సాకేత్‌కు సన్మానం

సనత్‌నగర్: ఆసియా క్రీడల్లో స్వర్ణ, రజత పతకాలు సాధించిన తెలుగు తేజం, భారత డేవిస్ కప్ టెన్నిస్ జట్టు సభ్యుడు సాకేత్ మైనేనికి ప్రముఖ సీఏ విద్యా సంస్థ మాస్టర్‌మైండ్స్ యాజమాన్యం అభినందనలు తెలిపింది. ఈ సందర్భంగా సాకేత్‌ను ఆ సంస్థ కార్యాలయంలో డెరైక్టర్ మట్టుపల్లి మోహన్ సన్మానించారు. అనంతరం మాట్లాడుతూ ప్రపంచంలో ఏ మూలకెళ్ళినా, ఏ రంగంలో ఉన్నా తెలుగువాడు తన సత్తా చాటుతూ భారతదేశ గొప్పతనాన్ని నిలబెడుతూనే ఉంటాడని అన్నారు. క్రీడల్లో రాణించాలనుకునే యువతకు సాకేత్ సాధించిన విజయాలు స్ఫూర్తిదాయకంగా నిలుస్తాయన్నారు. కార్యక్రమంలో మాస్టర్ మైండ్స్ ఇన్‌చార్జి శ్రీనివాసరావు, అంజిరెడ్డి, శేషగిరిరావు తదితరులు పాల్గొన్నారు.