంటూ సాగే ఈ పాటను తెలుగు వెర్షన్‌లో కూడా సూర్యనే ఆలపిస్తారా? అనేది తెలియాల్సి ఉంది. తమిళ వెర్షన్ పాటలను ఈ నెల 22న విడుదల చేయనుండగా, తెలుగు వెర్షన్ గీతాలు ఈ నెల 31న విడుదల కానున్నాయి. ఆగస్ట్ 15న ‘సికిందర్’ విడుదల కానున్నట్లు సమాచారం.
  


 అదృష్టం ఉంటే అనామకులు కూడా అందలమెక్కుతారంటారు. ప్రస్తుతం తారల విషయానికొస్తే అభినయాని కంటే అదృష్టాన్ని నమ్ముకున్నవారే అధికం. నిజానికి నటనా ప్రతిభ ఉన్నా దాన్ని చాటుకునే అవకాశం రావాలన్నా మళ్లీ అదృష్టమే అవసరం అవుతుంది. అలాంటి అదృష్టం వరిం చిన హీరోయిన్లలో ఆండ్రియూ ఒకరని చెప్పవచ్చు. కోలీవుడ్‌లో హాట్ హీరోయిన్‌గా ముద్ర వేసుకున్న ఈ బ్యూటీ లైఫ్‌స్టైల్ ఇతర హీరోయిన్లకు భిన్నమని చెప్పవచ్చు. తన జీవితం తన ఇష్టం అన్నట్లు ప్రవర్తించే ఆండ్రియూ చాలాసార్లు వదంతులకు కేంద్ర బిందువుగా మారారు. అయినా తన నటనా కెరీర్‌కు ఎలాంటి భంగం కలగకపోవడం విశేషమే. అలాగే స్టార్ హీరోల సరసన నటించే అవకాశం హీరోయిన్లకు ఒకసారి లభించడమే కష్టతరం. అలాంటిది  ఆండ్రియాకు విశ్వనాయకుడు కమల్ సరసన వరుసగా మూడుసార్లు జతకట్టే అవకాశం లభించడం నిజంగా లక్కేనంటున్నాయి సినీ వర్గాలు.
 
 విశ్వరూపం, విశ్వరూపం-2 చిత్రాల్లో కమల్‌తో రొమాన్స్ చేసిన ఆండ్రియూ తాజాగా ఉత్తమ విలన్ చిత్రంలో ఆయనకు జంటగా నటిస్తున్నారు. ఈ అదృష్టానికి ఆండ్రియానే ఆశ్చర్యపోతున్నారు. నటిగా రంగప్రవేశం చేసిన తొలి రోజుల్లో కమలహాసన్ నటన చూసి అబ్బురపడేదాన్నని అలాంటి తనకు విశ్వరూపం చిత్రంలో నటించే అవకాశం కల్పించినప్పుడు ఇది కలా? నిజమా? అని కొన్ని నిమిషాలు నమ్మశక్యం కాని పరిస్థితికి లోనయ్యానన్నారు ఆండ్రియూ. కమలహాసన్‌తో నటించడం నిజంగా తన అదృష్టమే. ‘‘ఇప్పుడు నటనలో చాలా ఆరితేరాను, కమల్ లాంటి నటుడితో వరుసగా నటించే అవకాశాలు ఎంతమందికి వస్తా రుు చెప్పండి’’ అంటూ తన అదృష్టానికి పొంగిపోతున్నారు ఆండ్రియూ.  
  


  స్టార్ హీరోయిన్ ఐటమ్ సాంగ్స్‌కు చిందేయడం అనేది ఇప్పుడు సర్వసాధారణం అయిపోయింది. ఇలాంటి పాటలతో హీరోయిన్లకు అధిక మొత్తంలో ఫీజు, ప్రేక్షకులకు మోజు, సినిమాకు క్రేజు, నిర్మాతకు డబ్బు, టోటల్‌గా చిత్రం సేఫ్. ఇది ఐటమ్‌సాంగ్‌ల ఫార్ములా. ఇంతకి ఆండ్రియూ ఐటమ్‌సాంగ్ వివరాలు చెప్పలేదు కదూ. హరి దర్శకత్వం వహిస్తున్న తాజా చిత్రం పూజైలో విశాల్, శ్రుతిహాసన్ హీరో హీరోయిన్లుగా ఉన్నారు. ఈ చిత్రాన్ని విశాల్ తన విశాల్ ఫిల్మ్ ఫ్యాక్టరీ పతాకంపై నిర్మిస్తున్నారు.
  
  ఈ చిత్రంలోని ప్రత్యేక పాటతో సంచలన నటి ఆండ్రియూ విశాల్‌తో కలిసి ఆడనున్నారు. ఇంతకు ముందు కొన్ని చిత్రాల్లో గెస్ట్ రోల్‌లో తళుక్కుమన్న ఆండ్రియూ ఐటమ్ సాంగ్ చేస్తున్న తొలి చిత్రం మాత్రం ఇదే కావడం విశేషం. నా. ముత్తుకుమార్ రాసిన ఈ పాటకు యువన్ శంకర్ రాజా సంగీత బాణీలు కట్టారు. చెన్నైలో  ఒక భారీ సెట్‌లో ఈ పాటను చిత్రీకరించనున్నట్లు చిత్ర యూనిట్ వర్గాలు తెలిపాయి. ఇప్పటికే ఈ సెట్‌లో దర్శకుడు హరి చిత్రానికి సంబంధించిన పలు సన్నివేశాలను చిత్రీకరించారు.
  


 ‘‘తమిళంలో ఈ సినిమా మంచి విజయం సాధించింది. తెలుగు ప్రేక్షకులక్కూడా ఈ చిత్రం నచ్చుతుంది. సంగీత దర్శకుడు హ్యారిస్ జైరాజ్‌తో నాది హిట్ కాంబినేషన్’’ అని జీవా చెప్పారు. జీవా, త్రిష, ఆండ్రియా, వినయ్ కాంబినేషన్‌లో ఐ. అహ్మద్ దర్శకత్వంలో రూపొందిన తమిళ చిత్రాన్ని తెలుగులో ‘చిరునవ్వుల చిరుజల్లు’గా అనువదిస్తున్నారు జాని, వి.ఎస్. రామిరెడ్డి. ఈ సినిమా పాటల్ని హైదరాబాద్‌లో ఆవిష్కరించారు. సినిమా బాగా నచ్చి అనువదిస్తున్నామని నిర్మాతలు జాని, రామిరెడ్డి తెలిపారు. హ్యారిస్ జైరాజ్ సంగీతం ఆకట్టుకుంటుందని దర్శకుడు పేర్కొన్నారు. ఈ కార్యక్రమంలో తమ్మారెడ్డి భరద్వాజ్, వినయ్, కుమరన్, ప్రసన్నకుమార్, భవానీ ప్రసాద్ తదితరులు మాట్లాడారు.
  


 కథానాయికలు ముదిరితే కాస్ట్యూమ్ డిజైనర్లు అవుతారనేది సినీ పరిశ్రమ తాజా నానుడి. ఈ జాబితాలో ఒకప్పటి కథానాయిక గౌతమికి ఎప్పటినుంచో స్థానం ఉంది. కమల్‌హాసన్ నటించే సినిమాల్లో ఆయనకు కాస్ట్యూమ్స్ డిజైన్ చేసేది గౌతమి అన్న విషయం పరిశ్రమలో అందరికీ తెలుసు. తాజాగా ఆమె ఒక అడుగు ముందుకు వేసి, కథానాయిక ఆండ్రియాకు కాస్ట్యూమ్స్ డిజైన్ చేస్తున్నారు. త్వరలో మొదలు కానున్న ‘ఉత్తమ విలన్’ చిత్రంలో కమల్ సరసన ఆండ్రియా ఒక నాయికగా చేస్తున్నారు. భవిష్యత్తులో మరికొంతమంది కథానాయికలకు గౌతమి కాస్ట్యూమ్స్ డిజైన్ చేసే ఉద్దేశంలో ఉన్నారట. 
  


  సినిమాల్లో తక్కువగా కనిపించడం, వివాదాల్లో ఎక్కువగా వినిపించడం ఆండ్రియా ప్రత్యేకత. అందం, అభినయంతో పాటు చక్కని గాన పటిమ కూడా ఉన్న ఆండ్రియా... సరిగ్గా ప్రయత్నిస్తే.. స్టార్ హీరోయిన్ అనిపించుకోవడం పెద్ద విషయమేం కాదు. కానీ... ఆ విషయాన్ని పక్కన పెట్టి, వివాదాలతోనే ఎక్కువగా సావాసం చేస్తుంటుంది ఈ చెన్నయ్ సుందరి. అందరూ సిగ్గుపడే అంశాలను సైతం లైట్‌గా తీసుకోవడం ఆండ్రియా స్పెషాలిటీ. ఆ మధ్య తన కంటే చిన్నవాడైన సంగీత దర్శకుడు అనిరుథ్‌తో ప్రేమాయణం నడిపింది. వారిద్దరి చుంబన దృశ్యాలు నెట్‌లో కూడా హల్‌చల్ చేశాయి. నీకంటే చిన్నాడితో ఆ పనేంటి? అని మీడియా అనడిగితే -‘‘ఇద్దరం ఇష్టపడ్డాం.
  
   ఆ టైమ్‌లో తీసిన ఫొటోలవి. ఇప్పుడైతే అంత సీన్ లేదులే’ అని డేర్‌గా చెప్పేసి అందరినీ అవాక్కయ్యేలా చేసింది. ఆ వేడి ఇంకా పూర్తిగా చల్లారకముందే... ఇటీవల ఓ భారీ స్టేట్‌మెంటే ఇచ్చేసి మళ్లీ పెద్ద చర్చకే తెరలేపింది. వివరాల్లోకెళితే... ఈ మధ్యే ఓ కోలీవుడ్ ఛానల్ ఇంటర్‌వ్యూలో సదరు చానల్ వ్యాఖ్యాత.. ఆండ్రియాపై చిలిపి ప్రశ్నల్ని సంధించాడు. ఆ ప్రశ్నలకు దీటుగానే కాక ఘాటుగా కూడా సమాధానమిచ్చేసింది ఆండ్రియా. పెదవి ముద్దు సన్నివేశంలో నటించాల్సి వస్తే... ఏ హీరోతో ఇష్టపడతారు? అనడిగితే -‘‘రణబీర్ కపూర్’’ అని తడుముకోకుండా జవాబివ్వడమే కాక.. ‘‘రణబీర్ చాలా ముద్దుగా ఉంటాడు. అతణ్ణి చూస్తేనే కిస్ చేయబుద్ధి అవుతుంది. అలాంటి ఛాన్స్ వస్తే మాత్రం వదులుకోను’’ అని బోల్డ్‌గా చెప్పేసింది ఆండ్రియా. ఇంకేముందీ... కార్యక్రమాన్ని చూస్తున్నవారు, తీస్తున్నవారు కూడా షాక్.


 నటి ఆండ్రియా ఆటా పాట కావాలంటే పాతిక లక్షలు చెల్లించాల్సిందే. సంచలన నటీమణుల్లో ఆండ్రియా ఒకరు. ఆ మధ్య యువ సంగీత దర్శకుడితో రొమాన్స్ చేసిన దృశ్యాలు ఇంటర్‌నెట్‌లో కలకలం సృష్టిం చాయి. అయితే ఈ వ్యవహారంలో నా జీవితం నా ఇష్టం అంటూ ఖరాఖండిగా ప్రకటించి తన ప్రవర్తనను సమర్థించుకున్న ఈ బ్యూటీ విశ్వరూపం చిత్రంలో కమలహాసన్‌తో జత కట్టింది. ఆ చిత్రం విజయంతో మరిన్ని అవకాశాలు వస్తాయని పారితోషికం కూడా పెంచేయవచ్చునని ఆండ్రియా ఆశించింది. అయితే ఈ అమ్మడి ఆశలు అడి ఆశలయ్యాయి. ఒక్క అవకాశం కూడా రాలేదు. మళ్లీ కమలహాసన్ విశ్వరూపం-2లో అవకాశం ఇచ్చారు.
  
  ప్రస్తుతం ఈ చిత్రం విడుదల కోసం అత్యంత ఆసక్తిగా ఎదురు చూస్తోంది. విశ్వరూపం-2లో తన పాత్రకే అధిక ప్రాధాన్యత వుంటుందని, కమలహాసన్‌తో డ్యూయెట్ కూడా పాడినట్లు చెప్పింది. విశ్వరూపం-2 విడుదలానంతరం అయినా పారితోషికం పెంచడానికి తహతహలాడుతున్న ఆండ్రియాకు శశికుమార్ హీరోగా నటిస్తున్న బ్రహ్మన్ చిత్రంలో ఒక పాటకు ఆడే అవకాశం వచ్చింది. అయితే అందుకామె డిమాండ్ చేసిన పారితోషికం రూ.25లక్షలు. అంత పారితోషికం నిర్మాత ససేమిరా అంటే దర్శకుడు మాత్రం ఆ పాటకు ఆండ్రియా నటిస్తేనే బాగుంటుందని పట్టుపట్టారట. దీంతో చేసేదేమిలేక బ్రహ్మన్ చిత్ర నిర్మాత రూ.25 లక్షలు ఇచ్చి ఆండ్రియాతోనే పాట పాడించి ఆడించారట.  దీంతో సింగిల్ సాంగ్ అయినా ఓకే అంటుందట ఈ భామ. 
  


  టాలీవుడ్, కోలీవుడ్ పక్కన పెట్టేయడంతో మలయాళం, కన్నడ చిత్రాలవైపు దృష్టిని సారించారు శ్రీయ. ఇటీవలే ఓ మలయాళ చిత్రానికి ఆమె సైన్ చేశారు కూడా. ప్రకాశం పరత్తున్నా స్వీయ దర్శకత్వంలో ఈ చిత్రాన్ని నిర్మించనున్నారు. త్వరలోనే ఈ చిత్రం సెట్స్‌కి వెళ్లబోతోంది. అయితే... ఈ సినిమా నుంచి శ్రీయ ఉన్నట్టుండి తప్పుకున్నారు. రాకరాక వచ్చిన అవకాశాన్ని శ్రీయ వదులుకోవడం మల్లూవుడ్‌లో చర్చనీయాంశమైంది. అయితే... ఈ సినిమాలో సెకండ్ హీరోయిన్‌గా తమిళ నటి ఆండ్రియాను తీసుకోవడం వల్లే శ్రీయ ఈ సినిమాను వదులుకున్నట్లు కొత్త వార్త ప్రచారంలోకొచ్చింది. గతంలో ఓ తమిళ సినిమా విషయంలో శ్రీయ, ఆండ్రియాకు పెద్ద గొడవే జరిగిందట. అలాంటి ఆండ్రియాతో తెరను పంచుకోవడం ఇష్టం లేకే శ్రీయ ఈ సినిమాను వదులుకున్నారని మలయాళ పరిశ్రమలో అనుకుంటున్నారు. ఈ వార్తను శ్రీయ ఖండించారు. ఆ సినిమా వదులుకోవడానికి వ్యక్తిగత కారణాలే కారణమని, అంతేతప్ప ఆండ్రియా చేస్తున్న కారణంగా ఆ సినిమాను వదులుకున్నాననడం కరెక్ట్ కదని చెప్పారు శ్రీయ. 
  


 సూపర్‌స్టార్ రజనీకాంత్, పద్మశ్రీ కమల్ హాసన్ చిత్రాలు ఒకే రోజున తెరపైకొస్తే ఎలా ఉంటుంది. రసవత్తరంగా ఉంటుందంటున్నారు పంపిణీదారులు. అయితే  అలాంటి అవకాశం ఉందా? అంటే, సరైన సమాచారం ఎవ్వరికీ చిక్కడం లేదు. రజనీకాంత్ తాజాగా నటిస్తున్న చిత్రం ‘కోచ్చడయాన్’. బాలీవుడ్ బ్యూటీ దీపిక పదుకొనే హీరోయిన్‌గా నటిస్తున్న ఈ చిత్రానికి రజనీకాంత్ రెండో కూతురు సౌందర్య దర్శకత్వం వహిస్తున్నారు. త్రీడీ మోషన్ కాప్చరింగ్ పరిజ్ఞానంతో హాలివుడ్ స్థాయిలో రూపొందుతోన్న ఈ చిత్రం ప్రస్తుతం నిర్మాణానంతర కార్యక్రమాలు జరుపుకుంటోంది. ఈ చిత్రాన్ని రజనీ పుట్టిన రోజైన డిసెంబరు 12న విడుదల చేయడానికి సన్నాహాలు జరుగుతున్నట్లు సమాచారం. 
  
 రజనీ ద్విపాత్రాభినయం చేస్తున్న ఈ చరిత్రాత్మక భారీ చిత్రం కోసం ప్రపంచ వ్యాప్తంగా ఆసక్తి నెలకొంది. కాగా కమల్ హాసన్ స్వీయ దర్శకత్వంలో తెరకెక్కిస్తున్న ప్రతిష్టాత్మక చిత్రం ‘విశ్వరూపం-2’. ఆండ్రియా, పూజాకుమార్ హీరోయిన్లుగా నటించిన ఈ చిత్రం నిర్మాణానంతర కార్యక్రమాలు జరుపుకుంటోంది. పాటలను వచ్చే నెలలోను, చిత్రాన్ని డిసెంబరులోనూ విడుదల చేయడానికి కమల్ సన్నాహాలు చేస్తున్నట్లు సమాచారం. అయితే రెండు భారీ చిత్రాలను ఒకేసారి విడుదల చేయడం సరైన విధానమేనా అనే ప్రశ్నకు కాదనే సమాధానం వస్తుంది. 
  
 ఇప్పుడు  మాత్రం రజనీ, కమల్ చిత్రాలు ఒకే రోజునే విడుదల చేయాలనే ఆకాంక్షను పంపిణీదారులు వ్యక్తం చేస్తున్నారు. అందుకు వారు చెప్పే కారణం ఇతర స్టార్ హీరోల చిత్రాలకు, రజనీ, కమల్ చిత్రాలకు వ్యత్యాసం ఉంటుందన్నదే. ఇతర హీరోల చిత్రాలు ఒకేసారి విడుదలయితే వాటిలో బాగున్న చిత్రమే థియేటర్లలో నిలబడుతుందటున్నారు. రజనీ, కమల్ చిత్రాలు అలా కాదని, ఎన్నో అంచనాలతో కూడిన ఈ చిత్రాలు హౌస్‌ఫుల్‌గా ప్రదర్శితం కావడం ఖాయం అని అంటున్నారు. అదేవిధంగా తమిళనాడులోని 700 థియేటర్లలోనూ ఈ రెండు చిత్రాలనే ప్రదర్శించవచ్చునని పేర్కొంటున్నారు. ఇతర హీరోల చిత్రాలకు ఇది సాధ్యం కాదంటున్నారు. చూద్దాం... ఏం జరుగుతుందో!?