నోకియా కొత్త ఫోన్ భారత్లోకి వచ్చేసింది!

ఒకప్పుడు మొబైల్ ఫోన్ రంగంలో తిరుగులేని బ్రాండ్ నోకియా. స్మార్ట్ ఫోన్ల ఆగమనంతో నోకియా బ్రాండ్ తన వైభవం కోల్పోయింది. తాజాగా తన పునర్వైభవం కోసం నోకియా కొత్త కొత్త ఫోన్లతో మార్కెట్లోకి వస్తోంది. గత డిసెంబర్ లో నోకియా బ్రాండ్ లో హెచ్ఎండీ గ్లోబల్ లాంచ్ చేసిన నోకియా 150, నోకియా 150 డ్యూయల్ సిమ్ ఫీచర్ ఫోన్లలో, నోకియా 150 డ్యూయల్ సిమ్ ఫీచర్ ఫోన్ను భారత మార్కెట్లోకి అందుబాటులోకి తెచ్చింది. అమెజాన్ ఇండియా, ఫ్లిప్ కార్ట్ లో దీన్ని అమ్మకానికి ఉంచింది. దీని ధర రూ.2059గా హెచ్ఎండీ గ్లోబల్ పేర్కొంది. నోకియా 150 డ్యూయల్ సిమ్ ఫీచర్స్ కలిగిన ఈ ఫోన్, ఫ్లిప్ కార్ట్ లో తెలుపు లేదా నలుపు రంగుల్లో లభ్యమవుతుండగా.. అమెజాన్ ఇండియాలో కేవలం నలుపు రంగు ఫోన్ మాత్రమే అందుబాటులో ఉంది.