తీర్పులెలా ఇచ్చేది?

న్యూఢిల్లీ: నగరంలోని ప్రభుత్వ ఫోరెన్సిక్ ల్యాబ్ పనితీరుపై రాష్ట్ర అత్యున్నత ధర్మాసనం అసంతృప్తి వ్యక్తం చేసింది. క్రిమినల్ కేసులకు సంబంధించి ల్యాబ్ ఇచ్చే నివేదికల కోసం సంవత్సరాల తరబడి ఎదురుచూడాల్సి వస్తోందని, పనితీరు చాలా అసంతృప్తికరంగా ఉందని పేర్కొంది. ప్రధాన న్యాయమూర్తి ఎన్‌వీ రమణ, న్యాయమూర్తి మన్మోహన్‌లతో కూడిన ధర్మాసనం రాష్ట్ర ప్రభుత్వం సమర్పించిన ఓ అఫిడవిట్‌పై స్పందిస్తూ ఈ వ్యాఖ్యలు చేసింది. నివేదికలు ఇచ్చేందుకు సంవత్సరాల తరబడి సమయం తీసుకుంటే క్రిమినల్ కేసులు పరిష్కారమయ్యేదెలా? తీర్పులు ఇచ్చేదెలా? అని ధర్మాసనం ప్రశ్నించింది. కోర్టుకు సమర్పించిన అఫిడవిట్ ప్రకారం... నగరంలోని రోహిణి ప్రాంతంలో రాష్ట్ర ప్రభుత్వం నిర్వహిస్తున్న ఏకైక ల్యాబ్ మాత్రమే క్రిమినల్ కేసులకు సంబంధించిన నివేదికలు ఇస్తోంది.