క్రిస్ గేల్ రికార్డును బ్రేక్ చేసిన కోహ్లీ

క్రిస్ గేల్ రికార్డును బ్రేక్ చేసిన కోహ్లీ

న్యూఢిల్లీ: సూఫర్ ఫామ్లో ఉన్న రాయల్ చాలెంజర్స్ బెంగళూరు కెప్టెన్ విరాట్ కోహ్లీ మరో రికార్డు సృష్టించాడు. ఈ ఐపీఎల్ సీజన్లో మూడు సెంచరీలు చేసి, ఓ సీజన్లో ఈ ఘనత సాధించిన తొలి బ్యాట్స్మన్గా విరాట్ నిలిచిన సంగతి తెలిసిందే. ఓ ఐపీఎల్ సీజన్లో అత్యధిక పరుగులు (752) చేసిన బ్యాట్స్మన్గా కోహ్లీ తాజాగా మరో రికార్డు నెలకొల్పాడు. రాయల్ చాలెంజర్స్ బెంగళూరుకే చెందిన విధ్వంసక ఆటగాడు క్రిస్ గేల్ (733) పేరిట ఉన్న ఈ రికార్డును విరాట్ బద్దలుకొట్టాడు.

సోమవారం కోల్కతా నైట్రైడర్స్తో జరిగిన మ్యాచ్లో విరాట్ (51 బంతుల్లో 75) అజేయ హాఫ్ సెంచరీ చేయడంతో గేల్ రికార్డు తెరమరుగైంది. ఈ సీజన్లో కోహ్లీ 12 మ్యాచ్ల్లోనే 752 పరుగులు చేయడం విశేషం. కోల్కతా మ్యాచ్లో బెంగళూరు ఘన విజయం సాధించిన సంగతి తెలిసిందే.

ఓ ఐపీఎల్ సీజన్లో అత్యధిక పరుగుల వీరులు

విరాట్ కోహ్లీ 752
క్రిస్ గేల్ 733
మైఖేల్ హస్సీ 733
క్రిస్ గేల్ 708
రాబిన్ ఊతప్ప 660