పక్కనే జైలు గదిలో నరమాంస భక్షకుడు!

నిన్న మొన్నటి వరకు ఆయన తిరుగులేని వ్యాపారవేత్త. ప్రపంచ స్మార్ట్‌ఫోన్ సామ్రాజ్యాన్ని ఏకఛత్రాధిపత్యంగా ఏలారు. కానీ ఇప్పుడు జైలు గోడల మధ్య జీవితం గడుపుతున్నారు. దక్షిణ కొరియా అధ్యక్షుడికి లంచం ఇవ్వజూపిన నేరంలో శాంసంగ్ గ్రూప్ అధిపతి జే లీని పోలీసులు అరెస్టు చేసిన విషయం తెలిసిందే. నేరాలు చేసిన కోటీశ్వరులు, సీరియల్ కిల్లర్లు ఉండే జైల్లో ఆయనను పెట్టారు. లీ పక్క సెల్‌లో ఉండేది ఒక నరమాంస భక్షకుడు. ఆయనకు ఫోన్ గానీ, కంప్యూటర్ గానీ ఏమీ ఇవ్వలేదు. దాదాపు రోజంతా తన సెల్‌లో ఉండిపోవాల్సిందే. అయితే తన న్యాయవాదితో మాత్రం ఎంతసేపు కావాలంటే అంతసేపు వేరే గదిలో మాట్లాడుకోవచ్చు.