అప్పులబాధతో యువరైతు ఆత్మహత్య

నల్లగొండ: అప్పుల బాధతో యువరైతు ఆత్మహత్య చేసుకున్నాడు. ఈ సంఘటన నల్లగొండ జిల్లా ఆత్మకూరు(ఎం) మండలం సింగారం గ్రామంలో బుధవారం జరిగింది. వివరాలు.. గ్రామానికి చెందిన వెంకటేశం(28) తనకున్న నాలుగెకరాల భూమిలో వ్యవసాయం చేసుకుంటూ జీవనం సాగిస్తున్నాడు. ఈ క్రమంలో ఈ సంవత్సరం తన భూమితో పాటు మరో ఐదెకరాల భూమిని కౌలుకు తీసుకొని పత్తి పంట వేశాడు. దీని కోసం రూ. 5 ల క్షల వరకు అప్పు చేశాడు. సరైన వర్షాలు లేక విత్తనాలు మొలకెత్తకపోవడంతో.. మనస్తాపం చెందిన వెంకటేశం ఈరోజు పొలం దగ్గర పురుగుల మందు తాగి ఆత్మహత్య చేసుకున్నాడు.

విషయం గమనించిన స్థానికులు పోలీసులకు సమాచారం అందించారు. మృతునికి భార్యా ఇద్దరు పిల్లలున్నారు.