బాలీవుడ్‌ నటి ఓ అభిమానిపై తీవ్ర ఆగ్రహం వ్యక్తం చేసింది. ప్రముఖ ఓటీటీ సంస్థ జీ5 ఐదేళ్ల వార్షికోత్సవంలో ముంబయిలో జరిగింది. ఈ వేడుకల్లో పాల్గొన్న నటి అహన కుమ్రా నడుముపై ఓ అభిమాని చేయి వేశారు. ఈ చర్య అహన కుమ్రాకు కోపం తెప్పించింది. దీంతో డోంట్ టచ్‌ మీ అంటూ అభిమానిపై ఆగ్రహం వ్యక్తం చేసింది. ఈ వీడియో సోషల్ మీడియాలో షేర్ చేయగా తెగ వైరలవుతోంది.  (ఇది చదవండి: బుల్లితెర హీరోయిన్‌ వెండితెరపైకి.. వరుస ఛాన్సులు) ఇది చూసిన నెటిజన్స్ అభిమాని చేసిన పనిని తప్పుబడుతున్నారు. ఆ సమయంలో అహనా చాలా వేగంగా స్పందించిందని ప్రశంసిస్తున్నారు. ఎవరైనా పర్మిషన్ లేకుండా అలా తాకడం తప్పని చెబుతున్నారు.   కాగా.. అమితాబ్ బచ్చన్ ప్రధాన పాత్రలో నటించిన యుధ్ అనే టీవీ షోతో అహన మంచి గుర్తింపు తెచ్చుకున్నారు. ది యాక్సిడెంటల్ ప్రైమ్ మినిస్టర్, ఇండియా లాక్ డౌన్ లాంటి చిత్రాల్లో కూడా ఆమె నటించారు. ప్రస్తుతం ఆమె షరీబ్ హష్మీతో కలిసి క్యాన్సర్ అనే చిత్రంలో నటించనున్నారు.  (ఇది చదవండి: ఆ దేవుడు నన్ను కరుణించలేదు: జబర్దస్త్‌ యాంకర్‌ ఎమోషనల్‌) View this post on Instagram A post shared by Aahana S Kumra (@aahanakumra)

ఆహన కుమ్రా... ఓటీటీ ప్లాట్‌ఫామ్‌లో అయినా..  సిల్వర్‌ స్క్రీన్‌ మీద అయినా ఒక్కసారి ఆమెను చూస్తే గూగుల్లో  ఆమె మూవీస్‌ లిస్ట్‌ వెదుక్కొని మరీ చూడాల్సిందే. అదీ ఆహనా ప్రత్యేకత. అభినయంతో మాత్రమే సుపరిచితమైన  కళాకారిణి.  పుట్టింది... లక్నోలో. పెరిగింది.. ముంబైలో. తండ్రి సుశీల్‌ కుమ్రా. ల్యుపిన్‌ లిమిటెడ్‌లో వైస్‌ ప్రెసిడెంట్‌గా రిటైర్‌ అయ్యారు. తల్లి సురేశ్‌ కుమ్రా. ఉత్తర్‌ ప్రదేశ్‌ పోలీస్‌ శాఖలో డీఎస్‌పీగా రిటైరయ్యారు. ఆహనాకు ఒక చెల్లి శివాని, తమ్ముడు కరణ్‌.  అర్హతలు..  కామర్స్‌లో డిగ్రీ, థియేటర్‌లో డిప్లొమా, విజ్లింగ్‌ వుడ్స్‌ ఇంటర్నేషనల్‌ ఇన్‌స్టిట్యూట్‌లో యాక్టింగ్‌ కోర్స్‌ చేసింది. చిన్నప్పటి నుంచీ నటన మీద ఆసక్తి ఉండడంతో స్కూల్లో ఉన్నప్పుడే పృథ్వి థియేటర్‌లో జాయిన్‌ అయింది. కాలేజ్‌ చదువు తర్వాత ప్రముఖ బాలీవుడ్‌ నటుడు నసీరుద్దీన్‌ షా ‘థియేటర్‌ కంపెనీ ‘మోట్‌లే’లో నటించడం మొదలుపెట్టింది. ఆహనాకు పేరుతోపాటు బుల్లితెర అవకాశాలూ తెచ్చిపెట్టిన నాటకాలు ‘బై జార్జ్‌’, ‘సోనా స్పా’, ‘ఆర్మ్స్‌ అండ్‌ ది మ్యాన్‌’ మొదలైనవి. థియేటర్‌లో పనిచేస్తూనే టీవీ కమర్షియల్స్‌కూ సైన్‌ చేసింది ఆహనా.  తొలి టీవీ సీరియల్‌... యుద్‌. ఫస్ట్‌ షార్ట్‌ ఫిల్మ్‌ ... ‘మై’. ఈ రెండింటిలో ఆహనా కనబరిచిన నటన ఆమెను సినిమా తారను చేయడంతోపాటు ఓటీటీ స్టార్‌డమ్‌నూ అందించాయి.  గుర్తింపునిచ్చిన సినిమాలు.. ది బ్లూబెర్రీ హంట్, ది యాక్సిడెంటల్‌ ప్రైమ్‌ మినిస్టర్, లిప్‌స్టిక్‌ అండ్‌ మై బుర్ఖా. వెబ్‌ సిరీస్‌ డెబ్యూ.. అఫీషియల్‌ చూక్యాగిరీ (యూట్యూబ్‌ సిరీస్‌) అభిమానులను పెంచిన వెబ్‌సిరీస్‌.. ఇన్‌సైడ్‌ ఎడ్జ్, ఇట్‌ హ్యాపెన్డ్‌ ఇన్‌ హాంకాంగ్, అఫీషియల్‌ సీఈఓగిరీ, రంగ్‌బాజ్, బాంబర్స్, యువర్స్‌ ట్రూలీ.  అభిరుచులు.. పుస్తకాలు చదవడం, ప్రయాణాలు, స్విమ్మింగ్, కొత్త ప్రదేశాల్లో కాలి నడకన తిరగడం. ‘‘యాక్టింగ్‌ ఫీల్డ్‌లోని కొన్ని పరిస్థితుల వల్ల నా కెరీర్‌ డిస్టర్బ్‌ అయ్యింది. కుంగిపోయాను. ఒకానొక సమయంలో ఆత్మహత్యకూ సిద్ధపడ్డాను’ అని చెప్పింది ఆహనా కుమ్రా  2018 మీటూ ఉద్యమసమయంలో.

షారుక్‌ ఖాన్‌ నిర్మాతగా ఫుల్‌ స్పీడ్‌లో ఉన్నారు. కానీ, హీరోగా చేసే కొత్త ప్రాజెక్ట్‌ను అంగీకరించడానికి మాత్రం టైమ్‌ తీసుకుంటున్నారు. ఆల్రెడీ ‘బార్డ్‌ ఆఫ్‌ బ్లడ్, క్లాస్‌ ఆఫ్‌ 83’ సినిమాలను నెట్‌ఫ్లిక్స్‌ కోసం నిర్మిస్తున్న ఆయన తాజాగా ఓ హారర్‌ సిరీస్‌కు సహ నిర్మాతగా వ్యవహరించనున్నారని తెలిసింది. ‘బీతాల్‌’ టైటిల్‌తో తెరకెక్కనున్న ఈ సిరీస్‌లో వినీత్‌ కుమార్‌ సింగ్, ఆహనా కుమ్రా ముఖ్య పాత్రల్లో నటించనున్నారు. రాధికా ఆప్టే ‘గౌల్‌’ సిరీస్‌ను డైరెక్ట్‌ చేసిన ప్యాట్రిక్‌ గ్రహం ఈ చిత్రానికి దర్శకుడు. త్వరలో షూటింగ్‌ స్టార్ట్‌ కానుంది. షారుక్‌ సినిమాల విషయానికి వస్తే అట్లీ దర్శకత్వంలో ఓ సినిమలో నటించడానికి గ్రీన్‌ సిగ్నల్‌ ఇచ్చారని సమాచారం.

న్యూఢిల్లీ : మాజీ ప్రధాన మంత్రి మన్మోహన్‌ సింగ్‌ జీవితం ఆధారంగా బాలీవుడ్‌లో ‘ది యాక్సిడెంటల్‌ ప్రైమ్‌ మినిస్టర్‌’  అనే చిత్రం తెరకెక్కుతున్న విషయం తెలిసిందే. ఈ సినిమాలో మన్మోహన్‌ సింగ్‌ పాత్రలో ప్రముఖ నటుడు అనుపమ్‌ ఖేర్‌, సోనియా గాంధీగా జర్మన్‌ నటి సుజేన్‌ బెర్నెర్ట్‌, మన్మోహన్‌ భార్య గుర్షరన్‌ కౌర్‌ పాత్రలో దివ్య సేథ్‌ నటిస్తున్నారు. తాజాగా ఈ సినిమాలో రాహుల్‌ గాంధీ, ప్రియాంక గాంధీ పాత్రల్లో ఎవరో కూడా తెలిసిపోయింది. కాంగ్రెస్‌ పార్టీ అధినేత రాహుల్‌ గాంధీగా అర్జున్‌ మాథూర్‌, ప్రియాంక గాంధీగా ఆహానా కుమ్రా నటిస్తున్నారు. మన్మోహన్‌ సింగ్‌తో రాహుల్‌ గాంధీ, అతని సోదరి ప్రియాంక గాంధీ మాట్లాడుతున్నా ఫోటోను అనుపమ్ ఖేర్ తన ట్విట్టర్ ద్వారా షేర్ చేశారు. ఈ ఫోటోలో అర్జున్‌, ఆహానా కుమ్రా అచ్చం రాహుల్‌, ప్రియాంకలానే ఉన్నారు. ఆహానా కుమ్రా మాట్లాడుతూ.. ‘ఈ చిత్రంలో ప్రియాంక గాంధీగా నటించడం సంతోషంగా ఉంది. అది చాలా ప్రాధాన్యత ఉన్న పాత్ర. ఈ సినిమాలో అన్ని పాత్రలో నిజజీవితంలో ఉన్నవారే కాబట్టి వారిలా మారడం, నటించడం చాలా అవసరం’  అని అన్నారు. మన్మోహన్ సింగ్ కు మీడియా సలహాదారుగా వ్యవహరించిన సంజయ్ బారు రాసిన పుస్తకం 'ది యాక్సిడెంటల్‌ ప్రైమ్‌ మినిస్టర్‌ : ది మేకింగ్‌ అండ్‌ అన్‌మేకింగ్‌ ఆఫ్‌ మన్మోహన్‌సింగ్‌' ఆధారంగా ఈ చిత్రాన్ని తెరకెక్కిస్తున్నారు. విజయ్‌ రత్నాకర్‌ గట్టీ దర్శకత్వం వహిస్తున్న ఈ సినిమాను బొహ్రా బ్రదర్స్‌ నిర్మిస్తున్నారు. సలీమ్‌-సలైమన్‌ సంగీతం అందిస్తున్న ఈ సినిమాను 2019 ఎన్నికల నేపథ్యంలో డిసెంబర్‌ 21న విడుదల చేసేందుకు సన్నాహాలు చేస్తున్నారు.


 సాక్షి, సినిమా : నేటి తరం హీరోహీరోయిన్లు సోషల్‌ మీడియాలో ఎంత చురుకుగా ఉంటున్నారో ప్రత్యేకంగా చెప్పనక్కర్లేదు. సినిమాల దగ్గరి నుంచి వారి వారి వ్యక్తిగత విషయాల దాకా ప్రతీ అంశాన్ని ఫ్యాన్స్‌తో పంచేసుంటున్నారు. తాజాగా ఆ జాబితాలో బాలీవుడ్‌ నటి అహనా కుమ్రా కూడా చేరిపోయింది. 
  
 వివాదాస్పద చిత్రంగా వార్తల్లో నిలిచిన లిప్‌స్టిక్‌ అండర్‌ మై బుర్ఖాలో అహనా నటించిన విషయం తెలిసిందే. చిత్రంలో ఆమె నటనకు గానూ విమర్శకుల ప్రశంసలు దక్కాయి. ఇక ప్రస్తుతం ఆస్ట్రేలియాలో నిర్వహిస్తున్న డార్విన్‌ ఇంటర్నేషనల్‌ ఫిల్మ్‌ ఫెస్టివల్‌కు అహనా హజరైంది. అక్కడ ఖాళీ సమయంలో సాగర తీరాన రంగు రంగుల బికినీలో సరదగా గడుపుతూ.. ఆ ఫోటోలను ఇన్‌స్టాగ్రామ్‌లో షేర్‌ చేసింది. అంతే మొన్నటిదాకా కాస్త సన్నగా కనిపించిన ఆమె లావు అయ్యిందంటూ పలువురు కామెంట్లు చేశారు.
  
 వర్కవుట్‌ చేయాలంటూ.. జిమ్‌కు వెళ్లాలంటూ... ఇలా పలువురు ఆమె ఫోటోకు బదులు ఇచ్చారు. అయితే అవి మరీ శ్రుతి మించినట్లు కనిపించటంతో స్పందించిన అహనా... మరో ఫోటోను ఇన్‌స్టాగ్రామ్‌లో పోస్ట్ చేసింది. ‘ఈ లోకాన్ని మనం మార్చగలమా? లేక లోకమే మనల్ని మారుస్తుందా?’ అంటూ సందేశం ఉంచింది. ప్రస్తుతం రెండు చిత్రాల్లో నటిస్తున్న అహనా, స్టార్ హీరో సరసన నటించే అవకాశం కూడా దక్కించుకున్నట్లు ఓ వార్త చక్కర్లు కొడుతోంది.
  
 అహనా కుమ్రా ఇన్‌స్టాగ్రామ్‌