♦ సభ నుంచి సస్పెండ్ కావాలన్నదే వారి వ్యూహం
♦ కాంగ్రెస్ అంటేనే దళారుల పార్టీ: డిప్యూటీ సీఎం కడియం
♦ ప్రాజెక్టులు ఆపేందుకు మొండిగా వ్యవహరిస్తున్నారు: మంత్రి తుమ్మల
సాక్షి, హైదరాబాద్: ‘2013 భూసేకరణ చట్టం చేసిన కాంగ్రెస్.. పేరు తమకే రావాలన్న దుర్బుద్ధితో, రాష్ట్ర ప్రభుత్వం తీసుకువచ్చిన 2016 భూసేకరణ, పునరావాస చట్టానికి అడ్డుపడుతోంది. రాష్ట్రాలు మార్పులు చేసుకోవచ్చని 2013 చట్టంలోనే ఉంది. కేంద్రం సూచించిన సవరణల కోసం జరిపిన ప్రత్యేక అసెంబ్లీ సమావేశంలో అడ్డుపడాలనే ఉద్దేశంతో ఇతర అంశాలపై చర్చకు పట్టుబట్టింది.
శనివారం నాటి బీఏసీ సమావేశంలో అంగీకరించి రాత్రికి రాత్రి కుట్రలు పన్నారు. మార్షల్స్ను నెట్టేశారు, నినాదాలు చేశారు, కాంగ్రెస్వి నీతిమాలిన రాజకీయాలు కావా’ అని ఉప ముఖ్యమంత్రి కడియం శ్రీహరి తీవ్రస్థాయిలో మండిపడ్డారు. పంటల ధరలు, ముఖ్యంగా మిర్చి ధరలపై మాట్లాడాలని కాంగ్రెస్ కోరిందని, ఇందుకు మరో సమావేశం పెట్టుకుందామని సీఎం కేసీఆర్ బీఏసీలోనే చెప్పారని వివరించారు.
టీఆర్ఎస్ ఎల్పీ కార్యాలయంలో మంత్రి తుమ్మల నాగేశ్వర్రావుతో కలసి కడియం విలేకరులతో మాట్లాడారు. టీఆర్ఎస్ ప్రభుత్వం రైతులకు శాపంగా మారిందంటూ పీసీసీ చీఫ్ ఉత్తమ్కుమార్రెడ్డి చేసిన వ్యాఖ్యలను ఖండిస్తున్నామన్నారు. ‘రైతులకు గిట్టుబాటు ధర లేకుండా చేసింది ఎవరు, రైతులు రోడ్డెక్కేలా చేసింది ఎవరు, ఎరువులు, విత్తనాల కోసం రైతులు అల్లాడేలా చేసింది ఎవరు, విద్యుత్ కోతలపై ఆందోళనలు చేసేలా పాలించింది ఎవరు, ఈ కాంగ్రెస్ కాదా’ అని ఎద్దేవా చేశారు.
రైతును రాజును చేసేందుకు తమ ముఖ్యమంత్రి మూడేళ్లుగా వినూత్న పథకాలను ప్రవేశ పెడుతున్నారని, మరి టీఆర్ఎస్ ప్రభుత్వం రైతులకు శాపంగా ఎలా మారిందో చెప్పాలని ప్రశ్నించారు. చవకబారు ప్రకటనలు మానుకోవాలని హితవు పలికారు. రైతు వ్యతిరేక దళారుల టీఆర్ఎస్ అని కాంగ్రెస్ వర్కింగ్ ప్రెసిడెంట్ అంటున్నారని, అసలు కాంగ్రెస్ అంటేనే దళారుల పార్టీ అని ధ్వజమెత్తారు. రూ.వందల కోట్ల అవినీతికి పాల్పడిన పార్టీ అని విమర్శించారు. సభకు సస్పెండ్ కావాలనే వ్యూహంతో కాంగ్రెస్ వచ్చిందని, బిల్లును పాస్ చేసుకోవాలన్న వ్యూహంతో తాము వచ్చామని, తామే సక్సెస్ అయ్యామని పేర్కొన్నారు.
ప్రాజెక్టులను అడ్డుకుంటున్నారు: మంత్రి తుమ్మల
కాంగ్రెస్ పరిస్థితి ‘మొగన్ని కొట్టి మొగసాలకు ఎక్కిన’ అన్న చందంగా ఉందని, అన్నింటికీ మూలం ఆ పార్టీనే అని మంత్రి తుమ్మల ఆరోపించారు. రైతు వ్యతిరేక పార్టీ కాంగ్రెస్ మాత్రమేనని, దళారులను ప్రోత్సహించడం వారి పేటెంట్ అని విమర్శించారు. రైతు కష్టాలకు కారణం కాంగ్రెస్ కాబట్టే రైతులు వారికి శిక్ష వేశారని ఎద్దేవా చేశారు. సాగునీటి ప్రాజెక్టులను పూర్తి చేద్దామనుకుంటుంటే భూసేకరణ చట్టం సవరణలను అడ్డుకుంటారా అని ఆగ్రహం వ్యక్తం చేశారు.
బిల్లును అడ్డుకోవడం అంటే సాగునీటి ప్రాజెక్టులను అడ్డుకోవడమేనన్నారు. కేంద్రం కనీస మద్దతు ధర (ఎంఎస్పీ) ప్రకటించిన అన్ని పంటలను తెలంగాణ ప్రభుత్వం కొనుగోలు చేసిందని, మిర్చికి మాత్రం ఎంఎస్పీని ప్రకటించలేదని తెలిపారు. ఎంసీపీని ప్రకటించాలని కేంద్రాన్ని కోరామని అన్నారు. అయినా దేశంలోని అన్ని రాష్ట్రాల్లో కంటే తెలంగాణలోనే మిర్చికి అత్యధిక ధర చెల్లిస్తున్నామని చెప్పారు. భవిష్యత్తు శూన్యంగా కనిపించి ప్రాజెక్టులను ఆపడానికి కాంగ్రెస్ నేతలు మొండిగా వ్యవహరిస్తున్నారని ఆయన పేర్కొన్నారు.
కాంగ్రెస్వి నీతిమాలిన రాజకీయాలు
Published Mon, May 1 2017 2:10 AM
Advertisement
మారిన క్రెడిట్ కార్డ్ నిబంధనలు.. మే 1 నుంచి అమల్లోకి..
గోబెల్స్ స్ఫూర్తితో.. ప్రధాని మోదీపై జైరాం ఆగ్రహం
ఇక ‘వందే మెట్రో’.. రైల్వే కీలక అప్డేట్
దిగ్గజ బ్యాంకర్ అభయ్ ఐమా కన్నుమూత
హైదరాబాద్లో భారీగా పెరిగిన ఆఫీస్ లీజింగ్
అతి త్వరలోనే గ్రేట్ సమ్మర్ సేల్.. స్మార్ట్ఫోన్లపై భారీ డిస్కౌంట్లు!
Shankar-Ram Charan Movie: సరికొత్త పాత్రలో చెర్రీ
నిమిషానికి 500 గంటల కంటెంట్ అప్లోడ్.. యూట్యూబ్ ప్రస్థానం ఇదే..
కొత్త రకం ఏటీఎంలు.. భారత్తో తొలిసారి
ఉత్తరాఖండ్ టూరిజం ఆధర్వంలో ‘నక్షత్ర సభ’: థ్రిల్లింగ్ అనుభవం కావాలంటే!
Lok Sabha Election 2024: యాదవ భూమిలో ఎస్పీకి అగ్నిపరీక్ష
పీఠమెక్కేదెవరో..?
మెరుగైన వైద్యసేవలు అందించాలి
ఉచిత శిక్షణను సద్వినియోగం చేసుకోవాలి
బాబు మట్టికొట్టుకు పోతాడు
● పెన్షన్ డబ్బుల కోసం పండుటాకుల కష్టాలు ● బ్యాంకు చుట్టూ తప్పని ప్రదక్షిణలు ● ఆటోల్లో తిరగలేక నీరసిస్తున్న వృద్ధులు ● మండే ఎండల్లో అభాగ్యుల ముప్పుతిప్పలు ● ఎంత పనిచేశావు చంద్రబాబూ అంటూ కన్నీరుపెడుతున్న అవ్వాతాతలు
● ఆగమోక్తం..భాష్యకారుల ఉత్సవం
పేదల ప్రభుత్వాన్ని ఆశీర్వదించండి
మాపై ఎందుకంత కక్ష
నేడు పలమనేరుకుసీఎం వైఎస్ జగన్
తప్పక చదవండి
- అమిత్ షా డీప్ఫేక్ వీడియో.. తెలంగాణ నుంచే వైరల్
- Nyrika Holkar: గోద్రెజ్ సైనిక... నైరిక
- వైఎస్సార్సీపీ దూకుడు
- గ్యారంటీ, ష్యూరిటీల పేరుతో వ్యక్తిగత లబ్ధి ప్రచారానికి బ్రేక్
- కరెంటు కోతల్లేవ్ నిరంతరాయంగా విద్యుత్ సరఫరా చేస్తున్నాం
- Rachana Banerjee: దీదీ కాదు... దీదీ నంబర్వన్
- పట్టభద్రుల ఎమ్మెల్సీ బీఆర్ఎస్ అభ్యర్థిగా ఏనుగుల రాకేశ్రెడ్డి
- రగులుతున్న క్యాంపస్లు!
- దశ దిశ మార్చే విజన్ అంటే ఇదే కదా!
- కేకేఆర్ చేతిలో ముంబై ఓటమి.. ప్లే ఆఫ్స్ నుంచి ఔట్?
Advertisement