అఫ్గాన్‌తో టెస్ట్‌; మహ్మద్ షమీకి షాక్‌

Mohammed Shami Out From India-Afghan Test As Navdeep Saini In - Sakshi

సాక్షి, ముంబై: టీమిండియా పేసర్‌ మహ్మద్‌ షమీకి మరో ఎదురుదెబ్బ తగిలింది. భార్య హసీన్ జహాన్‌తో గొడవలకుతోడు గాయాలతోనూ సతమతం అవుతోన్న షమీని అఫ్గనిస్తాన్‌ టెస్టు నుంచి తొలగించారు. ఫిట్‌నెస్‌ నిరూపించుకోవడంలో విఫలమైన కారణంగా అఫ్గాన్‌తో టెస్టు నుంచి షమీని తప్పిస్తున్నట్లు బీసీసీఐ సోమవారం ప్రకటించింది. షమీ స్థానంలో ఢిల్లీకి చెందిన ఆల్‌రౌండర్‌ నవదీప్‌ సైనీని సెలక్షన్‌ కమిటీ ఎంపిక చేసిందని బోర్డు తెలిపింది. మొన్నటి ఐపీఎల్‌లో సైనీ బెంగళూరు రాయల్‌ చాలెంజర్స్‌ తరుఫున ఆడిన సంగతి తెలిసిందే.

భార్యతో విబేధాలు తారాస్థాయికి: మహ్మద్ షమీ, ఆయన భార్య హసీన్ జహాన్‌ల మధ్య సంబంధాలు మరింతగా దెబ్బతిన్నాయి. రంజాన్ తర్వాత షమీ రెండో పెళ్లి చేసుకోబోతున్నాడని జహాన్‌ ఆరోపించిగా, ‘ఒక్క పెళ్లి చేసుకొనే నానా ఇబ్బందులు పడుతుంటే.. రెండో పెళ్లా? మరో అమ్మాయిని పెళ్లి చేసుకోవడానికి నేనేమైనా పిచ్చోడిలా కనిపిస్తున్నానా? అని షమీ సోషల్‌ మీడియాలో బదులిచ్చాడు.

Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top