ప్రచారం పరిసమాప్తం!

Election Campaign Closed - Sakshi

చివరిరోజు ర్యాలీల హోరు

పట్టణాల్లో జన జాతర

మంథనిలో కాంగ్రెస్‌ బహిరంగ సభ

కాటారంలో టీఆర్‌ఎస్‌ రోడ్‌షో

ఓటర్లకు తాయిలాలు షురూ..

సాక్షి, పెద్దపల్లి: ముందస్తు ఎన్నికల ప్రక్రియలో మరో కీలక ఘట్టం ముగిసింది. ప్రచారం పరిసమాప్తమైంది. చివరిరోజు జిల్లాలో అన్ని పార్టీలు ర్యాలీలతో హోరెత్తించాయి. మంథనిలో కాంగ్రెస్‌ పార్టీ భారీ బహిరంగ సభ నిర్వహించగా, కాటారంలో టీఆర్‌ఎస్‌ రోడ్‌షో చేపట్టింది. పోలింగ్‌కు ఒకరోజు ముందు అభ్యర్థులంతా బలప్రదర్శనకు దిగారు. ప్రచారపర్వం ముగియడంతో షరా మామూలుగానే తాయిలాలు, మంతనాలతో మరింత బలపడేందుకు అభ్యర్థులు ప్రయత్నాలు మొదలు పెట్టారు. అదే సమయంలో ఓటర్లకు పంచేందుకు వస్తున్న మద్యాన్ని పోలీసులు స్వాధీనం కుంటున్నారు. 

ర్యాలీల హోరు
ఎన్నికల ప్రచారం చివరిరోజున అన్ని పార్టీలు ర్యాలీలు, రోడ్‌షో, బహిరంగసభలతో హోరెత్తించాయి. పోలింగ్‌కు కొద్ది గంటల ముందు, తమకున్న చివరి అవకాశాన్నిసద్వినియోగం చేసుకొనేందుకు భారీగా బలప్రదర్శనకు దిగాయి. జిల్లా కేంద్రమైన పెద్దపల్లిలో టీఆర్‌ఎస్, కాంగ్రెస్, బీజేపీ అభ్యర్థులు దాసరి మనోహర్‌రెడ్డి, చింతకుంట విజయరమణారావు, గుజ్జుల రామకృష్ణారెడ్డి భారీ ప్రదర్శన నిర్వహించారు. రైల్వేస్టేషన్‌ సమీపం నుంచి ప్రారంభమైన టీఆర్‌ఎస్‌ ర్యాలీ, బస్టాండ్, కమాన్‌ మీదుగా జెండా చౌరస్తా, మసీదు చౌరస్తా నుంచి అయ్యప్ప దేవాలయం వరకు సాగింది. పార్టీ అభ్యర్థి దాసరి మనోహర్‌రెడ్డితోపాటు, ఎమ్మెల్సీ టి.భానుప్రసాద్‌రావు, మాజీ ఎమ్మెల్యే బిరుదు రాజమల్లు, మున్సిపల్‌ చైర్మన్‌ ఎల్‌.రాజయ్య, గోపగాని సారయ్యగౌడ్‌ తదితరులు ర్యాలీలో పాల్గొన్నారు. రంగంపల్లి వద్ద ప్రారంభమైన కాంగ్రెస్‌ పార్టీ ర్యాలీ కమాన్‌ నుంచి జెండా చౌరస్తా, మసీదు చౌరస్తా మీదుగా అయ్యప్పఆలయం వద్ద ముగిసింది. అభ్యర్థి చింతకుంట విజయరమణారావుతోపాటు నాయకులు సి.సత్యనారాయణరెడ్డి, ఈర్ల కొమురయ్య, వేముల రామ్మూర్తి తదితరులు పాల్గొన్నారు. బీజేపీ ర్యాలీ బస్టాండ్‌ సమీపం నుంచి ప్రారంభమై కమాన్, జెండా చౌరస్తా నుంచి మసీదు చౌరస్తా మీదుగా అయ్యప్ప ఆలయం వరకు సాగింది.

పార్టీ అభ్యర్థి గుజ్జుల రామకృష్ణారెడ్డితోపాటు బీజేపీ జిల్లా అధ్యక్షుడు కాసిపేట లింగయ్య, మాజీ అధ్యక్షుడు మీస అర్జున్‌రావు తదితరులు పాల్గొన్నారు. గోదావరిఖనిలో టీఆర్‌ఎస్, కాంగ్రెస్, ఫార్వర్డ్‌ బ్లాక్‌ అభ్యర్థులు సోమారపు సత్యనారాయణ, మక్కాన్‌సింగ్‌ రాజ్‌ఠాకూర్, కోరుకంటి చందర్‌ ర్యాలీలు నిర్వహించారు. తిలక్‌నగర్‌లో ప్రారంభమైన కోరుకంటి చందర్‌ ర్యాలీ, రమేశ్‌నగర్, కల్యాణ్‌నగర్, మెయిన్‌చౌరస్తా మీదుగా, పవర్‌హౌజ్‌కాలనీ నుంచి ఐబీ కాలనీ వరకు సాగింది. సోమారపు సత్యనారాయణ జీఎం కాలనీ, బాపూజీనగర్, జ్యోతినగర్, విఠల్‌నగర్, ఎన్‌టీఆర్‌ నగర్‌లో నిర్వహించిన ర్యాలీల్లో పాల్గొన్నారు. ఫైవ్‌ఇంక్లయిన్‌ నుంచి మొదలైన మక్కాన్‌సింగ్‌ రాజ్‌ఠాకూర్‌ ర్యాలీ, తిలక్‌నగర్, జవహర్‌నగర్, మెయిన్‌ చౌరస్తా, ఎన్‌టీపీసీ మీదుగా రామగుండం చేరుకుంది.  

బహిరంగసభ... రోడ్‌షో
మంథనిలో కాంగ్రెస్‌ పార్టీ భారీ బహిరంగ సభ నిర్వహించగా, టీఆర్‌ఎస్‌ రోడ్‌షో చేపట్టింది. కాంగ్రెస్‌ పార్టీ అభ్యర్థి, మాజీ మంత్రి దుద్దిళ్ల శ్రీధర్‌బాబుకు మద్దతుగా మంథని శివారులో కాంగ్రెస్‌ నిర్వహించిన బహిరంగసభలో ఆ పార్టీ స్టార్‌ క్యాంపెయినర్, సినీనటి విజయశాంతి పాల్గొన్నారు. ఇటీవల సీఎం కేసీఆర్‌ బహిరంగ సభ నిర్వహించిన స్థలంలోనే కాంగ్రెస్‌ పార్టీ కూడా బహిరంగ సభ  ఏర్పాటు చేసింది. టీఆర్‌ఎస్‌ అభ్యర్థి పుట్ట మధు నియోజకవర్గంలోని కాటారంలో రోడ్‌షో నిర్వహించారు.

జోరుగా ప్రచారం
ఎన్నికల నోటిఫికేషన్‌ వెలువడిన నాటినుంచి జిల్లాలో ప్రచారం హోరెత్తింది. టీఆర్‌ఎస్, కాంగ్రెస్, బీజేపీల అభ్యర్థులతోపాటు, రాష్ట్ర, జాతీయ స్థాయి నేతలు ప్రచారానికి జిల్లాకు వచ్చారు. ఇతర పార్టీలతో పోల్చి తే ఎక్కువ సభలను నిర్వహించి, ప్రచార విషయంలో టీఆర్‌ఎస్‌ కాస్త ముందుంది. పార్టీ అభ్యర్థుల తరఫున గులాబీ బాస్, ఆపద్ధర్మ ముఖ్యమంత్రి కేసీఆర్, రాష్ట్ర మంత్రి కేటీఆర్, డిప్యూటి సీఎం మహమూద్‌అలీ ప్రచారం చేపట్టారు. పెద్దపల్లి, రామగుండం, మంథని నియోజకవర్గాల్లో ఏర్పాటు చేసిన బహిరంగసభల్లో కేసీఆర్‌ పాల్గొన్నారు. కేటీఆర్‌ పెద్దపల్లి, రామగుండంలో నిర్వహించిన బహిరంగ సభలకు హాజరయ్యారు. మహమూద్‌అలీ పెద్దపల్లిలో మైనార్టీలతో సమావేశమయ్యారు. కాంగ్రెస్‌ పార్టీ తరఫున రేవంత్‌రెడ్డి ప్రచారసభలు కచ్చితంగా ఉంటాయని ప్రచారం జరిగినా అవి రద్దయ్యాయి. స్టార్‌ క్యాంపెయినర్, సినీనటి విజయశాంతి సుల్తానాబాద్‌లో రోడ్‌షో నిర్వహించగా, మంథనిలో బహిరంగసభలో పాల్గొన్నారు. బీజేపీ తరఫున ఆ పార్టీ జాతీయ అధ్యక్షుడు అమిత్‌షా, పరిపూర్ణానందస్వామి సభలు నిర్వహించేందుకు సన్నహాలు జరిగినా అనివార్యకారణాలతో జరుగలేదు. బీజేపీ జాతీయ నాయకురాలు, కేంద్ర మంత్రి స్మృతి ఇరానీ గోదావరిఖనిలో బహిరంగసభకు హాజరయ్యారు. 

ఒట్టేసి చెప్పు ఓటేస్తానని...
ప్రచారం ముగియడంతో తాయిలాలతో ఓటర్లను మచ్చిక చేసుకొనేందుకు ప్రయత్నాలు మొదలయ్యా యి. ఓటర్లను నేరుగా ప్రభావితం చేసేందుకు చోటా మోటా నాయకుల సహకారాన్ని అభ్యర్థులు తీసుకుం టున్నారు. గంపగుత్త ఓట్లకు గాలం వేసేందుకు పెద్ద ఎత్తున హామీలిస్తున్నారు. ఇదే సమయంలో కొంతమంది అభ్యర్థులు ఒకడుగు ముందుకేసి ఓటర్లతో ఒట్టు వేయించుకుంటున్నారు. తాయిలాలు అందిస్తూ, తమకే ఓటు వేయాలని మాట తీసుకుంటున్నారు. కాగా పో లింగ్‌కు ముందు మద్యం, నగదు సరఫరా అధికంగా ఉంటుండడంతో అధికారులు, పోలీసులు గట్టి నిఘా పెట్టారు. అక్రమంగా తరలిస్తున్న మద్యాన్ని పట్టుకుం టున్నారు. ఓటర్లను ప్రలోభపెట్టే మద్యం, నగదును నియంత్రించేందుకు ఎన్నికల అధికారులు చర్యలు చేపట్టారు. ఇప్పటికే ఆటోట్రాలీ, వ్యాన్‌లో తరలుతున్న మద్యాన్ని సుల్తానాబాద్, బసంత్‌నగర్‌ ప్రాంతాల్లో పోలీసులు, ఎక్సైజ్‌ పోలీసులు పట్టుకున్నారు. 

 

మరిన్ని వార్తలు

06-12-2018
Dec 06, 2018, 12:51 IST
సాక్షి, కామారెడ్డి అర్బన్‌: పోలింగ్‌ కేంద్రంలో ప్రిసైడింగ్‌ అధికారితో సహా నలుగురు సిబ్బంది ఉంటారు.  పోలింగ్‌ బూత్‌లో సిబ్బంది ఇలా.. బూత్‌లో మొదటి...
06-12-2018
Dec 06, 2018, 12:48 IST
సాక్షి, నల్లగొండ : ‘మా నాన్న తెలంగాణ కోసం మంత్రి పదవిని వదులుకున్నాడు.. 11 రోజులు ఆమరణ దీక్ష చేశాడు.....
06-12-2018
Dec 06, 2018, 12:35 IST
సాక్షి, త్రిపురారం : టీఆర్‌ఎస్‌ పార్టీ ఎన్ని కుట్రలు పన్నినా సాగర్‌ నియోజకవర్గంలో కాంగ్రెస్‌ గెలుపును ఎవరూ ఆపలేరని నాగార్జునసాగర్‌...
06-12-2018
Dec 06, 2018, 12:26 IST
సాక్షి, నల్లగొండ : కాంగ్రెస్‌ పార్టీ అధికారంలోకి రాగానే మున్నూరు కాపులకు ప్రత్యేక కార్పొరేషన్‌ ఏర్పాటు చేస్తామని మాజీ మంత్రి...
06-12-2018
Dec 06, 2018, 12:19 IST
సాక్షి, హైదరాబాద్‌ : కంటోన్మెంట్‌ కాంగ్రెస్‌ అభ్యర్థి సర్వే సత్యనారాయణకు చెందిన రూ.50లక్షల నగదును పోలీసులు సీజ్‌చేశారు. సర్వే ప్రధాన...
06-12-2018
Dec 06, 2018, 12:16 IST
సాక్షి, నల్లగొండ రూరల్‌ : ఎంతో వెనుకబడిన నల్లగొండ ప్రాంతానికి కృష్ణా తాగునీరు అందించిన ఘనత కోమటిరెడ్డిదే అని నల్లగొండ...
06-12-2018
Dec 06, 2018, 12:07 IST
సాక్షి, చండూరు : తనకు సంపాదన అసలే  వద్దు.. నియోజక వర్గం అంటే ఎంతో అభిమానమని, ప్రజాసేవకు అంకితం కావాలనే...
06-12-2018
Dec 06, 2018, 12:02 IST
సాక్షి, రామన్నపేట: వరంగల్‌ రామన్నపేటలోని జ్యోతిష్యుడు కాళేశ్వరం సుమన్‌శర్మ ఇంట్లో రూ.2.12 లక్షల నగదును స్వాధీనం చేసుకున్నట్లు మట్టెవాడ ఇన్‌స్పెక్టర్‌ జీవన్‌రెడ్డి...
06-12-2018
Dec 06, 2018, 11:57 IST
సాక్షి, చండూరు : మహాకూటమి బలపర్చిన కాంగ్రెస్‌ అభ్యర్థికి ధన బలం .. తనకు జన బలం ఉందని టీఆర్‌ఎస్‌...
06-12-2018
Dec 06, 2018, 11:49 IST
సాక్షి, రంగారెడ్డి జిల్లా: ఈనెల ఏడో తేదీన జరిగే శాసనసభ ఎన్నికల్లో ప్రతి ఒక్కరూ తమ ఓటు హక్కును వినియోగించుకోవాలని జిల్లా...
06-12-2018
Dec 06, 2018, 11:48 IST
కోహెడ(హుస్నాబాద్‌):  కోహెడలో ఉన్న వైన్స్‌షాపుల ఎదుట బుధవారం వినియోగదారులు మద్యం కోసం భారీగా క్యూ కట్టారు. అసెంబ్లీ ఎన్నికల నింబంధనల...
06-12-2018
Dec 06, 2018, 11:47 IST
సాక్షి, జనగామ: రాజకీయ పార్టీలు ఓటర్లను తమ వైపు తిప్పుకునేందుకు విశ్వప్రయత్నాలు చేస్తున్నాయి. అందులో భాగంగా సాంకేతిక పరిజ్ఞానం ఉపయోగిస్తూ ఓటర్లకు...
06-12-2018
Dec 06, 2018, 11:25 IST
సాక్షి, మిర్యాలగూడ : మిర్యాలగూడ నియోజకవర్గాన్ని రాష్ట్రంలోనే ఆదర్శ నియోజకవర్గంగా తీర్చిదిద్దుతానని ప్రజా కూటమి బలపర్చన కాంగ్రెస్‌ పార్టీ అభ్యర్థి...
06-12-2018
Dec 06, 2018, 11:22 IST
నంగునూరు(సిద్దిపేట):  నిద్రలో కూడా సిద్దిపేట గురించే ఆలోచించే మీ హరీశ్‌రావును రికార్డు మెజార్టీతో గెలిపించాలని హరీశ్‌రావు అన్నారు. బుధవారం...
06-12-2018
Dec 06, 2018, 11:17 IST
సాక్షి, భూపాలపల్లి అర్బన్‌: జిల్లాలో ఎన్నికల ప్రచారం ముగియడంతో పచ్చ నోట్ల పర్వానికి తెరలేచింది. గెలుపే లక్ష్యంగా పెట్టుకున్న అభ్యర్థులు తమ...
06-12-2018
Dec 06, 2018, 11:08 IST
సాక్షి, నేరేడుచర్ల : టీఆర్‌ఎస్‌ పార్టీతోనే బంగారు తెలంగాణ సాధ్యమని హుజూర్‌నగర్‌ నియోజకవర్గ టీఆర్‌ఎస్‌ ఎమ్మెల్యే అభ్యర్థి శానంపూడి సైదిరెడ్డి...
06-12-2018
Dec 06, 2018, 11:06 IST
దుబ్బాకటౌన్‌: దుబ్బాక నియోజకవర్గంలో రాజకీయాలు ఆసక్తికరంగా మారాయి. గెలుపు కోసం ప్రధాన పార్టీల అభ్యర్థులు సర్వశక్తులు ఒడ్డుతున్నారు. ప్రచార పర్వం...
06-12-2018
Dec 06, 2018, 10:56 IST
సాక్షి, సంస్థాన్‌ నారాయణపురం : మునుగోడు నియోజకవర్గాన్ని అన్ని రకాలుగా అభివృద్ధి చేస్తానని కాంగ్రెస్‌ పార్టీ ఎమ్మెల్యే అభ్యర్థి కోమటిరెడ్డి...
06-12-2018
Dec 06, 2018, 10:51 IST
సాక్షి, హన్మకొండ అర్బన్‌:  పోలింగ్‌ బూత్‌ల వారీగా ఓటర్లకు ఫొటో ఓటర్‌ స్లిప్పులు పంపిణీ చేశారు.  అయినా పోలిగ్‌ సమయంలో ఆ...
06-12-2018
Dec 06, 2018, 10:39 IST
సిద్దిపేటజోన్‌: ‘ఇప్పటికి రెండుసార్లు లక్షలోపు మెజార్టీ ఇచ్చి సిద్దిపేట నియోజకవర్గ ప్రజలు అక్కున చేర్చుకున్నారు. ఈసారి చరిత్రను తిరగరాసే తీర్పు...
Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top