అదరగొట్టే ఫీచర్లతో రెడ్ మి4 లాంచ్

రెడ్ మి  నోట్ 4, రెడ్ మి 4ఏ గ్రాండ్ సక్సెస్ అనంతరం మరో అఫార్డబుల్ స్మార్ట్ ఫోన్ ను అదరగొట్టే ఫీచర్లతో షియోమి భారత మార్కెట్లోకి లాంచ్ చేసింది. రెడ్ మి 4 పేరుతో ఈ ఫోన్ ను మార్కెట్లోకి తీసుకొచ్చింది.  మూడు ర్యామ్, స్టోరేజ్ వేరియంట్లలో దీన్ని లాంచ్ చేసింది. 2జీబీ ర్యామ్+16జీబీ స్టోరేజ్ ను 6,999 రూపాయలకు, 3జీబీ ర్యామ్+32జీబీ స్టోరేజ్ ను 8,999 రూపాయలకు, 4జీబీ ర్యామ్+64జీబీ స్టోరేజ్ ను 10,999రూపాయలకు ఈ ఫోన్ అందుబాటులోకి వస్తోంది. రెడ్ మి 3ఎస్, 3ఎస్ ప్రైమ్ సక్సెసర్ గా ఇది మార్కెట్లోకి వచ్చింది. మే 23 నుంచి ఈ ఫోన్ అమెజాన్.ఇన్, ఎంఐ.కామ్ రెండు ఆన్ లైన్ స్టోర్లలో విక్రయానికి రానుంది. ఎంఐ హోమ్ స్టోర్ నుంచి అయితే మే 20 నుంచే అందుబాటులో ఉండనుంది. ఆసక్తిగల వినియోగదారులు నేటి నుంచే ఈ ఫోన్ ను ఎంఐ.కామ్ ఉచితంగా బుక్ చేసుకోవచ్చని కంపెనీ పేర్కొంది.